ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

икон бранил и бранит ныне, что учинил Государь Монастырской приказ и посадил на том судити мирских людей, и что наставляет по монастырем архимандриты и игумены, котораго он похочет.

Пускай бы то было, что прежде сего не бывало Монастырскаго Приказу, или был, то подлинно наш всещастливой царь Алексий Михайлович учинил, что привел к сущему делу, как тот который любит лутчий порядок и умеет к доброму и достойному речи приводит паче иных речей надобнейши суть: оправдания надобе чтобы седел судия на своем месте и слушал бы обо всех бедных нужах жалобы и челобитья; и разсмотрял бы: который имеет обиду и чья правда, и указ бы чинил, и добрых оправдал, а виноватых смирял, тым же обычаем, что Бог благословит и венчает праведных и смиряет грешных. Прошу, учинил ли коли нибудь таков суд Никон? Седел ли коли нибудь на своем судебнем месте, чтобы слушал жалобы изо уст чьей нибудь? Николи, но толко он держал мирских, которыя судили в его приказех; и челобитныя роздавал людем своего двора, и онне некогда прямое кривым чинили, а кривое прямым. Так ли делают судии? Так ли патриархи к сыном своим, которыя суть отцы отцем? Блажени алчющеи и жаждущеи правды, яко тии насытятся. Правда живет во веки, которая когда одна есть то все может. Справедливый Господь есть бо светлейший паче солнца. Все добродетельства имеют иметь цари и патриарси для того, что они суть обрасцы всем, а наипаче правде, и всех добрых дел царицу, для чево старинные люди хотели назвать все добрыя дела одним словом называли правдою. А что может наставливать государь архимандриты и всякие власти, и то есть одно с привилей и прав царьских и извычай общих народов, уряды раздавать. Сердце царево в руце Божии. Не ищи от Господа власти, ниже от царя достоинства. Пишет Сирах так, что имеет царь владение дати власть и честь. Тыя которыя суть вышния суд Божий, а которыя суть земныя суд царьский. Для чево двоеглавый орел пишется, что он разширяется к достоинствам церковным и мирским. Матфей Властариус, толкуючи, для чево царь ходил во олтарь к Таинством тайным, глаголи ми меж иными речми и сия: для того, что есть помазан от Бога, и для того, что наставляют патриарси и обирают патриарси Вселенския. Патриарси могут выбирать, а архимандриты и игумены не могут ли выбирать.

Ты убо, совопросниче²¹³⁵, глаголеши, яко Никон (л. 978 об.)²¹³⁶ бранил и бранит ныне, что учинил государь Монастырской приказ и посадил на том судить мирских людей и что наставляет по монастырем архимандриты и игумены, котораго он хощет. Аз, Никон, государю не бранил, ни браню, но злобу его оглаголую и не престану.

Послушай, отчюжденне от Бога совопросниче, како и древле Господь предпочте священство и како хотящих онасиловати перваго патриарха Авраама, о жене его Сарре царь Египетцкий неправедно осуди, отъяти жену от мужа жива, его же умучи Господь, дондеже познався, отпусти патриарха с честию и богатством многим. И паки второе того ж патриарха Авраама (л. 979)²¹³⁷ Авимелех, царь Гедарский, неправедно разсуди, поят Сарру, жену Авраамлю. И прииде Господь Бог ко Авилемеху нощию во сне и рече ему: Се ты умреши жены ради сея. И возврати Авилемех патриарху Аврааму Сарру, жену его, со многим богатством.

Фараон же неправедно разсуди люди Божия удержати, гневом Божиим искусися. Адам неправедно разсуди от неповеленых коснуся, от рая изгнася. Каин неправедно разсуди о жертве Авеля, неправедно уби, по вся дни живота своего на земли трясыйся. Тако и ныне, аще кто чим преобидит архиереов Божиих, сим законом, таковым Бог судит тем, а не инако.

(л. 979 об.)²¹³⁸ И²¹³⁹ егда взыде Моисей на гору Божию пред Бога и старцем реша: Пождите в молчании ту, дондеже возвратимся к вам, се же Аарон и Ор с вами, аще кому случится пря, да идут к нима.

Видел ли еси, совопросниче, яко не старцом суд приказа, но архиереом. И паки: Заповеда²¹⁴⁰ Господь, да носит Аарон суды сынов Израилев на персех пред лицем Господним всегда.

