ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-14)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

мотри, злых предателю, како зде и сам свидетельствуеши, что при прежних государех и блаженыя памяти при великом государе царе и великом князе Михаиле Феодоровиче всея Русии на патриарших приказных и на дворовых людей и на детей боярских и на крестьян и на всяких чинов людей, которые живут в патриарших домовых вотчинах, во всяких делех суд давали на патриаршем (л. 727 об.)³⁶⁶³ дворе. А ты самаго патриарха в суд мирской низвел, как пишешь в 10-й главе в 30-й и в 31-й статье: Будет кто обезчестит патриарха всякаго чину люди даже и до стрелцов и мужиков, а по суду и по сыску чинить указ коемуждо.

А во 12 главе в 3-й статье пишешь: А которыя патриаршия приказныя и дворовые люди и дети боярския и патриаши крестьяня учнут в которых приказех на каких людех всяких дел искати, а ответчики на них в тех же приказех, не сходя с суда, учнут встречно искать, и на них суд давать в тех же приказех.

(л. 728)³⁶⁶⁴ И коли уж в том же приказе приказных патриарших и всяких чинов людей, где они сами искати станут, то уже и сам патриарх в котором приказе о своем безчестье станет бити челом на ково, и тем противно в том же приказе волно и на патриарха бити челом, в какове деле похотят, и указ тот же патриаху, со стрелцом и с мужиком.

Такожде и митрополитом и архиепископом и епископом и прочаго церковнаго причету, как пишешь в 13 главе в 1-й статье.

На митрополитов и архиепископов и епископов и прочее суд давать в Монастырском приказе.

А которые (л. 728 об.)³⁶⁶⁵ митрополичьи и архиепископли и епископли приказные и дворовые люди и дети боярские и крестьяне, также и розных монастырей архимариты и игумены и строители и келари и казначеи и соборные старцы и монастырские слуги и крестьяне учнут в котором приказе искати всяких чинов на людех, а ответчики после его ответу учнут по челобитным на тех исцах искать своих исковых дел, и тем ответчиком на митрополитов и на архиепископов и на епископов и на архимаритов и на игуменов и на строителей и на келарей, и на казначеев и на соборных и на рядовых (л. 729)³⁶⁶⁶ старцов и на митрополичих и на архиепископлих и на епископлих приказных и на двороых людей и на детей боярских и на монастырских слуг и на крестьтян по их исковым челобитным суд давать в тех же приказех против их ответчиковых челобитен.

Да якоже в 10-й главе в 1-й статье написал еси: Суд един от мала и до велика, не описуя чина и достояния, то уже и казни неотменны, как простым людям, так и священнаго чину, патриарху и митрополиту и архиепископу и епископу и архимандриту и игумену и священнику и диакону и всем прочим причетником.

(л. 729 об.)³⁶⁶⁷ Написано в 10-й главе в 106-й статье: А будет кто ни буди, пришед в которой приказ к суду или для инаго какова дела, судью обезчестит непригожим словом, а сыщется про то допряма, и того за государеву пеню бити кнутом, а судье велеть на нем доправити безчестие.

И во 142-й статье 10-й же главы: Будет кто наказную или приставную память и государевы грамоты отъимет и издерет, и тем он приказных людей, от которых тот пристав послан будет, обезчестит, а сыщется про то допряма, и такова непослушника за государеву грамоту бити кнутом и посадити в тюрму на три месяцы.

(л. 730)³⁶⁶⁸ И аще бы принужен кто был священнаго чину, патриарх или митрополит или архиепископ или епископ или архимандрит или игумен или священник или дьякон даже до последних причетник по твоим беззаконным законом в судище, не точию послушал бы, но поплевал и про судью беззаконнаго и закон, якоже отроцы по повелению цареву не точию понудишася, но и оплеваху, такоже и прочии святии мученицы исповедницы, о них же слышим во вселетном воспоминании в книге Прологе, како храборски потщася влекоми на судища, не точию повинушася, но и оплеваша (л. 730 об.)³⁶⁶⁹ и прокляша беззаконие их.

Тако и ныне: Аще кто за святый евангельский закон и за заповеди Христовы и святых апостол и святых отец каноны станет и мужески подвигнется, якоже и первии подвижницы, не точию судьи послушает, но и оплюет и проклянет веление его и закон, такожде и у пристава наказную и приставную память аще кто отъимет и издерет и поплюет и потопчет, не погрешит таковый своего спасения, якоже и первомученицы.

По чесому же ли се разумно будет? Свидетель сему первый Подвигоположник, самая истина Христос, глаголяй. (л. 731)³⁶⁷⁰ Евангелие: Се³⁶⁷¹ Аз посылаю вас, яко овцы посреде волков. Будите же мудри яко змия и цели яко голубие.

Хощет Господь всем верующим в Него мудрым быти, даже не слушат яко овцам быти, име и возмниши яко несмыслену подобает бывати христианину. Глаголет же, яко и мудру подобает быти и яко ведети, како подобает пребывати посреде многих враг, якоже бо змий все тело свое проче дает на биение, главу же токмо соблюдает, тако и христианин вся имения дает и тело свое поражающим. Главу же, еже есть Христос и вера, яже к нему, (л. 731 об.)³⁶⁷² и закон и заповеди да сохранена да будет даже до смерти.

Евангелие: Блюдите³⁶⁷³ же ся вы сами, внемлете же от человек, прежде же всех сих возложат на вы руки своя и изжденут, предоюще на сонмища и темница, и на соборищах биени будесте пред воеводы и владыки и цари ведени будесте Мене ради. Во свидетельство им и языком предани же будете и родители и братиею и родом и други, и умертвят от вас, и будете ненавидими от всех имене Моего ради. И влас главы вашея не погибнет, в терпении вашем стяжите душа ваша.

И паки инде: Блажени изгнани (л. 732)³⁶⁷⁴ правды ради, яко тех есть Царьство Небесное. Блажени есте, егда поносят вам и ижденут вы и рекут всяк зол глагол на вы лжуще, имени Моего ради.

