ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (13)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

икон строит ныне по се время один монастырь и назвал его новым Иерусалимом. Доведет ли ся, чтоб так Святаго Града имя было перенесено и иному дано и опозорено?

Никак не достойно, потому что пишет святый Кирилл во своих поучениях, яко старый Иерусалим был пророкоубийца и Христоубийца, а новая Иерусалима есть Христос, честь воздающи и учеником Его: из Сиону изыде закон и слово Господне из Ерусалима. Егда поем на святую Пасху «Светися, светися, Новый Иерусалиме», ныне есть ли есть новый Иерусалим но Никонов. Убо паки новый Иерусалим учинился ветх и пришел уже к старому и прежнему своему постановлению, и по наследованию доведется, чтоб мы от прежняго и сущаго Иеросалима отстали, а в сей новой Никонов пристали. О, недостоинство! О, неизвычна новость! Не называет тот монастырь новую обитель, но новый Иерусалим Ник., любител новых речей муж. Не бы ли пророчество о твоем, не прямом Иерусалиме, о Никоне; ново письмо начинаешь, котораго желают и дожидаются себе жидове, что изыдет воплотитися и родитися новый мессия в новом Иерусалиме на удачю не в твоем антихристова будет родителница. Покинь человече, не шути святыми делы, не играй речми⁹⁷⁹ от Бога данными, един есть Иеросалим на земли, а вторый на Небеси, который никогда несказателный, сиречь нерушимый; третий Иеросалим никто не здумал, толко один Никон, и то не по достоинству; и будет вопрос: кто истинный патриарх Иеросалимский?

Глаголеши, совопросниче, яко Никон строит ныне по се время один монастырь и назвал его новым Иерусалимом, доведет ли ся, чтоб так Святаго Града имя было перенесено и иному дано.

Не позорю аз староноваго Иерусалима, еже называю Воскресенской монастырь Новаго (л. 101)⁹⁸⁰ Иерусалима, понеже писано есть во пророцех: Из Сиона изыдет закон и слово Господне из Иерусалима. Того закона есмь любитель и слова Господня хранитель, не стыжуся и сам иерусалимлянином нарицатися и со всем воследующим нам. Писано есть: Отроча⁹⁸¹ родися нам и Сын дастся нам, Ему же власть на раме Его и мирови Его несть предела. И по мале. Велия власть Его и мирови Его несть предела.

Да кто описал есть от Сиона закону место, писано есть: Не вси, иже от Израиля сии израилтяне, ниже иже от Авраама сии суть сынове Авраамли, но иже дела Авраамова сотворит, той сын Авраамль есть. Тако не вси от Иерусалима сии суть иерусалимляне, но иже закон, (л. 101 об.)⁹⁸² от Иерусалима изшедший, сохранит.

Да кто укорит мя о сем, развее иже не любит Господа. Аще ли же кто того Иерусалимом назовет, не погрешит истины, зане начало тому бысть царьскаго величества и всего освященнаго собора и всего царьскаго сигклиту. Зане и на освящении первыя церкви Воскресения Христова изволися великому государю царю и великому князю Алексию Михайловичю всеа великия и малыя и белыя России самодержцу со всем сигклитом быти. Изволи же ся ему, великому государю, именем звати новый Иерусалим и в своих царьских грамотах написать своею рукою на утвержение, еже и ныне таковая грамота ево, государева, (л. 102)⁹⁸³ держится в честне месте. На ково ты, злоначалный человече, ответотворче, злые поносы твориши, глаголя. О недостоинство, о неизвычена новость, не называет тот монастырь новую обитель, но новый Иерусалим. Смотри и виждь, откуду начася таковое звание, не на него ли ты таково поношение износиши и досаду твориши?

И паки глаголеши, издыха о Никоне, ново писмя начинаешь, котораго желают и дожидаются себе жидове, что изыдет новый мессия в новом Иерусалиме на удачю не в твоем антихристова родителница.

