ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-19)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

сия тако суть Исаино речение, не о царех, ни о князех мира сего. Зде лепо есть и последующее слово пророка извести. И будет⁴²⁷⁹, рече, человек крыя словеса своя и сокрыется, яко водный поток, и явится в Сионе, яко река источник текущий славный в земли жаждущей. Сион бо не ино что разумеется, разве святая Церковь, (л. 905 об.)⁴²⁸⁰ а яко река источник текущий в земли жаждущей святое священное Евангелие. Таже пророк глаголет: И к сему не будут уповающу человеки. Уповающе человеки, глаголет, то есть се, якоже и Давид глаголет: Не надеятися на человеки. Аще и царие и князи не надейтеся, рече, на князя и на сыны человеческия, в них же несть спасения. Изыдет дух его и возвратится в землю свою. В той день погибнут вся помышления его. Блажен, ему же Бог Ияковль помощник его, упование его на Господа Бога своего, сотворшаго небо и землю, море и вся, яже в них, хранящаго истину ввек, творящаго суд (л. 906)⁴²⁸¹ обидимым, дающаго пищу алчющим. И прочее. Приложи же и пророк таковая же речения, но уши дадят на послушание и сердце изнемогшихся вонмет послушати. Сия рече о апостолех, овогда убо глаголаху, приложи, Господи, нам веру, иногда же, скажи нам, Господи, притчю сию, то есть усердие слышания является. Иногда же паки: Господи, камо идем? Живота вечнаго где имамы? К ним же и Господь глаголет: Имеяй уши слышати, да слышит. А еже пророк глаголет языцы немующих, скоро научатся глаголати мир. Мир не ино что, но Христов мир, то есть Евангелие, якоже и сам Господь глаголет: (л. 906 об.)⁴²⁸² Мир Мой даю вам, мир Мой оставляю вам. Таже паки пророк глаголет: И к сему не рекут юродивому владети. И к сему не рекут слуги твоя, помолчи, юрод бо юродове совещает и сердце его тще разумеет, совершает беззакония и глаголати к Господеви прелесть, яко разсеяти душа алчны и душа жаждуща тща сотворити. Совет бо злых беззаконная совещевает, разсыпати смиренныя словесы неправедными и разсыпати словеса смиренных на суде. Сия словеса пророческа толку не требуют, якоже глаголется, истина суть о беззаконницех, иже не повинуются (л. 907)⁴²⁸³ Евангелским заповедем.

Приложи же по сих и о апостолстем взаконении, глаголя: Благочестивии же смысленне совещаша. Той же совет устанет, то есть станет и не изменится вовеки, аще и преписуют нецыи на своя беззаконная веления, но Господу свидетельствующу. Небо, рече, и земля мимоидет, словеса же Моя не мимоидут. И инде рече: Не прейдет от закона, дондеже вся будут. И уже много Господем нашим Иисусом Христом и святыми Его пророки и апостоли збышася и збываются, по сему и последующая имать збытися. И иже ныне гордии законопреступо(л. 907 об.)ваху⁴²⁸⁴ зело и Божию честь и славу преписующе на свою и подписующе под ногама своима и коня и орла, пророческия таинства, град царя великаго, Бог в тяжестех Его знаем есть. Знаем есть Господь судьбы творяй, в делех руку своею увязе грешник. Не⁴²⁸⁵ восхоте разумети да ублажит. Не восхоте разумети, взысках Господа и услыша мя и от всех скорбей моих избави мя. Не восхоте разумети: Се нищий возва, и Господь услыша и, и от всех скорбий спасе и. Не⁴²⁸⁶ восхоте разумети, смирихся и спасе мя Господь. Не восхоте разумети, аще не Господь созиждет дому, всуе труди(л. 908)шася⁴²⁸⁷ зиждущии, аще не Господь сохранит град, всуе бдя и стрегий. Не восхоте разумети, Господь низводит и возводит, убожит и богатит, смиряет и высит. Услышат⁴²⁸⁸, иже ныне содержащии множество и гордящиися о народех язык, яко дана бысть от Господа держава им и сила от Вышняго, иже истяжет дела ваша, и помышления испытать, яко слузи суще Царьства Его, не судисте право, ни сохранисте закона, ниже по воли Божии ходисте, сокрушение скоро явится вам, яко суд жесточайший на тех в находящих бывает. Не лишает бо ся лица (л. 908 об.)⁴²⁸⁹ всех Владыка, ниже усрамится велможи⁴²⁹⁰, яко мала и велика сей сотвори, подобне же проразумевает о всех, державный же крепко совесть испытание Господь бо Бог ваш. Сий Бог богом, Бог великий, крепкий и страшный, иже не зрит на лица, ни возмет дара, творяй суд пришелцу и сироте и вдовице. Услышит, иже хваляйся о высоте престола своего и о множестве богатства своего, услышит Бог и смирит их сый прежде век. Несть бо им изменения, яко не убояшася Бога, яко Господь судия есть и несть у Него славы лица.

(л. 909)⁴²⁹¹ Услышат иже ныне Божие имя и славу, прекладают на свою честь и славу, и тем хвалят имя Господне и славу Его, якоже негде пишет апостол: Имя⁴²⁹² бо Господне вас ради во языцех хулится. И инде: И похулиша имя Бога имущаго область над язвами сими и не покаяшася дати Ему славу. Познается, иже ныне разширяяся достоинством церковным и мирским, егда не будет суда, но ответ, но негодование.

Паки, ответотворче, пишешь: Матфей Властарис, толкуючи, для чево ходил царь в олтарь к тайным Таинством. Глаголи ми меж иными речми и сия для того, что (л. 909 об.)⁴²⁹³ есть помазан от Бога, и для того наставляют патриархи, могут выбирать, и архимандриты и игумены не могут ли выбирать.

