ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (19)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

икон никого не оставил на своем месте, кто б на его месте чинствовал; каким же обычаем митрополит Крутицкой чинствует безопасно на месте патриаршеском?

Который ни есть истинный и прямый архиерей, когда почет итить на которые места для какова случая нужднаго, оставляет на своем месте наместника своего. Так чтем в книгах Моисеовых: когда Моисей хотел итить для принятия закона, оставил Аарона и Ора, чтоб судили люди, покамест он бы не поворотился; для того что началной человек имеет такое долженство, чтоб всегда был особою своею где его подданныя, которыя ему послушныя, да молятся и иныя об нем, да поют же все молебства церковная; а се и аз сам не стану молитися и своего правила не буду правити, не будет удоволство что я совершил свое правило и моление; аз подобает да пощуся когда хочю, чтоб мое моление и должность удоволствована была. Я печати Господа Иисуса Христа на себе ношу, говорил святый Павел апостол трижды благословен. Достойно бы когда патриарх, есть ли бы имел на уме своем не на болшое время от престолу своего итить, постановил бы на своем месте который бы чинствовал по его повелению, доброю волею, кому бы он то вручил. Но понеже избег и онаго пения поспешив, маленко допети забыв и воспомянути не хотел, не бояся оных наказов: проклят кто таинства Божия отправляет неохотно. Для того, когда Никон не оставил на своем месте наместника своего, надобно б было, чтоб был наместник, который б чинствовал на его месте и всякия правила церковныя творил, чтоб Церковь Божия пуста и без пения не была, и в тихости б не были службы Божии, приказано Крутицкому от благочестиваго Государя нашего, что он по сей день чинствует церковныя правила добро. Как остался Аарон и Ор наместники Моисеовы, покамест не возвратился от горы Синайския с скрыжали завета, чтоб не были люди израилския без главы пустой. Велико нечто было воистину, что не оставил на немногие дни Моисей людии июдейския без началники и оберегатели. А Никон, который отступился, чрез столко месяцей и лет не радел чтоб написал ко благочестивому Царю, чтоб поберег его престол. Однако ж зделал как странный и чюждый епископ, без всякаго порядку и прилежности. А добро ведаем, что добрый пастырь душу свою полагает за овцы своя. Ближен был Моисей к смерти и призвал Иисуса Наввина и рек пред всем израилем¹²²³: мужествуй и укрепися, ты бо внидешь пред людми израилевыми в землю, ею же клятся Бог отцем нашим дати ея им, и Господь пойдет с тобою и не оставит тебе, не опустит, не бойся и не страшися. Тако же ближен был к смерти Аарон пред всем израилем: мужествуй, укрепися, ты бо един перед людми израилевыми в земли, ею же клятся Бог отцем нашим дати ея им, Господь пойдет с тобою и не оставит тебе, не опустит, не бойся и не страшися. Тако же ближен был к смерти Аарон¹²²⁴: указал Бог, чтоб приоблекся сын его Елиазар всем архиерейским облачением отца своего и совершает в книгах Числа; и умре Аарон на верху горы; и низшел Моисей и Елиазар з горы и виде вся сонмища, а то уже Бог не повелевает, чтоб люд был без пастыря; такожде и Христос по вознесении Своем оставил апостол святых, которыя б владели Церковию Божиею, чтоб не нарицалася: овдовела без архиерея и пастыря.

Глаголеши, совопросниче, яко Никон никого не оставил на своем месте, кто б на его месте чинствовал.

Каким же обычаем митрополит Крутицкий чинствует безопасно на месте патриаршеском?

Ты же, ответотворче, глаголеши: Который ни есть истинный прямый архиерей, когда хощет итти на которыя места (л. 170 об.)¹²²⁵ для какова случая нужново, оставляет на своем наместника своего, так чтем в книгах Моисеовых. Когда Моисей хотел итти для приятия законнаго, оставил Аарона и Ора, что судили, покамест он не поворотился. А для того началной человек имеет такое долженство, чтоб всегда был особою своею, где его подданныя, которыя ему послушныя, да молятся и иныя об нем да поют же все молебны церковныя. А се и аз сам не стану молитися и своего правила не буду правити, не будет удоволно, что я совершил свое правило и моление. А подобает, да пощусь, когда хочю, чтоб мое моление и должность (л. 171)¹²²⁶ удоволствована была. Я печати Господа Иисуса Христа на теле моем ношу, говорил святый Павел апостол: трожды благословен. Достойно бы когда патриарх, есть ли бы имел на уме своем не на болшое время от престола своего итти, постановил бы на своем месте, который бы чинствовал по его веленью доброю волею, кому бы он то вручил. Но понеже избег, и онаго пения поспешил маленко, забыв воспомянути, не хотел, не бояся оных наказов, проклят, кто таинства Божия оправляет неохотно. Для того, когда Никон не оставил на своем месте наместника своего, надобно б было, чтоб был наместник, которой бы чин(л. 171 об.)ствовал¹²²⁷ на месте его и всякия правила церковныя творил, чтобы Церковь Божия пуста и без пения не была и в хитрости не были службы Божии, приказано от благочестиваго государя нашего, что он по сей день чинствует церковныя правила. Добро, как остался Аарон и Ор наместники Моисеовы, покамест не возвратился от горы Синайския со крыжали завета, чтоб не был люд израилтейский без главы пустой. Велико нечто было воистину, то не оставил на многия дни Моисей люд июдейский без началника и оберегателя. А Никон, который отступился чрез столко месяцей и лет, не радел, чтоб написал ко благочестивому царю, чтоб поберег его престол. (л. 172)¹²²⁸ Однако же зделал как странный и чюжий епископ без всякаго порядку и прилежности, а добро ведаем, кто добрый пастырь, душю свою положит за овцы своя.

До сих твоих глагол, лицемере, без лености выслушал и зело показался ми еси некнижен, сам весь еси во гресе и ответы твориши чрез Божественая Писания, доброе уничижаеши, а злое обновляеши.

