ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-13)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

то же ли пречюднее Павла верхо(л. 697)внаго³⁵⁶⁵, его же избра сам Господь учителя языком, и свидетельствова, глаголя: Яко³⁵⁶⁶ сосуд избран Ми есть, пронести имя Мое пред языки и царьми и сынми Израилевыми. Аз бо скажу ему, елика подобает о имени Моем пострадати. Яко иже сам той пишет к Римляном: Павел³⁵⁶⁷, раб Иисус Христов, зван апостол, избран во благовестие Божие. И прочее. И инде рече: и аз бо мнюся имени Духа Святаго. Но ни сей что любо, не писанием свидетельствуя о Господе нашем Иисусе Христе, но глаголаше, еже прежде обеща пророки Своими в писаниих святых о Сыне Своем, бывшем от семене Давидова, по плоти нареченне Сыне (л. 697 об.)³⁵⁶⁸ Божий по Духу Святе, из воскрешения мертвых Иисус Христа Господа нашего. И прочее.

Кто же ли любимее Иоанна возлюбленаго, иже на перси Христовы возлеже, брат и друг Христу именовася, о нем же сам Христос свидетельствова, якоже пишется³⁵⁶⁹: Стояху же при Кресте Иисусове мати Его. Иисус же видев матере и ученика стояща, его же любляше, глагола матери Своей: Жено, се сын твой. Потом глагола ученику: Се мати твоя. И паки инде³⁵⁷⁰: Обращ же ся Петр, виде ученика, его же любляше Иисус, вослед идуща, иже возлеже на вечери на персе Его и рече: Господи, кто есть предаяй Тя? Сего видев (л. 698)³⁵⁷¹ Петр, глагола Иисусови: Господи, сей же что? Глагола ему Иисус: Аще хощу, да той пребывает, дондеже прииду что к тебе, ты по Мне гряди. Изыде же слово сие в братию, яко ученик той не умрет. И по мале рече сам той: Сей есть ученик свидетельствуяй о сих, иже и написа сия, и вем, яко истино есть свидетельство Его. Иже и вышше всех написа, о слове Божии глаголя: В начале бе Слово, и Слово бе у Бога, и Бог бе Слово. Се бе искони у Бога. И прочее.

Но ни сей что любо без свидетельства преда или написа. Такоже и вси святии апостоли и святии отцы, ничто же предаша или научиша от себе, (л. 698 об.)³⁵⁷² но все от Божественаго Писания.

Ныне же един точию ты предал закон, несогласен Ветхому и Новому закону и всему Божественому Писанию. Господу убо глаголющу: Не мните, яко приидох разорити закона. Или пророк: Не приидох разорити, но исполнити. Аминь, глаголю вам, дондеже прейдет небо и земля, иота едина или едина черта не прейдет от закона, дондеже вся будут, иже аще разорит едину заповедий малых и научит тако человеки, мний наречется во Царьствии Небеснем.

Ты же, богоборче, не закон и пророки, но и самое святое священное Евангелие разорити и вся святыя законы не устыдеся. (л. 699)³⁵⁷³ Господу свидетельствующу и глаголющу: Небо и земля прейдет, от закона же иота едина или едина черта не прейдет. Ты же вся единою премину и ниже устрашися Божия страха, иже аще разорит едину, рече, заповедий малых и научит тако человеки, мний наречется во Царьствии Небеснем, то есть не наречется. Ты же сам вся святыя заповеди разорив и всем людем в закон свое беззаконие написа. Не глаголет убо Христос³⁵⁷⁴, законныя заповеди малы, но их же Он предати хощет. Нарицает же их малы смирения ради, да и тебе научит смиреномудрствовати. Мал же наречется, иже Сам не творит (л. 699 об.)³⁵⁷⁵ по заповедех и других тако учит, Сам дело не имея. Мал же наречется во Царьствии Небеснем, сиречь на воскресение последний и отвержен в геенну огнену, не вниде бо тако в Царьство Небесное. Других уча, сам же заповеди презирая попирая и ни во что же вменяя. Како бо инаго кто наставити может на путь, им же сам не ходил есть?

Ты же, богоборче, отметая заповеди Божия и не пребывая во учении Христове, како имаши внити в Царьство Небесное?

Не слышал еси Господа глаголюща: Но народ, иже не весть закона, прокляти суть. И святый Давид глаголет: (л. 700)³⁵⁷⁶ Прокляти уклоняющиеся от заповедей Твоих. И святый Иоанн Богослов глаголет: Всяк преступаяй и не пребываяй во учении Христове, Бога не имать.

Христов³⁵⁷⁷ отметник во всем житии своем да кается.

Иже от Христа отвержется, во все время живота своего должен есть плакатися. На исходе же жития сподобится святаго причащения.

Христиан³⁵⁷⁸ сый ругаяся Христу, от наречения ползы не приимет.

Вера без дел мертва есть, никая же бо полза от наречения, еже (л. 700 об.)³⁵⁷⁹ нарицатися христианину, Христовы же заповеди отметати и делы злыми тому ругатися.

Мирский³⁵⁸⁰ человек да не учит, не вси бо пророцы, ниже³⁵⁸¹ убо вси апостоли.

Всяк убо должен есть свой чин ведати и не творити себе пастыря овца сый, и глава да не мнится нога сый, но повиноватися преданому от Бога чину и уши свои отверзати на послушание приемлющих благодать учительскаго словесе. Не вси бо пророци и не вси апостоли. Сего ради мирстии человецы да не учат, ни словес о заповедех да не подвизают, тем сан (л. 701)³⁵⁸² учительский к себе привлачаще.

И божественый же Павел утвержает, глаголя: Аще и ангел благовестит паче, еже приясте, проклят да будет.

И святаго 7-го Вселенскаго собора правило 1: Аще кто приложит или уимет что от Божественых заповедей и закон, проклят да будет.