О Матфее. От законов святыя соборныя Церкви не ведаем, кто он есть. И о чем мы имамы святыя соборныя Церкви уставы святых апостол и святых отец седми Вселенских соборов и девяти поместных. О инех же по правилу святых апостол 85 и Лаодикийскаго собора по 58-му правилу и прочих святых отец, паче инех известныя Климентом апостолския заповеди написаныя, но за некое от иноверных татебно вверженое отвержены от святаго Вселенскаго собора. И мы по 7-го (л. 910)⁴²⁹⁴ Вселенскаго собора 1-му правилу отметаем. Аще бы ты или ин сказался и ангел быти, проповедая ново что, анафема буди по божественному апостолу.

А еже ты глаголеши: Для того царь ходил в олтарь, что помазан от Бога, и то ты солгал. Помазан есть чрез архиерея на царьство и таковых мы православных правил не обретаем. Обретаем же святаго Вселенскаго шестаго собора правило 69.

Токмо⁴²⁹⁵ царь един, ин же никто от мирских человек во очистилище да внидет.

Не достоит никому же от всех, в мирстем житии живущих, внутрь священнаго олтаря входити. (л. 910 об.)⁴²⁹⁶ Токмо же се никак не возбранено есть царьстей власти и господьству, егда хощет принести дары создавшему его Богу по некоему преданию древних отец. И сия тако суть. Но царьское величество сего правила не сохраняет. Не точию что приносит создавшему его Богу по некоему преданию древних отец, но и прежде даное святей велицей Церкви благочестивыми прежде бывшими цари и великими князи все усвоил в свои потребы, движимыя и недвижимыя вещи, о них же писано есть выше. Богу самому заповедающему⁴²⁹⁷: И да не явишися пред Господем Богом твоим тощь, (л. 911)⁴²⁹⁸ койждо по постижению руки своея, по благословению Господа Бога своего, иже дал есть тебе. И паки инде речеся⁴²⁹⁹: Не явися пред Господем тощь. Все бо се заповеди ради и приношение праведнаго похвалит олтаря и благоухание его пред Вышним. Жертва мужа праведнаго приятна и память ея незабвенна будет. Оком благим прослави Господа и не умали от начатка руки твоея во всяком даянии. Укроти лице твое и веселием освяти десятину. Даждь⁴³⁰⁰ Вышнему по даянию Его и оком благим очищение руки, яко Господь воздаяй есть и седмирицею воздаст ти. Дар бо без труда не приемлет, ни приближит бо ся (л. 911 об.)⁴³⁰¹ жертв неправеднаго, яко Господь судия есть, и несть у Него славы лица. Не⁴³⁰² приимет лица о убозем и молитву обидимаго услышит. И кто есть обиденый, паче святыя соборныя великия Церкви, ныне есть паче сира и вдовицы. Но не имать Господи презрети молитвы сираго и вдовицы, егда извещает беседу, не слезы ли вдовицы по ланитома текут и вопль нанесшаго ей, утоляяй благоволением прият будет. И молитва его до облак дойдет, молитва смиреннаго пройдет облаки, дондеже приступит, не утешится и не имать отступити, дондеже посетит Вышний судити (л. 912)⁴³⁰³ в правду. И сотворит суд и Господь не замедлит и не имать долго терпети на них, дондеже сокрушит чресла немилостивых, донележе потребит множество досадитель, и скипетры неправедных сокрушит, дондеже воздаст человеку по деянию его и по делом человеческим и по помышлению их, дондеже судит судом людем Своим и возвеселит я, иже в милости Его. Красна есть милость в день скорби Его, якоже облацы дождевнии во время бездождия.

Како же ты толкуешь государю приходити во олтарь во время причастия, не сицевая творя. Господу рекшу: Аще принесеши дар твой (л. 912 об.)⁴³⁰⁴ ко олтарю, и имать нечто брат твой на тя, остави ту дар твой пред олтарем и, шед, смирися с братом твоим и тогда, пришед, принеси. А на него, государя, Мати его святая великая соборная Церковь, которая породила водою и духом и харисмою на царьство помаза, обидима плачет яко сирота последняя и яко вдова обругана от прелюбодея Крутицкаго митрополита, прося отмщения, присно предстоя у двора его. Он же, государь, не точию мстит, но и соблаговоляет прелюбодейству его. Сам же вся сущие Ея вещи в дом свой посилова, еже чада церковная и нищая питашеся, злым (л. 913)⁴³⁰⁵ человеком емля, истощевает соколником и псарям и прочим неблагодарным злодеем, иже угодная ему творят, якоже и при патриарсех, елико нужнейших на церковной обиход и на нищих потребу изобиловаше малые останки к нему ж в руце отхождаху. Сим образом устав положен не вем по каким законом, еже празднуючи патриарси Успения Пречистыя Владычицы нашея Богородицы и Приснодевы Марии и Неделю Ваия и преставление святаго Петра митрополита Московскаго и всеа Росии чюдотворца, и в таковыя три праздники призывается от Патриарха и от всего священнаго собора царь и со всем сигклитом на праздники. И по совершении святаго праздника зовет Патриарх царя (л. 913 об.)⁴³⁰⁶ хлеба есть, и по ядении хлеба подносит Патриарх царю великие дары от останков церковных вещей. И царь приемлет те дары, отсылает во свою царьскую казну. И в том все останки церковных оброков скончаваются от года до года. А лепо было на таковые великие три праздники самому царю и царице и царевичем и царевнам и князем и бояром и всем вельможам и всем людям приносити дары, по писаному: Да не явишися тощ пред Господем Богом твоим, койждо по постижению руки своея, по благословению Господа Бога своего, иже дал есть тебе. Якоже и инде Господь заповеда, глаголя⁴³⁰⁷: Заповедь ж сыном Израилевым. И глаголи к ним, рекий: Дарове Мои и даяния Моя и приноси Мои. В воню (л. 914)⁴³⁰⁸ благовония да снабдите приносити Мне на вся праздники Моя. Начаток⁴³⁰⁹ же от гумна и от точила твоего да Ми принесеши, первенца сынов твоих да Ми даси. Такожде твориши от телца твоего и от овцы твоея и от осляте твоего и начаток стрижения твоего. Они же претворше сие Божественое повеление на ся, вси сошедшеся в праздник в церковь Господню, ничто же приносяще даров Господеви. И по совершении святыя Литоргии, у патриарха напитавшеся доволно и приемше дары, отходят в домы своя, радующеся и веселящеся, ничто же благо пред Господем сотворше или дары принесше, но сами аки оброк вземше от Божественаго наследия. Кого тако вси пощадят, (л. 914 об.)⁴³¹⁰ Бога не щадяще и достояние Господне? И глаголют: Патриарх сим и сим благословил сего и онаго. А Патриарх со всякою нуждею аки оброчник покупает драгою ценою у сего и онаго, а неблагодарнии людие, ведая обычное Патриарху к празднику пристроение, сугубые и трегубые цены емлют, за сребряные сосуды, за соболи и за золотые бархаты и атласы, и за камки и прочие потребы. И почто таковым в храм Божий приходити? Сами не приносят ничто же, но и собраное истощают. И слышано есть выше сего, колико зло есть обида. Ей, се ли не обида? Ей, обида есть и немалая святей велицей Церкви. Понеже от боязни (л. 915)⁴³¹¹ и страха не может сего Патриарх преложить, аки Божия устава или обета. Сами, якоже царьское величество, во святей церкви при святом крещении отречеся сатаны и всех дел и всех аггел его и всея службы его и всего студа его и всея славы его. И сочетася Христу Царю и Богу, и верова, и исповеда святый Символ, якоже святая Церковь прият.

