История
Достопримечательности
Окрестности
Церкви округи
Фотогалерея
Сегодняшний день
Библиотека
Полезная информация
Форум
Гостевая книга
Карта сайта

Поиск по сайту

 

Памятные даты:

 

Праздники

Памятные даты

 

Прогноз погоды:


Ферапонтово >>>


Яндекс.Погода


Наши сайты:


Подготовьте себя заранее к поездке в

Ферапонтово

http://www.ferapontov-monastyr.ru/
http://www.ferapontovo.info/
http://www.ferapontovo.org/
http://www.ferapontovo-foto.ru/
http://www.ferapontov.ru/
http://www.tsipino.ru/
http://www.patriarch-nikon.ru/

На главную Карта сайта Написать письмо

На главную Библиотека ПАТРИАРХ НИКОН В ФЕРАПОНТОВОМ МОНАСТЫРЕ Никоноведение Никоноведение: библиография, историография и историософия. Шмидт В.В.

НИКОНОВЕДЕНИЕ: БИБЛИОГРАФИЯ, ИСТОРИОГРАФИЯ И ИСТОРИОСОФИЯ. ШМИДТ В.В.

Страница 14

© Шмидт В.В.


НИКОНОВЕДЕНИЕ:

библиография, историография и историософия

(Продолжение)


* * *


Велико и обширно почитание Святейшего Патриарха Никона как в нашей стране, так и за ее пределами. С давних времен к Святейшему обращаются как к молитвеннику и ходатаю пред Богом о прощении грехов и исцелении немощей. И по молитвам – подается…82 Памяти Святейшего Патриарха Никона посвящено немало поэтических строк, а с 400–летия со дня рождения и 325-летия со дня его кончины имеется возможность восхвалять его пением канона и акафиста, сложенных усердными трудами М.В. Осипенко83 .


~ КАНОН ~

Святителю Никону, Патриарху Московскому и всея Руси

Глас 1

Песнь 1

Твоя победительная десница боголепно в крепости прославися: та бо, Безсмертне, яко всемогущая противныя сотре, израильтяном путь глубины новосоделавшая.

Просвети, Господи, нищеумие мое, и даждь ми силу словес явити дела воина Твоего крепкаго Святейшаго Патриарха Никона, силою Твоею лукаваго змия побеждающаго и славу имене Твоего преумножающаго.

От млада возраста благодатию Божиею покрываема, отрока Никиту ублажим, иже дванадесятолетну Иисусу подражая, дом родителев остави и в Макариев монастырь, яко в дом Отца Небеснаго, вселися.

Любовию ко Господу распалаем, иерее Божий Никито, во страну полунощную востекл еси подвига ради, вожделев дерзновенно Христа, яко солнце незаходимое, в себе стяжати.

Ангельский образ со именем Никон восприим, по имени и житие твое показал еси, побеждая врагов видимых и невидимых силою крестною.

Преподобнаго Елеазара житию последуя, постническими освятился еси деяньми, отче Никоне, всенощным псалмопением и воды кроплением духов злобы попирая, келлию твою небесный чертог сотворил еси, вопия: «Христос с нами уставися».

Богородичен: Христа видевши плотию воставша, радости исполнена явилася еси, Богородительнице; испроси же и нам радостотворный плач даровати, да не лишимся Божественнаго утешения.


Песнь 3

Утверди, Господи, Церковь Твою, юже стяжал еси силою Креста Твоего, имже врага победил еси, и просветил еси вселенную.

От утробы матерни благодатию избран был еси в архипастыря людем твоим, отче Никоне, от невежества к свету боговедения их возводити и ко Господу о спасении мира ходатайствовати.

Кормчаго изрядна плавающим в нощи житейских попечений показа тя Господь, на патриаршество воззвав, ты же путем, к Богу вводящим, невозвратно шествовал еси и ко Граду Небесному достигл еси, Дух бо Святый настави тя, почиваяй в сердце твоем.

Избран быв в Патриарха, отче Никоне, возвысился еси, яко священник Высочайшаго, правдою одеян светло, строитель бо спасения был еси, вопия: превозносите Христа во веки.

Совершенную любовь к Богу стяжав, благ ради нетленных воистинну, земных любовь оставил еси и горе востекл еси, вопия: прилепихся вослед Тебе, Владыко.

Богородичен: Рай мысленный показалася еси, Богородице, цвет нетления прозябла еси Христа, Егоже плоти и крови верою причащающеся, безсмертие улучихом.


Седален, глас 4

Первопрестольников Российских преемника, единства церковнаго вернаго хранителя, Христова милосердия подражателя, воздержания блюстителя, книг богомудраго исправителя, светильника Церкве Патриарха Никона восхвалим, честную память его песненно празднующе, и Действовавшего в нем Своею благодатию прославим.


Слава, и ныне, глас 4

Премудрости сокровище вемы Тя, Пречистая, и точащую благодатию источник приснотекущий разума; капли ведения одожди нам, Владычице, еже воспевати Тя присно.


Песнь 4

Взятся солнце, и луна ста в чине своем: вознеслся еси, Долготерпеливе, на древо, и водрузил еси на нем Церковь Твою.

От волнения морскаго едва не потоплен, верою же ко Единому, Емуже и волны и ветри повинуются, спасен был еси ко пристанищу Кию острову, на немже, Бога благодаря, Крест честный среди моря водрузил еси.

По мнозех летех грядый с мощами святителя Филиппа и видев Крест, силою Распятого стоящ в целости, желание возымел еси соградити на Кие острове монастырь и житие иноческое ту проводити, взем на рамо крест твой.

Древо цельбоносное Честнаго и Животворящего Креста неразделенно показал еси, Патриарше Никоне, мощами святых яко плоды украшенное и славу втораго пришествия Христова возвещающее.

