ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (5)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

икон не учинил отречения своего письмом за рукою, толко из уст рек, что не хощет впредь быти Патриархом. Полно ли на том или надобно, чтоб на письме дано было отречение, чтоб было совершенно на письме дано отречение?

Понеже уста священническая лгати не знают, против пророчества Малахия пророка, должен остатися при своем слове, коли хочет чтоб почтен был за правдиваго, а не за лживаго. Двоякия бывают отречения, письменно и не письменно, но и паче отречение, которое возглашается во церкви Божие почитается быть в болшом постоянии и крепости, ради того та, которая писана, мочно ей быть и по неволной и обманчивой, а сея, которая не писана, никакой не приимет на себя обманы. И для ради того паче иных приимется во всех судах как духовных, так и мирских, когда чрез свидетелей достойной веры свидетелствуется. Зделал Патриарх чево иной никто не зделал, после Литоргии святой совершения, преосвященыя ризы патриаршескаго чину сверже с себя, говорил тыя слова: недостоин, недостоин я быти и впредь я не Патриарх. Дело такое, которое не бывает николи, толко тогда, когда из священничества извержается священик, и то дело редко, коли прилучится. Сверх того где говорится дело не надобно письмо что есть не мое, а глас человеческий глас Божий. Вси свидетелствуют что учинил отрекание Никон и чрез то явно есть, что учинил такое отрекание, потому что то надобно собором разсудить и естли собор приимет его покаяние, тогда будет добро, а естли не приимет отречения, останется отречением. И для того ныне, понеже есть дело не осужденное, не имеет владения творити. Се что принадлежит к патриаршескому чину, ради того что на сам себя бещинствовал, тем се есть образом как сам кто возмет оружие и сам себя убивает, сам нарицается себе убийца.

ВОЗРАЖЕНИЕ 5-му ВОПРОСУ И ОТВЕТУ

Ты глаголеши, Симеоне, яко аз не учинил отречения своим за рукою, толко из уст рек, что не хощу впредь быти патриархом. Полно ли на том или надобно, чтоб на писме дал отрекание? Сам ли ты был и слышал наше отрекание или инии тебе сказывали, аще сам ты тут не был, почто нудишися не своих си ведети. Аз же тебе возвещу и всем слышащим, (л. 31 об.)¹ яко не просто засвидетелствовах во святей Божии церкви о отшествии своем пред Богом и святыми Его ангелы, якоже и на избрании нашего патриаршества, не в слове ласкания прияхом или любовию столп патриаршеский, но со многим прошением царьскаго величества и всего священнаго собора. Но якоже весть Господь и святии ангели и святыя церкви, по писанному во псалмех и глаголах о свидениих твоих пред цареви и не стыдяхся, тако и мы говорили, не стыдяся, во святей Божии церкви, засвидетелствуя пред Богом и святою Богородицею и святыми Его ангелы и всеми святыми Его, яко аще великий государь царь святаго Евангелия (л. 32)² и святых апостол и святых отец заповедей не обещался хранити непреложно пред Богом и пред святою Богородицею, то не бы помыслил на таковый сан взыти. Но весть Бог, како великий государь царь дав обещание свое во святей велицей церкви пред Господем³ Богом и пред святым честным чюдотворным образом Пресвятыя Пречистыя и Преблагословенныя Владычицы нашея Богородицы и приснодевы Марии и пред святыми ангелы и пред всеми святыми и пред всем освященным собором и пред всем своим царским сигклитом и всеми людми. И елико он, великий государь царь, поелико возможно пребывал в своем обещании, повинуяся святей Церкви, и мы терпели, (л. 32 об.)⁴ егда же он, великий государь изменился от своего обещания и на нас гнев положил неправедно, якоже весть Господь, и мы, помня свое обещание о хранении заповедей Божиих, како обещалися на избрании поставления патриаршескаго с подписанием, и июля⁵ в 10 день вшед во святую великую церковь на память пренесения во царьствующий град Москву святыя и многоцелебныя ризы Господа Бога и Спаса нашего Иисуса Христа, претерпевшаго нас ради поношение и поругание, оплевание, заушение, одеяние хламидою, осуждение неправедное, распятие и крест и смерть, и совершив святую Божественную литоргию и засвидетелствовав (л. 33)⁶ пред Богом и Господем нашим Иисусом Христом и пред Святою Богородицею и всеми святыми ангелы и всеми святыми и всеми святыми священными вещми о напрасном государеве гневе. И поминая заповедь Божию, глаголющую: Егда убо гонят вас во граде сем, глаголю вам, не имате скончати грады Израилевы, дондеже Сын человеческий приидет. И егда изшед из града, поминая заповедь Господню, глаголющую: И иже аще не приимет вас, ниже послушает словес ваших, исходяще из дому или из града того, отрясите прах наг ваших. И прочее.

