История
Достопримечательности
Окрестности
Церкви округи
Фотогалерея
Сегодняшний день
Библиотека
Полезная информация
Форум
Гостевая книга
Карта сайта

Поиск по сайту

 

Памятные даты:

 

Праздники

Памятные даты

 

Наши сайты:


Подготовьте себя заранее к поездке в

Ферапонтово

http://www.ferapontov-monastyr.ru/
http://ferapontov-monastyr.ru/catalog/
http://www.ferapontovo-pilgrim.ru
http://www.ferapontovo-archive.ru
http://www.ferapontovo-foto.ru/
http://www.ferapontov.ru/
http://www.patriarch-nikon.ru/
http://www.tsipino.ru/
http://a-russian-troika.ru
http://a-hippotherapy.ru

Прогноз погоды:


Ферапонтово >>>


Яндекс.Погода


На главную Карта сайта Написать письмо

На главную Библиотека ПАТРИАРХ НИКОН В ФЕРАПОНТОВОМ МОНАСТЫРЕ Патриарх Никон. Труды. Духовные наставления христианину

ДУХОВНЫЕ НАСТАВЛЕНИЯ ХРИСТИАНИНУ


Патриарх Никон.Труды

Научное исследование,

общая редакция В.В. Шмидта



ДУХОВНЫЕ НАСТАВЛЕНИЯ ХРИСТИАНИНУ323


Великий Государь Царь (л. 298 а) и Великий Князь Алексий Михайлович всеа великия и малыя и белыя Росии самодержец, изволь милостиво сие тетрати приняти Божия завета нужнейшиа заповеди, без них же невозможно всякому християнину спастися, и со вниманием вычести, всяко познаеши недостаточество свое пред Господом Богом и ближнему любовь паще почтеши. Надеюся на Господа, яко милостив будеши нам. Аминь.


(л. 299) Яко подобает веровавшим Богови первее каятися по проповеди Иоаннове и самого Господа нашего Иисуса Христа, горше бо от иже прежде благовестия осужденных иже ныне не кающийся.


Евангелие


Оттоле324 начат Иисус проповедати и глаголати: Покайтеся, приближи бо ся Царство Небесное.

(л. 299 об.) Тогда325 начат поносити градовом, в них же быша множайшая силы его; яко не покаяшася, горе тебе, Хоразин! горе тебе, Вивсаида! Аще в Тире и Сидоне быша были силы бывшая в вас, древле убо во вретищи и попеле седяще покаялися быша, обаче Тиру и Сидону отраднее будет в день судный, неже вам.

Приидоша326 же неции в то время, возвещающе Ему о галилеох, их же кровь Пилат смеси с жертвами их. И отвещав Иисус, рече им: Мните ли, яко галилеяне сии грешнейши (л. 300) паче всех галилеян бяху, яко сице пострадаша? Ни, глаголю вам, но аще не покаетеся, вси такожде погибнете. Или они осмьнадесяте, на них же паде столп Силоамский и поби их, мните ли, яко тии должнейшии бяху, паче всех человек живущих во Иерусалиме? Ни, глаголю вам, но аще не покаетеся, вси такожде погибнете.


Апостол


Ни327 же ропщите, яко же нецыи от них ропташа и погибоша от всегубителя. Сия же случишася о Нем, написа же ся в наше наказание, в них же кончина веков достиже.

(л. 301) Яко тех, иже во злых делех сущая, к мучению множицею предает ради предворшаго нечестия.

И яко328 не искусиша Бога имети в разуме, сего ради предаст их Бог в неискусен ум творити неподобная.

Елма329 любовь не прияша истиную, еже спастися им. Сего ради посла им Бог действо прелести во еже веровати им во лжу.

(л. 302) Яко всяко сопротивословие, аще и от любовнаго и благоговейнаго сложения будет, отчюждает от Господа сопротив глаголющаго. Всяк же глагол Господень со всяцем извещением приимати подобает.

Оттоле330 начат Иисус сказовати учеником Своим, яко подобает Ему ити во Иерусалим и много пострадати от старец и архиерей и книжник, и убиену быти, и в третий день воскреснути. И предварив Его, Петр начат претити Ему, глаголя: Милостив Ты, Господи, не имать Тебе быти се. И обращься Иисус рече Петрови: Иди за Мя, сатано, соблазн Ми еси, яко (л. 302 об.) не мыслиши, яже суть Божия, но яже человеческа.

И начат331 умывати ноги учеником и отирати лентием, имже бе препоясан. Прииде убо к Симону Петру, и глагола Ему он: Господи, Ты ли мои умыеши нозе? Отвещав Иисус, рече ему: Еже Аз творю, ты не веси ныне, разумееши же по сих. Глагола Ему Петр: Не умыеши нозе мои вовеки. Отвещав ему Иисус: Аще не умыю тебе, не имаши части со Мною.

(л. 303) Яко не достоит преданиом человеческим последовати и отметати заповеди Божия.

По сих вопросиша Его332 фарисее и книжницы: Почто ученицы Твои не ходят по преданию старец, но неумовенныма руками снедают хлеб? Он же отвещав, рече им: Яко добре пророчествова Исаиа о вас, лицемерех, яко ж есть писано: сии людие устнами чтут Мя, сердце ж далече отстоит от Мене. Сии же чтут Мя, учаще учения заповедий человеческих. Оставльше бо заповеди Божия, держите предания человеческа.

(л. 304) Яко подобает вся неприступно хранити, яже Евангелием и Апостолы от Господа преданая.

Шедше333 , научите вся языки, крестяще их во имя Отца и Сына и Святаго Духа, учаще их блюсти вся, елика заповедах вам.

Бяху334 бо праведни обои пред Богом, ходяща во всех заповедех и оправданиох Господних непорочно.

Слушаяй335 вас Мене слушает, и отметаяйся вас Мене отметается, отметаяй же ся Мене отметается и пославшаго Мя336 .