«Яко одушевленну тебе припадаю, Кресте пречестный», – Святейший Никон взываше, – «ты ми просвети душу, и ум, и слух, и уста, и дыхание, и очи к путем Царствия Христова».

Богородичен: Успим со Иаковом многотрудную плоть, и обуздаем страсти, да мысленную лествицу узрим, яже Небесным соединением земныя концы озаривши, сиянием невещественным и чудесы всю тварь облиста.


Песнь 5

Просветивый сиянием пришествия Твоего, Христе, и освятивый Крестом Твоим мира концы, сердца просвети светом Твоего богоразумия православно поющих Тя.

Насажден во дворех Господних, в дому Бога нашего процвел еси, отче Никоне, прием небесное семя браздою сердечною, клас сторичествующ добродетелей принесл еси. И ныне, оскудение душ наших восполняя, изливаеши благодать исцелений верою приходящим.

В раи мысленнем пожил еси, отче Никоне, умом ангелом невещественным совокупляяся, с нимиже и спрославился еси, яко и прежде кончины был еси небесный.

Неослабно Богу сопребывая, озарением духовным явился еси столп огнен, досточудне, верныя люди предводяй.

Милосердию подражая Владыки и Господа, нищих и убогих питал еси, хлебом телесным и словесным алчущих насыщая.

Богородичен: Взыдем к высоте Рая Словеснаго, Иже нам от Своея утробы Цвет Саморасленный, Бога и Царя всем сущим и Зиждителя, Слово Божие живое израсти.


Песнь 6

Обыде нас последняя бездна, несть избавляяй, вменихомся, яко овцы заколения. Спаси люди Твоя, Боже наш: Ты бо крепость немощствующих и исправление.

Крестителю подражая добре воздержанием, отче Никоне, и Илии великому постом и чистотою, ревностию обоих уязвлен быв, царское величество безбоязненно обличил еси, яко пастырь Церкве Христовы.

Лесть и человекоугодие не приемый, но всего себе в волю Божию предав, осужден был еси яко гордый, Патриарше Никоне, судиями, гордынею ослепленными; ты же со псалмопевцем восклицал еси: «прокленут тии, и Ты, Боже, благословиши; востающии на мя да постыдятся, раб же Твой возвеселится».

Божественному Предтечи уподобивыйся, царский гнев за обличение приял еси. Во изгнании жизнь скончав, телом нетленным в храме Крестителевом, тобою созданном, положен, венцем чудес обогатился еси.

Невесты Твоея Церкве, Владыко Христе, добрый хранитель бяше Патриарх Никон, в чистоте веры соблюдая ю, и за честь ея дружбу цареву и жизнь свою ни во чтоже вмени.

Богородичен: Радуйся, двере мысленная, еюже пройде Превечный Бог; радуйся, жезле Ааронов, израстивый цвет от корене Иессеова; радуйся, трапезо, яже Хлеб жизни на пищу всему подавшая роду человеческому, Дево Мати чистая.


Кондак, глас. 8

Божиим изволением архипастырь и учитель был еси, Патриарше Никоне, / скорбьми утружденному народу русскому, / и неусыпный о нем к Богу молитвенник, / в благочестии и чистоте веры наставлявый / и страданий Крест в терпении подъявый. / Темже зовем ти, Небеснаго Иерусалима Священниче, / моли милостиваго Бога, да прегрешений оставление подаст душам нашим.

Икос

Духовных даров сосуд боготворный, златоустаго проповедника, богомыслия учителя, лжи и клеветы разорителя Святейшаго Патриарха Никона восхвалим, взывающе: радуйся, духов злобы победителю; радуйся, вышния красоты тайнозрителю; радуйся, Иерусалима Новаго во образ Града Небеснаго предивный устроителю. Ты клевету, изгнание и труды многи претерпел еси в заточении, паче желез нищетою окован, и благодать чаши лекарственныя от Христа улучив, немощствующих врач и нищих питатель неоскудный явился еси. Темже, имея дерзновение ко Господу, поминай нас, чтущих святую память твою и воспевающих: Радуйся, Святейший Патриарше Никоне, дивный соработниче Зиждителя Града Небеснаго.


Песнь 7

Явлейся в купине законоположнику огнем, и рождество Девы проображей в ней, благословен еси, Господи Боже отец наших.

Людем смиренным дивен вождь и покровитель был еси, Патриарше Никоне, высок в видениих и в действиих же, и Высочайшаго Царя угодник был еси, Емуже взываем: благословен еси, Боже отец наших.

Вышних ища и земную славу презрев, Духом Святым огнь души твоея распалил еси, отче Никоне, пожигая страсти плотския постом и молитвою, да чистым сердцем поеши: благословен еси, Боже отец наших.

Миролюбия и самолюбия отвергся, Горняго Иерусалима достигл еси, идеже венец победы от Христа улучил еси, и Ему с небесными лики служиши, приемля Его сияние.

Иверския иконы боголепный зрак, воображенный древле, с верою видев, блаженне Никоне, возжелал еси в жилище Пречистей Богородице обитель на Святем езере устроити.

Богородичен: Светом и столпы огненными указанное место, избра в жилище Себе Пресвятая, егоже освятила есть честнаго образа Своего от Афона пришествием.


Песнь 8

Новодетелю всего мира и Спасителю, поет Тя вся со ангелы тварь, играет, ликует и радуется трепетом, благословите, глаголющи, вся дела, честное рождество Избавителя моего, со мною во веки любовию превозносящая.

Христа возжелав, мирския почести преобидел еси; яко добрый раб трудяся, храм пречудный воздвигл еси в земли русской Распеншемуся нас ради и тридневно Воскресшему, да разумеем таинства силу и во обители небесныя вселимся.

