ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (18)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

дин пастырь, или болярин, который убегает, чтоб уберечь живота своего, потому чтоб инако учинил, был бы в опасении, уподобает ли ся и его погрешит или ни?

Надобно, чтоб ушел, так как и Христос уходил ради мучительства безвинных отроков убиения и сохранился во Египте; однакож как опасение минет надобе возвратитися ради оскорбления душевнаго, понеже от него столко душ походит, и надобно чтоб ими владел и паствил для того, что он будет страшной счет живущему Богу за их. Пастырь есть который имети болшой промысл, епископ есть который имеет дело оберегательства, оберегатель есть, истинное и сущее дело добрым предстателем. Орехов был жезл Моисеов, а миндалной Ааронов; пишут физики, что коли постелешь листы мигдалные или ореховые, имеют силу чинить человеку, который на них ляжет, не много спит. Слыши, седишь ли, Никон, спишь ли, сей сон есть смертоносной. Недостойно человеку долго спать, который имеет советы на своей главе, не подобает, негодно. Вся ми надобно, а не вся ми годна, вопиет апостол. Егда слышали Христа апостоли: идем во Июдею, паки отвещали ему: Учителю, ныне искали июдее Тебе камением убити, и паки ли грядеши тамо. Ей, ничесо смерти достойнаго не делали мы, но все добродетели, все добром дела делали. Кто чинит добрыя дела, никогда не боится без страха великаго, чтоб боятися закона; но кто злое дело делает, трепещет и страшится велми оправдания праведнаго.

Противу сего 18 вопросу доволно есть указание выше сего написано на разорение. Ты глаголеши, ответотворче, надобно, чтоб ушол, так Иисус уходил (л. 161 об.)¹¹⁷⁹ ради мучительства безвинных отроков убиения и сохранился во Египте. Да ли ты не слышал во Святом Писании, яко побиты все младенцы, обретшиися во время Христова рождества в Вифлеоме и во всех пределех его?

Ты же глаголеши: Однако же как опасение минет, надобе возвратитися¹¹⁸⁰ ради оскорбления душевнаго, понеже от него столко душ походит. И надобно, чтоб он владел и паствил для того, что он будет страшной счет живущему Богу за них. Пастырь есть, который имеет имети болшой промысл. Епископ есть, который имеет дело оберегателства, оберегает есть истинное и сущее дело.

Почто, лицемере, (л. 162)¹¹⁸¹ неправедно судиши? Пишет бо ся: Иже праведнаго судит неправедна, неправеднаго же праведна, нечист и мерзок у Господа. Колико имаши, свой престол оставя, и скитаешися яко волк, хапая и угрызая братню совесть? Не зриши ли, колика злоба царева, всяк камень подвиг, да что любо обрящет на мя? Не слышал ли еси писаннаго выше, Господем реченная во святем Евангелии: Идеже не приемлют, ниже послушают словес ваших, исходите из града и прах ног ваших отрясите. И прочая.

Паки есть писано, яко не подобает, ниже во отмщение иному неправду ему воздаяти неправдующему. И¹¹⁸² посла вестники пред лицем Своим, и изшедше, (л. 162 об.)¹¹⁸³ приидоша в весь Самарянскую, яко уготовати Ему, и не прияша Его, яко лице Его бе идый в Иерусалим. Видевше же ученицы Его Ияков и Иоанн реста Ему: Господи, хощеши ли, да речем огню снити с небесе и попалити их, якоже Илия сотвори. Обращ же ся, запрети им и идоша во ину весь.

Аще¹¹⁸⁴ ли же преслушает сих, повеждь церкви, аще же и церковь преслушает, да будет ти яко язычник и мытарь.

Аще¹¹⁸⁵ же кто не послушает словесе вашего, посланием сего знаменайте и не приметайтеся ему, да посрамится. Аще же кто оскорби мене, не мене оскорби, но от части, да не отягчю всех вас.

Молитеся¹¹⁸⁶ за творящая вам пакости (л. 163)¹¹⁸⁷ и изгоняющая вы, яко да будете сынове Отца вашего, иже на небесех.

Ты же глаголеши, ответотворче, яко орехов был жезл Моисеов, а миндалной Ааронов, и тово не обретается в писме, и в сем солгал.

Ты же пишешь, пишут физики, что, коли постелешь листвы миндалныя или ореховыя, имеют силу чинить человеку, которой на них ляжет, не много спит. Не достало тебе святых Божественых книг во ответе, которыми велели апостоли святии и святии отцы учити, и заповеда, и ответы творити. Ты же физиками и ореховым листием и иными шпынскими прибаски ответы творишь.