Егда²¹⁴¹ же воста на Моисея и Аарона Кореи, Дафан и Авирон племене Рувимля, а не священническа, и слышав Моисей, паде ниц, и глагола Корею, и ко всему сонму его, рекши: Согляда и позна Господь сущих Его и святых, их же приведе к Себе, и их же (л. 980)²¹⁴² не избра Себе, сих и не приведе к Себе. И не послушаста Моисея престати, вознеистовившеся на священство и вземше кадила, покадиша. И отверзеся земля и пожре я и домы их и вся люди сущая с Кореом и скоты их. Снидоша сии и вся, елико бяше их, живи во ад, и покры их земля и погибоша от среды полка. И паки возропташа сынове израилтейстии на утреи на Моисея и Аарона, глаголюще: Вы избисте люди Господня. И погуби Господь всегубительством 14 и 700, яко да будет в память сыном Израилевым, яко да не приидет никто же иноплеменник, иже несть от плода Аароня, еже возложити фимиям пред Господем, и да не будет, яко Корей и советницы его. (л. 981 об.)²¹⁴³ Тако и ныне, аще кто не священ дерзает священнический чин и достояние судити и владети, имать, и тем Бог мстити. И паки, како израилтяне не людие Божии и часть достояния Его, пожелаша себе суда царьска и просиша себе царя Самоила. И²¹⁴⁴ собрашася мужи²¹⁴⁵ Израилевы к Самоилу в Сармафему и реша ему: Се ты уже состаревся, сынове же твои не ходита по пути твоему, то²¹⁴⁶ постави ныне над нами царя: да ны судит, якоже и прочии языки. И бысть лукавны глаголы пред очима Самоиловыма, егда реша, дай же нам царя, да ны судит. И помолися Самоил ко Господу и рече Господь Самоилу: Послушай гласа людей, (л. 981)²¹⁴⁷ якоже глаголют к тебе, яко не тебе уничижиша, но Мене, не царьствовати Ми над ними, и вся творения, яже сотворих, от него же дне изведох их из земли Египецкия до днешняго дне, оставльше Мя, послужиша богом инем. Тако и тебе тии творят. И ныне послушай гласа их, обаче засвидетельствуя, засвидетельствуеши им, и возвестиши им правду цареву, иже царьствовати будет над ними. И рече Самоил вся словеса Господня к людем, просящим от него царя и глагола им: Се есть оправдание царево, иже царьствует над вами, сыны ваша возмет и положит я во оружии его, и на кони всадит их и предтекущая пред колесницами (л. 981 об.)²¹⁴⁸ его, и поставит тысящники себе и сотники и жателми жатвы своея, и обымут обыманием гроздия у него, и сотворити сосуды победы своея и сосуды колесниц своих. И села ваша и винограды ваша и маслины ваша и благая ваша возмет и даст рабом своим, и семена ваша и вино ваше одесятерит и даст скопцем своим и рабом своим. И рабы же ваша и рабыня и стада ваша благая и ослы ваша отъимет, удесятерит на дело свое, и паствины ваша одесятерит, и вы будете ему в рабы.

Не сия ли вся ныне в нас суть, яже вышеписаная? Не селы ли, освященная (л. 982)²¹⁴⁹ Господеви, и паствины и скоты и жита и вся благая наша царь наш взят себе? Не архиереи ли и священницы рядницы быша воинством?

Паки древним да воследуем. И возопиете от лица царя вашего в день он, его же избрасте себе, и не услышит вас Господь в день он, яко вы сами себе избрасте царя. И не восхотеша людие послушати Самоила и реша ему: Ни, но царь да будет над нами, и будем и мы, яко и вси языцы, и да судит нам царь наш. И слыша Самоил вся глаголы людей и изглагола я во уши Господеви. И рече Господь к Самоилу: Послушай гласа их, постави им царя. О²¹⁵⁰ них же глаголет Иосия от лица Божия: Аз, Господь Бог, (л. 982 об.)²¹⁵¹ утверждаяй небо и созидаяй землю, Его же руце стяжасте все воинство небесное, и не показах ти его, яко ходити во след их. Аз²¹⁵² изведох тя из земли Египетския, и Бога разве Мене да²¹⁵³ не познаеши, и спасающаго несть, разве Мене. Аз пасох тя в пустыни, на земли невселенней, по паствам их, и умножишася до исполнения и вознесошася сердца их. Сего ради забыша Мя, и буду им яко Панфир, и яко рысь на пути асирийстем, и срящу я, яко медведь лиховаем, и разрушу сключение сердце их, и изъядят я²¹⁵⁴ щенцы дубравнии и зверь полский расторгнет я. В разсыпание твое, Израилю, кто поможет (л. 983)²¹⁵⁵ тебе? Где царь твой? Той да спасет тебя во всех грехах твоих и да судит ти, ему же глагола: Даждь царь и князь. И дах царя во гневе своем и удержахся в ярости Моей.

Сия написахом, не яко царя оглаголуя, но непреподобное его деяние, и иже хощет, да слушает царя и суд приемлет от него. Нам же Христос Бог наш Собою узаконоположи, не послушати, ни отвещати пред беззаконными судии, но обличати.

В²¹⁵⁶ той час, рече Иисус народом, яко на разбойника ли изыдосте со оружием и дреколми яти Мя. По вся дни при вас седех в церкви, уча, и не ясте Мене. Архиерей²¹⁵⁷ же вопроси Иисуса о ученицех Его и отвеща ему Иисус: Аз, не обинуяся, глаголах миру. Аз всегда учих на сонмищах и в церкви, идеже вси людие снемлются, и тай не глаголах ничесо же. Что Мя вопрошаеши? Вопроси слышавщих, яже рех Аз.

