ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (15)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

икон разорил епископию Коломенскую для своего монастыря, выговаривая себе, что было ближнее епископство от Москвы, и то не пригоже бысть блиско патриаршескова боку епископии.

Сиречь хочет сказать, что прежния патриархи были глупы и слепы, что оставляли такую ближную епископию боку патриаршескому; толко он, что орел, имеючи очи многозрителныя, увидев такую недостойность, заборонил, не тако есть, но полюбил еси угодие епископское и вотчины и завладел еси ими, непщевая вины о гресех; и беднаго епископа напрасно изобидел, емлючи его харч, как разоритель. Не подобается тебе имети вотчин и имения епископскаго, отдай престол истинному архиерею, не обижай его без путя и не по правде; не любит Иеросалим чужих животов, но толко своих хочет и желает, неправедное не благословится, всегда вопиет в небеса; толко отдай его венчание, отдай отыманное, к его архиерейству приналежащее, естли хощешь быти оправдан в твоих правдах ты, который славишся быти справедливый судия.

Глаголеши, совопросниче, яко аз разорил епископию Коломенскую, своего монастыря выговаривая себе, что было ближнее епископство, и то непригоже быть блиско патриаршескаго боку епископии. И то ты солгал беззаконне, яко не твое есть вопрошати о сих, ниже ответолжетворцу отвещати. Коемуждо подобало своя мера знати, обаче отвещаем в разорения вашея злобы.

Вы глаголете, яко аз разорил Коломенскую епископию, еже бо аще кто разорит или запустошит, еже иныя не (л. 133 об.)¹⁰⁸⁷ укажет. А еже вместо иныя другую укажет, несть разорение, но строение. Ибо епископия Коломенская прилежит патриаши области поблизу сущи. Земля же Вяцкая и Великопермская отстоит болши полуторых тысящ верст, и есть место не малое и людей множество. К ним же прилежат страны язык не мало и есть тамо не мало останок языческих обычаев. Нецыи же глаголют и идолопоклоннических останков останцы есть. И сего ради по совету с великим государем царем и великим князем Алексием Михайловичем всеа великия и малыя и белыя России самодержцем таковое (л. 134)¹⁰⁸⁸ дело соделано, а не для Воскресенскаго монастыря. Еще в то время и початку Воскресенскаго монастыря не было, но елико мерилася Коломенская епископия доходы церковными, толико и дано по выписке из патриаршей епархии. Такожде елико число крестьянских дворов было во епископии, толико по государеву указу и там дано по выписке, а Коломенския епископии взяты на государя. И после того государь пожаловал в свое государево богомолье Воскресенской монастырь, будучи на освящении церковном, глаголя, святая святым достойна, а не аз взял или разорил. А то дело зделано к Божественей славе и Божиим людем ко спасению, что епископия преведена в далнее и многочеловечное место. (л. 134 об.)¹⁰⁸⁹ И сам ты глаголеши в 17-м ответе, яко Антиохийский престол пренесен в Дамаск и Александрийский во Египет на лутчия и безопасныя места. Да почто порокуеши деяние царьское и архиерейское в чюжей епархии?

Господу заповедающу: Шедше¹⁰⁹⁰, рече, научите вся языки, крестяще их во имя Отца и Сына и Святаго Духа, учаще их блюсти вся, елика заповедах вам. И паки: Слушаяй вас, Мене слушает, и отметаяйся вас, Мене отметается.

И апостол заповедает: Вся¹⁰⁹¹ творите без роптания и размышления. И 14-е апостолское правило с разсуждения епископу не возбраняет прейти.

Предел аще хощет (л. 135)¹⁰⁹² имети своего епископа по воли власть имущаго и по повелению его да имать. Таковый же на прочия пределы да не находит.