И сотворив по заповеди Господни, отрясши прах ног наших, и пребываю водворясь (л. 33 об.)⁷ в пустыни. И кто ми зазирает о сем, яко сотворил чрез волю Божию, а не по правде, и кое отречение хощете ли возвещу вам, яко и писание писах к царьскому величеству и посылах со диаконом нашим Иовом, в нем же обреталося тогда написаное: Се вижу на мя гнев твой умножен без правды и того ради и соборов святых во святых церквах лишаешись, аз же пришлец есмь на земли. Се ныне, поминая заповедь Божию, дая место гневу, отхожу от места и града сего. И ты имаши ответ пред Господем Богом о всем дати.

И разсмотрив государь писание, паки возврати ко мне, зане не бысть ему на ползу.

Да которое се отречение, (л. 34)⁸ Кирилла арихиепископа Александрейскаго правило 3.

Через⁹ церковныя заповеди, еже писанием отрицатися епископии, и приносити таковая писания неким святителем, аще бо достойни суть святителства, да служат, аще ли ни, да не отрицаются, но обличени бывше о злых своих дел судом да извергнутся. Его же некогда прорек от беды и страха и прещения неких, якоже реша отречесь.

Аще ли смел еси, изверги Григория Богословца списанием и клятвою отречеся ко 150-м епископом в 25-м стихе. Аще неправеднии клеветницы, якоже и ты, праведно ли их послушати?

Глаголеши суемудрене во ответе своем, яко уста священническая (л. 34 об.)¹⁰ лгати не знают, против пророчества Малахия пророка, должен остатися при своем слове, коли хощет, чтоб почтен был¹¹ за правдиваго, а не за лживаго. Двоякия бывают отречения, писменно и не писменно, наипаче отречение, которое возглашается во церкви Божии, почитается быти в болшом постоянии и крепости ради того. Почто, лицемере, о себе, не смотря о других, движеши ответ. Лицемере, изми первее бревно из очесе твоего и тогда прозриши сучец изъяти из очесе брата твоего. Измый первее внутренее стляницы и блюду. И прочее.

Усмотри о себе, подобно ли ти есть чрез святыя законы вновь изводити (л. 35)¹² новыя законы, пришелцу сущу, без всякия правды или вопросы послушати клеветника, паче проклятаго человека, его же законы отрицают, и по правде судящему не послушати, но паче всякому православному прокляти за его злыя и нехристианския дела. Глаголеши, беззаконный толковниче, яко зделал аз, чего ин никто не зделал, после литоргии святой совершения преосвященныя ризы патриаршескаго чина сверже с себе. Како глаголеши неправедне, яко ни ты сам был ту, ни вопросивый тя о сем вопрошал, а ты глаголеши, яко сверже, егда вы той чин имеете и по совершении литоргии не снимаете от себе священных риз.

А у нас таков есть чин и прежде нас: (л. 35 об.)¹³ по совершении святыя литоргии совлачатся вси от священных риз. И глаголеши, присовокупляя свои прикладныя ответы, кроме вопросу, бутто аз говорил: Недостоин я быти, и впредь не патриарх. От кого ты се навык зломысленне, яко ни о вопросе се есть, исповеждь ми.