Писано есть, грешнику рече Бог: Вскую ты поведуеши и восприемлеши завет Мой усты твоими. Ты же возненавиде наказание мое и отверже словеса моя вспять. И глаголеши, аз пошед, не оставил никово наместника по себе, как Моисей, пошедши (л. 172 об.)¹²²⁹ для приятия закона оставил Аарона и Ора.

Ни Моисей, побежав от Египта, оставил кого, но всех с собою взял в пустыню и в пустыне чинствовал и по себе Аарону и Ору приказал, восходя на гору Санайскую, разсуждати повеле, аще кому прилучится пря. Нам же от злобы царьския отходящим, аще бы и приказать, не послушал бы никто, разве его царьскаго повеления, якоже и ныне действуется. А идеже ныне Христа ради скитаемся, не без того чина обретаемся. А что глаголеши, что началной человек имеет такое долженство, чтоб всегда был особою своею, где его подданныя, которыя ему послушныя, да молятся и иныя о нем (л. 173)¹²³⁰ да поют же все молебны церковныя. А се аз и сам не стану молитися и своего правила не буду правити. И не будет удоволно, что я совершил свое правило и моление. А подобает, да пощуся когда хощю, и чтобы мое моление и должность удоволствована была.

Правду истинную изрекл еси сам о себе. Тем же и аз не без правды ответ творю ти. Божие есть слово ко пророку и не может ложно бы(л. 173 об.)ти¹²³¹, яко в нем же застану, в том и сужду тя.

Ты глаголеши, чтобы за тебя поведанныя молилися и долг твой отправляли. А ты когда и не хощеши поститися и молением молитися и своего правила правити. А подобает, да пощуся, когда хощу (л. 174)¹²³² и чтоб моление твое и должность удоволствована была от подданных твоих. Да кто весть от подданных твоих, где есть ти и что твориши и еже бы им за тебя молити? Обаче едино истинно о себе свидетелствуеши, что ты ни постишися, ни молишися, якоже мы слышахом от достоверных свидетелей, иже при тебе пребывающии исповедаша, что ничим же лутче есть поганина. Внегда ходити к Троицы Живоначалной в Сергиев монастырь, ни постившася тебя видели когда, ни молившася, но всегда днем и нощию ядуща и пиюща, яко свиния, и ничто же ино благотворяща. Послушай убо писания¹²³³, яко не подо(л. 174 об.)бает¹²³⁴ на иных исправление надеющемуся, яже о себе не радети.

Сотвористе¹²³⁵ убо плоды достойны покаянию и не начинайте глаголати в себе отца имамы Авраама. Глаголю бо вам, яко может Бог от камения сего воздвигнути чада Аврааму, уже бо и секира при корени древа лежит. Всяко убо древо, не творящее плода добра, посекается и во огнь вметается.

Яко¹²³⁶ ничто же ползуют себе сожительствующии угодным Богови и свое мудрование не исправляюще, аще и по видимому к ним приносят подобие.

Тогда¹²³⁷ уподобися Царство Небесное десятим девам, яже прияша светилники своя и изыдоша во сретение Жениху, пять (л. 175)¹²³⁸ бе от них мудры и пять буия. Буия же приемше светилники своя, не взяша с собою елеа. Мудрыя же взяша елеа в сосудех своих. И приводит по мале о буих.

Господи, Господи, отверзи нам. Он же отвещав, рече: Аминь, глаголю вам, не веде вас. Глаголю¹²³⁹ же вам, в ту нощь два будета на ложи своем, един поемлется, а другий оставляется. Две мелющи вкупе, едина поемлется и другая оставляется. И отвещавше, реша Ему: Господи, Господи. Он же рече им: Идеже труп, тамо соберутся орли. Не вси, иже от Авраама, сии суть сынове Авраамли, но иже дела Авраамская сотворит, сей сын (л. 175 об.)¹²⁴⁰ Авраамль есть. Ни иже от Израиля, сии суть израилтяне, но иже дела израилтейска сотворит, он есть израилтянин.

Писано есть: Вера без дел мертва есть, тако и ты без дел своих, на иных надеяся делы, мертв еси от жизни праведных, почто живых соблажняеши.

Ты же глаголеши, приказано Крутицкому митрополиту от благочестиваго государя нашего, что он по сей день чинствует церковныя правила. Добро, как остался Аарон и Ор наместники Моисеовы, покаместа возвратился Моисей от горы Синайския со крыжали завета, чтоб не был люд израилтейский без главы, пустой. Велико нечто было воистину, то не оставил (л. 176)¹²⁴¹ не на многия дни без началника и оберегателя. А Никон, которой отступился чрез толко месяцей и лет, не радел, чтоб написал ко благочестивому царю, чтоб поберег его престол. Однако же зделал как странный и чюжий епископ без всякаго порядку и прилежности. А добро ведаем, кто добрый пастырь душю свою положит за овцы своя.

Как в преждних своих ответех, злоумне, неправедно писал, тако и зде солгал, еже добро, глаголеши, что приказал государь Крутицкому митрополиту. Писано¹²⁴² есть: Верный в мале и во мнозе верен. Не верный в мале и во мнозе не верен есть. Покажи известно (л. 176 об.)¹²⁴³ не от своих гнилых произношеней, но от Божественаго Писания, где есть такия законы, да царие в церковных преданиох и уставох исправляют и повелевают, якоже ты глаголеши. Аз же ти покажу.

Господу глаголющу: Никто¹²⁴⁴ же может двема господинома работати. Любо единаго возлюбит, а другаго возненавидит, или единому прилежит, а другаго не радит. Не можете Богу работати и мамоне.

Аз от Бога изыдох и приидох, не бо от себе приидох, но Он мя посла.