Не иже бо токмо уничижаем, блажен, но егда Христа ради и изгонится. Аще ли си две, не суть окаянен он есть, а не блажен, яко многих соблажняя. Понеже и злодее и разорителие закона евангелскаго и заповедей оглаголуеми и обличаеми от любящих и хранящих евангелское слово, мнят тяжко себе и поносно быти. И того ради умыслиша, якоже ты, князь Никита, новый закон написал советом антихриста, (л. 732 об.)³⁶⁷⁵ учителя твоего в 10 главе в 83 статье: А будет митрополит или архиепископ, или епископ, или архимарит и прочее священнаго чину обесчестит словом бояр и околничих и прочих, а сыщется про то допряма, и им по сыску тем людям, кого они обезчестят, платить за бесчестье против их окладов.

А будет которому архимариту или игумену и прочих за чье безчестие платить будет нечим, и на них тем людям править безчестье нещадно до тех мест, как они с ысцы учинят зделку или как (л. 733)³⁶⁷⁶ в том исцом своим добьют челом.

Не суть ли дияволской се закон, ей, самаго антихриста, дабы никто не смел тяжести ради уложеныя никому о правде слова Божия проповедати, по писаному: Не обличай безумных, да не возненавидят тя. Обличение бо нечестивому, мозолие ему есть. Мозоль бо аще и не велми велика есть, но болезнена, тако и не приемлющим слова Божия, тяжко им мнится, аще кто возглаголет о правде Божии. Безчестие себе быти мнят и поношение. Того ради и Господь ко учителем слова рече: Аще согрешит к тебе брат твой, иди, обличи его. Аще ли послушает (л. 733 об.)³⁶⁷⁷ тебе, приобрел еси брата своего, аще ли не послушает, поими с собою единаго или двух, да при двою или треми станет всяк глагол, то есть, дабы не приложили на оглаголующаго ложна слова, еже есть не мнили безчестие, якоже выше речеся. И аще по сих, рече, не послушает, повеждь церкви, то есть архипастырю церкви, патриарху или митрополиту или архиепископу или епископу и подобных от сих, и он накажет его повиноватися Божествеными евангелскими заповедем. И аще презрит таковое наказание, тогда не повинет таковый, аще такова презорника укорит и наречет (л. 734)³⁶⁷⁸ его богоотступником и антихристовым предтечею и врагом Божиим и горее иноязычника и мытаря и повинника мукам вечным, почае содомлян и гоморян и грешнейши. На них же паде столп силоямский и поби их, и аще не покаются, такожде погибнут, якоже и они. И горе им проповедати паче Вифсаиды и Хоразина, не послушающим слова Божия, понеже зде не устыдеся Господа Бога и Его словес имать постыдетися пред ангелы Божиими. Тако Господу засвидетельствующу, якоже и Павел Елиму волхву, противящемуся, хотящаго Анфипата развратити от веры. (л. 734 об.)³⁶⁷⁹ Савл же, иже и Павел, исполнися духа, возрев нань, рече: О исполненне всякоя лсти и всякоя злобы сыне дияволов, враже всякоя правды, не престаеши ли, развращая пути Господня правыя? От³⁶⁸⁰ таковых убо по Божественей заповеди из града и из дому исходити и прах ног своих отрясти во свидетельство им. Якоже и деяния повествуют Павла верховнаго апостола тако сотворша.

И воздвигоша³⁶⁸¹, рече, гонение велико на Павла и Варнаву, и изгнаша их от предел своих. Они же отрясше прах от ног своих на них, приидоша во Иконию. И паки инде речеся: Противящим же ся (л. 735)³⁶⁸² им и хулящим отряс ризы своя, рече к ним: Кровь ваша на главах ваших. Чист аз, отныне во языки иду.

И аще кто и ныне, опустев, не восхощет слова Божия послушати, и не просто, но и безчестие вменив быти, и по беззаконному Уложению за бесчестие онаго непокориваго и беззаконнаго человека сребра или злата уставленую меру править или и на какие муки нанесут томителныя, таковый радуйся и веселися, яко мзда таковаго многа на небеси. Тако бо рече Спас: Изгнаша пророки, иже прежде вас, но влас главы вашея (л. 735 об.)³⁶⁸³ не погибнет, в терпении вашем стяжите души ваши.

Евангелие: Како³⁶⁸⁴ таковый может помолитеся ко Господу и глаголати: И остави нам долги наша, якоже и мы оставляем должником нашим.

Тако имать оставити и наша согрешения Господь Бог, якоже мы клевретом своим временная, и той вечная. Аже бо зло помним и глаголем, остави нам, якоже и мы оставляем, а не оставляем, то себе усугубляем, паче лжу творяще пред Богом, нас бо имать Бог образ. И якоже мы творим ближнему, тако и Бог сотворити имать нам. (л. 736)³⁶⁸⁵ Аще благотворим, благо и нам сотворит, и аще мучим мы, и той имать вечно мучити нас. Тем же и глаголет Евангелие: Аще³⁶⁸⁶ бо оставите человеком согрешения их, оставит и вам Отец ваш небесный.

Зде являет, яко ни сам той Сын хощет оставляти согрешения человеком, аще мы не прежде оставим. Тогда, рече, оставит Отец ваш небесный.

Евангелие: Аще ли же не оставит человеком согрешения их, ни Отец ваш небесный оставит вам согрешения ваша.