Егда²¹⁵⁸ же во ини емше Иисуса, приведоша к Каиафе архиереови, идеже книжницы и старцы собрашася. Архиерей же и весь сонм искаху на Иисуса свидетельства, да умертвят Его, и не обретаху. Мнози бо лжесвидетельствоваху нань, и равна свидетельства не бяху. И нецый восташа, лжесвидетельствоваху нань, глаголюще, яко: Мы²¹⁵⁹ слышахом Его, глаголющ, яко Аз разорю церковь сию рукотвореную (л. 984)²¹⁶⁰ и треми²¹⁶¹ денми ину, нерукотвореную, созижду. И ни тако равно бе свидетельство их. И востав архиерей посреде, вопроси Иисуса, глаголя: Не²¹⁶² отвещеваеши ли ничесо же, что сия на Тя свидетельствуют. Иисус же молчаше и ничесо же отвещаваше.

Зриши ли, жидовский подражателю, како неправедно на суд ведомый Христос Бог наш пред неправедными архиереи и старцы жидовскими не отвещал, всем образ верующим в Него дал, но и поругался вопрошающим с клятвою.

И отвещав, архиерей рече Ему: Заклинаю тя Богом живым, да речеши нам, аще Ты еси Христос, Сын Божий? Глагола ему Иисус: Ты рече. (л. 984 об.)²¹⁶³ Таже реша вси: Ты ли убо еси Сын Божий? Он же к ним рече: Вы глаголете, яко Аз есмь. Они же реша: Что еще требуем свидетельства? Сами бо слышахом от уст Его.

О жидове беззаконнии, что слышали? Слышали, яко вы глаголете: Аз есмь, а не Сам той. Почто неправедно свидетельствуете, яко сами слышахом от уст Его. Тако и ныне, жидом подражая, лжуще, нецыи глаголют, якоже ты, совопросниче, и подобнии тебе. Сам де Никон на волю государеву положился в суде, как государь да изволит. Никон чрез Божественая веления никогда не глаголет, ни хощет, да что будет. (л. 985)²¹⁶⁴ Но глаголал Никон к вопрошающим, посланым от царя, Божественыя законы царем не повелевают возложеным Господеви обладати, движимыми и недвижимыми вещми, ниже судити, но кто хощет, тот от него суд приемли. Нам же и до последней срачицы в суд приходити Христос возбранил. А будет царь нуждею повлечет, якоже и жидове Христа и святых Его апостол мучителски, и на то есть свыше Царь царем и Господь господем, иже обещался всякую неправду неправедником и насилующим отмстити вскоре, якоже и прежде гордящим и превозносящимся над Божиим достоя(л. 985 об.)нием²¹⁶⁵ и наследием, множицею мстил. Есть Бог неправедно судящим²¹⁶⁶, якоже фараону, Моаву, Гевалу, Аммону и Аммалику, и Ассиру, Мадиаму и Сисаре, и Авиму в потоце Киссове, и Ориву, и Зиву, и Зевею, и Салмону, Дафану и Авирону, Новуходоносору, царю Вавилонску, неправедно судившаго Даниилу пророку и трием отроком, и Валтасару, глумящемуся во святых сосудех, и Саулу, пожирателю скверне, Иозии, непреподобно кадящему, и Ахаву, пророкоубийце и гонителю, Ироду и Понтийскому Пилату, архиереем и старцем жидовским и прочим святых пророком и святых апостол (л. 986)²¹⁶⁷ и всех святых неправосудцам, гонителем и убийцам, Максентию, Иулиану законопреступнику, Иуаленту, их же именословити оставим ныне, но на предглаголемая обратимся.

Послушай, совопросниче, жидовских зол ревнителю, како Господь наш Иисус Христос к вопрошающим жидом не отвещал, такожде егда приведен Господь наш Иисус Христос пред игемона, и вопроси Его игемон, глаголя²¹⁶⁸: Ты ли еси царь Июдейск? Иисус же рече ему: Ты глаголеши. И егда нань глаголаху архиерее и старцы, ничесо же не отвещавше. Тогда глагола ему Пилат: Не слышиши ли, колико на Тя свидетельствуют? И не отвеща ему ни ко единому глаголу, яко дивитися иге(л. 986 об.)мону²¹⁶⁹ зело.

Яко о царьских вещех оклеветаем, веден бысть к Пилату Господь, отнюду же и вопрошает Его, аще приложил есть воцаритися над жидовы. Иисус же рече ему: Ты глаголеши. Ответ премудр отвеща ему. Ни бо, рече, яко есмь, ниже паки яко несмь, но между некако рече: Ты глаголеши. Се бо есть и сице разумети, яко ты глаголеши, есмь, или сице, яко Аз не глаголю се, но ты глаголеши. Иноже ничто же отвеща, ведяше бо судище, яко не по правде идет, купно же, яко презирающа и не боящася смерти, купно же, и како премудру сущу и сло(л. 987)весну²¹⁷¹ и тысящи могущу предложити, но отвещание. И не хощет ничто же отвещати, но оболгающих Его презираше. Научаем же ся и мы от сего, егда растленно судище зрим, ничто же глаголати, да не молву множайшу творим, ниже множайшему осуждению вина будем, не хотящих послушати глаголы наша.