Мне¹²⁴⁵ подобает делати дела пославшаго мя. И в Нем же аще кто призван, в том да пребывает. (л. 177)¹²⁴⁶ Что бо имаши, еже не приял еси? Како же проповедят, аще не послани будут? Егда¹²⁴⁷ раби бесте греху, свободни бесте от правды. Да никто же вас лстит тщимы словесы. Сих¹²⁴⁸ бо ради грядет гнев Божий на сыны противныя. Доволно ли ти есть ко указанию, яко не подобает не сущими своими владети или повелевати, аще мнит царь, яко добро творит, владея и повелевая во священных уставох, не чюдися, что Бог терпит на болшее и лютейшее отмщение.

Писано есть: Приидоша¹²⁴⁹ же нецыи в то время, возвещающе Ему о галилеох, их же кровь Пилат смеси с жертвами их. (л. 177 об.)¹²⁵⁰ И отвещав Иисус, рече им: Мните ли, яко галилеане сии грешнейши паче всех, галилеани бяху яко сице пострадаша. Ни, глаголю вам, но аще не покаетеся, вси такожде погибнете. Или о богатстве благости Его в пождании в долготерпении не радиши, не ведый, яко благость Божия на покаяние тя ведет. По жесточеству же твоему и по непокаянному сердцу, щадиши себе гнев в день гнева и откровения праведнаго суда Божия, иже воздаст коемуждо по делом его.

Яко¹²⁵¹ не искусиша Бога имети в разуме, сего ради предаст их Бог, а неискусен ум творити неподобная.

Елма¹²⁵² любовь не прияша (л. 178)¹²⁵³ истинную, спастися им. Сего ради посла им Бог действо прелести, воеже веровати им во лжу.

И ты, ответотворче, приводиши от древняго писания, добро как остался Аарон и Ор. Что же чюдесно показали, остався Аарон и Ор, якоже пишется во Исходе книг: Видевше¹²⁵⁴ же людие, яко умедли Моисей снити с горы, восташа людие на Аарона и глаголаша ему: Востани и сотвори нам боги, иже пойдут пред нами. Моисей, бо сей человек, иже изведе нас из Египта, не вемы, что ему бысть. Рече же им Аарон: Измите усерязи златыя из ушию жен ваших и дщерей и принесите ко мне. И со(л. 178 об.)твориша¹²⁵⁵ тако. И взя от руку их, и слияв образ, и сотвори им телец лиян. И рекоша: Сии бози твои, Израилю, иже тя изведоша из земли Египецкия. Видеша же, Аарон созда олтарь прямо ему и проповеда Аарон велик день Господень утре, и обутрив наутрия, и вознесе сожжения, и принесе требу спасения, и седоша людие ясти и пити, и восташа играти. И рече Господь к Моисею, глаголя: Сниди скоро отсюду, беззаконниша бо людие твои, их же извел еси из земли Египецкия. Преступиша с пути скоро, иже заповедал еси им, и сотвориша себе телец и поклонишася ему, и жертвоваша, глаголюще: Сии бози твои, Израилю, иже из(л. 179)ведоша¹²⁵⁶ тя из земли Египецкия. Ныне же не дей Мене, да возъярився гневом на ня, потреблю. И прочее.

Да се ли ты, измождаше, приводиши во свидетельство, древнее беззаконие людей обновляя, еже бы и ныне тожде Господь сотворил? А уже и есть и будет. Аще не обратятся¹²⁵⁷ от злоб своих койждо их, якоже и тогда поби Господь, якоже есть писано.

И¹²⁵⁸ прогневаша Моисея в стану и Аарона святаго Господня. И отверзеся земля и пожре Дафана и покры на сонмищи Авирона. И разжеся огнь в сонме их, пламень попали грешники. И сотвориша телец в Хориве и поклонишася истуканному, и измениша славу Его в подобие тельца¹²⁵⁹, (л. 179 об.)¹²⁶⁰ ядущаго траву, и рече: Потребити их, аще не бы Моисей избранный Его стал в сокрушении пред Ним. И возврати ярость Его, да не погубит их.

Да ты же пишешь: Умре Аарон на верху горы, и бысть вместо его Елеазар. Якоже пишется в 4-х книг Моисеовых в 29 главе: И сотвори Моисей, якоже повеле ему Господь, и возведе я на Ор гору пред всем сонмом, и совлече Аарону ризы его, и облече в ня сына его Елеазара, и умре Аарон на версе горы.

Виждь и разсмотри, яко нелепо прежде смерти иному быти архиерею на живаго.

Ни по которому же образу да не взыдет кто на епископию, ея же епископ жив есть. Подобает бо вину изыскати, его же хотят изгнати, и по извержении его другаго поставити.

Аще же кто помощию и насилием властельским держит церкви, прочти правило святых апостол 30-е.

Аще¹²⁶² кий епископ мирских князь помощию приимет церковь, да извержется и отлучится.

Аще кий епископ мирскими властели избран быв и тех силою приимет Церковь Божию, рекше епископ будет в ней, таковый, яко велие прегрешение согрешив, да будет извержен и да отлучится. Подобает бо хотящему (л. 180 об.)¹²⁶³ поставитися епископом, от всех епископ сущих во области поставлену быти. Аще ли несть мощно купно всем собратися, поне без всякого извету, от трию епископ да поставлен будет, сложившемся писанием грамот купно и всем не пришедшим епископом.

Всяко¹²⁶⁴ избрание и поставление, бывающее от мирских властелей, не твердо есть.

Во многих правилех речено есть, еже от всех епископ, сущих во области, аще есть мощно подобает суду и избранию быти, хотящему поставлену быти епископу. Аще ли невозможно всем совокупитися, понеже (л. 181)¹²⁶⁵ от триех епископ да поставится, сочетавшемся посланием грамот и не пришедшим епископом. Аще же кто мирскими властели избран будет, и теми церковь некую приимет, рекше по изволению их и по повелению, поставлен будет епископом, не токмо нетвердо есть таковое поставление, но и извержение и отлучение наводит на получившаго тем образом святительство.

Не избран епископ, иже мирскими человеки избран будет.