Зело мне видится, безумный человече, не ведети тебе Божественнаго писания, ни сылы⁹⁸⁴ его, (л. 102 об.)⁹⁸⁵ и глаголеши, яко ново писмя начинаю, аз и тебя по святым каноном проклинаю, начинающаго чрез Божественыя правила новые законы издавати на соблазн людем. Не погрешил бы тот истины, аще бы кто обязал о выи твоей жерновный камень и потопил в море, яко в Евангелии пишется. Аще не веси, идеже подобает отцу твоему, антихристу, родитися, мы ти от святых книг покажем место, а не яко же ты, еже собою что слыши, то и глаголеши, ничто же истинно, везде лжи полно, якоже и зде. Слыши, ответотворче, како имать антихрист родитися и где.

Господу глаголющу во святем Евангелии: (л. 103)⁹⁸⁶ Блюдите⁹⁸⁷, да никто же вас прелстит, мнози бо приидут во имя Мое, глаголюще, яко аз есмь Христос, и многи прелстят. Услышати же имате брани и слышания бранем, зрите, не ужасайтеся, подобает бо всем сим быти. Но некогда есть кончина, востанет бо язык на язык и царьство на царьство, и будут труси же велицы по местом, и глади и пагубы будут, страхования велия с небесе будут. Вся же сия начало болезнем.

Тогда предадят вы в скорби и убиют вы, и будете ненавидими всеми языки имени Моего ради, и тогда соблазнятся мнози и друг друга предадят и возненавидит⁹⁸⁸ друг друга, и мнози лжепророки возстанут (л. 103 об.)⁹⁸⁹ и прелстят многия за умножение беззакония, изсякнет любы многих.

Прежде⁹⁹⁰ же сих всех возложат на вы руки своя и ижденут, предающе на сонмища и темница, ведоми ко царем и владыкам имени Моего ради. Прилучит же ся вам во свидетельство. Предани же будете и родителию и братиею и родом и други, и умертвят от вас. И будете ненавидими от всех имене Моего ради. Претерпевый же до конца, той спасется. И проповесться Евангелие царьствия по всей вселенней во свидетельство всем, и тогда приидет кончина. Егда бо узрите мерзость запустения реченую Даниилом пророком, сто(л. 104)ящу⁹⁹¹ на месте святе, идеже не подобает, иже чтет да разумеет. И по мале.

Будут⁹⁹² бо дние тии скорбь, якова не бысть такова от начала созданию, еже созда Бог, доныне и не будет. Но в тыя дни по скорби той солнце померкнет, и луна не даст света своего, и звезды будут с небесе падающе, и силы, яже на небесех, падвигнутся⁹⁹³. И тогда узрят Сына человеческаго грядуща на облацех с силою и славою многою. И прочая.

Виждь, человече, где имать стати мерзость запустения на месте святе не ижели во Иерусалиме. Пошед, скажем.

Како ты сводиши таковыми безумными приклады, яко антихристу изыти из Воскресенскаго монастыря Новаго (л. 104 об.)⁹⁹⁴ Иерусалима. Послушай же и апостола Павла, глаголюща: Да⁹⁹⁵ никто же вас прелстит, ни по единому же образу, яко аще не приидет отступление прежде, и открыется человек беззакония, сын погибели, противник, и превозносяйся паче всякаго глаголемаго бога или чистилища, якоже ему сести во Церкви Божии аки Богу, показуя себе, яко бог есть. Не помните ли, яко еще живый у вас сия глаголах вам, и ныне одержащее весте, явитися ему во свое ему время, тайна бо уже деется беззаконию. Точию держаяй ныне, дондеже от среды будет, и тогда явится беззаконный, его же Господь Иисус убиет духом уст Своих (л. 105)⁹⁹⁶ и упразнит явлением пришествия Своего. Его же есть пришествие по действу сатанину во всякой силе и знамениих и чюдесех ложных и во всякой лести и неправде, в погибающих, зане любве истинныя не прияша, воеже спастися им. И сего ради послет им Бог действо лсти, воеже веровати им лжи, да суд приимут вси неверовавшии истине, но благоволиша о неправде.