Сочетание же Христу не ино что, развее веровати во Отца и Сына и Святаго Духа, Святую Троицу единосущную и неразделную, во едино Божество и во святое священное Евангелие и святых апостол и святых отец седми Вселенских соборов, якоже и самое то свидетельствует молитвословие (л. 915 об.)⁴³¹² в начале оглашения ко крещению, еже наложив руку, архиерей глаголет: Слушай зде самыя истины. О имени Твоем, Господи Боже, истины и единороднаго Твоего Сына и Святаго Твоего Духа возлагаю руку мою на раба Твоего, сподобльшагося прибегнути ко святому имени Твоему и под покровом крил Твоих сохранитися. Остави от него ветхую оную прелесть, исполни его еже в Тя веры и надежди и любви, да разумеет, яко Ты еси един Бог истинный и единородный Твой Сын Господь наш Иисус Христос и Святый Твой Дух. Даждь ему во всех заповедех Твоих ходити (л. 916)⁴³¹³ и угодная Тебе сохранити, яко аще сохранит сия человек, жив будет в них.

Зриши ли, ответотворче, ругателю Христов и попирателю святыя православныя веры, что в начале священнословие показует. Даждь ему, рече, во всех заповедех Твоих ходити и угодная Тебе сохранити, яко аще сохранит сия человек, жив будет ввек. И сие слово не разнит и от самых святых Евангелских словес. Господу глаголющу ко пришедшим к нему июдеом⁴³¹⁴: Аминь, аминь, глаголю вам, яко слушаяй словесе Моего и веруяй пославшему Мя, (л. 916 об.)⁴³¹⁵ имать живот вечный и на суд не приидет, но прейдет от смерти в живот. А не веруяй уже осужден есть, якоже на инем месте речеся: Отметаяйся⁴³¹⁶ Мене и не приемляй глагол Моих имать судящаго ему слово, еже глаголах, то судит ему в последний день.

Что же чюдно царьское величество по святему Евангелию сотворил любо, дабы и мы свидетелие были добрых его дел, по писаному: Яко да видят ваша добрая дела и прославят Отца вашего, иже на небесех. Не слышал еси, яко вера без дел мертва есть, и аще кто верует без дел, умерл (л. 917)⁴³¹⁷ есть прежде общая смерти таковый. Господу свидетельствующу: Не⁴³¹⁸ всяк глаголяй Господи, Господи, внидет во Царьство Небесное, но творяй волю Отца Моего, иже есть на небесех. Мнози рекут Мне в онь день Господи, Господи, не во Твое ли имя пророчествовахом и Твоим именем бесы изгонихом и Твоим именем силы многи сотворихом? И тогда исповем им, яко николи же знах вас, отъидете от Мене делающии беззаконие. И аще чюдеса сотворшии о имени Господни отриновени будут, а иже ничто же добро сотворшии, но и противная Евангелию, где будут, прелестниче?

Но паки на молитвословие возвратимся. (л. 917 об.)⁴³¹⁹ Таже глаголет архиерей прочее воследование: Напиши его в книзе жизни Твоея, соедини его стаду наследия Твоего, да прославится имя Твое святое в нем и возлюбленаго Твоего Сына Господа нашего Иисуса Христа и живот творящаго Твоего Духа. Да будут очи Твои, взирающе на него, милостию выну, и уши Твои, еже услышати глас моления его, возвесели его в делех руку его.

Зри же и зде опасство слову, еже услышану быти гласу моления его, а не кроме молитвы. Такожде: И возвеселитися ему в делех руку его. В которых делех? Не во иже дрова делати (л. 918)⁴³²⁰ и прочая дела, но в милости и щедротах, якоже слову правда скажет: Блажени милостивии, яко тии помиловани будут. И по сих обще всем рече: Радуйтеся и веселитеся, яко мзда ваша многа есть на небеси. Но паки и во инем молитвословии услышим не менее сих.

Сый⁴³²¹ Владыко Господи, сотворивый человека по образу Твоему и подобию и давый ему власть жизни вечныя. Таже отпадша грехом не презревый, но устроивый вочеловечением Христа Твоего спасение мира. Сам и созданиа Твое сие избавль от работы вражия, приими в Царьство Твое Небесное, отверзи его очи мысленыя, (л. 918 об.)⁴³²² воеже озаряти в нем просвещению Евангелия Твоего.

