ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-11)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

ы же убо, возлюблении, ведяше, хранитеся, да не лестию беззаконных сведени бывше отпадете от своего утвержения, но да растете же во благодати и разуме Господа нашего и Спаса Иисуса Христа, тому слава и ныне и в день века. Аминь.

Павел³²¹⁴, раб Иисус Христов, зван апостол, избран во благовестие Божие. Еже прежде обеща пророки своими в писаниих святых о Сыне своем, бывшем от семени Давидова по плоти, нареченем Сыне Божий в силе, по Духу Святу, из воскрешения мертвых Иисус Христа Господа нашего, имже (л. 652)³²¹⁵ прияхом благодать и послание в послушание веры по вся языки о имени Его, в них же есте и вы звани Иисусу Христу всем сущим в мире возлюбленым Богу.

Не хощу же вас не ведети, братие, яко множицею восхотех приити к вам и возбранен бых доселе, да некий плод имею и в вас, якоже и в прочих языцех, еллинех же и в варварех. Мудрым же и неразумным должен есмь, толико есть еже по моему усердию и вам, сущим в Риме, благовестити. Не³²¹⁷ стыжу бо ся благовествованием Христовым, сила бо Божия есть во спасение всякому верующему, иудееви же прежде и еллину³²¹⁸. Правда бо Божия в Нем является, от веры в веру, якоже есть писано: Праведный³²¹⁹ же (л. 652 об.)³²²⁰ от веры жив будет.

Открывает³²²¹ бо ся гнев Божий с небесе на всяко нечестие и неправду человеческу, содержащих истину в неправде, занеже разумное Божие яве есть в них. Бог бо явил есть и им, невидимая бо от создания мира творенми помышляема видима суть и присносущная же сила Его и Божество. Воеже быти им безответном, занеже разумевше Бога, не яко Бога прославиша или благодариша³²²², но осуетишася помышлении своими и омрачися неразумное их сердце, глаголющеся быти мудры и обьюродеша и измениша славу нетленнаго Бога в подобие образа тленна человека и птиц и четвероног и гад. Тем же и предаст (л. 653)³²²³ их Бог в похоть сердец их, в нечистоту, воеже сквернитися телесем их в себе самех, иже преминаше истину Божию во лжу, и почтоша и послужиша твари, паче Творца, иже есть благословен во веки. Аминь.

И³²²⁴ якоже не искусиша Бога имети в разуме, сего ради предаст их Бог в неискусен ум творити неподобная, исполненых всякия неправды. И прочее. Нецыи же и оправдание Божие разумеша, яко иже таковая творящии, достойни суть смерти. Не точию же се творят, но и волю деют творящим.

Сего³²²⁶ ради безответен еси, о человече, всяк судяй, им же бо судом судиши другу, себе осуждаеши, тажде бо (л. 653 об.)³²²⁷ твориши судяй. Вемы же, яко суд Божий есть поистине на творящих таковая. Помышляеши же ли сие, о человече, судяй таковая творящим и творя сам тажде, яко ты избежиши ли суда Божия или о богатстве благодати Его³²²⁸, и кротости и долготерпения не радиши, не неведый, яко благодать Божия в покаяние тя вводит. По жестокому ж и твоему непокаяному сердцу³²²⁹ собираеши себе гнев в день гнева и откровения праведнаго Суда Божия, иже³²³⁰ коемуждо по делом его. Овем убо по терпению дела благаго славу и честь и нетление ищущим живота вечнаго, а иже по рвению и противляющимся убо истине, (л. 654)³²³¹ повинующим же ся неправде, ярость и гнев и скорбь и теснота на всяку душу человека творящаго злое, иудееви же прежде и еллину.

Слава же и честь и мир всякому делающему благое, иудееви же прежде и еллину. Несть³²³² бо на лица зрения у Бога, елицы бо беззаконно согрешиша, беззаконно и погибнут, и елицы в законе согрешиша, законом суд приимут, не слышатели бо закону праведни пред Богом, но творцы закону, сии оправдятся.

