ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (1)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

стли безгрешно изнова преосвящатися, един архиерей когда пременяется от единыя епархии на другую? Понеже Патриарх Никон егда на Патриаршество поставился, преосвящался опять, сиречь хиротонисался явно пред всеми.

Три тайны есть, которые дают знамение, которые николи не грешится и не износится: крещение и миропомазание и священство. Ради чего поется, что знамение не изыдет из человека, что когда один есть во священстве, естли умер а опосля воскрес опять не освящал бы ся болше; потому что имеет знамение на души своей. Но всегда и тот, который не впрямь освящен или не впрямь окрещен, того опять посвящают и крестят потому, что как тот не принял священства, как и тот крещения. Чтый правила святых апостол где сыщеш, яко аще епископ или священник когда б крестил опять извержется, потому что падет в ересь новокрещенцов и преступают святое исповедание веры, в котором говорим и исповедаем едино крещение во оставление грехов, едино а не двое крещение свидетелствуем и проповедаем. Убо и архиерей который освящается дважды, свержется, понеже едино есть архиерейское священие и един Пресвятый Дух, который помазал внутреннюю якоже и апостолов в день пянтикостия хиротонисал и посвятил пастыри и учителие. Убо едино от двоих: аще ли архиерейство не имел преже того Никон, прежде Патриаршества, а будет ли имел священство архиерейское, а приимал опять, есть тым сам извержен; для того что дважды принимал священство архиерейское против заповеди церковной и отеческаго предания и извычая всей Вселенской Соборной Церкви.

В предисловии вашем написано: рече Господь наш Иисус Христос: Аз есмь путь и живот и истина, и прочая.

Да почто начасте от истины все написасте неистинно, якоже впреди покажется; но познаете, яко вы отца вашего диавола есте, и похоти отца вашего хощете творити. Он (л. 2 об.)⁵⁹⁰ человекоубийца бе искони и во истине не стоит, яко несть истины в нем, егда глаголет лжу, от своих глаголет, яко лож есть и отец лжи. Рцы ми, Симеоне, которыя книги тебе повелевают на мя о безвестных свидетелствовати.

Господу⁵⁹¹ глаголющу: не судите, да не судими будете, ким же бо судом судите, осудитеся.

Не⁵⁹² судите, и не осудитеся, не осуждайте, и не осуждени будете.

Тем⁵⁹³ же не прежде времени судите, дондеже приидет Господь, иже просветит тайная тмы и явит советы сердечныя, и тогда похвала будет коемуждо от Бога.

Подобало тебе, Симеоне, первие себе (л. 3)⁵⁹⁴ исправити якове любо согрешении. Господу глаголющу: что же видиши сучец во очеси брата твоего, бервна же во очеси твоем не чюеши. Или како речеши брату своему: остави, да изму сучец из ока твоего, и се бервно во оце твоем. Лицемере, изми первие бервно из очесе твоего и тогда прозриши изъяти сучец из очесе брата твоего.

Тем⁵⁹⁵ же безответен еси, о человече, всяк судяй. Вем же, яко суд Божий воистину на творящая таковая. Помышляеши ли се, о человече, судяй таковая, яко ты убежиши ли суда Божия? Ныне о сем умолчим.

Ты убо, о Паисею, глаголеши, пиша болярину (л. 3 об.)⁵⁹⁶ Симеону Стрешневу, яко выучени есмь от Иерусалимскаго началоучителя Христа моего проповедати истину, как на настречах⁵⁹⁷ , как в церковных местех на амвонех поставил есмь дать сей мой ответ. И проч.

Повелено ти есть в своей области и епархии учити и проповедати, а не идеже приидешь, без воли святейших вселенских патриарх.

Господу⁵⁹⁸ глаголющу: Аз от Бога изыдох и приидох, не бо от себе приидох, но Он мя посла.

Ови⁵⁹⁹ убо разсеяни бывше от скорби, бывшая при Стефане, приидоша до Финикия и Кипра и Антиохия, никому же глаголюще слово, разве единем июдеом.

(л. 4)⁶⁰⁰ Павел⁶⁰¹ , раб Иисус Христов, зван апостол, отлучен во благовествование Христово.

Како⁶⁰² же услышат без проповедающаго, како же проповедят, аще не послани будут.

Павел⁶⁰³ апостол Иисус Христов по повелению Бога и Спаса нашего.

Тебе же кто повеле семо приити, учити и законы новы творити.

Преходящии⁶⁰⁴ из града во град, иже от них правилом повинни суть.

Речено есть в третиемнадесяте правиле, иже во Антиохии собора, яко не дерзнути епископу преити от своея области во иную и поставити презвитера или диакона без воли сущаго во области (л. 4 об.)⁶⁰⁵ той епископа или ино что епископское творити правление: аще бо и сотворит что таково, праздно и нетвердо да пребудет, и той месть да приимет своего безчиния и извержен да будет от своего сана Святою Троицею. Тако бо и зде написаное правило повелевает.