Вниде²¹⁷² же паки Пилат в претор и гласи Иисуса и рече Ему: Ты ли еси царь Июдейск? И отвеща ему Иисус: О себе ли ты се глаголеши, или инии тебе рекоша о Мне? И отвеща Пилат: Еда аз жидовин есмь.

Зри, совопросниче, второе Пилатово вопрошение, Иисусово отвещание: О себе ли ты се (л. 987 об.)²¹⁷³ глаголеши, или инии тебе рекоша о Мне? Се же сотвори, да обличит жидовское. Таже отвеща Ему Пилат: Еда аз жидовин есмь, не Иисуса укоряя, но жидовское злодейство, род Твой, рече, архиерее предаша Тя мне. Что еси сотворил? Отвеща Иисус: Царьство Мое несть от мира сего. Аще от мира сего было бы царьство Мое, слуги Моя убо подвизались быша, да не предан бых был июдеом. Ныне же Царьство Мое несть отсюду.

Зри ли, совопросниче, прекословие Иисусово к Пилату. Пилату убо глаголющу ко Иисусу: Род Твой архиерее предаша Тя мне. Что еси сотворил? Иисус же к первому вопросу отвещевает, являя Свое Царьство (л. 988)²¹⁷⁴ не земное, но Небесное быти, тем же и глаголет: Царьство Мое несть от мира сего. Паки рече Ему Пилат: Убо царь ли еси Ты? Отвеща ему Иисус: Ты глаголеши, яко царь есмь Аз. Аз не се родихся и на се приидох в мир, да свидетельствую истину и всяк, еже есть от истины, послушает гласа Моего. Глагола Ему Пилат: Что есть истина? И се рек, паки изыде ко июдеом и глагола им: Аз ни единыя вины обретаю в Нем. Отвеща ему июдее: Мы закон имамы и по закону нашему должен есть умрети, яко Себе Сына Божия сотвори. Егда же услыша Пилат се слово, паче убояся и вниде в претор паки и глагола Иисусови: Откуду еси Ты? Иисус же ответа не даст (л. 988 об.)²¹⁷⁵ ему. Глагола же Ему Пилат: Мне ли не глаголеши, не веси ли, яко власть имам распяти Тя и власть имам пустити Тя? Отвеща Иисус: Не имаши власти ни единыя на Мне, аще не бы ти дано свыше. Сего ради предавый Мя тебе более грех имать. От сего искати Пилат пустити Его, июдее же вопияху, глаголюще: Аще Сего пустиши, неси друг кесарев, всяк, иже царя себе творяй, противится кесарю.

Видиши ли, совопросниче, язычника Пилата милосердующа о Иисусе, а мы царя нашего ничим не преобидим, ни царем нарицаемся, якоже есмь, тако и есть. Аще нецыи жидовски подражают, они убо (л. 989)²¹⁷⁶ отрицающеся Христа Спасителя своего, глаголюще: Не имамы Царя, токмо кесаря. Тако и ныне, нам де не надобен патриарх, добр и Крутицкой митрополит.

Тако и ныне воследующим святым Его заповедем, не подобает покорятись нудящим мирским судиам отвещати в суде, ни поучатися, якоже Господь заповедал, глаголя: Внемлите²¹⁷⁷ же от человек, предадят бо вы на сонмы и на соборищих избиют вас. Пред²¹⁷⁸ владыки же и цари ведени будете Мене ради, во свидетельство им и языком. Егда²¹⁷⁹ же предают вы, не пецытеся, како речете или что возглаголете, даст бо ся вам в той час, (л. 989 об.)²¹⁸⁰ что возглаголете, не вы бо будете глаголющии, но Дух Отца вашего глаголяй в вас, якоже пишется в Деяниих книг апостол: И²¹⁸¹ исполнишася вся Духа Свята и начаша глаголати инеми языки, якоже Дух даяше им провещавати. И тако со дерзновением апостоли глаголаху. Став²¹⁸² же Петр со единемнадесяте, воздвиже глас свой, рече им. И по мале. Бысть²¹⁸³ же на утреи собратися князем их и старцем и книжником во Иерусалиме, и Анна архиерей, и Каиафа, и Иоанн, и Александр и елицы беша от рода архиерейска. И поставиша их посреде, вопрошаху: Коею силою или коим именем сотвористе се вы? (л. 990)²¹⁸⁴ Тогда Петр, исполнився Духа Свята, рече к ним. И прочая.

Видяще ж Петрово дерзновение и Иоанново и разумеша, яко человека не книжна еста и проста дивляхуся, зная же их, яко со Иисусом беста, ничто же имяху противу рещи. Повелевше има вон из сонмища изыти, стязаху же ся к себе, глаголюще: Что сотворил человекома сима, яко убо разумно знамение бысть има, всем живущим во Иерусалиме яве, и не можем отврещися, но да не боле распрострется в людех. Прещением да запретим има к тому не возглаголати о Имени сем, ни единому от человек. И призвавше их, заповедаша има (л. 990 об.)²¹⁸⁵ отнюдь не провещавати, ни учити от имени Иисусове.