Егда бо языцы, не имуще закона, естеством законная творят, сия закона не имуще сами себе суть закон, иже являют дело законное написано в сердцы своих (л. 654 об.)³²³³ с послушествующы им совести их и между собою помыслом осуждающым или отвещающым в день, егда судит Бог тайныя человеком по благовестию моему Иисус Христом. Се ты иудей имянуешися и почиваеши на законе, и хвалишися о Бозе, и разумееши волю, и разсуждаеши лучшая научаем от закона, уповая же себе вожда быти слепым, свет сущим во тме, наказателя безумным, учителя младенцем, имуща образ разума и истинне в законе, научаяй убо инаго, себе ли не учиши. Проповедуяй не красти, крадеши, глаголяй, не прелюбы творити, прелюбы твориши, гнушаяся идол, святая крадеши, иже в законе хвалишися, (л. 655)³²³⁴ преступлением закона Бога безчествуеши. Имя³²³⁵ бо Божие вами хулится во языцех, якоже есть писано: Обрезание убо ползует, аще закон твориши. Аще ж закона преступник еси, обрезание твое не обрезание бысть. Аще убо не обрезание, оправдание закона сохранит, не необрезание ли его во обрезание вменится и осудит, яже от естества необрезание, закон совершающы, тебе иже Писанием и обрезанием суща преступника закону.

Не бо иже яве иудей есть, ни еже яве во плоти обрезание, но иже в тайне иудей, сей иудей есть и обрезание сердца духом³²³⁶, а не Писанием, ему ж похвала не от человек, но от Бога.

Что убо лишшее иудею или кая полза обрезанию, много по всякому образу. Первее, убо яко вероваша быша им словеса Божия, что бо аще не вероваша нецыи, еда убо неверие их веру Божию³²³⁸ упразднит, да не будет. Да будет же Бог истинен³²³⁹, всяк же человек ложь, якоже есть писано, яко да оправдишися в словесех своих³²⁴⁰ и победиши внегда судит ти ся. Аще ли неправда ваша Божию правду составляет, что речем, еда неправеден Бог, наносяй гнев, по человеку глаголю, да не будет, понеже како судити имать Бог всему миру. Аще убо истина Божия в моей лжы избыточествова в славу Его, что еще (л. 656)³²⁴¹ и аз яко грешник осуждаюся и не якоже хулимся. Якоже глаголют нецыи нас глаголати, яко сотворим злая да приидут на ны благая, их же суд праведен есть. Что убо повинни ли есмы? Никако же. Предукорихом бо убо иудеех и еллинех всем под грехом быти, якоже есть писано³²⁴², яко несть праведен никто ж, несть разумевая и несть взыскаяй Бога, вси уклонишася, вкупе непотребни быша. Несть творяй благостыню, несть даже до единаго. Гроб³²⁴³ отверст гортань их, языки своими лщаху. Яд³²⁴⁴ аспидов под устнами их. Их³²⁴⁵ же уста клятвы и горести полна суть. Скоры³²⁴⁶ ноги их пролияти кровь. Сокрушение³²⁴⁷ и озло(л. 656 об.)бление³²⁴⁸ на путех их и пути мирна не познаша. Несть³²⁴⁹ страха Божия пред очима их.

Зачало 84.

Вемы³²⁵⁰ же, яко елика закон глаголет сущым в законе глаголет, да всяка уста заградятся, и повинен будет весь мир Богови. Зане от дел закона не оправдится всяка плоть пред Ним. Законом бо познание греха. Ныне же кроме закона правда Божия явися, свидетельствована от закона и пророк³²⁵¹. Правда же Божия верою Иисус Христовою во вся и на всех верующих, несть бо разньствия, вси бо согрешиша и лишени суть славы Божия. Оправдаеми туне благодатию Его и избавлением, еже о Христе и Спасе, Его же положи Бог очищение верою (л. 657)³²⁵² в крови Его, в явление правды Своея за отпущение прежде бывших грехов в долготерпении Божии и взыскание правды Его в нынешнее время, воеже быти Ему праведну и оправдающу сущаго от веры Иисусовы. Где убо похвала? Отгнася. Которым законом? Делы ли? Ни. Но законом веры.