Такожде и святаго крещения в первой молитве священник моляся захотяща креститися, глаголет: И во образи Христа твоего в хотящем паки родитися моим окаянством и назидай его на основании апостол и пророк Твоих, и да не низложиши, но насади его насаждение истины во святей Твоей соборней и апостольстей Церкви и да не восторгнеши, яко да преуспевающу ему во благочестии, славится и тем всесвятое имя Твое, Отца и Сына и Святаго Духа ныне и присно и во веки веком. Аминь.

Видиши ли всюду (л. 919)⁴³²³ крещаемый запоручается святым Евангелским заповедем и апостолским и пророческим учением, якоже и в последней молитве молится священник, глаголя: Явися, Господи, на воде сей и даждь претворитися в ней крещаемому, воеже отложити убо ветхаго человека тлеемаго по похотех прелести, облещися в новаго, обновляемаго по образу Создавшаго его. Да быв сраслен по подобию смерти Твоея крещением, общник и воскресения будет и сохранив дар Святаго Твоего Духа и возрастив залог благодати, приимет почесть горняго звания и сопричтется перворожденым (л. 919 об.)⁴³²⁴ написаным на небеси, в Тебе Бозе и Господе нашем Иисусе Христе вкупе со безначалным Твоим Отцем и со пресвятым и благим и животворящим Твоим Духом.

И сия тако суть о святом крещении всякому любо во Христа, аще и царь, не ино тому, но тойжде. Такоже заповеди и обетование едино и не вем что любо царьское величество делает, от Евангелских заповедей, но своя человеческия предпочел паче Христовых. А еже бо самому ему государю хранити святыя Божия заповеди, не вем⁴³²⁵.

Господу глаголющу: Аще⁴³²⁶ любите Мя, заповеди Моя соблюдите. (л. 920)⁴³²⁷ И паки: Имеяй⁴³²⁸ заповеди Моя и соблюдаяй их, той есть любяй Мя. Заповеди которыя? Не иныя, но тыя, якоже Законоучитель сказал Господь: Возлюбиши Господа Бога твоего всем сердцем твоим и всею душею твоею и всею мыслию твоею. Си есть первая и болшая заповедь, подобна же есть ей и вторая: Возлюбиши искренняго своего яко сам себе. В сию обою заповедию весь закон и пророцы вестя. И аще бы государь царь любил Бога, любил бы убо мене, якоже пишет: Любяй Бога, любит ближняго своего, якоже и Господь сам свидетельствует⁴³²⁹: Не любяй Мя, словес Моих не соблю(л. 920 об.)дает⁴³³⁰. И слово, еже слышасте, несть Мое, но пославшаго Мя Отца. И паки: Иже есть от Бога, глаголы Божия послушает. Сего ради вы не послушаете, яко несте от Бога. Божие слово и не погрешает е, и кто может его разорить. Аще и странно и кто любо не услышав слова зазрит. Нам же паче подобает подражати Писания, якоже в Деяниих⁴³³¹ извествуется: Петр же и Иоанн, отвещавше, к нима реста: Аще праведно есть пред Богом вас послушати паче, нежели Бога судите, не можем бо мы яже видехом и слышахом не глаголати. И паки инде: (л. 921)⁴³³² Отвещав⁴³³³ же Петр и апостоли, реша, веровати подобает Богови нежели человеком. Тако и Господу учащу: Не⁴³³⁴ бойтеся убо, всяк убо иже исповесть Мя пред человеки, исповем его и Аз пред Отцем Моим, иже на небесех. А иже отвержется Мене пред человеки, отвергуся его и Аз пред Отцем Моим, иже на небесех. И что страшнее есть сего, еже не любити Господа Бога своего, и еже отвержену быти на небесех. А не любяй Бога, како может брата своего любити. Аще кто речет, Бога любити, а брата своего ненавидити, ложь есть и в сем истины несть. Глаголяй⁴³³⁵, во свете быти, (л. 921 об.)⁴³³⁶ а брата своего ненавидит, во тме есть доселе и во тме ходит и не весть, камо идет, яко тма ослепи ему очи. Не⁴³³⁷ любяй брата своего, пребывает в смерть. Всяк ненавидяй брата своего, человекоубийца есть, и весте, яко всяк человекоубийца не имать живота вечнаго, в себе пребывающаго.

Не мое се слово, апостолско есть. И аще не любяй брата своего, пребывает в смерть и человекоубийца есть и живота вечнаго не имать, в себе пребывающа. Аще и тело предам, воеже сожещи е, любве же не имам, никоея же ползы ми есть. А иже Бога не любяй (л. 922)⁴³³⁸ и святыя Церкви коликим мукам будет повинен. Не любяй бо, рече, не позна Бога, занеже Господь Бог обоя святыя сея заповеди велики нарече, еже любити Господа Бога своего. Си есть первая и болшая заповедь, всяко за первую и болшую будет болши и мучен преступаяй. И вторая подобна ей: Возлюбиши, рече, искренняго своего, яко сам себе. И паки иная: Алчен бе и напитасте, жажден и напоисте. И прочее. Просящему, рече, у тебе, дай, и хотящаго от тебе заяти, не отвратися. И еже любити враги своя и добро творити ненавидящим, благослови кленущая, и молитися (л. 922 об.)⁴³³⁹ за творящих напасть и изгоняющая. И милостыню творя, не являти, и молитися в клети, и должником оставляти долги, оставляти. И еже отпущати грехи и поститися, не помрачающе лица и не на показание человеком и сокровищ не скрывати на земли, но на небеси. Двема господинома не работати и не пещися, что ясти и пити и во что облещися, и еже что хощем сами творити умом. А иже не просто не любит, но и гонит и не еже питает, но и сущее отъемлет, которых мук будет достоин? Апостолу глаголющу: Всяк не творяй правду, несть от Бога. И инде: Иже (л. 923)⁴³⁴⁰ несть от Бога, не послушает нас. И Господь: Отметаяйся вас, Мене отметается, отметаяйся Мене, отметается и пославшаго Мя. По сему и познают вас, яко Мои ученицы, аще любите друг друга. Аще мир вас ненавидит, ведите, яко Мене прежде вас возненавиде. Аще от мира бысте были, мир убо свое любил бы, якоже несте от мира, но Аз избрах вы от мира. Сего ради ненавидит вас мир, поминайте слово, еже Аз рех: Несть раб болий Господа своего. Аще Мене изгнаша, и вас ижденут. Аще слово Мое соблюдут, и ваше соблюдут, но сия вся творят (л. 923 об.)⁴³⁴¹ вам за имя Мое.

