ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (21)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

ВОПРОС, ГЛАВА 21

естли архиереи и боляре, которые не бьют челом и не приводят к тому Царя, чтоб учинил в том деле совершенной указ и исправление, имеют грех, потому что не дают совету чтоб было лутче.

Велми согрешают и зело, потому что не разсуждают добраго общаго дела, толко оставляют Церковь во смирении, когда мощно бы им отверсти такой позор, и так не показуют ревность и любовь к такому великому патриаршескому чину, и в том показуются непохвалны для того, кто возможет добро творити, а не творит, тот не похваляется ради нерадения ленности. Все мы на Страстной недели ради спасительныя страсти Избавителя нашего, все есмы кручинны и слезны, показываючи явным лицем внутренную печаль. Супротивно во святое Воскресение во светлые ризы облачимся и веселимся, и кто б на тот день не возвеселился с Церковию Божиею, того сущим християнином не почитаем, для того что не радуется с Невестою Христовою, которая изнова увидела возлюбленнаго Мужа Своего Христа, для того вся наша кручина есть для вдовства и разлучения Церкви Божией. Радость бы наша была вся, естли бы зложила платье печали Церковь Божия Матка наша и облеклася во светлое и белое платье; овдовел есть престол патриаршеский, потому что один как отрекание учинил почитается за мертваго человека, убо желает имети мужа своего что потом и доколе будет жить в печали, и доколе в том платье слезном безутешна будет. Муж, который оставляет жену свою чрез четыре лета, и никакова радения об ней не имеет и харчем ей не промышляет, поизволяет право чтоб инаго мужа была жена и како жене может взять инаго мужа Церковь Божия, когда Никон что живой погребен, никакова радения об Ней не имеет, ни Ее почитает. А вы, архиереи, когда не имеете радения о обирании патриаршеском, кто же иной порадеет, чините что имеете чинить, ваше то дело и ваше радение то. Пастыри, для какой притчи не бережете престола патриаршескаго, который есть обща паства, оберегайтеся чтоб та ваша непрележность Бога не возбудила до отмщения и ярости. Глаголет Захария: а то вижу серп летающ длиною 20 лакот, шириною 10 лакот¹³⁸⁵. Се что добро и что красно во еже жити братии вкупе¹³⁸⁶. Ничто инаго нет чисто лутчаго, как совет и совокупление любви братцкой. Для чево вы друг другу тягости не носите, ни обще воспомогаете себе, заповедь имеем от Бога: возлюби ближняго своего яко самаго себе; всех християн, как одной есте веры не имеете возлюбити друг друга, а наипаче свой народ и сродники имеете возлюбить. И естли вы сами о своем добре и чести не радеете, кто иностранной будет радеть.

Ты глаголеши, совопросниче, есть ли архиерей и бояре, которые не бьют челом и не приводят к тому царя, чтоб учинил в том деле, совершенной и исправление имеют грех, потому что не дают совету, чтоб было лутчи.

Почто, оставя свет, ко тме отходиши, оставя святыя евангельския заповеди и святых (л. 216 об.)¹³⁸⁷ апостол и святых отец правила.

Господу глаголющу: Что¹³⁸⁸ же зовете Мя Господи, Господи, и не твористе, яже Аз глаголю.

Всякому¹³⁸⁹ слышащему слово Царьствия и не внимающу, приходит лукавый и восхищает сеянное в сердцы его. И прочая. Блюдитеся¹³⁹⁰, како опасно ходите, не яко не мудри, но яко премудри, искупующе время, яко дние зли лукави суть. Сего ради не бывайте безумни, но разумевающе, что есть воляю Божия святая и угодная. Бога исповедают, делы же Его отмещутся, мерзцы суще и непокоривии и на всяко дело неискусни.

Яко¹³⁹¹ о неключаемых кому не достоит испытовал. И по хлебе тогда вниде (л. 217)¹³⁹² в он сатана, глагола ему Иисус: Еже твориши, твори вскоре. Сего же никтоже не разуме от возлежащих, к чесому рече ему. Ови¹³⁹³, убо сошедшися, вопрошаху Его, глаголюще: Господи, аще в лето сие устрояеши царьство Израилево? Рече же к ним: Несть ваше разумети времена и лета, яже Отец положи своею областию.

Не избран епископ, иже мирскими человеки избран будет.

Судом и избранием митрополита и сущих во области епископ поставляем бывает епископ. Аще же кто не тако возведен будет на епископство, но мирскими людми избран, не избран есть и не приятен.

(л. 217 об.)¹³⁹⁴ Такоже и святаго 7-го Вселенскаго собора правило 3. Ты же, ответотворче, глаголеши, велми согрешают и зело, потому что не разсуждают добраго общаго дела, толко оставляют Церковь в смирении, когда мощно было им отверсти такой позор, и так не показуют ревность и любовь к такому великому патриаршескому чину. И в том показуются непохвалны для того, кто возможет добро творити, а не творит, тот не похваляется ради нерадения.

Всем ли ты един ответ твориши, ответотворче, архиереом и бояром, или единым коим, изорцы. И бояром уже реченно есть к сово(л. 218)проснику¹³⁹⁵ всем вкупе. Архиереом же власть есть, по благословению святейших влесенских патриарх, по соборному деянию тех, еже есть выше писано, и по грамотам даным запечатаными печатми и за подписанием рук 83-х архиерей. По смерти коегождо патриарха инаго поставляти, якоже и 2-го собора в церкви святых апостол правило 16 утверждает. Ни по которому образу да не взыдет кто на епископию, ея же епископ жив есть. И се жив есмь. Тот умер от жизни вечныя, от ково изшел есмь. Есть же епископское утвержение еже на избрании коегождо их. Собора Карфагенскаго по 18-му правилу (л. 218 об.)¹³⁹⁶ и по 2-й главе новых заповедей царя Иустиниана, и градскаго закона грани 28 главы вторыя за подписанием рук тех.

В начале же писания того.