Мыслим бо верою оправдитися человеку без дел закона, или иудеем Бог токмо, а не и языком. Сей и языком, понеже един Бог, оправит и обрезание от веры и необрезование верою. Закон ли убо разоряем верою? Да не будет, но закон утвержаем.

Что3254 убо речем обрести Авраама, отца нашего по плоти, аще бо Авраам, (л. 657 об.)³²⁵⁵ от дел оправдася, имать похвалу, но не к Богу, что бо Писание глаголет: Верова³²⁵⁶ Авраам Богови, и вменися ему в правду.

Делающему ж мзда не вменяется по благодати, но по долгу, а не делающему, верующу же на оправдающаго нечестива, причитается вера его в правду, якоже и Давид глаголет: Блаженство человеку, ему же рече Бог причитаеть правду без дел закона. Блажени³²⁵⁸, им же отпустишася беззакония и им же прикрышася греси. Блажен муж, ему же не вменит Господь греха. Блаженство убо сие, на обрезание ли или на необрезание. Глаголем бо, яко вменися Аврааму вера в правду.

Како убо вменися ему, по обре(л. 658)зании³²⁵⁹ ли сущу или не во обрезании? Не во обрезании, но в необрезании. Знамение прият обрезания³²⁶⁰, печать правды вере, яже в необрезании, еже быти ему отцу всем верующим. В необрезание, воеже вменитися и тем в правду, и отца обрезанию, не иже обрезания сущим точию, но и ходящим в стопах веры, яже в необрезании отца нашего Авраама.

Не законом бо обетование Аврааму или семени его, яко наследником быти ему миру, но правдою веры. Аще бо сущии от закона наследницы, испразднися вера и разорися обетование, закон бе гнев соделовает. Идеже бо несть закона, ту ни пре(л. 658 об.)ступление³²⁶¹. Сего ради от веры да по благодати, воеже быти известну обетованию всему семени, не еже точию сущим от закона, но и сущим от веры Авраамовы, иже есть отец всем нам. Яже есть писано: Яко³²⁶² отца многим языком положих тя. Прямо ему ж верова Богу животворящему мертвыя и нарицающу не суща яко сущия. Иже паче упования на упование верова, воеже быти ему отцу многим языком, по реченому: Тако³²⁶³ будет семя твое. И не изнемог верою; но усмотри свою плоть уже умерщвлену, столетен негде сый из мертвость ложесн Саррин. По обетовании же Божии, не усумнеся неверованием, но возмо(л. 659)же³²⁶⁴ верою, дав славу Богови, и известен быв, яко еже обеща, силен есть и сотворити. Тем же и вменися ему в правду, не писано ж есть за того единаго точию, яко вменися ему, но и за ны. Им же хощет вменитися, верующым на воскресившаго Иисус Христа Господа нашего из мертвых, иже предан бысть на прегрешения наша и воста за оправдание наше.

Что³²⁶⁵ убо речем к сим? Аще Бог по нас, кто на ны? Иже убо Сына Своего не пощаде, но за ны вся предал есть Его, како убо не с ним вся нам дарует? Кто³²⁶⁶ поемлет на избраныя Божия? Бог оправдаяй, кто осуждаяй? Христос Иисус умерый паче ж и воскрес, иже есть одесную Бога (л. 659 об.)³²⁶⁷, иже проповедает о нас. Кто ны разлучит от любве Божия? Скорбь ли или теснота или гонение или глад и нагота или беда или меч, якоже есть писано, яко Тебе ради умерщвяеми есмы весь день, вменихомся яко овца заколению.

Истину глаголю о Христе, не лжу. Послушествующыми совести моей Духом Святым, яко скорбь ми есть велия и непрестающая болезнь сердцу моему. Молил³²⁶⁸ бых бо ся, аз отлучен быти от Христа по братии моей сродник моих по плоти, иже суть израильстей. Их же сыновение и слава и завети и законоположение и служение и обетование, их же отцы и от них же Христос по плоти, иже есть (л. 660)³²⁶⁹ надо всеми Бог вовеки. Аминь.