Аще⁶⁰⁶ никим же позван, ни умолен быв епископ, во иную область отшед, и поставит презвитера или диакона или правление некоторое церковное творит, таковая нетверда и разрушена да пребудут, а он да извержется.

Многа правила обрящеши о сем (л. 5)⁶⁰⁷ возбраняюща, еже не преходити епископу от своея области во иную и поставляти в ней презвитеры и диаконы или иное что епископское творити, токмо аще где позван будет, умолен от страны тоя епископа таковое что творити. Аще же от своего дому во иную область пришед поставит презвитера или диакона или строение церковных вещей некое правление сотворит, нетвердым и разрушеным быти от него сотвореным и самаго изврещи правила повелевают.

Никоторый⁶⁰⁸ же епископ не позван во град да не приидет, и епископ с епископом, аще (л. 5 об.)⁶⁰⁹ имать прю, чюжаго епископа да не призовет, аще ли же ни, да судит Римский, ту будут чюждии.

В различных правилех речено есть, еже никому же дерзнути от своего предела во иную область преходити, аще не будет позван от области тоя митрополита и от сущих с ним епископ, тожде убо и сей святый собор повелевает. Но аще который епископ с другим епископом о некоей вещи разпрю имать, и с ним да судится пред собором тоя области, в ней же есть. И не подобает от иныя области разума ради неких епископ призывати, но от единех тоя области епископ судитися. И аще не угоден ему будет суд и мнит, яко не по праву осужен быв, судивый (л. 6)⁶¹⁰ его митрополит и епископи да возвестят Римскому Папе писанием вину и суд, како осудиша и. И аще не восхощет того суда, и той или сам разсмотрив суд, аще право осужден бысть, возвестит им писанием, аще ли ни, тамо близ их сущия области епископом повелит, да сотворше собор, судят ему паки второе.

Позван епископ от епископа позвавшему же его не вежде сущу, да не глаголет почасту в людех, порок бо есть невеждному и обругание епископии его и обое не без порока.

Без нужди тяжки бедно есть епископу свою церковь надолзе⁶¹¹ оставляти.

(л. 6 об.)⁶¹² Аще который епископ в другий град преидет, позван бысть епископом страны тоя, и аще будет позвавый его епископ невежда, не ведый добре божественых писании и учителству неискусен, позвавый епископ да не учит люди прилежно и да не глаголет в народе много божественных писаний. Таковое бо дело мятеж составляет и преобидение творит позвавшему его епископу, мнит же ся указанием таковаго учения, чюжду себе обручая церковь и люди к себе привлачая и тщася преданую ему церковь оставити и в ту преити. Сего ради убо повеле сей святый собор, да позваный епископ вящше трий недель от своея церкви да не останет, (л. 7)⁶¹³ но к порученым ему людем да возвратится, аще не некая нужда тяжка и вещь неудобна сотворит его вящше того пребыти от своея церкви.

О⁶¹⁴ епископстем закоснении и о презвитерстем и диаконстем, изложеныя заповеди да имеют силу.

Да ни который же епископ своего стада не оставляет и во инем граде вящше триех недель не пребывает, се убо и презвитером и диаконом, да и тии боле триех недель не оставляют своих церквей.

Иже⁶¹⁵ добре и богоприятне изведеная буестию поколебати покушается, (л. 7 об.)⁶¹⁶ несть епсикоп, виден же быв епископ грядый в стан, пакости да не приимет, аще позван будет прежде реченных ради грядый, аще же инако.

Иже не хранит добре и богоугодне исправленых заповедей, но буестию и гордостию ино нечто паче заповеданных творити дерзнет, и чести и сана епископскаго да извержется, понеже уже исправлено есть, инако не ходити епископу в стан царев аще не царскими грамотами позван будет. Аще убо мимо грядый епсикоп хотя ити в стан царев и обитает у другаго епископа, подобает убо епископу, у него же обитает, (л. 8)⁶¹⁷ вопросити вины шествия его, чесо ради грядет. И аще обрящет его по тому образу, якоже прежде рекохом или обидимых ради сирот же и вдовиц, да помолится о них, или иных ради таковых полезных вещей в стан царев грядет, да не спакостит ему никако же, но с честию отпустит его и да пишет о нем к сущим во области братии своей епископом всем приимати того незазорно, яко шествующа по правилом же и без соблазна. Аще же инако обрящет того в стан царев грядуща или показатися цареви хотящу или о неких непотребных вещех молитися, яже неподобна суть архиереом, не приобщатися к нему, ни грамот подписывати, (л. 8 об.)⁶¹⁸ ни промышления, ни единаго же отнюдь сподобити того.

Епископ⁶¹⁹ да не идет на он пол моря, аще от старейшины страны своея отпустную грамоту не возмет о прехождении.

