ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (16)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

оведется ли архиереом строити обозы и грады, понеже Никон полюбил жить на местех пустых и безжителных, и чтоб наполнил тое место и наемцы и боярскими подданными.

Мелхиседек, который един был царь и председетел властвующий, что был не толко Салиму царь и создатель, так пишет Иосиф, что Салим есть сущий Иеросалим, который ради святилища Соломонова, после назывался Иеросалим; лучше убо пишут иныя что Салим он есть, который именовался Скифопол град близ Иордана; убо не видится нигде, чтоб архиерей создал град и обоз, токмо монастыри, церкви, книгохранительницы, школы, училища, дела и радение церковное; грады же и обозы царем и велможам даны создати и строити на имя свое. Однако же в житии поместья без жительнаго места прилучилось Никону, что прилучилось ворону. Хотели птицы меж собою царя поставити: пошли к судие, который бы постановил, что которая птица будет краснейшая, та бы одержала тое место. Итак все тыя птицы пошли к воде, чтоб омылися, и всякая птица, мыющися, отвергла от себе одно перо, которое виделося ей быти худо и нечисто; пошла и ворона к той же воде купатися, и увиде розных птиц перья, позбирала все перья и к себе прилепила и побегла к судие так украшена, и как увидел ея судия, тотчас хотел ей честь воздати паче иных, но иныя птицы, всякая увидя и узнав свое перье, прибегали и отнимали, и тако делаючи порядком учинили по старому вороною, и стала как и прежде была. Такожде терпит, кто чюжим владеет.

Глаголеши, совопросниче, доведет ли ся архиереом строити обозы и грады, понеже Никон полюбил жити на пустых местех и безжителных (л. 137 об.)¹⁰⁹⁸ и чтоб наполнил тыя места наемцы и боярскими поддаными.

Ни обоза строю, но аще и оградою огражден есмь от обычая прежде созданых инех монастырей, но никотораго надеяния в сем имею, якоже свидетельствуют вещи. Но есть правда, яко основан и утвержден на камени веры и огражден Божественою благодатию. Аще и ветри возвеют, аще и реки смущеныя потекут, не поколеблют по писанному: Возшумеша и смятошася воды их, речная устремления веселят град Божий. Освятил есть селение свое Вышний, Бог посреде его и не подвижится, поможет ему Бог утро за утра. И аще ополчится на мя полк, не убоится сердце мое, аще востанет на мя (л. 138)¹⁰⁹⁹ брань, на Бога аз уповаю и не убоюсь от тем людей окрест, нападающих на мя. И паки ополчится ангел Господень окрест боящихся его и избавит их, оружие извлекоша грешницы, напрягоша луки своя. Низложити у Бога и нища заклати правыя сердцем, оружие их внидет в сердца их и луцы их сокрушатся.

Научи бо нас Спас не убоятися от убивающих тело, души же не могущих убити, но паче боятися научи имущаго власть воврещи в дебрь огненую.

И божественый апостол учит, глаголя: Несть наша брань к крови и плоти, но к началом и ко властем и к миродержителем тмы века сего, к духовом злобы поднебесным. И не имамы (л. 138 об.)¹¹⁰⁰ зде града пребывающа, но грядущаго взыскуем.

Глаголеши, совопросниче, яко Никон полюбил на пустых местех и безжителных.

Писано есть: Лучши есть един благотворяй, паче тмы законопреступных. Лучши вселятися на пустых местех, по писанному: Се удалихся, бегая, и водворихся в пустыни, чаях Бога спасающаго мя от малодушия и бури. Несть же пусто место благодатию Божиею, но велми многонародно, и ниже наймиты, ниже боярские, но раби Бога вышняго живут.

А яже о отхождении. Писано есть выше и ныне реку, якоже заповеда Господь: Егда¹¹⁰¹ убо гонят вы во граде сем, бегите во другий, и научи (л. 139)¹¹⁰² молитися, глаголя: не введи нас во искушение, но избави нас от лукаваго.

А яже о судии глаголешь, яко аз говорю, егда будет призван истинный судия и праведный, тогда скажу. Ведают вси о нашем отхождении, а еже бы кому судити по правилом, не обрящеши ни правил, ни судии, ни митрополита подобает митрополитом или епископом судити, развее патриарха, якоже вышеписано¹¹⁰³ есть святаго 4-го Вселенскаго собора по 9-му правилу, развее писанаго во Евангелии: Внемлите же от человек, предадят бо вы на сонмы, пред владыки же и цари ведени будете Мене ради во свидетельство им и языком.