Повелено есть в коейждо области без воли митрополита нигде же никого же не поставити епископа, но ни в селе некоем, ни в мале градце, в нем же и един презвитер довлеет учити, епископа не поставляти, аще не умножится в таковых народ и достойно явится нарещися епископу. Аще же в пределе некоем, в нем же прежде не бе бывал епископ, прошением людей и волею имущаго власть, во области той митрополита поставлен будет епископ. Тоя люди токмо да держит, них же¹⁰⁹³ (л. 135 об.)¹⁰⁹⁴ поставлен есть епископ, инаго же предела да не заимет.

Аще который град обновится царем или созиждется градским и людским законом и церковных вещей чин да последует. Аще единаго мя сим укоряют, в приказе Посолских дел свидетелствуют отпуск, яко царьскаго величества с волею содеяно и епископов советом.

Не причастен, иже поставлен быв епископ, и абие оставив, дондеже покаявся, приимет.

Аще кто поставлен быв епископ и оставив, не послушает отъити в Церковь, в ню же поставлен быв (л. 136)¹⁰⁹⁵ и порученных ему людей учити, да будет отлучен, дондеже покаявся попечение порученных ему душ приимет.

Епископ поставлен быв, аще не прият будет жители предела того, в он же поставлен бысть, и начнет инем епископиям стужати, да отлучится. Аще же хощет, да причтен будет, с презвитеры да причтется. Аще же и ту сущим епископом стужает, да изринется и от презвитерския чести.

Аще поставлен быв епископом и не прият будет людми града того, в нем же попечение ему поручено бысть, и начнет на чюжду епископию наскакати и ту сущим епископом мятеж творити, (л. 136 об.)¹⁰⁹⁶ да отлучится. Аще же хощет с презвитеры да причтен быти и сидети с ними и равну честь прияти, да причтен будет с ними. Аще же и противу ту сущим епископом молву творит, епископская некая правления восхищает, таковый и презвитерския чести да будет лишен и от Церкви отвержен.

Видел ли еси, ответотворче неправедный, яко не разорена Коломенская епископия, но на лучшее пременена и Коломенский епископ, преступая отеческия правила, в указанную ему Церковь не идет и скитается беззаконно, его же священная правила извергают, аще не приятаго того града людми измещают, колми паче хотящим (л. 137)¹⁰⁹⁷ людем прияти, а он не идет как в митрополиты или в патриархи, аще и Божественнии закони не составляют без совета всех епископ, уже бы пошол и единем царевым повелением. Ты же, расколниче, сваришися, ничто же принося от Божественнаго писания свидетельства.

Глаголет бо святый Григорий Богослов ко 150-м епископом: якоже не имате что на мя глаголати и вы бранию хотите одолети. Тако и ты, нечего тебе писати и то сварливыми словесами.

1 2 3 4 5 6 7 8 9 10 11 12 13 14 ... 16 17 18 19 20 21 22 23 24 25 26 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

¹⁰⁸⁷ На верхнем поле листа киноварная помета: 15 возражение.

¹⁰⁸⁸ На верхнем поле листа киноварная помета: на 15-й вопрос и ответ.

¹⁰⁸⁹ На верхнем поле листа киноварная помета: 15 возражение.

¹⁰⁹⁰ На левом поле листа помета: Матф. 116.

¹⁰⁹¹ На левом поле листа помета: Фил. 241.

¹⁰⁹² На верхнем поле листа киноварная помета: на 15-й вопрос и ответ.

¹⁰⁹³ Слова «в них же» повторены дважды, второй раз на л. 135 об.

¹⁰⁹⁴ На верхнем поле листа киноварная помета: 15 возражение.

¹⁰⁹⁵ На верхнем поле листа киноварная помета: на 15-й вопрос и ответ.

¹⁰⁹⁶ На верхнем поле листа киноварная помета: 15 возражение.

¹⁰⁹⁷ На верхнем поле листа киноварная помета: на 15-й вопрос и ответ.

Домашняя страница
священника Владимира Кобец