ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-5)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

на которые статьи в прошлых годех прежних государей в судебниках указу не положено и боярских приговоров на те (л. 510)²⁴¹⁵ статьи не было, и те бы статьи по тому ж написати и изложити по его государеву указу общим советом, чтоб Московскаго государства всяких чинов людем от болшаго и до меншаго чину суд и росправа была во всяких делех всем равна.

И указал государь царь и великий князь Алексий Михаилович всеа Русии то все собрать и в доклад написати бояром князю Никите Ивановичю Одоевскому да князю Семену Васильевичю Прозоровскому да околничему князю Федору Федоровичю Волконскому да диаком Гаврилу Левонтьеву да Феодору Грибоедову. А для того своего государева и земскаго великаго царственнаго дела указал государь по совету со отцем своим и богомолцом Святейшим (л. 510 об.)²⁴¹⁶ Иосифом Патриархом Московским и всеа Росии и бояре приговорили выбрать ис столников и ис стряпчих и из дворян московских и из жилцов ис чину по два человека. Также всех городов из дворян и из детей боярских взяти из болших городов, опричь Новагорода, по два человека, а из новгородцов с пятины по человеку, а из менших городов по человеку, а из гостей трех человек, а из гостиныя сотни и из суконныя сотен по два человека, а ис черных сотен и из слобод и из городов с посаду по человеку добрых и смышленых людей, чтоб ево, государево, царьственное и земское дело с теми со всеми выборными людьми утвердити и на мере поставити, чтобы те вси великия дела по нынешнему (л. 511)²⁴¹⁷ его, государеву, указу и Соборному уложенью впредь были ничем нерушимы.

И по государеву цареву и великаго князя Алексия Михайловича всеа Русии указу бояре князь Никита Иванович Одоевской с товарыщи, выписав ис правил святых апостол и святых отец и из градских законов Греческих царей и из старых судебников прежних великих государей, и из указов блаженныя памяти великаго государя царя и великаго князя Михаила Феодоровича всеа Росии и из боярских приговоров, и которых статей в прежних судебниках и в указех прежних государей и в боярских приговорех не написано, и те статьи, написав вновь, к государю приносили.

И в нынешнем во 157-м году октября 3-го числа государь (л. 511 об.)²⁴¹⁸ и великий князь Алексий Михаилович всеа Русии самодержец со отцем своим и богомолцом Святейшим Иосифом, Патриархом Московским и всеа Русии, и с митрополиты, и со архиепископы, и епископы, также и с своими государевыми бояры и с околничими, и з думными людьми того собранья слушал, и выборным людем, которыя к тому общему совету выбраны на Москве и из городов чтено, чтоб то все Уложение впредь было прочно и неподвижно. И указал государь то все Уложенье написать на список и закрепить тот список Иосифу, Патриарху Московскому и всеа Росии, и митрополитом, и архиепископом, и епископом, и архимандритом и игуменом и всему (л. 512)²⁴¹⁹ освященному собору и своим государевым бояром и окольничим, и думным людем, и выборным дворяном и детем боярским, и гостем, и торговым, и посадским людем Московскаго государьства и всех городов Росийскаго государьства²⁴²⁰. А закрепя то Уложение рукама, указал государь списати в книгу и закрепить тое книгу диаком Гаврилу Леонтьеву и Феодору Грибоедову, а с тое книги для утвержения на Москве во все приказы и городы напечатать многия книги и всякия дела делать по тому ж Уложенью.

И по государеву цареву и великаго князя Алексия Михайловича всеа Русии указу то Уложенье на список написано и Святейший Иосиф, Патриарх Московский и всеа Росии, и митрополиты, и архиепископы, и епископы, и архимандриты, (л. 512 об.)²⁴²¹ и игумены и весь освященный собор, также и бояре, и окольничие, и думные люди, и выборные дворяне и дети боярские, и гости, и торговые посадские люди к тому Уложенью на списке руки свои приложили и с того Уложенья списав список в книгу слово в слово, а с тое книги напечатана сия книга.

