ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-8)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

сякий²⁷⁴⁴ же праздник Владычний и торжество радости духовней возделание душевней светлости и красоте ходатай, церквам украшение и благолепие духовно, небо земное и плод восхождение, прехождение есть от смиренных на высокия и божественная, восхождение от мирских на премирная, от плотских на духовная: от чювственных на разумная, от земных на небесная. Сего ради и мы духовно празднуем и освящением и безстрашием и миром (л. 579 об.)²⁷⁴⁵ и совокуплением Богу угодим и пребываем со страхом в песнех и молитвах и молбах и в правдах, и милостыни Бога умоляем, даже от Него богатно дано будет нам вхождение во Царьство Небесное и безконечное и блаженное, идеже празднующих непрестанный глас и неизреченное благодушие и безсмертных благих наслаждение. Духовнии убо праздницы Божественая торжества спасение воистину искупляют душам нашим. И толико болша суть от мирских праздник и торжеств и всех житейских куплей, елико болши есть душа тела и елико болши есть небо от земли и елико болши есть жития сего мимотекуща в будущее, (л. 580)²⁷⁴⁶ по святому: Иже око не виде и ухо не слыша и на сердце человеку не взыде, яже уготова Бог любящим Его.

И видел еси посредство божественных духовных праздник, елико от мирских разнствуют, якоже небо от земли. Аще ли сими недоволен будеши, еще и от святых апостолских и святых отец правил приложим.

Сему же подобно обою святую верховную апостолу Петра и Павла правила 1.

Аз²⁷⁴⁷, Петр и Павел, заповедуема людем делати пять дней в недели, в субботу же и в неделю да упражняются в церковь поучения ради еже на благоверие. Суббота бо бытия всея твари образ имать, неделя ж Воскресения.

Великую неделю, сиречь (л. 580 об.)²⁷⁴⁸ Страстную, и другую, яже по ней, рекше Святыя Пасхи, да не делают людие, но да празднуют вси раби и свободнии. Оная убо неделя яко Страстей есть Господних, сия же яко Воскресения Его и требе есть поучатись, Кто есть пострадавый и воскрес и свободивый нас.

Святое Вознесение да празднуем, понеже совершение есть, еже о Христове смотрения.

Пятьдесятницу да празднуем пришествия ради Святаго Духа, дарованаго во Христа верующим.

Рождества Христова да празднуют, в онь же в той нечаемая благодать человеком вдана бысть рождением Божия Слова из Марии девицы на спасение миру.

Богоявления праздник (л. 581)²⁷⁴⁹ да празднуют, понеже в той день бысть явление Христова Божества, свидетельствовашу Ему Отцу в крещении и утешителю Святому Духу, в видении голубине показавшу предстоящим Свидетельствованнаго.

Дни апостолския празднуйте, учители бо вам быша веровати во Христа и Духа Святаго, достойны вас сотвориша. И Стефана Первомученика день празднуйте и прочих святых мученик, почетших Христа паче своего живота.

Ты убо, неправедный списателю, глаголеши, яко в онь же прилучится праздник рождения государя царя и прочее. А царево рождение не невеси, и яко во святую мученицу (л. 581 об.)²⁷⁵⁰ бывает, такожде царицы и великия княгини, такожде и царевича государя и царевен. Но Божественая повеления не оставляют святую мученицу разрешати, не точию царьских ради рождений, но и святых мученических памятей.

Послушай.

Аще²⁷⁵¹ который епископ или презвитер или диакон или поддиакон или чтец или певец в 40 дней, сиречь в Великий пост не постится и во все лето во всякия среды и пятки, да извержен будет, токмо аще не пакостит ему телесная болезнь, немощному бо прощено есть по силе вкушати масла и вина. Аще же мирский человек не постится, да отлучится.

(л. 582)²⁷⁵² Аще²⁷⁵³ кто от воздержавшихся кроме телесныя нужди гордится и преданыя посты во общину и хранимыя Церковию разрешает, якоже се тверду имущу в нем совершеному помыслу, да будет проклят.

Не²⁷⁵⁴ подобает в 40 дний последния недели четвертка разрешати и того ради весь пост безчествовати, но весь Великий пост поститися сухо ядуще.

Четыредесят дний Великаго поста, такоже и вся дни Великия Недели спасеных страстей Господа нашего Иисуса Христа, яже глаголется Страстная Неделя, в посте и в молитве и во умилении сердца совершати и не разрешати поста в Великий Четверток, (л. 582 об.)²⁷⁵⁵ но и той поститися и сухо ясти.

Ни памяти мученик творити, токмо в субботу и в неделю.

В четыредесят дней Великаго Поста кроме²⁷⁵⁶ суботы и недели ни мучеником память, ни инем святым творится.

Не подобает в Великий Пост ни брака, ни обедов²⁷⁵⁷ по мертвых, ни инаго коего пира творити.

Сему же подобно пишет Никита мних, презвитер монастыря Студийскаго, по реклом Скифита, к латином, в той же книзе Кормчей в главе 47 на листе 386-м и 7-м.

Ты же, попирателю, како смел равно чествовати великим Господьским праздником царева рождения день? Но и царьский закон (л. 583)²⁷⁵⁸ отрицает в неделю и прочия Божественыя святыя дни торжества царьскаго рождения на ин день, а не сточневати.