Глаголеши, Симоне, бдиши ли, и се соглал, (л. 163 об.)¹¹⁸⁸ яко есть тако писано, но Симон седиши ли, Никон спиши ли. Лутче есть спати, нежели в суетных словах упражнятися.

Да ты же пишешь, се сон есть смертоносный, не достойно человеку долго спати, которой имеет советы на своей главе, нет, не подобает, негодго. Вся ми лет суть, но не вся на ползу, вопиет апостол. И сам той божественный апостол учит: Вам¹¹⁸⁹ бе лепо первее глаголати слово Божие, а понеже отвергосте его и недостойны творите сами себе вечному животу. Се обращаемся во языки, тако бо заповеда нам Господь. Противящим¹¹⁹⁰ же ся им и хулящим, отряс ризы своя, рече к ним, кровь ваша на главах (л. 164)¹¹⁹¹ ваших, чист аз, отныне во языки иду.

Глаголеши, егда слышали апостоли Христа, идем во Июдею, паки отвещали Ему, Учителю: Ныне искали июдеи Тебе камением побити, и паки грядеши тамо, ей, что ничего смерти достойнаго не делали. Кто чинит добрыя дела, не боится никогда без страха великаго, чтоб боятися закона, но кто злое дело делает, трепещет и страшится велми оправдания праведнаго.

Почто¹¹⁹² людем хвалиши закон, яко добр есть, преступлением же закона Бога безчествуеши, людем проповедуеши не красти, сам же святая крадеши.

К таковым Господь рекл есть: Иди за Мя, сатана, яко не мыслиши, яже суть (л. 164 об.)¹¹⁹³ Божия, но яже человеческа.

Аще бы аз боялся человек, то не бы пред лицем оскорбивших мя житие имел. Ибо Господь дремал тридесят лет, дондеже прииде вопиющий глас от пустыни, возбуди, и вторый с небесе от Отца, глаголя: Сей есть Сын Мой возлюбленный, Того послушайте. И оттоле начат учити и проповедати Евангелие во всем мире.

Тем¹¹⁹⁴ же и на корме корабля спяше, дондеже приидоша ученицы, возбудиша Его, глаголюще: Господи, спаси ны, погибаем. И глагола им: Что страшливи есте, маловерии. Тогда, востав, запрети ветром и морю, и бысть тишина велия.

Спит Христос, да познают ученицы немощь свою, и разбудив, по(л. 165)молятся¹¹⁹⁵ Ему и спасени будут.

Тако и ныне в мори жития сего плавающии, аще не призовем Христа, окормителя душ наших любовию и единением духа, по писаному: Возлюбим друг друга, да единомыслием исповемы. Тишины духа и спасения жизни никако же получим.

Инако же невозможно приити, воеже любити друг друга, якоже учит возлюбленный ученик Христов и наперсник Иоанн Богослов, глаголя: И о сем разумеем, яко познахом Его, аще заповеди Его соблюдаем. Глаголяй, яко познах Его, и заповеди Его не соблюдает, ложь есть и в сем истины несть. Иже бо соблюдет слово Его, по истине всем любы Божия соверше(л. 165 об.)на¹¹⁹⁶ есть, о сем разумеем, яко в Нем есмы. Глаголяй в Нем пребывати, должен есть, якоже Он ходил, и сей да такожде да ходит.

Тако и в законе от Бога свидетельствовася, первая и великая заповедь любити Бога от всего сердца, вторая же любити ближняго своего яко себе.

Иисус¹¹⁹⁷ же рече ему: возлюбиши Господа Бога твоего от всего сердца твоего и от всея дущи твоея. Си есть первая и болшая заповедь. Вторая же подобна ей, возлюбиши ближняго своего яко сам себе.

Яко¹¹⁹⁸ обличение, еже не любити Бога и Христа Его, еже заповеди Его не творити. Показание же, еже любити творение заповедей Христовых и тер(л. 166)пение¹¹⁹⁹, во иже о Нем страданиох даже до смерти.

Имеяй¹²⁰⁰ заповеди Моя и творяй их, он есть любяй Мя. Не любяй Мя, словес Моих не соблюдает.

Аще¹²⁰¹ заповеди Моя соблюдете, пребудете в любви Моей, якоже Аз заповеди Отца Моего соблюдох и пребываю в Того любви.

Яко¹²⁰² достоит всяку ненависть очищающу ко всем и враги любити, о другох же и душю положити, егда потреба призовет такову имуще любовь, якову же име Бог к нам и Христос Его.