Ни епископу, ни причетнику далече отходити от своея церкве несть достойно без повеления и без отпустныя грамоты митрополита своего, якоже Средческий и Лаодикийский собор повелевает.

Некия⁶²⁰ ради нужды хотя к церкви отъити да яве сия сотворит к Архидонскому епископу и Римскому и отпустное послание да возмет, аще ли ни, без общения есть.

(л. 9)⁶²¹ Епископ или причетник, аще восхощет поити к церкви, да скажет первие вину к Архидонскому епископу, ея же ради идет и возмет от него грамоту отпустную, и в Рим пришед покажет ю епископу Римскому и да явит ему вину, ея же ради идет к церкви, и той да разсудит. И аще будет подобна вина да возмет и от того грамоту, ею же от царя приимет помощь. Аще же кто от епископ или от причетник инако к церкви отъидет, да будет без общения, сиречь да отлучится. И о сем ищи правило 11 Антиохийскаго собора и 9 правило в средце собора.

Епископ⁶²² во инем граде в народе (л. 9 об.)⁶²³ не учит, аще же обрящется да престанет от епископства и презвитерская действует.

Епископ во инем граде в народе уча, понеже гордости и буести ради, преобидит ту сущаго епископа, яко тщася посрамити и уничижити и чюждий престол себе обручити, по достоянию да престанет таковый от епископства, иже бо чюждих желает, своих лишен будет и на презвитерское место свети того и презвитерская да действует. И назнаменай се когда епископ на презвитерское место сводится, ибо 29 правило Халкидонскаго собора святотатство отнюдь нарицает, еже епископа на презвитерский свести степень, и имей (л. 10)⁶²⁴ сие правило преболше вселенскаго онаго правила.

Никому⁶²⁵ же от епископ боле единаго лета от своея церкви пребыти подобает, обаче аще и то будет по цареву повелению, да не творят же извета, глаголюще, яко «церкви моя во многих обидах есть», но таковая причетники или икономы или посолники подобает исправляти. Сим же без ставилных грамот не ходити, ни пришедшим же в Царьград явитися цареви, но прежде приити ко преосвященному патриарху или коейждо области посолником, от нея же и тии суть, и тем сказати вины, ея же ради прииде, и тако потом с ними входити (л. 10 об.)⁶²⁶ к церкви. Подобает же епископом вестники великия церкве или посолники патриарховыми возвещеном бывати цареви, яко да аще или праведнаго что просив у царя получити или неправедна что не получи вскоре возвратися.

И что к сим отвещаеши, глаголи.

Како ли смел еси в чюждей епархии учити и законополагати о несведомых, еже несть ти прощено от Евангелия и святых апостол и святых отец, во Евангелии же пишется.

Отвещав⁶²⁷ убо им Иисус и рече: Мое учение несть Мое, но пославшаго Мя. Аще кто похощет волю его творити, разумеет о учении его, кое⁶²⁸ от Бога есть, или аз о себе глаголю, глаголяй о себе, (л. 11)⁶²⁹ славы своея ищет, а ищай славы пославшаго его, сей истинен есть и несть неправды в нем.

Несмы⁶³⁰ якоже нецыи корчемству слово Божие не от чистоты, яко от Бога пред Богом о Христе глаголем, утешение бо наше не от прелести, ни от нечистоты, ниже лестию, но якоже искусихомся от Бога верни быти, прияти благовествование. Сице глаголем не яко человеком угождающе, но Богу искушающему серадца нага, не бо в слове ласкания когда быхом, якоже весте, ниже виною лихоимания, Бог свидетель, ни ищуще от человек славу, ни от вас, ниже от инех могуще в тяготе быти яко Христови апостоли.

Видиши ли, яко не подобает инако (л. 11 об.)⁶³¹ учити или законополагати. Сего⁶³² ради и Господь учит, глаголя: Аминь, аминь, глаголю вам, не входяй дверми во двор овчий, но прелазя инуде тать есть и разбойник, а входяй дверми пастырь есть овцам. И по мале: Аз есмь пастырь добрый, вси елицы приидоша, татие суть и разбойницы, но не послушаша их овцы.

Но⁶³³ аще мы вам или ангел с небесе благовестит, паче еже приясте проклят да будет.

Аще⁶³⁴ кто инако учит и не приходит к здравым словесем Господа нашего Иисуса Христа, иже по благочестию и учению разгордевся ничто же сведый. И прочая.

И паки. Шедше, рече Господь, научите вся языки, крестяще их во имя (л. 12)⁶³⁵ Отца и Сына и Святаго Духа и учаще их блюсти вся елика заповедах вам. И паки рече: Шедше⁶³⁶ в мир весь проповедите Евангелие всей твари, иже веру имет и крестится, спасен будет, а иже не имет веры, осужден будет. Како вы можете веровати славу от человек приемлюще славу же, яже от единаго Бога не ищуще.