Петр же и Иоанн, отвещавше к ним, реста: Аще праведно есть пред Богом вас послушати паче, нежели Бога, судите. Не можем бо мы, яже видехом и слышахом, не глаголати. Они же запрещше има пустиша их, ничто же обретше, како мучити их людии ради. Тако²¹⁸⁶ Павел ко Агриппе и Фисту со дерзновением глагола и проповедая Царьствие Божие и уча, иже о Господе нашем Иисусе Христе со всяким дерзновением невозбранно.

И аще не бы христианский царь был и христианским законом сам не подлежал и нуждею влачим на суд, хотящим судитися с нами, (л. 991)²¹⁸⁷ то и сему закон положил Христос во святем Евангелии. И²¹⁸⁸ хотящему судитися с тобою и ризу твою взяти, отпусти ему и срачицу, а иже и сущим во Евангелстей заповеди, аще и царь, аще и князь, кто будет превыше своего достояния власти, чрез Божественыя заповеди да не судит, то есть священнаго чину, понеже священство и самаго царьствия преболе. О сем же много есть явлено напреди, понеже нигде ж есть явлено, еже бы Господь царем и князем рекл: Приимите²¹⁸⁹ Дух Свят, им же отпустите грехи, отпустятся, и им же держите, держатся. Аминь, глаголю вам, елика аще свяжете на земли, будут связана (л. 991 об.)²¹⁹⁰ на небеси, и елика аще разрешите на земли, будут разрешена на небеси. Но кому ли сие речется? Святым Его учеником и апостолом и по них приемником тех власти и достояния архиереом, а не царем и князем.

Зри, ныне бываемое, аще и чрез Божественыя правила собора, иже в Карфагене, правило 7 и 43. Еже царие наши по своей воли священником исповедаются, а не архиереом, и от них во всех своих гресех суд приемлют и запрещение и их же хотят каковых любо грехов тяжких связати, яко связани мнятся быти, и их же разрешат, яко разрешени мнятся. Увы, яко (л. 992)²¹⁹¹ и у Бога не разрешени суть. Тем же слезити и плакати, и не просто плакати, но и рыдати над ходитми, яко погибель таковии идут, ибо единем архиереом таковая власть дадеся от Господа, еже вязати и решити грехи, а не просто и священником. Якоже воследование в молитвословии показуется, но обаче аще и от обычая таковое самочиние привниде, и терпят царие и князи священническое запрещение и разрешение, правду мнят быти, колми паче подобает архиереов слушати, а не судити. О них же Господь рече: Слушаяй вас, Мене слушает, и отметаяйся вас, Мене отметается. (л. 992 об.)²¹⁹² И аще не слушаяй и отметаяйся вас, Мене отметается, рече Господь. А иже кто дерзает судити несудимаго колми паче неистовится на Господа. Тем же к таковым Господь з запрещением глаголет: Не²¹⁹³ судите, да не судими будете, им же бо судом судите, осудитеся, то есть, якоже вы Мой суд неправедно восхитисте, не даный вам, царие и князи, и вознеистовистеся на рабов Моих, архиереов и прочих священнаго чина, и неправедно осудисте, Аз вас праведно осужду, по делом вашим. Тем же и наводит, глаголя, аки уча и запрещая: Не²¹⁹⁴ судите и не осудитеся, не осуждайте, и не осуждени будете. Такожде (л. 993)²¹⁹⁵ и божественный апостол Павел засвидетельствует, глаголя: Тем²¹⁹⁶ же не прежде времени судите, дондеже приидет Господь, иже просветит тайная тмы и явит советы сердечныя. И тогда похвала будет коемуждо от Бога. И паки глаголет: Ты²¹⁹⁷ кто еси, судяй чюждему рабу, своему Господеви стоит или падает, станет же, силен бо есть Бог возставити его. И паки: Что имаши, еже не приял еси. А кой же хотящим судитися пред мирскими судиами от священнаго чина, коего любо суть, апостол завещает, сице глаголя: Смеет²¹⁹⁸ ли кто вещь имея ко иному судитися о неправедных, а не о святых, или не весте, яко (л. 993 об.)²¹⁹⁹ святии миру судят.

Зриши ли, совопросниче, яко и тогда мирови²²⁰⁰ хотят судити, како ныне хощеши тем судити, или како кто стерпит судим быти, им же сам хощет судити, будут же судити не сами седяще и слово истязующе, но осудят. Сие убо являя, глаголаше: И аще вами суд приемлет мир, не достойни есте судищем худым. Вещь, рече, вам приносит срам и уничижение неизглаголанно, понеже подобно им бе, от внутрених судимым срамлятися. Противное убо есть срам, рече, егда от внешних судитеся, оная бо судища наихуждшая есть, не сия, (л. 994)²²⁰¹ не весте ли, яко ангелом судити будем, и не точию житейским.