Сие пишу своею рукою и своим разумом, исповедаяся пред Богом и избранными Его ангелы, правую и непорочную нашу христианскую веру, уставленую на 1-м Никейстем и на 2-м Вселенских соборех, еже есть сице. Верую во единаго Бога Отца. И прочая. К сим же приемлю апостолския правила и святых седми Вселенских и поместных соборов, и их же они отвратишася, и аз отвращаюся, еще же (л. 219)¹³⁹⁷ и церковный мир исповедаю соблюдати и ни единым нравом противная мудрствовати.

В сем во всем солгали пред Богом и избраными Его ангелы. Обещалися правила святых апостол и святых отец соблюдати и церковный мир, и ничто же соблюдаша. О них же несть времени зде написати. Аще потреба будет, особно речем. Ныне же нужднейшая точию речем. В правилех святых апостол нигде же есть, ни в седми Вселенских соборех написано, еже бы своего митрополита свои епископи судили, нежели патриарха. Четвертаго же Вселенскаго собора 9-е правило не оставляет ни митрополитом митрополита судити (л. 219 об.)¹³⁹⁸ развее своего патриарха или Константинополскаго патриарха.

И егда случися нам некоего ради гнева царьскаго дати место гневу, по заповеди Господни писанней: Аще гонят вы во граде сем, бежите во ин град. Якоже и сам Христос Бог наш собою показа образ, в пеленах суще бегал Иродовы злобы, и святии апостоли¹³⁹⁹ Петр от темницы и Павел от Дамаска. Якоже пишется в Деяниих святых апостол сице: И якоже бысть стремление языком же июдеом с началники их досадити и камением побити их¹⁴⁰⁰, уведавше же, прибегоста во грады Ликаонския, в Листру и Дервию, и иже во окрестных (л. 220)¹⁴⁰¹ и ту беста благоденствующе.

О прочих же святых бегающих вселетныя книги прочти памяти их, тамо известно увеси, како бегали и от какия злобы.

Тии же митрополиты и архиепископы обещалися во всем последовати и повиноватися Вселенским святейшим патриархом и по них и нам, отцу своему, еже и по нас бывающим благоволением Божиим святейшим патриархом. И не сотворити им ничто же по нужди ни от царя и великаго князя, ни от бояр или от князей многих, ни от множества народа, аще и смертию воспретят или служити велят или святительское творити в чюжей ми(л. 220 об.)трополии¹⁴⁰² во всех властех кроме епархии, данныя ми отцем моим, или отшедшу ми в которую страну чюжую, не действовати ми священная без позволения отца моего. Еще же и на том обещеваюся, внегда позвати мя отцу моему и всему священному собору, без всякаго слова приходити на собор. Еще же и на том обещеваюся, хотя мя князи держати или бояре или множество народа, не ослушати ми ся повеления отца моего и всясвященнаго собора и еже по них бывающих святейших патриархов. Еще же и на том обещеваюся, не хотети ми приимати инаго патриарха, развее святыя Восточныя (л. 221)¹⁴⁰³ церкви греческаго закона по божественным священным апостолским правилом и по святых Вселенских седми соборов. Аще ли же сотворю что тако вышеписанных без повеления и без грамоты или преступлю что едино от сих всех написанных зде, лишен буду сана своего без всякаго слова.

Видел ли еси, каково обещание дали перд Богом и святыми Его ангелы и пред всем священным собором и пред государем царем и пред всем сигклитом и множеством народа? Что же сохранили? Ничто же, во всем солгали. Обещалися последовати святейшим Вселенским патриархом, Вселенския па(л. 221 об.)триархи¹⁴⁰⁴ на Москве патриарш престол утвердили быти по правилом святых апостол и святых отец и яко главу всем почитати указали, и без того воли ничто же не творити, и по смерти инаго избирати. Тии же чрез их утвержение, не испытав о нашем отшествии, сошедшеся по царьским грамотам, собор составили чрез правила святых апостол и святых отец седми Вселенских соборов, якоже свидетельствует беззаконное их деяние, яко ничто же есть от апостолских или святых отцов правил, но от инех неких списано, чрез седмаго Вселенскаго собора перваго правила утвержение. И того ради (л. 222)¹⁴⁰⁵ повинни вси святых апостол и святых отец правилом и Вселенских патриархов утвержение и своему обещанию.

Нигде, ни в которых правилех не обретается митрополитом митрополита судити, развее епископа и не менее 12, тии же новое беззаконие собором своим сотворили и на патриарха суд изнесли.

Во обещании их написано: и не сотворити им ничто же по нужди царя и великаго князя, ни от бояр или от князей многих, ни от множества народа, аще и смертию претят, веляще служити или святительское творити, кроме данныя им епархии. И то ведомо и самому государю царю и всем (л. 222 об.)¹⁴⁰⁶ князем и бояром, понеже пред царем и всем сигклитом такое исповедание бывает, ниже царю государю лепо по них грамоты для такова дела посылати.

Епископ или презвитер или диакон, сам о себе к царю приходя без повеления сущаго во области митрополита, с причащением сана да отпадет.

Непокорство во всем святии отцы измещуще и благочиние соблюдающе, возбраняют епископом и презвитером и инем священническаго чина без повеления и без писания митрополита своего к царю отходити или слухома его стужати и возвещати (л. 223)¹⁴⁰⁷ о неких вещех. И того ради без воли митрополита своего отходящаго епископа ко царю или презвитера и от сана изврещи повелевает и от причащения упразднити.

Извержен быв от сана, аще пристужает цареви, возвещая о себе, да просит к болшему собору приступити и судитися. И каков суд тии изнесут нань, в том да пребывает, аще же и потом противу глаголет, да не имать оправдания.

Аще который епископ или презвитер или диакон, извержен быв от сана собором, и мнит, яко без правды извержен бысть, се правило не возбраняет, но паче повелевает (л. 223 об.)¹⁴⁰⁸ ему к болшему собору приступити и судитися и от того исправитись, в них же мнится прав быти на превращение изнесеннаго нань суда от собора того. Аще не хощет приступити к болшему собору, ни пред ним исправити, в них же творится прав быти, но царьскима слухома стужает, подвизая того на отмщение, се правило таковаго никоея же милости сподобляет, ни места ответу не дает ему, ни надеждею чаяти, яко будет исправление.