Ты убо, о Паисее, емлеши ли сим веру и аще возглаголеши, яко имаши веру писанию твоему на тя свидетелствующу странному и несведомому нами, яко от овец Христовых, но волк являешися вместо пастыря, смущая и разгоняя стадо Христово не преданое тебе, аще ли не доволно ти есть?

(л. 12 об.)⁶³⁷ К сим еще присовокупим.

Всех⁶³⁸ святых апостол купно два правила. Правило 1.

Койждо в даном ему чину да пребывает и не преступайте заповедей, не суть бо наша, но Божия. Якоже рече Господь: Слушаяй вас, Мене слушает, и слушаяй Мене, слушает пославшаго Мя, и вас отметаяйся, Мене отметается, и Мене отметаяй, отмещет пославшаго Мя.

К сим же святаго 7-го Вселенскаго собора правило 1 запрещает ниже приложити что любо или отъяти, якоже и самая истина зде явит.

Святая правила облобызающе приемлем и держим святых апостол и шестих Вселенских (л. 13)⁶⁴⁰ собор, к сим же и поместных, и еще же и святых отец наших, яко единаго Святаго Духа вдухновена. Их же прокляша проклинаем, их же извергоша, изметаем и их же отлучиша, отлучаем, им же запретиша, запрещаем.

Иже⁶⁴¹ священнический⁶⁴² получивше сан ведения же и правления канонных повелений, си есть воображения, яже приемлюще радостно с богодухновенным Давыдом поем Владыце и Богу глаголюще: на пути свидении Твоих насладихся, яко в богатстве мнозе, заповедал еси правду свидения Твоя, Владыко, вразуми мя и жив буду. И во веки пророческий глас заповедует хранити заповеди Божия и жити в них (л. 13 об.)⁶⁴³ яко непоколеблемы и недвижимы пребывают, якоже боговидец Моисей рече, в них же несть приложити и от них несть отъяти.

И⁶⁴⁴ божественный Петр в них хваляся вопиет, в ня же желают ангели приникнути. И⁶⁴⁵ Павел, аще и ангел благовестит вам паче преданаго, проклят да будет. Сим сице сущим и свидетелствующим нам радующимся о них, якоже кто обрящет корысть многу, сладкобожественыя каноны утвержаем и цело пребывание их неподвижимо утвержаем, заповеданных от святых духовных труб, прехвалных апостол и шести святых всея Вселенныя собор и поместных (л. 14)⁶⁴⁶ собравшихся, преданием тако в них повелений святых отец наших.

От единаго бо еси Святаго Духа озарени бывше, повелеша яже на ползу и их же проклятию предаша и мы проклинаем, их же извержению и мы извергаем, и их же запрещению и мы запрещаем, и их же отлучению и мы отлучаем. Не сребролюбен имуще нрав, но доволни сущими, иже возшедый на третие небо и слышав неизглаголанныя глаголы, Павел божественый апостол яве вопиет.

Неправе святых учителей Божия Церкве божественыя гласы восприемлющим и яве и явствено в них благодатию Святаго Духа реченная, инако толковати же (л. 14 об.)⁶⁴⁷ и превращати покушающимся да будут прокляти.

Такожде и святый Кирилл Александрейский глаголет: аще кто от исправления и утверженых богоносными отцы подвигнет что к тому, таковаго несть како нарещи строением, но преступление и попрание повелений и к Богу нечестие.

Отметающим гласы святых отец возгласившия ся о составлении правых догмат Божия Церкви Афанасия и Кирилла, Амвросия, Амфилохия богоглаголиваго, Леонта святейшаго архиепископа стараго Рима и прочих, еще же и Вселенских соборов деяния, четвертаго, глаголю, и шестаго не лобызающим да будет проклят.

Мы убо древнему законоположению церковному последуем, мы заповедания святых отец соблюдаем, мы прилагающих что или отъемлющих от церкве проклинаем, мы вводимое новозаконение христианохулник еретик проклинаем, мы не мудрствующих тако проклятию и анафеме предаем.

Сия суть и такова святых отец наших и учитель, яже о православной вере подвизания сих труды и болезни прият человеколюбец Господь паче всякаго плодоприношения. Блажени убо и треблажени суть вси, елицы несумненым сердцем сохраняют, яже онеми укреплена и предана быша Божественая и предания и учения. Блажени (л. 15 об.)⁶⁴⁹ убо суть, иже онеми осужденая и уничиженая омержающе и отвращающеся хулных преданий и разумения.

Глаголеши в своем ответе в предисловии.

Ответ Паисеев. Аще истина речется прение, а наипаче к тому утверждает истину, наживет на себя враги, яко Предтеча Иоанн, еже обличил беззаконнаго Ирода для того, что он держал жену брата своего еще сущу живущу, яко некия глаголют, еще и чад имел от Иродиады отроковицы и до конца погубил живот свой, тако и глава отсечеся. И на се все проповедник евангелский, а наипаче аще бы архиерей есть, должен бывает и тягость имети в душу (л. 16)⁶⁵⁰ свою, аще не будет являти и проповедати и глаголати пред царем не стыдяся.

