ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-16)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

риши ли, коликая честь на архиереох и по древнему закону самим Богом узаконена. Аще кто сотворит презрение, не послушаго³⁸⁷⁸ жерца предстаящаго (л. 795)³⁸⁷⁹ служити во имя Господа Бога твоего, или судиа, иже в тый дни будет, да умрет человек той. Како же ты низводиши великаго архиерея, патриарха, под повеление худых простых людей и судей? По суде велишь допрашивать, священников по священству и монахов по обещанию, и что они скажут, а патриарху то сказать простому человеку. Ох, ох, люте тебе, окаянному, и произволению твоему! Видел ли еси от Древняго закона, како подобает суд вершити?

Послушай да от Новаго святаго Евангелскаго закона скажем не инакое взаконие.

(л. 795 об.)³⁸⁸⁰ Евангелие: Аще³⁸⁸¹ согрешит к тебе брат твой, иди и обличи его между собою. И тем единем, аще тебе послушает, приобрел еси брата твоего, аще ли не послушает, поими с собою единаго или два, да при устех³⁸⁸² двою или триех свидетелех станет всяк глагол. И паки инде рече³⁸⁸³: Аще сужду Аз, суд Мой истинен есть, яко един несмь, но Аз и пославый Мя Отец. И в законе вашем писано есть³⁸⁸⁴, яко двою человеку свидетельство истинно есть. Аз есмь свидетельствуяй о Мне самом, и свидетельствуяй о Мне пославый Мя Отец.

(л. 796)³⁸⁸⁵ И божественный апостол глаголет: Третицею се гряду к вам, да при устех двою или триех свидетелех станет всяк глагол.

И паки: Отвергся кто закона Моисеова³⁸⁸⁶ без милосердия при двою или триех свидетель умирает. Колице мнит горшей сподобитися муце, иже Сына Божия поправый и Кровь заветную скверну возмнив, в ней же освятися, и Дух благодати укорив. Вем бо рекшаго³⁸⁸⁷: Мне отмщение, Аз воздам, глаголет. И паки³⁸⁸⁸: Яко судит Господь людем Своим. И паки: Страшно еже впасти в руце живаго Бога. И паки: На попа хулы не приемли³⁸⁸⁹, разве (л. 796 об.)³⁸⁹⁰ при двою или триех свидетелех.

В послушество на епископа еретик не приятен. Но ниверный един токмо, во устех бо, рече, двою или триех послух станет всяк глагол.

Закон судный людем царя Константина Великаго перваго христианскаго, глава 2.

Во³⁸⁹¹ всяку прю и клеветы и шепты достоит князю и судии не послушати без свидетель мног, но глаголати к соперником и клеветником и шепотником, аще не поставите послухов, якоже закон Божий велит, прияти ту же казнь чайте, юже и на друга глаголете. Божий закон тако (л. 797)³⁸⁹² велит, да иже сего не хранит, да будет проклят.

Над всеми же сими достоит на всякой при князю и судии со всяцем испытанием и терпением испытание творити и не без послух осуждати. Но искати послух истинных, боящихся Бога, и нарочитых и неимущих вражды некоея же, ни лукавства, ни мерзости, ни тяжи, ни при, на него же глаголет, но страха ради Божия и правды Его. Число же послух да бывает 11 и лише сего числа в малой при от седми до триех. А мнее сего числа в меншей при не приимати. Власть же имать, (л. 797 об.)³⁸⁹³ на него же глаголют судии залагати, и глаголати послухом, или присягу, или продажю, или ту же казнь. Аще ли в кое время обрящутся лжуще, не достоит убо ни во едину прю приимати послух, иже будут когда обличени лжуще и преступающе закон Божий, или житие скотское имуще, или иже о себе непобедими на присягу отъимутся.

Достоверны свидетели подобает суд кончати.

Послуси³⁸⁹⁵ имеюще или сан воинству или начинание или купно прияти суть, аще ли обрящутся послуси незнаеми и неключимо будет о послушестве их, да правят судии и муками да приидут к ним, яко да истиное исправление обрящут родителие и чада. Аще и достойное глаголюще, да не прияти будут, ни по господине, ни на господина раб, но свобоженый да послушествует, да не нудится кто на ся приводити послухи. Послухи же пред судиями на послушество приводими, первое убо без клятвы пред двема (л. 798 об.)³⁸⁹⁶ кои пред теми разсмотрени, яже о совести суть, да глаголют. И аще о взыскаемем обрящутся глаголющее что, тогда да кленутся, пребывающе далече в существеных винах по местом и да не нудими будут приходити, но по повеленым к ним да приидут и о совести своей да послушествуют. Аще ли кто послуха в свою вещь приведет, того же самаго послуха ино лице во иней главе нань да приведут, таковаго на онаго, онем приведена, не написати. Аще не явится убо яко вражда некая конечне последова между има, или обещанием или (л. 799)³⁸⁹⁷ даянием на пагубу вещи послушествующему бысть.

Истину же восхощешь ведати, сам прочти тамо лежащия. Смотри убо, коликая ти свидетельства умножил, яже от Древняго Богом данаго закона Моисею, и яже от Новаго завета святаго Евангелия и святых апостол и святых отец и царьских и градских законов и устав о законных свидетелех конец постижен.

Ныне же паки о лжесвидетельстве и о послусех ложных и не приятых от закон и канонов писати начнем.

Пишешь в 1-й статье крестнаго целованья: Которым Московскаго (л. 799 об.)³⁸⁹⁸ государьства всяких чинов руским людем доведетца по судным делем изо всех приказов крест целовать, и им или за них людем их крест целовать.