Доволно ли ти есть к оказанию всякому крестившемуся во имя Отца и Сына и Святаго Духа о заповедех Христовых. По чему познавается христианин или ни? Аще и царь будет достоянием сумнения и еже от гонящих бегати, еже не любити отца и матере паче Бога, и еже любящих Бога и творящих святыя Его заповеди любити паче отца и матере и братии и сестр. Ноги омывати, чашу студены воды во имя Господне подати, празднаго слова не износити. К сим же и блаженны против коегождо дела не будет от славы. Господу тако свидетельствующу: Ведая раб волю Господина своего, а не творя я, (л. 924)⁴³⁴² биен будет много. И неверный в мале, и во мнозе неверен есть, и не творящее древо плода добра, посекаемо бывает. И прочее.

Како же сяковому кто любо будет во святый олтарь приходити, еже о Божественых святых заповедех нимало радя, ниже писаному Евангелскому закону повинуяся. Глаголющему: Слушаяй вас, Мене слушает, и отметаяйся вас, Мене отметается. И другое писание: Братие, повинуйтеся наставником вашим и покаряйтеся, тии бо бдят о душах ваших. Како же той послушник Божий будет, иже не слушает Божиих учитель, но и отметник (л. 924 об.)⁴³⁴³ есть таковый, и не просто не слушает, но и себе повелевает архиереом Божиим слушати, и не просто слушати, но и повиноватися. Божие слово учит нас: Аще согрешит к тебе брат, шед, обличи его. Аще не послушает тебе единаго, поими с собою единаго или двух, да при двою или триех свидетелех станет всяк глагол. Аще ли преслушает, повеждь церкви, аще же и церковь преслушает, буди тебе, яко иноязычник и мытарь. Тако и божественный апостол к Тимофею пиша, глаголет: По первом и втором наказании, сих отвращайся. Ведый, яко таковый (л. 925)⁴³⁴⁴ развратился есть.

О таковых древле писано есть⁴³⁴⁵: Не приемли имени Господа Бога твоего, не очистит бо Господь прилагающих имя Его туне. То есть, якоже древле, аще бы израильтянином нарицался, дела же сопротивная мудрствовал, якоже и апостол Павел пишет: Не вси, иже суть от Израиля, сии суть Израиль. Ни занеже иже от Авраама, сии суть сынове Авраамли, но иже дела Авраамская сотворит, той сын Авраамль есть. Тако и иже не всяк крестивыйся христианин спасется, но иже дела христианская достойна обещанию сотворит, той по труду своему мзду приимет. (л. 925 об.)⁴³⁴⁶ Сего ради Христос многообразно о сем показа. Овогда глаголя: Что же Мя зовете, Господи, Господи, и не творите, яже глаголю. Иногда же: Мнози рекут Ми в он день Господи, Господи, не Твоим ли именем пророчествовахом? И прочее. Таже притчею рече, еже созда храмину на песце, ей же разрушение бысть велие. И еже изыде Сеяй сеяти и сеющу Ему, два падоша при пути и другое паде на камени. И прочее. И еже уподобися Царьство Небесное человеку, сеявшу доброе семя на селе своем, спящим же человеком прииде враг его и всея плевелы посреде пшеницы и отъиде.

И⁴³⁴⁷ еже восхоте стязатися о словеси (л. 926)⁴³⁴⁸ с рабы своими и приведоша Ему единаго должника тмою талант, не имуще ему отдати, повеле продати, и милосердовав, долг отпусти ему. И за непомилование клеврета своего повеле его предати мучителем. И⁴³⁴⁹ еже уподобися Царьствие человеку домовиту, иже изыде купно утро наяти делателя в виноград свой, и за роптание, возми, рече и иди. Где иди? Во тму кромешную. И⁴³⁵⁰ еже человек некий, имяше два сына, и пришед к первому, рече: Чадо, иди днесь делай в винограде Моем. И един хотяше ити, и не иде, и другий, не хотяше ити, последи, раскаявся, пойде. И паки рече, человек некий бе домовит, (л. 926 об.)⁴³⁵¹ иже насади виноград и оплотом огради его, ископа в нем точило и созда столп, и предаст делателем и отъиде. И паки рече⁴³⁵²: Уподобися Царьствие Небесное человеку царю, иже сотвори браки сыну Своему, и посла рабы своя празвати званыя на браки, и не хотяху приити. И прочее.

И паки⁴³⁵³: Уподобися, рече, Царьствие Небесное десяти девам, яже прияша светилники своя и изыдоша во сретение Жениху. Пять же бе от них мудры и пять юродивы. И прочее. И⁴³⁵⁴ якоже бо человек некий, отходя, призва своя рабы и предаст им имение свое, и овому убо даст пять талант, овому же два, овому же (л. 927)⁴³⁵⁵ един, коемуждо противу силе и отъиде абие. И прочее.