А еже кому бы хотети царя подобна Богу творити, сам Господь собою такое зло возрази к вопросившему Ему и глаголющему: Учителю²⁷⁵⁹ благий, что сотворив живот вечный, наследствую? Рече же ему Иисус: Что Мя глаголеши блага? Никто же благ, токмо един Бог. И ко архиереом, вопрошающим Его: Ты ли еси Сын Божий? Он же рече: Вы глаголете, Аз есмь. Тако и бесом, вопиющим и глаголющим: Что²⁷⁶⁰ и Тебе, Иисусе, Сыне Бога Вышняго? Пришел еси прежде времени мучити нас. Он же призапрещ им и умолчаста и исцелевшему рече: Иди в дом свой (л. 583 об.)²⁷⁶¹ и поведай, елика сотвори тебе Бог, то есть Бог Отец небесный, а не о себе рече, елика ти сотвори Иисус.

Вопрошаше²⁷⁶² Иисус ученики Своя, глаголя: Кого Мя глаголют человецы, суща Сына человеческаго? Они же реша: Овии убо Иоанна Крестителя, инии же Илию, друзии же Иеремию или единаго от пророк. Глагола им Иисус: Вы же кого Мя глаголите быти? Отвещав Симон Петр, рече, Ты еси Христос, Сын Бога живаго. Тогда запрети Иисус учеником Своим, да никому же рекут, яко сей Иисус есть Христос. И паки инде рече: Вы же кого Мя глаголите быти? Отвещав же Петр, рече: Христа Божия. Он же запреща им, повеле никому же глаголати сего.

А пред государем (л. 584)²⁷⁶³ мнози не ве и гласи глаголют: Ты, государь, бог земный. И никому государь запрещает. И патриарх Никон государю говаривал, будучи на Москве, и с Москвы сшед, писал, да запретит впредь таким глупцом не называть себя богом. Он же умолче. Не слышат таковии глаголющии, что Давид святый глаголет: Бог наш на небеси и на земли, вся, елико восхоте, и сотвори. Не поревнова верховными апостолома, о них же суть в Деяниих писано: Народи²⁷⁶⁴ же видевше, еже сотвори Павел, воздвигоша глас свой ликаонский, глаголюще: Бози уподоблшеся человеком, снидоша к нам. Нарицаху же Варнаву Дия, Павла же Ермию, понеже той бяше (л. 584 об.)²⁷⁶⁵ началник слову, жрец же Диа сущаго пред градом их. Онца и венца ко вратом принес, с народы хотяше же ети. Слышавше же се апостоли Варнава и Павел, растерзавше ризы своя, вскочиша в народ, зовуще и глаголюще: Мужие, что сия творите? Имы подобострастна вам еста человека, благовествующа вам от сих суетных обращатися к Богу живу, иже сотвори небо и землю и море и вся, яже в них. Иже в мимошедшыя роды оставил бе вся языки ходити в пути своя. И убо не несвидетельствована себе, остави благотворя, с небесе вам дожди дая и времена плодоносна, исполняя пищею и веселием сердца (л. 585)²⁷⁶⁶ ваша и сия глаголюще: Едва устависта народы, не жрети има, но отъити коемуждо восвояси.

Зри тех везде от гордости чистых, не токмо не жалающих, но и даемую отражающих, якоже и Петр глаголаше: Что²⁷⁶⁷ на ны взираете, яко своею ли силою или благочестием сотворших ходити сему. И Корнилию рече: Востани, ибо и мы человеки есмы. Иосиф же глаголаше о сынех: Не²⁷⁶⁸ от Бога ли изъявление их? И Даниил подобне сему: И мне же не в мудрости сущей во мне открыся. И Павел: Не яко доволни есмы от себе помыслити что, яко от себе, но доволство наше от Бога, которое причастие свету ко тме и правде (л. 585 об.)²⁷⁶⁹ к беззаконию и прочее, якоже рече апостол, и которое сочетание и равночестие царю з Господем Богом.

Послушай, новый Арий, что есть царь, якоже премудрый некто рече: И²⁷⁷⁰ царь днесь, а утро умрет, егда умрет человек²⁷⁷¹, наследят и гади, зверие и червие. Начаток гордыни человеку, отступающу от Господа, и сотворшаго и, отступи сердце его, яко начаток гордыни грех, и держай его, удержит скверну. Сего ради не прослави Господь наведения и разврати е до конца. И паки ин пророк рече: Ты²⁷⁷² бо, рече, во уме своем, на небо взыду и выше звезд небесных поставлю престол, и сяду на горе высоце, на горах высоких, яже на север (л. 586)²⁷⁷³ и взыду выше облак и буду равен Вышнему. Сие же пророк²⁷⁷⁴ рече о Навуходоносоре, царе Вавилонстем, иже подобейся сотвори Богу, ему же показа Господь во сне о гордости, иже протолкова Даниил. Ему же и збысться. От человек изгнася и траву аки вол ядяше и от росы небесныя тело его обросте, дондеже власы ему аки лву возвеличавше и ногти ему аки птицам, дондеже возвратився, исповеда, глаголя: Аз, Новуходоносор, очи свои на небо воздвиг, и ум мой ко мне возвратися. Вышняго благослових, и живущаго вовеки похвалих, яко власть Его власть вечна и царьство Его в роды и роды. И вси живущии на земли (л. 586 об.)²⁷⁷⁵ ни во что же наменишася, по воли своей творит в силе небесней в селении земленем, и несть, иже ся противит руце Его. И рече ему: Что сотворих в то время, ум мой возвратися ко мне и в честь царьства своего приидох и озреч моя возвратися ко мне, и мучители мои и велможа моя взыскаша мене, и во царьстве своем утвердихся, и величество изообилнее приложи ми ся. Ныне убо аз, Новуходоносор, хвалю и превозношаю и славлю Царя небеснаго, яко вся дела Его истина и путие Его суди и вся, ходяща со презрением, может смирити.