А в пятой статье: У кого будет людей нет и им самим крест целовать.

И о том показано выше сих, всякой суд верныма свидетели вершить, а будет свидетелей не будет, тогда по Древнему закону жреческим исправлением кончалися.

А которые люди учнут на ком искати своих исков, а в жалобе напишут того самаго, до кого ему будет (л. 800)³⁸⁹⁹ дело, до человека его имянно, и ответчик на душу человеку своему и имя тому человеку скажет и в таком деле крест целовать ответчикову тому человеку, которой его человек будет написан, а не тому, кого тот ответчик в суде именем скажет.

А которые истцы ищут на ответчиках рублев трехсот и болши, а на суде даст ответчик на душу истцу, и в том иску крест целовати одному человеку, кому ответчик поверит. А будет ответчик возмет на душу своему человеку, и в человеке дать на волю истцу, кому истец поверит.

(л. 800 об.)³⁹⁰⁰ И где есть писано, покажи ми известно, еже рабу за господина крест целовать? Закон отрицает единому свободну и верну свидетельствовати. И да не будет, рече³⁹⁰¹, един в послушество на человека по всякой обиде и по всякому греху, иже аще согрешит, но при двою или треми устех да станет всяк глагол. А ты закон положил, рабу за господина крест целовать, и что беззаконнее сего? Сугубо беззаконие. Первие, един свидетель, другое, раб, ему же повелит господин, то все сотворит, и другое беззаконие господин мнит не толь тяжко (л. 801)³⁹⁰² и грешно ему, понеже раб вместо его ротился и крест на роте целовал. А раб мнит безгрешно сотворил, господина своего послушав, таковую роту сотворил и крест целовал за господина своего душу. Раб не еже роту сотворити и крест целовати за господина, но аще бы воля была господину убити врага своего, с ним же рота есть, и повелел бы рабу своему убити того врага своего, мню, яко не отречется и то сотворити. Писано есть: Несть ученик над учителем, ни раб над господином достоит, да будет ученик яко и учитель и раб яко и господь его. И како может таковой свидетел(л. 801 об.)ствовать³⁹⁰³, а клятва или крест целовать, несть ино разве свидетельство, понеже и свидетели кленутся по испытании судиином. Богу самому заповедающему: Не приимеши слуха суетна. И что болши, самому Богу свидетельствующу древле Моисейским законом и Новым Евангелским, при двою или триех свидетелех станет всяк глагол, а не при единем и еще рабом сущим.

Церковным же законом ни епископ един приятен есть на свидетельство.

В³⁹⁰⁴ послушество на епископа еретик (л. 802)³⁹⁰⁵ не приятен, но ни верный един токмо. Во устех бо, рече³⁹⁰⁶, двою или треих послух станет всяк глагол.

Не токмо на оклеветание еретик несть приятен, но ни на послушество. Аще един послушествует, аще и верен есть, несть приятен. И к Тимофеови бо великий Павел пиша³⁹⁰⁷, тако рече³⁹⁰⁸: На презвитера послушества не приемли, аще не пред двема или треми послухи, мню же ни на оклеветание, им же отпадение наводится, своего сана епископу или презвитеру не доволно ни два послуха, аще и верна еста и непорочна.

Не³⁹¹⁰ искушен причетник или мирский человек, глаголяй на епископа, не приятен.

Аще кто клевещет на епископа или на причетника, рекше на презвитера или диакона, подобает истязати прежде житие их, а не без испытания приимати их на оклеветание епископа. Аще причетницы суть оклеветающии или мирстии человецы, да некогда будут отвержени от церкве или причащения лишени, или о гресех неких оклеветаеми сами, и себе и еще не оправдивше, или инако како житие (л. 803)³⁹¹¹ имуще порочно, или верою чюжди, рекше еретицы, мнози бо таковии церковное благочиние смясти и превратити хотяще, клеветами вины сшивают на непорочныя и правоверныя епископы и причетники. Таковии на оклеветание не приятни.

Причетник³⁹¹², вещь судив, аще неугоден будет, да не позовется о том послушествовати на судище и всякаго церковника лица не приводити на послушество.

Аще некая два суперника пред некиим причетником изволиста судится и вину распрения пред ним объявиста, (л. 803 об.)³⁹¹³ и потом, раскаявшеся, остависта суд его и отъидеста на подобное има судище, да не позовеста на свидетельство судившаго его прежде причетника. Ово убо яко отречено ему есть от закона и не подобает его нудити неволею свидетельствовати, иже бо на священную службу упражняются, неволею не свидетельствуют. Ово же, яко оней же вещи оба суперника избраста судию, судии же возбранено есть свидетельствовати.

Не³⁹¹⁴ свидетельствует отлученый.

Непорочну подобает быти послушествующему. Сего (л. 804)³⁹¹⁵ ради убо ни причетник, ни мирский человек, аще есть отлучен, на епископа или на причетника клеветати или послушествовати не приятен есть.

И раб свобожденый, ни прежде оклеветаный о неких неприемлемых людским судом, и скомрах, и еллин, и еретик, и жидовин, не приятни.