В Уложеной книге твоего списания глава 1 статия 1 о богохулниках.

Будет иноверцы какия ни буди веры или руской человек возложит хулу на Господа Бога и Спаса нашего Иисуса Христа или на рождьшую Его Пречистую Владычицу нашу Богородицу и Приснодеву Марию или на Честный Крест или на святых Его (л. 701 об.)³⁵⁸³ угодников и просыскивати всякими сыски накрепко. Да будет сыщется про то допряма, и того богохулника обличив казнити, зжечь.

И что болше тоя хулы, еже отложити вся заповеди Христовы и святых апостол и святых отец заповеди и каноны, лгати на Господа и на святых Его, о них же напреди скажем.

Да тое же Уложеной книге во 2-й главе в первой статье написано: Будет кто каким злым умышлением учнет мыслити на государьское здоровье злое дело, и про его злое умышление кто известит, и по тому извету про то его злое умышление (л. 702)³⁵⁸⁴ сыщется допряма, что он на царьское величество злое дело мыслил и делать хотел, и такова по сыску казнити смертию.

Также будет кто при державе царьскаго величества, хотя Московским государьством завладети и государем быти, и для того своего злаго умышления начнет рать збирать, или кто учнет царьскаго величества с недруги учнет дружитися, и советными грамотами ссылатися, и помочь им всячески чинить, чтобы тем государевым недругом по его ссылке Московским государьством завладеть, или какое дурно учинить, и про то на него кто изве(л. 702 об.)стит³⁵⁸⁶, и по тому извету сыщется про тое его измену допряма, и таковаго изменника по тому же казнити смертию.

Также самоволством, скопом и заговором к царьскому величеству и на его государевых бояр и околничих, и на думных, и на ближних людей, и в городех, и в полкех на воевод, и на приказных людей, и ни на кого никому не приходити и никого не грабити и не побивати.

А кто учнет к царьскому величеству или на его государевых бояр и околничих, и думных, и ближних людей, (л. 703)³⁵⁸⁷ в городех и в полкех на воевод, и на приказных людей или на кого ни буди приходити скопом и заговором, и учнут кого грабити или побивати, и тех людей, кто так учинит, за то по тому же казнити смертию без всякия пощады.

И аще кто начнет мыслить на царьское величество злое умышление или похочет Московским государьством завладеть и государем быти, или кто учнет к царьскому величеству или на его государевых бояр и околничих, и думных, и ближних людей, и в городех, и в полкех на воевод, и на приказных людей или на кого ни буди приходити скопом (л. 703 об.)³⁵⁸⁸ и заговором, и учнут кого грабити или побивати, и тех людей, кто так учинит, за то по тому же казнити смертию без всякия пощады.

Будет кто грамоту от государя напишет сам себе воровски, или в подлиной государеве грамоте и в ыных каких приказных письмах что переправит своим вымыслом, мимо государева указу и боярскаго приговору или думных и приказных людей, и подьячески руки подпишет, или зделает у себя печать такову, какова государева печать, и такова за такия вины казнити смертию.

А будет воровс(л. 704)твом³⁵⁸⁹ же учнет отъимати государевы печати от государевых грамот или от иных каких приказных писем, и те государевы печати учнет к иным каким воровским письмам прикладывать, или будет кто учнет какия письма воровством же наряжати и приказныя писма переправливати мимо государева указу, и того казнити смертию, а писмам его нарядным ни в чем не верити.

А³⁵⁹⁰ будет кто такия писма зделав умрет, и после его те писма объявятся у племяни или у прикащиков, и то его племя и прикащики учнут по тем письмам о каком деле государю бити челом, и про них сыскати, (л. 704 об.)³⁵⁹¹ каким обычаем те им письма достались, и где их взяли, и про то они ведали ли, что те письма нарядны. Да будет про них в сыску скажут или они сами в том повинятся, что они про то ведали, что те писма воровские нарядные, а держали их у себя для своих пожитков и корысти, и тех людей по тому ж казнити смертию.

Послушай, неправедный человече, что Господь к таковым лицемером глаголет: Рабе лукавый, от уст твоих сужду тя. Тако и зде не погрешит истины, кто тебе изглаголет такожде. И аще царьския грамоты и уставы и при(л. 705)казныя³⁵⁹² письма переправит кто своим вымыслом мимо государева указу и боярскаго приговору или думных и приказных людей и подьяческия руки подпишет, или будет кто учнет какия письма воровством нарежать и приказныя писма переправливати мимо государева указу, или после кого останутся такие воровския писма, или кто печать зделает, и за то казнити смертию.

А иже на самаго Бога вознеистовися и преобидит Божию власть, якоже и денница, и Божие достояние, и Божий суд преписав на царьское имя «суд государя царя» и прочее, и святых апостол и святых отец и учителей (л. 705 об.)³⁵⁹³ и законоположников наших, приимших власть от несочетанаго Царя и Бога нашего Господа Иисус Христа, на земли и на небеси имущих власть вязати и решити, и не человеком точию хотящим судити, но ангелом, то тех обесчестив и власть и честь и заповеди разорив и ни во что положив, коликих мук и смерти достоин?

Господу свидетельствующу: Иже есть от Бога, глаголы Божия послушает. Сего ради вы не послушаесте, яко от Бога несте. И инде рече: Слушаяй вас, Мене слушает, и отметаяйся вас, Мене отметается.

Будет кто (л. 706)³⁵⁹⁴ учинится приставу силен и по доездной памяти по того ослушника послати в другие инаго пристава, а к воеводе в тот город, где тот ослушник живет, послати государева грамота, чтобы воевода на того ослушника приставу дал стрелцов и пушкарей и защитников сколко человек пригож, чтобы было приставу с кем такова ослушника изымати. Да как пристав того ослушника изымав к Москве приведет, и тому ослушнику за его ослушание учинити наказание, бить батоги, да на нем же доправить, исцу прочесть и волокита по указу, и неделщиком езд без суда и отдати истцу. (л. 706 об.)³⁵⁹⁵ А будет кто в третие сотворит, и ему тоже наказание учинить и вкинуть в тюрьму на месяц.