Не тако же³²⁷⁰, якоже отпадет слово Божие, не вси бо сущии от Израиля сей Израиль, ни зане суть семя Аврааме всем чада. Но³²⁷¹ о Исааце рече, наречется семя, сиречь не чада плотская, сия чада Божия, но чада обетования причитается в семя. Обетованию³²⁷² бо слово сице, на се время прииду, и будет Сарре сын. Не точию³²⁷³ же, но и Ревека от единаго ложа имущи Исаака, отца нашего. Не убо рождьшимся, ниже сотворшым чесо благо или зло, да по избранию предложение Божие да пребудет, не от дел, но от призывающаго речеся ей, яко болий поработает меншему. Якоже есть писано³²⁷⁴, Иякова возлюбих, (л. 660 об.)³²⁷⁵ Исава же возненавидех. Что убо речем, еда неправда у Бога, да не будет. Моисеови убо глаголет³²⁷⁶: Помилую, его же аще помилую, и ущедрю, его же аще ущедрю, тем же убо ни хотящему, ни текущему, но милующему Богу. Глаголет бо Писание фараонови³²⁷⁷, яко на истое воздвигох тя, да покажу тобою силу Мою и яко да возвестится имя Мое по всей земли.

Тем же убо его ж хощет, милует, а его ж хощет, ожесточит. Речеши³²⁷⁸ же ми убо, чесо ради убо укаряет. Воли бо Его кто противитися может? Тем же убо, о человече, ты, кто еси против, отвещеваяй Богови. Егда речет здание создавшему е³²⁷⁹, почто (л. 661)³²⁸⁰ мя³²⁸¹ сотворил еси тако? Или не имать власти скуделник брения. От³²⁸² того ж смешения сотворити, ов убо сосуд в честь, ов же не в честь. Аще ли же хотя Бог гнев показати Свой и явити силу Свою, пренес во мнозе долготерпении сосуды гнева, совершены в погибель, и да скажет богателство славы Своея на сосудех милости, яже прежде уготова в славу. Их же и призва нас, не точию от июдей, но и от язык. Якоже Иосия глаголет³²⁸³: Нареку не люди Моя люди Моя и не возлюбленую возлюблену. И будет на месте, идеже речеся им³²⁸⁴, не людие Мои есте вы, ту нарекутся сынове Бога живаго. Исаия же вопиет³²⁸⁵ о Израили, аще и будет число сынов Израилевых (л. 661 об.)³²⁸⁶яко песок морский, останок спасется. Слово бо скончавая и обращая в правду, яко слово сокращено сотворит Господь на земли и якоже прорече Исаия³²⁸⁷, аще не бы Господь Саваоф оставил нам семене, якоже Содом убо были быхом и яко Гомору уподобилися быхом. Что убо речем, яко языцы, не гонящей правду, постигоша правду. Правду же яже от веры. Израиль же гоня закон правды, в закон правды не постиже. Чесо ради? Зане не от веры, но от дел закона. Преткоша бо ся о камень претыкания, якоже есть писано: Се³²⁸⁸ полагаю в Сионе Камень претыкания и Камень соблазну, и всяк веруяй в Онь не постыдится.

Братие³²⁹⁰, благоволение моего сердца и молитва яже к Богу по Израили есть во спасение. Свидетельствую бо им, яко ревность Божию имут, но не по разуму, не разумеюще бо Божию правду и свою правду ищуще поставити, правде Божии не повинушася. Кончина³²⁹¹ бо закону Христос в правду всякому верующему. Моисей бо пишет³²⁹²: Правду яже от закона, яко сотворивый та человек, жив будет в них. А яже от веры правда, сице глаголет: Да не речеши в сердцы своем, кто взыдет на небо, сиречь Христа свести или кто снидет в бездну, сиречь Христа от мертвых возвести. Но что глаголет Писание³²⁹³: Близ ти глагол есть во устех твоих (л. 662 об.)³²⁹⁴ и в сердцы твоем, сиречь глагол веры, его же проповедаем. Яко аще исповеси усты своими Господа Иисуса и веруеши в сердцы своем, яко Бог Того воздвиже из мертвых, спасешися. Сердцем бо веруется в правду, усты же исповедуется во спасение.