Не подобает без испытания на епископы и на причетники оклеветания или послушества приимати, по шестому правилу втораго Вселенскаго собора в Константине граде, и аще убо житие имеют непорочно и веру правоверну, (л. 804 об.)³⁹¹⁶ прияти таковыя. Аще же и раби суть, тии бо и от градских закон ни по которой же вине, ни по церковней, ни по мирстей клеветати или послушествовати не могут, ни свобождении же на своя господие. Возбранено убо есть и тем градскими законы на свободившыя их от работы клеветати или послушествовати о гресех. Подобает бо им честны и святы свободившыя их имети. Ни прежди того сами осуждени бывше и еще не оправдившеся или на людстем осуждени бывше судищи и царьским благодеянием от своего запрещения и еще неустроени суще, (л. 805)³⁹¹⁷ или житие поруганию достойно имуще, якоже се скомраси и глумцы, или нашея веры чюжди суще, якоже се, июдеи, еретицы же и еллини, таковии не приятни на оклеветание или на послушество на епископа или на причетника, понеже тии о инем ни о чем же тщания не имут, но токмо порок и поругание святительстей чести прилагати и мятеж на церковь приводити.

Оклеветаяй во мнозе и ни в единем же обличив, не послушан.

По достоянию убо и сей на оклеветание и на послушество не приятен есть, (л. 805 об.)³⁹¹⁸ яко клеветник явлься³⁹¹⁹, и того ради без чести сый, понеже глаголя на некоего многи предлагает вины и ни в единей же обличит.

Ни³⁹²⁰ четырехнадесяти лет отрок приятен.

И сей на послушество не приятен есть несовершенаго ради возраста. Подобает бо послушествующему честну и правоверну быти и тверд ум имети, несовершеный же возрастом ползок есть помышлением. Второе же изложение седмыянадесят главы первыя грани двадесять первых книг глаголет: аще не будет 20-ти лет возрастом.

(л. 806)³⁹²¹ <...> ³⁹²² и на прочих причетников, яко не точию простым людем достойно есть судити митрополитов или архиепископов и епископов, но един митрополит архиепископу или епископу не может судити. Такожде и един архиепископ или епископ не может судити попу и диакону³⁹²³.

Оклеветаем³⁹²⁴ епископ и позываем на суд, и не послушая дващи и трищи, двема епископома да позван будет. Аще же не приидет, якоже хощет, собор да осудит таковаго.

Оклеветаема епископа о некоем прегрешении от достоверных мужей и позываема на судище и (л. 806 об.)³⁹²⁵ не послушающу, не тако вскоре подобает собору осудити таковаго, но и дващи и трищи позвати того, и да посылается по нь на коемждо позвании по два епископа. Аще же пребудет небрегий и не приидет на судище, да испытает вину по единей части собор и по подобию вины достойно да осудят его. Да не мнится избыти³⁹²⁶ суда беганием.

<... см. лл. 782 об.–805 об. ... — В.Ш.>

Второе же изложение седмыянадесять главы первыя грани двадесять первых книг глаголет: Аще не будет 20-ти лет возрастом, (л. 822)³⁹²⁷ таковаго на послушество о гресе ни на кого не приимати.

Клеветник от своего дому послухов не поставляет.

Своего дому послуси отвержены суть и градскими законы. Глаголет бо ся 21-я глава Книг Царьских яве сице: Клеветник домашних своих послух не может привести. И 25-я главы тоя же грани тех же Царьских Книг глаголет, яко домашняя свидетельство отметаема суть. Домашняя же свидетели разумей, иже под властию некоего и могуще повеленая им от него творити, (л. 822 об.)³⁹²⁸ таковии убо ни по нем самом, ни на инаго, на него же он клевещет, во свидетельство не приятни, или о греховных, или о инех, яже имениа винах. Аще же ин судим бывая, и восхощет от инаго дому свидетеля привести, не возбранится ему, от единаго бо дому и отец и сын, под властию его сый, и два брата под властию отчею суще, или на кого или по ком не могут свидетельствовати, якоже 21-я глава тоя ж грани, рекше первыя 21-х Царьских Книг повелевает.

Глаголяй епископ, яко мне единому причетник грех исповеда, (л. 823)³⁹²⁹ аще же причетник запрется, неверне есть.

Не подобает веровати, аще возглаголет епископ на некоего причетника, яко он сице причетник мне единому исповеда грех. Того ради греха хощу его или от сана изврещи или общения отлучити. Аще бо вопрошен быв причетник, его же, рече, епископ исповеда ему грех, запрется, глаголя, яко несть ти исповедал, глаголя таковаго греха, не подобает ему осудити его, ни того в досаждение себе вменити, яко той един епископ неверен есть.

(л. 823 об.)³⁹³⁰ Свидетелие³⁹³¹ от слуха да не свидетельствуют, глаголюще, яко слышахом от коего сего делника или ино что свидетельствующе от слышания, аще и князи суть, иже свидетельствуют.

Яко³⁹³² един токмо не послушан есть, аще и велик будет сановник, еретик же по всему, не свидетельствует на правовернаго, аще не о людстем строении правоверный судится.

Достовернии³⁹³³ да будут свидетелие, аще не нецыи от ведящих, не от худых же, (л. 824)³⁹³⁴ ниже отнюдь не знаеми.

О³⁹³⁵ греховных винах нужда есть всячески привести свидетелие, а не глаголы их.

В³⁹³⁶ свидетелех взыскают сана и веры и обычая и твердости. Тем же не услышани будут противящиися, иже во свидетельстве реченым от них.

О³⁹³⁷ коемждо свидетеле должно есть изыскивати, который честен и непорочен есть, или который бесчестен и порочен, или богат, или убог, якоже прибытка ради нечто согрешити, или друг приведшему его, или враг кому, на него же приведен. Егда же зазора кроме (л. 824 об.)³⁹³⁸ будет, тогда свидетельствует. О сем же и разсуждает судия, аще единаки речи принесут и аще противу вопрошанию послушно отвещавают и которая знамения подобает приимати.