Искусом Григорий (л. 139 об.)¹¹⁰⁴ богословнейший позна, глаголет в 14-м слове в 23-м стихе. Прелюто бо есть и велми тяжко, еже понести гнев царьский. Паче же от християнскаго тягота бе и укор, тягота гонения ради, укор же и досада, яко христианский царь, темже ни озлобляеми во уверение мучению страсти приимаху, ни людие ж в мученичестем чину страждущая имяху, зане царь християн, тем же ни мняху же ся обиды приимати гонимы, но яко злодеем страдати. Увы мне, глаголет Богослов, яко во злых быхом бегати.

Глаголеши ты, расколниче, ответотворче, нигде есть, чтоб архиерей создал град или обоз, токмо монастыри, церкви, (л. 140)¹¹⁰⁵ книгохранилницы, школы, училища, дела и радения церковная. Грады же и обозы царем и велможам даны созидати. Не видиши ли, но имея уши слыши, яко ни града, ни обоза есть кое любо строение, развее церкви и монастыря и еже подобное нужднейшее монастырю, якоже свидетельствуют вещи места.

Початок же того святаго монастыря не беззаконен, но есть законно несть и по правилом святых отец, яко быти и самому самодержавнейшему царю со всем сигклитом и нам со обретающимися архиереи и прочими священными мужи, архимандриты и игумены на освящении святаго места того.

И есть правило святаго 4-го Вселенскаго собора 24-е: (л. 140 об.)¹¹⁰⁶ Монастырь¹¹⁰⁷ с волею епископа поставлен да пребывает не претворен и яже суть к нему имения да будут неотъемлема. Аще же кто инако начнет творити, несть без вины.

Монастыри, иже без благословения и без повеления епископля создани быша, не создани суть, ни освящени. Повелением же и со благословением епископа создании монастыри, яко Божественная места и Богу поручени суще, да пребывают не претворени и не обидими во веки, и мирския жилища николи же да не будут в них. Да сохраняют же имения их и стяжания, села и винограды и вся прочая неотъемлема и неотходна на них. Аще же кто преступит (л. 141)¹¹⁰⁸ повеление се, от правил запрещению да будут повинни.

Елицы¹¹⁰⁹ же монастыри, повелением епископа своего создани бывше, к тому да не будут мирския жилища и мирским человеком да не отдадутся.

Подобно 24-му правилу Халкидонскаго собора, возбраняет здати монастырь без повеления места того епископа.

Без повеления епископа никому же достоит монастыря создати, но да весь епископ и молитву сотворит, и созданый монастырь и вся сущая в нем внутренняя и внешняя на хартию да напишутся и да будут под властию (л. 141 об.)¹¹¹⁰ епископа, и без воли епископли не подобает ни самому создавшему игуменити в нем, ни игумена поставляти.

Да ты же, ответотворче, глаголешь: Однако же Никону в житии поместья безжительнаго места прилучилось. Не есть безжителен, но множае нежели на Москве патриархия имеет, яко ничто же, но все царьское величество чрез Божественныя законы вышеписаныя зде олихоимствова. И не имеет святая великая церковь никотораго причастия в Москве, якоже прежде при прежних царех и великих князех имела, но есть пуста всякаго перваго своего достояния, яко вдова осиревше.

Да ты же вракаешь, враже всякоя (л. 142)¹¹¹¹ истины, не повинуяся евангелскому учению, еже глаголет: Глаголю¹¹¹² же вам, яко всяк глагол празден, иже аще рекут человецы, воздадят о нем слово в день Судный.

Не¹¹¹³ любяй Мене, словес Моих не соблюдает.

Иже¹¹¹⁴ в законе хвалишися, преступлением закона Богу досаждаеши.

Да¹¹¹⁵ никто же вас лстит тщими словесы. Сих бо ради грядет гнев Божий на сыны непокоривыя. Елма бо не прияша истину, воеже спастися им. Сего ради посла им Бог действо прелести, воеже веровати им во лжу. Отложше же всяку лжу, глаголите истину.

Аще кто лживое писание нечестивых еретик книги яко святы в церкви (л. 142 об.)¹¹¹⁶ пред всеми почитает на пагубу людем и церковному причту, да извержется.

Старейшина¹¹¹⁷ церковный на всяк день, изряднее же во всякую неделю, да учит люди Божественным повелениям и да сказует не от себе, но якоже божествении отцы достигоша.