Судом и избранием митрополита и сущих во области епископ поставляем бывает епископ. Аще же кто не тако возведен будет (л. 181 об.)¹²⁶⁶ на епископство, но мирскими людми избран, не избран есть и не приятен.

А коли б самому мне не было злобы, почто иному призывать, но от гнева царскаго невозможно стало жити.

Писано есть: Царево¹²⁶⁷ прещение подобно рыканию лвову. И паки: Ярость царева посол есть смерти. Меч есть язык царев, а не плотян, иже аще предан будет, сокрушится. Аще раздражится ярость его с жилами, человеки губит и кости человеческия поядает и сожигает яко пламень. В¹²⁶⁸ долготерпении благоучение царево, язык же мягок сокрушает кости.

Мнози¹²⁶⁹ угождают пред лицем царевым, всяк же зол бывает (л. 182)¹²⁷⁰ в поношении мужеви. Царю¹²⁷¹ послушающу словесе неправедна, вси под ним законопреступницы.

Видел ли еси, совопросниче, яже суть о царех. Богу свидетельствующу, яко не бысть прежде Соломона в мудрости велика и по нем не будут. И все, елико в царской души бываемо, изообличи и показа, якоже и деяния тех свидетельствуют.

Кто правдивее Моисея, егда изыде к братиям своим, сыновом Израилевым, разумев же болезнь их, виде человека египтянина, биюща некоего евреянина, и озревся тако и сам уби египтянина. Слышав же фараон царь, искаше его убити. Он же отъиде и вселися (л. 182 об.)¹²⁷² в земли Мадиамстей. И по возвращении коликими чюдесы и казньми наказа Бог фараона и не умягчися, дондеже погуби его Господь.

Кто праведнее Давида, якоже свидетельствова Бог о нем. Обретох, рече, мужа по сердцу Моему, иже сотворит вся хотения Моя.

И¹²⁷³ инде пишется о нем. Со лвы играше яко с козлищи и с медведи яко со агнцы овчими. В юности своей не убил ли исполина и отъят поношение людей, и призва Господа Вышняго и даде в десницу его крепость, низложи человека силна на брани, и воздвиже рог людей своих и прославися во тмах. И сладко бряцанием гусленым отгони демона от Саула. (л. 183)¹²⁷⁴ Но колико от того пострада, искаще убити его Саул. Он же бегая и крыяся от лица Саулова, якоже свидетельствует писание Царств первых во 18 главе. Взем Саул копие и рече: Поражу Давида к стене. И уклонися Давид от лица его дважды. И Давидови, бежав, спасеся, и иде к Самоилу в Сармафему. Прочее¹²⁷⁵ о бегании Давидове свидетельствуют Царств книги. И не смиловася Саул на Давида, дондеже Господь тому суд сотвори, еже без правды гневаяся на Давида, уби архиерея Господня Авимелеха и с ним 85 муж, носящих ефуд.

И книга псалмов Давидовых, егда бегая, молился, глаголя: Изми мя, Господи, от человека лукава (л. 183 об.)¹²⁷⁶ и от мужа неправедна избави мя.

Помилуй¹²⁷⁷ мя, Боже, помилуй мя, яко попра мя человек. И на сень крилу Твоею надеюся, дондеже прейдет беззаконие. Овогда пишет: Что хвалишися во злобе силне, беззаконие весь день, неправду умысли язык твой, яко бритву изощрену сотворил еси лесть. Возлюбил еси злобу паче благостыни, неправду неже глаголати правду. Возлюбил еси вся глаголы потопныя, язык льстив. И прочее псалма того иногда же.

Суди, Господи, обидящая мя, побори борющая мя, приими оружие и щит и востани в помощь мою. Изсуни меч и заключи сопротив гоня(л. 184)щия¹²⁷⁸ мя. Рцы души моей: Спасение Твое есмь аз, да постыдятся и посрамятся ищущии душю мою, да возвратятся вспять и постыдятся мыслящии ми злая. Да будут яко прах пред лицем ветра, и ангел Господень оскорбляя их, да будет путь их тма и ползок, ангел Господень погоняя их, яко туне скрыша ми пагубу сети своея, всуе поносиша души моей. Да приидет ему сеть, яже не весть, и ловитва, яже скры да обымет и, и в сеть да впадется в ню. Душа же моя возрадуется о Господе, возвеселится о спасении Его. Вся кости моя рекут Господи, Господи, кто подобен Тебе, избавляяй нища из руки крепльших (л. 184 об.)¹²⁷⁹ его, и нища и убога от расхищающих его. Воставше на мя свидетели неправеднии, яже не ведях, вопрошаху ми, воздаша ми лукавая во благая. И прочее.

И навыкши искусом, ко всем глаголет, уча: Уклонися от зла и сотвори благо, взыши смирение и пожени и, зане очи Господни на праведныя и уши Его в молитву их. Лице же Господне на творящая злая, еже потребити от земли память их. Тем же и глаголаше присно, яко беззакония моя аз знаю и грех мой предо мною есть выну. И елика изрече ему Нафан пророк о Уриеве, не вопреки возглагола, но рече: Согреших¹²⁸⁰ ко Господу моему. И елика злая сотвори ему (л. 185)¹²⁸¹ и хотящим убити возбраняше.

Кто ли праведнее Самуила, яко и зачатие молитвы ради и рождение свято, но и той, убояся Саула¹²⁸², веление Божие исполнити глаголанное от Господа. И рече Самоил: Како пойду, услышит Саул и убиет мя.

Кто паче Илии в чюдесех прославися, небо языком заключи 3 лета и месяц 6, и паки отверзе, тем и 9 ложных пророк закла и жертвы трикратной водою полиеной и с водою небесным огнем попали и два пятьдесятника сожже, Иордан милотию раздели и Елисеови сугубу благовесть дарова, и на огненых возилех яко на небесе взыде. Но¹²⁸³ и тому от лица Ахавля (л. 185 об.)¹²⁸⁴ повеле Господь скрытися в Потохорафе прямо лицу Иорданову, и от лица Езавели бежа во Вирсавию, в землю Июдину, и проси души своей смерти.