Будет кто у пристава наказную и приставную память или государевы грамоты отъимет и издерет, и такова непослушника за государеву грамоту бить кнутом и посадить в тюрьму на три месяцы. А кто неделщика или понятых побиет до смерти, и того убойцу самаго казнити смертию же.

И аще тако царевым непослушником и суд иным без казни не прощено, а иже Божии и святых его апостол и законоположник заповеди преступая и попирая, колики муки (л. 707)³⁵⁹⁶ ждут? Божие слово и не погрешает: Имже бо судом судите, осудитеся, и ею же мерою мерите, возмерится и приложится.

Господу глаголющу: Глаголю³⁵⁹⁷ вам, яко аще не избудет правда ваша паче книжник и фарисей, не внидите в Царьство Небесное.

Правду глаголет всяку добродетель, якоже речено: Праведен бяше Иов, преподобен, непорочен. Устрашися прочее, о человече, разумев, колико должни суть. Таже учит нас, како изобилна правда наша будет, паче фарисей и книжник. Прочее же устрояет добродетели, глаголя Евангелие: Слышасте, яко речено бысть древним, (л. 707 об.)³⁵⁹⁸ не убиеши, иже аще убиет, повинен есть суду. Аз же глаголю вам, яко всяк гневаяйся на брата своего всуе, повинен есть суду.

Пророцы бо, хотяще пророчествовати, глаголаху: Тако глаголет Господь. Христос же не тако, но: Аз глаголю, являя власть Божества Своего. Они ради бяху, сей же Сын и вся отеческа имея. Гневаяйся, рече, на брата своего туне, осужден будет. Аще ли кто прогневается по правде, и наказания ради и по духовней ревности, не осуждается таковый. И Павел убо ярости и гнева глаголы вещаше к Елиме волхву и ко архие(л. 708)рею³⁵⁹⁹ на сонмище, но не туне, но по ревности божественней. Тогда бо туне гневаемся, егда имения ради и славы, и еже себе ради месть воздати.

Како же ты, богоотступниче, евангелских заповедей разорителю, ин закон вводишь в проклятом твоем списании в 10 главе в 27-й статье.

Будет боярин или околничей или думной человек обесчестит словом патриарха и за патриарше бесчестие боярина и околничего, и думнаго человека по сыску отослати к патриарху головою.

А будет боярин или околничей или думной человек (л. 708 об.)³⁶⁰⁰ обесчестит словом митрополита или архиепископа, или епископа, и за митрополичье и архиепископле и епископле безчестие боярину и околничему и думному человеку митрополиту за бесчестье четыреста рублев, архиепископу триста рублев, епископу двести рублев. А будет кому платить нечим, и его за властелинское безчестие отослать ко власти головою, будет сыщетца допряма.

А будет боярин или околничей или думной человек обесчестит архимандрита или игумена или иной какой иноческой чин, и им за безчестье по суду или по сыску платить безче(л. 709)стье³⁶⁰¹ против государева указу.

А будет патриарха или митрополита или архиепископа, или епископа или архимандрита или игумена или казначея или келаря или иной иноческий чин обесчестит словом столник или стряпчей или дворянин московской или гость или дьяк или жилец или дворянин или сын боярской городовой или иноземец или дворовой человек, а по сыску и по суду сыщется про то допряма, и им за такое безчестие чинить указ: за патриарха бить батоги, за митрополита посадить в тюрьму, за архиепископа и епископа (л. 709 об.)³⁶⁰² в тюрму же посадить.

А будет патриарха или митрополита или архиепископа, или епископа или архимандрита или игумена или казначея или келаря или иной иноческий чин обесчестит словом гостиной и суконной сотни или черных сотен и слобод тяглой человек или стрелец или казак или пушкарь или кто иной какова чину ни будь, а по суду и по сыску про то сыщется допряма, и им за то чинить указ: за патриарха учинить торговая казнь да посадить в тюрьму на месяц, за митрополита бити батоги (л. 710)³⁶⁰³ да в тюрму посадить на четыре дни, за архиепископа и епископа бить батоги да в тюрму посадить на три дни.

Архимандритом и игуменом и архидиакону и Троицы-Сергиева и всех монастырей келарем и казначеем и соборным старцом и рядовой братье править за бесчестье: Живоначалныя Троицы Сергиева монастыря архимандриту 100 рублев. И прочее о прочих монастырех писаное.

Откуду ты, беззаконниче и злобе списателю, такова навык чрез Божественыя Христовы заповеди и святых апостол и святых отец заповеди и каноны возмеряти противу зла зло, ранами и сребреными (л. 710 об.)³⁶⁰⁴ искупы качествы и количествы. Не слышали твое нерадивое ухо законоположника нашего и учителя Господа Бога и Спаса нашего Иисуса Христа, учаща и глаголюща вышереченое: Глаголю³⁶⁰⁵ вам, яко аще не избудет правда ваша паче книжник и фарисей, не внидите в Царьство Небесное.

Да которая правда в проклятом том твоем списании, аще кто патриарха обесчестит и по суду и по сыску, оваго головою отослать судил еси, оваго бить кнутом, инаго бить батоги, инаго в тюрму, на ином безчестие править, якоже выше сего твое безумие и проклятое беззаконие изообразися?

А будет митрополит или архиепископ, или епископ, или архимандрит, или игумен и прочие обесчестит словом бояр и околничих и прочих, а сыщется про то допряма, и им по сыску тем людем, кого они обесчестят, платить за бесчестье против их окладов, что кому государева денежнаго жалованья, а гостем и иных чинов людем по указным статьям.