Возражение противо ответа Паисеина.

Ты глаголеши, Паисею, аще истина речется, прение наипаче к тому утверждает, наживет на себя враги. И впреди о твоем презорстве показано не баснями, якоже ты глаголеши, но истинным свидетелством, и ныне глаголю ти. Аще бы и вина моя была кая в погрешеных от мене, но не тебе единому суд или ответ творити, ниже ты видел или слышал, что любо от мене. Писанию убо глаголющу, яко не подобает осуждати кого прежде даже не увесть и слышит опасно, яже о нем, аще и мнози (л. 16 об.)⁶⁵¹ суть оглаголующии.

Глагола⁶⁵² Никодим пришедый к Нему нощию един сый от них: Еда закон наш судит человеку, аще не слышит прежде от него и разумеет, что творит.

Якоже⁶⁵³ много дни сотворшу ему тамо, Фист цареви сказа яже о Павле, глаголя: Муж некий есть, оставлен от Филикса узник, о нем же, бывшу ми в Иерусалиме, явиша архиерее и страцы июдейстии, просяша нань пря. К ним же отвещах, яко несть обычай римляном да яти коего человека прежде даже оклеветаный пред лицем видит клеветники, место же приимет ответа о согрешении.

Ты же ни о клевете уведев, ниже (л. 17)⁶⁵⁴ о клеветнике, но единому непреподобну мужу паче прокляту, аще и сигклитик клевету прием, чрез вся святыя Божия заповеди и святых апостол и святых отец каноны на соблазн людем простым ростолковал, а не от повеленных заповедей и канонов.

В⁶⁵⁵ послушество на епископа еретик не приятен, но ни верный⁶⁵⁶ един токмо, во устех бо рече двою или триех послух станет всяк глагол.

Не токмо на оклеветание еретик несть приятен, но ни на послушество, аще един послушествует, аще и верен есть, несть приятен. И к Тимофеови великий Павел писа, тако рече: На презвитера (л. 17 об.)⁶⁵⁷ послушества не приемли, аще не пред двема или треми послухи. Мню же, ни на оклеветание, им же отпадение наводится своего сана епископу или презвитеру, не доволна на два послуха, аще и верна еста и непорочна.

Не⁶⁵⁸ искушен причетник или мирский человек, глаголя на епископа, не приятен.

Аще кто клевещет на епископа или на причетника, рекше на презвитера и диакона, подобает прежде истязати житие их, а не без испытания приимати их на оклеветание епископа. Аще причетницы суть оклеветающии или мирстии человецы да некогда будут отвержени от церкве или причащения лишени, или о гресех (л. 18)⁶⁵⁹ неких оклеветаеми сами и себе и еще не оправдивше, или инако како житие имуще порочно, или верою чюжди, рекше еретицы, мнози бо таковии церковное благочиние смясти и превратити хотяще, клеветами вины сшивают на непорочныя и правоверныя епископы и причетники. Таковыи на оклеветание не приятни.

Мирскими⁶⁶⁰ винами оплетшихся, клеветы не послушати, не приятни бо таковыи на оклеветание.

Речено есть в шестом правиле втораго Вселенскаго собора, иже в Констянтине граде собравшихся святых отец, без истязания на епископа (л. 18 об.)⁶⁶¹ клеветы не приимати, аще первое не истязани будут оклеветлющии, какова их вера, да не будут еретицы, и потом да испытается житие их, еда како познани будут отвержени сущи от церкве и причащения недостойни, или сами о своих гресех от инех оклеветаеми и себе и еще не исправлших, ни отложивше вины греховныя, о ней же оклеветани быша. Тако убо и сие правило повелевает, никого же, подвинна суща и оклеветаема о неких прегрешениих, на оклеветание епископа не приимати.

Не⁶⁶² свидетелствует отлученый.

Непорочну подобает (л. 19)⁶⁶³ быти послушествующему. Сего ради убо ни причетник, ни мирский человек, аще есть отлучен, на епископа или на причетника клеветами или послушествовати не приятен есть.

Кто же ли ныне мнит ти ся Иоанне, кто же Ирод? Аз ли лишеный законныя моея церкви Иоанн или кто владый ею Ирод? Отвещай.

Аще ли мниши ся Предтечево дело исполняя, но несть разве по причастию прелюбодейцем вспомогая.

Ваш вопрос⁶⁶⁴ : Есть ли безгрешно изнова преосвящатися? Един архиерей когда пременяется от единыя епархии на другую? И прочее.

Возражение обоим вопросу и ответу.

Ты убо, Симеоне, вопрошаеши не о своих, (л. 19 об.)⁶⁶⁵ их же ти не подобает по вышереченым правилом. Ниже ты, Паисею, ответ твориши истиною, и в сем оба истины погрешили.