Навыкнем⁹⁹⁷ спасеная словеса, како всегда нам утвержатися запоручаем. Блюдитеся, рече, да не прелщени будете, мнози бо приидут о имени Моем глаголюще, яко аз есмь, ибо поеже вознестися ему ко Отцу, бысть о них что. И восташа нецыи глаголющии, (л. 105 об.)⁹⁹⁸ яко аз есмь Христос, якоже Симон волхв и инии мнози, имже несть ныне время имян воспомянути. Темже и в последняя дни скончания подобает паки востати лжепророком, мужем глаголющим: Се зде Христос или онде, не имите веры, но суетно мудрование стяжавшии и писания прилежно не почитающии взыщут Мя, еже обрести, и не возмогут.

Подобает бо сим первее быти и тако явитися сыну погибелну, сиречь диаволу. Отнюду же и богословцы апостоли, извествующе Господа Иисуса Христа свидетелство, койждо их показа скверных и тлетворных человек показание и проповедание яве тех неправедная деяния. Первый (л. 106)⁹⁹⁹ Петр, камень Церкве и веры, его же ублажи Христос Бог наш, учитель церковный, первый ученик, иже ключи Царьствия имеяй, научи нас, глаголя: Сие¹⁰⁰⁰ же ведите, чада, яко внидут в последняя дни ругателие, по своих похотех ходящии, и в вас будут ложнии учителие, иже введут ереси погибельныя.

С сим же согласует святый Иоанн Богослов, возлюбленный Христу, взывая: Яве¹⁰⁰¹ суть чада диаволя и ныне антихристи мнози быша, но да не прелстятся вослед их. Не всякому духу веруйте, яко мнози лжепророцы и лжехристи в мир внидоша.

Та же Июда Ияковль подобно сим глаголет: в последняя времена будут (л. 106 об.)¹⁰⁰² ругателие, по своих ходящии похотех нечестивых, сии суть иже без страха себе пасущии.

Разуместе ли Богословец и апостол согласие и единомыслие учительства их. Послушай еще к сим Павлово дерзновение, како таковым яве открывает.

Блюдитеся¹⁰⁰³ от злых делателей. Блюдитеся от псов¹⁰⁰⁴. Блюдитеся от сечения неверных. Блюдитеся, да никто от вас будет крадый философиею тщею и лестною. Блюдите, како опасно ходите, яко дние зли суть.

Но скончания сим слову давше, обратим повесть на последующая нам.

Прочее же, еже о антихристе, отчасти вам скажем. Но елика возможно пророк ради и Писанием воспро(л. 107)¹⁰⁰⁵повем, еже на всю землю прелесть его и законопреступное прихождение.

Господу бо Иисусу Христу, по плоти на землю пришедшу от Святыя чистыя Девы, Июдино племя восприемшу. От него же прошед, царьское сродство изъяви, по Иакову, иже во благословении чад возглашающему к своему сыну: Июдо¹⁰⁰⁶, тебе возхвалят братия твоя, руце твои на плещу враг твоих, скимен лвов, Июда. От леторасли Сын мой взыде. Возлег поспа яко лев и яко скимен, кто возбудит Его. Не оскудеет князь от Июды, ниже вождь от стегну Его, дондеже убо приидет Ему же щадится, и Той чаяние языком.

Видели Ияковли главы, ко Июде глаголемы и на Господе исполняемы. Таковая же (л. 107 об.)¹⁰⁰⁷ убо и о антихристе патриарх взывает, тем же, яко и о Июде пророчествова, такоже и о сыне своем Дане.

Да¹⁰⁰⁸ будет Дан змий, при пути седя, хапля пяту коню. Змий убо кий сий, но иже изначала лстец прелстивый Адама.

Но понеже многих ради достоит показати глаголемая, не обленимся. Яко убо воистину от колена Данова хощети родитися и противитися мучитель сый, царь и судия лютый, диавол.

Рече пророк: Дан судит людем своим, яко сый едино племя от Израиля.