Разсмотри, лукавый совопросниче, ослепленне умом, и зде царьское повеление и совет Святейшаго Патриарха с митрополиты и архиепископы и епископы и со всем освященным собором и приговор государевых бояр и околничих и думных людей велено написать ис правил святых апостол и святых отец и из градских законов Греческих и прежних великих государей царей (л. 513)²⁴²² и великих князей Росийских и отца его, государева, блаженныя памяти великаго государя царя и великаго князя Михаила Феодоровича всеа Росии указы и боярские приговоры с старыми судебниками справить, и ни в чем же отменно. А на которые статьи в прошлых годех прежних государей в судебниках указу не положено и боярских приговоров на те статьи не было, и те бы статьи по тому ж написати и изложити по ево государеву указу общим советом, а не новыя законы вводити, чтоб Московскаго государьства всяких чинов людем от болшаго и до меншаго чину суд и росправа была во всяких делех всем равна, и не патриарху и митрополитом, и архиепископом, и епископом, и архимандритом и игуменом и всему освященному собору. (л. 513 об.)²⁴²³ А указал государь царь то все собрать и в доклад написать бояром князю Никите Ивановичю Одоевскому с товарыщи. И он, князь Никита, человек прегордой, страху Божия в сердцы не имеет и Божественаго писания и правил святых апостол и святых отец ниже чтет, ниже разумеет, и жити в них не хощет, и живущих в них ненавидит яко врагов сущих, сам быв враг всякой истине. А товарыщи его люди простыя и Божественаго писания не ведущии. А диаки, ведомыя враги Божия и дневныя разбойники, без всякия боязни в день людей Божиих губят. А что для того своего государьства и земскаго великаго царьственнаго дела указал государь, бутто по совету со отцем своим Святейшим Иосифом, (л. 514)²⁴²⁴ Патриархом Московским и всеа Русии, и бояре приговорили выбрать из столников и из стряпчих и из дворян московских и из жилцов ис чину по два человека, также всех городов из дворян и детей боярских, опричь Новагорода, по два человека, а из Новагорода с пятины по человеку, а из менших городов по человеку²⁴²⁵, а из гостей трех человек, а из гостиныя и из суконныя сотен по два человека, а из черных сотен и из слобод, из городов с посадов по человеку добрых и смышленых людей, чтобы его государево царьственное и земское дело с теми со всеми выборными людьми утвердити и на мере поставити, чтобы те все великия дела по нынешнему его, государеву, указу и соборному Уложенью ничем не ру(л. 514 об.)шимы²⁴²⁶. И то всем ведомо, что збор был не по воли, боязни ради и междоусобия от всех черных людей, а не истиныя правды ради. А что по государеву цареву и великаго князя Алексия Михайловича всеа Росии указу бояре князь Никита Иванович Одоевской с товарыщи, будто выписав ис правил святых апостол и святых отец и из градских законов Греческих царей и из старых судебников прежних великих государей, к царю приносили, и то он, враг Божий и всякой истины, все солгал. Ис правил святых апостол и святых отец и благочестивых царей градских законов ничево не выписывал, якоже и самыя та Уло(л. 515)женая²⁴²⁷ беззаконная книга свидетельствует беззаконие их. А где и написал, будто ис правил святых апостол и святых отец, и то солгал. Во апостолских и святых отец таковых правил нет и во всей его книге ни единаго апостолскаго правила, ниже святых отец седми Вселенских соборов и прочих нет, ни благочестивых Греческих царей градских законов что любо, ниже²⁴²⁸ от православных великих государей царей и великих князей Руских, но все ново некое списание чюжде православия и святых апостол и святых отец церковных законов и православных царей Греческих градских законов. Да и сам той сви(л. 515 об.)детелствует²⁴²⁹ в своем ложном списании в десятой главе о суде.

Суд²⁴³⁰ государя царя и великаго князя Алексия Михайловича всеа Русии. Судить бояром и околничим, и думным людем, и диаком, и всяким приказным людем, и судьям, и всякая росправа делать всем людем Московскаго государства от болшаго и до меншаго чину в правду. Также и приезжих иноземцов и всяких прибылых людей, которые в Московском государстве будут, тем же судом судить, и росправа делать по государеву указу в правду, а своим вымыслом в судных делех по дружбе и по недружбе ничего не прибавливати, ни убавливати, и ни в чем (л. 516)²⁴³¹ другу не дружить, а недругу не мстить, и никому ни в чем ни для чего не норовить, делать всякие государевы дела, не стыдяся лица силных, и избавляти обидящаго от руки неправеднаго.

А спорные²⁴³² дела, которых в приказех зачем вершить будет не мощно, взносить ис приказов в доклад ко государю царю и великому князяю Алексию Михайловичю всеа Русии и к его государевым бояром и околничим, и думным людем. А бояром и околничим, и думным людем сидеть в полате и по государеву указу всякие дела делать всем вместе.

Како же ты, списателю суда царьска, (л. 516 об.)²⁴³³ а реку беззакония, суд глаголеши государя царя? Суд бо Божий есть и от исперва, а не царев, ни от человек, ни человеком предан бысть, но самем Богом. Послушай.

Месяца²⁴³⁴ же третияго изшествия сынов Израилевых от земли Египецкия, в сий день приидоша в пустыню Синайскую и воздвигошася от Рафидина и приидоша в пустыню Синайскую. И²⁴³⁵ ста ту Израиль прямо Гоморе, Моисей же взыде на гору Божию. И возва и Бог от горы, глаголя: Сице глаголеши дому Ияковлю и повеждь сыном Израилевым. Сами²⁴³⁶ видесте, елико сотворих Египтяном и взях вы яко на криле орли и приведох вы к Себе. И ныне аще послушанием послушаете (л. 517)²⁴³⁷ гласа Моего и снабдите завет Мой, будете Ми людие сущии от всех язык. Моя бо есть вся земля²⁴³⁸. Вы же будете Ми царьское священие и язык свят. Си словеса да глаголеши сыном Израилевым.

Пришед же Моисей, созва вся старцы людския и рече, и исповеда им вся словеса си, яже завеща им Бог. Отвещаша же вси людие купно и рекоша: Все, елико рекл Бог, и послушаем. Донес же Моисей словеса си к Богу. И рече Господь к Моисею: Се Аз прииду к тебе в столпе облачне, да услышат людие глаголюща Мя к тебе, и да тебе веруют вовеки.