Удицею премудрости умнаго моря глубину возчерпая, из смертоносныя глубины греха души верных живоуловил еси, взывая: «Образ чтуще, к началом образных истин восходити возможем: познаем наше достоинство, знаем тайны силу и за кого Христос умре. Будем бози Его ради, зане и Он нас ради человек бысть».

Слово твое, отче Никоне, любовию Христовою освящено, житие твое богоподражательно, смерть честна бысть, и по смерти гроб твой, чудесы сияяй, Божественное богатство исцелений источает верным.

Троичен: Животворящей Троице предстоя радостно, светлыми молниями просвещаемь, всеблаженне Никоне, испроси просвещение и нам, твою честную память совершающим.

Богородичен: Свет родившая, возсиявший во тьме и сени смертней, явилася еси мысленный восток, из Неяже Солнце Христос истече.


Песнь 9

Светися светися Новый Иерусалиме: слава бо Господня на тебе возсия. Ликуй ныне и веселися, Сионе, Ты же чистая красуйся, Богородице, о востании Рождества твоего.

Венцем Твоего Царствия, Владыко, и багряницею украсил еси боголепно Святейшаго Патриарха Никона, превозлюбльшаго доброту, Христе, Твоея красоты, и верным благодателя сего показал еси.

Ты, Святче Божий, душу твою за паству положил еси, и Бог, видя труды и подвиги твоя, силою благодати устрои в души твоей град мира и в сердце твоем дом утешения, яко псалмопевец рече: Иерусалим, зиждемый яко град.

Сердце стяжав чисто, видети сподобился еси невидимая; и шествуя с радостию свободным путем, прешел еси, отче Никоне, из юдоли земныя в Небесный Иерусалим, вожделенное отечество твое.

Обилие благодати обитает в раце мощей твоих, Патриарше Никоне, сего ради прославляем тя, яко новоявленна чудотворца, и просим исцеления душам нашим, грехом недугующим.

Христовых заповедей делателю всесвященный, испроси миру мир, молим тя, Святейший Патриарше Никоне, и спасение душам нашим.

Богородичен: Священнаго гражданства отпав, приложихся скотом несмысленным и уподобися им, но молися, Пречистая, Сыну Твоему, нас ради грешных во ад сошедшему, да не лишит мене света Воскресения Своего.


Тропарь, глас 8

Первопрестольников преемниче, столпе благочестия непоколебимый, всеблаженне отче Никоне, светильник Церкве явился еси, державу Российскую ко Христу окормляя, научая небесная паче земных любити и священство превыше царства чтити. Сего ради страданьми сокровище небесное стяжав и Церкви торжествующей соединився, моли Христа Бога спастися душам нашим.

Ин тропарь, глас 2

Зодчий духовный показался еси, Патриарше Никоне, во обители Слова благочестивых души наздав, Божественною благодатию на камени веры, и себе сам совершил еси добродетельми красен храм, в негоже Отец вселися и Сын и Дух Святый.

Величание

Величаем тя, святителю отче Никоне, и чтим святую память твою, ты бо молиши за нас Христа Бога нашего.


~ АКАФИСТ ~

Святителю Никону, Патриарху Московскому и всея Руси


Кондак 1: Богоизбранный пастырю словеснаго стада Христова, Церкве Российския невестокрасителю изряднейший, яко рясны златыми святынями украсив ю, блаженне, доброте духа ея поревновал еси благосердно, да во славе предстанет Небесному Жениху Христу. Ты же, слыша глас Грядущаго с Небесе, иже над всеми есть, радуешися, яко друг Жениха Предтеча славный. Тако и мы, вшедше в радость сию, зовем ти: Радуйся, Святейший Патриарше Никоне, дивный соработниче Зиждителя Града Небеснаго.

Икос 1: Ангельскому чину подражая, вестниче небесный, явился еси, святителю отче Никоне, горе к тайнам Царства Небеснаго, возводя оземленевшия души наша. Ты бо путем многоскорбным до конца Христу последовал еси, и, подвиг земный добре совершив, в Небесном Граде присно священнодействовати удостоен был еси. Мы же, о земных умолкше, духовная и благоподражательная твоя исправления воспомянем досточестно, со умилением взывающе:

Радуйся, любовию Божественною движимый, Христу нераздельно соединивыйся;

радуйся, безмолвием и псалмопением Господу угождая, в пустыню Анзерскую вселивыйся.

Радуйся, яко высоким служением облеченный, внутренния пустыни не покинул еси;

радуйся, сокровище сердца твоего собравый на Небеси.

Радуйся, великочестный гражданине Святаго Града Иерусалима Новаго;

радуйся, сердце утвердивый на краеугольнем камени Града сего, Слове Живаго Бога.

Радуйся, топазе твердый, поставленный со иными угодники во ограде Сиона Небеснаго;

радуйся, яко взыскуя Христа, многоценнаго бисера, не уклонился еси от пути теснаго.

Радуйся, неразоримыми всенощных бдений забралами Град Святый утверждающий;

радуйся, богоприятнаго поста оружием врагов полчища от него прогоняющий.

Радуйся, на еже верою взирал еси, ныне в свете невечернем созерцающий;

радуйся: “Воспойте Господеви песнь нову”, – Бога Всеблагаго величая, восклицающий.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 2: Видя сиротство свое и, от юности не дольняго, но горняго отечества взыскуя, дванадесяти лет преселился еси отрок Никита в Макариев монастырь премудрости словесней внимати, Иисусу отроку последующе, Иже рече: «В дому Отца моего достоит быти Ми». В возраст же совершен пришед, помазася священства Божественною мастию, и иерей благолепен бе, самому присноизобильному источнику Благодати предстоя. Обаче, душею в любовь Божию распалаяся, иноческое житие возлюби зело, яко к Богу приближающее. Сего Единаго возжелав, устремился еси ко отоку Соловецкому и тамо ангельскаго образа сподобился еси от преподобнаго Елеазара; и тако выну Господа пред очима своима имея, воспеваше Ему: Аллилуия.