Свидетелем³⁹³⁹, а не глаголу их веровати, сами бо в лице вопрошаеми бывают от судей о винах. И не показуя предложенаго от него в заточение посылается.

Иже³⁹⁴⁰ о гресе некоего оклеветав, не³⁹⁴¹ может свидетельствовати нань, разве аще будет подобная вина. Аще ли ни, возбраняется³⁹⁴². Ходатайствовав между некиими о вещи³⁹⁴³, не сви(л. 825)детельствует³⁹⁴⁴ им в той вине, сиречь пред инем судиею, аще убо не совещаста оба суперника свидетельствовати ему.

Убозии³⁹⁴⁵ не свидетельствуют, убог же есть, иже имать пятьдесят златник богатства.

Не³⁹⁴⁶ свидетельствует меньший сый возраста двадесяте лет, ни иже на людстем судищи осужденый и не исправлься и в людскую темницу вверженый, ни иже обличен будет взем злато и того ради свидетельствовати хотя или не свидетельствовати.

Не³⁹⁴⁷ свидетельствует свобожденый на свободившаго его, ни на сына его.

(л. 825 об.)³⁹⁴⁸ Несть³⁹⁴⁹ достоверен свидетель, повелевати могий о свидетельстве.

Осужденый³⁹⁵⁰ о прелюбодеянии не свидетельствует³⁹⁵¹.

Сын³⁹⁵² отцу и отец сынови не свидетельствует ни в коей любо вещи своей.

Раб³⁹⁵³ не свидетельствует же, на некоего уже свидетельствовав, не свидетельствует паки нань.

Собеседовав³⁹⁵⁴ и совокупив о вине, не свидетельствует о ней.

Никто³⁹⁵⁵ же истязается свидетельство на себе привести, но подобает к позвавшему на суд, якоже хощет составити свое правословие.

Возбраняет³⁹⁵⁶ же ся свидетельствовати несове(л. 826)ршеный³⁹⁵⁷ возрастом и раб и глух и нем и бесен и блудник и сын, под властию сый, егда отец его напишется наследник.

И³⁹⁵⁸ под властию сый, завещавающа, не свидетельствует о писанем завете наследника.

И³⁹⁵⁹ завещавающий под властию сущему отчею о особно стяжаннем имении ему не свидетельствует.

И сия тако в Писаниих обретена о лжесвидетельстве, им же не подобает свидетельствовати.

Ты же пишешь: А будет велможа крест целует или велит кому иному крест поцеловати, и таковых священником (л. 826 об.)³⁹⁶⁰ в церковь Божию не пущати и в домы их не приходити и Божественаго пения в дому у них не пети. А будет поп учнет в чьем ни буди доме Божественое пение пети, и такие ротники, которые учинили крестное целование на криве тут же будут, и их ис тое храмины вон высылати.

Божественыя законы епископ и священником исправляти грешников во гресех по святым каноном, а тебе кто дал власть над священниками повелевати и законополагати? И от которых законов взял еси? Мы вемы, яко во святых Писаний не обретаются таковии канони, (л. 827)³⁹⁶¹ но странни некаки еси глаголеши бесовски. Сам закон положил еси крестному целованью на роте, сам же и осквернил целующих. Божествении же закони лжесвидетелей не оставляют без мук, но повинных творят таковых мук, его же оболгали.

Да ты же пишешь в 14 главе в 10-й статье, а в правилех святых отец про крестное целование написано: Будет крестьянин крестьянина напрасно приведет ко крестному целованию или велит крест поцеловати, и он крест поцелует на том, что он прав, и таковаго по нужи кленшагося (л. 827 об.)³⁹⁶² Великий Василий на 6 лет запрещению подлагает, сиречь от церкве отлучает по осмьдесят второму правилу своему. Писано есть: Правда от Бога, а лжа от неприязни, то есть от диавола, зане той есть отец лжи. И Божественый апостол глаголет³⁹⁶³: И яко всяка лжа от истины несть. Василий Великий, Христов ученик и подражатель Христовых заповедей, и не писывал такова правила, чрез Евангелские заповеди, еже кому крест целовать на правде или на лжи. Богу заповедающу: Не кленитеся ни небом, ни землею, ни иною своею клятвою.

(л. 828)³⁹⁶⁴ А ты, лжесписателю, якоже везде лжеши, и зде такожде и на Василия Великаго солга. Василий Великий пишет в своем правиле 82-м не о том, еже кому с суда крест целовать или клятися, но аще кто кленется, еже не сотворити зла котораго, впредь о нем же уведав, яко грех есть. И потом от невнятия запят быв или иною коею виною или принужден и понасилен от кого, якоже самое то правило свидетельствует.

По³⁹⁶⁵ нужди кленся, по шести лет прият будет, а иже без нужди, по дванадесятем.

Клятся некто сего или инаго не сотворити, якоже се судиа сый не подписати суда нанесенаго на некоего, и потом понужден быв от болшия власти, и подписав, преступи клятву, таковый легчайшим запрещением повинен есть нужди ради, за шесть бо лет запрещение приимет. Аще же кроме некия нужди преступит, о нем же клятся, два лета да влачется и два да послушает Божественых писаний, пять лет да пребудет с припадающими, и два лета прият будет с верными, и молитв с ними приобщится. И тако (л. 829)³⁹⁶⁷ по первонадесятем лете Тела и Крове Христовы да сподобится.

Паки глаголешь: А кто крест поцелует на криве, и тому Великий Василий в 64-м правиле полагает запрещение на десять лет, два лета да влачется, три лета да послушает Божественых писаний, четыре лета да припадает и едино лето да стоит с верными и потом Божественаго причащения да причастится.