Поведа же Моисей словеса людий ко Господу. И рече Господь Моисею: Сниди, возвести (л. 517 об.)²⁴³⁹ людем и очисти я днесь и утре, и да исберут ризы и да будут готови в день третий, в третий бо день снидет Господь на гору Синайскую пред лицем всех людий и устроиши людие обоямо, глаголя: Внемлите²⁴⁴⁰ себе, не восходити на гору и ничим же коснутися ея. Всяк бо прикоснувыйся горе смертию умрет, приемшая же ей рука камением побиется или стрелою устрелится, любо зверь, любо человек не будет жив. Егда же глас трубы и облак отъидет от горы, сии да взыдут на гору.

Изыде ж Моисей з горы к людем и очисти я и исбраша ризы своя. Рече же людем: Будете готови три дни и не ходите (л. 518)²⁴⁴¹ к женам. Бысть в третий день к свитанию и быша гласи и молния и облак молниан на горе Синайстей, и глас трубный глашаше силно зело. И убояшася вси людие в полце. Изведе же Моисей люди противу Богу от полка и сташа под горою. Гора²⁴⁴² же Синайская куряшеся вся схождения ради Божия на ню, во огни, исхождаше дым, яко дым пещный. И ужасошася вси людеи зело. Быша же гласи трубнии, сходяще крепце зело. Моисей же глаголаше²⁴⁴³, а Бог отвещаваше ему гласом. Сниде ж Господь на гору Синайскую на верх горы и возва Господь Моисея на верх горы и взыде Моисей. Рече же Бог к нему, глаголя: Сниди и возвести людем, (л. 518 об.)²⁴⁴⁴ да некогда приступят к горе, к Богу разумети, и падут от них мнози, и жрецы же приступаяй ко Господу Богу да ся постят, да некогда изменит от них Господь. Рече же Моисей к Богу: Не возмогут людие взыти на гору Синайскую, Ты бо запрещал еси нас, глаголя: Предети ли у горы и освятити ю. И рече ему Господь: Иди, сниди и взыди ты и Аарон с тобою. Жрецы же и людие да ся не нудят взыти к Богу, да некогда погубит от них Господь. Сниде ж Моисей к людем и рече им.

И глагола²⁴⁴⁵ Господь вся словеса си к Моисею, глаголя: Аз есмь Господь Бог твой, изведый тя от земли Египетския от дому работнаго, да не будут тебе (л. 519)²⁴⁴⁶ бози, разве Мене, и прочая суда. Вси же людие смотряху гласа и свещ и гласа трубнаго, гору курящуся. И убояшася вси людие, сташа подале, и рекоша Моисею: Глаголи ты с нами, да не глаголет к нам Бог, да некогда умрем. Рече ж им Моисей: Уповайте, не бойтеся, искушения бо ради прииде Бог к вам, яко да будет страх Его в вас, яко да не согрешаете. Стояху ж вси людие подале. Моисей же вниде во мглу, идеже беяше Господь. И²⁴⁴⁷ рече Господь к Моисею: Се рцы дому Ияковлю и возвести сыном Израилевым. Вы видесте, яко с небесе глаголах к вам. И ныне аще послушанием послушаесте гласа Моего и снабдите завет Мой. (л. 519 об.)²⁴⁴⁸ И паки рече Господь: И²⁴⁴⁹ сия оправдания и суды положи пред ними. И прочая. И паки рече Господь к Моисею: Истеши²⁴⁵⁰ себе две досце каменне, яже беста и первие и взыди ко Мне на гору, да впишю словеса на доску, яже беста на первую доску, яже еси сокрушил. Буди же готов заутра, да взыдеши на гору Синайскую и станеши ту на севере горы. И да никто же взыдет с тобою, ни да ся явит кто в сей горе. И истеса две досце каменны, яце же и первее. И урани Моисей заутра и взыде на гору Синайскую, якоже завеща ему Господь. И взят Моисей две досце каменне и сниде Господь во облаце и ста пред ним ту, (л. 520)²⁴⁵¹ и возва именем Господним, и мину Господь пред лицем его, и призва Господа: Господь²⁴⁵² Бог щедр и милостив, долготерпелив и истинен. Правду снабдяй, творяй милость в тысящах, отмщая беззакония и неправды и грехи, и не потребится вина его. И рече Господь к Моисею: Се Аз полагаю тебе завет пред всеми людми твоими. И рече Господь к Моисею: Пиши себе словеса си, в словесех бо сих полагаю тебе завет Израилю. И бе тамо Моисей пред Господем 40 дний и 40 нощий, хлеба не ядый, ни воды пия. И вписа Моисей в досце словеса си завета. И паки рече Господь к Моисею, глаголя: Глаголи²⁴⁵³ сыном Израилевым и рцы к ним: Аз Господь Бог ваш (л. 520 об.)²⁴⁵⁴ потварением земля Египецкая, в ней же обитасте, да не сотвористе потварением земля Хананейская, в ню же Аз введу вы, там не сотвористе и по законом их не ходите. Суды²⁴⁵⁵ Моя сотвористе и повеления Моя снабдисте, да ходисте в них, Аз Господь Бог ваш, и сына бдите вся повеления Моя и вся суды Моя да сотвористе я. А сотворивый я человек, жив будет в них, Аз Господь Бог ваш. И паки: И²⁴⁵⁶ заповеда судиам вашим в то время, глаголя: Разсуждайте между братиею своею и судите по правде межи мужем и между братом его и между пришелцем. Не зрите лица в суде, по малу и по велику суди(л. 521)ши²⁴⁵⁷, не сумняся лица человеча, суд бо Божий есть. И паки: Глагола Моисей всему Израилю и рече к ним: Послушай, Израилю, оправдания и суды, елика аз глаголю во уши ваши во днешний день, да ся научисте их снабдети и творити я. Господь Бог завеща вам завет в Хориве, не одным отцом вашим завет сей, но и вам. Вы же убо зде вси живи днесь. Лицем к лицу глагола Господь к вам на горе из среды огня. Аз же стоях между Господем и вами, во время оно возвестити вам глагол Господень, яко убоястеся от лица огню и не взыдосте на гору, глаголяй.