Слышасте¹²⁰³, яко речено бысть древним: Возлюбиши искреняго своего и возненавидиши врага своего. (л. 166 об.)¹²⁰⁴ Аз же глаголю вам, любите враги ваша, добро творите ненавидящим вас и молитеся за творящих вам обиду и ненавидящих вас. И по мале. Будите убо вы совершени, якоже Отец ваш небесный совершен есть.

Тако бо возлюби Бог мира, яко и Сына Своего единороднаго дал есть.

Си¹²⁰⁵ есть заповедь Моя: да любите друг друга, якоже Аз возлюбих вы. Болши же сея любви никто же имать, да кто душю свою положит¹²⁰⁶ о друзе своем, и будете сынове Вышняго, яко Той благ есть на безблагодатныя и лукавыя. Будите убо щедри, якоже и Отец ваш небесный щедр есть.

Видите¹²⁰⁷, какову любовь дал Отец нам, да чада (л. 167)¹²⁰⁸ Божия наречемся и есмы. Возлюблении ныне чада Божия есмы не уявись, что будем, вемы же, яко аще явится, подобни Ему будем и узрим Его, якоже есть.

Составляет¹²⁰⁹ же свою любовь в нас Бог, яко и еще грешником сущим нам, Христос о нас умре. Бывайте¹²¹⁰ же подобни Богу яко чада Божия, и ходите в любви, якоже и Христос возлюби нас и Себе предаст за ны, приношение и жертву Богови.

Яко¹²¹¹ показание Христовых ученик, яже о Нем ко друг другу любы.

О¹²¹² сем познают вси, яко Мои ученицы есте, аще любовь имате друг ко другу.

Глаголяй¹²¹³ во свете быти, а брата своего ненавидит, во тме есть доселе. Любяй брата (л. 167 об.)¹²¹⁴ своего, во свете пребывает и соблазна в нем несть. Всяк не творяй правды, несть от Бога, и не любяй брата своего, яко се есть обетование, еже слышасте, исперва да любим друг друга, не якоже Каин от неприязни бе и закла брата своего и за кую вину закла его, яко дела его лукава быша, а брата его праведна. И по мале. Не любяй брата своего пребывает в смерть. Всяк, ненавидяй брата своего, человекоубийца есть. И весте, яко всяк человекоубийца не имать живота вечнаго в себе пребывающаго. О сем познахом любовь, яко Он по нас душю свою положи, и мы должни есмы по братии душу свою полагати.

Возлюблении¹²¹⁵, возлюбим (л. 168)¹²¹⁶ друг друга, яко любы от Бога есть. И всяк любяй от Бога рожден есть и разумеет Бога, а не любяй, не позна Бога, яко Бог любы есть.

Возлюбленнии, аще сице возлюбил есть нас Бог, и мы должни есмы друг друга любити. Бога никто же нигде же виде, аще любим друг¹²¹⁷ друга, Бог в нас пребывает и любы Его совершена есть в нас. Бог любы есть, и пребываяй в любви, в Бозе пребывает, и Бог в нем пребывает.

Аще¹²¹⁸ кто речет, яко люблю Бога, а брата своего ненавидит, ложь есть, ибо не любяй брата своего, его же виде, Бога, Его же не виде, како может любити. И сию заповедь имамы от Него, да любяй Бога, любит (л. 168 об.)¹²¹⁹ и брата своего, не любим словом и языком, но делом и истиною.

Видел ли еси, человекоугодниче, в Божественом Писании, самем реченное Господем нашим Иисусом Христом, чесого ради подобни Богу бываем и чада Божия нарицаемся. Аще ходим в любви Его, якоже и Христос возлюбил есть нас. И чесого ради во тме ходим, понеже брата ненавидим, и чесого ради несмы от Бога, понеже не творим правды Его, и чесого ради, яко человекоубийцы вменяемся и пребываем в смерти, понеже ненавидим братию, и чесого ради антихристи нарицаются, понеже не творят истины, и како той наречется подобен Богу. Бог заповеда: (л. 169)¹²²⁰ Слушаяй вас, Мене слушает, и отметаяйся вас, Мене отметается.

И божественный апостол Павел наказует: Братие, повинуйтеся наставником вашим и покаряйтеся. И прочая.

Ныне же вместо послушания преслушание и отметание и досаду творят. И вместо повиновения и покорения неповиновение и укорение и изгнание, и вместо правды неправду, вместо братолюбия ненавидение.