И пророком Иезекиилем глаголет Господь: И²⁷⁷⁶ бысть (л. 587)²⁷⁷⁷ слово Господне ко мне, глаголя: И ты, сыне человеч, рцы князю Тирску, се глаголет Адонаи Господь. Понеже вознесеся сердце твое и рекл: Аз есмь Бог. Ты же человек еси, а не Бог. И положи сердце свое яко сердце Божие, еда премудрее ты еси Даниила, премудрии не суть тебе наказали, деили хитростию своею или смыслом своим сотворил еси себе силы и притяжа сребро и злато в домох своих или во граде твоем хитрость куплею своею умножи силою своею, и вознес сердце твое в силе твоей. Того ради се глаголет Адонаи Господь. Елма же даде сердце свое, яко сердце Божие, в то места се Аз наведу на тя чюжда разсыпателя от стран (л. 587 об.)²⁷⁷⁸ и измкну меч их на тя и на доброту хитрости твоея. И постелют доброту твою в погубление, еда речеши пред убивающими тя, Бог есмь, ты ж человек еси, а не Бог.

В²⁷⁷⁹ нарочитый же день оболкся Ирод во одежду царьску и сед на судищи пред народом з гордостию, глаголаше к ним. Народ же возглашаше глас Божий, а не человеч. Внезапу порази его ангел Господень, зане не даде славу Богу и бысть червми изъяден, издше.

И божественный апостол Павел пророчествуя о отступницех закона Христова, глаголет, их же и противниками нарицает: Да²⁷⁸⁰ никто же вас прелстит ни по единому же образу, (л. 588)²⁷⁸¹ яко аще не приидет отступление прежде и открыется человек, сын погибели, противник, и превозносяйся над всякаго глаголемаго бога или чтилища тако, якоже ему сести в Церкви Божией аки Богу, показующу себе, яко бог есть.

О антихристе²⁷⁸² зде беседует и велия открывает тайны, что есть отступление. Того самаго антихриста нарицает отступление, яко многих имущаго погубити и отставити²⁷⁸³ тако, яко рече, соблазнити, аще мощно и избраныя. И человека греха нарицает и, безчисленая бо соделает и приуготовит иных, да делают лютая. Сына же погибели глаголет и, зане и той погибнет. Кто же есть сей? (л. 588 об.)²⁷⁸⁴ Убо ли сатана? Никако же, но человек некий, всякое его восприемляй действо. И открыется человек, рече, превозносяйся над всякаго глаголемаго Бога или чтилища. Не бо во идолослужение введет он, но богопротивен некто будет и всех разорит богов, и повелит кланятися себе вместо Бога, и сядет во храме Божием, не иже во Иерусалиме, но и в церквах, показующу, рече, себе бога.

Не рече глаголюща, но покушающася показати, ибо дела велия соделает и знамения покажет чюдная.

Не²⁷⁸⁵ помните ли, яко еще сый у вас сия глаголах вам? Зриши ли, яко нужно есть часто сия глаголати и почерпати (л. 589)²⁷⁸⁶ глаголы? Се бо и тамо сущу, слышаша сия, глаголющу ему, и паки востребоваша воспоминания, якоже бо оскорбех, слышавше. Ибо²⁷⁸⁷ егда бехом, рече, у вас, предь глаголахом вам, яко имамы оскорбетися, обаче забыша. И паки утверждает их посланми, тако и о пришествии антихристове слышавше, паки требоваху послании направляющих я. Воспоминает убо им и показует, яко ничто ж странно глаголет, но яже присно глаголаше.

И²⁷⁸⁸ ныне одержащее весте, воеже явитися ему во свое ему время. Тайна²⁷⁸⁹ бо уже деется беззакония, точию содержай ныне, дондеже от среды отъят²⁷⁹⁰ будет. И тогда явится беззаконный, (л. 589 об.)²⁷⁹¹ его же Господь Иисус убиет духом уст Своих и упразднит явлением²⁷⁹² пришествия Своего. Его же есть пришествие по действу сатанину.