А будет которому архимандриту или игумену или келарю или казначею или рядовым старцам за чье безчестие платить будет нечим, (л. 711 об.)³⁶⁰⁷ и на них тем людям править безчестье нещадно до тех мест, как они с ыстцы учинят зделку.

Горе тебе и писанию твоему, неправедниче, имать Бог бити стено поваплена по святому апостолу Павлу, яко суд укривлен всюду сотворил еси.

А будет боярина или околничего или думного человека обезчестит столник или стряпчей или дворянин московской или гость или дьяк или жилец или дворянин или сын боярской городовой или иноземец или дворовой человек, и на них бояром и околничим и думным людям по суду и по сы(л. 712)ску³⁶⁰⁸ править безчестие же. А будет кому ис тех чинов, боярину или околничему или думному человеку за безчестье платить будет нечим, и их бить кнутом.

А будет бояр и околничих и думных людей обезчестит кто словом гостиные и суконныя и черных сотен и слобод тяглой человек или стрелец или казак или пушкарь или монастырской слуга или иных чинов люди кто нибудь или холоп боярской, а по суду и по сыску сыщется про то допряма, и их за боярское и околничих и думных людей безчестие бити кнутом, да их же сажати в тюрму на две недели.

(л. 712 об.)³⁶⁰⁹ Не послушал еси писанаго: Не познай силна и убога на суде, яко суд Божий есть. Себе и подобных себе мест всем несравнену положил, за патриарха бить батоги, а за митрополитов и архиепископов и епископов сажать в тюрму, а себе сугубо бить кнутом да на две недели в тюрму.

Не слышал еси Спаса, глаголюща: Яко им же судом судите, осудитеся, и ею же мерою мерите, возмерится. И божественный апостол глаголет: Безумне, ты избежиши ли суда Божия? Воистину, на творящих таковая суд Божий есть. Коликим мукам еси и томлению повинен за тако(л. 713)вое³⁶¹⁰ безбожное предание и беззаконный закон, елико по нему сотворили бедным осужеником раны и иная злая. Ты в сем повинен. Збысться во псалмех писаное: Рече³⁶¹¹ безумен в сердце своем, несть Бога. Растлеша и омразишася в беззакониих, несть творяй благостыня, несть до единаго. Бог с небесе приниче на сыны человеческия видети, аще есть разумеваяй или взыскаяй Бога, вси уклонишася вкупе и непотребни быша. Несть творяй благое, несть до единаго, ни ли разумеют вси делающии беззаконие, снедающии люди Моя в хлеба место.

И паки другое писание:³⁶¹² Провещают (л. 713 об.)³⁶¹³ и возглаголю неправду, возглаголю вси делающии беззаконие. Люди Твоя, Господи, смириша и достояние Твое озлобиша, вдовицу и сира умориша и пришелца. И реша: Не узрит Господь, ниже разумеет Бог Ияковль. Разумейте же безумнии в людех и буи некогда умудритеся, насаждаей ухо, не слышит ли, или создавый око, не смотреят ли, наказуяй языки, не обличит ли? Учай человека разуму, Господь весть помышления человеческа, яко суть суетна. И паки ино писание: Помыслиша³⁶¹⁴ бо и глаголаша в лукавстве, неправду в высоту глаголаша. Положиша на небеси уста своя и язык (л. 714)³⁶¹⁵ их прейде по земли. Рече бо в сердце своем: Не взыщет. Усты наша при нас суть, кто нам Господь есть. И реша: Како уведе Бог, аще есть разум в вышнем. Обаче за лщения их, положил еси им злая, низложил я еси внегда разгордети. И по мале: Яко се удаляющиися от Тебе погибнут, потребил еси всякаго любы деющаго от Тебе.

Послушай, праведный беззакония списателю, Божественаго учения, еже Господь глаголет: Аз же глаголю вам, яко всяк гневайся на брата своего всуе повинен есть суду. Которому суду? Не твоему беззаконному, но суду Божию нелицемерному, (л. 714 об.)³⁶¹⁶ неумытному, якоже учит нас святое священное Евангелие: Егда же приидет Сын человеческий во славе Своей и вси святии ангели с Ним, тогда сядет на престоле славы Своея и соберутся пред Ним вси языцы. И прочее. А не твоему суду повинни, еже ты написал. Аще кто обезчестит словом патриарха и митрополита или архиепископа и епископа, или игумена и прочаго того чина столник или стряпчей и прочии того чина или гостиной и суконной сотни, даже до стрелца и казака и пушкаря и прочаго всякого человека, а по суду и по сыску указ учинит по государеву указу. А кому кого судить, не определил еси. (л. 715)³⁶¹⁷ Кому патриарха, кому ли митрополита и архиепископа и епископа и архимандрита и игумена и прочих.

На митрополитов и на архиепископов и на их приказных, и на дворовых людей, и на детей боярских, и на их крестьян и на монастыри на архимандритов и игуменов, и на строителей, и на келарей, и на казначеев, и на рядовую братью, и на монастырских слуг, и на крестьян, и на попов, и на церковной причет во всяких исцовых искех суд давать в Монастырском приказе. А по которым правилом и кому судить, того не написано же.

(л. 715 об.)³⁶¹⁸ А в 10 главе в 1-й статье написано: Суд государя царя и великаго князя Алексия Михайловича всеа Русии судит бояром и околничим и думным людям и дьяком и всяким приказным людям и судьям и всякая росправа делает всем людем Московскаго царьства от болшаго и до меншаго чину в правду.