Инако же ко царю не приходити, развее обиды ради церковных и заступления ради сирот и вдов. Но и се с разсмотрением инех епископов.

Аще¹⁴¹⁰ сирота или вдовица, в коей напасти нуждею страждущи, и помолятся епископу помощи им, да дерзнет епископ и приступит к цареви и молится, елико может, да помилует их, но да не изветом тоя вины пребудет долго время в воех, но паче диакона да посылает.

Прибегающим в церковь да помогают.

Иже убо заступати сироты и вдовицы и печалныя утешати и в напастех нужду приемлющих помогати епископи должни суть. Такоже и в церковь прибегающим своих ради прегрешений и требующим милости, приходити их (л. 224 об)¹⁴¹¹ ради к цареви и молитися о них ему, да мстит обидимыя и да простит осужденныя неких ради вин и прегрешений, се правило тако повелевает епископом. Таковых же ради вин не оставляти им надолзе своих церквей и не ходити в онех долго время или инде, идеже царь есть, и стужати ему о них, яко наводящу сего ради епископом порок и оклеветание не прощает тому быти правило, но своим диаконом молба посылати цареви повелевает.

Людскаго¹⁴¹² суда у царя просяй, не епископ.

Епископ или причетник, (л. 225)¹⁴¹³ о гресех оклеветаем, и отрицается церковнаго судища и просит от царя мирских судей, таковый своея чести да будет лишен.

Некия ради нужды хотя ко цареви отъити, да яве сия сотворит Халкидонскому епископу и Римскому и отпустное послание да возмет. Аще ли ни, без общения есть.

Епископ или причетник, аще возхощет пойти к цареви, да скажет первое вину Халкидонскому епископу, ея же ради идет и возмет от него грамоту отпустную, и в Рим пришед, покажет ю епископу Римскому, и да явит ему вину, ея же ради идет к цареви. И той да разсудит, (л. 225 об.)¹⁴¹⁴ и аще будет подобна вина, да возмет от того грамоту, ею же от царя приимет помощь. Аще же кто от епископ или от причетник инако к цареви отъидет, да будет без общения, сиречь да отлучится. И о сем ищи правило 11-е Антиохийскаго собора и 9-е правило в средце собора.

И того ради повинни вси сим святым правилом и своему обещанию. И сбыстся на них писание, глаголющее: И¹⁴¹⁵ не восхоте благоговения и удалится от него. И прочее.

Паки глаголеши, ответотворче: Всем на Страшной недели ради спасителныя страсти Избавителю нашему все есмы кручинны и слезны, (л. 226)¹⁴¹⁶ показующе явный лицем внутренюю печаль, сопротивно во Святое Воскресение во светлыя ризы облачимся и веселимся. И кто на тот день не возвеселился Церковию Божиею, того сущим христианином не почитаем для того, что не радуется с Невестою Христовою, которая изнову увидела возлюбленнаго Мужа своего Христа. Для того наша вся кручина есть, для вдовства и разлучения Церкви Божии. Радость бы наша была вся, есть ли бы сложила платье печали Церковь Божия, Матка наша, и облеклась в светлое и белое платье. Овдовел есть престол патриаршеский, потому что един как отрекание учинил, почитается за мертваго (л. 226 об.)¹⁴¹⁷ человека, убо желает имети мужа своего, что потом и докуль будет жити в печали и докуль в том платье слезном будет безутешно. Муж, который оставляет жену свою чрез четыре лета, никакова радения о ней не имеет и харчем ей не промышляет, произволяет правило, чтоб инаго мужа была жена. Како же не может взяти инаго мужа Церковь Божия, когда Никон, что живой погребен, никакова радения об Ней не имеет, ни Ея питает.

Послушай, ответотворче. Писано есть. Грешнику рече Бог: Вскую ты поведаеши оправдания Моя и восприемлеши (л. 227)¹⁴¹⁸ завет Мой усты твоими, ты же возненавиде наказание и отверже словеса Моя вспять.

Господу глаголющу: Не слышателие закону праведни но творцы. Ияков апостол пишет: Аще кто слышатель, а не творец, таковый уподобися мужу смотрящу лице бытия своего в зерцале, усмотрив, и отъиде, абие забыв, каков бе. Посмотри о себе праведно, каков еси, якоже Господь повеле: Иже без греха, вверзи камень на ню. Глаголеши, вся наша кручина для того есть, для вдовства и разлучения Церкви Божия. О сей ли глаголеши Церкви? Почто сам о себе не усмотрел праведное, оставя волею свою Церковь и скитаешися всюду (л. 227 об.)¹⁴¹⁹ чрез Божественыя законы. Правила тех измещут, которыя без вины отходя, скитаются и не радеют о своих церквах, якоже множицею выше сего изъявихом. А еже о изгнаных без правды от церквей и отходящих от своего предела собора в средце правило 19.

Ничто же возбраняет, паче же Божие, аще гонят вы из града сего, бегите во ин.

Паки же ты глаголеши, радость наша была вся, есть ли бо сложила платье печалное Церковь Божия, Матка наша, и облеклася в светлое и белое платье. Сим твоим словам за безумие их ничто же рещи мочно есть, развее мужику из деревни велеть, (л. 228)¹⁴²⁰ чтоб тебя такими же небывалыми словами выбранил.

Глаголеши, овдовел есть патриаршеский престол, потому что един как отрекание сотворил, почитается за мертваго человека. Есть мертв тот человек, который оставя свою епархию без вины и преходя семо и овамо, творит чрез Божественыя законы смуты многия и плищи во градех, якоже ты смутил мутьяны и государя изгнал. И зде пришед, такожде твориши смущения и соблазны многия. Таковый, аще и жив обретается, подобает таковому по Христову Евангелию¹⁴²¹ на выю его обязатися оселскому камени и потопитися в море.