Взыскал²⁷⁹³ бы некто первее в лепоту, что есть одержащее, и по сих бы навыкнути хотел, почто не явленне сице полагает то Павел, что убо есть одержащее явитися ему, сиречь возбраняющее. Инии убо Духа благодать глаголют, инии же римскую власть, им же аз наипаче слагаюся. Почто? Зане аще Духа хотел бы рещи, не бы рек неявленне, но явленне, яко и ныне содержит и Духа благодать, сиречь дарования. Инако же подобаше уже приити, аще бы имел дарованиом (л. 590)²⁷⁹⁴ оскудевшим приходити, ибо древле оскудеша. Елма же о римстей власти сие глаголет²⁷⁹⁵, в лепоту назнаменова и дотоле рече прикровенне. Ниже бо хотяше излишныя вражды приимати и неполезная беды, аще бо рекл бы, яко мало последе разорится римская власть. Уже абие того и закопали быша, аки губителя, и верных всех, аки на се живущих и воинствующих. Сего ради не рече тако, ниже, яко скоро будет, аще²⁷⁹⁶ и присно сия глаголет, но что воеже явитися ему во время свое. Рече: Тайна бо уже деется беззакония. Нерона зде глаголет, аки образ антихристов суща, ибо сей хотяше не пщеватися Бог. И добре рече, тайна, (л. 590 об.)²⁷⁹⁷ не бо явленне, якоже он, ниже безстудне. Аще бо прежде времени онаго обретеся, рече, иже немного антихриста оста, аще ся во злобе, что дивно, аще уже будет. Тако убо покровенне рече, и явленна того не восхоте сотворити, не боязни ради вражды излишныя бегати²⁷⁹⁸, но наказуя нас излишныя вражды не приимати, егда ничто же будет понуждающее. Такоже и зде глаголет, точию содержай ныне, донеле же от среды будет, сиречь власть Римская егда возмется от среды, тогда он приидет и в лепоту, донеле же бо сея власти будет страх, никто же скоро покорится. Егда же тая разорится, падет на безначалство и человеческую (л. 591)²⁷⁹⁹ и Божию поищет похитити власть, якоже бо яже прежде сего разоришася царьствия²⁸⁰⁰, сиречь Мидийское от Вавилонскаго, Вавилонское от Персскаго, Персское от Македонскаго, Македонское от Римскаго, тако и сие от антихриста, а он от Христа. И к тому не содержит и сия со многим изъяснением Даниил нам предает. И тогда²⁸⁰¹, рече, явится беззаконный и что по сих близ утеха, наводит бо, его же Господь Иисус, рече, убиет духом уст Своих и упразднит явлением пришествия Своего. Его же есть пришествие по действу сатанину, якоже бо огнь нашед просто малая животная и прежде пришествия самаго от далече сущая унывати творит и изнуряет. (л. 591 об.)²⁸⁰² Сице и Христос повелением точию и пришествием антихриста убиет, довлеть ему зде быти и сия вся погибнути, уставит прелесть и явлейся токмо. Таже являяй кто есть сей, его же пришествие по действу сатанину во всякой силе, рече, и знамениих и чюдесех ложных, сиречь всякую покажет силу, но ничто же истиное, но к прелести вся сия предрече. Да не прелщаются сущии тогда и чюдесех, рече, ложных или притворениих или²⁸⁰³ на лжу ведущих и во всякой прелести неправды в погибающих. Почто²⁸⁰⁴ убо, рече, попусти Бог сему быти и каково сие есть смотрение. Кий же прибыток онаго пришествия (л. 592)²⁸⁰⁵ на пагубу²⁸⁰⁶ нашю приходящаго. Не бойся, возлюбленне, но слыши того глаголюща, в погибающих может, иже аще бы и не пришел он, не быша веровали. Кии убо прибыток рече, зане сии истыи погибающыи заустятся. Како? Яко аще бы и не пришел он, не бы веровали Христу, приидет убо обличая их, да не имут бо глаголати, яко понеже Бога себе быти глаголаше Христос. Аще и нигде, рече, явленне, но обаче понеже сущии по сих проповедаша, не веровахом, понеже слышахом, яко един²⁸⁰⁷ Бог, из Него же вся, сего ради не веровахом. Сие их непщевание антихрист отъимет, егда бо приидет он и ничто же пове(л. 592 об.)левая²⁸⁰⁸ здраво, но вся законопреступная. От знамений точию ложных уверится, зашиет им уста. Аще бо Христу не веруеши, много паче не подобаше антихристу веровати. Он бо убо глаголаше от Отца послан быти, сей же сопротивное. Сего ради глаголаше Христос: Аз²⁸⁰⁹ приидох о имени Отца Моего, и не приясте Мя. Аще ин приидет о имени своем, онаго приимете. Но знамения видехом, рече, но и от Христа быша многая знамения и велия. Тем же много паче тому веровати подобаше, аще и о сем убо многая прежде рекошася, яко беззаконный, яко сын погибели, яко пришествие его по действу сатанину. О онем же (л. 593)²⁸¹⁰ противная²⁸¹¹, яко Спас, яко безчисленная благая приносит, за ня же бо любве истиныя не прияша, воеже спастися им. Сего²⁸¹² ради послет им Бог действо лсти, воеже веровати им лжи. Да²⁸¹³ суд приимут вси не веровавшии истине, но благоволиша о неправде, да суд приимут, не рече, да муку приимут, ибо и кроме сего имеяху муку прияти, но да суд приимут, сиречь да будут осуждени на страшнем судищи, воеже быти им безответнем. Кии же суть сии? Сам сказует, наводя и, не веровавше истине, но благоволиша о неправде. Любовь же истиную Христа нарицает, за ня бо, рече, любве истиныя не прияша, (л. 593 об.)²⁸¹⁴ обоя бо бе и обоих ради прииде и любя человеки и о истиных вещех. Но благоволиша, рече о неправде, на погибель человеком приидет и обидети их имея, что бо не соделовает тогда, вся подвигнет, вся возмутит и повелений ради и страха, страшен будет отвсюду, от власти, от суровства, от законопреступных повелений. Но да не убоишися, в погибающих, рече, имети будет крепость.

Зриши ли, лжесписателю, что божественный апостол провозвести о преди будущих? Нам же есть настоящая вас ради и злобы вашея. Не прииде ли ныне отступление от святаго и священнаго (л. 594)²⁸¹⁵ Евангелия и святых апостол и святых отец преданий? Не явилися человек греха, сын погибели, противник и превозносяйся на всякаго Бога или чтилища? Отступление, глаголет, яко многих имать погубити. Что же ли сея погибели болши, еже оставя Божий закон и заповеди, человеческая предания предпочтоша, то есть Уложеную книгу, в ней же полно горести и лсти.