Ничто же бо тако ненавидит Бог, якоже сердце немилостиво и суровство (л. 736 об.)³⁶⁸⁷ звериное, еже убивати и мучити брата своего. Зверско бо, еже любовь по разуму не имети и не миловати братию свою, братия бо есмы, якоже являет вышереченое слово, оставит и вам Отец ваш небесный, назнамена котораго Отца чада, не иже от по плоти рождьшаго отца коегождо, но Отца вашего небеснаго, яко да усрамимся чада, имея Отца небеснаго, тем же и о Себе глаголет яко: Не ищу волю Мою, но волю пославшаго Мя. И паки: Не могу Аз о себе творити ничесо же. И ко июдеом глаголет: Аминь³⁶⁸⁸, аминь глаголю вам, не может Сын о себе творити ничесо же, (л. 737)³⁶⁸⁹ аще не еже видит Отца творяща, яже бо Он творит, сия и Сын такожде творит. Отец бо любит Сына, вся³⁶⁹⁰ показует Ему.

И паки инде рече³⁶⁹¹: Аз, еже видех у Отца Моего, глаголю, и вы, убо еже видесте у отца вашего, творите. Отвещаша и речаша Ему: Отец наш Авраам есть. Глагола им Иисус: Аще чада Авраамля бысте были, дела Авраамля бысте творили. Ныне же ищете Мене убити, человека иже истину, вам глаголах, еже слышах от Бога. Сего Авраам несть сотворил, вы творите отца вашего. Реша же Ему: Мы от любодеяния несмы рождени, единаго Отца имамы Бога.

Господь убо отца им написует диявола, не бо по достоянию, но от дел их видит. Они же выспрь идолу Авраама приносят. Часто же Господь убийственое их поминает произволение, ищете бо Мене, рече, убити и соглашаете на Мя. Како убо Онаго сынове есть, занеже Отчих дел не имате, о сродствии хвалитеся. Должни убо есте, аще хощете поистине Онаго чада именоватися и добродетелем подобитися. Они же паки рекоша: Мы от любодеяния несмы рождени, единаго Отца имамы Бога.

Виждь неразумнаго их кичения. Господь убо и Авраамля (л. 738)³⁶⁹³ сродства изметается, они же тако гордят, якоже сыны себе Божия от неразумия своего сотворяют. Зане слышаша, первенец сын Мой Израиль. И сего ради хвалятся Божиим усыновлением. А достойно бе им слышати, еже Богу инде глаголющу пророком³⁶⁹⁴: Сыны родих и вознесох. Тии же Мене отвергошася.

Паки³⁶⁹⁵ рече им Иисус: Аще Бог Отец ваш бы был, любили убо бысте Мене. Аз бо от Бога изыдох и приидох, не о себе приидох, но Той Мя посла. Почто беседы Моея не разумеете, яко не можете слышати словесе Моего. Вы отца вашего диявола есте (л. 738 об.)³⁶⁹⁶ и похоти отца вашего хощете творити. Он человекоубийца бе искони и во истине не стоит, яко несть истины в нем. Егда глаголет лжю, от своих глаголет, яко ложь есть и отец лжи. Аз же зане истину глаголю, не веруете Мене. Тем же на инем месте свидетельствует, глаголя³⁶⁹⁷: Аще Аз свидетельствую о Мне, свидетельство Мое несть истинно, ин есть свидетельствуяй о Мне, и вем, яко истино есть свидетельство Его, еже свидетельствует о Мне. Вы посласте ко Иоанну, и свидетельствова о истине, Аз не от человека свидетельства приемлю, но сия глаголю, да вы спасени будете. (л. 739)³⁶⁹⁸ Аз же имам свидетельство боле Иоаннова. Дела бо, яже даст Мне Отец, да совершу я. Та дела, яже Аз творю, свидетельствуют о Мне, яко Отец Мя посла, и пославый Мя Отец, Той свидетельствова о Мне. Ни гласа Его нигде же слышасте, ни видения Его видесте и словесе Его не имате пребывающа в вас, зане Его же, Той посла, сему вы веру не емлете. Испытайте Писания, яко вы мните в них имети живот вечный, и та суть свидетельствующа о Мне. И не хощете приити ко Мне, да живот имате. Славы не приемлю, но разумех, яко любве Божия не имате в себе. Аз приидох во имя (л. 739 об.)³⁶⁹⁹ Отца Моего и не приемлете Мене. Аще ин приидет во имя свое, того приемлете. Како вы можете веровати, славы друг от друга приемлюще, и славу, юже от единаго Бога не ищете. Не мните, яко на вы реку ко Отцу, есть иже нам глаголет Моисей, нань же вы уповаете³⁷⁰⁰. Аще бо бысте веровали Моисеови, веровали бысте убо и Мне, о Мне бо той писа. Аще ли того писанием не веруете, како Моим глаголом веру имете?

Зри, презориве, како Сын Божий и коликое свидетельство приводит, глаголя, яже Иоанна Крестителя и Моисея и пророки вся. Испытайте, рече, писания, (л. 740)³⁷⁰¹ и та суть свидетельствующа о Мне. Сего ради и от пророк поемлет первыя и славныя и великия, зане о Бозе и Отце велико непщевание имеша.

Таже дела о Бозе Отце соделаная боле пророческих гананий, таже и самаго того Бога Отца поставляет свидетеля и Святаго Духа свидетельствующа. И по сем сам Себе свидетеля и послуха неисписана и неложна вчиняет.

Ты же откуду сам о себе твориши свидетельство, яко подобает приити и законы новыя предавати, не сведомыя нам. От закона и пророк и святаго священнаго Евангелия и святых апостол и святых отец. Како же ты глаголеши: Отче наш, (л. 740 об.)³⁷⁰² иже еси на небеси. И прочее. Отчюждився своею злобою Его благодати, якоже и жиды. Ничто же сотворив достойно сыновства Божия, глаголаша: Мы от любодеяния несмы рождени, единаго отца имамы Бога. К ним же отрече Христос, глаголя. Евангелие: Аще³⁷⁰³ Бог Отец ваш бы был, любили убо бысте Мене. Аз бо от Бога изыдох и приидох, не о Себе бо приидох, но Той Мя посла. Почто беседы Моея не разумеете, яко не можете слышати словесе Моего. Вы отца вашего диявола есте и похоти отца вашего хощете творити. Он человекоубийца бе искони и во истине не стоит, яко несть истины в нем. (л. 741)³⁷⁰⁴ Егда глаголет лжю, от своих глаголет, яко ложь есть и отец лжи. Аз же зане истину глаголю, не веруете Мне.