Кто велегласнее Исаии во пророцех, но и той умолче в царство Иозии, вознесшаго мерзское кадило Господеви и опроказе.

Кто ли премудрее Иеремии присноплачевнаго, еже пророчествова на Иерусалиме и на Иоакима царя Июдина, его же повеле царь книги пророчества сожещи и его яти, но скры его Господь и Варуха книгочия.

И что многословити потреба: выше сего много есть и заповеди Божия и показание бегания самаго Христа и святых Его апостол и святых всех, еже прежде времени не пометатись (л. 186)¹²⁸⁵ в напасти.

Глаголет ли царьское величество, яко не изогнан де от нас, сам своею волею пошол? И вси святии сами своею волею отходили от злобы и таясь. А коли бы не утаилися, яти бы были святии и елико годно мучителем сотворили, якоже Моисей, тако и Давид, тако и Исаия, и Иеремия, тако и Христос, тако и Павел, тако и Петр, тако и вси апостоли, тако и вси святии, о них же к повести не достанет лето едино. Но якоже о страстех святых, тако и о мучителех, отчасти мало церкви предано есть в книзе, нарицаемей Пролог, тамо кто восхощет пространно навыкнути о мучении и изгнании и о мучителех (л. 186 об.)¹²⁸⁶, якоже глаголет Григорий Богослов.

Что¹²⁸⁷ убо быхом крепчайшии гонящии, ничто же пострадаша от нас, но отбегоша не мучени. Тем же и глаголем, который ипарх отщетися от нас, который ли народ воставляющий казнь прияша, что ли кому страшно показахом, могуще устрашити враги наша.

Сим воследуя, и мы глаголем, которое тяжкое от нас государь царь и великий князь пострада или чим отщетихом или что есть досада наша, покажите, толко не солгите. А мы покажем всем людем ведомое, еже ныне всяк человеческий род и возраст весть. Глаголет государь, что мы ево не гонили с престола. (л. 187)¹²⁸⁸ Но якоже тогда, егда засвидетельствова пред Богом и Отцем и Господем нашим Иисусом Христом и Святым и Животворящим Духом, о неправдах ево, государевых, и о напрасном гневе безвинно на мя во святей велицей церкви и от тех времен не престая гонит. Ему кажется легко, что волю дал всякому неправеднику злословити, елико кто хощет и умеет. А нам уже от тех злодеев смерть приходит. Толко святый Бог милостию Своею святою утвержает и помогает во многих скорбех наших терпящих имени Его ради святаго. По Писанию чаянием утешаемся. Блажени бо, рече, будете, егда возненавидят (л. 187 об.)¹²⁸⁹ вас человецы и поносят и пронесут имя ваше, яко зло Сына человеческаго ради, радуйтеся и веселитеся, яко мзда ваша многа на небесех. Тако бо прежде вас пророки изгнаша, что болше гонения сего, еже всех архиереов, архимандритов и игуменов, созвав по нашем отхождении, сам и гонитель и истец бысть. Все, елико ему, государю, годно собрав, написа. Скаски готовыя присла на собор. И овех своею милостию и жалованием, инех же страхом, всех к своему государеву хотению принуди. Их же души согрешившия, взыщет на нем Господь Бог.

И потом кто о чем ложно ни побьет челом, все с выговоры государь (л. 188)¹²⁹⁰ присылает, аки ко осужденному своих государевых думных и ко всем велит по нуди самому в суд приходити о всяких делех случихся, чево ни над попом не пристоит делать. И елицы добрыя боголюбцы посещали нас в бедности нашей Бога ради или которыя добрыя люди, видя наше бедное житие, попечалится или поскорбит словом, а ему, великому государю, ведомо учинится, тех всех овех в заточение посла, овех же инеми страхи обложи и прещенми лютыми. А царьское дело таково, аще и над единем человеком что сотворит, вси того ради утсрашатся.

Прелютее того несть, якоже (л. 188 об.)¹²⁹¹ кому гнев царьский понести, якоже бывый во искусе великий Григорий Богослов исповедует. И Соломон премудрый: Ярость царева воистину посол есть смерти, меч язык царев, а не плотян. Мнози тому угождают пред лицем его, всяк же зол бывает в поношение мужеви. Ох, ох, люто приточник глаголет, егда начинаеши со лвом братися, имися крепко, да некако сокрушит и кости твоя. Что прелютее сего, еже исповеда ми некто от враг нашеих, глаголя, что де ты ныне добре кручиноват, ведь де тебе не старая пора. Ныне де нас самех ищут, чтоб на тебя били челом. А кто де ныне не станет (л. 189)¹²⁹² бити челом на тебя, и впредь что любо услышит, какое челобитье великий государь и ему де будет жестокое наказание. Я де ныне за неволю одва с постели встав, ехал по государеву указу, или что государь во все Московское государство изволил послати грамоты по монастырем архимандритом и игуменом, что бутто я имал, будучи на патриаршестве при бытии своем, потребы монастырския, казну, хлеб, лошади, вотчины на мену в цену и без цены. И после отходу своего имал вотчины на мену в цену и без цены. И церковных и казенных и вотчинных потреб и хлеба и (л. 189 об.)¹²⁹³ лошадей и вотчин и судов серебряных и золотых и книг и инаго чего, и сколко четвертей, и кто тот хлеб и куды к нему возили, и в котором году и месяце, и при которых властех. И о том о всем бы к нему, великому государю, подлинно порознь и по статьям и скаски и росписи за своима рукама присылать с нарочным добрым старцом или слугою без всякаго мотчания и прочее.