А в той же книге Уложеной написано на листу 61:

В лето 7158-го июля в 16 день государь царь и великий князь Алексий Михайлович всеа Русии самодержец в двадесятое лето возраста своего в третие лето Богом хранимыя своея державы советовал со отцем (л. 716)³⁶¹⁹ своим и богомолцом святейшим Иосифом, патриархом Московским и всеа Русии, и с митрополиты, и со архиепископы, и со епископы, и со всем освященным собором, и говорил с своими государевыми бояры и с околничими, и з думными людьми, которые статьи написаны в правилех святых апостол и святых отец и в градских законех Греческих царей. А пристойны те статьи к государьственным и земским делам, и те бы статьи выписать.

И чтобы прежних великих государей царей и великих князей Росийских и отца его государева блаженыя памяти великаго государя царя и великаго князя Михайла Феодоровича всеа Русии (л. 716 об.)³⁶²⁰ и те государьские указы с старыми справити. А указал государь царь то все собрати и в доклад написати бояром, тебе, князю Никите Адоевскому с товарыщи. И ты по государеву цареву и великаго князя Алексия Михайловича всеа Русии самодержца указу, князь Никита Адоевской с товарыщи, написал, будто выписал ис правил святых апостол и святых отец и из градских законов Греческих царей и ис старых судебников прежних великих государей. И в том во всем ты, окаянный, солгал, написал, что ис правил святых апостол и святых отец и из градских законов Греческих царей и ис старых судебников (л. 717)³⁶²¹ прежних великих государей.

Покажи нам, где есть во апостолских и святых отец и благочестивых царей Греческих градских законов и в старых судебниках прежних великих государей судити бояром и околничим и думным людям и дьяком и всяким приказным людям и судьям патриарха и митрополитов и архиепископов и епископов, архимандритов и игуменов и весь духовный чин? Покажи во своем ложном списании и не отрекийся. И аз ти покажу Господа Бога и Спаса нашего Иисуса Христа суд и месть. Тако глаголет Господь: А³⁶²² иже бо аще речет брату своему (л. 717 об.)³⁶²³ рака, повинен есть сонмищу.

Собор убо не царьское или боярское и прочих мирских судей, но архиерейской суд глаголет, якоже правила и царьския и великих князей таковыя безчестныя суды. Кто кого обезчестит словом, судить архиереом. О них же многащи писано есть выше сего. Нам же архиереом и прочим священнаго чина доволно есть на отмщение лаятелем нашим Божественая отмщение.

А³⁶²⁴ иже речет, уроде, повинен есть геенне огненней. И что есть болши сего нашим лаятелем на отмщение, еже вечно мучитися в геенне огненней.

(л. 718)³⁶²⁵ Мнози мнят, яко тяжко есть осуждение сие, яко единаго ради таковаго слова и во огнь вечный осудит. Обаче же несть, тяжко, но достойно и праведно Божий суд возмери, лишаяй бо брата своего слова и разума и нарицает его буя, сиречь луда и безумна. Море бо буй сказуется и луд безумен. Како бо таковый несть достоин мукам: уничтожая бо и досаждая кому, любовь разсыпает, ей же разсыпавшися, вся добродетели разсыпаются, якоже и любви стоящи, вся добродетели стоят. Отнюду же всяк уничижаяй и досаждаяй, вся добродетели растерзает, разсы(л. 718 об.)пане³⁶²⁶ бывши любви. Отинуду же яве, яко достоин есть огню вечному.

Аще который мирский человек епископа в темницу ввержет или биет без вины или сплетет некую вину, да будет проклят.

Никому³⁶²⁷ же от властел не подобает боголюбивых епископ нудити на судище приити, да вдаст свидетельство о нечесом нудити и да посылает некия от служащих епископ ему, да предлежащу святому Евангелию, якоже (л. 719)³⁶²⁸ лепо есть Спасителем. Рекут, яже ведят, но ни о именней, рекше о златней, ни о греховней вине ко властелю градскому или к воинскому неволею приити или предстати без повеления царева не прощаем, но властеля, аще писанием, аще ли без писания повелети дерзнувшаго, по отрешении пояса, рекше по отъятии воинскаго сана, и муками казнити и в заточение послати.

Всем³⁶²⁹ же единою отрицаем, не сотвористе пакости образу монашескому, ни черноризцу, ни черноризице, ни постнице, никим любо образом не поругатися (л. 719 об.)³⁶³⁰ церковному строению. Се же аще кто дерзнет сотворити, телесную подъимет муку и в заточение предан будет.

Господу нашему сице учащу и заповедающу: Евангелие: слышасте³⁶³¹, яко речено бысть, око за око и зуб за зуб. Аз же глаголю вам, не противитися злу, но аще тя кто ударит в десную ланиту, обрати ему другую.

Законное разсуждение попущаше равная приимати зло сотворшим, яко да всяк боится такова же не пострадати, да не творят друг другу неправды. А еже ударяющему по ланите и другую обратити повеле, всяко, аще (л. 720)³⁶³² заповеди Божии хранит, может и сие претерпети, по апостолу: Да лутчее воскресение улучат терпением, рече, да течем, взирающе на предлежащии нам образ Началника вере и совершителя Иисуса, иже вместо предлежащия Ему радости претерпе крест, и о срамоте не ради, одесную Бога седе. И ин паки рече: Зане³⁶³³ Иисус Христос пострада по нас, нам оставль образ, да последуем стопам Его, иже убо укоряем, не укоряше, стражда не прещаше. И паки той же рече: Братие Христову, пострадавшу по нас, и вы в ту же мысль облецетеся. И паки самому (л. 720 об.)³⁶³⁴ Христу свидетельствующу: Прежде же сих всех возложат на вы руки своя и ижденут, предающе на сонмища и темница, ведоми ко царем и владыком, имени Моего ради. Прилучит же ся вам во свидетельство, положите убо на сердцех ваших. И по мале: Предани же будете и родители и братиею и родом и друзи и умертвят от вас, и будете ненавидеми от всех имени Моего ради. И инде рече: Тако³⁶³⁵ бо изгнаша пророки, иже прежде вас. И паки инде рече: Поминайте слово, еже Аз рех, несть раб болий Господа своего. Аще Мене изгнаша, и вас ижденут, (л. 721)³⁶³⁶ аще слово Мое соблюдоша, и ваше соблюдут. И по мале. Се же рех: Да не соблазнитеся от сонмищ ижденут вы, но приидет час, да всяк, иже убиет вы, мнится службу приносити Богу. И паки: Блажени есте поносят вы и ижденут и рекут всяк глаголы на вы, лжуще. Радуйтеся и веселитеся, яко мзда ваша многа есть на небесех.