Муж, который оставляет (л. 228 об.)¹⁴²² жену свою, глаголеши, чрез четыре лета, никакова радения об ней не имеет и харчем ей не промышляет, поизволяет право, чтоб инаго мужа была жена. Рцы ми, ответотворче, где есть писано, еже чрез четыре лета которой муж, оставя свою жену, никакова радения об ней не имеет и харчом не промышляет, поизволяет правило, чтоб инаго мужа была жена? Которое право, покажи, прелестниче. Самаго ли Христа или святых апостол или святых отец? И аз ти покажу, но прежде о сем речем, яко харчем ей не промышляет. Не зриши ли, яко никоторой скудости не имет, и яко и царь сего ради возлюби Ю, якоже (л. 229)¹⁴²³ вторый Давид Уриеву жену Вирсавию, и тешится харчем Ея со всем домом. Како же не может, глаголешь, взять мужа инаго Церковь Божия, когда Никон что живой погребен, никакова радения об Ней не имеет и не питает. Упитана есть в сытость и паче меры. Того ради возлюбила и любодействовати со многими, якоже ныне зрится. А еже глаголеши, Никон, аки жив погребен, мертв есмь от немощи, но жив есмь от силы Божия.

Яко¹⁴²⁴ не достоит мужу от жены или жене от мужа разлучатися, ниже есть мощно отпустившему свою жену пояти иную, ниже пущенней от мужа (л. 229 об.)¹⁴²⁵ инаго пояте быти. Реченно¹⁴²⁶ убо бысть: Иже аще пустит жену свою и даст ей книгу распутную. Аз же глаголю вам: Иже аще пустит жену свою, развее словесе прелюбодейнаго, творит ю прелюбы действовати, и иже пущеницу поимет, прелюбы действует.

Зриши ли, прелюботворче, како Христос утверди, як всяк, отпущая жену свою разве словесе любодейна, творит ю любодействовати. Аз же пред Богом о сем извет творя во святей церкви, яко много олюбодействова царь, якоже и ныне от всех видится, како любодействует святою Церковию, всеми церковныма уставы и вещми. (л. 230)¹⁴²⁷ Якоже Господь глаголет, обличая таковое безчиние: И иже, рече, пущеницу поимет, прелюбодействует.

Послушай, каково люто прелюбодейство, кто праведнее Давида, и того коснуся. Аще не бы достоин покаяния плод принесл, внегда ангел хотяше того оба пол пресечь. Но кто более Иоанна Крестителя, о нем же сам Христос свидетельствует, яко не воста в рожденных женами болий Иоанна Крестителя, мний же во Царствии Небеснем болий его есть, но и того любодейственная страсть не пощаде, якоже святое Евангелие свидетельствует сице.

В то время услышав Ирод четвертовластник слух Иисусов и рече отроком своим, се есть Иоанн (л. 230 об.)¹⁴²⁸ Креститель, его же аз усекнух, той воскресе от мертвых и сего ради силы деются о нем. Ирод бо ем Иоанна, связа его и всади в темницу Иродиады ради, жены Филиппа, брата своего. Глаголеша бо ему Иоанн: Не достоит ти имети ея. И хотяше его убити, убояся народа, зане яко пророка его имеяху. Дни же бывшу рожества Иродова, плясавше Иродиада посреде и угоди Иродови. Тем же и с клятвою изрече ей, чего же аще¹⁴²⁹ воспросит. Она же наваждена материю своею, даждь ми, рече, зде на блюде главу Иоанна Крестителя. И печален бысть Царь, клятвы же ради и за возлежащих с ним, повеле дати ей. (л. 231)¹⁴³⁰ И послав, усекну Иоанна в темнице, и принесоша главу его на блюде, и даша девице, и отнесе матери своей. И приступльше ученицы его, взяша тело его и погребоша его. И пришедша, возвестиша Иисусови, и слышав, Иисус отъиде оттуду в корабли в пусто место едино.

Видел ли еси прелюбодейства лакомство, яко ни пророка милует и о царстве не брежет. Полцарства, рече, отдает плясавице Ирод, но прелюбодейство о том не брежет, едино да обличителя погубит.

Слышав же Иисус прелюбодейства злобу и тогда в пусто место отходит, якоже и о нас слышавшии от царя исповедают, глаголюща, (л. 231 об.)¹⁴³¹ яко аще не бы боялся Бога, зделал бы де я патриарху то, чево он не ведает, якоже Ирод, о нем же есть выше писано. И хотяше его убити, убояся народа, зане пророка его имеяху. И аще не бы рука Господня покрывала и нас, то бы давно убили, якоже Родион Стрешнев и Иосиф Сукин за некия моя слова грозилися на мя у мене в келье, убийством глаголюще: Буде де станешь такия слова говорить впредь, не стану терпеть. Мое же слово говорено се, яко мало християнства во царе есть. Аще бы было християнство, то слушал бы во святем Евангелии святаго писания: Слушаяй¹⁴³² вас, Мене слушает, и (л. 232)¹⁴³³ отметайся¹⁴³⁴ вас, Мене отметается, отметаяй бо ся не человека отмещется, но Бога, давшаго Дух свой Святый в нас.

Иже¹⁴³⁵ не приимет вас, ниже послушает словес ваших, исходяще из дому или из града того, отрясите и прах от ног ваших. Аминь, глаголю вам, отраднее будет земли Содомстей и Гоморстей в день Судный, неже граду тому.

Виждь, яко иже словом Божиим кто засвитеделствует и не покаряются тем посланым от Господа, но и досаждают, не даже до сего стают, но возводят на пославшаго их суд себе горши, паче содомлян и гоморян содевают.

Паки же глаголеши, и како же не может взять инаго мужа (л. 232 об.)¹⁴³⁶ Церковь Божия, когда Никон что живой погребен, никакова радения об Ней не имеет, ни питает. Всуе сие глаголеши, понеже нигде есть писано, что от живаго мужа жену разлучити, но паче послушай Господа, глаголюща: Иже¹⁴³⁷ аще пустит жену свою и женится иною, прелюбы творит на ню. И аще жена пустит мужа и посягнет за инаго, прелюбы творит.

Или не разумеете, братие, ведущим закон глаголю, яко закон обладает над человеком, во елико время живет, ибо мужатая жена живу мужу привязана законом. Аще ли же умрет муж ея, разрешится от закона мужескаго. Тем же убо (л. 233)¹⁴³⁸ живу сущу мужу прелюбодеица бывает, аще будет мужеви иному.