Видел ли еси Божественое изоображение, что имать нас ползовати, еже звати Господи, Господи, и не творити, яже Божественая заповедь повелевает. Самому Господу глаголющу: Не всяк глаголяй Ми Господи, Господи, внидет в Царьство Небесное, но творяй волю Отца, иже есть на небесех. Аще бо матере и братий отрече Спас, кто суть мати Моя и братия? Сии суть слышащии Слово Божие и творящии, той есть братия Моя, сестры и мати Ми есть. Что же имать ползовати кого, здание неутверженое, сеяние неснабдимое, рабство (л. 927 об.)⁴³⁵⁶ непотребное, наимство ропотливое, сыновство непослушливое, винограда делание неугодное, брака небрежение, девство непросвещеное, талантов неусугубление, крещение несохранное, заповедей Христовых небрежение. Яко вера без дел не спасет, тако ни христианское имя не спасет, аще дел не сотворим христианских, якоже выше речеся: Что же Мя зовете, Господи, Господи, и не творите, яже Аз глаголю. И паки инде рече: Неслышателие праведни, творцы, блажени бо суть слышащии слово Божие и творящее. Зане аще кто слышатель есть, а не творец, уподобися (л. 928)⁴³⁵⁷ мужу, смотряюще лице быта своего, усмотрив, отъиде, абие забыв, каков бе. Что же Мя зовете, Господи, Господи, и не творите, яже Аз глаголю. Глаголяй, яко познах Его, и заповеди Его не соблюдает, ложь есть. Что же Мя зовете, Господи, Господи, и не творите, яже Аз глаголю. Слыши, аще кто речет, яко люблю Бога, а брата своего ненавидит, ложь есть. Что же Мя зовете, Господи, Господи, и не творите, яже Аз глаголю. Слыши, и яко всяка лжа от истины несть, о таковых древле речеся убо: Да⁴³⁵⁸ не приимеши имени Господа Бога твоего всуе, не очистит бо Господь Бог твой прилагающему имя Его всуе. Се есть клятва (л. 928 об.)⁴³⁵⁹, еже обещатися Господеви и не воздати. Якоже глаголется: Не во лжу кленешися, воздаси же Господеви клятвы твоя. Послушай, что есть клятва. Аврааму⁴³⁶⁰ же обетова Бог, понеже ни единем имяше болшим клятися, клялся собою, глаголя: Истиною благословствуя, благословлю тя, и множа, умножу тя. Зри клятвы образ. Се⁴³⁶¹ есть Бога Отца клятвы образ ко Аврааму. Послушай сыновни клятвы. Егда убо кленется: Аминь⁴³⁶², аминь, глаголю вам, яко слушаяй словеси Моего и веруяй пославшему Мя имать живот вечный. И инде паки: Аминь⁴³⁶³, аминь, глаголю (л. 929)⁴³⁶⁴ тебе, веруяй в Мя не умрет. Емлиши ли сим веру? Тако и Давид клятся. Кляхся, рече, и поставих сохранити судбы правды Твоея. И паки: Клятся Господеви обещася Бог Ияковлю. И прочее. Зри, клятва не ино что, точию завет к Богу, яко во крещении отрицаемся сатаны и всех дел его. Также по сем рече и сочетахся Христу, еже есть обещахся Христу. То есть клятва, якоже апостол глаголет⁴³⁶⁵: Или не разумеете, яко елицы во Христа Иисуса крестихомся, в смерть Его крестихомся, спогребохомся убо с Ним крещением в смерть. Да якоже воста Христос от мертвых (л. 929 об.)⁴³⁶⁶ славою Отчею⁴³⁶⁷, тако и мы во обновление жизни ходити начнем. Аще бо сообразны быхом по подобию смерти Его, но воскресению будем причастницы.

Сие ведяще, яко ветхий наш человек с Ним сраспятся, да упразднится тело греховное, яко ктому не работати нам греху, умерый бо оправдися от греха. Аще ли же умрохом со Христом, веруем, яко и живи будем с Ним. Ведяще, яко Христос воста от мертвых, к тому уже не умрет, смерть нань к тому не обладает. Еже бо умре греху, умре единою, а еже живет, Богови живет.

(л. 930)⁴³⁶⁸ Тако и вы помышляйте себе, мертвым убо быти греху, живым же Богови, о Христе Иисусе Господе нашем, да не царьствует убо грех в мертвенем вашем теле, воеже послушати ему в похотех его, ниже представляйте уды ваша оружие неправды греху, но представляйте себе Богови. Яко от мертвых живы и уды ваша оружия правды Богови, грех бо вами да не обладает. Несте бо под законом, но под благодатию, что убо согрешим ли, зане несмы под законом, но под благодатию, да не будет. Не весте ли, яко Ему же представляете себе рабы в послушание, рабы есте (л. 930 об.)⁴³⁶⁹ Его послушаете, или греха в смерть или послушания в правду. Смотри апостолское завещание, что имать ползовати крещение, аще дел не будет, от празднаго имени христианскаго не будет спасения, якоже и Великий Василий пишет в правиле 45: Христиан⁴³⁷⁰ сый ругаяся Христу, от наречения ползы не приимет.

Вера без дел мертва есть, никая же бо полза от наречения, еже нарицатися христианину, Христовы же заповеди отметати и делы злыми тому ругатися. Но есть ли кто крестився во Христа Иисуса, а заповедей Христовых не творит, таковый клятвопреступник есть, (л. 931)⁴³⁷¹ понеже завет положил со Христом во всем святыя Его заповеди слушати и творити, и не сотвори по воли Его, биен будет много. Сам Господь свидетельствует: И не точию заповедей Христовых кто не сотворит, но аще кто и святых ученик апостол и учителей не послушает. И иже аще рече: Не приимет вас, ниже послушает словес ваших, исходяще из дому или из града того, отрясите прах ног ваших. Аминь, глаголю вам, отраднее будет земли Содомстей и Гоморстей в день Судный, неже граду тому.