Кто же ли, рече, сей есть? Сатана ли? Никако же, но человек некий, всякое его приемля действо и приготовит с собою и инех многих, яко тебе, лжисписателю, и подобных тебе. А еже свесте в храме Божии, не иже (л. 594 об.)²⁸¹⁶ во Иерусалиме, но повсюду в церквах, седение же, не еже седети во всех церквах, но власть над всеми церквами имети. Церковь же не стены, но законы и пастырие церковнии. На них же ты, отступниче, превзявся по действу сатанину, написа суд, на патриарха и на митрополитов, и на архиепископов, и на епископов, и по прочих причетников судити простым людем, не помысля божественно ничто же. Якоже рече Господь негде: Иди за Мною, сатана, не мыслиши, яже суть Божия, но яже человеческа. И инде паки рече: Вы отца вашего диавола есте и похоти отца вашего творите.

(л. 595)²⁸¹⁷ О таковых убо и церквах Христос рече: Храм Мой храм молитвы наречется. Вы же сотвористе его вертеп разбойником. Якоже Иеремия рече: Не²⁸¹⁸ хощите надеятися во словесех лживых, рекущи: Храм Господень. Храм Господень есть, како же храм Господень, иже под властию царя и сущих под ним и еже хотят и деют и повелевают, то уже не Божий храм таковый, но онех дом, иже власть имеют над ним. Аще бы был храм Господень, никто же бы за страх Божий владети или имати что от сущих его.

А яже о гонении на Церковь откры Господь богословнейшему возлюбленному (л. 595 об.)²⁸¹⁹ ученику Своему Иоанну.

О гонении церквей первых, ниже имать быти при антихристе.

И²⁸²⁰ отверзися храм Божий на небеси, и явися кивот завета Господня в храме Его, и быша молния и гласи и громы и трусы и град великий.

Чрез отверзение неба и видение кивота является откровение уготованных благ святым, яже во Христе. В нем же вселися все исполнение Божества телесне, вся сокровенно суть по апостолу: Тогда²⁸²¹ открыют егда беззаконным и нечестивым гласи ужасни²⁸²² и молния и громы и град, наносяй сим геенския муки в трусе премением настоящих.

И²⁸²⁴ знамение велие явися на небеси. Жена оболчена в солнце и луна под ногама Ея и на главе Ея венец от звезд дванадесяте.

Жену²⁸²⁵ же одеяную солнцем нецыи убо отнюдь Пресвятую Богородицу разумеша, прежде даже познан бысть тоя Божественый Сын, пострадавшую, яже зде имутся последователне. Великий же Мефодий на святую Церковь истолкова, не согласуемая Владычнему рождеству, яже о Нем не пщевал. Заеже уже пред многим временем родился бе Господь наш. Добро же и самыя глаголы божественнаго Мефодиа воспомянути, иже глаголет во глаголемей беседе от лица Проклы девица сице: Жена облаченая (л. 596 об.)²⁸²⁶ в солнце есть Церковь, а еже нам есть одежда, се Оной свет, а²⁸²⁷ еже нам злато и ясное драгое камение, се Оной звезды. Звезды же лучшыя и светлейшыя взыде же на луну. Луну же образне мню веру очищаемых и свобождаемых банею за сие, яко влажное естество от луны висит. Болящая²⁸²⁸ же есть и отраждающая душевная в духовныя и видом и изображением образующая их по подобию Христу. И паки глаголет: Не подобает не пщевати Христа того быти новораждаемаго, древле бо прежде откровения Иоаннова исполнися тайна вочеловечения Божественаго Слова. Иоанн же о настоящих (л. 597)²⁸²⁹ и будущих законопоет и пророчествует. И после инех тако яко нуждею исповедати требе есть, яко Церковь есть болящая и раждающая искупленыя, якоже глаголет во Исаии Дух: Прежде²⁸³⁰ даже родити болевше, избеже и роди мужеск пол. От кого избеже? Разве всяко от змия, да родит люди умный Сион мужеска пола. И прочая.