Аз, егда от Москвы отходя¹⁴ , говорил не тако, якоже ты глаголеши. Засвидетелствовал есмь Господу Богу и Пресвятей Пречистей Богородице и святому честному Животворящему Кресту Господню и святым ангелом в святей велицей церкви пред небом и землею, ведая гнев царев без правды на мя, и сего ради дая место гневу, свидетелствовал, а не клятвою клялся. (л. 36)¹⁵ От них же мало зде изообразим от древних Божественых писаний, якоже свидетелствуют: Егда Аврааму свидетелствова сам Бог о чадородии, тогда засвидетелствова не инем, но небом и звездами, якоже пишется: «И¹⁶ изведе и вон и рече к нему: Возри на небо о сочти звезды, аще можеши исчести. И рече: Тако будет семя твое». Тако: Егда¹⁷ воззва ангел Господень второе Авраама от небеси глаголя: Собою кляхся, глаголет Господь. И прочее. Ияков¹⁸ же в послушество постави столп каменен и собра камение з братиею, сотвори могилу и прозва могила си послух и столп си послух. Сего ради могила послушная бысть между Ияковом и между Ливаном.

(л. 36 об.)¹⁹ Такожде: Егда²⁰ разгневася яростию Господь на Израиля и рече Господь к Моисею: Поими князя людски и обличи я Господу прямо солнцу. И паки: Егда²¹ сконча Моисей, пиша вся словеса закона в книги даже до конца и заповеда левитом возвдижущим ковчег завета Господня, глаголя: Вземше книги закона сего и положите я во страну ковчега завета Господа Бога нашего, и да будет вам во сведение, яко аз веде, аз гневание твое и выю твою жестокую, еще бо мне живу сущу с вами днесь, разгневали есте Господа Бога и яко паче по смерти моей. Призовете ко мне старейшины племен ваших и старца ваша и судия ваша и книгочия ваша да глаголю (л. 37)²² во уши их вся словеса сия и засвидетелствую вам небесем и землею, веде бо, яко по скончании моем беззаконием собеззакониите и склонитеся с пути, иже аз заповедах вам. И обрящет вы зло в последния дни, яко сотворите зло перед Господем Богом, разгневати Его во всех делех руку вашею. И глагола Моисей во уши всему сонму вся словеса песни сея даже до конца. Вонми небо и возглаголю и да слышит земля глаголы уст моих. И прочее.

Тако²³ Иисус Навин завещавая завет к людем в день он и даст им оправдания и суд в Сихеме (л. 37 об.)²⁴ пред храмом Господа Бога Израилева, и вписа Иисус словеса сии в книги Божия, и взя камень велий и постави его в Теревинфе, еже есть пред Господем. И рече к людем: Се камень сий да будет вам во сведение, яко сей слыша все глаголанное от Господа, елико глаголах к вам днесь. И сей да будет во сведение до кончины дней, яко да не солжете Господеви Богу вашему. И прочее.

И божественный Давид глаголет: Небеса²⁵ поведают славу Божию, творение же руку Его возвещает твердь. И паки той же рече: Исповедят небеса чюдеса Твоя, Господи. И паки инде рече: (л. 38)²⁶ Возвестиша²⁷ небеса правду Его и видеша вси людие славу Его. И прочее.

Тако²⁸ и Исаиа свидетелствует, глаголя: Слыши небо и внуши земле, яко Господь глагола «сыны родих и вознесох, сии же отвергошася Мене».

Такожде²⁹ и Господь наш Иисус Христос свидетелствует множицею небом и землею, якоже бо молниа исходит от восток и является до запад, тако будет и пришествие Сына человеческаго. И по мале рече: Аминь, глаголю вам, не мимоидет род сей, дондеже вся сия будут, небо и земля мимоидет, словеса же Моя не мимоидут.