Кто же есть праведнее Давида во царех, но ни сей восхоте просла(л. 521 об.)витися и написати суд царя Давида, но и моляся, глаголал: Боже²⁴⁵⁸, суд Твой цареви да даждь и правду Твою сыну цареву. Судити людем Твоим в правоте и нищим Твоим в суде. И паки: Аз²⁴⁵⁹ же поставлен есмь царь от Него над Сионом горою святою Его, возвещая повеление Господне. Господь²⁴⁶⁰ вовеки пребывает уготова на суд престол Свой и Той судит вселенней в правду, судити людем Своим в правду.

Господь²⁴⁶¹ испытает праведнаго и нечестиваго. От лица Твоего судьба моя изыдета, очи мои да видеста правоты. Яко²⁴⁶² вся судьбы Его предо мною и оправдания Его не отступиша от мене. Словеса Господня, словеса чиста, (л. 522)²⁴⁶³ сребро разжено, искушено земли, очищено седмерицею. Закон²⁴⁶⁴ Господень непорочен обращаяй души, свидетельство Господне верно, умудряюще младенцы, оправдания Господня права, веселящая сердце, судьбы Господни истинны, оправданы вкупе, вожделены паче злата и камене честна многа и слаждьша паче меда и сота, ибо раб Твой хранит я, внегда сохранити я, воздаяние много, яко Бог судия есть, сего смиряет и сего возносит. И паки: Любит милостыню и суд Господь. Благ и прав Господь, сего ради закон положи согрешающим на пути. И²⁴⁶⁵ честь царева суд любит, Ты уготовал еси правоты, суд и правду во Иякове (л. 522 об.)²⁴⁶⁶ Ты сотворил еси. Се же рек уготовай Божий суд всякому лепо есть царю любити, а Божиих судеб не преобидети. В столпе облачне глаголаше к ним, яко храняху свидения Его и повеления Его, яже даде им. С небесе слышан сотворил еси суд. Творяй милостыню Господь и судьбу всем обидимым, сказа пути Своя Моисеови сыновом Израилевым хотения Своя. Яко²⁴⁶⁷ судит Господь людем Своим и о рабех Своих умолится.

Блажени²⁴⁶⁸ непорочнии в путь ходящии в законе Господни. Блажени испытающии свидения Его. Ты заповедал еси заповеди Твоя сохранити зело. Тогда не постыжусь, внегда призрети ми на вся заповеди Твоя (л. 523)²⁴⁶⁹ устнама моима возвестих вся судьбы уст Твоих, а не свое уставление взаконял святый Давид и глаголал: На пути свидений Твоих насладихся, яко о всяком богатстве, в заповедех Твоих поучюся и уразумею пути Твоя. Возлюби душа моя возжелати судьбы Твоя на всякое время, ибо свидания Твоя поучение мое есть и совети мои оправдания Твоя. Путь истинный изволих и судбы Твоя не забых, прилепихся свидением Твоим, Господи, и не посрами мене. Егда разширил еси сердце мое, законоположи мне, Господи, путь оправданий Твоих, и взыщу и выну. Вразуми мя, и испытаю закон Твой и сохраню и (л. 523 об.)²⁴⁷⁰ всем сердцем моим. Настави мя на стезю заповедей Твоих, яко тую восхотех и глаголах о свидении Твоих пред цари и не стыдяхся. Благ мне закон уст Твоих паче тысящь злата и сребра. Кляхся и поставих сохранити судьбы правды Твоя. Сего ради возлюбих заповеди Твоя паче злата и топазия. Праведен еси, Господи, и прави суди Твои. Возрадуюся аз о словесех Твоих, яко обретаяй корысть многу, неправду возненавидех и омерзих, закон же Твой возлюбих, мир мног любящих закон Твой, и несть им соблазна. И прочее.

Видели, списателю беззакония, (л. 524)²⁴⁷¹ елико божественный Давид изглагола и свидетельствова о суде Божии. Тем же сущим по себе царем засвидетельствова, глаголя: И ныне, царие, разумейте, и накажитеся вся судящии земли. Работайте Господеви со страхом и радуйтеся ему со трепетом, приимите наказание, то есть заповедь, да некогда прогневается Господь и погибнете от пути праведнаго, егда возгорится вскоре ярость Его, блажени вси надеющиися на Него.

И бысть²⁴⁷² яко приближишася Давиду дние умрети, постави Соломона, сына своего, царем и сказа ему, елика заповеда ему Господь Бог: Соломон²⁴⁷³, сын твой созиждет дом Мой и двор Мой, зане того избрах (л. 524 об.)²⁴⁷⁴ Мне в сына быти, и Аз буду ему во отца, и укреплю царьство его даже до века, аще укрепится сохранити заповеди Моя и судьбы Моя, яко и днесь.

Зри, како Бог заповедает хранити судьбы Своя и то свидетельствует крепость царьству.