И якоже исперва на Великаго Василия солгал, и зде такожде. И глаголеши: А кто крест поцелует на криве и тому Великий Василий в 64-м правиле полагает запрещение на 10 лет. Василий Великий не о крестнем престу(л. 829 об.)плении³⁹⁶⁸ пишет, якоже и самое то правило являет.

Клятвеник³⁹⁶⁹, рекше кленыйся во лжю, или преступая истиную клятву, десять лет запрещение приимет, два лета да влачется, три да послушает Божественых писаний, четыре же лета припадает, и едино лето да стоит с верными и потом Божественаго общения причастится.

Но о таковых клятвах глаголет, якоже пророк Давид глаголет: Кляхся и поставих сохранити судбы правды Твоея. И паки: Клятся Господеви, обещаяся Бога Иаковлю, (л. 830)³⁹⁷⁰ и прокляти уклоняющиися от заповедей Твоих. О таковых убо и Василий Великий пишет, кленущихся во лжю, или преступаяй истиную клятву, якоже и пророк, а не о том, еже бы кому после суда оправдаяся. Сего ради и пророк глаголет: Суди суд мой и избави по словеси Твоему, а не клятвою. А еже инако кто разумеет, и о таковых глаголет: Гордии законопреступоваху зело и уничижил еси вся отсутпающая от оправданий Твоих, яко неправедно помышление их, преступающая не пщевах вся грешныя земли. И инде рече: Далече от грешник спасение, яко (л. 830 об.)³⁹⁷¹ оправданий Твоих не взыскаша. Аз же поставлен есмь царь от Него над Сионом, горою святою Его, возвещая повеление Господне, исперва познах от сведений Твоих, яко ввек основал еси. Поведаша мне законопреступницы глумление, но не яко закон Твой, Господи. Вся заповеди Твоя истина и вси путие Твои истина. И паки: Дела рук Его истина и суд, верны вся заповеди Его, утвержены в век века, сотворены по истине и правоте.

И сия тако пророку о Моисейстем законе, но не остави и Евангелскаго Новаго завета помянути и приложи, глаголя: Избавление посла (л. 831)³⁹⁷² людем Своим, заповеда ввек завет Свой. Свято и страшно имя Его сия и на множайша.

Ты же пишешь: О том же царя Лва Премудраго новая заповедь 72 повелевает кленущемуся во лжу язык урезати, аще после обличен будет.

По правде такому суд языка урезание и клятва Великаго Василия: Аще кто клялся о судбах правды Божия и не сохрани, якоже и ты при крещении, отрекшися сатаны и всех дел его и всея службы его и сочетався Христу, и ныне преступив все то страшное обещание, не точию явился хранитель святых Евангелских (л. 831 об.)³⁹⁷³ заповедей Христовых и святых Его ученик и апостол и святых отец седми Вселенских соборов и прочих девяти поместных, но вся купно попра и отверже единою, якоже самое то списание твое беззаконное показует. Аще в мале что и написа, якоже о правилех Великаго Василия, и то все лжы полно.

И паки пишешь завет свой бесовский, полн всякоея неправды священником. И того ради подобает отцем духовным детей своих духовных поучати и наказовати страху Божию, и на криве бы креста не целовали, и именем Божиим во лжю не ротились, и не (л. 832)³⁹⁷⁴ клялися. Глаголеши, богоборче: Того ради подобает отцем духовным детей своих духовных поучати. Рцы ми, чево ради что ты заповедаеши, еда до тебя и до твоей беззаконной заповеди не имели отцы духовныя святых книг, по ним же детей своих духовных исправляли бы? И глаголеши: На криве бы креста не целовали, на лжи не послушествовали³⁹⁷⁵ и именем Божиим во лжу не ротилися и не клялися, занеже православным христианом крестное целование ротою и на криве вконец отречено бысть священными правилы. И аще вконец отречено есть крестное целование ротою и на криве, почто законополагаешь? (л. 832 об.)³⁹⁷⁶ И которыми правилами отречено есть ротитися? Покажи нам не на криве ротою крест целовати которые правила в себе имут се, еже есть крест целовати с ротою в правде. Да видевше, и мы противна таковым правилом и тебе возглаголем, и не от себе, но от Божественых писаний, якоже ты, беснуяся, везде ложь глаголешь и от своих глаголешь.

Господу глаголющу³⁹⁷⁷: Паки слышасте, яко речено бысть древним, не во лжу кленешися, воздаси же Господеви клятвы твоя. Аз же глаголю вам не клятися всяко, ни небом, яко престол есть Божий, ни землею, яко (л. 833)³⁹⁷⁸ подножие есть ногама Его, ни Иерусалимом, яко град есть Великаго Царя.

В древнем убо речено есть законе, не приемли имени Господа Бога твоего всуе, не очистит бо Господь прилагающих имя Его туне. Аз³⁹⁷⁹ Господь Бог ваш, да не украдите, ни солжите и не оболжете койждо подруга, и не кленитеся именем Моим на неправду, и да не оскверните имени святаго Бога вашего. Егда же аще кто кленшеся по древнему закону и исполньше клятву, о ней же клятся, той Бог воль дал есть, яко не солга. Егда же аще кто не исполнит клятвы, той прият имя Божие всуе и на неправду (л. 833 об.)³⁹⁸⁰ и осквернил есть таковый имя Господне. И есть таковый нечист, якоже и Великий Василий пишет во своих правилех в 60 и 82 о кленущихся во лжю.

Евангелие: И³⁹⁸¹ иже главою своею кленыйся, яко не можеши власа единаго бела или черна сотворити.