Аще восхощеши и о отхождении нашем слышати, то по(л. 38 об.)кажем³⁰ ти без ленности благодатию Божиею нескудно от Божественаго Писания, яже о самом Господе нашем Иисусе Христе и о святых Его ученицех и апостолех и о прочих святых беганиих от злоб человеческих, не от гнилых смердящих учений, но от самаго приснотекущаго источника святаго Евангелия. Слыши самаго Христа, пеленами повита бегающа от злобы Иродовы. Се³¹ ангел Господень во сне явися Иосифу, глаголя: Востав, поими Отроча и матерь Его и бежи во Египет и буди тамо, дондеже реку ти, хощет бо Ирод искати Отрочате да погубит Е. Он же, востав, поя Отроча и матерь Его нощию и отъиде во Египет. Умершу же Ироду, се ангел Господень во сне явися Иосифу во Египте, глаголя: Востав, (л. 39)³² поими Отроча и матерь Его и иди в землю Израилеву, изомроша бо ищущии душу Отрочате. Он же востав поят Отроча и матерь Его и прииде в землю Израилеву. Слышав же, яко Архелай царствует во Июдеи вместо Ирода, отца своего, убояся тамо ити, весть же прием во сне, отъиде в пределы Галилейския. И паки: Слышав³³ же Иисус, яко Иоанн предан бысть, отъиде в Галилею, оставль Назарет. И³⁴ рече Ирод: Иоанна его же аз усекнух, кто же есть Сей, о Нем же аз слышу таковая. И искаше видети Его. И возвращьшеся апостоли поведаша Ему, елика сотвориша, и поим их, отъиде на место пусто града нарицаемаго Вивсаида. Народи же (л. 39 об.)³⁵ разумевше по Нем идоша, и прием их глаголаше им о Царствии Божии и требующая исцеления, целяше.

Да где есть глаголющии, яко аз, отшед, рукополагаю недостойне. Слыши, неправедный протолковниче ложных словес, яко и прешед от злобы Иисус на место пусто, о Царьствии Божии учил и требующая исцеления, целил. Паки слыши, неправедный истязателю.

И³⁶ исполнишася вси ярости в сонмищи, слышавшии сия, и доставше, изгнаша Его вон из града и ведоша Его до верху горы, на ней же град их создан бяше, да быша, Его низринули. Он же, прошед посреде их, идяше. Фарисее³⁷ же, совет (л. 40)³⁸ приемше, изыдоша, како да Его погубят. Иисус же, разумев, отлучися оттуду. И³⁹ искаху убо паки яти Его, изыде от рук их и иде паки на он пол Иордана, на место идеже бе Иоанн прежде крести, и пребысть ту. Глагола⁴⁰ им Иисус: Дондеже свет имате, веруйте во свет да сынове света будете. Сия глагола Иисус, отшед скрыся. От дне убо онаго совещашася убити Его. Иисус же не к тому со дерзновением хождаше во июдеох и преклонь колене моляшеся, глаголя⁴¹ : Отче, аще есть воля Твоя, да мимоидет чаша сия, обаче не Моя воля, но Твоя да будет.

Воставше⁴² же архиерее и вся иже с ним сущая ересь садукейская, исполнишася зависти, (л. 40 об.)⁴³ и возложиша руки своя на апостолы и послаша их в соблюдение общее. Ангел же Господень нощию отверзе двери темницы, извед же их, рече: Идите и ставши глаголите во церкви людем вся глаголы жизни сея.

Уведен⁴⁴ же бысть Савлу совет их, стрежаху врата день и нощь, яко да убиют того. Поемше же его ученицы нощию, свесиша по стене в кошницы.

В⁴⁵ Дамасце языческий князь Арефы царя, стрежаше Дамаск град, яти мя хотя и оконцем в кошницы свешен бых по стене, избегох из руки его.