Глаголет бо Писание: Всяк веруяй в Онь не постыдится, несть бо разньствия, иудееви же прежде и еллину. Той бо Бог всем богат во всех призывающих Его. Всяк³²⁹⁵ бо иже аще призовет имя Господне, спасется. Како убо призовут, в Него ж не вероваша? Како же веруют, Его ж не услышаша? Како же услышат без проповедающаго? Како же (л. 663)³²⁹⁶ проповедят, аще не послани будут? Якоже есть писано³²⁹⁷: Коль красны ноги благовествующых мир, благовествующых благая, но не вси послушаша благовествования. Исаия³²⁹⁸ бо глаголет: Господи, кто верова слуху нашему, тем же убо вера от слуха. Слух же глаголом Божиим, но глаголю еда не слышаша. Паче³²⁹⁹ убо во всю землю изыде вещание их и в концы вселенныя глаголы их, но глаголю еда не разумне Израиль. Первый Моисей глаголет³³⁰⁰: И аз раздражу вы не о языцех, но о языце, неразумне прогневаю вас. Исаия³³⁰¹ же дерзает и глаголет: Обретохся и не ищущым мене, явлен бых не вопрошающым о мне. Ко Израилю же глаголет³³⁰²: Весь день (л. 663 об.)³³⁰³ воздех руце мои к людем непокоривым и пререкающым.

Или³³⁰⁴не весте, о Израили что глаголет Писание, якоже проповедует на Израиля: Господи, пророки Твоя избиша и олтаря Твоя раскопаша, и остах аз един, и ищут душу мою изъяти ю. Но что глаголет ему Божественый ответ³³⁰⁵: Оставих себе седмь тысящ мужей, иже не преклониша колена пред Ваалом. Тако убо и ныне останок по избранию благодати бысть. Аще ли же по благодати, то не от дел, зане благодать уже не бывает благодать. Аще ли от дел, к тому несть благодать, а дело уже несть дело. Что убо, его же искаше Израиль, не получи сего, а избра(л. 664)ние³³⁰⁶ получи. Прочии же ослепишася, якоже писано есть: Даст³³⁰⁷ им Бог дух умиления, очи не видети и уши не слышати, даже до днешняго дне. И Давид глаголет: Да будет трапеза их в сеть и в лов и в соблазн и в воздаяние. Да помрачатся очи их не видети и хребет их отнюдь преклони.

Не бо хощу вас не ведети тайну сию, братие, да не будете о себе мудри, яко недоумение отчасти Израилеви бысть, дондеже исполнение языком внидет и тако весь Израиль спасется. Якоже есть писано: Приидет³³⁰⁸ от Сиона, избавляяй и отвратит нечестие от Иякова. И³³⁰⁹ се им от Мене завет, егда отъиму грехи их, ни единому. (л. 664 об.)³³¹⁰ Ничим³³¹¹ же должни бывайте, точию же любити друг друга, любяй³³¹² бо друга, закон сконча. Еже бо не прелюбы сотвориши, не похощеши и аще ина заповедь в сем словеси совершается³³¹³. Воеже возлюбиши искренняго своего, яко сам себе, любы искреннему зло не творит, исполнение закону любы есть.

Могущему³³¹⁴ же вас утвердити по благовествованию моему и проповеданию Иисус Христу, по откровению тайны, леты вечными умолчанныя, явльши же ся ныне писании пророческими по повелению вечнаго Бога в послушание веры во всех языцех познавшися единем премудрым (л. 665)³³¹⁵ Богом Иисус Христом.