Епископи убо во вся дни должни суть учити причет церковный и вся люди своя благоверию и Божественым повелениям. Паче же иных дней во всякую неделю всего причта и народа поучати благочестия словесы, якоже пред речеся: От Божественнаго писания избирающе истинная разумения же и судьбы и не преступати (л. 143)¹¹¹⁸ уже положеныя пределы и Богоносных отец предания, но точию от Божественных писаний сказывати и учити истинному разумению Божиих заповедей. А аще кто воспросит их словесе Божественных писаний, да не от своего ума то сказует, но якоже церковнии светилницы и учителие своими писании написаша¹¹¹⁹. То бо им есть благоволно, еже ведети и умети предания Богоносных отец и потом разрешити вопрошаемая, да не како недоумеюще от себе разрешити восхотят таковых и истиннаго сказания далече отпадут.

Видел ли еси, безумный расколниче и преступниче, святых Богоносных (л. 143 об.)¹¹²⁰ отец уставленых вечных предел, како утвержают и развее преданых от святых Богоносных отец Божественных писаний, Божиих заповедей учити или сказовати не велят. А ты от своего ума на соблазн людем Божиим вражиими смехотворными ложными книгами ответы твориши. Писано есть во псалмех: Знаем есть Господь судьбы творяй, в делех руку своею увязе¹¹²¹ грешник. И по мале. Приседит в ловителстве з богатыми в тайных, еже убити неповиннаго. Очи его на нищаго призирает, ловит в тайне, яко лев во ограде своей, ловит, еже восхитити нищаго¹¹²², внегда привлещи и в сети (л. 144)¹¹²³ своей смирит его, преклонится и падет. Внегда ему обладати убогими, рече бо в сердцы своем, забы Бог, отврати лице свое да не видит до конца.

Подобно же уже время рещи да обратится болезнь его на главу тебе самаго скитающагося, остави свое гнездо, яко ворону звати и краситися не своими красотами, но иных птах добротами, еже есть не в своей епархии учити и законополагати и зватися от человек «учителю». И прочая. Чрез святыя священныя правила и вновь от внешних басней толковати и по правилом святым, яко ворону ощипати от всего священнаго сану, которая в чюждем гумне пакостит (л. 144 об.) и, обнажив, пустити пешу ходити, чтоб ея обретаючи иныя птахи, признав ея глупость, тово не делали, а ея, яко врага, носы своими тело ея клевали и кости ея розломали.

1 2 3 4 5 6 7 8 9 10 11 12 13 14 15 ... 17 18 19 20 21 22 23 24 25 26 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

¹⁰⁹⁸ На верхнем поле листа киноварная помета: 16 возражение.

¹⁰⁹⁹ На верхнем поле листа киноварная помета: на 16-й вопрос и ответ.

¹¹⁰⁰ На верхнем поле листа киноварная помета: 16 возражение.

¹¹⁰¹ На левом поле листа помета: Матф. 16.

¹¹⁰² На верхнем поле листа киноварная помета: на 16-й вопрос и ответ.

¹¹⁰³ Написано тем же почерком над строкой: «ше».

¹¹⁰⁴ На верхнем поле листа киноварная помета: 16 возражение.

¹¹⁰⁵ На верхнем поле листа киноварная помета: на 16-й вопрос и ответ.

¹¹⁰⁶ На верхнем поле листа киноварная помета: 16 возражение.

¹¹⁰⁷ На левом поле листа помета: лист 103.

¹¹⁰⁸ На верхнем поле листа киноварная помета: на 16-й вопрос и ответ.

¹¹⁰⁹ На правом поле листа помета: лист 194.

¹¹¹⁰ На верхнем поле листа киноварная помета: 16 возражение.

¹¹¹¹ На верхнем поле листа киноварная помета: на 16-й вопрос и ответ.

¹¹¹² На правом поле листа помета: Матф. 47.

¹¹¹³ На правом поле листа помета: Иоан. 48.

¹¹¹⁴ На правом поле листа помета: Ефес. 228.

¹¹¹⁵ На правом поле листа помета: Сол. 275.

¹¹¹⁶ На верхнем поле листа киноварная помета: 16 возражение.

¹¹¹⁷ На левом поле листа помета: лист 183.

^{<1118/sup> На верхнем поле листа киноварная помета: на 16-й вопрос и ответ.}

¹¹¹⁹ Написано на правом поле листа вместо зачеркнутого: истолковаша.

¹¹²⁰ На верхнем поле листа киноварная помета: 16 возражение.

¹¹²¹ Так в ркп.

¹¹²² Слова «восхитити нищаго» в ркп. повторены дважды.

¹¹²³ На верхнем поле листа киноварная помета: на 16-й вопрос и ответ.

Домашняя страница
священника Владимира Кобец