Рек Господь к жидом, яко не можете слышати словесе Моего, таже наводит и вину. Почто не могут, рекше, не хотят? Зане рече: От отца своего вам се есть. Коего, глаголю, отца? Диявола. Вы бо Бога себе отца не разумеюще написуете, дела же вашего отца диявола вам послушествуют приснее. Того бо похоти хощете творити. И не рече же, дела, но похоти, являя, яко похотне зело прилежаху о лжи и убиийстве, еже есть свое дияволу. Он человекоубийца бе (л. 741 об.)³⁷⁰⁵ искони, яко и вы ищете Мене убити. Оному уподобистеся, Адама убившему, он бо во истине не стоит, но лжи есть отец. И вы, лжуще на Мя, глаголете, яко несмь от Бога, и не стоите во истине, не пребываете в Моем слове, еже суть истина. Онаго чада есте, лжю рождьшаго, он бо и Бога к человеком оболга, к Еве рече, завидя вам, отрече вам древо, и к Богу паки человека оболга. Якоже и о Иове глаголя: Еда туне Иов чтет Бога, егда бо глаголет, от своих глаголет, человецы бо любящии лжю, яко чюжду лжю имут. Диявол же яко свою глаголет, лжа бо его есть исчадие и сам есть в тесноту ложь (л. 742)³⁷⁰⁶ и отец лжи. Рече бо и о Еве, яко в онь же день аще снеста, будита яко бози, она же паче смерть объемля ста. Аз же, рече, яко истину глаголю и не веруете Ми. Ничто же бо инаго ищуще поимати Ми, разве едино, еже глаголати Ми истину. Сего ради совещесте на Мя, яко сынове отца вашего диавола. Аз же не от самого Себе глаголю, но еже видех от Отца Моего сия глаголю, и вы же, еже видесте от отца вашего, сия и творите. Аз убо, рече, Божия и небесная глаголю и Отца своего сих ради являю. Вы же своего отца, от них же делаесте и сообразуесте диавола всяко.

(л. 742 об.)³⁷⁰⁷ И аще тако осуждаются жидове от Христа Бога за неверстие, еже не вероваша в Господа Бога и Спаса нашего Иисуса Христа сына, яко и сынови диаволи. Сынове же, разумей, беси, быти. А еже о муках тех сведетелствует сам Христос, глаголя: Тогда речет и сущим ошую Его: Идите от Мене, проклятии, во огнь вечный, уготованый диаволу и аггелом его. И паки. Тогда отвещает им, глаголя: Аминь, глаголю вам, понеже не сотвористе единому сих менших, ни Мне сотвористе и идут сии в муку вечную.

Сущих ошую Его во огнь посылает, еже уготовал есть диаволу и аггелом его, понеже немилостивни суть (л. 743)³⁷⁰⁸ бесове и вражду многу имеют на нас. Достойно убо и таковой же муце предаеми бывают подобнии нравом бесовским, иже и своих ради дел прокляти быша.

Ты же, законопреступниче, не реку, яко отчасти, но всесовершенный отступниче, яко си ни блудницы, ни убийцы, ни похищницы суще в муки послани бывают. Но понеже не сотвориша ничто же по заподи³⁷⁰⁹, того ради по правде таковии в муки вечныя идут. Якоже и Господь свидетельствует: Глаголю вам³⁷¹⁰, не вем вас, откуду весте. Отступите от Мене вси делателие неправде, ту будет плач и скрежет зубом.

И аще тако иже не увере жидом, неверства ради (л. 743 об.)³⁷¹¹ таковыя муки приуготовашася, яко и отступником бесом. А иже отрекшися сатаны и всех дел его и всех аггел его и всего служение его и всея славы его и поплевав его, и сочетався Христу, и верова яко Царю и Богу, и елико святый Символ таинства в себе содержит исповеда, сими же паки сплетшеся побеждаеми бываю. Бывша³⁷¹² ж им последняя горша первых. Лучши бо бе им не познати пути правды, нежели познавшим возвратитися от преданыя им святыя заповеди. Случи³⁷¹³ бо ся им истиная притча, пес возвращся на своя блевотину и свиния, омывшися в кале тине.

(л. 744)³⁷¹⁴ Господу глаголющу: Иже³⁷¹⁵ аще соблазнит единаго малых сих верующих в Мя, унее ему есть, да обесится, жернов осельский о выи его и потонет в пучине морстей. Горе миру от соблазн, нужда бо есть не приити соблазном, обаче горе человеку тому, им же соблазн приходит. Аще ли рука твоя или нога твоя соблажняет тя, отсецы ю и верзи от себе. Добрейши ти внити в живот хрому или бедну, нежели две руце или две нозе имущу, ввержену быти во огнь вечный. И аще око твое соблажняет тя, изми е и верзи от себе. Добрейши ти есть со единем оком в живот внити, неже две оце имущу, ввержену быти в геенну огненую. (л. 744 об.)³⁷¹⁶ Блюдите, да не презрите единаго от малых сих.

Зри, пагубниче, како Господь соблазнивших осуждает, яко ни жити такому оставляет зде, но на извещение тому вечных мук повелевает навязати³⁷¹⁷ на выю жернов осельский и воврещи во глубину морскую. Глубина же морская показание есть преисподнейшаго ада, идеже грешницы и соблазнителие верующих в Господа нашего Иисуса Христа живут, то есть мучатся. Якоже и последующее слово Божие показует, за едине уд, то есть за руку и прочих, аще соблажняет тя, рече, ввержен будеши во огнь вечный и в геенну огненую, идеже червь их не умирает (л. 745)³⁷¹⁸ и огнь не угасает. И сия тако суть. А иже аще кто не единаго человека соблазнит, но тысяща тысящами и тмы тмами, якоже ты, якоже Манасия весь Израиль сотвори отступити от Бога, и Улиян законопреступник новый Израиль. Но и сии легчае твоего пребеззакония, понеже не стыдно гонящу верующих Бога, и того ради не повинующиися таковым беззаконным велениям. Мнози мученически венцы увязошася и славу вечную и Царьствие Небесное получиша. Не могуще же мучения подвиг понести, крыяшеся по писаному в горах и пещерех и пропастех земных и прочих местех, и того ради и тех беззакония не сравняются твоим беззакониям.