Разсуди себе, что твориши, и им же твориши, ты ниже мене знаешь, ниже видел или слышал еси от мене что, и судиши и ответы твориши, от единаго неправеднаго человека прием клевету, чрез Божественыя законы ответы твориши. Первое, (л. 169 об.)¹²²¹ по правилом святым сам еси чюжд явился всякия Божественыя благодати, еже в чюжей епархии много время жити, свою оставя. Второе, за неподобное деяние, еже чрез 4-го собора 9-е правило един ты митрополит осуждаеши патриарха. Божественнии же отцы возбраняют и митрополитом митрополита судити, развее епископа, но и епископ, аще не восхощет суда митрополичья, и того судит патриарх. А ты, гордостию превзявся, якоже и сатана, хотя быти подобен Вышнему, но бысть антихрист, еже есть сопротивник Христов, якоже Иоанн Богослов пишет: Дети¹²²² последняя го(л. 170)дина есть. И якоже слышасте, яко антихрист грядет, и ныне антихристи мнози быша, и от сего разумеваем, яко последний час есть. От нас изыдоша, но не быша от нас, аще бо быша от нас, пребыли убо быша с нами, но да явятся, яко не беша вси от нас.

1 2 3 4 5 6 7 8 9 10 11 12 13 14 15 16 17 ... 19 20 21 22 23 24 25 26 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

¹¹⁷⁹ На верхнем поле листа киноварная помета: 18 возражение.

¹¹⁸⁰ Так в ркп.

¹¹⁸¹ На верхнем поле листа киноварная помета: на 18-й вопрос и ответ.

¹¹⁸² На правом поле листа помета: Лук. 48.

¹¹⁸³ На верхнем поле листа киноварная помета: 18 возражение.

¹¹⁸⁴ На левом поле листа помета. Матф. 75.

¹¹⁸⁵ На левом поле листа помета: Сол. 277.

¹¹⁸⁶ На левом полде листа помета: Матф. 15.

¹¹⁸⁷ На верхнем поле листа киноварная помета: на 18-й вопрос и ответ.

¹¹⁸⁸ На верхнем поле листа киноварная помета: 18 возражение.

¹¹⁸⁹ На левом поле листа помета: Деян. 33.

¹¹⁹⁰ На левом поле листа помета: 40.

¹¹⁹¹ На верхнем поле листа киноварная помета: на 18-й вопрос и ответ.

¹¹⁹² На правом поле листа помета: Рим. 82.

¹¹⁹³ На верхнем поле листа киноварная помета: 18 возражение.

¹¹⁹⁴ На левом поле листа помета: Матф. 27.

¹¹⁹⁵ На верхнем поле листа киноварная помета: на 18-й вопрос и ответ.

¹¹⁹⁶ На верхнем поле листа киноварная помета: 18 возражение.

¹¹⁹⁷ На левом поле листа помета: Матф. 92.

¹¹⁹⁸ На левом поле листа помета: Вас. Вел. 3.

¹¹⁹⁹ На верхнем поле листа киноварная помета: на 18-й вопрос и ответ.

¹²⁰⁰ На правом поле листа помета: Иоан. 48.

¹²⁰¹ На правом поле листа помета: Иоан. 51.

¹²⁰² На правом поле листа помета: Вас. Вел. 15.

¹²⁰³ На правом поле листа помета: Матф. 15.

¹²⁰⁴ На верхнем поле листа киноварная помета: 18 возражение.

¹²⁰⁵ На левом поле листа помета: Иоан. 10.

¹²⁰⁶ На левом поле листа помета: Лук. 26.

¹²⁰⁷ На левом поле листа помета: 1 Иоан. 75.

¹²⁰⁸ На верхнем поле листа киноварная помета: на 18-й вопрос и ответ.

¹²¹⁰ На правом поле листа помета: Ефес. 228.

¹²¹¹ На правом поле листа помета: Вас. Вел. 5.

¹²¹² На правом поле листа помета: Иоан. 46.

¹²¹³ На правом поле листа помета: 1 Иоан. 70.

¹²¹⁴ На верхнем поле листа киноварная помета: 18 возражение.

¹²¹⁵ На левом поле листа помета: 1 Иоан. 73.

¹²¹⁶ На верхнем поле листа киноварная помета: на 18-й вопрос и ответ.

¹²¹⁷ В ркп. дважды, второй раз зачеркнуто.

¹²¹⁸ На правом поле листа помета: Иоан. 74.

¹²¹⁹ На верхнем поле листа киноварная помета: 18 возражение.

¹²²⁰ На верхнем поле листа киноварная помета: на 18-й вопрос и ответ.

¹²²¹ На верхнем поле листа киноварная помета: 18 возражение.

¹²²² На левом поле листа помета: 1 Иоан. 71.

Домашняя страница
священника Владимира Кобец