Наше же возражение сим.

Не приклады пустошными, ни самомнением что любо есть.

Дващи⁶⁶⁶ поставленый и с поставлшим его да извержется, аще не будет токмо еретическая рука первая.

Аще который епископ или презвитер или диакон второе поставление приимет от кого перваго возненавидев да извержется сам и поставивый его, аще токмо не прилучится яко от еретик поставлен бе первие. Ибо от тех крещени не крещени (л. 20)⁶⁶⁷ и поставлени не причетницы.

Мы же ни своею волею на престол патриаршеский взыдохом, но общим советом царьского величества и всем священным собором избран, ни в слове ласкания, ни мздою даяния, якоже тогда исповедахомся во святей велицей церкви пред Богом и святыми Его, еже и ныне тожде глаголю. Такожде кляхомся правую веру, изложеную святыми в Никейстем соборе, такожде соблюдати ми и святых апостол и святых отец правила непреложно. Клят же ся и царьское величество, что было ему соблюдати заповеди Божия и святых апостол и святых отец и не сохрани и ниже нам попусти правилно что правити. О поставлении же патриаршеском ни было (л. 20 об.)⁶⁶⁸ моего хотения и розыскания, яко есть неподобно второе рукополагатися преходящим во ину степень, ниже яко гнушаяся Бог весть. Тем се подобает, кто рукополагает, да себе непорочны соблюдут и рукоположеным от них беды не сотворят. Обаче же в толковании правила глаголет, яко епископ или презвитер или диакон перваго возненавидев, таковый да извержется. Зде же не возгнушения ради сие тако бысть, но и устав таков преданый имеет святая соборная Церковь со многим свидетелством святейших вселенских патриарх. И не аз точию един дважды рукоположен, много прежде епископи на митрополию Рускую (л. 21)⁶⁶⁹ дващи рукоположени, аще возхощеши инде речем, ныне же взыщем от испервых како начася в царьствующем граде Москве патриаршеский стол.

Царьствующу благочестивейшему великому государю царю и великому князю Феодору Ивановичю всеа Русии и слышав от приходящих милостыни ради от вселенных еже Царяграда и прочих святых мест архиереов и архимандритов и прочих священнаго чина, яко многобедно стало православным христианом от поганых житие, разжегшеся царь Божиею любовию и собра собор преосвященнаго митрополита и архиепископы и епископы с прочими священными мужи. Совет благочестия сотвори и возвести им мысль свою, яко да устроится (л. 21 об.)⁶⁷⁰ в царьствующем граде Москве патриаршеский стол. Сия же слышав, великий архиерей и вси сущии с ним и вси велможи похвалиша царево произволение, но обаче рекоша: Благочестивый царю, аще возхощет Бог и святая ти держава, да не без совету се будет святейших вселенских патриарх. И сим коемуждо с своими митрополиты и архиепископы и епископы советовавшим писанием, между собою согласившимся, Богу помогающу, удобь таковое начинание к совершению приити возможет, понеже благочестивая ти держава и мы вси имеем сих яко столпы благочестию, аще и во области поганых суть, но святая, яко же рече писание, николи же (л. 22)⁶⁷¹ осквернена бывают.

Слышав же царь, не тяжко о сем внят, урядив послов и посла ко святейшим вселенским патриархом. И желаемое получив вскоре возвращаются, грамоты носяще, возвестиша же и се царю, яко поставления ради патриаршескаго яже в велицей России изволили святым отцам приити⁶⁷² в царьствующий град Москву единому от патриарх, наипаче же Константинополскому. В третие же лето по посланых прииде в царьствующии град Москву Иеремия, Божиею милостию архиепископ Константиняграда и вселенский патриарх, и прочии с ним. И тако вскоре Божиею милостию и всего священнаго собора избранием поставлен (л. 22 об.)⁶⁷³ бысть Иов митрополит Московский и всеа Русии патриархом, в третие рукоположен, прежде во епископы во град Коломну, таже на митрополию Московскую, таже патриархом Московским и всеа Русии. Сему свидетелствуют чиновныя книги и утвержденая грамота царя и великаго князя Феодора Ивановича всеа Русии и святейших патриарх Иеремии Константинополскаго и Иова патриарха Московскаго с прочими с пятиюдесять со двема руки подписавших и печатьми утвердившими. Егда же пресвятейший Иеремия, Божиею милостию архиепископ Константинополя и вселенский патриарх, царьствующаго Константинополя града достиже, (л. 23)⁶⁷⁴ и с прочими вселенскими треми патриархи и со инеми отцы совет благочестия сотворив, изложение написав на хартии и священных отцов рукама и печатми утвердив, того первопоставленнаго патриарха власть утвердиша и писание зело нарочито послаша с Дионисием митрополитом Тернова града и со инеми священными мужи, иже убо с четырми патриархи богоносных отец митрополитов и архиепископов и епископов подписашася числом осмьдесят два, яко да имать Церковь Божия, яже в велицей России о поставлении Патриаршества непременно. И сие написание на хартии благодатию Божиею и до днесь соблюдаемо в соборней апостольстей Церкви.