Послушай (л. 745 об.)³⁷¹⁹ величество злобы твоея и беззакония.

Господу глаголющу: Его³⁷²⁰ же бо посла Бог, глаголы Божия глаголет. А ты что Божиих глагол рекл еси в своем беззаконии, но все отца твоего диавола елика возглагола. Господу свидетельствующу: Аз³⁷²¹, еже видех у Отца Моего, глаголю. И вы убо еже видесте у отца вашего, твористе. Он человекоубийца есть искони и во истине не стоит, яко несть истины в нем. Егда глаголет, лжу глаголет, от своих глаголет, яко ложь есть и отец лжи. Аз же зане истину глаголю, и не веруете Мне. Тако и ныне, кто не верует словесем Божиим, он сын диаволов. А ты не точию веруеши словесем Божиим, но всюду сопротивная глаголешь и зако(л. 746)нополагаешь³⁷²², и еси воистину сын диаволов. Господу глаголющу: Кто от вас обличает Мя о гресе? Аще ли истину глаголю, почто вы не веруете? Почто же и ты не веруеши в Господа нашего Иисуса Христа глаголы Его и нов некак закон составляеши. Аще ли ни, то обличи о гресе Господа Бога и Спаса нашего Иисуса Христа что есть грех Его и почто не веруеши словесем Его. Богу самому свидетельствующу³⁷²³, иже есть от Бога, глаголы Божия послушает. Сего ради не послушаете, яко от Бога несте. Аз³⁷²⁴ о себе ничесо же не творю, но якоже научи Мя Отец, сия глаголю. Аз есть путь и истина и живот. А ты кто таков? Паки Господу глаголющу: Глаголы, яже Аз глаголю вам, о Себе не глаголю. (л. 746 об.)³⁷²⁵ И паки: Мое³⁷²⁶ учение несть Мое, но пославшаго Мя. Аще кто хощет волю Его творити, разумеет о учении, кое от Бога есть. Глаголяй о себе славы своея ищет, а ищай славы пославшаго его, сей истинен есть и несть неправды в нем. Отец³⁷²⁷ же во Мне пребываяй, Той творит дела, яко снидох с небесе да не творю волю Мою, но волю пославшаго Мя Отца. И паки инде: Не³⁷²⁸ могу Аз о себе творити ничесо же. И по мале: Яко не ищу волю Мою, но волю пославшаго Мя Отца. И паки Господу глаголющу: Аз³⁷²⁹ есмь свет миру. Ходяй по мне, не имать ходити во тме. Ты же всех (л. 747)³⁷³⁰ последующих твоему преданию свел во тму кромешную. И паки: Аще кто слово Мое соблюдет, смерти не имать видети вовеки.

Тако кто и не соблюдет слова Божия, якоже ты и последующии твоему проклятому законоположению, вечною смертию умерли.

Паки Господу глаголющу: Аще³⁷³¹ вы пребудете в словеси Моем, воистину ученицы Мои будете и разумеете истину, и истина свободит вы.

Тако кто и не пребывает в словеси Божием, несть ученик Онаго, но диавол, ниже разумеет истины, ниже свободь есть, но раб есть греху. Збысться Божественое слово о вас, иже рече: Глаголы, яже глаголах вам, (л. 747 об.)³⁷³² дух суть и живот суть. Но суть от вас нецыи³⁷³³, иже не веруют, ведяше бо искони Иисус, кто суть неверующии. И паки инде рече: А неверуяй, уже осужден есть, и возлюбиша человецы паче тму неже свет. Беша бо их дела зла, всяк бо делаяй злая ненавидит света и не приходит ко свету, да не обличатся дела его, якоже лукава суть.

Тако и ты, уклонился от света евангелскаго и святых апостол и святых отец заповедей и преданий и не хощеши приити, да не обличатся яко вся дела твоя, лукавства и лжи, горести и льсти полна суть. О таковых Господь глаголет: А³⁷³⁴ иже не верует в Сына, то есть Евангелию написаному (л. 748)³⁷³⁵ и прочим святым законом, не узрит живота, но гнев Божий пребывает на нем. Таковый со Июдою предателем и с прочими жиды осудится во тму кромешную и с послушающими ложному тому списанию, якоже выше речеся, а неверуяй осужден есть. Еда и ты от таковых убо, иже глаголаша: жестоко³⁷³⁶ слово се и кто может его послушати? И от сего мнози от ученик Его идоша вспять и к тому не хождаху с Ним. Аще ли речеши, яко веруеши Сыну Божию, послушай Иякова брата Божия, о сем возражающа тя и глаголюща: Кая³⁷³⁷ полза, братия моя, аще веру кто глаголет имети, дела же не имет, еда вера может спасти его. Ты веруеши, яко (л. 748 об.)³⁷³⁸ Бог един есть. Добре твориши, и беси веруют и трепещут. Хощеши ли разумети, о человече суетне, яко вера без дел мертва есть? И паки ин рече: Глаголяй, яко познах Его и заповедей Его не соблюдает, ложь есть и в сем истины несть. И паки: Всяк преступаяй и не пребываяй во учении Христове. Бога не имать. И сам Господь глаголет: Сего ради вы не послушаете, яко от Бога несте. Не любяй Мя, словес Моих не соблюдает³⁷³⁹. Святый же апостол Павел о таковых глаголет: Иже не любит Господа Иисуса, да будет проклят.