Бог един токмо кленется Собою, яко ни под ким сущ. И³⁹⁸² клятся Господь Аврааму, понеже ни единем имяше болшим клятся, клялся Собою, глаголя: Аз Господь Бог твой и положу завет Мой между Мною и между тобою, истиною благословствуя, благословлю, и множа, умножу тя зело. Семени твоему дам землю сию (л. 834)³⁹⁸³ и по тебе в род и род до века. Верова же Авраам Богу и вменися ему в правду. И паки инде речено есть: Клятся³⁹⁸⁴ Господь Давиду истиною и не отвержется ея. И паки инде: Клятся Господь и не раскается. Мы же, собою не владуще, како можем во главу свою клятися, инаго стяжания сущу? Аще ли твоя есть глава, и не лепа есть, премени ю в лепую. Аще ли не можеши ю пременити, ини же власа черна на дело, почто кленешися главою своею, не суще своею, но создавшаго ю?

Евангелие: Горе³⁹⁸⁵ вам, вожди слепии, глаголюще: Иже аще кленется церковия, ничесо же есть, а иже (л. 834 об.)³⁹⁸⁶ кленется златом церковным, должен есть. Буии слепии, кое бо боле есть, злато ли или церкви, святящиа злато, ничесо же есть, а иже кленется даром, иже верху его, должен есть. Буи слепии, что бо боле, дар ли или олтарь, святяй дар, иже убо кленется олтарем, кленется им и Сущим верху его. И иже кленется Церковию, кленется Ею и Живущим в ней. И кленыйся небесем, кленется престолом Божиим и Седящим, и кленыйся Крестом, кленется и Распятым на нем.

Како же ты, Евангелский ругателю, смел в клятву живоносное (л. 835)³⁹⁸⁷ и спасеное древо Креста употребити, им же вечная клятва разрушися, по писаному: Христос³⁹⁸⁸ ны искупил есть от клятвы законныя, быв по нас клятва. Писано бо есть³⁹⁸⁹: Проклят всяк висяй на древе, да во языцех благословение Авраамле будет о Христе Иисусе, да обетование Духа приимем верою.

Братие, по человеку глаголю, обаче человеку утвержена завета, никто же отметает. Аврааму же речени быша обеты и семени его, не глаголет же семенем, яко о мнозе, но яко о едином «и семени твоему, яко есть Христос».

Смотри, богоборче и Христоборче, (л. 835 об.)³⁹⁹⁰ чево ради крест бысть и что ради креста бысть. Крест клятва бысть, но Христос нас ради клятва бысть и своим Божеством преложи во благословение. Да благословятся о Нем, рече, вси языцы. И никто же смеет, якоже рече апостол, отметает или приповелевает. Единаго тебя не искупи Христос, понеже обетования Духа не приемлеши, ово отметаешь, ово приповелеваешь. А не погрешит слово истины, аще кто речет, яко безпосредственне все доброе Божие отринул еси от себя и все лихое и злое приповелел еси. Крест дан во благословение, а ты то преложил (л. 836)³⁹⁹¹ в клятву. И збысться реченое³⁹⁹²: Слово бо крестное погибающим убо юродство есть. И другое писание: Аще кто не возмет креста своего и вслед Мене не грядет, несть Мене достоин. Ты же не точию прият крест на рамо свое, но и обруга того и вместо благословения клятву сотвори.

И збысться писаное: Ров изры, ископа и, впадется в него. И другое писание: Обратится болезнь его на главу его. И паки третие: Оружие извлекоша грешницы и напрягоша луки³⁹⁹³ своя³⁹⁹⁴, состреляти нища и убога, заклати правыя сердцем. Оружие внидет в сердца их и луцы их (л. 836 об.)³⁹⁹⁵ сокрушатся. И паки: Ею же мерою мерите, возмерится вам, и им же судом судите, осудитеся.

Будет кто иноверцы какия веры ни буди, или руской человек возложит хулу на Господа Бога и Спаса нашего Иисуса Христа и на Честный Крест, и про то сыскивати всякими сыски накрепко. Да будет сыщется допряма, и того богохулника казнити, зжечь. И про твое беззаконие и хулу на Господа Бога и Спаса нашего Иисуса Христа и на святый Божественый Крест Господень уста твоя и руки твоя свидетельствуют глаголаное и писаное (л. 837)³⁹⁹⁶ Уложение, по писаному: Рабе лукавый, от уст твоих сужду тя.

Ныне же паки обретохомся на широту слова к тебе. Пишешь: На криве креста не целовали и именем Божиим во лжю не ротились.

Покажи трегубому твоему беззаконию, еже предпочел еси оружие паче воина, и оружие не яко оружие Божие употребил еси, даное на сопостата нашего диавола, но оружие беззаконию и еже не клятися именем Божиим во лжю. Богу заповедающу и глаголющу: Аз же глаголю вам, не кленитеся ни небом, ни землею, ни иною коею клятвою, даже до главы своея. А ты, окаянне, преминув вся сия, (л. 837 об.)³⁹⁹⁷ на пресовершеннейшую Главу и не на главу точию, но на всего Бога. И глаголеши: Занеже православным христианом крестное целование ротою и на криве вконец отречено бысть священными правилы. Рцы нам, которыми правилы? И паки глаголеши: Но вдан от Христа христином крест на освящение и просвещение и на отгнание врагов видимых и невидимых. И того ради православным христианом достоит святому Кресту верою покланятися и истиною и чистотою и того честнаго Креста целовати со страхом и с трепетом и чистою совестию. Сия вся предпочел еси яко лествицу святу. (л. 838)³⁹⁹⁸ Почто ты законом своим осквернил еси Того честь и святыню? Бога заповедающу: Не кленитеся ни небом, ни землею, ниже главою своею и иною клятвою коею. А ты от пречестнейших вещей Божиих оружием Божиим Всечестным и Животворящим Крестом Господним клятися уставил. Буе ослепленне, не слышали выше писанаго, како Христос к жидом отвеща: Горе вам, вожди слепии, глаголющии, иже аще кто кленется Церковию, ничесо же есть, а иже кленется златом церковным, должен есть.