А о себе не изволил великий государь праведно разсмотрить, колико у святей велицей церкви Пресвятыя Богородицы поимал вотчин, людей и прочих всех домовных потреб, хлеба, рыбы, денег, ло(л. 190)шадей¹²⁹⁴ и прочих потреб вместо великаго дароношения за помазание на царьство. Такожде и от прочих святых церквей и монастырей поимано елико вотчин и людей и денег и хлеба и лошадей, и кто может исчислить. А ему, великому государю, святая великая соборная апостолская Церковь и прочия святыя церкви и святыя монастыри ничем не повинны и никакими данми, развее по завещанию святых апостол молитвою и честию, якоже Павел апостол учит.

Молю¹²⁹⁵, убо прежде всех творити молитвы моления, прошения, благодарения за вся человеки, за царя и за вся, иже во власти суть, да тихо и безмолвно житие поживем во всяком (л. 190 об.)¹²⁹⁶ благоверии и чистоте. Се бо доброй приятно пред Спасителем нашим Богом, иже всем человеком хощет спастися и в разум истины приити.

И¹²⁹⁷ верховный апостол Петр царя чтити повелевает. А еже о истине кто аще и царю глаголет, не подобает ему гневатися, или отмщати самому себе, или обидети по 84-му правилу святых апостол, ведяще, яко и тому есть Господь на небеси.

Возложеная же Господеви в церковь или в монастырь по 73-му правилу святых апостол и святаго 4-го собора Вселенскаго по 24-му правилу.

Монастырь с волею епископа поставлен, да пребывает не претворен, и яже суть к нему имения, да будут неотъемлема. (л. 191)¹²⁹⁸ Аще же кто инако начнет творити, несть без вины.

Монастыри, иже без благословения и без повеления создани быша, не создани суть, ни освящени. Повелением же и со благословением епископа создани монастыри, яко Божественая места и Богу поручени суще, да пребывают не претворени и не обидими во веки, и мирская жилища николи же да не будут в них. Да сохраняют же имения их и стяжания, села и винограды и вся прочая, неотъемлема и неотходна от них. Аще кто преступит повеление сие, от правил запрещения да будут повинни.

Такожде и 6-го Вселенскаго собора правило 49-е, собора первовтораго правило 1-е и 2-е (л. 191 об.)¹²⁹⁹ и седмаго Вселенскаго собора 12 правило, и Кирилла архиепископа Александрийскаго правило 2-е. Сия же святая правила не повелевают что любо от святых церквей и святых монастырей отнимати или имати и в мирская жилища притворяти или на мирская растакати, якоже и Господь утвержает, Божия¹³⁰⁰ Богови отдати и кесарева кесарю. Остави, рече, да первие насытятся чада, несть бо добро отъяти хлеба чадом и поврещи псом. И не дадите, рече, святая псом.

Правило 38. Да управляет епископ властелски церковное имение и ничто же от него сродником своим да не даст, аще токмо не суть убози.

Не подобает епископа разсуждати о правлении церковнаго имения, достойно бо ему есть властию таковое правити, яко пред лицем самаго Бога. Не достоит же ему от таковых что свое особно сотворити, ни ближним своим Божия дому раздавати. Аще же суть убози, да подает им потребная, яко и прочим нищим. Изветом же тех церковнаго имения ничто же да не продаст.

Повелевает же епископом обладати церковным имением, аще бо честныя человеческия души поручены суть им, болми паче имение поручити им подобает, яко да по сих власти все управляют (л. 192 об.)¹³⁰² и убогим требование подают рукама четсных презвитер и диакон со страхом Божиим и благоговением. Подобает же и тому самому, аще требует, взимати себе на нужную потребу, еже хощет, и приходящую странную братию гостити и кормити и ничто же потребнаго не лишити их. Ибо¹³⁰³ закон Божий повелевает служащим олтареви от олтаря кормитися, понеже¹³⁰⁴ ни воинник не может о своем имении оружия нанести на противнаго.

Аще и во области даются церковныя имения, но не о себе самому сия управляти, но сведением и по совету презвитер и диакон своих таковая строити (л. 193)¹³⁰⁵ повелевают бо действенная правила и яко нуждныя потребы токмо подобно есть себе взимати епископом от церковнаго имения.

Епископ¹³⁰⁶ господин есть церковному имению. Аще же не довлеет ему, еже вземлет на свою потребу, но имение церковное и селныя плоды и богатство, еже сходится во епископию, вземлет и свое творит без ведения и без воли причетник своих, да воздаст ответ один пред всем собором. Аще же и яже суть подобна нищим раздавати да воздаст ответ пред всем собором.

Ему же честныя душы (л. 193 об.)¹³⁰⁷ человеческия поручены суть, болми тогда имать власть над церковным имением, якоже да раздавает то требующим руками презвитер и диакон церковных. Взимати же и себе, аще скуден есть, подобная на нуждную потребу и на восприятие братии и гостей приходящих к нему, да не лишени будут пищи и странноприимства. Аще же не досыти ему в потребных, но сходящияся потребы церковныя и селныя плоды хощет взяти и свою сотворити, и того ради иконома церковнаго своего сродника поставив, яже да утаится егда раздавает церковное имение, о сем от собора суд да приимет, якоже (л. 194)¹³⁰⁸ епископи испытуют. А еже бы царю обладати властелски церковным имением или монастырями, нигде же обретается. А иже кто презорством и владети начнет святыми церквами или монастыри или церковными и монастырскими вещми, движимыми или недвижимыми, и того ради гнев Божий бывает на него и на все царьство его.

Якоже пишет святый Никон 2-е книги своей в 23 слове, еже писа к магистру и князю князем Марине: О еже не быти подобно церковная и монастырская и иноческая мирским князем на своя потребы истощевати, елма и святотатства грехом осуждаются.