Глаголет Иеремия: Спех от Дана. Услышим, борзостию коня его потрясется вся земля. И паки Моисей рече: Скимен лвов, Дан изско¹⁰⁰⁹чит от Васана. (л. 108) Якоже убо от колена Июдова родися Христос, сице и от колена Данова родится антихрист и сотворит вся, елика Христос сотвори, исперва июдейский язык возлюбит, по сих же всех знамения сотворит и чюдеса страшна, не по истине же, но по привидению, яко прельстити подобныя себе нечестивыя, аще возможно и избраныя отставити от любве Христовы. И всяку добродетель навыкнет и всех прелстит¹⁰¹⁰, воеже сотворити его царя, исперва убо лстивне приимлет ложь, беззаконный отречется славы своея, человецы пребудут моляще его, и поставляет его царь¹⁰¹¹. Таже вознесется сердцем своим во царьствии своем и ополчит брань и три цари убиет гневом Египецкаго, Ливийскаго и Ефиопскаго. И по сих сотворит церковь, иже во Иерусалиме, (л. 108 об.)¹⁰¹² и возставит ея июдеом. Таже вознесется сердцем на всякаго человека, не точию же, но и на Бога хулная речет, помышляя, окаянный, яко царь будет даже до века. Не ведый всестрастный, яко царьство его вскоре разорится и восприимет уготованный ему огнь со всеми покаряющимися тому и сослужащими.

Прочее же пространнее хотяй навыкнути о хотящих быти сложение от святаго Евангелия и святых апостол, о сем Ипполитово прочти и увеси, или Мефодия, епископа Патарскаго, о антихристе.

Сей родится в селе Хоразине и воспитается в Вивсаиде и воцарится в Капернауме. Возвеселит же ся весь Хоразин, яко родися в нем, и (л. 109)¹⁰¹³ Вивсаида, яко воспитася в нем, а Капернаум, яко воцарися.

Сего ради Господь во Евангелии рече по трищи: Горе тебе, Хоразине, горе тебе, Вивсаида, горе тебе, Капернауме, яко до небес вознесеся и до ада низведешися. И внидет сын погибелный во Иерусалим, и сядет во церкви Божии, и прочее сотворит, елика во инех книгах пишет.

Такожде и святый Ефрем пишет: Родится из скверныя жены и покажется во всем благ и кроток, и возлюбят сквернии жидове, чтити его начнут и радоватися царьству его. Он же, всескверный, тех почитати начнет и место и церковь им воздвигнет.

Святый же Андрей в 9-м слове на толкование Откровения (л. 109 об.)¹⁰¹⁴ пишет¹⁰¹⁵, воспоминая Евфрата, яко от онех стран исходит антихрист.

К сему же и Новый Иерусалим, возлюбленный град, взяти и поработити хотящи, из него же Божественный закон чрез апостоли во вселенную протече. Идеже глаголют, яко и антихрист в храме Божии сядет или во июдейстем, древле убо божественнем, разрушеннем же за дерзость на Христа, и от него паки исправитися чаемем богоборцами июдеями. Или воистину в Божественнем храме в соборней Церкви чуждая себе присвояй, показуя себе, яко бог есть, яко же глаголет апостол: Но ненадолго, глаголет, огнь с небесе сошед, или видимый, якоже на два пятьдесятники при Илии, или (л. 110)¹⁰¹⁶ Христово славное пришествие убиет духом уст сових.

Доволно ли ти есть, лжесловче, о антихристове пришествии вкратце реченная от святых книг?

Мы же от Спасителя Христа научившеся молитися, еже не внити в напасть, протяженне и прилежне о сем помолимся. Немощь свою познавше, избавитися прорекованных искуса, и ниже видети антихристово пришествие, ниже предглаголаных язык движение, ниже беду смертную, от спасительныя веры отступити насилующую. Но свидетельство совести по силе соблюдающе невредимо, неуязвлено, ко искупившему нас честною Своею кровию Христу Богу распалением любве делы (л. 110 об.)¹⁰¹⁷ благими показующе, вечных благ сподобимся.