На³³¹⁶ се бо Христос и умре и воскресе и оживе, да смертными и живыми обладает. Ты же почто осуждаеши брата своего, вси бо предстанем судищу Христову. Писано бо есть: Живу Аз, глаголет Господь, яко Мне поклонится всяко колено и всяк исповесться Господеви. Тем же убо кождо нас о себе слово даст Господеви.

Ибо³³¹⁷ и Христос не Себе угоди, но якоже есть писано: Поношение поносящих тебе, нападоша на мя. Елико бо преднаписана быша в наше наказание, да терпением и утешением писаний упование имамы. Терпения и утешения да даст вам, тожде мудрствовати друг ко другу (л. 665 об.)³³¹⁸ о Христе Иисусе, да единодушно единеми усты славите Бога и Отца Господа нашего Иисуса Христа.

Тем³³¹⁹ же приемлите друг друга, якоже и Христос прият вас в славу Божию. Глаголю же Христа Иисуса служителя бывша, обрезанию по истине Божии, воеже утвердити обетование Божия отцем, а языком по милости прославити Бога. Якоже³³²⁰ есть писано: Сего ради исповемся Тебе во языцех, Господи, имени Твоему пою. И паки глаголет: Возвеселитеся языцы с людми Его. И паки: Хвалите³³²¹ Господа вси языцы и похвалите Его вси людие. И паки Исаиа глаголет³³²²: Будет корень Иессеов и востаяй (л. 666)³³²³ владети над языки, на Того языцы уповают.

И паки инде рече³³²⁴: Им же не возвестися, о Нем им узрят, и иже не услышаша, уразумеют.

Никто³³²⁵ же себе да прелщает, аще кто мнится мудр быти в вас в веце сем, буи да бывает. Яко да будет премудр, премудрость мира сего буйство у Бога есть.

Писано бо есть³³²⁶: Запинаяй премудрым в коварстве их.

И паки³³²⁷: Господь весть помышлениа человека, яко суть суетна. Тем же никто же да хвалится в человецех. Не весте³³²⁸ ли, яко телеса ваша удове Христови суть, в земли уды Христовы, сотворю уды блудничи, (л. 666 об.)³³²⁹ да не будет, или не весте, яко прилепляяйся сквернодейцы едино тело есть с блудодеицею.

1 2 3 4 5 6 7 8 9 10 ... 12 13 14 15 16 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

³²¹⁴ На левом поле листа помета: к Рим. 1; Деян. 13.

³²¹⁵ На верхнем поле листа киноварная помета: на 26-й вопрос и ответ.

³²¹⁶ Написано киноварью на правом поле листа.

³²¹⁷ На правом поле листа помета: 1 к Рим. 1.

³²¹⁸ На правом поле листа помета: ниже 3.

³²¹⁹ На правом поле листа помета: Аввак. 2.

³²²⁰ На верхнем поле листа киноварная помета: 26-е возражение.

³²²¹ На левом поле листа помета: Галат. 3; Евреом 10.

³²²² На левом поле листа помета: Ефес. 3.

³²²³ На верхнем поле листа киноварная помета: на 26-й вопрос и ответ.

³²²⁴ На правом поле листа помета: к Рим. 1.

³²²⁵ Написано киноварью на правом поле листа.

³²²⁶ На правом поле листа помета: Марк 7; 1 к Рим. 4; Лука 6.

³²²⁷ На верхнем поле листа киноварная помета: 26-е возражение.

³²²⁸ На левом поле листа помета: 2 Петр 3; Петр 3.

³²²⁹ На левом поле листа помета: Ияков 5.

³²³⁰ На левом поле листа помета: Псалом 61; Матф. 16; ниже 9.

³²³¹ На верхнем поле листа киноварная помета: на 26-й вопрос и ответ.

³²³² На правом поле листа помета: 5 Моис. 10; 2 Парал. 19; Иов 37; Деян. 10; 1 Петр 1; Мудр. 6; Сирах 35; Галат. 20; Ефес. 6; Солун. 5; Матф. 7; Ияков 1.