Таже Давид²⁴⁷⁵ заповеда сыну своему Соломону, глаголя: аз отхожу в путь всеа земля, ты же крепися и буди муж совершен и сохрани хранилище Господа Бога твоего ходити во вся пути Его. Сохраняй заповеди Его и оправдания и судьбы и свидения Его, писанныя в законе Моисеове, да разумееши, яже твориши о всех, елико же заповедах ти, да поставит Господь слово его, иже глагола к нему, глаголя: Аще сохранят (л. 525)²⁴⁷⁶ сынове твои пути его, яко ходити предо Мною во истине всем сердцем их и всею душею их, глаголя: Не соженет тебе муж со престола Израилева.

Смотри, что и Давид заповедает хранити Соломону, сыну своему, не о заповедех ли Божиих и судбах правды Его, таже и молится Давид, яко да сохранят судбы правды ко Господу за Израиля и за Соломона, сына своего, глаголя: Господи Боже, Авраамов и Исааков и Израиля отец наших сохрани во веки сею волею сердца их и исправи сердца их к Тебе. Соломону ж, сыну моему, дай сердце совершено, да хранит заповеди Твоя и повеления Твоя. И Соломон²⁴⁷⁷, сын Давидов, воцарися во Иерусалиме над Июдою (л. 525 об.)²⁴⁷⁸ во Елиме. И даст Господь смысл Соломону и мудрость многу зело и широту сердца, яко и песок иже в мори, и исполнися смысла Соломон зело, паче смысла сынов старейших и паче всех мудрых египетских.

Зри, суемудрене, яко прежде явления Божия Соломон премудр бысть. И по приношении тысящи приношений и в ту нощь явися Господь Соломону. Зри и зде, яко по приношении тысяща приношений явися Господь Соломону. А иже кто сам не приносит, а Божие возхищает, не имать ли негодовати на того Бог? Ей, имать. Послушай же прочее, что глагола Господь Соломону и что Соломоне прошение к Богу. И рече ему: (л. 526)²⁴⁷⁹ Проси, что хощеши, да дам тебе. Рече ж Соломон к Богу: Ты сотворил еси с Давидом отцем милосердие велико и поставил мя еси царя в него место. И ныне убо, Господи Боже, да исполнится слово Твое, еже обещал еси Давиду, отцу моему. Ты бо мене сотворил царя над людми Твоими многими, якоже прах земный, ныне ж дай мне премудрость и разум, да вниду и изыду пред людми Твоими сими. Кто бо может сии люди Твоя достойно судити? Сего ради даждь рабу Своему сердце смыслено на послушание и суждение людем Твоим в правду, иже разумевати добру и злу, яко кто может судити людем Твоим тяжким сим. (л. 526 об.)²⁴⁸⁰ Рече же Бог к Соломону: Иже кто наипаче угодило сердцу твоему и не просил еси богатства, ниже потребных и славы, ниже душ иже тя обидеша, но ни дни взыска живота многа, но просил еси премудрости и разума, да судити можеши люди Моя, над которыми поставих тя царя. Премудрость и разум дана суть тебе, богатство ж и потребная и славу дам тебе тако, да ни един во царех, ни прежде тебе, ни по тебе будет подобен тебе.

Видел ли еси Соломоне прошение, яко не проси ни славы, ни богатства, но сердца смыслена, како судити люди Божия в правду, а не собою и свой суд, якоже (л. 527)²⁴⁸¹ пишет князь Никита: суд государя царя и прочее. Но послушай, что по сих заповеда Соломону.

И аще ходиши по пути Моему и сохраниши заповеди Моя и повеления Моя, якоже ходи и Давид, отец твой. Умножу дни твоя. Таже и сам навык о Божиих судбах чюдится, глаголя: Велицы суть суди Твои, Господи, и неизглаголаны. Сего ради не наказании душа соблазниша, восприяша бо насиловати язык святый беззаконий.

Сыне²⁴⁸² мой, глаголы закона не забывай, глаголы ж Моя да соблюдет твое сердце, долготу бо жития и лета жизни и мира приложити. И паки рече: Сыне²⁴⁸³, не пренемогай в законе Господни, ни ослабей от него (л. 527 об.)²⁴⁸⁴ обличаем. И паки ин рече: Не²⁴⁸⁵ стыдися о сих и не приемли лица согрешати о законе Вышняго и завете и о суде оправдати нечестиваго. И паки: Сыне, храни моя словеса, моя же заповеди скрый в себе. Сыне, чти Господа и укрепишися разве же Его, не бойся инаго. Храни моя заповеди и поживеши. И паки рече: Страх Господень ненавидит неправды, досаждения и гордыню и путии лукавых. Возненавидех же Аз пути развращеныя злых, Мой совет и утвержение, Моя мудрость, Моя же и крепость. Мною царие царьствуют, Мною велможи величаются и мучителие Мною (л. 528)²⁴⁸⁶ держат землю и паки наказателне пишет. Слышите убо царие и разумейте и научитеся судии концем земли, внушите содержащая множества и гордящиися о народех язык, яко дана бысть от Господа держава вам и сила от Вышняго. Иже²⁴⁸⁷ истяжет дела ваша и помышления испытает, яко слузи суще царьства не судисте право, ни сохранисте закона, ниже по воли Божия ходисте. Сокрушение скоро явится вам, яко суд жесточайший на тех в находящих бывает, мала бо подается милость, силнии же силне истяжутся. Не лишает бо ся лица всех Владыка, ниже усрамится велможи, яко (л. 528 об.)²⁴⁸⁸ мала и велика сей сотвори, подобне же и проразумевает о всех, державных же крепко совесть испытание. И прочее.