Икос 2: Разум и достоинство дарова тебе Бог, преблаженне Никоне, яко истинну пастырю и верному делателю Божию, иже печашеся устроити и питати словесное свое стадо чистою, и нелестною, и твердою пищею, и во всем содержати всякое священное деяние по чину Великия Церкве. Мы же, овцы учений твоих, зовем ти:

Радуйся, духовных добродетелей доме, богоразумием украшенный;

радуйся, твердый уме, благодатию и истиною освященный.

Радуйся, великий в мудрости и больший в благоговении;

радуйся, высокий в ведении и высочайший в смирении.

Радуйся, милостивый заступниче сирых пред царем земным;

радуйся, дерзновенный ходатаю к Царю Небесному.

Радуйся, наставниче добрый возлюбивших Истину;

радуйся, непоколебимая твердыне веры Православныя.

Радуйся, яко освяти тя Господь во истину Свою;

радуйся, яко узре тя пастыря Себе в предстательство.

Радуйся, горó, юже благоволи Бог жити в ней;

радуйся, ибо Господь вселится до конца.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 3: Силою, данною ти свыше, возшел еси, Никоне, на престол великия и святыя Церкве, царскому и всего священнаго Собора прошению повинуяся, ибо избра тя Господь мужа по сердцу Своему, яко Божия строителя церковнаго, сильнаго наставити в здравем учении, и противящияся обличати, и Церковь Христову во единстве пасти и соблюдати. Ты же, Патриарше Никоне, яко Илия боговидец, ревнуя по Бозе, неприкровенно рекл еси: «Ничто ино богоугоднее есть, яко присно во святых и божественных заповедех поучатися, и на тех крепко утверждатися». И сам, боголюбнейше сие исполнив, глаголы Спасовы в сердце нося, смерти не узриши, но, свыше световодительствуем к первому Свету Богу, воспеваеши присно: Аллилуия.

Икос 3: Имущие два великая дара, священство и царство, богоизбранную двоицу: благочестиваго царя и христолюбиваго патриарха, возрадовася страна Российская: яко священство божественным служит, царство же человеческим владеет и о сем печется. Вкупе же уставы и правила Святых отец, яко от Святаго Духа вдохновенны, облобызающе приемлют и держат, всяку новину потребляюще. От единаго начала обоя происходят, человеческое украшающе житие; ничто же бо тако бывает поспешнее царству, яко святительская честь: егда бо вера евангельская сияет, тогда и архиерейство почитается. Ты же, Патриарше Никоне, предстоя ныне престолу Царя Небесного, не забуди тебе поющих:

Радуйся, от чрева матере своея во освящение Богу избранный;

радуйся, не от человек, но свыше пронареченый Патриарх, и Духом помазанный.

Радуйся, добротою священноначальническаго сана благочестно удобренный;

радуйся, светильниче богоносный, на свещнице церковнем поставленный.

Радуйся, чина боголепнаго церковнаго утвердителю;

радуйся, догматов Божественных верный хранителю.

Радуйся, книг богомудрый исправителю;

радуйся, духовнаго любомудрия учителю.

Радуйся, богословие Слова на Руси утвердивый;

радуйся, наукам начаток в стране нашей положивый.

Радуйся, по дару благодати возмогший три монастырия устроити;

радуйся, луче трисолнечнаго озарения Святыя Троицы.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 4: Бурю внутрь имея помышлений сумнительных, кий грешник не возопиит, яко Петр: «Господи, спаси мя, утопаю!» Но ты, Патриарше Никоне, силою Крестною от потопления спасенный и во славу честнаго и животворящаго Креста обитель посреди моря воздвигнувый, умоли Спасителя нашего Господа милостивно окормити кораблец наш ко острову спасения, да ветрилом Креста окриляеми, достигнем тихаго пристанища, иде же угодившии Богу присно воспевают: Аллилуия.

Икос 4: Слышаще и ведуще от писаний Божественных, яко вси подвизавшиися во благочестии распинаху плоть свою со страстьми и похотьми, ты, Патриарше Никоне, тепле Богу всеблагому моляся, постом душу свою христолюбивую смирял еси и пост добродетельми освящал, исполняя божественным Павлом реченное: «во всем составляюще себе, яко Божия слуги в терпении мнозе, в скорбех, в нуждах, в ранах, в темницах, в нестроениих, во трудех, во бдениих, в постех». Тем же, плотию и духом постивыйся, святче Божий, тако вооружился еси, яко не токмо плоть, на дух похотствующу, доблественне духу покорил еси, но и самыя львы рыкающия, словесныя духи лукавыя, победил храбрьственне. Сего ради зовем ти:

Радуйся, воздержанием пищу Божественную познавый;

радуйся, подвиги своими Богу работати верных научавый.

Радуйся, устава скита Анзерскаго присный исполнителю;

радуйся, неусыпный о чистоте сердца попечителю.

Радуйся, избранный от пелен в воинство Христово;

радуйся, вписанный от юности в книгу живота вечнаго.

Радуйся, совлекший древнюю зол ветхость;

радуйся, ходящий во обновлении жизни.

Радуйся, духом обновивый ум свой богомудрый;

радуйся, тихое безстрастия безмолвие пристяжавый.