³²³³ На верхнем поле листа киноварная помета: 26-е возражение.

³²³⁴ На верхнем поле листа киноварная помета: на 26-й вопрос и ответ.

³²³⁵ На правом поле листа помета: Исаия 52; Езек. 36.

³²³⁶ На правом поле листа помета: Колос. 2.

³²³⁷ На верхнем поле листа киноварная помета: 26-е возражение.

³²³⁸ На левом поле листа помета: ниже 9; 2 Тим. 2; Иоан. 3.

³²³⁹ На левом поле листа помета: Псалом 115.

³²⁴⁰ На левом поле листа помета: Псалом 50.

³²⁴¹ На верхнем поле листа киноварная помета: на 26-й вопрос и ответ.

³²⁴² На правом поле листа помета: Псалом 13 и 53.

³²⁴³ На правом поле листа помета: Псалом 5.

³²⁴⁴ На правом поле листа помета: Псалом 139.

³²⁴⁵ На правом поле листа помета: Псалом 9.

³²⁴⁶ На правом поле листа помета: Исаия 59.

³²⁴⁷ На правом поле листа помета: Притч. 1.

³²⁴⁸ На верхнем поле листа киноварная помета: 26-е возражение.

³²⁴⁹ На левом поле листа помета: Псалом 35.

³²⁵⁰ На левом поле листа помета: Галат. 2.

³²⁵¹ На левом поле листа помета: выше 1.

³²⁵² На верхнем поле листа киноварная помета: на 26-й вопрос и ответ.

³²⁵³ Написано киноварью на правом поле листа.

³²⁵⁴ На правом поле листа помета: к Рим. 4.

³²⁵⁵ На верхнем поле листа киноварная помета: 26-е возражение.

³²⁵⁶ На левом поле листа помета: 1 Моис. 12; Галат. 3; Ияков 2.

³²⁵⁷ Так в ркп. Должно быть: Зачало 86.

³²⁵⁸ На левом поле листа помета: Псалом 31.

³²⁵⁹ На верхнем поле листа киноварная помета: на 26-й вопрос и ответ.

³²⁶⁰ На правом поле листа помета: 1 Моис. 17.

³²⁶¹ На верхнем поле листа киноварная помета: 26-е возражение.

³²⁶² На левом поле листа помета: 1 Моис. 17; Иисус Сирах 44.

³²⁶³ На левом поле листа помета: 1 Моис. 15.

³²⁶⁴ На верхнем поле листа киноварная помета: на 26-й вопрос и ответ.

³²⁶⁵ На правом поле листа помета: к Рим. 20.

³²⁶⁶ На правом поле листа помета: Исаия 8.

³²⁶⁷ На верхнем поле листа киноварная помета: 26-е возражение.

³²⁶⁸ На левом поле листа помета: Деян. 4; 1 к Рим. 15, выше 2; Ефес. 2.

³²⁶⁹ На верхнем поле листа киноварная помета: на 26-й вопрос и ответ.

³²⁷⁰ На правом поле листа помета: выше 3.

³²⁷¹ На правом поле листа помета: 1 Моис. 21; Евреом 11.

³²⁷² На правом поле листа помета: Галат. 4; 1 Моис. 18.

³²⁷³ На правом поле листа помета: 1 Моис. 25.

³²⁷⁴ На правом поле листа помета: 1 Моис. 25; Малах. 1.

³²⁷⁵ На верхнем поле листа киноварная помета: 26-е возражение.

³²⁷⁶ На левом поле листа помета: 1 Моис. 337.

³²⁷⁷ На левом поле листа помета: 1 Моис. 26.

³²⁷⁸ На левом поле листа помета: Малах. 1.

³²⁷⁹ На левом поле листа помета: Мудрст. 15.

³²⁸⁰ На верхнем поле листа киноварная помета: на 26-й вопрос и ответ.

³²⁸¹ На правом поле листа помета: Исаия 45.

³²⁸² На правом поле листа помета: Иерем. 18.

³²⁸³ На правом поле листа помета: Иосия 2; 1 Петр 2.