Сего ради слепых и буих именует Христос, яко научающих (л. 838 об.)³⁹⁹⁹ подобная и худейшая предпочитающих. Достойна же почитанию долейшая имуще, злато, иже на храме, и херувими и стамну златую, сих почитах паче самаго храма того. Тем же и многия учаху, яко несть ничто же, еже в храм клятися, но в злато⁴⁰⁰⁰, слежащее в храме. Злато бо сего ради веде честно бяше, понеже в храме слежаше, таже глаголется даром, иже верху его должен есть, и дарове, убо иже на жертвеник возлагахуся честнейшая, паче жертвеника самаго глаголаху быти. И тако предаяху фарисее, глаголюще: Яко аще кто клялся есть в злат сосуд или (л. 839)⁴⁰⁰¹ в вола или во овча, приведеное в жертву, таже клятву преступил будет, осужден бываше равна воздати, в не же клялся, или злат сосуд воздати, или вола, или овча, или ино что, в яково клятся, да рыбо, паче жертовника предпочитающе, при добытия ради. Аще ли же в храм клявся преступаше, зане не можаше воздати подобное храму, прощение сего ради имяше и нимало о сем заповедающе. Тем же и легчайшая клятва храма являшеся любодобытия ради июдейскаго в Ветхом Завете, не оставляше Христос болши быти дар, паче жерто(л. 839 об.)вника⁴⁰⁰². Ныне же у нас жертовник даром паче освещается, хлеб же, ныне нами приношаемый, во Владычнее оно самое Тело прелагается благодатию Божественою. Сего ради сим жертовник освящается, тако древле убо крест поносная смерть быша, всяк бо, рече, висяй на древе, проклят. Господь же наш Иисус Христос своею неповинностию клятву преложи во благословение.

И глаголеши: И целуяй крест освящает себе и от болезни и от недуг всяческих исцелевает. Всем проповедуеши силу Божественаго Креста на освящение и болезнем на исцеление. Единому ли тебе не доста освящения и целеб, еже (л. 840)⁴⁰⁰³ преложити Того в клятву? Или сам о себе свидетельствуеши, глаголя: А не верою и не истине, на лжи, целуяй крест, и той бо лжы обещник есть и неисцелнно вреждает себе и по Писанию яко христоубийца вменяется.

И где есть о сем писано, покажи, яже на лжи целовав, яко христоубийца вменяется? Да и аз оправдаю, еже кто на лжи целует, яко христоубийца вменяется, а иже чрез Божие веление на роте крест целовати, Богу заповедающу, и главою своею клятися. А ты, малое преминув сие, на болшое вскочи, на Главу нашу Христа и на святое Его царьское оружие всемирное спасение (л. 840 об.)⁴⁰⁰⁴ Креста безчестием, от него же ад вострепета, сатана попрася, смерть изчезе. А ты един не вострепета, ни убояся.

1 2 3 4 5 6 7 8 9 10 11 12 13 14 15 ... 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

³⁸⁷⁸ Так в ркп.

³⁸⁷⁹ На верхнем поле листа киноварная помета: на 26-й вопрос и ответ.

³⁸⁸⁰ На верхнем поле листа киноварная помета: 26-е возражение.

³⁸⁸¹ На левом поле листа помета: 3 Моис. 19; Матф.

³⁸⁸² На левом поле листа помета: 5 Моис. 17 и 19.

³⁸⁸³ На левом поле листа помета: Иоан. 8; 1 Кор. 198; Евреом 10.

³⁸⁸⁴ На левом поле листа помета:: Моис. 17 и 19; Матф. 18; 1 Кор. 13; Евреом 10.

³⁸⁸⁵ На верхнем поле листа киноварная помета: на 26-й вопрос и ответ.

³⁸⁸⁶ На правом поле листа помета: Евреом 10.

³⁸⁸⁷ На правом поле листа помета: 5 Моис. 31.

³⁸⁸⁸ На правом поле листа помета: к Рим. 12.

³⁸⁸⁹ На правом поле листа помета: 1 Тим. 286.

³⁸⁹⁰ На верхнем поле листа киноварная помета: 26-е возражение.

³⁸⁹¹ На левом поле листа помета: лист 372.

³⁸⁹² На верхнем поле листа киноварная помета: на 26-й вопрос и ответ.

³⁸⁹³ На верхнем поле листа киноварная помета: 26-е возражение.

³⁸⁹⁴ На верхнем поле листа киноварная помета: на 26-й вопрос и ответ.

³⁸⁹⁵ На правом поле листа помета: лист 513.

³⁸⁹⁶ На верхнем поле листа киноварная помета: 26-е возражение.

³⁸⁹⁷ На верхнем поле листа киноварная помета: на 26-й вопрос и ответ.

³⁸⁹⁸ На верхнем поле листа киноварная помета: 26-е возражение.

³⁸⁹⁹ На верхнем поле листа киноварная помета: на 26-й вопрос и ответ.

³⁹⁰⁰ На верхнем поле листа киноварная помета: 26-е возражение.

³⁹⁰¹ На левом поле листа помета: 5 Моис. 19; 4 Моис. 35; выше 17.