(л. 305) Яко обличение еже не любити Бога и Христа Его, еже заповеди Его не творити, показание же еже любити творение заповедей Христовых и терпение во еже о Нем страданиох даже до смерти.

Имеяй337 заповеди Моя и творяй их, он есть любяй Мя. Не любяй Мя словес Моих не соблюдает.

Аще338 заповеди Моя соблюдете, пребудете в любви Моей. Яко ж Аз заповеди Моя моего соблюдох и пребываю в того любви.

Аще339 пребудете во Мне, и глаголи Мои в вас пребудут. Еще же, аще хощете просите, и будет вам.

(л. 306) Аще340 вы пребудете в словеси Моем, воистину ученицы Мои будете и разумеете истину, и истина свободит вы.

И341 аще кто услышит глаголы Моя и не верует, Аз не сужду ему. Не приидох бо да сужду мирови, но да спасу мир. Отметаяйся Мене и не приемля глагол Моих, имать судящаго ему, слово, еже глаголах, то судит ему в последний день. Прочая.


Апостол


Кто342 ны разлучит от любве Христовы, скорбь ли или теснота, или беда, или меч, яко же есть писано, яко тебе ради умерщвляемы есмы весь день (л. 306 об.) вменихомся, яко овца заколения. Но о всех сих препобеждаем за возлюбльшаго нас. И прочая.

(л. 307) Яко почитати и славити Бога, иже волю Его делаяй. Обезчещает же преступаяй того закон.

Аз343 прославих тя на земли, дело соверших, еже дал еси мне, да сотворю.

Сице344 да возсияет свет ваш пред человеки, яко да видят ваша добрая дела, и прославят Отца вашего, иже на небесех.

Да345 будете светли чистотою и непорочни в день Христов, исполнени плоды правды Иисусом Христом в славу и похвалу Божию.

Иже в закон хвалишися, преступлением закона Богу досаждаеши.

(л. 308) Яко аще и мнит кто исповедати Господа и слышати слово Его, не покоряет же ся заповедем Его, осудися, аще и в дарованиих духовных некоего строения ради будет прощаем.

Не346 всяк глаголяй Ми «Господи! Господи!», внидет во Царство Небесное, но творяй волю Отца Моего, иже на небесех. Мнози рекут Мне во он день: Господи, Господи, не Твоим ли именем пророчествовахом и Твоим именем бесы изгонихом, и Твоим именем силы многи сотворихом. И тогда исповем им, яко николи же знах вас, отыдете от Мене, делателие беззакониа. Всяк убо, иже слышит словеса (л. 308 об.) Моя сия и творит их, уподоблю его мужу мудру, иже созда храмину свою на камени, и сниде дождь, и приидоша реки, и возвеяша ветри, и оброшася храмине той, и не падеся, основана бо бе на камени. И всяк слышай словеса Моя сия и не творяй их подобен есть мужу бую, иже созда храмину свою на песце, и сниде дождь, и приидоша реки, и возвеяша ветри, и оброшася храмине той и паде, и бе падение ея велие.

Что347 же Мя зовете «Господи! Господи!» и не творите, яже Аз глаголю. И прочая.

(л. 309) Бога348 исповедают ведати, делы же Его отмещутся, мерзцы суще и непокоривии, и на всяко дело благо неискусни.

Ты349 веруеши, яко Бог един есть, добро твориши, и беси веруют и трепещут. Хощеши ли разумети, о человече суетне, яко вера без дел мертва есть350 .

И по мале: Яко ж бо тело без духа мертво есть, тако и вера без дел мертва есть.

(л. 310) Яко иже о малых не веруяй Богови явлен есть много первее о лучших не веровав.

Аще351 земная рекох вам, и не веруете, како, аще реку вам небесная, веруете?

Верный352 в мале и во мнозе верен есть, и неправеден в мале и во мнозе неправеден есть.

Кая353 полза, братиа моя, аще веру глаголет кто имети, дел же не имать, егда может вера спасти его. И прочее.

(л. 311) Яко не подобает небрещи влагающих разум со вниманием Господняя словеса слышащему внимати и творити хотения Его.

Отвещав354 же Петр, рече Ему: Скажи нам притчю сию. Иисус же рече: Единаче ли и вы без разума есте, неужели разумеваете, яко всяко входящее во уста во утробу вмещается, и афедроном исходит, и сквернят человека.

Всякому355 слышащему слово царьствия и не внимающу, приходит лукавый и восхищает сеянное в сердцы его. Се есть иже при пути сеянное. И по мале: А иже на добрей земли сеянное, се есть слышай слово и разумевая, (л. 311 об.) иже плод приносит и творит, ово убо сто, ово ж шестьдесят, ово тридесят.

И356 призвав народ, рече им: Слышите вси и разумейте. И проч.

Блюдите357 убо како опасно ходите, не яко немудри, но яко премудри: искупующе время, яко дние зли суть. Сего ради не бывайте безумни, но разумевающе, что есть воля Божия святая и угодная.

(л. 312) Яко горше убо осуждение ведящих и не творящих, неже еже по неведению согрешати безбедно.

Он358 же раб, ведый волю Господина своего и не сотворь, ниже уготовлься к хотению Его, биен будет много. Не будет много. Ни же достойная ранам, биен будет мало.

(л. 313) Яко кончина греху смерть.

Непокаряяй же ся359 Сыну не узрит жизни, но гнев Божий пребывает на нем.

Егда360 раби бесте греху, свободни бесте от правды, кий убо плод иместе тогда. Оних же ныне стыдитеся, кончина онем смерть. И по мале: Приобретение бо греха смерть, жало смерти грех.

(л. 314) Яко кончина заповеди Божия жизнь вечная.

Аминь361 , аминь, глаголю вам, аще кто слово Мое соблюдет, смерти не узрит вовеки.

Но362 пославый Мя Отец, Той мне заповедь даст, что реку или что возглаголю, и вем, яко заповедь Его живот вечный есть.