Во оно же время возложи Ирод царь руце озлобити некия иже от церкве, уби же Иякова, брата Иоаннова, мечем. И видев, (л. 41)⁴⁶ яко годе бысть июдеом, приложи яти и Петра. Беху же дние опресночнии, его же и ем, всади в темницу, предав четырем четверицам воином стрещи его. И се ангел Господень прииде и свет возсия во храмине. Толкнув же в ребра Петра, воздвиже его, глаголя: Востани вскоре. И спадоша ему ужа железная с руку. Рече же ангел к нему: Препояшися и вступи в плесницы своя. Сотвори же тако. И глагола ему: Облецыся в ризу свою и последствуй ми. И изшед во след его, идяше. И изшед от Июдея, в Кесарии живяше. В нарочитый же день оболкся Ирод во одежду царску и сед на судищи пред народом глаголаше к ним. (л. 41 об.)⁴⁷ Народ же возглаша глас Божий, а не человеч. Внезапу же порази его ангел Господень, зане не даде славу Богу, и быв червьми изъяден.

Смутиша⁴⁹ же ся народ и градоначалницы слышащих и приемше мы то от Иассона и от прочих, отпустиша их. Братия же, абие в нощи, отослаша Павла и Силу в Берию.

Разделиша⁵⁰ же ся множество града и овии убо бяху со июдеи, овии же со апостолы. И якоже (л. 42)⁵¹ бысть стремление языком же и июдеом с началники их досадити и камением побити их. Уведевше же, прибегоста во грады Ликаонския, в Листру и Дервию и иже во окрестных и ту беста благоденствующе.

Напасть⁵² вас не приимет разве человеческа. Верен⁵³ же Бог, иже не оставит вас искуситися паче еже можете, но сотворит со искушением и изводство.

Иже⁵⁴ и Господа убивших Иисуса и своя пророки и нас изгнавших и Богу не угодивших и всем человеком сопротивляющимся, возбраняющим нас языком глаголати да спасется⁵⁵ , во еже испо(л. 42 об.)⁵⁶ лнится им грехи всуду, постиже на них гнев до конца.

Сие доволно ли ти есть сих указание отхождении и бегании, еще ти укажем и от канонов.

Без⁵⁷ правды епископ изгнан, аще и в чюждем пределе пребывает, приятен бывает, дондеже досаждение мимоидет.

От буести и гордости возбраняюще святии отцы, повелеша епископом в реченое время во инех епископиях пребывати. Аще же некий епископ исповедания ради честныя нашея веры или понеже Бог поборник истине, рекше, противяся властелем не творящим истины (л. 43)⁵⁸ и того ради от своего града изгнан быв и в другий град приидет. Не возбранится ту пребывати ему дондеже примирение обрести возможет и пременение бывшаго на нем досаждения.

Аще ли сего не доволно ти есть, прочти вселетнаго лета на кийждо день жития святых отец наших, яже о Василии Великом, яже о Григории Богослове, яже о Иоанне Златоусте и прочих святых. И тамо множае увидите о изшествиих и беганиих и отречениях и скитаниих по писанному. Верою святии вси победиша царствия. И прочее. И по мале: Инии же избиени бывше, не приемше избавления, да лучшее воскресение улучат. Друзии же руганием и ранами (л. 43 об.)⁵⁹ еще же и узами темничными, камением побиени быша, претрени быша, искушени быша, убийством меча умроша, проидоша в милотех и в козиях, кожах лишени, скорбяще, озлоблени, в пустынях скитающеся и горах и в вертепех и в пропастех земных. И сии вси послушествовани верою, не прияша обетования, Богу лутче что о нас предзревшу, да не без нас совершенство приимут.

1 2 3 4 ... 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 <<< Предыдущий вопрос ... Следующий вопрос >>>