(л. 23 об.)⁶⁷⁵ Тако и Ермоген поставлен патриархом преже бывый в Казани митрополитом. Такожде и Филарет патриарх, прежде бывший Ростовский митрополит, о нем же есть свидетелство, написаное святейшим Феофаном патриархом Иерусалимским, яко второе рукоположен есть великий государь святейший Филарет патриарх Московский и всеа Русии. Есть же писаное в книге Кормчей в поставлении на 34-м листе и в самом деянии все покажется явно. От него же мнози архиерее и иерее посвящены, такожде мнози крещены, мню, яко и великий государь царь и иныя царьския чада крещены им. Еда и тии, елицы рукоположени, не ру(л. 24)коположени⁶⁷⁶ , или елицы крещени, не крещени, сызнова крестити. Отвещай, суемудрене мудрече.

Такожде Иоасаф патриарх прежде бывый Псковский архиепископ, второе на патриаршество от своих митрополит рукоположен.

Такожде и о нас, смиренных, бысть не нашим то хотением или изволением, но рукополагающих.

Смееши ли таковыя начатки взыскати, изверзи прежде святейшаго Иеремию, архиепископа Константинополскаго и вселенскаго патриарха, иже предаде таковый устав, и с ним и прочих святых патриарх подписавших и 79 митрополит и архиепископ, такожде и Феофана, (л. 24 об.)⁶⁷⁷ патриарха Иерусалимскаго изверзи тем же уставом, рукоположившаго великаго государя святейшаго Филарета Никитича патриарха Московскаго и всеа Русии, и елицы от сих рукоположени, изверзи, и елицы крещени теми, прекрести, и самаго того диадиму носящаго крести и прочих с ним. По сем же и о нас таковое невежество и о рукоположеных от нас исправи и елицы крещени нами, прекрести.

... 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 <<< Оглавление ... Следующий вопрос >>>