Посягшим же глаголю, не аз, но Господь, жене¹⁴³⁹ от мужа не разлучатися, аще ли же разлучится, да пребывает безбрачна или с мужем своим да смирится. И паки. Мужу жены не отпущати, кийждо свою жену да имать, и каяждо жена своего мужа да имать.

Отнюду¹⁴⁴⁰ же слышится в вас блуждение, яково ни во языцех именуется, яко некоему имети жену отчюю и разгордесте и не наче плакасте, да измется от среды вашея соделовавый сие. Аз убо, аки не у вас сый телом, ту же живый духом, уже судих, яко ту сый, содеявшаго сице сие (л. 233 об.)¹⁴⁴¹ о имени Господа нашего Иисуса Христа собравшимся вам и моему духу с силою Господа нашего Иисуса Христа предати таковаго сатане во изможение плоти, да дух его спасется в день Господа нашего Иисуса Христа, не добра ваша похвала.

Видел ли еси, новый Люторе, поругателю Евангелский, како сам Господь утверди брак не на четыре годы. Откуду ты таковое сатанинское слово приял, еже до четырех лет муж не сотворит он ней никакова радения, поизволяет правило, что инаго мужа была? Рцы, кое правило поизволяет?

Видел ли еси божественнаго Павла, глаголюща Божиим словом: Посягшим же глаголю не аз, но Господь: жене от мужа не разлучатися, аще ли разлу(л. 234)чится¹⁴⁴², да пребывает безбрачна или с мужем да смирится.

Мал¹⁴⁴³ браком совокупившесь¹⁴⁴⁴ женца распущаются, аще не смиритася да пребываета тако. Аще ли ни, к покаянию да понуждена будет.

Угодно бысть отцем собора сего по евангелскому и апостолскому учению, никому же свою жену не изгнати просто, ни разлучитися от нея. Аще же прилучится, или мужу восхотевшу или жене разлучитися от сожительства, и не смиритася, и не восхощета, паки снитися и купно жити, да пребудут тако во единстве и другому браку да не сочетаются, понеже, иже пущеницу поимет, прелюбы (л. 234 об.)¹⁴⁴⁵ творит. Аще же муж поимет иную жену или жена инаго мужа, в покаяние да приведутся и любодейства запрещение да приимут.

К сему ищи правила 87-го собора 6-го Вселенскаго и святаго Василия правила 9, 35, 48 и 77, и о сем тамо тоже глаголет.

Иже¹⁴⁴⁶ от мужа бывши жена, за другаго поидет, прелюбодеица есть. И пустивый жену свою и ину поим, прелюбы творит по Господню слову.

Како ты, развратниче, смеешь на самаго Господа нашего Иисуса Христа и святых апостол ложно писати? О таковых апостол пишет: Аще мы или ангел с небесе благовестит вам, паче еже (л. 235)¹⁴⁴⁷ приясте, анафема да будет.

Такоже и соблудившаго со отчею женою, не сущею материю, предати таковаго повеле сатане во измождение плоти, да дух его спасется. Колми же паче с материю блудити осудятся. А ты глаголеши, яко добро то государь царь сотворил, что Крутицкому митрополиту отдал Матерь свою соборную великую Церковь в прелюбодейство, которая его помазала елеом радости на царьство. И вы, видяще таокове беззаконие, разгордесте и не паче плакасте. И еже бы собрався о имени Господа нашего Иисуса Христа предати таковаго сатане во измождение плоти, да дух его спасется в день Господа нашего Иисуса Христа, по писаному: Потребил (л. 235 об.)¹⁴⁴⁸ еси всякаго, любы деющаго, от себе.

Жены¹⁴⁴⁹, рече, своим мужем повинуйтеся яко Господу, зане муж глава есть жене, якоже и Христос глава есть Церкви и той есть Спас телу, но якоже Церквь повинуется Христу, сице и жены своим мужем во всем.

Василия Великаго 7-е правило: Прелюбодея на 15 лет отлучает Божественнаго причащения. Того же 22-е правило: Кровосмешение с сестрою 20 лет, а иже с материю, которой епитимьи повинен¹⁴⁵⁰ будет достоин.

И уже от Божиих заповедей и святых апостол канонов о прелюбодействе доволно показано ти есть. Хощеши ли, враждотворче, да покажем еще к сим и святых отец правила. (л. 236)¹⁴⁵¹ Еже ты глаголеши, яко по четырех лет может жена иному мужу быти по праву, по которому праву? Смотри 6-го Вселенскаго собора правило 92.

Мужеви¹⁴⁵² без вести бывшу, и не уведевши о нем жена его идет за инаго, прелюбы сотворит. Да возвратившуся мужу, аще хощет, да поимет ю.

Подобно есть сему правилу и 17 Иустинианова новая заповедь, яже в 7-й грани царских книг лежит. Повелевает бо и она, яко аще жена имеет мужа воина, и на войну отъидет, и услышит его умерша, инако несть ей, како за инаго мужа поити, аще извещения не приимет от старейшины (л. 236 об.)¹⁴⁵³ чина, в нем же муж ея воинствоваше, предлежащу святому Евангелию, и о содеянных воспоминанием исповедати, яко воистину муж ея умре. И таковая воспоминания приимет и по таковом извещении пребудет, ожидающи за едино лето. Аще же не соблюдши заповеди, за инаго отъидет, и саму ту и поимшаго ю¹⁴⁵⁴ ту, яко прелюбодеев мучити. Аще же таковому ожиданию бывшу и той замуж шедши, обрящутся истинствовавшии солгавше, иже с клятвою извествоваше, яко муж ея умре, тии убо от воинства обнажени будут и десять литр злата да вдадят оному, на не(л. 237)го¹⁴⁵⁵ же солгаша, яко умре. Той же, аще восхощет свою жену пояти, не возбранится ему. Ко времени же оставившему свою жену, аще посягнут по невежествию, не вменяется ей в прелюбы. И о сем ищи правила Великаго Василия 46-го.

Жена¹⁴⁵⁶, аще отъидет муж ея и без вести будет, и не испытавши, ни уведевши добре, яко умре, за ин муж идет, прелюбы творит.