^* РГАДА. Ф. 27. Д. 140. Л. 2–1039. назад

¹ На верхнем поле листа киноварная помета: 5-е возражение. назад

² На верхнем поле листа киноварная помета: на 5-й вопрос и ответ. назад

³ Здесь и далее: так в ркп. назад

⁴ На верхнем поле листа киноварная помета: 5-е возражение. назад

⁵ Исправлено из: июня. назад

⁶ На верхнем поле листа киноварная помета: на 5-й вопрос и ответ. назад

⁷ На верхнем поле листа киноварная помета: 5-е возражение. назад

⁸ На верхнем поле листа киноварная помета: на 5-й вопрос и ответ. назад

⁹ На правом поле листа помета: лист 273. назад

¹⁰ На верхнем поле листа киноварная помета: 5-е возражение. назад

¹¹ Написано над строкой тем же почерком. назад

¹² На верхнем поле листа киноварная помета: на 5-й вопрос и ответ. назад

¹³ На верхнем поле листа киноварная помета: 5-е возражение. назад

¹⁴ Вписано над строкой тем же почерком. назад

¹⁵ На верхнем поле листа киноварная помета: на 5-й вопрос и ответ. назад

¹⁶ На правом поле листа помета: 1 Моис. 15. назад

¹⁷ На правом поле листа помета: 1 Моис. 22. назад

¹⁸ На правом поле листа помета: 1 Моис. 31. назад

¹⁹ На верхнем поле листа киноварная помета: 5-е возражение. назад

²⁰ На левом поле листа помета: 4 Моис. 25. назад

²¹ На левом поле листа помета: 5 Моис. 31. назад

²² На верхнем поле листа киноварная помета: на 5-й вопрос и ответ. назад

²³ На правом поле листа помета: Иисус Навин. 24. назад

²⁴ На верхнем поле листа киноварная помета: 5-е возражение. назад

²⁵ На левом поле листа помета: Псалом 18. назад

²⁶ На верхнем поле листа киноварная помета: на 5-й вопрос и ответ. назад

²⁷ На правом поле листа помета: Псалом 96. назад

²⁸ На правом поле листа помета: Исаия 1. назад

²⁹ На правом поле листа помета: Матф. 24; Марк 13. назад

³⁰ На верхнем поле листа киноварная помета: 5-е возражение. назад

³¹ На левом поле листа помета: Матф. 9. назад

³² На верхнем поле листа киноварная помета: на 5-й вопрос и ответ. назад

³³ На правом поле листа помета: Матф. 8. назад

³⁴ На правом поле листа помета: Лук. 41. назад

³⁵ На верхнем поле листа киноварная помета: 5-е возражение. назад

³⁶ На левом поле листа помета: Лук. 14. назад

³⁷ На левом поле листа помета: Матф. 46. назад

³⁸ На верхнем поле листа киноварная помета: на 5-й вопрос и ответ. назад

³⁹ На правом поле листа киноварная помета: Иоан. 38. назад

⁴⁰ На правом поле листа киноварная помета: Иоан. 43. назад

⁴¹ На правом поле листа помета: Лук. 109. назад

⁴² На правом поле листа помета: Деян. 14. назад

⁴³ На верхнем поле листа киноварная помета: 5-е возражение. назад

⁴⁴ На левом поле листа помета: Деян. 22. назад

⁴⁵ На левом поле листа помета: 2 Кор. 194. назад

⁴⁶ На верхнем поле листа киноварная помета: на 5-й вопрос и ответ. назад

⁴⁷ На верхнем поле листа киноварная помета: 5-е возражение. назад

⁴⁸ На левом поле листа помета: Деян. 33. назад

⁴⁹ На левом поле листа помета: Деян. 39. назад

⁵⁰ На левом поле листа помета: Деян. 33. назад

⁵¹ На верхнем поле листа киноварная помета: на 5-й вопрос и ответ. назад

⁵² На правом поле листа помета: 1 Кор. 145. назад

⁵³ Далее зачеркнуто: рен. назад

⁵⁴ На правом поле листа помета: Сол. 266. назад

⁵⁵ Исправлено из: спасеются. назад

⁵⁶ На верхнем поле листа киноварная помета: на 5-й вопрос и ответ. назад

⁵⁷ На левом поле листа помета: лист 114. назад

⁵⁸ На верхнем поле листа киноварная помета: на 5-й вопрос и ответ. назад

⁵⁹ На верхнем поле листа киноварная помета: возражение. назад

Домашняя страница
священника Владимира Кобец