Ныне363 же свобождшеся от греха, поработивше же ся Богови, имате плод ваш во святыню, кончина же жизнь вечная.

(л. 315) Яко не подобает преобидети судбы Божия, но боятися, аще и не абие воздаяние будет.

Убойте же ся364 паче могущаго и душу и тело погубити в геене.

Аще365 же речет раб он в сердцы своем: Укоснит Господин мой приити, начнет бити рабы и рабыня, ясти же и пити и упиватися; приидет Господин раба того в день, в онь же не чает, и в час, в онь же не весть, и разсечет его пол, и часть его с неверными положит.

Се366 здрав бысть, к тому не согрешай, да не горее ти что будет.

(л. 315 об.) Блюдите367 убо, да не приидет на вы реченное во пророце: Видите нерадивии и чюдитеся, и узрите, и исчезнете, понеже дело Аз соделаю во днех ваших, ему же не имате веровати, аще кто возвестит вам. Да никто ж вас льстит тщимы словесы, сих бо ради грядет гнев Божий на сыны непокоривыя.

(л. 316) Яко делание греха отчюждает от Бога и присвояет дияволу.

Аминь368 , аминь, глаголю вам, яко всяк творяй грех раб есть греху.

Вы369 отца вашего диявола и похоти отца вашего хощете творити.

Егда бо раби бесте греху, свободни бесте от правды.

(л. 317) Яко иже к Богу присвоение не во плоти сродства познавается, но в потщании хотениих Божиих исправляется.

Сый370 от Бога глаголы Божия послушает. И371 возвестиша ему, глаголюще: Мати Твоя и братия Твоя вне стоят, видети Тя хотяще. Он же отвещав, рече им: Мати Моя и братия Моя суть слышащии слово Божие и творящии его.

Он372 же рече: Тем же убо блажени слышащии слово Божие и хранящии его.

Иже373 несть со Мною, на Мя есть, иже не собирает со Мною, растачает.

Вы374 друзи Мои будете, аще творите, (л. 317 об.) елика Аз вам заповедаю.

Елицы375 духом Божиим водятся, сии суть сынове Божии.

(л. 318) Яко не достоит лгати, но истинствовати во всем.

Да376 будет же слово ваше еже ей, ей, ни, ни, множайше же сего от лукаваго есть.

Отложивше377 лжу, глаголите истину койждо ко искренему своему.

Не378 лжите друг на друга.

(л. 318 об.) Яко подобает всякому глаголу или вещи верна приводити свидетелства от богодухновенных книг писаний во извещение убо благому, в постыжение ж лукавому.

И379 пришед380 к Нему искуситель, рече: Аще Сын еси Божий, рци камению сему, да хлеби будут. Он же отвещав, рече: Писано есть: не о хлебе едином жив будет человек, но о всяком глаголе, исходящем изо уст Божиих.

По381 сих вопросиша Его фарисее и книжницы: Почто ученицы Твои не ходят по преданию старец, но неумовенныма рукама снедают хлеб? Он же отвещав, рече им: Яко добре пророчествова (л. 319) Исаия о вас, лицемерех, яко же есть писано: сии людие устнама чтут Мя, сердце же их далече отстоит от Мене. Сии же чтут Мя, учаще учения заповедей человеческих оставльше заповеди Божия.

Мужие382 июдейстии и живущии во Иерусалиме вси, се вам разумно да будет, и внушите словеса Моя, не бо яко же вы мните, сии пияни суть, есть бо час третий дне, но се есть реченное пророком Иоилем: И будет в последняя дни, глаголет Господь: излию от Духа Моего на всяку плоть, и прорекут сынове ваши. И проч.

(л. 320) Яко не достоит просто, ниже неиспытателне от лицемерствующих истину совосхищатися, от данаго ж нам от писаний воображения познавати.

Внемлите383 же, от ложных пророк, иже приходят к вам во одеждах овчих, внутрь же суть волцы хищницы, от плод их познаете их.

От384 сего уведят вси, яко Мои ученицы есте, аще любовь имате друг ко другу.

Ведети385 вам, яко никто же духом глаголяй речет анафема Иисуса.

(л. 321) Яко не подобает инако учащим внимати, аще и воображаются во еже прельстити на обличение неизвещенных.

Блюдитеся386 , да не кто вас прельстит. Мнози бо приидут во имя Мое глаголюще, яко аз есмь Христос, и многи прельстят.

Внемлите387 , от книжник, хотящих ходити во одеждах и любящих целования на торжищих и предвозлежания на вечерях, иже снедают домы вдовиц, виною далече молящеся, сии приимут множайший суд.

Но388 аще мы или ангел с небесе благовестит вам паче, еже благове(л. 321 об.)стихом вам, анафема да будет. И яко же прежде рех, и ныне глаголю, аще кто вам благовестит паче, еже приясте, проклят да будет.

(л. 322) Яко достоит первее себе исправляти якове любого согрешения и потом иного обличати или судити.

Что389 же видиши сучец во оце брата твоего, бердна ж в твоем оце не смотряеши, или како речеши брату своему: остави, да изму сучец изо ока твоего, и се бердно во оце твоем; лицемере, изми первее бердно из очесе твоего и тогда прозриши изъяти сучец изо очеса брата твоего.

Приведоша390 же книжницы и фарисее к Нему жену, в прелюбодеянии яту, и поставиша ю посреде, глаголаша Ему: Учителю, сия (л. 322 об.) жена ята есть ныне в прелюбодеянии, в законе же нам Моисей повеле таковыя камением побивати, Ты же что глаголеши? Се же реша искушающе Его, да быша имели что глаголати нань. Иисус же долу преклонися, перстом писаше на земли, не слагая им, якоже прилежаху вопрошающе Его восклонься, рече к ним: Иже есть без греха в вас, прежде верзи камень на ню. И паки долу преклонься, писаше на земли. Они ж слышавше и совестию обличаеми, исхождаху един по единому, наченше от старец до последних. И оста един Иисус (л. 323) и жена посреди сущи. Восклоня же ся Иисус, ни единаго же виде точию жену, рече ей: Где суть, иже важдаху на тя, ни кий же ли тебе осуди? Она же рече: Никто же, Господи. Рече же ей Иисус: Ни Аз тебе осуждаю. Иди и отселе к тому не согрешай.