Радуйся, яко кичливую мира лестнаго гордыню, попрал еси;

радуйся, яко в Небесный Церкве град, яко победоносец введен был еси.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 5: Яко боготечная звезда возсияла еси икона Богородицы, юже святейшему патриарху Никону принесоша грецы от Святыя Афонския горы в Богом снабдимый град Москву. И, яко втораго Сиона жилище, освятила еси себе Пречистая на Святом езере Иверский монастырь. Никон же блаженнейший, монастырь устрояя с радостию, слово похвальное рече к Пресвятей: «Да усмотрим же в Ней дверь небесную райскую, Юже паче всех селений Иаковлих всех Содетель возлюби, и любовию напишем на сердцах наших Тоя боголепный зрак, яко дверь Сия есть и хранительница дверем: скверным и нечистым возбраняет вход». Мы же, милостиваго Ея заступления просяще, благодарственно воспеваем: Аллилуия.

Икос 5: Виде Пресвятая Троица твое мудрование о небесных, Святейший Патриарше, положи тебе на сердце, устроити три монастырия, яко три образы спасения, да вземше крест свой, последуем от земных ко Иерусалиму Новому, и предстательством твоим умолим благую Вратарницу двери райския нам, со блудницею и разбойником плачущим, отверзти: уповаем бо на заступление твое, наследниче вечных благих, ихже око не виде и ухо не слыша, мы, восписующии ти похвальная:

Радуйся, рая мысленнаго познавый сладость;

радуйся, возлюбивый Крест, иже страдания обращает в радость.

Радуйся, Крест Гоподень водрузивый среди моря, яко знамение спасения;

радуйся, сей скипетр Христов мощами святых украсивый паче драгих каменей.

Радуйся, у Вратарницы испросивый стране Российстей небесное заступление;

радуйся, икону Ея Иверскую, яко сосуд благодати горы Афонския, приемый.

Радуйся, спасительных Страстей Христовых усердный почитателю;

радуйся, храма Гроба Господня во славу Воскресшаго в земли Русской созидателю.

Радуйся, во образ Иерусалима Новаго обитель устроивый;

радуйся, подражания Христу себе самаго образ нам явивый.

Радуйся, яко за сие в Царствии Небеснем велий наречен был еси;

радуйся, не оставляяй нас, на земли меньших, любящих тя.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 6: Проповедник богоносен явился еси, патриарше Никоне, поучая стадо свое, яко милостынею щедрот всяк, кто хотяй подражает Богу. И Сам Господь Иисус рече: «будите милосерди, якоже Отец ваш небесный милосерд есть». Не постом же или нестяжанием, рече, подобитися, но милосердием: свойственно бо добродетели сей в подражающих Богу воображати Его. Всем же, по силе своей милостыню дающим, Бог всемогущий Вседержитель воздаст, по святому Евангелию, зде сторицею, и в будущем веце живот вечный, идеже выну да поют: Аллилуия.

Икос 6: Воссиявый во Египте просвещение истины Христос и нас, во тьме неведения седящих, да просветит молитвами угодника своего блаженнаго Никона: душа убо его, равноангельнаго жития добротою удобренная, по скончании многоскорбныя временныя жизни, ангелы Божиими досточестне ведома, в нерукотворенный вечныя жизни двор Небесный радостне вселися, и яко богоизбранная невеста Христова, на вечный брак Небесный пришедши, Небесному Жениху Христу Богу уневестися; тело же честное, труды страдальческими утружденное, бденьми всенощными обезстрастенное, в постех добре подвиг скончавшее, и струями слезными от тимения сквернаго омовенное, положися в церкви велицей Воскресения Христова под Голгофою с пением похвальным:

Радуйся, по успении телом нетленным во обитель свою пришедый;

радуйся, душею во Иерусалим Небесный вшедый.

Радуйся, в житии земнем чудеса и исцеления творивый;

радуйся, и во упокоении дивна дела явивый.

Радуйся, яко разумевая доброту Божию зело чудился еси;

радуйся, тоя доброты служителю Мелхиседеку подобный.

Радуйся, дерзновенный подражателю совершенства Отца Небеснаго;

радуйся, яко не уклонился еси от пути крестнаго.

Радуйся, душе небошественная;

радуйся, радости небесныя вестниче.

Радуйся, милости Божия раздаятелю;

радуйся, в невидимой брани нам пособниче.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 7: Хотя, богомудре Никоне, слово Спасово животворящее: «яко же глаголят по сему вас и познают, яко мои ученицы есте, аще в любви пребудете, аще заповеди моя соблюдете», открыти другом твоим, тако написал еси: «любовь не весть достояния лиц рассуждати, ибо воистинну любовь подобна есть солнечному просвещению, во вся концы земли достизающу: любви начало бытие и конец Христово пришествие»; ныне же в любви сей пребывая неразлучно, вопиеши с веселием: Аллилуия.

Икос 7: Нова вся явишася тебе, Святейший Патриарше Никоне, егда разлучился еси повелением Господним от временнаго жития сего: небо ново, земля нова и град Иерусалим нов, предуготован от Бога, яко невеста украшенная мужу своему, в него же с неизреченным веселием восприял еси в сожитие вечное Ангелом и всем святым, и в сослужение присное Иисусу Христу, Иже есть Иерей во век по чину Мелхиседекову. Мы же, просяще предстательства твоего, поем ти:

Радуйся, радуго, земных Небеси совокупляющая;

радуйся, звездо, путь ко Граду Небесному указующая.

Радуйся, облаче благодати, от лести нас покрываяй;

радуйся, источниче, жаждущих Небеснаго утешения напояяй.

Радуйся, светлая высото смирения;

радуйся, умная глубино духовнаго дерзновения.