Глаголеши, ответотворче, яко един есть Иерусалим на земли, а вторый на небеси. Покажи ми описание, якоже небеснаго, такожде и земнаго качество и количество. И есть ли кто, от Иерусалима изнесеный закон чрез апостолы хранит, может нарицати иерусалимлянин или ни? Да почто во Антиохии почася християнское имя нарицатися, и еже ныне и повсюду нарицаются христиане, согрешают ли в сем христиане или ни? Да аще несть подобно держай Иерусалимский закон иерусалимлянин нарицатися, то ниже христианином кому лепо есть нарицатися, разве единыя Антиохии, еже ныне всюду на(л. 111)рицаются¹⁰¹⁸. И аще не лепо есть христианом нарицати, ниже от первообразных кому за любовь первообразнаго вообразити, что любо вещь кую или именем тем нарещися, то уже все елико от первообразных воображеная или нареченая вся неправа суть по твоему, безумный ответотворче, списанию проклятому. То уже несть праведно и Евангелие, Богом преданое во Иерусалиме, где инде нарицати Евангелием, ниже Святый Крест развее святыя Голгофы, ниже церковь Воскресения Христова развее церкви святаго Иерусалима града?

И списать будет и от святаго Евангелия реченое Спасом слово: Шедше в мир весь проповедите Евангелие всей твари, иже веру имать, крестится¹⁰¹⁹, и спасен (л. 111 об.) будет, а иже не имет веры, осужден будет.

И¹⁰²⁰ рече им, яко тако писано есть, и тако подобаше пострадати Христу и воскреснути от мертвых в третий день, и проповедатися во имя Его покаянию и отпущению грехов во всех языцех, наченше от Иерусалима, вы же есте свидетелие сим.

Зри, ответотворче суемудрене, яко не единому Иерусалиму предано святое и священное Евангелие, но в весь мир, якоже пишет: И проповестся Евангелие во всем мире, тогда приидет кончина.

Согрешают ли в том, еже, преписав от онаго, иныя многия содержат по всей Вселенней и нарицают Евангелие, а не образец?

(л. 112)¹⁰²¹ Такожде и святый Крест повсюду есть, еже поченшеся от святаго царя Константина и матере его Елены, и есть повсюду Крест. Такожде и святыя иконы зрим Владычния о нас страсти крест, гроб, ад умерщвленый и разрушеный, апостол проповедание, мучеников подвиги, венцы, самое спасение, еже первый наш Подвигоположник и Подвигодатель и Венечник посреди земли спасение¹⁰²² содела.

Согрешает ли кто, еже в славу Господу Богу с любовию созиждет храм во имя Святаго Воскресения по образу храма Воскресения, еже есть во Иерусалиме, величеством и мерою и добротою? И есть ли новая иная нарицатися может, а не таяжде, яже суть (л. 112 об.)¹⁰²³ Иерусалимская? Или не подобно начал той, кто любо тако творит? Отвещай. И что суть множество повсюду святых церквей, еда не таяжде Иерусалимская церковь и святый Сион? Развее иныя еретическия другия церкви, нигде же есть другая.

Послушай, прелестниче, еже прияла Святая Соборная Церковь предание святаго седмаго Вселенскаго собора в Неделю Православия держати.

Должное к Богу летнее благодарение в онь же день прияхом Божия Церковь с показанием благочестия догмат и развращением злобы нечестия.

Пророческим последующе речением, апостолским учением покаряющесь и Евангелскими повестьми учащеся, (л. 113)¹⁰²⁴ обновлений день празднуем.

Исаия бо рече: Обновляйтеся, острови, к Богу, от язык гадательству Церкви. Бяху же, убо церкви не просто храмов здания и светлования, но в тех благочествующих исполнение, и ими же они Божеству песнми и славословии служат.

Апостол же самому сему уча, во обновлении жизни ходити повелевает, и аще кая во Христе новая тварь обновлятися. Словеса же Господня и пророческое показующе состояние, быша, рече, обновления во Иерусалиме и зима бе.

Или убо мысленая, в ню же род июдейский на общаго Спаса скверноубийства подвизаше, бурю же и молву, (л. 113 об.)¹⁰²⁵ или оскорбляющая телесная чювства пременением воздуха на зимноти.

Бысть же убо и на нас зима не прилучшаяся, но воистину великия злобы изливающая суровством.

Помяни, Господи, поношение рабов Твоих, его же удержал еси в недре моем многих языков, им же поносиша врази Твоя, Господи, им же поносиша изменение Христа Твоего. Изменение же убо¹⁰²⁶ бяше Христово, смертию Его искуплении и веровавшии Ему словом же проповеди и иконным изображением, ими же велие дело смотрения избавленым познавется.