Зриши ли, беззаконноположниче, что Господь глаголет и святии апостоли о законопреступницех.

(л. 749)³⁷⁴⁰ Христиан сый, ругаяся Христу, от наречения ползы не приимет.

Вера без дел мертва есть, никая же бо полза от наречения, еже нарицатись христианину, Христовы же заповеди отметати и делы злыми тому ругатися.

Мирский человек да не учит, не вси бо пророцы, ниже³⁷⁴¹ убо вси апостоли.

Всяк убо должен есть свой чин ведати и не творите себе пастыря овца сый, и глава да не мнится нога сый. Но повиноватися преданому от Бога чину и уши свои отверзати на послушание приемлющих благодать учительскаго словесе. Не вси бо пророцы и не вси апостоли. Сего ради мирстии человецы да не учат, ни словес о заповедех да не подвизают (л. 749 об.)³⁷⁴² тем сан учительский к себе привлачаще.

Послушай божественнаго апостола наказания: Сего³⁷⁴³ ради подобает нам лишшее внимати слышаным, да некогда отпадем. Аще бо глаголаное ангелы слово бысть известно и всяко преступление и ослушание праведно прият мздовоздаяние. Како мы убежим отселе нерадивше спасении, еже зачало приемше глаголатися от Господа, слышавшими в нас известися. И паки той же святый апостол инде рече: Открывает бо ся гнев Божий с небесе на всяко нечестие и неправду человеческу, содержащих истину в неправде. Занеже разумное Божие яве есть в них, Бог бо явил есть им невидимая бо Его (л. 750)³⁷⁴⁴ от создания мира творенми помышляема видима суть. И присносущная же сила Его и Божество, воеже быти им безответнем, занеже разумевше Бога, не яко Бога прославиша или благодариша, но осуетишася помышлении своими и омрачися неразумное их сердце. Глаголющи мудри быти, объюродеша, иже измениша истину Божию во лжу и якоже не искусиша Бога имети в разуме.

Сего ради предаст их Бог в неискусен ум творити неподобная, исполненых всякоя неправды³⁷⁴⁵, лукавства, лихоимания, злобы, исполненых зависти, убийства, рвения, льсти, злонравия, шепотники, клеветники, богомерзки, досадителя, (л. 750 об.)³⁷⁴⁶ величавы, горды, обретатели злым, родителем непокоривы, неразумны, непримирители, не любовны, не клятвохранители, не милостивы, нецыи же оправдание Божие разумевше, яко иже таковая творящии, достойни суть смерти, не точию же сия вся творят, но и волю деют творящих.

Слыша ли твое нерадивое ухо, что божественный апостол вещает о таковых, якоже ты и подобных тебе. Послушай же и прочая.

Сего³⁷⁴⁷ ради безответен еси, о человече. Всяк судяй, им же бо судом судиши другу, себе осуждаеши. Тожде бо твориши, судяй, вемы же, яко суд Божий есть поисти(л. 751)не³⁷⁴⁸ на творящих таковая. Помышляеши ли сие, о человече? Судяй таковая творящим и творя сам таяжде, яко ты избежиши суда Божия или о богатстве благости Его и кротости и долготерпения³⁷⁴⁹ не радиши, не ведый, яко благость Божия в покаяние тя ведет. По жестокому же и непокаянному сердцу собираеши себе гнев в день гнева³⁷⁵⁰ и откровения праведнаго суда Божия, иже воздаст коемуждо по делом его, овем убо по терпению дела благаго, славу и честь и нетление ищущим живота вечнаго. А иже по рвению и противляющимся убо истине, повинующим же ся неправде, ярость, (л. 751 об.)³⁷⁵¹ гнев и скорбь и теснота на всяку душю человека творящаго злое.

Ты же закон лаяй инем, почто сам беззаконнуеши? Не веси ли, яко несть на лица зрения у Бога?³⁷⁵² Елицы беззаконно согрешиша, беззаконно и погибнут. Неслышателие закона праведни пред Богом, но творцы закону сии оправдятся. Законополагаяй инем, убо себе ли не учиши? Проповедаеши не красти, Евангелский закон весь сокрал еси. Глаголяй, не прелюбы творити, прелюбы твориши. Аще ты неси архиерей, ни иерей, почто на Церковь неистовствуеши, судом и властию прелюбы твориши. Что убо себе тво(л. 752)риши³⁷⁵³ пастыря? Овца сый. Что бываеши глава? Нога сый. Слеп сый, почто руководствовати нудишася? Грешен сый, почто оправдовати мнишися? Гнушаяся идол, святая крадеши. Иже в законе хвалишеся, преступлением закона Бога безчествуеши, имя Божие вами хулится. Божий бо устав и слово несть измены или приложения или умнения, само совершено и пречисто суще, не терпит от сих прикасающихся чесому. Аще ли чим опорочится и в мале, все таковый опроврати³⁷⁵⁴ спасение свое, но ни без мук преминет. Богу свидетельствующу: Ведая раб волю Господа своего, а не творя я, биен будет много.

(л. 752 об.)³⁷⁵⁵ Како же ты пишеши: Патриарху и митрополитом и архиепископом и епископом, архимандритом и игуменом и священником и диаконом судитися пред мирскими судьями, пред бояры и околничими и думными людми и перед диаки и судьи со всяких чинов людии.

Людскаго суда у царя просяй, не епископ. Такожде и прочии священнаго чину, оставлше церковныя суды, к мирским судиям прибегнут, аще и оправдани будут, извергнутся.

Елицы ныне митрополити, архиепископи и епископи, архимандриты (л. 753)³⁷⁵⁶ и игумени, священницы и диакони и прочии причетницы церковнии чрез Божественая правила под суд царьский и прочих мирских судей ходят, митрополити уже несть к тому достойно именовати митрополитами, такожде и архиепископи, и епископи, архимандриты и игумены, и попове и диакони, даже и до последних, аще в чину себе сочетовают и священных одежд лепотами являются, яко митрополити и епископи и прочии, но святых Божественых канонов извержени суть. Тем же и елико свящают, неосвящена суть, и елика благословляют, не благословена суть, ибо от тех крещени, не крещени, и поставлени, (л. 753 об.)³⁷⁵⁷ не причетницы.