Не судите391 , да не судими будете, им же бо судом судите, осудитеся.

Не судите392 и не осудитеся, не осуждайте и не осуждени будете.

Тем393 же безответен еси, о человече, всяк судяй, им же бо инаго судиши, себе осуждаеши, тая же де бо твориши судяй, (л. 323 об.) вемы, яко суд Божий есть на творящия таковая. Помышляеши же ли се, о человече, судяй таковая, яко ты убежиши суда Божия.

(л. 324) Яко не подобает судити кого от безвестных.

Тем394 же не прежде времене судите, дондеже приидет Господь, иже просветит тайная тмы и объявит советы сердечныя, и тогда похвала будет коемуждо от Бога.

(л. 324 об.) Яко395 не подобает на лицеприятия судити, аще обрезание человек приимлет в субботу, да не разорится закон Моисеов. На Мя ли гневаетеся, яко сего человека здрава сотворих в субботу? Не судите на лица, но праведный суд судите. (л. 325) Яко не подобает осуждати кого, прежде даже увесть опасно яже о нем, аще и мнози суть оглаголующии.

Глагола396 Никодим, пришедшый к Нему нощию един сый от них: еда закон наш судит человеку, аще не слышит прежде от него и разумеет, что творит.

Яко397 мнози дни сотворшу ему тамо, Фист сказа цареви яже о Павле, глаголя: муж некий есть оставлен от Филикса узник, о нем же бывшу ми во Иерусалиме яви архиерей и старцы июдейстии, просяще нань пря. К ним же отвещав, яко несть обычай римляном даяти кого человека, прежде даже оклеветаный, пред лицем видит (л. 325 об.) клеветники, место ж приимет о согрешении.

(л. 326) Яко достоит вовремя удалятися наветующих, попустивый бо впасти во искушение извод створити, иже волю Божию молитвою просити.

Отшедшим398 же им се ангел Господень во сне явися, Иосифу глаголя: Востав, поими Отроча и матерь Его, бежи во Египет и буди тамо, дондеже реку ти. Хощет бо Ирод искати Отрочате, да погубит Е. Он же востав, поят Отроча и матерь Его нощию и отыде во Египет. Умершу же Ироду, се ангел Господень во сне явися Иосифу во Египте, глаголя: Востав, поими Отроча и матерь Его, иди в землю Исраилеву, изо(л. 326 об.)мроша бо ищущии душу Отрочате. Он же востав, поят Отроча и матерь Его и прииде в землю Исраилеву. Слышав же, яко Архелай царствует во Июдеи вместо Ирода, отца своего, убояся тамо ити. Весть же прием во сне, отыде в пределы Галилейския.

Слышав399 же Иисус, яко Иоанн предан бысть, отыде в Галилею, оставль Назарет.

Блажени400 есте, егда поносят вам и изжденут вы, и рекут всяк401 зол глагол на вы, лжуще Мене ради.

И по мале: Тако бо и гнаша пророки, иже бе прежде вас.

(л. 327) Ни же402 не приимет вас, ни же послушает словес ваших, исходяще из дому или из града того, отрясите прах ног ваших. И проч.

Исполнишася403 вси ярости в сонмищи слышавшии сия и воставше, изгнаша Его вон из града, и ведоша Его до верху горы, на ней же град их создан бяше, да быша Его низринути. Он же, прошед посреди их, идяше.

Егда404 убо гонят вас во граде сем, бегайте во другий град. Фарисеи же, совет приемше, изыдоша, како да Его погубят. Иисус же, разуме, отлучися оттуду.

(л. 327 об.) От дне убо онаго совещашася убити Его, Иисус же не к тому дерзновением хождаше во Июдеох.

И преклонь колена моляшеся, глаголя: Отче, аще есть воля, да мимоидет чаша сия, обаче не Моя воля, но Твоя да будет.

Ведый405 же Иисус изыде со ученики Своими на он пол потоца Кедронска, иде же бе вертоград, в он же вниде Сам и ученицы Его.

Напасть406 вас не прият разве человеческа, верен же Бог, иже не оставит вас искуситися паче, еже можете, но сотворит со искушением изводство, еже мощи вам претерпети.

Савл407 же оскорбляше церковь по домох входя, и плача мужа и жены, предаяше в темницу, (л. 328) они же убо разсеявшеся.

Уведан408 же бысть Савлу совет их, стрежаху же врата день и нощь, яко да того убиют, поемше же ученицы нощию свесиша по стене в кощноцы409 .

Бог410 и Отец Господа нашего Иисуса Христа весть, сый благословен во веки, яко не лжу. В Дамасце языческий князь Арефы царя, стрежаше Дамаск град, яти мя хотя, и оконцем в кошницы свешен бых по стене, и избегох от руку его.

Во411 оно же время возложи Ирод руце озлобити некия иже от церкве, уби же Иякова, брата Иоаннова мечем. И виде, яко (л. 328 об.) годе бысть июдеом, приложи яти и Петра. Беху же дние опресночни. Его же и ем, всади в темницу, предав четырем четверицам воином стрещи его.

И по мале: Помаам же им рукою молчати, сказа им, како Господь его изведе ис темницы. Рече же возвестити Иякову и братиям сия. И изшед, иде во ино место. Бывшу же дни, бе молва немала в воинех, что убо Петру бысть. Ирод же поискав его и не обрет, и истяза стражи, повеле отвести их. Изшед от Июдеи в Кесарию, живяше.

Видевше412 же господие ея, яко (л. 329) изыде надежда делания их, поемше Павла и Силу, привлекоша на торг ко князем и ведше их к воеводам, реша: Сии человецы возмущают наш град, июдее суще, и завещавают обычая, яже не достоит нам приимати, ни творити римляном сущим. И снидеся народ на них и воеводы, растерзавше им ризы, веляху палицами их бити. Многи же, давше им раны, всадиша в темницу.