Зриши ли преизлишество чести священства, еже рече Павел, яко и ангелом судити хощем, а не точию житейским. Како мощно святым от житейских суд прияти? Тем же и навед, рече: Житейская убо судилища аще имате, уничиженых в церкви, сих посаждаете и сраму вам глаголю. Тако ли ни един в вас мудр, иже может разсудити между братий своих. Сие глаголет: Аще кто возглаголет, яко ни един в вас мудр, ниже доволен разсудити, удобь небрегоми вси. И что сие? Аще и ни един есть, рече, мудр, (л. 994 об.)²²⁰² остави и не мудрым по власти и достоянию судити, да не срам обоим будет, еже овому судити, житейскому глаголю, овому от житейскаго судитися.

Койждо²²⁰³ в даном ему чину да пребывает и не преступает заповедей, не суть бо наша, но Божия, якоже рече Господь: Слушаяй²²⁰⁴ вас, Мене слушает, и слушаяй Мене, слушает пославшаго Мя, и вас отметаяйся, Мене отметается, и Мене отметаяйся, отмещет пославшаго Мя.

Причетницы²²⁰⁵ между собою распрю имуще, аще оставлше епископа к мирским судиям (л. 995)²²⁰⁶ приступят, по правилом вину да приимут. Причетницы же, аще имеют что на епископа, да ожидают собора, аще же епископи на митрополита Константиняграда патриарху да возвестят.

Аще причетницы имать что на причетника, не подобает ему судитися пред мирскими судиами, но от своего епископа. Аще же оставлше своего епископа, к мирскому судищу приступят, по правилом запрещение да приимут. Такожде и причетник, аще имать нечто на своего епископа, да приходит к митрополиту страны тоя, егда в реченое время соберутся к митрополиту всея области его епископи, (л. 995 об.)²²⁰⁷ тогда пред митрополитом на соборе да судится. Аще ли епископ или причетник с митрополитом имать некую распрю, от патриарха всея тоя земли да судится, под ним же суть епископи и митрополиты всех областей страны тоя, или от патриарха Константиняграда судится. Сия бо власть никому же от инех патриарх дана бысть, ни от правил, ни от закона, еже судити митрополита, под инем патриархом суща, другому патриарху, но токмо Константиняграда патриарху сие дано есть.

Епископи²²⁰⁸ или презвитери или диа(л. 996)кони²²⁰⁹ в греховных вещех оклеветаеми суще, аще оставлше церковныя суды и к мирским судиам прибегнут и осуждени будут, свой чин погубят. Аще же и оправдани бывше градским судом, иже тому приложившеся, свой погубят чин. Судии же церковныя, аще не обличени будут по милости или по мзде или по вражде или прежде отгнани собором бывше, да не противятся. Аще же обе стране изберета судию, суда их да не преступят.

Епископом и презвитером и диаконом не подобает отрицатись церковнаго судища. Аще ли кто от них оклеветаем о гресе, церковный (л. 996 об.)²²¹⁰ оставит суд и ко градским судиам приступит и пред теми исповесть вину и судится. И аще неповинен явится и осужден будет от градских судей, свой погубит степень. Аще же не о гресех будет нань вина, но о имении или о злате или о неких мирских вещех, и прилучится ему о таковых препрети и оправдану быти, подобно ему судище церковное оставлшу и к мирским судиам приступлшу, и от тех судившуся, аще убо хощет тех суд держати и вопросит имения или злата или инаго что, о нем же, препрев, оправдан бысть, свой степень (л. 997)²²¹¹ погубит. Аще же преобидев мирский суд и не возмет, ни вопросит ничто же, о них же оправдан бысть, во своем степени да пребывает. Аще же кто от епископ осужден, и осужден быв от них, к болшим церковным судиам возглаголет на тех, иже осудиша его первое, аще не будут отлучени, или по гневу, или по любви, или по некоей мзде суд сотворше, в том суде осужденый да пребывает, и елико от повинных епископ и причетник, аще же оба суперника, и оклеветаемый, и оклеветаяй, оба избереста церковныя судии и восхощета судитися пред ними, аще и мне их есть. (л. 997 об.)²²¹² Епископа убо оклеветаема дванадесят епископа судита, презвитера ж шесть епископ и седмый свой ему, и диакона трие и четвертый свой ему епископ, якоже во втором на десять правиле сего собора написахом, судивша же ся пред ними и осуждена бывша, не имата како на суд их припадати, но пребывати в том, якоже тии судиша и собор исправляет невежество или неправду судии, како убо прият будет, иже сам избрав церковныя судии, и словом и делом непорочны глаголя. И по сем паки глаголет, яко не добре, ни по правде осужден бых от них, или ино некое поречение нанося на священныя мужи, их же сам избра.

Людскаго²²¹⁴ суда у царя просяй, не епископ.

Епископ или причетник о гресех оклеветаем и отрицается церковнаго судища и просит от царя мирских судей, таковый своея чести да будет лишен.

Григория Богослова о Святем Афанасии слово 13 стих 22. Толкование.