Крестом же и прежде Креста и по Кресте страстьми же и чюдеся Его. От них же и подража(л. 114)ние¹⁰²⁷ страданий Его на апостолы, оттуду же на мученики преходит, и теми же даже до исповедников и постников преходит.

Верующим и проповедающим сие есть благовествующим словеса на писменах, вещи на начертаниях, и во едину обое совершати ползу. Словесы же проповедание и иконами истины извещение.

Словом освящающим устне, таже слышателем словом, ведущим и проповедающим, яко освещаются убо такожде честными иконами очи зрящих. Воздвижет же ся теми ум к Богувидению, якоже и Божествеными храмы и священными сосуды и иными вещьми в писаниох и умышлениох, в жертвах, (л. 114 об.)¹⁰²⁸ в храмех, во изображениох, тому убо, яко Богу и Владыце, поклоняющеся и чтуще.

Сия вера апостолская, сия вера отеческая, сия вера православная, сия вера вселенную утверди. Зриши, неправедный ответотворче, како святии апостоли и святии отцы священными изображении и храмы и жертвами в писаниих и умышлениих очи зрящих. Воздвижет же ся теми ум к Боговидению, якоже и Великому Василию мнится, священными иконами ум на первообразное возводити.

Да которой грех от первообразных в славу Божию, аще кто кую священную вещь преписати, якоже глаголю святое (л. 115)¹⁰²⁹ и священное Евангелие и прочия святыя книги или иконным изображением по заповеди святых апостол и святых отец, еже суть Рожество Христово и Крещение, евангелское проповедание и еже от христоненавистных жидов укорение, поругание, оплевание, распятие и смерть, во гробе положение и воскресение и ада разрушение. Таже святых и священных апостол проповедание и страсти и святых мучеников подвиги и мучение и святых и преподобных житие и исправление и святых храмов и прочих вещей во славу Божию зиждемых. Или и самаго того Иерусалима кто бы по образу его во славу Божию святое ограждение создал, на видение приснопамятнаго святаго того (л. 115 об.)¹⁰³⁰ Иерусалима, в нем же спасителныя Страсти нашего ради спасения содеяшася, или мнится бесчестно есть. Да¹⁰³¹ аще града от первообразнаго ин создати беззаконно есть? Той все ты, непреподобный, обругал. Ини же уже к тому мощно есть преписати кому Евангелие или изоображение которое, или священныя храмы и прочия вещи от первообразных воображеныя.

И что различие ты глаголеши, еже начертаными или воображеными священныя вещи воображены, яже суть и иконы, яже суть храмы и жертвеники, иже повсюду от первообразных размножишася.

Вся, кроме церковнаго предания и учения и изоображения святых и присно(л. 116)памятных¹⁰³² отец обновляемая или по сем содеянная проклята.

Глаголеши, ответотворче, будет воспрос, кто истинный патриарх Иерусалимский. Смотри, хрисовула, святейших вселенских патриарх руками подписаннаго осмиюдесят со двема и печатми утвержена, о чести Московских патриарх и седалища о равночестии. Аще сам не веси, вопроси ведущих, яко ни града, ниже что любо ино есть развее монастыря и святых церквей.

1 2 3 4 5 6 7 8 9 10 11 12 ... 14 15 16 17 18 19 20 21 22 23 24 25 26 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

⁹⁷⁹ На поле: з речи.

⁹⁸⁰ На верхнем поле листа киноварная помета: на 13-й вопрос и ответ.

⁹⁸¹ На правом поле листа помета: Исаия, глава 9.

⁹⁸² На верхнем поле листа киноварная помета: 13-е возражение.

⁹⁸³ На верхнем поле листа киноварная помета: на 13-й вопрос и ответ.

⁹⁸⁴ Так в ркп.

⁹⁸⁵ На верхнем поле листа киноварная помета: 13-е возражение.

⁹⁸⁶ На верхнем поле листа киноварная помета: на 13-й вопрос и ответ.