Тем же²⁸³¹, в коемждо рождается Христос умне, и сего ради Церковь повивает пеленами и болезнует, донеле же Христос вообразится в нас рождейся, яко да койждо заеже причащатися Христу, Христос будет. Церковь убо солнцем правды Христом одеяся, ибо законный свет нощесветныя луны (л. 597 об.)²⁸³² и мирскую жизнь отменяющуся, яко луну под ногама имать и на главе венцем венчася, апостолскими же догматами и добродетелми. Той же сиречь Мефодий, и яко от луны висящу влажному существу, глаголет, яко луною знаменует крещение²⁸³³, море образне именуемое, то рождаемым убо спасителное, бесом же пагубное и во чреве имущая взываше болящи и страждущи родити. Глаголем же, яко болит Церковь на коемждо²⁸³⁴, рождаемых водою и духом, донеле же вообразится Христос в них, якоже глаголет божественный апостол, заеже извергами²⁸³⁵ суть отпадающии от истиннаго света Христа с путную (л. 598)²⁸³⁶ жизни и в купно текущую со жизнию чрез неверие, ожидающии и претерпевающии смерть. И явися иное знамение²⁸³⁷ на небеси, и се змий рыжий²⁸³⁸ велий, имея седмь глав и рогов десять, и на главах его седмь диадим²⁸³⁹. И явися ино знамение на небеси, небо зде мним, яко разумеется воздух. Змий же чермный²⁸⁴⁰ созданый да поругаем²⁸⁴¹ бывает от ангел Божиих, якоже во Иове писано есть: Чермен же сей, или же за убийственое его и кроворадостное, или за огненое аггелскаго существа, аще и от ангел отпаде. Седмь²⁸⁴² же глав, седмь прелукавыя его силы и духовным действам противныя, или седмь дуси. О них же во Евангелии (л. 598 об.)²⁸⁴³ Христос²⁸⁴⁴ рече, яко вселяются в человека пометеное сердце и тщее от благих мыслей имущаго. Или седмь злобы, им же глаголет Соломон²⁸⁴⁵ в сердце быти вражием, иже сиречь враг велиим гласом повинующимся²⁸⁴⁶ лицемерне молится. Десять же рози являют десять прегрешения противная десяти законным заповедем, или разделения царьственная²⁸⁴⁷, тому царьству красоту несущая, яко расколом и смятением радующуюся. Седмь же диадим на главах его за сие, яко побеждающии демонская действа, оттуду венцы победы носят, отнюду же трудами и потами победу взяша. О сих же (л. 599)²⁸⁴⁸ и божественный Мефодий²⁸⁴⁹ глаголет сице наречение. Змий велий чермный седмоглавный великий третию часть звезд, иже стояше, наветуяй и наблюдай, да чадо породелищыя²⁸⁵⁰ снесть, диавол есть и яже по сих. Но не получает и погрешает лова. Горе к высоте возхищаемым, ограждаемым. И в мале по сих. Третия же звезд наречеся часть, погрешившии окрест единаго в числе Святыя Троицы. Пустыня же, в ню же вшедший питается, Церковь есть, от злых свободная и тления вне сущая. Тысяцы же глаголет во святых умножаемое совершенное число и исполненое объемлет. И по сих по чину глаголет (л. 599 об.)²⁸⁵¹ о венцех его. Подвизавшая бо ся Церковь на диавола и умертвившая седмь глав, седми добродетелными венцами обладает и наследует я. И ошиб его влечет третию часть звезд с небесе и поверже я на землю, и ошиб²⁸⁵² его влечет третию часть звезд. Чрез сие мним, яко двое некое является, или первое его с небесе падение, совлекшее к земли с ним отступники аггелы последним завистным движением. Первее бо бысть возношение или ошибное движение, по сокрушении главы его, нетвердыя низводящее с небеснаго мудрования и сопребывания. Звезды образне име(л. 600)нованыя²⁸⁵³ за светлость из святаго крещения, сице бо и Даниил о Антиосе²⁸⁵⁴ пророчествова, яко о хотящем быти образе пришествия антихристова. И змий, стояше пред Женою, хотящею породити, да егда родит, Чадо Ея снесть, и змий пред Женою присно бо отступник противу Церкве вооружается. От рожденыя паки²⁸⁵⁵ во времени из Нея, свое си брашно творити²⁸⁵⁶ со тщанием желая, паче же чрез Церковь и самаго Христа гоняет²⁸⁵⁷, яко Главу Ея сущая²⁸⁵⁸, яже верных присвояющаго Себе. Тем²⁸⁵⁹ же и Савле: Что Мя гониши, глаголаше. И роди Сына мужеска полу, иже имать пасти вся языки жезлом железным. (л. 600 об.)²⁸⁶⁰ И²⁸⁶¹ роди Сына мужеска полу. Выну Церковь²⁸⁶² крещаемыми Христа раждает, аки во онех образуемаго, даже до исполнения возраста духовнаго, по апостолу: Мужеска же пола Сын люд церковный и сластми неослабленый, чрез Него же и уже убо крепкими, яко железо, рукама силных римлян языки пасяше Христос²⁸⁶³ Бог. Упасет же и по воскресении из мертвых, поставляяй судия крепкия верою, яко железо, на растленыя и немощныя сосуды языческия, иже за неверие таинственное и новое вино не вместиша. И восхищено бысть Чадо Ея к Богу и ко престолу Его, и возхищено бысть Чадо. Восхищаются (л. 601)²⁸⁶⁴ убо и зде во искушениих святии²⁸⁶⁵, яко да не препобеждени будут лютыми сущыми над силу. Восхищени ж будут и тогда на облацех в сретение Господне на воздусе и с Богом и престолом Его, сиречь с превышними ангелскими силами будут. И²⁸⁶⁶ Жена побеже в пустыню, идеже имать тамо место уготованое от Бога, да тамо питают Ю дний тысящу шестьдесят. И Жена побеже в пустыню, егда глаголет действуяй во антихристе диявол, им же Церковь ополчится. Избраный сея и верховнейший, поплевавше гражданския поища и смятения и мирския сласти²⁸⁶⁷, в пустыню всякоя злобы, в плодоносное ж (л. 601 об.)²⁸⁶⁸ всякоя добродетели жителство побегнут, по великому Мефодию, и тамо борющих бесов же и лукавых человек прилог избежати. Достоверно же, яко и чювственая пустыня²⁸⁶⁹ спасает в горы и вертепы и в пропасти земныя навета ради отступнича и аже Христа бегающыя. Якоже и прежде мученики ни три же лета и пол, являемая днями тысяща двесте и шестьдесятми, в них же державствовати будет отступление. Его же нас избавляяй великий Подвигоположник, не оставляяй кому над силу искуситися, дарует нам крепкий ум и противными (л. 602)²⁸⁷⁰ прилогами нерастленый и непреоборимый. Да законне противно началствам тмы и властем страдалчествовавше, венцем правды украсимся и победныя почести и дары приимем, яко тому подобает, немощными в бегство обращающему, крепкия воздушныя князя, победа и держава, купно Отцу и Животворящему Духу, ныне и присно и во веки веков. Аминь.