Виждь, како Господь с клятвою извещает, что будет, иже не приемшим словес святых Его ученик (л. 931 об.)⁴³⁷² и апостол и святых учителей. А иже кто крестився и обет со Христом положив хранити святыя Его заповеди, и не сохрани завета Божия и своего обещания, которых мук будет достоин? Не паче ли тех, которыя не прияли в дому своя, ниже послушали словес апостолских, их же Господь осуди паче содомлян и гоморян. А иже кто сам не хранит заповедей Божиих, но и хранящих гонит и всяко ненавидит без правды, и не просто гонит, но и о заповедех Божиих не радети соблаговолит, что тому будет?

Господу глаголющу: Аще⁴³⁷³ кто по Мне не пребудет, извержется вон, якоже розга (л. 932)⁴³⁷⁴ изсышет, и собирают ю, во огнь влагают и згарает.

Клятвенник⁴³⁷⁵, рекше кленыйся во лжю, или преступаяй истиную клятву, десять лет запрещение приимет, два лета да плачется, три да послушает Божественых писаний, четыре же лета припадает и едино лето да стоит с верными и потом Божественаго общения причастится.

По⁴³⁷⁶ нужди кленся, по шести лет прият будет, а иже без нужди, по дванадесятом.

Клятся некто сего (л. 932 об.)⁴³⁷⁷ или инаго не сотворити, якоже се судиа сый, ни подписати суда нанесенаго на некоего. И потом понужден быв от болшия власти и подписав, преступи клятву, таковый легчайшим запрещением повинен есть, нужди ради, за шесть бо лет запрещение приимет. Аще же кроме некия нужди преступит, о нем же клятся, два лета да плачется и два да послушает Божественых писаний, пять лет да пребудет с припадающими и два лета прият будет с верными и милостыни с ними приобщится. И тако по первоенадесятем лете тела и крове Христовы да сподобится.

(л. 933)⁴³⁷⁸ Усмотрил ли о клятвопреступницех суть, како узаконоположися, яко ни церковнаго стояния, ниже с верными молитвы достоин есть. Но ли и сего не содрогаеши? Послушай самаго Христа, ко всем глаголюща: Слушаяй вас, Мене слушает, и отметаяйся вас, Мене отметается. Послушайте же Василиа Великаго правила 73.

Христов отметник во всем житии своем да кается.

Иже от Христа отвержется, во все время живота своего должне есть плакатися. На исходе же жития сподобится святаго Причащения.

1 2 3 4 5 6 7 8 9 10 11 12 13 14 15 16 17 18 ... 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

⁴²⁷⁹ На правом поле листа помета: Исаия 32.

⁴²⁸⁰ На верхнем поле листа киноварная помета: 26-е возражение.

⁴²⁸¹ На верхнем поле листа киноварная помета: на 26-й вопрос и ответ.

⁴²⁸² На верхнем поле листа киноварная помета: 26-е возражение.

⁴²⁸³ На верхнем поле листа киноварная помета: на 26-й вопрос и ответ.

⁴²⁸⁴ На верхнем поле листа киноварная помета: 26-е возражение.

⁴²⁸⁵ На левом поле листа помета: Псалом 35; Псалом 33.

⁴²⁸⁶ На левом поле листа помета: Псалом 126.

⁴²⁸⁷ На верхнем поле листа киноварная помета: на 26-й вопрос и ответ.

⁴²⁸⁸ На правом поле листа помета: Притч. 6.

⁴²⁸⁹ На верхнем поле листа киноварная помета: 26-е возражение.

⁴²⁹⁰ На левом поле листа помета: 5 Моис. 10; 2 Парал. 29; Иов 34; Сирах 35; к Рим. 2; Гал. 2; Ефес. 6; Колос. 3; Деян. 10; 1 Петр 1.

⁴²⁹¹ На верхнем поле листа киноварная помета: на 26-й вопрос и ответ.

⁴²⁹² На правом поле листа помета: Апок. 6.

⁴²⁹³ На верхнем поле листа киноварная помета: 26-е возражение.

⁴²⁹⁴ На верхнем поле листа киноварная помета: на 26-й вопрос и ответ.

⁴²⁹⁵ На правом поле листа помета: лист 199.

⁴²⁹⁶ На верхнем поле листа киноварная помета: 26-е возражение.

⁴²⁹⁷ На левом поле листа помета: 2 Моис. 23 и 34; Сирах 35.

⁴²⁹⁸ На верхнем поле листа киноварная помета: на 26-й вопрос и ответ.

⁴²⁹⁹ На правом поле листа помета: Сирах 35.

⁴³⁰⁰ На правом поле листа помета: Товив. 4; 2 Кор. 9.

⁴³⁰¹ На верхнем поле листа киноварная помета: 26-е возражение.

⁴³⁰² На левом поле листа помета: 5 Моис. 10; 2 Парал. 19; Иов 34; Мудр. 6; Деян. 10; к Рим. 2; Галат. 2; Ефес. 6; Колос. 3; 2 Петр 1.

⁴³⁰³ На верхнем поле листа киноварная помета: на 26-й вопрос и ответ.

⁴³⁰⁴ На верхнем поле листа киноварная помета: 26-е возражение.

⁴³⁰⁵ На верхнем поле листа киноварная помета: на 26-й вопрос и ответ.

⁴³⁰⁶ На верхнем поле листа киноварная помета: 26-е возражение.

⁴³⁰⁷ На левом поле листа помета: 4 Моис. 28.

⁴³⁰⁸ На верхнем поле листа киноварная помета: на 26-й вопрос и ответ.

⁴³⁰⁹ На правом поле листа помета: 2 Моис. 22; выше 12; Лук. 6; Езек. 44; 4 Моис. 18; выше 10; 5 Моис. 18.

⁴³¹⁰ На верхнем поле листа киноварная помета: 26-е возражение.

⁴³¹¹ На верхнем поле листа киноварная помета: на 26-й вопрос и ответ.

⁴³¹² На верхнем поле листа киноварная помета: 26-е возражение.

⁴³¹³ На верхнем поле листа киноварная помета: на 26-й вопрос и ответ.