Где скверному соборищу с простыми людьми судяху преподобныя епископы и жития их беззаконно истязоваху, како бо рещи небеззаконно, еже епископская дела пред всеми истязати и смешати несмесная и пред внешними людьми о тайных вещех вопрошати. Иереом бо лепо от епископ судитися, а не от внешних судей, (л. 998 об.)²²¹⁵ епископом же самем межи собою, а не пред людми. Они же нечестивии осуждающе и великаго Афанасия, якоже прежде о руце, тако и паки некто глаголаше нань, облыгая, яко по воли его святую трапезу испроверже и потир разби и ина таковая тайная пред людми испытанию быти устроиша. Не бо истина бе, но клеветники наяша, обещаша дати им мзду доволну, аще от вашея клеветы осудятся судимии епископи. И последованием таковых клевет благочестивии святителие от церквей изреваеми бываху, вместо ж их вводими нечестивии. Тии же просими бяху рукописания нечестия и пишущии таковая предстояху и (л. 999)²²¹⁶ чернило готово. И от сего мнози и от правоверных прелстишася в таково написание злочестия, заеже не отпасти от престола. Аще ли же лепо есть и вины сих рещи, ими ж нечестию подклонишася, обретаю четыре. Первое страхом нецыи смущени бывше. Второе же, яко имением нецыи порабощаются, прелстившеся, и предают истину на лжу. Третие же, яко и ласканием не утвержени прелщаются. Четвертое ж и хуждьшее, или неразумием окрадаеми бывают нецыи, обаче аще и предложат таковое во ответ святители, глаголюще, яко не разумели есмы, но не будет им от сего нимало ползы. Простейшим бо (л. 999 об.)²²¹⁷ довлеет таковое рещи, не доведущим Божественаго писания, людин бо простый се пострадав неведением, малу милость получит. Учителем же како не безместно се рещи, иже и других неведения исправляти вчинившихся, ни закон греческий, якоже мню не весть кто, аще и от грубейших будет зело и неученых, яко николи же помогает злотворящим за невежствие. Аще быша и тмами во ответ предложили когда таковое, спасения таиноводцем, церковным началником, епископом, не ведети всего спасения начала, еже о Христе благочестие и вера святых апостол и святых отец предания Церкви. Аще (л. 1000)²²¹⁸ и во иных будут прости и не глубоцы разумом, обаче буди мало во ответ, по моему бо слову, иже от неведения последствовавшим нечестию, что, рече, хощем рещи от других, елицы и разумом остри суще и мудрость в смысле имуще, и прелщени вин ради предреченых властелем в нечестие повинушася. О сей страсти аз многащи плаках зря излияшееся нечестие на мнозе и воздвигшееся гонение на иже праваго слова сущих от неистинных представник слова, но лукавых. Мнимых убо пастырей быти Христову стаду, делом же волков поистине и губителей стаду. О таковых бо рещи со пророком Иеремием: Поистине (л. 1000 об.)²²¹⁹ яко пастырей изумишася. И паки: Пастырие мнози растлиша виноград Мой и часть желанную посрамиша, Церковь Господню глаголю, собраную и украшеную многими подвиги и закланми, еже прежде Христа, глаголю, пророки и проповедники и по Христе апостоли и мученик множества, над всеми же сими великими еже о нас самаго Христа страстьми.

... 2 3 4 5 6 7 8 9 10 11 12 13 14 15 16 17 18 19 20

Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

²¹³⁵ Написано тем же почерком над строкой: «во».

²¹³⁶ На верхнем поле листа киноварная помета: 26-е возражение.

²¹³⁷ На верхнем поле листа киноварная помета: на 26-й вопрос и ответ.

²¹³⁸ На верхнем поле листа киноварная помета: 26-е возражение.

²¹³⁹ На левом поле листа помета: 2 Моис. 22.

²¹⁴⁰ На левом поле листа помета: 2 Моис. 24.

²¹⁴¹ На левом поле листа помета: 4 Моис. 16.

²¹⁴² На верхнем поле листа киноварная помета: на 26-й вопрос и ответ.

²¹⁴³ На верхнем поле листа киноварная помета: 26-е возражение.

²¹⁴⁴ На левом поле листа помета: 1 Царств, глава 8.

²¹⁴⁵ Исправлено из: людие.

²¹⁴⁶ На левом поле листа помета: Иосия 13; Деян. 13.

²¹⁴⁷ На верхнем поле листа киноварная помета: на 26-й вопрос и ответ.

²¹⁴⁸ На верхнем поле листа киноварная помета: 26-е возражение.

²¹⁴⁹ На верхнем поле листа киноварная помета: на 26-й вопрос и ответ.

²¹⁵⁰ На правом поле листа помета: Исаия 13.

²¹⁵¹ На верхнем поле листа киноварная помета: 26-е возражение.

²¹⁵² На левом поле листа помета: Исаия 43.

²¹⁵³ Написано со знаком вставки на левом поле листа.

²¹⁵⁴ Исправлено из: их.

²¹⁵⁵ На верхнем поле листа киноварная помета: на 26-й вопрос и ответ.

²¹⁵⁶ На правом поле листа помета: Матф. 150; Марк 65; Лука 109.

²¹⁵⁷ На правом поле листа помета: Иоан. 58.

²¹⁵⁸ На левом поле листа помета: Матф. 109.