Муж²⁴⁸⁹ премудр не возненавидит закона, сумняй же ся в нем, яко в бури корабль. Человек разумив веру имеет закону и закон верен ему. И паки премудрый рече: Возлюбите²⁴⁹⁰ правду судящии землю, мудрствуйте о Господе во благостыни и в простости сердца взыщите Его. Се глаголет Господь: Снабдите²⁴⁹¹ суд, сотворите правду. И паки: Путь Господень суд. Бог бо мой велик есть, не минет мене Господь, судии наш Господь, князь наш Господь, царь наш Господь. И паки глаголет Господь: Послушайте²⁴⁹², людие (л. 529)²⁴⁹³ Мои, послушайте, яко закон от Мене изыде и суд Мой на свет странам. Послушайте Мене ведящии суд, людие Мои, им же закон Мой в сердцы вашем. Не бойтеся укорения человеча и похвалению их не покоряйтеся, яко риза обетшает и яко сукно изъястся мольми, а правда Моя во веки.

Такожде и о новом евангелском законе и суде Сам Господь свидетельствует, глаголя: Аз с небесе снидох да не творю волю Мою, но волю пославшаго Мя Отца. И паки рече: Аз²⁴⁹⁴ не о себе приидох, но пославый Мя Отец. Той Мне заповедь даст, что реку и что возглаголю. И паки рече: Вся²⁴⁹⁵ Мне предана суть Отцем Моим.

(л. 529 об.)²⁴⁹⁶ И паки: Отец²⁴⁹⁷ не судит никому же, но суд весь даст Сынови. И паки инде речеся: Се²⁴⁹⁸ отрок Мой, Его же изволих, возлюбленный Мой, нань же благоволи душа Моя. Положу дух Мой и суд языком возвестит. И²⁴⁹⁹ аще сужду Аз, суд Мой истинен есть. Не²⁵⁰⁰ мните, яко приидох разорити закон или пророки. Не приидох разорити, но исполнити.

И²⁵⁰¹ аще кто услышит глаголы Моя и не верует, Аз не сужду ему. И по мале. Отметаяйся и не приемляй глагол Моих, имать судящаго ему слово, еже глаголах, то судит ему в последний день. И божественный (л. 530)²⁵⁰² апостол глаголет: Основания²⁵⁰³ инаго никто же может положити, паче лежащаго, еже есть Христос. И паки: Наздани²⁵⁰⁴ есте на основании апостол и пророк, сущу краеуголну самому Иисус Христу. Братие²⁵⁰⁵, по человеку глаголю: Обаче человеку утвержена завета, никто же отметает или приповелевает. И паки: Смеет²⁵⁰⁶ ли кто вещь имея, ко инему судитися, а не от святых. Тем же безответен еси, о человече, всяк судяй. Им же бо инаго судиши, себе осуждаеши. Таяжде твориши, судяй, вемы же, яко суд Божий воистину на творящая таковая. Помышляеши ли се, о человече, судяй таковая, яко ты убежиши суда (л. 530 об.)²⁵⁰⁷ Божия, вемы же, яко суд Божий есть на творящих таковая. И паки ин апостол глаголет: Аще²⁵⁰⁸ ли закон осуждаеши, неси творец закону, но судия. Един есть Законоположник и Судия, могий спасти и погубити.

И се доволно есть сказано о суде, яко суд Божий есть, а не царя и великаго князя. Како же ты, списателю неправедный, не убояся Господа Бога свята обезчестити, глаголя, суд царя и великаго князя, и прочее беззаконие? Кто еси ты, чрез Божественыя законы и святых апостол и святых отец правила смел дерзнути новыя бесовския законы написати, яко новый (л. 531)²⁵⁰⁹ Лютор? Не слышал еси вышеписанаго, како Господь заповеда на горе, глаголя: Внемлите²⁵¹⁰, не восходити на гору и ничим же коснутися ея. Всяк прикоснувыйся горе смертию умрет. И паки: Да некогда приступят к горе, к Богу разумети, и падут от них мнози, и жрецы же приступаяй ко Господу Богу, да ся освятят, да некогда изменит от них Господь. Ты же какой Богу советник, ни поп, ни диакон, смел дерзнути противная Богу и святым Его мудрствовати. Не слышал ли самаго Бога, заповедающа: Да²⁵¹¹ не приложити ко словесем, еже Аз заповедую вам, ниже отъимите от них, (л. 531 об.)²⁵¹² снабдите заповеди Господа Бога вашего, яже заповедал вам днесь.

И паки: Да²⁵¹³ сохраните повеления Моя, да не сотвористе от всех закон гнусных, да не осквернитесь в них.