Радуйся, всенощным псалмопением плоть свою духу покоривый;

радуйся, постнических подвигов ярем с веселием носивый.

Радуйся, на земли одинокий странниче;

радуйся, на небеси ближний друже Христов.

Радуйся, в радость Господа своего вшедый;

радуйся, яко исполнил Господь желание сердца твоего.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 8: Странное снисхождение Бога вочеловечшася разумея, на камени здания своего утвердил еси святейший Никон сие спасительное ведение нас ради, да разум имуще, от знамения и образа к началом образных истин восходити возможем: познаем наше достоинство, почтим начало образное, знаем тайны силу и за кого Христос умре; будем бози Его ради, зане и Он нас ради человек бысть и изволи прияти горшее, да даст лучшее: обнища, да мы Онаго нищетою обогатимся; рабий зрак прият, да мы свободу восприимем; сниде, да мы возвысимся; искусися, да победим; бесчествовася, да нас прославит; умре, да нас привлечет к Себе, грешных, но обаче спасения чающих и вопиющих Ему: Аллилуия.

Икос 8: Весь быв в нижних, не отступился еси Вышняго Иерусалима, глас моления возвышая ко Господу, глаголющему: «Се, восходим во Иерусалим, и Сын Человеческий предан будет, и поругаются Ему, и уязвят Его, и оплюют Его, и убиют Его». Се ступени, душу к Небеси возвышающия, ими же ты, блаженне Никоне, в трудех и терпении восходил еси, соскорбящаго и утешающаго не обретая кроме Утешителя Единаго. Молитвами же твоими да подаст и нам силу Христос очищенными смыслы Ему сшествовати, и умертвитися Его ради житейским сластем, и с Ним ожити к жизни будущаго века. Буди убо, отче Никоне, жезл крепости нашея в скорбех, да зовем, почитающе труды твоя:

Радуйся, любовию вослед Господа простираяйся, задняя же забываяй;

радуйся, скорби, яко Иов, со благодарением претерпевавый.

Радуйся, заступления земных родителей лишенный;

радуйся, Отцу Небесному в сыновство причтенный.

Радуйся, страданием учения своя запечатлевый;

радуйся, даже до смерти послушание воле Божией явивый.

Радуйся, святителей Московских собравый;

радуйся, крестом и мантиею твоими Патриарха Тихона на подвиг благословивый.

Радуйся, сан Патриарший, яко образ Христов живый и одушевленный явивый;

радуйся, царству Российскому верный пособниче и молитвенниче.

Радуйся, Царствия Христова усердный проповедниче;

радуйся, путевождю во Иерусалим Небесный путешествующих.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 9: Всяко слово твое, отче Никоне, святил еси ко благодарению и прославлению Промыслителя Бога, ко спасению уязвляющаго сердца наша любовию Своею. Ныне же душа твоя с двемадесятьма четырьми старцы присно поет на Небеси седящему на Престоле: Аллилуия.

Икос 9: Ветии многовещаннии, суд Божий на ся восхитивше, судити святейшаго патриарха, яко рыбы безгласныя не возмогоша вины твоея глаголати. Ты же, поминая, како Христос рече: «и будете ненавидими всеми, имене Моего ради, и тогда соблазнятся мнози, и друг друга предадят, и возненавидят друг друга и за умножение беззакония иссякнет любы многих», – безчестие кротко терпел еси, веруя, яко претерпевый до конца спасется. И постыдишася гордии, иже неправедно беззаконноваша на тя, имя же твое на небесех писано бысть, да вси припадающе похваляют тя:

Радуйся, примером подвигов твоих на стези правды наставляяй;

радуйся, наставниче, светом благодати слово растворяяй.

Радуйся, плоть свою николиже ублажавый;

радуйся, постом и воздержанием крепость душевную стяжавый.

Радуйся, любве ради Христовы оставивый сродство и дружество;

радуйся, тою любовию стяжавый с небесными содружество.

Радуйся, врачу святый, маловерных души благодатию исцеляяй;

радуйся, пастырю, овцы словесныя от мысленнаго волка ограждаяй.

Радуйся, почести мира сего ни во что же вменивый;

радуйся, славу от единаго Бога приемый.

Радуйся, обидимым скорое утешение;

радуйся, изнемогающим от трудов укрепление.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 10: Спасти хотя душу, суд неправый, ссылку, скорби и клеветы с радостию терпел еси, блаженне Никоне, помышляя, яко венец без победы, а победа же без брани не бывает. И ныне, предстоя пред престолом Бога, Иже есть в скорбех ближайший утешитель взывающих к нему, вопиеши благодарно: Аллилуия.

Икос 10: Стена непоколебимая и град воистинну непленяемый показался еси, святителю Никоне, добрый победниче Христов, силою Духа Святаго полчища духов злобы прогоняя, молитвою и пощением Богу приближаяся и со Давидом вопия: «предзрех Господа пред собою выну, яко одесную мене есть, да не подвижуся». Буди же защитник крепок от врагов видимых и невидимых и нам, верою зовущим:

Радуйся, воине Христов, во броня правды облеченный;

радуйся, щитом апостольския веры защищенный.

Радуйся, богозданным надежды шлемом преподобне вошлемленый;

радуйся, ратниче, помощи Божия оружием небесным вооруженный.

Радуйся, орле, молитв твоих крилами нас в день брани осеняяй;

радуйся, гнев Божий, праведно на ны движимый, ходатайством твоим утоляяй.

Радуйся, врагов гордыню и дерзновение в студ им и безчестие обращаяй;

радуйся, нас, чад своих, неискусобранных и безоружных в радость и веселие одеваяй.

Радуйся, яко злато в горниле искушенный;

радуйся, судом царским неправедным осужденный.