³²⁸⁴ На правом поле листа помета: Иосия 1.

³²⁸⁵ На правом поле листа помета: Исаия 10.

³²⁸⁶ На верхнем поле листа киноварная помета: 26-е возражение.

³²⁸⁷ На левом поле листа помета: зачало Исаия 1.

³²⁸⁸ На левом поле листа помета: Матф. 21; Марк 15; Лука 20; Деян. 4; Псалом 117; Исаия 8 и 24.

³²⁸⁹ На верхнем поле листа киноварная помета: на 26-й вопрос и ответ.

³²⁹⁰ На правом поле листа помета: 1 Петр 2.

³²⁹¹ На правом поле листа помета: Галат. 3.

³²⁹² На правом поле листа помета: 3 Моис. 18; Езек. 20; Галат. 3; 5 Моис. 30.

³²⁹³ На правом поле листа помета: Моис. 3.

³²⁹⁴ На верхнем поле листа киноварная помета: 26-е возражение.

³²⁹⁵ На левом поле листа помета: Деян. 2; Иоиль 2.

³²⁹⁶ На верхнем поле листа киноварная помета: на 26-й вопрос и ответ.

³²⁹⁷ На правом поле листа помета: Исаия 52; Наум 1.

³²⁹⁸ На правом поле листа помета: Исаия 53; Иоан. 12.

³²⁹⁹ На правом поле листа помета: Псалом 18.

³³⁰⁰ На правом поле листа помета: 5 Моис. 32; Евреом 15.

³³⁰¹ На правом поле листа помета: Исаия 65.

³³⁰² На правом поле листа помета: Иасия 65.

³³⁰³ На верхнем поле листа киноварная помета: 26-е возражение.

³³⁰⁴ На левом поле листа помета: 3 Царств 19; к Рим. 11.

³³⁰⁵ На левом поле листа помета: 3 Царств 19.

³³⁰⁶ На верхнем поле листа киноварная помета: на 26-й вопрос и ответ.

³³⁰⁷ На правом поле листа помета: Исаия 6; Матф. 13; Марк 4; Лука 8; Иоан. 12; Деян. 28; Псалом 65.

³³⁰⁸ На правом поле листа помета: Исаия 59.

³³⁰⁹ На правом поле листа помета: Исаия 27; Иерем. 24 и 31.

³³¹⁰ На верхнем поле листа киноварная помета: 26-е возражение.

³³¹¹ На левом поле листа помета: Евреом 8.

³³¹² На левом поле листа помета: 2 Моис. 20; 5 Моис. 5; к Рим. 3.

³³¹³ На левом поле листа помета: 3 Моис. 19; Матф. 5 и 22; Марк 12; Галат. 5; Ияков 2; 1 Тим. 1.

³³¹⁴ На левом поле листа помета: к Рим. 14.

³³¹⁵ На верхнем поле листа киноварная помета: на 26-й вопрос и ответ.

³³¹⁶ На правом поле листа помета: к Рим. 14.

³³¹⁷ На правом поле листа помета: к Рим. 15; Псалом 68.

³³¹⁸ На верхнем поле листа киноварная помета: 26-е возражение.

³³¹⁹ На левом поле листа помета: к Рим. 15.

³³²⁰ На левом поле листа помета: к Рим. 15; Псалом 17.

³³²¹ На левом поле листа помета: Псалом 16.

³³²² На левом поле листа помета: Исаия 11.

³³²³ На верхнем поле листа киноварная помета: на 26-й вопрос и ответ.

³³²⁴ На правом поле листа помета: к Рим. 15; Исаия 51.

³³²⁵ На правом поле листа помета: 1 Кор. 3.

³³²⁶ На правом поле листа помета: Иов 5.

³³²⁷ На правом поле листа помета: Псалом 93.

³³²⁸ На правом поле листа помета: 1 Кор. 6.

³³²⁹ На верхнем поле листа киноварная помета: 26-е возражение.

Домашняя страница
священника Владимира Кобец