Толкования несть.

Воинов жены, иже мужем их без вести бывшим, за иныя отходяще, помилованнейши суть от инех, иже отшедшим мужем не ожидают.

(л. 237 об.)¹⁴⁵⁷ Единако прелюбодеяния запрещения повинни суть обоя жены. Аще бо и не¹⁴⁵⁸ воинничя, но купца некоего жена или инаго проста человека, отшедшу мужеви ея на ину страну и прежде извещения о смерти его за инаго мужа поидет, тогда бо яко прелюбодеица судится. Аще и та, не уведевши прежде о смерти известно мужа своего, со инем сочетается, такожде и воинническия жены, уведевши о своих мужех, яко скончашася, должни суть испытовати о смерти их.

Иустинианова же 117 новая заповедь повелевает, иже в 7-й грани 28-х Царьских книг лежит, ея же сила и в 91-м правиле (л. 238)¹⁴⁵⁹ писана есть шестаго Вселенскаго собора, иже в Константине граде в Трулле полатнем. И се правило помилования некоего сподобляет и воинническия жены паче инех и их же мужи отходят на куплю или на ину некую работу, аще и ко второму браку приидут, мужем их без вести сущим, понеже паче к смерти есть воинническое отшествие на брань и велико дает промышление, аще без вести будут, якоже или умроша или убиени быша.

Иде некая в неведении замуж, его же остави жена, и потом первая возвратится, сия же пущена бысть, блудница вменяется по не(л. 238 об.)ведению¹⁴⁶⁰, и аще хощет, да посягнет, добре же есть, аще не посягнет.

Оставлен бысть муж от своея жены на время, он же мнев, яко до конца, разрешися от оноя и другую поят, не ведущу, яко на время оставлен есть от нея. Возвратися¹⁴⁶¹ к нему первая и приим ту, вторую же отпусти, яко блудница судится сия отпущеная, обаче в неведении шла бе зань. И того ради аще хотением брака сочетатися и со другим, не возбранится ей, не вменяет бо ся пущеница, яко ни он истинный бе муж ей, иже ю отпусти. Аще же восхощет пребывати без брака и не ити за ин муж, (л. 239)¹⁴⁶² добре есть се.

Паки дерзаеши ко всем архиереом учительски, глаголя: А вы, архиереи, когда не имеете радения о обирании патриаршеском и поставлении, кто же ино порадеет; чините, что имеете чинить, ваше то дело и ваше радение. То пастыри для какой притчи не бережете престола патриаршескаго, который есть обща паства.

Покажи, лжесловче, по которым правилом святым начат таковое учительство, а не от своих гнилых произношений. Писал ты, по четырех летех может жена оставленая иному мужу быти. И та вся твоя блядь обличена святым Евангелием и святыми отеческими правилы. А ныне пишешь учите(л. 239 об.)льски¹⁴⁶³, аки власть имея, по которым каноном таковое ты дерзновение приим, покажи, где есть писано, еже свою епархию оставя, в чюжую пришед иным архиереом законополагати, паче же чрез Божественыя святыя правила¹⁴⁶⁴ заповеди. Богоноснии отцы на седмом Вселенстем соборе утвердили, якоже в первом правиле есть выше сего писано и ввек таковое утвержение на койждо год в Неделю Православия всюду обновляют. Аще кто¹⁴⁶⁵ надувся своим злоумием убавит или прибавит, да будет проклят. Или не слышал еси в Неделю Православия что мое сие? Збысться Исаино пророчество о тебе: Имеяй уши (л. 240)¹⁴⁶⁶ слышати, не слышиши и очи свои сомжил, одебеле бо сердце твое, славолюбче. Оберегайтеся, глаголеши, чтоб та ваша неприлежность Бога не возбудила до отмщения и ярости. Глаголет бо Захария: А то вижу летающи серп длиною 20 лакоть, шириною 10 лактии. Якоже везде, тако и зде солгал еси, еже будто того ради серп сошел с небесе за неприлежность архиереов, что патриарха новаго не оберут долго. Послушай же, лжесловче, мы тебе пространно зде покажем, чесого ради сниде серп той, якоже глаголет: И обратихся и возведох очи мои и видех и сей серп летящь. И рече ко мне: (л. 240 об.)¹⁴⁶⁷ Что ты видиши? И рех аз: Вижу серп летящь в долготу лакоть двоюдесяту и в ширину десять лакт. И рече ко мне: Си клятва, исходящая на лице всея земля, зане всяк тать от сего до смерти мстится. И вынесу и, глаголет Господь Вседержитель, и внидет в дом татины и в дом кленущагося именем Моим во лжу и обитает посреде дому его и скончает и, и древо его и камение его.

Видели, малоумне, каково сниде серп оный. Си клятва, рече пророк, сходящая на лице всея земли, зане всяк тать от сего до смерти мстится. И вынесу и, глаголет Господь Вседержитель, и внидет в дом (л. 241)¹⁴⁶⁸ татины. Кто же тать? Не ты ли, лжесловче, пришедый в Российскую страну благочестие украсти, прелазя Божественаго писания оплоты.

Господу глаголющу: аминь¹⁴⁶⁹, Аминь, глаголю вам, не входяй дверми во двор овчий, но прелазя инуде, той тать есть и разбойник.

Како же не тать, укажи ми, которыми ты дверми во двор овчий входиши и что твориши.

Глаголет Господь: Аз¹⁴⁷⁰ есмь дверь, Мною аще кто внидет, спасется, и внидет и изыдет и пажить обрящет.

Тать не приходит, разве украдет и убиет и погубит. Не ты ли еси таковый, яко ничтоже от священнаго Евангелия или святых апостол (л. 241 об.)¹⁴⁷¹ и святых отец предания писания приводяй неправе и истину во лжу претворяеши, и есть таковый тать и разбойник, который простых людей прелщает своими пагубными слабоумными ответы. В таковый душевный двор серп той внидет и обитает, дондеже скончает и.

Василия Великаго по 15 правилу: Разбойник 20 лет да кается и причетник не будет. Градских законов по 39 грани глава 15: Разбойницы повешени будут на тех местех, идеже разбой творят.