¹ РГАДА. Ф. 27. Д. 140. Л. 2–1039. назад

⁵⁹⁰ На верхнем поле листа киноварная помета: 1-е возражение. назад

⁵⁹¹ На левом поле листа помета: Матф. 20. назад

⁵⁹² На левом поле листа помета: Лук. 27. назад

⁵⁹³ На левом поле листа помета: 1 Кор. 130. назад

⁵⁹⁴ На верхнем поле листа киноварная помета: на 1-й вопрос и ответ. назад

⁵⁹⁵ На правом поле листа помета: Рим. назад

⁵⁹⁶ На верхнем поле листа киноварная помета: 1-е возражение. назад

⁵⁹⁷ Так в ркп. назад

⁵⁹⁸ На левом поле листа помета: Иоан. 32. назад

⁵⁹⁹ На левом поле листа помета: Деян. 28. назад

⁶⁰⁰ На верхнем поле листа киноварная помета: на 1-й вопрос и ответ. назад

⁶⁰¹ На правом поле листа помета: Рим. 79. назад

⁶⁰² На правом поле листа помета: Рим. 104. назад

⁶⁰³ На правом поле листа помета: Тит. 278. назад

⁶⁰⁴ На правом поле листа помета: лист 95. назад

⁶⁰⁵ На верхнем поле листа киноварная помета: 1-е возражение. назад

⁶⁰⁶ На левом поле листа помета: лист 67. назад

⁶⁰⁷ На верхнем поле листа киноварная помета: на 1-й вопрос и ответ. назад

⁶⁰⁸ На правом поле листа помета: лист 109. назад

⁶⁰⁹ На верхнем поле листа киноварная помета: 1-е возражение. назад

⁶¹⁰ На верхнем поле листа киноварная помета: на 1-й вопрос и ответ. назад

⁶¹¹ Написано со знаком вставки на правом поле листа. назад

⁶¹² На верхнем поле листа киноварная помета: 1-е возражение назад

⁶¹³ На верхнем поле листа киноварная помета: на 1-й вопрос и ответ. назад

⁶¹⁴ На правом поле листа помета: лист 114. назад

⁶¹⁵ На правом поле листа помета: лист 115. назад

⁶¹⁶ На верхнем поле листа киноварная помета: 1-е возражение. назад

⁶¹⁷ На верхнем поле листа киноварная помета: на 1-й вопрос и ответ. назад

⁶¹⁸ На верхнем поле листа киноварная помета: 1-е возражение. назад

⁶¹⁹ На левом поле листа помета: лист 128. назад

⁶²⁰ На левом поле листа помета: лист 159. назад

⁶²¹ На верхнем поле листа киноварная помета: на 1-й вопрос и ответ. назад

⁶²² На правом поле листа помета: лист 184. назад

⁶²³ На верхнем поле листа киноварная помета: 1-е возражение. назад

⁶²⁴ На верхнем поле листа киноварная помета: на 1-й вопрос и ответ. назад

⁶²⁵ На правом поле листа помета: лист 307. назад

⁶²⁶ На верхнем поле листа киноварная помета: 1-е возражение. назад

⁶²⁷ На левом поле листа помета: Иоан. 26. назад

⁶²⁸ Вписано между строк тем же почерком «ко». назад

⁶²⁹ На верхнем поле листа киноварная помета: на 1-й вопрос и ответ. назад

⁶³⁰ Так в ркп. назад

⁶³¹ На верхнем поле листа киноварная помета: 1-е возражение. назад

⁶³² На левом поле листа помета: Иоан. 35. назад

⁶³³ На левом поле листа помета: Гал. 199. назад

⁶³⁴ На левом поле листа помета: Тим. 287. назад

⁶³⁵ На верхнем поле листа киноварная помета: на 1-й вопрос и ответ. назад

⁶³⁶ На правом поле листа помета: Марк. 71. назад

⁶³⁷ На верхнем поле листа киноварная помета: 1-е возражение. назад

⁶³⁸ На левом поле листа помета: лист 30. назад

⁶³⁹ На левом поле листа помета: лист 208. назад

⁶⁴⁰ На верхнем поле листа киноварная помета: на 1-й вопрос и ответ. назад

⁶⁴¹ На правом поле листа киноварная помета: Никон. 1. Слово 63. назад

⁶⁴² Написано со знаком вставки на правом поле листа «священниче» вместо «чистител». назад

⁶⁴³ На верхнем поле листа киноварная помета: 1-е возражение. назад

⁶⁴⁴ На левом поле листа помета: 1 Петр. 58. назад

⁶⁴⁵ На левом поле листа помета: Гал. 199. назад

⁶⁴⁶ На верхнем поле листа киноварная помета: на 1-й вопрос и ответ. назад

⁶⁴⁷ На верхнем поле листа киноварная помета: 1-е возражение. назад

⁶⁴⁸ На верхнем поле листа киноварная помета: на 1-й вопрос и ответ. назад

⁶⁴⁹ На верхнем поле листа киноварная помета: 1-е возражение. назад

⁶⁵⁰ На верхнем поле листа киноварная помета: на 1-й вопрос и ответ. назад

⁶⁵¹ На верхнем поле листа киноварная помета: 1-е возражение. назад

⁶⁵² На левом поле листа помета: Иоан. 27. назад

⁶⁵³ На левом поле листа помета: Деян. 48. назад

⁶⁵⁴ На верхнем поле листа киноварная помета: на 1-й вопрос и ответ. назад

⁶⁵⁵ На правом поле листа помета: лист 20. назад

⁶⁵⁶ Так в ркп. назад

⁶⁵⁷ На верхнем поле листа киноварная помета: 1-е возражение. назад

⁶⁵⁸ На левом поле листа помета: лист 102. назад

⁶⁵⁹ На верхнем поле листа киноварная помета: на 1-й вопрос и ответ. назад

⁶⁶⁰ На правом поле листа помета: лист 121. назад

⁶⁶¹ На верхнем поле листа киноварная помета: 1-е возражение. назад

⁶⁶² На левом поле листа помета: лист 168. назад

⁶⁶³ На верхнем поле листа киноварная помета: на 1-й вопрос и ответ. назад

⁶⁶⁴ На правом поле листа киноварная помета: вопрос 1-й. назад

⁶⁶⁵ На верхнем поле листа киноварная помета: 1-е возражение. назад

⁶⁶⁶ На левом поле листа помета: лист 19. назад

⁶⁶⁷ На верхнем поле листа киноварная помета: на 1-й вопрос и ответ. назад

⁶⁶⁸ На верхнем поле листа киноварная помета: 1-е возражение. назад

⁶⁶⁹ На верхнем поле листа киноварная помета: на 1-й вопрос и ответ. назад

⁶⁷⁰ На верхнем поле листа киноварная помета: 1-е возражение. назад

⁶⁷¹ На верхнем поле листа киноварная помета: на 1-й вопрос и ответ. назад

⁶⁷² В ркп. дважды, второй раз зачеркнуто. назад

⁶⁷³ На верхнем поле листа киноварная помета: 1-е возражение. назад

⁶⁷⁴ На верхнем поле листа киноварная помета: на 1-й вопрос и ответ. назад

⁶⁷⁵ На верхнем поле листа киноварная помета: 1-е возражение. назад

⁶⁷⁶ На верхнем поле листа киноварная помета: на 1-й вопрос и ответ. назад

⁶⁷⁷ На верхнем поле листа киноварная помета: возражение. назад

Домашняя страница
священника Владимира Кобец