Моляйся со отлучеными, сам такожде да отлучен будет.

Моляйся со извержеными, сам такожде осужден будет.

Приемый инде не приятаго, сам не приятен. И аще от человек отлучени или извержени, им же причаствующии отлучени и извержени. А иже от закона Божия и заповедей колми паче тако вси отлучени и извержени, и такова ради беззакония все упразднилося святительство и священство и христианство от мала и до велика. А вся, яже суть взыщет на тебе, беззаконном предателе, всия сия соблазн и беззакония, от тебе прозябоша сия³⁷⁵⁸ вся.

(л. 754)³⁷⁵⁹ Еще же ти воспомянути хощу второе не менши перваго, аще и инде преже речеся, ныне же нужднейши прилучися.

Аще кий мирских князь или людей помощию приимет церковь, да извержется и да отлучится.

Ныне вся сия бывают по указу царьскаго величества: епископи и архимандрити, и игумены, и попови, и диаконы, даже и до последних поставляются.

Без своего старейшаго ничто же да творят епископи, но токмо во своем пределе койждо, и старейший же без оных ничто же творит (л. 754 об.)³⁷⁶⁰ полезнаго ради всем соединения.

Не подобает епископом кроме воли своего старейшаго, рекше без воли митрополита или архиепископа, творити излише ничто же, ни епископа поставити, ни о повелениих, ни о правилех новых стязатися, ни продати, ни отдати церковных неких вещей, но токмо достойная коемуждо в своих пределех правити и в сущих под ними странах и в селех. Но ни старейший же, рекше митрополит или архиепископ без воли всех епископов не может ничто ж таковаго творити. Сице бо творяще вси, соединения и любве заповедь соблюдут.

Государь царь (л. 755)³⁷⁶¹ Крутицкаго митрополита, меншаго всем болшим митрополитом, такожде и архиепископом и епископом старейшим, сотворил без собора и неизбранием. А 30-е правило святых апостол и 7-го Вселенскаго собора по 3-му правилу мирских князь помощию приимших церковь, аще бы и едина ему вручена, извергает. И есть таковый враг святыя Церкви и правилом святых апостол и святых отец извержен и отлучен. А Вселенскаго святаго 2-го собора по 1-му правилу и 7-го Вселенскаго собора по 1-му ж правилу извержен и проклят. А по 10-му правилу и по 11-му и по 12-му святых апостол со отлученым и со изверженым (л. 755 об.)3762 моляйся, и той отлучен и извержен да будет. И святаго Вселенскаго 2-го собора по 4-му правилу и вси, от него поставлении презвитери и диакони и прочии причетницы, чюжди священия. И елицы от тех крещени, не крещени, и ниже християны нарицати тех лепо есть.

1 2 3 4 5 6 7 8 9 10 11 12 13 ... 15 16 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

³⁶⁶³ На верхнем поле листа киноварная помета: 26-е возражение.

³⁶⁶⁴ На верхнем поле листа киноварная помета: на 26-й вопрос и ответ.

³⁶⁶⁵ На верхнем поле листа киноварная помета: 26-е возражение.

³⁶⁶⁶ На верхнем поле листа киноварная помета: на 26-й вопрос и ответ.

³⁶⁶⁷ На верхнем поле листа киноварная помета: 26-е возражение.

³⁶⁶⁸ На верхнем поле листа киноварная помета: на 26-й вопрос и ответ.

³⁶⁶⁹ На верхнем поле листа киноварная помета: 26-е возражение.

³⁶⁷⁰ На верхнем поле листа киноварная помета: на 26-й вопрос и ответ.

³⁶⁷¹ На правом поле листа помета: Матф. 10.

³⁶⁷² На верхнем поле листа киноварная помета: 26-е возражение.

³⁶⁷³ На левом поле листа помета: Марк 13; Матф. 10; Лук. 21.

³⁶⁷⁴ На верхнем поле листа киноварная помета: на 26-й вопрос и ответ.

³⁶⁷⁵ На верхнем поле листа киноварная помета: 26-е возражение.

³⁶⁷⁶ На верхнем поле листа киноварная помета: на 26-й вопрос и ответ.

³⁶⁷⁷ На верхнем поле листа киноварная помета: 26-е возражение.

³⁶⁷⁸ На верхнем поле листа киноварная помета: на 26-й вопрос и ответ.

³⁶⁷⁹ На верхнем поле листа киноварная помета: 26-е возражение.

³⁶⁸⁰На левом поле листа помета: Лук. 9; Марк 6; Матф. 10.

³⁶⁸¹На левом поле листа помета: Деян. 13.

³⁶⁸² На верхнем поле листа киноварная помета: на 26-й вопрос и ответ.

³⁶⁸³ На верхнем поле листа киноварная помета: 26-е возражение.

³⁶⁸⁴ На левом поле листа помета: Матф. 6.

³⁶⁸⁵ На верхнем поле листа киноварная помета: на 26-й вопрос и ответ.

³⁶⁸⁶ На правом поле листа помета: Матф. 6.

³⁶⁸⁷ На верхнем поле листа киноварная помета: 26-е возражение.

³⁶⁸⁸ На левом поле листа помета: Иоан. 5.

³⁶⁸⁹ На верхнем поле листа киноварная помета: на 26-й вопрос и ответ.

³⁶⁹⁰ Написано между строк тем же почерком.

³⁶⁹¹ На правом поле листа помета: Иоан. 8.

³⁶⁹² На верхнем поле листа киноварная помета: 26-е возражение.

³⁶⁹³ На верхнем поле листа киноварная помета: на 26-й вопрос и ответ.