1 2 3 4 5 6 7 ... 9 10 11 12 13 14 15 16 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

²⁷⁴⁴ На правом поле листа помета: Еванг. воскресное, февр. 2 день, поучен, слово 70, лист 485.

²⁷⁴⁵ На верхнем поле листа киноварная помета: 26-е возражение.

²⁷⁴⁶ На верхнем поле листа киноварная помета: на 26-й вопрос и ответ.

²⁷⁴⁷ На правом поле листа помета: лист 27.

²⁷⁴⁸ На верхнем поле листа киноварная помета: 26-е возражение.

²⁷⁴⁹ На верхнем поле листа киноварная помета: на 26-й вопрос и ответ.

²⁷⁵⁰ На верхнем поле листа киноварная помета: 26-е возражение.

²⁷⁵¹ На левом поле листа помета: лист 19, 57.

²⁷⁵² На верхнем поле листа киноварная помета: на 26-й вопрос и ответ.

²⁷⁵³ На правом поле листа помета: лист 59.

²⁷⁵⁴ На правом поле листа помета: лист 82.

²⁷⁵⁵ На верхнем поле листа киноварная помета: 26-е возражение.

²⁷⁵⁶ Исправлено из: свене.

²⁷⁵⁷ Исправлено из: памяти.

²⁷⁵⁸ На верхнем поле листа киноварная помета: на 26-й вопрос и ответ.

²⁷⁵⁹ На правом поле листа помета: Лука 18; Матф. 19; Марк 5.

²⁷⁶⁰ На правом поле листа помета: Матф. 9; Марк 25; Лука 8.

²⁷⁶¹ На верхнем поле листа киноварная помета: 26-е возражение.

²⁷⁶² На левом поле листа помета: Матф. 16; Марк 8; Лука 9.

²⁷⁶³ На верхнем поле листа киноварная помета: на 26-й вопрос и ответ.

²⁷⁶⁴ На правом поле листа помета: Деян. 14.

²⁷⁶⁵ На верхнем поле листа киноварная помета: 26-е возражение.

²⁷⁶⁶ На верхнем поле листа киноварная помета: на 26-й вопрос и ответ.

²⁷⁶⁷ На правом поле листа помета: Деян. 8, 12.

²⁷⁶⁸ На правом поле листа помета: 1 Моис. 40.

²⁷⁶⁹ На верхнем поле листа киноварная помета: 26-е возражение.

²⁷⁷⁰ На левом поле листа помета: Сирах 107.

²⁷⁷¹ Слова «егда умрет человек» написаны со знаком вставки, выполненным красной киноварью, другим почерком на нижнем поле листа.

²⁷⁷² На левом поле листа помета: Исаия 14.

²⁷⁷³ На верхнем поле листа киноварная помета: на 26-й вопрос и ответ.

²⁷⁷⁴ На правом поле листа помета: Даниил 4.

²⁷⁷⁵ На верхнем поле листа киноварная помета: 26-е возражение.

²⁷⁷⁶ На левом поле листа помета: Иезек. 28.

²⁷⁷⁷ На верхнем поле листа киноварная помета: на 26-й вопрос и ответ.

²⁷⁷⁸ На верхнем поле листа киноварная помета: 26-е возражение.

²⁷⁷⁹ На левом поле листа помета: Деян. 12.

²⁷⁸⁰ На левом поле листа помета: 3 Ефес. 5, стих 6; Солун. 2, беседа 3, 4.

²⁷⁸¹ На верхнем поле листа киноварная помета: на 26-й вопрос и ответ.

²⁷⁸² На правом поле листа помета: антихрист и отступление что есть.

²⁷⁸³ На правом поле листа помета: Матф. 24, 99.

²⁷⁸⁴ На верхнем поле листа киноварная помета: 26-е возражение.

²⁷⁸⁵ На левом поле листа помета: воспоминати и посланми часто подобает утверждати.

²⁷⁸⁶ На верхнем поле листа киноварная помета: на 26-й вопрос и ответ.

²⁷⁸⁷ На правом поле листа помета: 1 Солун. 3, 267.

²⁷⁸⁸ На правом поле листа помета: Рим. нравоуч. 31; Ефес. нравоуч. 21; на левом поле листа помета: 6.

²⁷⁸⁹ На левом поле листа помета: 7.

²⁷⁹⁰ На левом поле листа помета: 8.

²⁷⁹¹ На верхнем поле листа киноварная помета: 26-е возражение.

²⁷⁹² На правом поле листа помета: 9.

²⁷⁹³ На левом поле листа помета: к Рим. 2, 2 стих, 16.

²⁷⁹⁴ На верхнем поле листа киноварная помета: на 26-й вопрос и ответ.

²⁷⁹⁵ На правом поле листа помета: Рим. 1, в стихе 18, 9 и 15.

²⁷⁹⁶ На правом поле листа помета: 5.

²⁷⁹⁷ На верхнем поле листа киноварная помета: 26-е возражение.

²⁷⁹⁸ Слова «не боязни ради вражды излишныя бегати» написаны тем же почерком на левом поле листа.

²⁷⁹⁹ На верхнем поле листа киноварная помета: на 26-й вопрос и ответ.

²⁸⁰⁰ На правом поле листа помета: Царств разорение 2; Кор. нрав. уч. 23.

²⁸⁰¹ На правом поле листа помета: 1 Солун. нрав. уч. 1; Даниил 11.