А кои же не боящимся Бога и свои законы творящим, божественый Давид от лица Божия глаголет: Господь²⁵¹⁴ разоряет советы языком, отметает же мысли людей и отметает советы князей, совет же Господень вовеки пребывает. Грешнику же рече Бог: Вскую ты поведаеши оправдания Моя и восприемлеши завет Мой усты твоима. Ты же возненавиде наказание и отверже словеса Моя вспять. И паки инде рече: Глаголет пребеззаконный (л. 532)²⁵¹⁵ согрешати в себе, несть страха Божия пред очима его, яко ульсти пред Ним обрести беззаконие свое и возненавидети, глаголы уст его беззаконие и лесть, не восхоте разумети, еже ублажити, беззаконие умысли на ложи своем, предста всякому пути неблагу. И паки во инем псалме рече: Рече²⁵¹⁶ безумен в сердцы своем, несть Бога, растлеша и отмерзишася в беззакониих, несть творяй благое. Бог с небесе приниче на сыны человеческия, видети аще есть разумеваяй или взыскаяй Бога, вси уклонишася вкупе непотребни быша. Несть творяй благое, несть до единаго, ни ли разумевают вси делающии беззаконие. Утвердиша²⁵¹⁷ (л. 532 об.)²⁵¹⁸ себе слово лукаво, поведаша скрыти сеть, реша, кто узрит их. Сего²⁵¹⁹ ради удержа я гордыня их до конца, одеяшася неправдою и нечестием своим, помыслиша и глаголаша в лукавстве, неправду в высоту глаголаша. Положиша на небеси уста своя, и язык их прейде по земли и реша: Како уведе Бог и аз есть разум в Вышнем. Рех²⁵²⁰ беззаконнующим, не беззаконнуйте, и согрешающим, не возносисте рога, не воздвизайте на высоту рога вашего и не глаголите на Бога неправду, яко Бог судия есть.

1 2 3 4 ... 6 7 8 9 10 11 12 13 14 15 16 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

²⁴¹⁵ На верхнем поле листа киноварная помета: на 26-й вопрос и ответ.

²⁴¹⁶ На верхнем поле листа киноварная помета: 26-е возражение.

²⁴¹⁷ На верхнем поле листа киноварная помета: на 26-й вопрос и ответ.

²⁴¹⁸ На верхнем поле листа киноварная помета: 26-е возражение.

²⁴¹⁹ На верхнем поле листа киноварная помета: на 26-й вопрос и ответ.

²⁴²⁰ Слова «и всех городов Росийскаго государства» написаны со знаком вставки на нижнем поле листа другим почерком.

²⁴²¹ На верхнем поле листа киноварная помета: 26-е возражение.

²⁴²² На верхнем поле листа киноварная помета: на 26-й вопрос и ответ.

²⁴²³ На верхнем поле листа киноварная помета: 26-е возражение.

²⁴²⁴ На верхнем поле листа киноварная помета: на 26-й вопрос и ответ.

²⁴²⁵ Слова «а из менших городов по человеку» написаны тем же почерком со знаком вставки на правом поле листа.

²⁴²⁶ На верхнем поле листа киноварная помета: 26-е возражение.

²⁴²⁷ На верхнем поле листа киноварная помета: на 26-й вопрос и ответ.

²⁴²⁸ В ркп. написано дважды.

²⁴²⁹ На верхнем поле листа киноварная помета: 26-е возражение.

²⁴³⁰ На левом поле листа помета: глава 10 статья 1, лист 93.

²⁴³¹ На верхнем поле листа киноварная помета: на 26-й вопрос и ответ.

²⁴³² На правом поле листа помета: того ж статья 2.

²⁴³³ На верхнем поле листа киноварная помета: 26-е возражение.

²⁴³⁴ На левом поле листа помета: 2 Моис. 19.

²⁴³⁵ На левом поле листа помета: Деян. 6.

²⁴³⁶ На левом поле листа помета: 5 Моис. 29.

²⁴³⁷ На верхнем поле листа киноварная помета: на 26-й вопрос и ответ.

²⁴³⁸ На правом поле листа помета: Псалом 23; 1 Петр 2.

²⁴³⁹ На верхнем поле листа киноварная помета: 26-е возражение.

²⁴⁴⁰ На левом поле листа помета: Евреом 12.

²⁴⁴¹ На верхнем поле листа киноварная помета: на 26-й вопрос и ответ.

²⁴⁴² На правом поле листа помета: 5 Моис. 4.

²⁴⁴³ На правом поле листа помета: Деян. 7.

²⁴⁴⁴ На верхнем поле листа киноварная помета: 26-е возражение.

²⁴⁴⁵ На левом поле листа помета: 2 Моис. 20.

²⁴⁴⁶ На верхнем поле листа киноварная помета: на 26-й вопрос и ответ.

²⁴⁴⁷ На правом поле листа помета: 2 Моис. 20.

²⁴⁴⁸ На верхнем поле листа киноварная помета: 26-е возражение.

²⁴⁴⁹ На левом поле листа помета: 2 Моис. 21.

²⁴⁵⁰ На левом поле листа помета: 2 Моис. 34; 5 Моис. 5.

²⁴⁵¹ На верхнем поле листа киноварная помета: на 26-й вопрос и ответ.

²⁴⁵² На правом поле листа помета: Псалом 85; Иона 4; Иоиль 2.

²⁴⁵³ На правом поле листа помета: 3 Моис. 18.

²⁴⁵⁴ На верхнем поле листа киноварная помета: 26-е возражение.

²⁴⁵⁵ На левом поле листа помета: 3 Моис. 18; Езек. 20; к Рим. 5; Гал. 3; Евреом 9.

²⁴⁵⁶ На левом поле листа помета: 5 Моис. 2.