(л. 194 об.)¹³⁰⁹ Чюжду же ся иже по Бозе разуму твоему и благочестию, како утаитися и толико прииде в забвение писания, его же ти послах. Обаче не хотящу ми, но со многою нуждею послах спасения ради твоего, зане веси како рекл ми сеи, егда бе зде, глаголя, яко должен еси поучати мя. И аз убо на том есмь новослышащих. И сего ради писах ти поспевающая во спасение твое, души купно и телу и всему дому твоему. Приложих же тамо и се, яко аще сия сохраниши, паки реку ти ина. Аще ли не сохраниши сия, умолчю и аз, не глаголати тебе. И обаче яко ничто же сохранил еси от них, весть власть твоя, елика подъят, (л. 195)¹³¹⁰ лютая и бысть на тебе скорбь велика, яко в мале убо и к смерти. Аще не бы Господь сохранил тя, и к сии истинное подаяние твое, обаче не на тебе единем, но и всему дому твоему толика скорбь пройде, и во всем твоем возлюбленнем сродстве и во других. Сице бывает, увы мне, на преобидящих слово Божие. И ныне се глаголет ти, яко здрав бысть, к тому не согрешай, да не горее ти что будет. Аз же на се смотрях и не писах тебе, но поне отныне потщися плод некий истиннаго покаяния показати и якоже надеюся, убо явленая ничто же вижду, обаче всем, церковная бо и монастырьская и иноческая и¹³¹¹ (л. 195 об.)¹³¹² дела их вся Богови суть освящена и на ино что не расточаются, разве на убогия и странныя и пленныя и елика такова подобне и на вся иноческая же и монастырьская и церковныя потребы. Князь же некий даже до самаго настоящаго не имам рещи, аще что о сих во своя потребы, яко святотатец от Богу судится и святотатства осуждением осуждается Божествеными правилы в ныняшнем и в будущем веце. И да испытает власть твоя Божественыя писания и обрящеши не толико точию раздражати сему Бога и толику беду и муку имети, но идеже аще внидут таковая по власти или пристрастия или в княжеская или (л. 196)¹³¹³ в сродства и елика такова, огнь бывают и изжжут. И яже от инех различных собрания прибыток и понеже паки таковая повелел еси собирати церковная и монастырьская и иноческая и дела их и плоды, яже Богови возложеная, на свою потребу и дома своего и прочих, иже лихоимством недугующих, и паки изволил еси приражатися Богу.

Сего ради ниже аз восприемлю, о их же ми писал еси, яко не наказан бысть, о некаянных гресех пещись. Таковая бо, яже повелел еси, показуют и прочих непокаянное.

Аще как толико в неведении или от еже к друг другу прения и прелести бывает, всяко бо древо от своего (л. 196 об.)¹³¹⁴ плода познавается, якоже пишет, обаче убо и в добро и в зло чюжду же ся како и молитву ищеши от инок и от церквей, ничто же достойно творя молитве. И не точию ведаеши им, якоже лепо бе, но и восхищати повелеваеши, словом же точию подаеши, и ничто же странно мирскаго казательства сотвориши.

Мирское бо казательство словом точию имать образы, Божественнаго же Духа казательство делом и истиною кажет. Или не весть власть твоя, яко коегождо молитва коегождо противу бывающему на нем. Сице и усердие имать или в добро или во зло и паче же в немощнейших и неудоспевших во евангельское законо(л. 197)положение¹³¹⁵, глаголющее: Молитеся о напаствующих вас и еже от вземлющаго твоя не истязуй и елика таковая, яже не иноки точию истязует сохранити, но и вас, миряны, и вся купно христианы. И обаче сице рещи имамы, яко иноцы о напаствующих их молящеся себе ползуют. Таковых же, якоже в Божественней лествице, воеже к пастырю слов глаголет, яко не ленись просим и о всяком неприлежнем молитися, не яко да помиловани бедут, себе рече, невозможно есть онем непоспешествующим, но яко да Богом воздвижни будут ко тщанию. Сия бо и елика такова не поношаю аз, окаянный, глаголя, (л. 197 об.)¹³¹⁶ но показати хотя невежество же и прелесть иже по Бозе, добродетели твоей. Се бо якоже видиши во всех и паче в якоже ты князех удержа и паче в похвалу имут прелесть сию.

1 2 3 4 5 6 7 8 9 10 11 12 13 14 15 16 17 18 ... 20 21 22 23 24 25 26 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

¹²²³ Помета: Вторый закон, гл. 31.

¹²²⁴ Помета: Числа, гл. 25.

¹²²⁵ На верхнем поле листа киноварная помета: 19 возражение.

¹²²⁶ На верхнем поле листа киноварная помета: на 19-й вопрос и ответ.

¹²²⁷ На верхнем поле листа киноварная помета: 19 возражение.

¹²²⁸ На верхнем поле листа киноварная помета: на 19-й вопрос и ответ.

¹²²⁹ На верхнем поле листа киноварная помета: 19 возражение.

¹²³⁰ На верхнем поле листа киноварная помета: на 19-й вопрос и ответ.

¹²³¹ На верхнем поле листа киноварная помета: 19 возражение.

¹²³² На верхнем поле листа киноварная помета: на 19-й вопрос и ответ.

¹²³³ На правом поле листа помета: Вас. Вел. 15.

¹²³⁴ На верхнем поле листа киноварная помета: 19 возражение.

¹²³⁵ На левом поле листа помета: Матф. 5.

¹²³⁶ На левом поле листа помета: Вас. Вел. 16.

¹²³⁷ На левом поле листа помета: Матф. 104.

¹²³⁸ На верхнем поле листа киноварная помета: на 19-й вопрос и ответ.

¹²³⁹ На правом поле листа помета: Лук. 87.

¹²⁴⁰ На верхнем поле листа киноварная помета: 19 возражение.

¹²⁴¹ На верхнем поле листа киноварная помета: на 19-й вопрос и ответ.

¹²⁴² На правом поле листа помета: Лук. 81.

¹²⁴³ На верхнем поле листа киноварная помета: 19 возражение.

¹²⁴⁴ На левом поле листа помета: Матф. 18.

¹²⁴⁵ На левом поле листа помета: Иоан. 38.