²¹⁵⁹ На левом поле листа помета: Иоан. 2.

²¹⁶⁰ На верхнем поле листа киноварная помета: на 26-й вопрос и ответ.

²¹⁶¹ На правом поле листа помета: Марк 26 и 28, ниже 15.

²¹⁶² На правом поле листа помета: 27.

²¹⁶³ На верхнем поле листа киноварная помета: 26 возражение.

²¹⁶⁴ На верхнем поле листа киноварная помета: на 26-й вопрос и ответ.

²¹⁶⁵ На верхнем поле листа киноварная помета: 26-е возражение.

²¹⁶⁶ На левом поле листа помета: Псалом 82.

²¹⁶⁷ На верхнем поле листа киноварная помета: на 26-й вопрос и ответ.

²¹⁶⁸ На правом поле листа помета: Матф. 111.

²¹⁶⁹ На верхнем поле листа киноварная помета: 26-е возражение.

²¹⁷⁰ На левом поле листа помета: тол.: Матф. 111.

²¹⁷¹ На верхнем поле листа киноварная помета: на 26-й вопрос и ответ.

²¹⁷² На правом поле листа помета: Иоан. 59.

²¹⁷³ На верхнем поле листа киноварная помета: 26-е возражение.

²¹⁷⁴ На верхнем поле листа киноварная помета: на 26-й вопрос и ответ.

²¹⁷⁵ На верхнем поле листа киноварная помета: 26-е возражение.

²¹⁷⁶ На верхнем поле листа киноварная помета: на 26-й вопрос и ответ.

²¹⁷⁷ На правом поле листа помета: Марк 36.

²¹⁷⁸ На правом поле листа помета: Лука 10.

²¹⁷⁹ На правом поле листа помета: Марк 13.

²¹⁸⁰ На верхнем поле листа киноварная помета: 26-е возражение.

²¹⁸¹ На левом поле листа помета: Деян. 3.

²¹⁸² На левом поле листа помета: Деян. 4.

²¹⁸³ На левом поле листа помета: Деян. 10.

²¹⁸⁴ На верхнем поле листа киноварная помета: на 26-й вопрос и ответ.

²¹⁸⁵ На верхнем поле листа киноварная помета: 26-е возражение.

²¹⁸⁶ На левом поле листа помета: Деян. 49; Деян. 51.

²¹⁸⁷ На верхнем поле листа киноварная помета: на 26-й вопрос и ответ.

²¹⁸⁸ На правом поле листа помета: Матф. 14.

²¹⁸⁹ На правом поле листа помета: Иоан. 65.

²¹⁹⁰ На верхнем поле листа киноварная помета: 26-е возражение.

²¹⁹¹ На верхнем поле листа киноварная помета: на 26-й вопрос и ответ.

²¹⁹² На верхнем поле листа киноварная помета: 26-е возражение.

²¹⁹³ На левом поле листа помета: Матф. 20.

²¹⁹⁴ На левом поле листа помета: Лука 27.

²¹⁹⁵ На верхнем поле листа киноварная помета: на 26-й вопрос и ответ.

²¹⁹⁶ На правом поле листа помета: 1 Кор. 130.

²¹⁹⁷ На правом поле листа помета: Рим. 112.

²¹⁹⁸ На правом поле листа помета: Кор. 134; мудрость 3.

²¹⁹⁹ На верхнем поле листа киноварная помета: 26-е возражение.

²²⁰⁰ На левом поле листа помета: 1 Кор.; бесед. 6, зач. 134.

²²⁰¹ На верхнем поле листа киноварная помета: на 26-й вопрос и ответ.

²²⁰² На верхнем поле листа киноварная помета: 26-е возражение.

²²⁰³ На левом поле листа помета: лист 30.

²²⁰⁴ На левом поле листа помета: Лука 51.

²²⁰⁵ На левом поле листа помета: лист 96.

²²⁰⁶ На верхнем поле листа киноварная помета: на 26-й вопрос и ответ.

²²⁰⁷ На верхнем поле листа киноварная помета: 26-е возражение.

²²⁰⁸ На левом поле листа помета: лист 123.

²²⁰⁹ На верхнем поле листа киноварная помета: на 26-й вопрос и ответ.

²²¹⁰ На верхнем поле листа киноварная помета: 26-е возражение.

²²¹¹ На верхнем поле листа киноварная помета: на 26-й вопрос и ответ.

²²¹² На верхнем поле листа киноварная помета: 26-е возражение.

²²¹³ На верхнем поле листа киноварная помета: на 26-й вопрос и ответ.

²²¹⁴ На правом поле листа помета: лист 159.

²²¹⁵ На верхнем поле листа киноварная помета: 26-е возражение.

²²¹⁶ На верхнем поле листа киноварная помета: на 26-й вопрос и ответ.

²²¹⁷ На верхнем поле листа киноварная помета: 26-е возражение.

²²¹⁸ На верхнем поле листа киноварная помета: на 26-й вопрос и ответ.

²²¹⁹ На верхнем поле листа киноварная помета: 26-е возражение.

Домашняя страница
священника Владимира Кобец