Радуйся, яко всеплодие жертвенное Богом приятый;

радуйся, на пути ко Иерусалиму новому земному во Иерусалим Небесный взятый.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 11: Пение пасхальное приносим тебе, отче Никоне, яко церкве великия Воскресения Христова здателю благому и учителю: ты бо соумерщвлялся еси усердно Христу, с Ним же и совоскрешен был еси и возновотворен духом, и в новаго облечен человека, светильник же умный и всемирный явился еси, заимствуя вся, елика хощеши, от Триипостасного Света. О, Любве Христовы истинный причастниче, да молитвами твоими да просветит Владыка темныя глубины сердец наших, устрояя их во храмы Духа Святаго, приснопоющаго: Аллилуия.

Икос 11: Светоприемная свеща души твоея истаявает огнем любве Божественныя, егда, молчанием моляся, припадаеши стопам Владыки всяческих и, тепле лобызая пречистеи нозе Его и оставления прегрешений просяще, внимаеши прилежно сердца и утробы Испытующему, Иже рече:

Радуйся, яко Аз воздам коемуждо по делом его;

радуйся, яко ты для имене Моего ради трудился и не изнемогл еси.

Радуйся, яко вем дела твои и любовь и служение и веру;

радуйся, яко последняя твоя дела больша первых.

Радуйся, яко ты сохранил еси слово терпения Моего;

радуйся, яко ты не погубил еси венца твоего в годину искушений.

Радуйся, яко ты не возлюбил еси души твоея даже до смерти;

радуйся, яко оклеветающии и оскорбляющии тебя поклонятся под ногама твоима.

Радуйся, светильниче, предо Мною любовию горящий;

радуйся, яко Аз отворих тебе дверь, ею же вшедый спасается.

Радуйся, узревыший Церковь облеченною в солнце женою;

радуйся, яко Аз возлюбих тя и ныне ты вечеряеши со Мною.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 12: Благодатию божественною на всяку молитву внутрь храма Господня сбираеми, ополчимся на невидимыя враги, облекшеся во вся оружия Божия, да возможем стати противу козней диавольских, яко несть наша брань к плоти и к крови, но к началом и ко властем, и к миродержителем тьмы века сего, к духовом злобы поднебесным. Елицы же победиша, о таковых сбысться Писание: святии вси победиша царствия, содеяша правду, получиша обетование и радующеся воспевают Богу: Аллилуия.

Икос 12: Поюще прославльшаго тя Господа, хвалу приносим ти, святителю отче наш Никоне, яко по имени житие свое показавшему: Божественным оружием Креста вооружився, попрал еси бесовская ополчения; истины и правды ради престол Патриарший оставив, вериги на рамо приял еси, пост, молитвы и труды усугубив; клевету и заточение смиренным терпением превозмогая, победитель явился еси, чудесы исцелений еще при жизни сияя. Ныне же во обетованный Град вселився, слышиши како рече глаголет Господь:

Радуйся, яко вся земля и тварь, грехом болящи, Истину призывает;

радуйся, яко Небо благодатию Духа Оную благословляет.

Радуйся, яко вся дела трясутся и трепещут Ея;

радуйся, яко побеждает Истина и несть с Нею обиды ни единыя.

Радуйся, яко побеждающаго сотворю столпом в церкви Бога Моего;

радуйся, яко побеждающему дам ясти от древа животнаго, еже посреде рая Божия.

Радуйся, яко побеждаяй не потерпит вреда от вторыя смерти;

радуйся, яко побеждаяй приимет звезду утреннюю и жезл железный, да упасет языки.

Радуйся, яко Сын Божий, победив, восседе на престоле Отчем;

радуйся, яко побеждаяй силою Его наследит той же престол.

Радуйся, яко побеждаяй облечется в светлую одежду Царствия;

радуйся, яко побеждаяй приимет имя града Иерусалима Новаго, сходящаго с небес.

Радуйся, Святейший Патриарше Никоне, дивный соработниче Зиждителя Града Небеснаго.


Кондак 13: О, добропобедный воеводо Царя Небеснаго, паче Моисея пастырю добрый Святейший Патриарше Никоне! Не к горе осязаемой и пылающей огнем приступил еси, но ко Граду Бога Живаго, к Небесному Иерусалиму. Поминай убо нас пред престолом Господним, заступниче теплый и ходатаю о всех сирых и обремененных, да молитвами твоими не отступит от нас вседетельная благодать Господа нашего Иисуса Христа и не оскудеет в сердцах наших Его любовь, всякое желание и всякий страх побеждающая, да тою направляеми и окриляеми сподобимся и мы с тобою присно пребывати в невечернем дни Царствия Божия, благодарственно поюще: Аллилуия.


Молитва Святейшему Патриарху Никону:

О, священная главо, Святейший Патриарше Никоне, богомудрый и безмездный врачу духовный! Теплая, богоугодная и богоприятная молитва твоя у всесильнаго вседетеля Бога много может. Сего ради ныне о нас, блаженную память твою любовно почитающих, молися небесному врачу Христу Воплощенну Богу, да исцелит вся душевныя и телесныя недуги наша Своея благодати врачевством. О, преудобренный крине мысленный, в Небесном вертограде насажденный, и боготочною росою вечныя радости напоенный, молися животворящему древу человеколюбиву Спасу, да пресладкими духовныя радости плоды напитает скорбящия души наша. О мысленный орле высокопарный, богорасленными деяний твоих крилы в Небесный рай возлетевый, от палящаго бед и напастей зноя осеняй нас распростертыми твоего заступления крилами. О доблий воине Христов, полчища врагов душевных победивый, и славы венцем боговенчанный, молися подвигоположнику Христу Богу, да благопоспешною Его помощию добре подвиг скончавше, сподобимся с тобою, в Небесных селениях всельшеся, немолчными песньми величати Преблагаго в Животворящей Троице Единаго Бога, Ему же подобает всякая слава честь и поклонение, ныне и присно и во веки веков. Аминь.