И по мале: И убояшася слышавше, яко римлянина еста. И пришедше, умолиша их изведше моляху изыти из града. И изшедше ис темницы, приидоша к Лидии и ви(л. 329 об.)девше братию, утеша их и изыдоша.

Вам413 бе нужда глаголати слово Божие, но понеже отреваете Его и недостойни, сами себе творите вечныя жизни, се обращаемся во языки, сице заповеда нам Господь.

И414 воздвигоша гонение велие на Павла и Варнаву и изгнаша их от предел своих. Они же, оттрясше прах от ног своих на них, приидоша во Иконию. И415 яко же снидоста от Македония. Сила же и Тимофей тужаше духом. Павел свидетелствуя июдеом Христа Иисуса, противящим же ся им и хулящим, отряс ризы своя, (л. 330) рече к ним: Кровь ваша на главах ваших. Чист аз отныне, иду во языки. И прочая.

Аще416 кто инако417 учит и не приходит ко здравым словесем Господа нашего Иисуса Христа. И еже по благочестию и учению разгорде ничесоже сведый, но болезнь о взысканиих и словопрениих, от них же бывает зависть, рвение, хулы, мнения лукава прихождения растленных человек умом и отчюжденных от истинны, мнящих приобретение быти благочестие, отступай от таковых.

В418 последния дни настанут времена люта, будут человецы (л. 330 об.) самолюбцы, сребролюбцы, величави, горди, хулницы, родителем непокоривии, неблагодатни, непреподобни, нелюбовни, свадливи, диаволи, невоздержливи, некротцы, неблаголюбиви, предателе, продерзателе, горделиви, сластолюбцы паче неже боголюбцы, имуще образ благочестия, силы же его отметающеся, сих отвращайся.

Бес419 правды епископ изгнан аще и в чюждем пределе пребывает, дондеже досаждение мимоидет.


Толкование


От буести и горести возбраняюще святии отцы повелеша епископом в реченное время во инех епископиях пре(л. 331)бывати. Аще ж некий епископ исповеданиа ради чистыя нашея веры, или понеже бе поборник истине, рекше противяся властелем, не творящим истины, и того ради от своего града изгнан быв и во другий град приидет, не возбранится ту пребывати ему, дондеже обрести возможет и пременение бывшаго на нем досаждения.

(л. 331 об.) Яко не подобает себе вменяти во искушения прежде времене от Бога прощенаго, но молитися не внити во искушение.

Сице420 убо молитеся вы: Отче наш, иже еси на небесех, да святится имя Твое.

И по мале: И не введи нас во искушение, но избави нас от лукаваго.

И421 хождаше Иисус по сих в Галилеи, не бо хотяше во Июдеи ходити, яко искаху убити июдее. Бе же близ празник июдейский сеннопотчение. Реша же к Нему братия Его: Преиди отсюду и иди во Июдею, да и ученицы Твои видят дела, яже твориши. Никто же бо сокровенне творит (л. 332) что, и ищет сам дерзновенен быти. Аще сия твориши, яви себе мирови, ни братии бо Его веровах в онь. Глагола им Иисус: Время Мое успе прииде, время ж ваше всегда готово, не может мир ненавидети вас, Меня ж ненавидит, яко Аз свидетелствую о нем, яко дела его зла суть. Вы взыдете в праздник сей, яко время Мое успе исполнися.

Сия ж рек им, оста в Галилеи. Егда же взыдоша братия Его, тогда и Сам взыде в празник не яве, но сокровенне.

Воставше422 , молитеся, да не вни(л. 332 об.)дете в напасть.

(л. 333) Яко подобает христианину во искушениих от коегождо наводимых ему поминати, иже в Богодухновенном Писании к предлежащему реченное, сице неискушена себе блюсти и сопротивныя упражняти.

Тогда Иисус веден бысть в пустыню духом искуситися от диявола. И постився дний 40 и нощий 40, последи же взалка. И приступль к Нему искуситель, рече: Аще Сын еси Божий, рцы, да камение сии хлеби будут. Он же отвещав, рече: Писано есть, не о хлебе точию жив будет человек, но о всяком глаголе, исходящем (л. 333 об.) изо уст Божиих. И проч.

(л. 334) Яко подобает христианину не боятися и подвизатися во обстоянии, ниже возвышатися о еже на Бога уповании, дерзати ж, яко Господу предстоящу и яже о нем устрояющу и Святому Духу учащу и, даж и до ответа еже к сопротивным.

Не убойтеся423 от убивающих тело, души же не могущих убити. Убойте же ся паче могущаго душю и тело погубити в геенне. Не две ли птицы ассарию продается424 и ни едина от них падется на земли без Отца вашего. Вам же и власи главнии вси изочтени суть, не убойтеся, убо мнозех птиц лучши есте вы.

(л. 334 об.) Егда425 же ведут вы на сонмища к началом и властем, не пецытеся, како или что отвещаете или что речете, Святый бо Дух научит вы в той час, яже подобает рещи.

И426 бысть буря ветрена велия, волны же вливахуся в корабль, яко погружатися ему. И Той бе в корме на возглавнице спя, и возбуждше Его, глаголаху Ему: Учителю, не брежеши ли, яко погибаем. И востав, запрети ветру, и рече морю: Умолкни, улязи. И улеже ветр, и бысть тишина велия. И рече им: Что тако страшливи есте, како не имате веру?

(л. 335) Востав427 же священноначалник и иже с ним сущая ересь саддукейская, исполнишася зависти, и возложиша руце свои на апостолы, и послаша их в соблюдение общее. Ангел же Господень отверзе нощию двери темницы, извед же их, рече: Идити и ставше глаголите в церкви к людем вся глаголы жизни сея. Слышавше же, внидоша от утра в церковь и учаху. Не428 хощем вас не ведети, братие, о скорби нашей, бывшей нам во Асии. И по мале: Яко от толики смерти избави нас, и избавит.