³⁶⁹⁴ На правом поле листа помета: Исаия 1.

³⁶⁹⁵ На правом поле листа помета: Иоан. 8.

³⁶⁹⁶ На верхнем поле листа киноварная помета: 26-е возражение.

³⁶⁹⁷ На левом поле листа помета: Иоан. 5.

³⁶⁹⁸ На верхнем поле листа киноварная помета: на 26-й вопрос и ответ.

³⁶⁹⁹ На верхнем поле листа киноварная помета: 26-е возражение.

³⁷⁰⁰ На левом поле листа помета: 1 Моис. 13; 5 Моис. 18.

³⁷⁰¹ На верхнем поле листа киноварная помета: на 26-й вопрос и ответ.

³⁷⁰² На верхнем поле листа киноварная помета: 26-е возражение.

³⁷⁰³ На левом поле листа помета: Иоан. 8.

³⁷⁰⁴ На верхнем поле листа киноварная помета: на 26-й вопрос и ответ.

³⁷⁰⁵ На верхнем поле листа киноварная помета: 26-е возражение.

³⁷⁰⁶ На верхнем поле листа киноварная помета: на 26-й вопрос и ответ.

³⁷⁰⁷ На верхнем поле листа киноварная помета: 26-е возражение.

³⁷⁰⁸ На верхнем поле листа киноварная помета: на 26-й вопрос и ответ.

³⁷⁰⁹ Так в ркп. Очевидно: заповеди.

³⁷¹⁰ На правом поле листа помета: Лук. 13; Матф. 25; Псалом 6.

³⁷¹¹ На верхнем поле листа киноварная помета: 26-е возражение.

³⁷¹² На левом поле листа помета: 1 Петр 2; Лук. 1.

³⁷¹³ На левом поле листа помета: Притч. 26.

³⁷¹⁴ На верхнем поле листа киноварная помета: на 26-й вопрос и ответ.

³⁷¹⁵ На правом поле листа помета: Матф. 18; Марк 9; Лук. 17.

³⁷¹⁶ На верхнем поле листа киноварная помета: 26-е возражение.

³⁷¹⁷ В ркп. дважды.

³⁷¹⁸ На верхнем поле листа киноварная помета: на 26-й вопрос и ответ.

³⁷¹⁹ На верхнем поле листа киноварная помета: 26-е возражение.

³⁷²⁰ На левом поле листа помета: Иоан. 3.

³⁷²¹ На левом поле листа помета: Иоан. 50.

³⁷²² На верхнем поле листа киноварная помета: на 26-й вопрос и ответ.

³⁷²³ На правом поле листа помета: Иоанн.

³⁷²⁴ На правом поле листа помета: Иоан. 8.

³⁷²⁵ На верхнем поле листа киноварная помета: 26-е возражение.

³⁷²⁶ На левом поле листа помета: Иоан. 7.

³⁷²⁷ На левом поле листа помета: Иоан. 6.

³⁷²⁸ На левом поле листа помета: Иоан. 5.

³⁷²⁹ На левом поле листа помета: Иоан. 50.

³⁷³⁰ На верхнем поле листа киноварная помета: на 26-й вопрос и ответ.

³⁷³¹ На правом поле листа помета: Иоан. 8.

³⁷³² На верхнем поле листа киноварная помета: 26-е возражение.

³⁷³³ Написано тем же почерком со знаком вставки на левом поле листа.

³⁷³⁴ На левом поле листа помета: Иоан. 3.

³⁷³⁵ На верхнем поле листа киноварная помета: на 26-й вопрос и ответ.

³⁷³⁶ На правом поле листа помета: Иоан. 6.

³⁷³⁷ На правом поле листа помета: Ияков 2.

³⁷³⁸ На верхнем поле листа киноварная помета: 26-е возражение.

³⁷³⁹ На левом поле листа помета: Иоан. 14.

³⁷⁴⁰ На верхнем поле листа киноварная помета: на 26-й вопрос и ответ.

³⁷⁴¹ Исправлено из: еда.

³⁷⁴² На верхнем поле листа киноварная помета: 26-е возражение.

³⁷⁴³ На левом поле листа помета: ко Евр. 2.

³⁷⁴⁴ На верхнем поле листа киноварная помета: на 26-й вопрос и ответ.

³⁷⁴⁵ Исправлено из: злобы.

³⁷⁴⁶ На верхнем поле листа киноварная помета: 26-е возражение.

³⁷⁴⁷ На левом поле листа помета: Рим. 2; Матф. 7; 1 Кор. 4; Лук. 6.

³⁷⁴⁸ На верхнем поле листа киноварная помета: на 26-й вопрос и ответ.

³⁷⁴⁹ На правом поле листа помета: 1 Петр 3.

³⁷⁵⁰ На правом поле листа помета: Ияков 5; Псалом 61; Матф. 16; ниже 9.

³⁷⁵¹ На верхнем поле листа киноварная помета: 26-е возражение.

³⁷⁵² На левом поле листа помета: 1 Моис. 10; 2 Парал. 9; Иов 37, Деян. 10.

³⁷⁵³ На верхнем поле листа киноварная помета: на 26-й вопрос и ответ.

³⁷⁵⁴ Так в ркп.

³⁷⁵⁵ На верхнем поле листа киноварная помета: 26-е возражение.

³⁷⁵⁶ На верхнем поле листа киноварная помета: на 26-й вопрос и ответ.

³⁷⁵⁷ На верхнем поле листа киноварная помета: 26-е возражение.

³⁷⁵⁸ Исправлено из: вия.

³⁷⁵⁹ На верхнем поле листа киноварная помета: на 26-й вопрос и ответ.

³⁷⁶⁰ На верхнем поле листа киноварная помета: 26-е возражение.

³⁷⁶¹ На верхнем поле листа киноварная помета: на 26-й вопрос и ответ.

³⁷⁶² На верхнем поле листа киноварная помета: 26-е возражение.

Домашняя страница
священника Владимира Кобец