⁴³¹⁴ На правом поле листа помета: Иоан. 5.

⁴³¹⁵ На верхнем поле листа киноварная помета: 26-е возражение.

⁴³¹⁶ На левом поле листа помета: Иоан. 12.

⁴³¹⁷ На верхнем поле листа киноварная помета: на 26-й вопрос и ответ.

⁴³¹⁸ На правом поле листа помета: Матф. 7; Лук. 6; к Рим. 2; Иоан. 1.

⁴³¹⁹ На верхнем поле листа киноварная помета: 26-е возражение.

⁴³²⁰ На верхнем поле листа киноварная помета: на 26-й вопрос и ответ.

⁴³²¹ На правом поле листа помета: оглашения.

⁴³²² На верхнем поле листа киноварная помета: 26-е возражение.

⁴³²³ На верхнем поле листа киноварная помета: на 26-й вопрос и ответ.

⁴³²⁴ На верхнем поле листа киноварная помета: 26-е возражение.

⁴³²⁵ Далее затерта одна строка.

⁴³²⁶ На левом поле листа помета: Иоан. 14; 10 Моис. 6.

⁴³²⁷ На верхнем поле листа киноварная помета: на 26-й вопрос и ответ.

⁴³²⁸ На правом поле листа помета: Матф. 22; Марк 12; Лук. 10.

⁴³²⁹ На правом поле листа помета: Иоан. 14.

⁴³³⁰ На верхнем поле листа киноварная помета: 26-е возражение.

⁴³³¹ На левом поле листа помета: Деян. 4.

⁴³³² На верхнем поле листа киноварная помета: на 26-й вопрос и ответ.

⁴³³³ На правом поле листа помета: Деян. 5.

⁴³³⁴ На правом поле листа помета: Матф. 10; Марк 8; Лук. 9 и 12; 2 Тим. 2.

⁴³³⁵ На правом поле листа помета: 1 Иоан. 2.

⁴³³⁶ На верхнем поле листа киноварная помета: 26-е возражение.

⁴³³⁷ На левом поле листа помета: 1 Иоан. 3.

⁴³³⁸ На верхнем поле листа киноварная помета: на 26-й вопрос и ответ.

⁴³³⁹ На верхнем поле листа киноварная помета: 26-е возражение.

⁴³⁴⁰ На верхнем поле листа киноварная помета: на 26-й вопрос и ответ.

⁴³⁴¹ На верхнем поле листа киноварная помета: 26-е возражение.

⁴³⁴² На верхнем поле листа киноварная помета: на 26-й вопрос и ответ.

⁴³⁴³ На верхнем поле листа киноварная помета: 26-е возражение.

⁴³⁴⁴ На верхнем поле листа киноварная помета: на 26-й вопрос и ответ.

⁴³⁴⁵ На правом поле листа помета: 2 Моис. 20; 3 Моис. 19; 5 Моис. 5; Матф. 5.

⁴³⁴⁶ На верхнем поле листа киноварная помета: 26-е возражение.

⁴³⁴⁷ На левом поле листа помета: Матф. 18.

⁴³⁴⁸ На верхнем поле листа киноварная помета: на 26-й вопрос и ответ.

⁴³⁴⁹ На правом поле листа помета: Матф. 19.

⁴³⁵⁰ На правом поле листа помета: Матф. 21.

⁴³⁵¹ На верхнем поле листа киноварная помета: 26-е возражение.

⁴³⁵² На левом поле листа помета: Матф. 22.

⁴³⁵³ На левом поле листа помета: Матф. 25.

⁴³⁵⁴ На левом поле листа помета: 25.

⁴³⁵⁵ На верхнем поле листа киноварная помета: на 26-й вопрос и ответ.

⁴³⁵⁶ На верхнем поле листа киноварная помета: 26-е возражение.

⁴³⁵⁷ На верхнем поле листа киноварная помета: на 26-й вопрос и ответ.

⁴³⁵⁸ На правом поле листа помета: 5 Моис. 5.

⁴³⁵⁹ На верхнем поле листа киноварная помета: 26-е возражение.

⁴³⁶⁰ На левом поле листа помета: ко Евреом 6; 1 Моис. 12 и 17 и 21; Псалом 104; Лук. 1.

⁴³⁶¹ На левом поле листа помета: Евреом 6; Бесед. 11.

⁴³⁶² На левом поле листа помета: Иоан. 6.

⁴³⁶³ На левом поле листа помета: Иоан. 3.

⁴³⁶⁴ На верхнем поле листа киноварная помета: на 26-й вопрос и ответ.

⁴³⁶⁵ На правом поле листа помета: к Рим. 6.

⁴³⁶⁶ На верхнем поле листа киноварная помета: 26-е возражение.

⁴³⁶⁷ На левом поле листа помета: Ефес. 4; Колос. 3; Евреом 12; 1 Петр 2; 1 Кор. 6; 2 Тим. 2.

⁴³⁶⁸ На верхнем поле листа киноварная помета: на 26-й вопрос и ответ.

⁴³⁶⁹ На верхнем поле листа киноварная помета: 26-е возражение.

⁴³⁷⁰ На левом поле листа помета: лист 239.

⁴³⁷¹ На верхнем поле листа киноварная помета: на 26-й вопрос и ответ.

⁴³⁷² На верхнем поле листа киноварная помета: 26-е возражение.

⁴³⁷³ На левом поле листа помета: Иоан. 15; Колос. 1.

⁴³⁷⁴ На верхнем поле листа киноварная помета: на 26-й вопрос и ответ.

⁴³⁷⁵ На правом поле листа помета: лист 243.

⁴³⁷⁶ На правом поле листа помета: лист 246.

⁴³⁷⁷ На верхнем поле листа киноварная помета: 26-е возражение.

⁴³⁷⁸ На верхнем поле листа киноварная помета: на 26-й вопрос и ответ.

Домашняя страница
священника Владимира Кобец