¹²⁴⁶ На верхнем поле листа киноварная помета: на 19-й вопрос и ответ.

¹²⁴⁷ На правом поле листа помета: Рим. 104.

¹²⁴⁸ На правом поле листа помета: Ефес.

¹²⁴⁹ На правом поле листа помета: Лук. 70.

¹²⁵⁰ На верхнем поле листа киноварная помета: 19 возражение.

¹²⁵¹ На левом поле листа помета: Рим. 81.

¹²⁵² На левом поле листа помета: Сол. 275.

¹²⁵³ На верхнем поле листа киноварная помета: на 19-й вопрос и ответ.

¹²⁵⁴ На правом поле листа помета: 2 Моис. 38.

¹²⁵⁵ На верхнем поле листа киноварная помета: 19 возражение.

¹²⁵⁶ На верхнем поле листа киноварная помета: на 19-й вопрос и ответ.

¹²⁵⁷ Так в ркп.

¹²⁵⁸ На правом поле листа помета: Псалом 105.

¹²⁵⁹ В ркп. написано дважды, второй раз на л. 179 об.

¹²⁶⁰ На верхнем поле листа киноварная помета: 19 возражение.

¹²⁶¹ На верхнем поле листа киноварная помета: на 19-й вопрос и ответ.

¹²⁶² На правом поле листа помета: лист 8.

¹²⁶³ На верхнем поле листа киноварная помета: 19 возражение.

¹²⁶⁴ На левом поле листа помета: лист 210.

¹²⁶⁵ На верхнем поле листа киноварная помета: на 19-й вопрос и ответ.

¹²⁶⁶ На верхнем поле листа киноварная помета: 19 возражение.

¹²⁶⁷ На левом поле листа помета: Притчи 19; Притчи 16, 24.

¹²⁶⁸ На левом поле листа помета: 25.

¹²⁶⁹ На левом поле листа помета: 19.

¹²⁷⁰ На верхнем поле листа киноварная помета: на 19-й вопрос и ответ.

¹²⁷¹ На правом поле листа помета: 29.

¹²⁷² На верхнем поле листа киноварная помета: 19 возражение.

¹²⁷³ На левом поле листа помета: Сирах 47.

¹²⁷⁴ На верхнем поле листа киноварная помета: на 19-й вопрос и ответ.

¹²⁷⁵ На правом поле листа помета: 1 Царств 19.

¹²⁷⁶ На верхнем поле листа киноварная помета: 19 возражение.

¹²⁷⁷ На левом поле листа помета: Псалом 56.

¹²⁷⁸ На верхнем поле листа киноварная помета: на 19-й вопрос и ответ.

¹²⁷⁹ На верхнем поле листа киноварная помета: 19 возражение.

¹²⁸⁰ На левом поле листа помета: 2 Царств 12.

¹²⁸¹ На верхнем поле листа киноварная помета: на 19-й вопрос и ответ.

¹²⁸² На правом поле листа помета: 1 Царств 16.

¹²⁸³ На правом поле листа помета: 3 Царств 17.

¹²⁸⁴ На верхнем поле листа киноварная помета: 19 возражение.

¹²⁸⁵ На верхнем поле листа киноварная помета: на 19-й вопрос и ответ.

¹²⁸⁶ На верхнем поле листа киноварная помета: 19 возражение.

¹²⁸⁷ На левом поле листа помета: слово 14 святых книг.

¹²⁸⁸ На верхнем поле листа киноварная помета: на 19-й вопрос и ответ.

¹²⁸⁹ На верхнем поле листа киноварная помета: 19 возражение.

¹²⁹⁰ На верхнем поле листа киноварная помета: на 19-й вопрос и ответ.

¹²⁹¹ На верхнем поле листа киноварная помета: 19 возражение.

¹²⁹² На верхнем поле листа киноварная помета: на 19-й вопрос и ответ.

¹²⁹³ На верхнем поле листа киноварная помета: 19 возражение.

¹²⁹⁴ На верхнем поле листа киноварная помета: на 19-й вопрос и ответ.

¹²⁹⁵ На правом поле листа помета: 1 Тим. 281.

¹²⁹⁶ На верхнем поле листа киноварная помета: 19 возражение.

¹²⁹⁷ На левом поле листа помета: 1 Петр. 58.

¹²⁹⁸ На верхнем поле листа киноварная помета: на 19-й вопрос и ответ.

¹²⁹⁹ На верхнем поле листа киноварная помета: 19 возражение.

¹³⁰⁰ На леовм поле листа помета: Лук. 101; Марк 30.

¹³⁰¹ На верхнем поле листа киноварная помета: на 19-й вопрос и ответ.

¹³⁰² На верхнем поле листа киноварная помета: 19 возражение.

¹³⁰³ На левом поле листа помета: 5 Моис. 40.

¹³⁰⁴ На левом поле листа помета: 1 Кор. 142.

¹³⁰⁵ На верхнем поле листа киноварная помета: на 19-й вопрос и ответ.

¹³⁰⁶ На правом поле листа помета: лист 71.

¹³⁰⁷ На верхнем поле листа киноварная помета: 19 возражение.

¹³⁰⁸ На верхнем поле листа киноварная помета: на 19-й вопрос и ответ.

¹³⁰⁹ На верхнем поле листа киноварная помета: 19 возражение.

¹³¹⁰ На верхнем поле листа киноварная помета: на 19-й вопрос и ответ.

¹³¹¹ В ркп. дважды. Второй раз на л. 195 об.

¹³¹² На верхнем поле листа киноварная помета: 19 возражение.

¹³¹³ На верхнем поле листа киноварная помета: на 19-й вопрос и ответ.

¹³¹⁴ На верхнем поле листа киноварная помета: 19 возражение.

¹³¹⁵ На верхнем поле листа киноварная помета: на 19-й вопрос и ответ.

¹³¹⁶ На верхнем поле листа киноварная помета: 20 возражение.

Домашняя страница
священника Владимира Кобец