Кто же кленущийся именем Господним во лжу? Видел еси, яже выше сего писана суть. Како всякому (л. 242)¹⁴⁷² архиерею собора¹⁴⁷³ Карфагенскаго 18 правило на избрании повелевает святый Символ исповедати и вся церковныя заповеди в слухи своя приимати, учащу его поставляющему его, и да обещается та вся сохранити.

Ты же и вси российстии митрополити и архиепископы ничтоже сотворше таковое обещание. И сбысться писаное во псалмех: Бог¹⁴⁷⁴ с небесе приниче на сыны человеческия видети, аще есть разумеваяй или взыскаяй Бога. Вси уклонишася вкупе и непотребни быша, несть творя благое, несть до единаго, ни ли разумевают вси делающии беззаконие. Снедающе люди моя в хлеба место, Бога не призваша, та(л. 242 об)мо¹⁴⁷⁵ устрашишася страха, идеже не бе страха, яко Бог разсыпа кости человекоугодником, постыдешася, яко Бог уничижи их. В таковых домы кленущихся именем Господним во лжу внидет серп той огненный и обитает посреде домов их, дондеже скончает их. А уже многих и скончал. Овии вином згорели, ин удавился, ин инако, зло пострадав, умре, якоже вси знают о сем.

Глаголеши, се что добро или что красно, еже жити братии вкупе. Ничтоже несть инако что лучшаго, как совет и совокупление любве брацкой. Для чего вы друг друга тягости не носите, (л. 243)¹⁴⁷⁶ ни обще воспомогаете себе. Для чего не докончал, рекл, друг другу тягости не носите, а еже и тако скончаете закон Христов. Где есть во Христове законе писано, еже бы друга ненавидети? Словом учиши любити, а делом самем погубити. И глаголеши, заповедь имеем от Бога возлюбити ближняго своего, яко самаго себе. Всех христиан как одной веры имеете возлюбити, а наипаче свой народ и сродники имеете возлюбити. И есть ли вы сами о своем добре и чести не радеете, кто иной, странной, будет радети? Которое радение? Се ли, еже выше рекл еси о (л. 243 об.)¹⁴⁷⁷ избрании патриаршеском? Несть сия любовь Божия, но мирска бесовска. Аще¹⁴⁷⁸ кто речет, яко люблю Бога, а брата своего ненавидит, ложь есть и в сем истины несть. Всяк ненавидяй брата своего, человекоубийца есть и весте, яко всяк человекоубийца не имать живота, пребывающа в себе. И где есть любовь Божия в том, изгнати, еже отъяти, убити. Писание глаголет: Не противитися злобе, злобою противитеся, рече, злобе, аще и наше что лихо было к ним. А еже отъяти, Бога заповеда и за сущее свое не стояти, хотящему, рече, судитися с тобою и ризу твою взяти от тебе, не возбрани ему и срачицу. (л. 244)¹⁴⁷⁹ А еже убивати, слышасте, яко речено бысть древним: Не¹⁴⁸⁰ убиеши, иже аще убиет, повинен есть суду. Аз же глаголю вам, яко всяк гневаяся на брата своего всуе, повинен есть суду. Слышасте, яко речено бысть первым: Не прелюбы сотвориши. Аз же глаголю вам, яко всяк¹⁴⁸¹ воззревый на жену, коей же возжделети ю, уже любодействова с нею в сердцы своем.

Зриши ли, яко закон деяния точию отрицает Евангелие и самыя вины, откуду страсти востают, отсекает. Темже убо иже инаго учиши, себе ли не учиши.

1 2 3 4 5 6 7 8 9 10 11 12 13 14 15 16 17 18 19 20 ... 22 23 24 25 26 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

¹³⁸⁵ Помета: гл. 5 Захария.

¹³⁸⁶ Помета: Псалом 132.

¹³⁸⁷ На верхнем поле листа киноварная помета: 21-е возражение.

¹³⁸⁸ На левом поле листа помета: Лук.

¹³⁸⁹ На левом поле листа помета: Матф.

¹³⁹⁰ На левом поле листа помета: Ефес. 229.

¹³⁹¹ На левом поле листа помета: Матф.

¹³⁹² На верхнем поле листа киноварная помета: на 21-й вопрос и ответ.

¹³⁹³ На правом поле листа помета: Деян. 1.

¹³⁹⁴ На верхнем поле листа киноварная помета: 21-е возражение.

¹³⁹⁵ На верхнем поле листа киноварная помета: на 21-й вопрос и ответ.

¹³⁹⁶ На верхнем поле листа киноварная помета: 21-е возражение.

¹³⁹⁷ На верхнем поле листа киноварная помета: на 21-й вопрос и ответ.

¹³⁹⁸ На верхнем поле листа киноварная помета: 21-е возражение.

¹³⁹⁹ На левом поле листа помета: Деян. 33.

¹⁴⁰⁰ На левом поле листа помета: 34.

¹⁴⁰¹ На верхнем поле листа киноварная помета: на 21-й вопрос и ответ.

¹⁴⁰² На верхнем поле листа киноварная помета: 21-е возражение.

¹⁴⁰³ На верхнем поле листа киноварная помета: на 21-й вопрос и ответ.

¹⁴⁰⁴ На верхнем поле листа киноварная помета: 21-е возражение.

¹⁴⁰⁵ На верхнем поле листа киноварная помета: на 21-й вопрос и ответ.

¹⁴⁰⁶ На верхнем поле листа киноварная помета: 21-е возражение.

¹⁴⁰⁷ На верхнем поле листа киноварная помета: на 21-й вопрос и ответ.

¹⁴⁰⁸ На верхнем поле листа киноварная помета: 21-е возражение.

¹⁴⁰⁹ На верхнем поле листа киноварная помета: на 21-й вопрос и ответ.

¹⁴¹⁰ На правом поле листа помета: лист 111.

¹⁴¹¹ На верхнем поле листа киноварная помета: 21-е возражение.

¹⁴¹² На левом поле листа помета: лист.

¹⁴¹³ На верхнем поле листа киноварная помета: на 21-й вопрос и ответ.