(л. 335 об.) Яко подобает радоватися всякому спострадующему даже до смерти имени ради Божия и заповеди Его.

Блажени429 изгнани правды ради, яко тех есть Царство Небесное. Блажени есте, егда поносят вам и ижденут вы, и рекут всяк зол глагол на вы лжуще Мене ради. Радуйтеся и веселитеся, яко мзда ваша многа на небесех.

Блажени430 есте, егда возненавидят вас человецы и разлучат вас, и поносят, и пронесут имя ваше яко зло Сына Человеческаго ради. Возрадуйтеся в той день и взыграйте, се бо мзда ваша многа на небесех.

И431 призвавше апостолы бывше, (л. 336) запретиша им не глаголати о имени Иисусове, и отпустиша их. Они же радующеся, идяху от лица собора, яко сподобишася о имени Его безчестени быти. Весь же день во святилищи и по домех не престаяху учаще и благовествующе Господа Иисуса.

Ему432 же бых аз, Павел, служитель, ныне радуюся во страданиих моих о вас и исполняю лишение страданий Христовех в плоти моей о телеси Его, еже есть Церковь.

(л. 337) Яко не достоит оставляти о благочестии подвизающияся.

Отвеща433 же им Иисус: Ныне ли веруете, се грядет час, и ныне прииде, да разыдетеся кийждо во своя, Мене же единаго оставите. Веси434 ли сие, яко отвратишася Мене вси иже от Асии, от них же есть Фигелл и Ермоген. Да даст же Господь милость Онисифорову дому, яко многажды мя упокои и вериг моих не постыдеся, но бывша мя в Риме, тощно взыскав обрете. Да даст ему Господь обрести милость от Господа в день он. И елика во Ефесе послужи, добрее ты веси.

(л. 337 об.) В435 первем моем ответе никто же со мною прииде, но вси оставиша мя, да не вменится им.

(л. 338) Елика по общему возражаются и ответа приимут прещение.

От436 сердца бо исходят помышления лукавая, убийства, прелюбодейства, блудове, крадбы, лжесвидетелства, хулы. Сии суть сквернящая человека.

Отыдите437 от Мене, проклятии во огнь вечный, уготованный дияволу и аггелом его. Взалках бо ся, и не дасте Ми ясти. Возжадахся438 , и не напоисте Мя. Странен, и не введосте Мя. Наг, и не одеясте Мя. Болен и в темницы, и не посетисте Мене. Горе439 вам, богатым, яко восприемлете утешение ваше. Горе вам, на(л. 338 об.)сыщеным, яко взалчете. Горе вам, смеющимся, яко восплачете и возрыдаете. Горе, егда рекут вам добре вси человецы. Внемлите440 же себе, да некогда отягчают сердца ваша объядением и пиянством, и печалми житейскими, и внезапу найдет441 на вы день он. И442 яко же не искусиша Бога имети в разуме, предаст их Бог в неискусен ум творити неподобная, и исполнены всякия неправды, лукавства, и прочая.

Иже443 бо не прелюбы444 сотвориши, не убиеши, не украдеши, не похощеши, и аще кая ина заповедь.

(л. 339) Не445 лститеся, ни блудницы, ни прелюбодее, ни малакия, ни мужеложницы, ни лихоимцы, ни пияницы, ни досадители, ни хищницы Царствия Божия не наследят. Да446 некако рвения, зависть, гнев, свары, оклеветания, гордыни, нестроения. Всяка447 горесть и ярость, гнев и вопль, и хула да возмется от вас со всякою злобою. Блуд же и всяка нечистота, и лихоимство, ниже да именуется в вас, яко ж подобает святым, и сквернословия, и буесловия, и блядословия, и яже неподобная.

Умертвите448 убо уды ваша, (л. 339 об.) сущая на земли, блуд, нечистоту, страсть, похоть злую, и лихоимство, еже есть идолослужение. Их же ради грядет гнев Божий на сыны непокоривыя. Ныне же отвержите гнев, ярость, злобу, хулу, сквернословие от уст ваших, не лжите друг на друга.

Беззаконным449 же и непокоряющимся, нечестивым и грешником, непреподобным и грешником, отцедосадителем и матередосадителем, мужеубийцам, блудником, мужеложником, лжем, клятвопреступником, и еже аще что ино, здравому учению (л. 340) противится, по благовествованию славы блаженнаго Бога, Ему же вверен бых аз.

В450 последняя дни отступят нецыи от веры, внимающим духовом лестчим и учением бесовским, в лицемерии лжесловеснем созженым своею совестию, возбраняющим женитися, удалятися брашен, их же Бог созда в восприятие со благодарением верным и познавшим истину.

Аще451 ли кто инако учит и не приходит к здравым словесем Господа нашего Иисуса Христа и еже по благочестию учения разгорде, ничесо же сведый, но болезнь (л. 340 об.) о взысканиих и словопрениих, от них же бывает зависть, рвение, хула, мнения лукава, сожителства растленных человек умом и отчюженных от истины, мнящих приобретение быти благочестие. Отступай от таковых.

В452 последняя дни настанут времена люта, будут бо человецы самолюбцы, сребролюбцы, величави, горди, хулницы, родителем непокориви, неблагодатни, непреподобни, нелюбиви, свадливи, диаволи, невоздержливи, некротцы, неблаголюбиви, предателе, продерзателе, горделиви, сластолюбцы (л. 341) паче, неже боголюбцы, имуще образ благочестия, силы ж его отметающеся. И сих отвращайся.

Бехом453 бо иногда и мы несмыслени, непокориви, заблужающе, работающе похотем и сластем различным, в злобе и зависти живуще, мерзцы, ненавидяще друг друга.

(л. 342) Елика по согласному судятся, и благословно обетование имут.