²⁸⁰² На верхнем поле листа киноварная помета: 26-е возражение.

²⁸⁰³ На левом поле листа помета: 10.

²⁸⁰⁴ На левом поле листа помета: антихристова пришествия кий прибыток.

²⁸⁰⁵ На верхнем поле листа киноварная помета: на 26-й вопрос и ответ.

²⁸⁰⁶ На правом поле листа помета: понеже пагуба бывает нашему роду.

²⁸⁰⁷ На правом поле листа помета: 1 Кор. 8, стих 6.

²⁸⁰⁸ На верхнем поле листа киноварная помета: 26-е возражение.

²⁸⁰⁹ На левом поле листа помета: Иоан. 5, 16; 2 Солун. беседа 1.

²⁸¹⁰ На верхнем поле листа киноварная помета: на 26-й вопрос и ответ.

²⁸¹¹ На правом поле листа помета: 1 Кор. нрав. 10.

²⁸¹² На правом поле листа помета: 11.

²⁸¹³ На правом поле листа помета: 12.

²⁸¹⁴ На верхнем поле листа киноварная помета: 26-е возражение.

²⁸¹⁵ На верхнем поле листа киноварная помета: на 26-й вопрос и ответ.

²⁸¹⁶ На верхнем поле листа киноварная помета: 26-е возражение.

²⁸¹⁷ На верхнем поле листа киноварная помета: на 26-й вопрос и ответ.

²⁸¹⁸ На правом поле листа помета: Иерем. 7.

²⁸¹⁹ На верхнем поле листа киноварная помета: 26-е возражение.

²⁸²⁰ На левом поле листа помета: Зач. 33.

²⁸²¹ На левом поле листа помета: Колос. 2.

²⁸²² На левом поле листа помета: 8.

²⁸²³ На верхнем поле листа киноварная помета: на 26-й вопрос и ответ.

²⁸²⁴ На правом поле листа помета: стих 1.

²⁸²⁵ На правом поле листа помета: чрез вся Жена солнцем одеяная таинственно.

²⁸²⁶ На верхнем поле листа киноварная помета: 26-е возражение.

²⁸²⁷ На левом поле листа помета: Мефодиа словеса приводятся.

²⁸²⁸ На левом поле листа помета: луна под ногама Церкве церковь.

²⁸²⁹ На верхнем поле листа киноварная помета: на 26-й вопрос и ответ.

²⁸³⁰ На правом поле листа помета: Исаия 66.

²⁸³¹ На правом поле листа помета: Сион духовный Церковь есть.

²⁸³² На верхнем поле листа киноварная помета: 26-е возражение.

²⁸³³ На левом поле листа помета: крещение море таинственное.

²⁸³⁴ Исправлено из: коихждо.

²⁸³⁵ На левом поле листа помета: изверги Церкве кий.

²⁸³⁶ На верхнем поле листа киноварная помета: на 26-й вопрос и ответ.

²⁸³⁷ На правом поле листа помета: 3.

²⁸³⁸ Исправлено из: чермный.

²⁸³⁹ На правом поле листа помета: венцев царьских.

²⁸⁴⁰ Исправлено из: рыжий.

²⁸⁴¹ На правом поле листа помета: Псалом 103.

²⁸⁴² На правом поле листа помета: ангели огненнаго естества суть.

²⁸⁴³ На верхнем поле листа киноварная помета: 26-е возражение.

²⁸⁴⁴ На левом поле листа помета: Матф. 12; Лука 11.

²⁸⁴⁵ На левом поле листа помета: Притч. 26.

²⁸⁴⁶ Исправлено из: умолвяемым.

²⁸⁴⁷ Исправлено из: царьства.

²⁸⁴⁸ На верхнем поле листа киноварная помета: на 26-й вопрос и ответ.

²⁸⁴⁹ На правом поле листа помета: Мефодий приводит.

²⁸⁵⁰ Исправлено из: болящыя.

²⁸⁵¹ На верхнем поле листа киноварная помета: 26-е возражение.

²⁸⁵² На левом поле листа помета: ошиб огненнаго дракона.

²⁸⁵³ На верхнем поле листа киноварная помета: на 26-й вопрос и ответ.

²⁸⁵⁴ На правом поле листа помета: Антиох антихристов образ.

²⁸⁵⁵ Написано на правом поле листа.

²⁸⁵⁶ На правом поле листа помета: Христос сущая верных себе присвояет.

²⁸⁵⁷ Исправлено из: гоняй.

²⁸⁵⁸ Написано на правом поле листа.

²⁸⁵⁹ На правом поле листа помета: Деян. 9.

²⁸⁶⁰ На верхнем поле листа киноварная помета: 26-е возражение.

²⁸⁶¹ На левом поле листа помета: 1.

²⁸⁶² На левом поле листа помета: Ефес. 4.

²⁸⁶³ На левом поле листа помета: Христос с палицею железною упасет.

²⁸⁶⁴ На верхнем поле листа киноварная помета: на 26-й вопрос и ответ.

²⁸⁶⁵ На правом поле листа помета: святии возхищаются како глаголются.

²⁸⁶⁶ На левом поле листа помета: 6.

²⁸⁶⁷ Исправлено из: власти.

²⁸⁶⁸ На верхнем поле листа киноварная помета: 26-е возражение.

²⁸⁶⁹ На левом поле листа помета: пустыня чювственная спасает в гонениих.

²⁸⁷⁰ На верхнем поле листа киноварная помета: на 26-й вопрос и ответ.

Домашняя страница
священника Владимира Кобец