Ты же, откуду им, нам нов закон проповедаеши, юже ни сам Христос рече, но апостоли проповедали, развее стрещися от таковых. Глаголаша: Блюдитеся³⁶³⁷, да никто вас прелстит. Мнози бо приидут во имя Мое, глаголюще, яко (л. 721 об.)³⁶³⁸ «Аз есмь», и многи прелстят, и верховный Петр: Быша же и лживии пророцы в людех, якоже и в вас будут лживи учителие, иже внесут ереси погибели и скупльшаго их Владыки отметающеся. Приводяще себе скору погибель и мнози последствуют их нечистотам, ими же путь истины похулится и в преумножении лстивых словес вас уловят, их же суд искони не коснит. Блюдете, убо да не приидет на вас реченое во пророцех. Видети, нерадивии, и чюдитеся и узрите и исчезнете, яко дело Аз соделаю во дни ваша. Ему же не имати веровати, аще кто исповесть вам. (л. 722)³⁶³⁹ И паки: Никто³⁶⁴⁰ же вас да лстит суетными словесы. Сих бо ради грядет гнев Божий на сыны непокоривыя. И паки рече: Блюдите³⁶⁴¹, братие, да некогда будет в некоем от вас сердце лукаво, исполнено неверия, еже отступити от Бога жива. И паки: Блюдите³⁶⁴² же, не отрицайтеся глаголющаго, аще бо не избежаша они отрекшейся пророчествующаго на земли, множае паче мы, отрицающеся небеснаго. И инде рече: Блюдитеся³⁶⁴³, да никто же вас будет прелщая хитростию и тщетною лестию по преданию человеческому и по стихиям мира сего, а не по Христе Иисусе. И паки: Блюдитеся³⁶⁴⁴, (л. 722 об.)³⁶⁴⁵ рече, от творящих распря и раздоры чрез учения, ему же вы научистеся и уклонитеся от них.

И Господь³⁶⁴⁶ свидетельствует о таковых: Иже есть от Бога, глаголы Божия послушает. Сего ради не послушаете, яко от Бога несте. И божественный Богослов³⁶⁴⁷: Всяк глаголет, преступаяй и не пребываяй во учении Христове, Бога не имать. И паки: Мы от Бога есмы. Разумеваяй Бога, послушает нас. О³⁶⁴⁸ разумеваем дух истиный и дух лстеч. И о сем разумеем, яко познахом Его, аще заповеди Его соблюдаем. Глаголяй, яко познах Его, и заповеди Его не соблюдает, ложь есть, (л. 723)³⁶⁴⁹ в сем истины несть. И по мале. Всяк³⁶⁵⁰, не творяй правду, несть от Бога.

Не вся ли сия о тебе проречена и о проклятом твоем списании, еже и збышася.

Послушай же нашего Законоположника и еще к сим. Евангелие: И³⁶⁵¹ хотящему судитися с тобою и ризу твою взяти, отпусти ему и срачицу. И аще кто тя поимет по силе поприще едино, иди с ним две.

Не глаголет, абие хотящему, но аще на судище влечет тя и молву деет, тогда остави ему, и ризу молвы ради и смущения. И что глаголю, ризу и одежду, но и самое тело свое даждь неправедно влекущему тя, (л. 723 об.)³⁶⁵² и множае паче хотения сотвори насилующему тя. Тем же и наведе рече: Просящему у тебе дай и хотящего от тебе заяти не отвратися.

Ты же како нам паче сих ин закон полагаеши, еже прежде тебе по Христове рождестве и спасителном Его волном страдании и святых Его евангелских заповедей никто не сме новозаконие каково любо ввести, ни от царей и великих князей православных, развее поганых, якоже турка и прочих подобных ему, иже насилием и беззаконием умучают род христианский. Им же воздаст Господь Бог по делом руку их в день Судный, христианом же православным³⁶⁵³ по терпению их жизнь (л. 724)³⁶⁵⁴ вечную.

Слыши и еще к сим Божию заповедь. Евангелие слышасте³⁶⁵⁵, яко речено есть: Возлюбиши искренняго твоего и возненавидиши врага своего. Аз глаголю вам: Любите враги ваша.

Постиже убо зде до верха добродетелем, что бо есть паче сего болше? Не невозможно есть. Моисей бо и Давид и Павел и Стефан и прочии святии неистовящихся на них и беснующихся жидов и врагов паче себе любляху и спасение их ищаху, и моляхуся о них, и тако обетования получиша, якоже и Господь заповеда, глаголя. Евангелие: Благословите кленущая вы, добро творите (л. 724 об.)³⁶⁵⁶ ненавидящим вас и молитеся за творящих вам напасть и изгоняющая вы.

Зри, яко благодателей подобает имети сущия враги наши, всяк бо напаствуяй и гоняй нас облегчает нам греховныя муки. К тому же и толикий дар нам дарует, яко сыном Божиим быти. Слыши прочее. Евангелие: Яко да будете сынове Отца вашего, иже есть на небесех, яко солнце свое сияет на злыя и благия и дождит на праведныя и на неправедныя.