Блажени454 нищии духом, яко тех есть Царство Небесное. Блажени плачющии, яко тии утешатся. Блажени кротцыи, яко тии наследят землю. Блажени алчющии и жаждущии правды, яко тии насытятся. Блажени милостивии, яко тии помиловани будут. Блажени чистии сердцем, яко тии Бога узрят. Блажени миротворцы, яко тии сынове Божии нарекутся. Блажени изгнани правды ради, яко тех есть Царство Небесное. Блажени есте, егда поносят вам (л. 342 об.) и изжденут, и рекут всяк зол глагол на вы лжуще Мене ради. Радуйтеся и веселитися, яко мзда ваша многа на небесех.

Приидите455 благословеннии Отца Моего, наследуйте уготованное вам Царствие от сложения миру. Взалках бо ся, и дасте Ми ясти, возжадах, и напоисте Мене, странен, и введосте Мя, наг, и одеясте Мя, болен бех, и посетисте Мене, в темнице бех, и приидосте ко Мне.

Аще456 же служай в служении, аще учай во учении, утешаяй во утешении и подаяй в простоте, предстояй со тщанием, милуяй с тихостию, любый (л. 343) нелицемерно, отметающеся злаго, прилепляюще же ся блазем, братолюбием к друг другу любезни, честию друг другу водящеся, тщанием неленностиви, духом горяще, Господиви работающе, упованием радующеся, скорби терпяще, в молитве пождавающе, потребам святых причащающеся, страннолюбие гоняще, благословите гонящая вы, благословите, а не клените. Радоватися с радующимися и плакати с плачющими. Тожде друг другу мудрствующе, невысокая мудрствующе, но смиреными со отводящеся, не бывайте мудри (л. 343 об.) от себе. Ни единому же зло за зло воздающе, промышляюще добрая пред всеми человеки, аще мощно от вас, со всеми человеки мирующе. Не себе отмщающе, возлюблении, но дадите место гневу, писано бо есть: Мне отмщение, Аз воздам, глаголет Господь. Но аще алчет враг твой, ухлеби его, аще ли жаждет, напои его, не побеждаяйся от зла, но побеждай благим злое.


... 2 Следующая >>>



Ссылки:


323 РГАДА. Ф. 27. Приказ Тайных дел. Оп. 1. Д. 140. Ч. 1. См. также редакцию и комментарий рукописного источника: Осипенко М.В. Наставления христианину Святейшего Патриарха Никона // Социальные конфликты в России XVII-XVIII веков. Саранск, 2004; Севастьянова С.К. «Наставления царю» Патриарха Никона // Материалы к «Летописи жизни и литературной деятельности Патриарха Никона». СПб., 2003. назад

324 На правом поле листа киноварная помета: Матф. 8. назад

324 На правом поле листа киноварная помета: Матф. 8. назад

325 На левом поле листа киноварная помета: Матф. 42. назад

326 На левом поле листа киноварная помета: Лук. 70. назад

327 На правом поле листа киноварная помета: Кор. 144. назад

328 На правом поле листа киноварная помета: Рим. 81. назад

329 На правом поле листа киноварная помета: Солун. 275. назад

330 На правом поле листа киноварная помета: Матф. 68. назад

331 На левом поле листа киноварная помета: Иоан. 44. назад

332 Далее затерто. назад

333 На левом поле листа киноварная помета: Матф. 117. назад

334 На левом поле листа киноварная помета: Лук. 2. назад

335 На левом поле листа киноварная помета: Лук. 51. назад

336 В нижнем левом углу чернильная (?) помета: Собор. Лаодик. прав. 16. назад

337 На левом поле листа киноварная помета: Иоан. 48. назад

338 На левом поле листа киноварная помета: Иоан. 51. назад

339 На левом поле листа киноварная помета: Иоан. 50. назад

340 На правом поле листа киноварная помета: Иоан. 31. назад

341 На правом поле листа киноварная помета: Иоан. 43. назад

342 На правом поле листа киноварная помета: Рим. 49. назад

343 На правом поле листа киноварная помета: Иоан. 56. назад

344 На правом поле листа киноварная помета: Матф. 11. назад

345 На правом поле листа киноварная помета: Фил. 236. назад

346 На правом поле листа киноварная помета: Матф. 23. назад

347 На левом поле листа киноварная помета: Лук. 28. назад

348 На правом поле листа киноварная помета: Тит. 301. назад

349 В ркп. отсутствует киноварный (?) инициал. На правом поле листа киноварная помета: Яков. 53. Этот и следующий абзацы написаны другим почерком и расплывающимися (?) чернилами. назад

350 Далее зачеркнуто: И прочее. назад

351 На правом поле листа киноварная помета: Иоан. 8. назад

352 На правом поле листа киноварная помета: Лук. 81. назад

353 В ркп.: ая. Отсутствует киноварный (?) инициал. На правом поле листа киноварная помета: Ияков, пос. 53. Абзац написан вторым почерком (см. прим. л. 309). назад