¹⁴¹⁴ На верхнем поле листа киноварная помета: 21-е возражение.

¹⁴¹⁵ На левом поле листа помета: Псалом.

¹⁴¹⁶ На верхнем поле листа киноварная помета: на 21-й вопрос и ответ.

¹⁴¹⁷ На верхнем поле листа киноварная помета: 21-е возражение.

¹⁴¹⁸ На верхнем поле листа киноварная помета: на 21-й вопрос и ответ.

¹⁴¹⁹ На верхнем поле листа киноварная помета: 21-е возражение.

¹⁴²⁰ На верхнем поле листа киноварная помета: на 21-й вопрос и ответ.

¹⁴²¹ На правом поле листа помета: Матф. 74.

¹⁴²² На верхнем поле листа киноварная помета: 21-е возражение.

¹⁴²³ На верхнем поле листа киноварная помета: на 21-й вопрос и ответ.

¹⁴²⁴ На правом поле листа помета: Вас. Вел. 73.

¹⁴²⁵ На верхнем поле листа киноварная помета: 21-е возражение.

¹⁴²⁶ На левом поле листа помета: Матф. 13.

¹⁴²⁷ На верхнем поле листа киноварная помета: на 21-й вопрос и ответ.

¹⁴²⁸ На верхнем поле листа киноварная помета: 21-е возражение.

¹⁴²⁹ Написано со знаком вставки на левом поле листа.

¹⁴³⁰ На верхнем поле листа киноварная помета: на 21-й вопрос и ответ.

¹⁴³¹ На верхнем поле листа киноварная помета: 21-е возражение.

¹⁴³² На левом поле листа помета: Лук.

¹⁴³³ На верхнем поле листа киноварная помета: на 21-й вопрос и ответ.

¹⁴³⁴ На правом поле листа помета: Матф. 10; 1 Сол. 269.

¹⁴³⁵ На правом поле листа помета: Матф. 35.

¹⁴³⁶ На верхнем поле листа киноварная помета: 21-е возражение.

¹⁴³⁷ На левом поле листа пометы: Матф. 44; 6-го Всел. соб. правило 87; Вас. Вел. правило 9; Римл. 94.

¹⁴³⁸ На верхнем поле листа киноварная помета: на 21-й вопрос и ответ.

¹⁴³⁹ На правом поле листа помета: Кор. 136.

¹⁴⁴⁰ На правом поле листа помета: Кор. 136.

¹⁴⁴¹ На верхнем поле листа киноварная помета: 21-е возражение.

¹⁴⁴² На верхнем поле листа киноварная помета: на 21-й вопрос и ответ.

¹⁴⁴³ На правом поле помета: лист 158.

¹⁴⁴⁴ Слова «браком совокупившесь» написаны тем же почерком со знаком вставки на правом поле листа.

¹⁴⁴⁵ На верхнем поле листа киноварная помета: 21-е возражение.

¹⁴⁴⁶ На левом поле листа помета: лист 203.

¹⁴⁴⁷ На верхнем поле листа киноварная помета: на 21-й вопрос и ответ.

¹⁴⁴⁸ На верхнем поле листа киноварная помета: 21-е возражение.

¹⁴⁴⁹ На левом поле листа помета: Псалом 72; Ефес. 230.

¹⁴⁵⁰ Написано со знаком вставки на левом поле листа.

¹⁴⁵¹ На верхнем поле листа киноварная помета: на 21-й вопрос и ответ.

¹⁴⁵² На правом поле листа помета: лист 203.

¹⁴⁵³ На верхнем поле листа киноварная помета: 21-е возражение.

¹⁴⁵⁴ Написано со знаком вставки на левом поле листа.

¹⁴⁵⁵ На верхнем поле листа киноварная помета: на 21-й вопрос и ответ.

¹⁴⁵⁶ На правом поле листа помета: лист 236.

¹⁴⁵⁷ На верхнем поле листа киноварная помета: 21-е возражение.

¹⁴⁵⁸ Вписано над строкой тем же почерком.

¹⁴⁵⁹ На верхнем поле листа киноварная помета: на 21-й вопрос и ответ.

¹⁴⁶⁰ На верхнем поле листа киноварная помета: 21-е возражение.

¹⁴⁶¹ В ркп.: возвратися.

¹⁴⁶² На верхнем поле листа киноварная помета: на 21-й вопрос и ответ.

¹⁴⁶³ На верхнем поле листа киноварная помета: 21-е возражение.

¹⁴⁶⁴ Написано со знаком вставки тем же почерком на левом поле листа.

¹⁴⁶⁵ Вписано тем же почерком над строкой.

¹⁴⁶⁶ На верхнем поле листа киноварная помета: на 21-й вопрос и ответ.

¹⁴⁶⁷ На верхнем поле листа киноварная помета: 21-е возражение.

¹⁴⁶⁸ На верхнем поле листа киноварная помета: на 21-й вопрос и ответ.

¹⁴⁶⁹ На правом поле листа помета: Иоан. 35.

¹⁴⁷⁰ На правом поле листа помета: Иоан. 36.

¹⁴⁷¹ На верхнем поле листа киноварная помета: 21-е возражение.

¹⁴⁷² На верхнем поле листа киноварная помета: на 21-й вопрос и ответ.

¹⁴⁷³ Вписано тем же почерком над строкой: «ра».

¹⁴⁷⁴ На правом поле листа помета: Псалом 52.

¹⁴⁷⁵ На верхнем поле листа киноварная помета: 21-е возражение.

¹⁴⁷⁶ На верхнем поле листа киноварная помета: на 21-й вопрос и ответ.

¹⁴⁷⁷ На верхнем поле листа киноварная помета: 21-е возражение.

¹⁴⁷⁸ На левом поле листа помета: Иоан. 72.

¹⁴⁷⁹ На верхнем поле листа киноварная помета: на 21-й вопрос и ответ.

¹⁴⁸⁰ На правом поле листа помета: Матф. 12.

¹⁴⁸¹ Слова «яко всяк» написаны со знаком вставки тем же почерком на правом поле листа.

Домашняя страница
священника Владимира Кобец