Видиши ли, колико добро дает ти ненавидяй тебе и напаствуяй, аще претерпиши, да будете, рече, сынове Отца (л. 725)³⁶⁵⁷ вашего, иже есть на небесех. А идеже солнце не сияет, тамо тма есть, по писаному: Всяк творяй злое, не приходит ко свету, да не обличатся, яко дела зла суть. И таковый во тме ходит и не весть, камо идет, яко тма ослепи ему очи, по Божественому словеси, еже рече к жидом непокоривым: добре рече Исаия о вас, лицемерех: Уши имуще, не слышисте, и очи имуще, не видисте. Одебеле бо сердце людий сих, очи смежиша и ушима тяжко слышаша. А идеже не одождит, тамо всяко бесплодие. Ты же како сын Божий имаши быти, противная всюде Евангелию мудрствуя. (л. 725 об.)³⁶⁵⁸ Блажени³⁶⁵⁹ бо, рече, миротворцы, яко тии сынове Божии нарекутся. Блажени бо суть рече, не токмо иже сами себе со всеми смиряют, но и других ненавидящих смиряти смиряющии же ся суть, и поученми Божествеными враги приводяще, сынове бо суть Божии таковии. Понеже единородный Сын Божий смири нас к Богу, врагом сущим нам. А ты всюду вражду сотворил, а не мир. Первие, между Бога и человеков оставлением Божественых заповедей, якоже и от исперва некто. Таже между всеми человеки духовными и мирскими, малыми и великими, еже друг другу злобу мстит и безчестия (л. 726)³⁶⁶⁰ искати не помянул еси апостолское слово: Злобу койждо искреннему своему да не поминает. И паки ин рече: Солнце во гневе вашем да не зайдет. Исаия же о таковых глаголет: Вы есте отца вашего диавола, и похоти отца вашего твористе. Он искони человек убийца есть и во истине не стоит. И паки глаголет: Блажени бо суть слышащии слово Божие и хранящее. А кой же презирающим и не хранящим слово Божие рече: Слово, еже заповедах им, то судит им в день Судный. Тебе же кто ублажит или избавит от суда Божия, весь евангелский закон и заповеди разорившаго? Но горе (л. 726 об.)³⁶⁶¹ тебе, второе распинающему Христа, унее бы тебе не родитися. Богу свидетельствующу: Отраднее быти Содому и Гомору, нежели тебе, слышавшему слово Божие и не хранящему.

Якоже пишешь в 12-й главе о суде патриарших приказных и дворовых всяких людей и крестьян.

На патриарших приказных и на дворовых людей и на детей боярских и на крестьян и на всяких чинов людей, которые живут в патриарших домовых вотчинах, во всяких делех суд давать безсрочно на патриарше дворе, потому что при прежних государех и блаженыя памяти (л. 727)³⁶⁶² при великом государе царе и великом князе Михаиле Феодоровиче всея Русии ни в которых приказех на них суда не давали, а судили их на патриарше дворе, что судные дела слушает и указывает патриарх.

1 2 3 4 5 6 7 8 9 10 11 12 ... 14 15 16 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

³⁵⁶⁵ На верхнем поле листа киноварная помета: на 26-й вопрос и ответ.

³⁵⁶⁶ На правом поле листа помета: Деян. 9.

³⁵⁶⁷ На правом поле листа помета: к Рим. 1.

³⁵⁶⁸ На верхнем поле листа киноварная помета: 26-е возражение.

³⁵⁶⁹ На левом поле листа помета: Иоан. 19.

³⁵⁷⁰ На левом поле листа помета: Иоан. 51.

³⁵⁷¹ На верхнем поле листа киноварная помета: на 26-й вопрос и ответ.

³⁵⁷² На верхнем поле листа киноварная помета: 26-е возражение.

³⁵⁷³ На верхнем поле листа киноварная помета: на 26-й вопрос и ответ.

³⁵⁷⁴ На правом поле листа помета: толковое Евангелие, зач. 11.

³⁵⁷⁵ На верхнем поле листа киноварная помета: 26-е возражение.

³⁵⁷⁶ На верхнем поле листа киноварная помета: на 26-й вопрос и ответ.

³⁵⁷⁷ На правом поле листа помета: лист 245.

³⁵⁷⁸ На правом поле листа помета: лист 239.

³⁵⁷⁹ На верхнем поле листа киноварная помета: 26-е возражение.

³⁵⁸⁰ На левом поле листа помета: лист 198.

³⁵⁸¹ Исправлено из: еда.

³⁵⁸² На верхнем поле листа киноварная помета: на 26-й вопрос и ответ.

³⁵⁸³ На верхнем поле листа киноварная помета: 26-е возражение.

³⁵⁸⁴ На верхнем поле листа киноварная помета: на 26-й вопрос и ответ.

³⁵⁸⁵ В ркп. ошибка, должно быть: Глава 2, статья 2.

³⁵⁸⁶ На верхнем поле листа киноварная помета: 26-е возражение.

³⁵⁸⁷ На верхнем поле листа киноварная помета: на 26-й вопрос и ответ.

³⁵⁸⁸ На верхнем поле листа киноварная помета: 26-е возражение.

³⁵⁸⁹ На верхнем поле листа киноварная помета: на 26-й вопрос и ответ.

³⁵⁹⁰ На правом поле листа киноварная помета: 3 статья.

³⁵⁹¹ На верхнем поле листа киноварная помета: 26-е возражение.

³⁵⁹² На верхнем поле листа киноварная помета: на 26-й вопрос и ответ.

³⁵⁹³ На верхнем поле листа киноварная помета: 26-е возражение.

³⁵⁹⁴ На верхнем поле листа киноварная помета: на 26-й вопрос и ответ.

³⁵⁹⁵ На верхнем поле листа киноварная помета: 26-е возражение.