354 На правом поле листа киноварная помета: Матф. 61. назад

355 На правом поле листа киноварная помета: Матф. 51. назад

356 На левом поле листа киноварная помета: Марк. 29. назад

357 На левом поле листа киноварная помета: Ефес. 229. назад

358 На левом поле листа киноварная помета: Лук. 68. назад

359 На правом поле листа киноварная помета: Иоан. 11. назад

360 На правом поле листа киноварная помета: Рим. 93. назад

361 На правом поле листа киноварная помета: Иоан. 33. назад

362 На правом поле листа киноварная помета: Иоан. 43. назад

363 На правом поле листа киноварная помета: Рим. 93. назад

364 На правом поле листа киноварная помета: Матф. 37. назад

365 На правом поле листа киноварная помета: Лук. 68. назад

366 На правом поле листа киноварная помета: Иоан. 14. назад

367 На левом поле листа киноварная помета: Деян. 33. назад

368 На правом поле листа киноварная помета: Иоан. 31. назад

369 На правом поле листа киноварная помета: Иоан. 32. назад

370 На правом поле листа киноварная помета: Иоан. 32. назад

371 На правом поле листа киноварная помета: Лук. 36. назад

372 На правом поле листа киноварная помета: Лук. 58. назад

373 На правом поле листа киноварная помета: То ж. назад

374 На правом поле листа киноварная помета: Иоан. 51. назад

375 На левом поле листа киноварная помета: Рим. 97. назад

376 На правом поле листа киноварная помета: Матф. 14. назад

377 На правом поле листа киноварная помета: Ефес. 227. назад

378 На правом поле листа киноварная помета: Кол. 257. назад

379 На левом поле листа киноварная помета: Матф. 7. назад

380 Далее затерто: шее. назад

381 На левом поле листа киноварная помета: Марк. 28. назад

382 На правом поле листа киноварная помета: Деян. 3. назад

383 На правом поле листа киноварная помета: Матф. 23. назад

384 На правом поле листа киноварная помета: Иоан. 46. назад

385 На правом поле листа киноварная помета: Кор. 150. назад

386 На правом поле листа киноварная помета: Матф. 98. назад

387 На правом поле листа киноварная помета: Лук. 103 назад

388 На правом поле листа киноварная помета (?): 193. назад

389 На правом поле листа киноварная помета: Матф. 20. назад

390 На правом поле листа киноварная помета: Иоан. 28. назад

391 На правом поле листа киноварная помета: Матф. 20. назад

392 На правом поле листа киноварная помета: Лук. 27. назад

393 На правом поле листа киноварная помета: Рим. 81. назад

394 На правом поле листа киноварная помета: Кор. 130. назад

395 На левом поле листа киноварная помета: Иоан. 26. назад

396 На правом поле листа киноварная помета: Иоан. 27. назад

397 На правом поле листа киноварная помета: Деян. 48. назад

398 На правом поле листа киноварная помета: Матф. 9. назад

399 На левом поле листа киноварная помета: Матф. 8. назад

400 На левом поле листа киноварная помета: Матф. 10. назад

401 В ркп. «всяк» исправлено из «взяк». назад

402 На правом поле листа киноварная помета: Матф. 35. назад

403 На правом поле листа киноварная помета: Лук. 14. назад

404 На правом поле листа киноварная помета: Матф. 37. назад

405 На левом поле помета: Иоан. 8. «Ведый идеже» вписано вторым (?) почерком между строк, окончание абзаца дано со знаком вставки на нижнем поле. назад

406 На левом поле листа киноварная помета: 1 Кор. 145. назад

407 На левом поле листа киноварная помета: Деян. 17. назад

408 На правом поле листа киноварная помета: Деян. 22. назад

409 Так в ркп. назад

410 На правом поле листа киноварная помета: 1 Кор. 194. назад

411 На правом поле листа киноварная помета: Деян. 29. назад

412 На левом поле листа киноварная помета: Деян. 38. назад

413 На левом поле листа киноварная помета: Деян. 33. назад

414 На левом поле листа киноварная помета: Деян. 33. назад

415 На левом поле листа киноварная помета: Деян. 18. назад

416 На правом поле листа киноварная помета: Тим. 287. назад

417 Вписано над строкой: ко. назад

418 На правом поле листа киноварная помета: Тим. 295. назад

419 В ркп. «ес». Отсутствует киноварный инициал. На левом поле листа киноварная помета: Прав. в средце собора 19. Этот и следующий абзацы написаны вторым почерком. назад

420 На левом поле листа киноварная помета: Матф. 17. назад

421 На левом поле листа киноварная помета: Иоан. 25. назад

422 На правом поле листа киноварная помета: Лук. 109. назад

423 На правом поле листа киноварная помета: Матф. 37. назад

424 В ркп. «продаетася» исправлено из «продаетеся». назад

425 На левом поле листа киноварная помета: Лук. 64. назад

426 На левом поле листа киноварная помета: Марк. 18. назад

427 На правом поле листа киноварная помета: Деян. 14. назад

428 На правом поле листа киноварная помета: 2 Кор. 168. назад

429 На левом поле листа киноварная помета: Матф. 10. назад

430 На левом поле листа киноварная помета: Лук. 24. назад

431 На левом поле листа киноварная помета: Деян. 15. назад

432 На левом поле листа киноварная помета: Кор. 251. назад

433 На правом поле листа киноварная помета: Иоан. 55. назад

434 На правом поле листа киноварная помета: 2 Тим. 291. назад

435 На левом поле листа киноварная помета: 2 Тим. 299. назад

436 На правом поле листа киноварная помета: Матф. 61. назад

437 На правом поле листа киноварная помета: Матф. 106. назад

438 Дописано над строкой: ся. назад

439 На правом поле листа киноварная помета: Лук. 25. назад

440 На левом поле листа киноварная помета: Лук. 107. назад

441 Вписано над строкой. назад

442 На левом поле листа киноварная помета: Рим. 81. назад

443 На левом поле листа киноварная помета: Рим. 111. назад

444 Вписано со знаком вставки на нижнем поле: не прелюбы. назад

445 На правом поле листа киноварная помета: 1 Кор. 134. назад

446 На правом поле листа киноварная помета: 2 Кор. 196. назад

447 На правом поле листа киноварная помета: Ефес. 227. назад

448 На правом поле листа киноварная помета: Кол. 257. назад

449 На левом поле листа киноварная помета: Тим. 279. назад

450 На правом поле листа киноварная помета: Тим. 283. назад

451 На правом поле листа киноварная помета: Тим. 287. назад

452 На левом поле листа киноварная помета: 2 Тим. 295. назад

453 На правом поле листа киноварная помета: Тит. 302. назад

454 На правом поле листа киноварная помета: Матф. 10. назад

455 На левом поле листа киноварная помета: Матф. 106. назад

456 На левом поле листа киноварная помета: Рим. 110. назад

Домашняя страница
священника Владимира Кобец

Создание сайта Веб-студия Vinchi

®©Vinchi Group