Ина молитва:

О, священная главо, святителю отче Никоне! | Се аз недостойный, воспоминая грехи своя, со смирением и надеждою на ходатайство твое, припадая ко гробу твоему, в нем же почивает многотрудное тело твое, с верою и любовию от сердца вопию ти: святче Божий! Ты яко солнце пресветлое сияеши во вся концы отечества нашего. Покрый землю нашу православную, раздираемую иноплеменники, утиши и умири ю. Защити Церковь Русскую, в ней же первоиерархом был еси, от ересей, расколов и наветов вражиих. | Пастырем ея дай ревность по Бозе и попечение о душах, пасомым послушание, иноком буди зерцалом целомудрия. Отшедших от жития сего чад церковных в селения вечная всели. Егда же найдет на нас, отче, година лютая, и врази Божии возстанут на ны и изженут из домов наших, буди нам, якоже Израильскому народу, светоносный столп и облак, покров и забрало. Якоже странен был еси на земли, скорби тяжкия и гонения претерпевая, достигл еси Отечествия Небеснаго, сице и нас приведи во объятия Отча. Да тамо, в Небесных обителех, возвеселимся со всеми святыми, и купно с ними восхвалим препетое и поклоняемое имя Божие во веки веков. Аминь.


Тропарь, глас 8:

Первопрестольников преемниче, столпе благочестия непоколебимый, всеблаженне отче Никоне, светильник Церкви явился еси, державу Российскую ко Христу окормляя, научая небесная паче земных любити и священство превыше царства чтити. Сего ради страданьми сокровище небесное стяжав и Церкви торжествующей соединився, моли Христа Бога спастися душам нашим.


Кондак: Дары духовныя благоговейно восприняв, образ Христов, яко пастырь добрый явил еси, Патриарше Никоне, ко благочестию овцы словесныя наставляя, ложь и клевету разоряя. Ты клевету, изгнание и труды многи претерпел еси в заточении, паче желез нищетою окован, и благодать чаши лекарственныя от Христа улучив, немощствующих врач и нищих питатель неоскудный был еси. Темже, имея дерзновение ко Господу, поминай нас, чтущих святую память твою, воспевающих: радуйся, духов злобы победителю; радуйся, вышния красоты тайнозрителю; радуйся, Иерусалима новаго, во образ Града Небеснаго предивный устроителю. Радуйся, Святейший Патриарше Никоне, дивный соработниче Зиждителя Града Небеснаго.


* * *


История народа неразрывно связана с историей его личностей и его государства. Невозможно себе представить историю, не засвидетельствованную фактами триумфальных побед и трагических поражений, историю, не отмеченную яркими достижениями и открытиями, за которыми стоят годы, десятилетия, а порой и столетия мучительных исканий с заблуждениями, озарениями и прорывами. Человек всегда конструирует и обустраивает мир, в котором он воззван к жизни. «Человек жаждет бытия.., человек жаждет реального» – писал М. Элиаде. И те представления и мироощущения, с которыми он идет по жизни, и те цели, к которым он стремится, и те задачи, которые он решает в достижении своих чаяний, в совокупности отличают один период в истории человечества от другого, одну эпоху от другой. И только сила духа, решимость устроить мир по образу должного, в ПРАВДЕ и ИСТИНЕ, понуждают народы идти за своими вождями, творя свою жизнь и историю.

Сегодня мы вновь возвращаемся к осмыслению нашего прошлого, чтобы понять, каким будет наше будущее и какими будем мы в этом будущем. Наше единое прошло-настоящее как неотъемлемая часть мировой истории и культуры раскрывается и в русском наследии XVII в.; опорой же в этом непростом осознании для нас являются исторические памятные даты и образы их явлений, за которыми открывается сущностное «здесь и теперь». Талантливый юрист и историк М.В. Зызыкин, исследовавший сущностный, переломный и поворотный для нас, нашей истории период XVII в. заключает так: «Независимо от разнообразия суждений о Никоне к нему привлекает внимание та широта проблем, которая связана с ним не только для канонической, нравственно-государственной и исторической стороны его дела, но и для русского православного самосознания в смысле уяснения происходящей в России катастрофы и возможности искупления своего греха перед Церковью и великим святителем Божиим. В таком аспекте проблема Никона есть проблема не только русского прошлого, но и русского будущего». Мы же добавим: плоды разума его верны и имя его живо будет вовек!


<<< Предыдущая 1 2 3 4 5 6 7 8 9 10 11 12 13 ...



Сноски:


82 См.: Белокуров С.А. Дела Святейшего Никона Патриарха, паче же рещи дела врачебные // Белокуров С.А. Материалы для русской истории. М., 1888; Патриарх Никон. Труды. С. 875. Имя святейшего Никона внесено во многие синодики и возносится в молитвах и Богослужениях – см., напр.: Молитвенное призывание преподобных отцев Ближних пещер. Киев, 1875. С. 19. назад

83 См. также: Осипенко М.В. Кийский Крест Патриарха Никона. М., 2002, 2004; Во отоце океана моря…: Путеводитель по Соловецкой обители и ее скитам / Авт.-сост. М. Осипенко. Спасо-Преображенский Соловецкий ставропигиальный мужской монастырь, 2005. назад


Домашняя страница
священника Владимира Кобец

ЧИСТЫЙ ИНТЕРНЕТ - logoSlovo.RU

Создание сайта Веб-студия Vinchi

®©Vinchi Group