²⁴⁵⁷ На верхнем поле листа киноварная помета: на 26-й вопрос и ответ.

²⁴⁵⁸ На левом поле листа помета: Псалом 71.

²⁴⁵⁹ На левом поле листа помета: Псалом 2.

²⁴⁶⁰ На левом поле листа помета: Псалом 9.

²⁴⁶¹ На левом поле листа помета: Псалом 10.

²⁴⁶² На левом поле листа помета: Псалом 11.

²⁴⁶³ На верхнем поле листа киноварная помета: на 26-й вопрос и ответ.

²⁴⁶⁴ На правом поле листа помета: Псалом 12.

²⁴⁶⁵ На правом поле листа помета: Псалом 98.

²⁴⁶⁶ На верхнем поле листа киноварная помета: 26-е возражение.

²⁴⁶⁷ На левом поле листа помета: Псалом 134.

²⁴⁶⁸ На левом поле листа помета: Псалом 118.

²⁴⁶⁹ На верхнем поле листа киноварная помета: на 26-й вопрос и ответ.

²⁴⁷⁰ На верхнем поле листа киноварная помета: 26-е возражение.

²⁴⁷¹ На верхнем поле листа киноварная помета: на 26-й вопрос и ответ.

²⁴⁷² На правом поле листа помета: 3 Царств 2.

²⁴⁷³ На правом поле листа помета: 1 Паралип. 28.

²⁴⁷⁴ На верхнем поле листа киноварная помета: 26-е возражение.

²⁴⁷⁵ На левом поле листа помета: 3 Царств 2.

²⁴⁷⁶ На верхнем поле листа киноварная помета: на 26-й вопрос и ответ.

²⁴⁷⁷ На правом поле листа помета: 2 Паралип. 1.

²⁴⁷⁸ На верхнем поле листа киноварная помета: 26-е возражение.

²⁴⁷⁹ На верхнем поле листа киноварная помета: на 26-й вопрос и ответ.

²⁴⁸⁰ На верхнем поле листа киноварная помета: 26-е возражение.

²⁴⁸¹ На верхнем поле листа киноварная помета: на 26-й вопрос и ответ.

²⁴⁸² На правом поле листа помета: Притч. 3.

²⁴⁸³ На правом поле листа помета: Притч. 7.

²⁴⁸⁴ На верхнем поле листа киноварная помета: 26-е возражение.

²⁴⁸⁵ На левом поле листа помета: Иисус Сирах 41.

²⁴⁸⁶ На верхнем поле листа киноварная помета: на 26-й вопрос и ответ.

²⁴⁸⁷ На правом поле листа помета: к Рим. 13; 1 Петр 10; Тит. 3; Сирах 17.

²⁴⁸⁸ На верхнем поле листа киноварная помета: 26-е возражение.

²⁴⁸⁹ На левом поле листа помета: Сирах 33.

²⁴⁹⁰ На левом поле листа помета: Мудр. 1.

²⁴⁹¹ На левом поле листа помета: Исаия 56; Исаия 33.

²⁴⁹² На левом поле листа помета: Исаия 51.

²⁴⁹³ На верхнем поле листа киноварная помета: на 26-й вопрос и ответ.

²⁴⁹⁴ На правом поле листа помета: Иоан. 43.

²⁴⁹⁵ На правом поле листа помета: Матф. 11.

²⁴⁹⁶ На верхнем поле листа киноварная помета: 26-е возражение.

²⁴⁹⁷ На левом поле листа помета: Иоан 17.

²⁴⁹⁸ На левом поле листа помета: Исаия, Матф. 12.

²⁴⁹⁹ На левом поле листа помета: Иоан. 8.

²⁵⁰⁰ На левом поле листа помета: Марк 11.

²⁵⁰¹ На левом поле листа помета: Иоан. 12.

²⁵⁰² На верхнем поле листа киноварная помета: на 26-й вопрос и ответ.

²⁵⁰³ На правом поле листа помета: Кор. 128.

²⁵⁰⁴ На правом поле листа помета: Ефес. 222.

²⁵⁰⁵ На правом поле листа помета: Гал. 207.

²⁵⁰⁶ На правом поле листа помета: Кор. 134.

²⁵⁰⁷ На верхнем поле листа киноварная помета: 26-е возражение.

²⁵⁰⁸ На левом поле листа помета: Ияк. 56.

²⁵⁰⁹ На верхнем поле листа киноварная помета: на 26-й вопрос и ответ.

²⁵¹⁰ На правом поле листа помета: 2 Моис. 20.

²⁵¹¹ На правом поле листа помета: 5 Моис. 4.

²⁵¹² На верхнем поле листа киноварная помета: 26-е возражение.

²⁵¹³ На левом поле листа помета: 5 Моис. 6.

²⁵¹⁴ На левом поле листа помета: Псалом 32.

²⁵¹⁵ На верхнем поле листа киноварная помета: на 26-й вопрос и ответ.

²⁵¹⁶ На правом поле листа помета: Псалом 52.

²⁵¹⁷ На правом поле листа помета: Псалом 63.

²⁵¹⁸ На верхнем поле листа киноварная помета: 26-е возражение.

²⁵¹⁹ На левом поле листа помета: Псалом 72.

²⁵²⁰ На левом поле листа помета: Псалом 74.

Домашняя страница
священника Владимира Кобец