⁹⁸⁷ На правом поле листа пометы: Матф. 13; к Солун. 2; Матф. 24; Лук. 21.

⁹⁸⁸ Так в ркп.

⁹⁸⁹ На верхнем поле листа киноварная помета: 13 возражение.

⁹⁹⁰ На левом поле листа помета: Лук. 21.

⁹⁹¹ На верхнем поле листа киноварная помета: на 13-й вопрос и ответ.

⁹⁹² На правом поле листа помета: Матф. 13.

⁹⁹³ Так в ркп.

⁹⁹⁴ На верхнем поле листа киноварная помета: 13 возражение.

⁹⁹⁵ На левом поле листа помета: 2 Сол. 275.

⁹⁹⁶ На верхнем поле листа киноварная помета: на 13-й вопрос и ответ.

⁹⁹⁷ На правом поле листа помета: священомуч. Ипполит.

⁹⁹⁸ На верхнем поле листа киноварная помета: 13 возражение.

⁹⁹⁹ На верхнем поле листа киноварная помета: на 13-й вопрос и ответ.

¹⁰⁰⁰ На правом поле листа помета: Петр. 68.

¹⁰⁰¹ На правом поле листа помета: 1 Иоан. 71.

¹⁰⁰² На верхнем поле листа киноварная помета: 13 возражение.

¹⁰⁰³ На левом поле листа помета: Филип. 244.

¹⁰⁰⁴ Слова «Блюдитеся от псов» написаны со знаком вставки иным почерком на нижнем поле листа.

¹⁰⁰⁵ На верхнем поле листа киноварная помета: на 13-й вопрос и ответ.

¹⁰⁰⁶ На правом поле листа помета: Быт. 49.

¹⁰⁰⁷ На верхнем поле листа киноварная помета: 13 возражение.

¹⁰⁰⁸ На левом поле листа помета: Быт. 49.

¹⁰⁰⁹ На верхнем поле листа киноварная помета: на 13-й вопрос и ответ.

¹⁰¹⁰ Слова «и всех прелстит» написаны дважды, второй раз зачеркнуты.

¹⁰¹¹ Слова «исперва убо лстивне приимлет ложь, беззаконный отречется славы своея, человецы пребудут моляще его, и поставляет его царь» написаны со знаком вставки на правом поле листа более мелким почерком.

¹⁰¹² На верхнем поле листа киноварная помета: 13 возражение.

¹⁰¹³ На верхнем поле листа киноварная помета: на 13-й вопрос и ответ.

¹⁰¹⁴ На верхнем поле листа киноварная помета: 13 возражение.

¹⁰¹⁵ На левом поле листа помета: Апок. глава 9.

¹⁰¹⁶ На верхнем поле листа киноварная помета: на 13-й вопрос и ответ.

¹⁰¹⁷ На верхнем поле листа киноварная помета: 13 возражение.

¹⁰¹⁸ На верхнем поле листа киноварная помета: на 13-й вопрос и ответ.

¹⁰¹⁹ На верхнем поле листа киноварная помета: 13 возражение.

¹⁰²⁰ На левом поле листа помета: Лук. 114.

¹⁰²¹ На верхнем поле листа киноварная помета: на 13-й вопрос и ответ.

¹⁰²² Вписано тем же почерком между строк.

¹⁰²³ На верхнем поле листа киноварная помета: 13 возражение.

¹⁰²⁴ На верхнем поле листа киноварная помета: на 13-й вопрос и ответ.

¹⁰²⁵ На верхнем поле листа киноварная помета: 13 возражение.

¹⁰²⁶ Написано тем же почерком на левом поле листа.

¹⁰²⁷ На верхнем поле листа киноварная помета: на 13-й вопрос и ответ.

¹⁰²⁸ На верхнем поле листа киноварная помета: 13 возражение.

¹⁰²⁹ На верхнем поле листа киноварная помета: на 13-й вопрос и ответ.

¹⁰³⁰ На верхнем поле листа киноварная помета: 13 возражение.

¹⁰³¹ На левом поле помета: зри.

¹⁰³² На верхнем поле листа киноварная помета: на 13-й вопрос и ответ.

Домашняя страница
священника Владимира Кобец