³⁵⁹⁶ На верхнем поле листа киноварная помета: на 26-й вопрос и ответ.

³⁵⁹⁷ На правом поле листа помета: Матф. 5, зач. 12.

³⁵⁹⁸ На верхнем поле листа киноварная помета: 26-е возражение.

³⁵⁹⁹ На верхнем поле листа киноварная помета: на 26-й вопрос и ответ.

³⁶⁰⁰ На верхнем поле листа киноварная помета: 26-е возражение.

³⁶⁰¹ На верхнем поле листа киноварная помета: на 26-й вопрос и ответ.

³⁶⁰² На верхнем поле листа киноварная помета: 26-е возражение.

³⁶⁰³ На верхнем поле листа киноварная помета: на 26-й вопрос и ответ.

³⁶⁰⁴ На верхнем поле листа киноварная помета: 26-е возражение.

³⁶⁰⁵ На левом поле листа помета: Матф. 5.

³⁶⁰⁶ На верхнем поле листа киноварная помета: на 26-й вопрос и ответ.

³⁶⁰⁷ На верхнем поле листа киноварная помета: 26-е возражение.

³⁶⁰⁸ На верхнем поле листа киноварная помета: на 26-й вопрос и ответ.

³⁶⁰⁹ На верхнем поле листа киноварная помета: 26-е возражение.

³⁶¹⁰ На верхнем поле листа киноварная помета: на 26-й вопрос и ответ.

³⁶¹¹ На правом поле листа помета: Псалом 52.

³⁶¹² На правом поле листа помета: Псалом 93.

³⁶¹³ На верхнем поле листа киноварная помета: 26-е возражение.

³⁶¹⁴ На левом поле листа помета: Псалом 72.

³⁶¹⁵ На верхнем поле листа киноварная помета: на 26-й вопрос и ответ.

³⁶¹⁶ На верхнем поле листа киноварная помета: 26-е возражение.

³⁶¹⁷ На верхнем поле листа киноварная помета: на 26-й вопрос и ответ.

³⁶¹⁸ На верхнем поле листа киноварная помета: 26-е возражение.

³⁶¹⁹ На верхнем поле листа киноварная помета: на 26-й вопрос и ответ.

³⁶²⁰ На верхнем поле листа киноварная помета: 26-е возражение.

³⁶²¹ На верхнем поле листа киноварная помета: на 26-й вопрос и ответ.

³⁶²² На правом поле листа помета: Матф. 5, зач. 12.

³⁶²³ На верхнем поле листа киноварная помета: 26-е возражение.

³⁶²⁴ На левом поле листа помета: Матф. 5.

³⁶²⁵ На верхнем поле листа киноварная помета: на 26-й вопрос и ответ.

³⁶²⁶ На верхнем поле листа киноварная помета: 26-е возражение.

³⁶²⁷На левом поле листа помета: лист 321.

³⁶²⁸ На верхнем поле листа киноварная помета: на 26-й вопрос и ответ.

³⁶²⁹На правом поле листа помета: лист 333.

³⁶³⁰ На верхнем поле листа киноварная помета: 26-е возражение.

³⁶³¹ На левом поле листа помета: Матф. 5, зач. 14.

³⁶³² На верхнем поле листа киноварная помета: на 26-й вопрос и ответ.

³⁶³³ На правом поле листа помета: 1 Петр.

³⁶³⁴ На верхнем поле листа киноварная помета: 26-е возражение.

³⁶³⁵ На левом поле листа помета: Матф. 7.

³⁶³⁶ На верхнем поле листа киноварная помета: на 26-й вопрос и ответ.

³⁶³⁷ На правом поле листа помета: Матф. 24; Марк 13; Лук. 11.

³⁶³⁸ На верхнем поле листа киноварная помета: 26-е возражение.

³⁶³⁹ На верхнем поле листа киноварная помета: на 26-й вопрос и ответ.

³⁶⁴⁰ На правом поле листа помета: Ефес. 5.

³⁶⁴¹ На правом поле листа помета: 2 Сол. 2.

³⁶⁴² На правом поле листа помета: Евреом 12.

³⁶⁴³ На правом поле листа помета: Колос. 2.

³⁶⁴⁴ На правом поле листа помета: к Рим. 16.

³⁶⁴⁵ На верхнем поле листа киноварная помета: 26-е возражение.

³⁶⁴⁶ На левом поле листа помета: Иоан. 8.

³⁶⁴⁷ На левом поле листа помета: 2 Иоан. 1.

³⁶⁴⁸ На левом поле листа помета: 1 Иоан. 1.

³⁶⁴⁹ На верхнем поле листа киноварная помета: на 26-й вопрос и ответ.

³⁶⁵⁰ На правом поле листа помета: 3.

³⁶⁵¹ На правом поле листа помета: Матф. 5, зач. 104.

³⁶⁵² На верхнем поле листа киноварная помета: 26-е возражение.

³⁶⁵³ Вписано другим почерком между строк.

³⁶⁵⁴ На верхнем поле листа киноварная помета: на 26-й вопрос и ответ.

³⁶⁵⁵ На правом поле листа помета: Матф. 5.

³⁶⁵⁶ На верхнем поле листа киноварная помета: 26-е возражение.

³⁶⁵⁷ На верхнем поле листа киноварная помета: на 26-й вопрос и ответ.

³⁶⁵⁸ На верхнем поле листа киноварная помета: 26-е возражение.

³⁶⁵⁹ На левом поле листа помета: Матф. 9.

³⁶⁶⁰ На верхнем поле листа киноварная помета: на 26-й вопрос и ответ.

³⁶⁶¹ На верхнем поле листа киноварная помета: 26-е возражение.

³⁶⁶² На верхнем поле листа киноварная помета: на 26-й вопрос и ответ.

Домашняя страница
священника Владимира Кобец