³⁹⁰² На верхнем поле листа киноварная помета: на 26-й вопрос и ответ.

³⁹⁰³ На верхнем поле листа киноварная помета: 26-е возражение.

³⁹⁰⁴ На левом поле листа помета: лист 20.

³⁹⁰⁵ На верхнем поле листа киноварная помета: на 26-й вопрос и ответ.

³⁹⁰⁶ На правом поле листа помета: 5 Моис. 17 и 19.

³⁹⁰⁷ Написано тем же почерком между строк.

³⁹⁰⁸ На правом поле листа помета: 1 Тим. 286.

³⁹⁰⁹ На верхнем поле листа киноварная помета: 26-е возражение.

³⁹¹⁰ На левом поле листа помета: лист 102.

³⁹¹¹ На верхнем поле листа киноварная помета: на 26-й вопрос и ответ.

³⁹¹² На правом поле листа помета: лист 140.

³⁹¹³ На верхнем поле листа киноварная помета: 26-е возражение.

³⁹¹⁴ На левом поле листа помета: лист 168.

³⁹¹⁵ На верхнем поле листа киноварная помета: на 26-й вопрос и ответ.

³⁹¹⁶ На верхнем поле листа киноварная помета: 26-е возражение.

³⁹¹⁷ На верхнем поле листа киноварная помета: на 26-й вопрос и ответ.

³⁹¹⁸ На верхнем поле листа киноварная помета: 26-е возражение.

³⁹¹⁹ Исправлено из: явися.

³⁹²⁰ На левом поле листа помета: лист 169.

³⁹²¹ На верхнем поле листа киноварная помета: на 26-й вопрос и ответ.

³⁹²² Далее в ркп. утрата пяти листов текста.

³⁹²³ Здесь, на лл. 806 об.–821 об., повторяется тот же текст, что на лл. 782 об.–805 об.

³⁹²⁴ На правом поле листа помета: лист 20.

³⁹²⁵ На верхнем поле листа киноварная помета: 26-е возражение.

³⁹²⁶ Исправлено из: избыв.

³⁹²⁷ На верхнем поле листа киноварная помета: на 26-й вопрос и ответ.

³⁹²⁸ На верхнем поле листа киноварная помета: 26-е возражение.

³⁹²⁹ На верхнем поле листа киноварная помета: на 26-й вопрос и ответ.

³⁹³⁰ На верхнем поле листа киноварная помета: 26-е возражение.

³⁹³¹ На левом поле листа помета: лист 375.

³⁹³² На левом поле листа помета: лист 356.

³⁹³³ На левом поле листа помета: лист 453.

³⁹³⁴ На верхнем поле листа киноварная помета: на 26-й вопрос и ответ.

³⁹³⁵ На правом поле листа помета: 6.

³⁹³⁶ На правом поле листа помета: 7.

³⁹³⁷ На правом поле листа помета: 8.

³⁹³⁸ На верхнем поле листа киноварная помета: 26-е возражение.

³⁹³⁹ На левом поле листа помета: 9.

³⁹⁴⁰ На левом поле листа помета: 20.

³⁹⁴¹ На левом поле листа помета: лист 455.

³⁹⁴² На левом поле листа помета: 21.

³⁹⁴³ На левом поле листа помета: 22.

³⁹⁴⁴ На верхнем поле листа киноварная помета: на 26-й вопрос и ответ.

³⁹⁴⁵ На правом поле листа помета: 23.

³⁹⁴⁶ На правом поле листа помета: 24.

³⁹⁴⁷ На правом поле листа помета: 25.

³⁹⁴⁸ На верхнем поле листа киноварная помета: 26-е возражение.

³⁹⁴⁹ На левом поле листа помета: 26.

³⁹⁵⁰ На левом поле листа помета: 27.

³⁹⁵¹ На левом поле листа помета: лист 456.

³⁹⁵² На левом поле листа помета: 28.

³⁹⁵³ На левом поле листа помета: 29.

³⁹⁵⁴ На левом поле листа помета: 30.

³⁹⁵⁵ На левом поле листа помета: 31.

³⁹⁵⁶ На левом поле листа помета: 33.

³⁹⁵⁷ На верхнем поле листа киноварная помета: на 26-й вопрос и ответ.

³⁹⁵⁸ На правом поле листа помета: 34.

³⁹⁵⁹ На правом поле листа помета: 35.

³⁹⁶⁰ На верхнем поле листа киноварная помета: 26-е возражение.

³⁹⁶¹ На верхнем поле листа киноварная помета: на 26-й вопрос и ответ.

³⁹⁶² На верхнем поле листа киноварная помета: 26-е возражение.

³⁹⁶³ На левом поле листа помета: 1 Иоан. 2.

³⁹⁶⁴ На верхнем поле листа киноварная помета: на 26-й вопрос и ответ.

³⁹⁶⁵ На правом поле листа помета: лист 246.

³⁹⁶⁶ На верхнем поле листа киноварная помета: 26-е возражение.

³⁹⁶⁷ На верхнем поле листа киноварная помета: на 26-й вопрос и ответ.

³⁹⁶⁸ На верхнем поле листа киноварная помета: 26-е возражение.

³⁹⁶⁹ На левом поле листа помета: лист 243.

³⁹⁷⁰ На верхнем поле листа киноварная помета: на 26-й вопрос и ответ.

³⁹⁷¹ На верхнем поле листа киноварная помета: 26-е возражение.

³⁹⁷² На верхнем поле листа киноварная помета: на 26-й вопрос и ответ.

³⁹⁷³ На верхнем поле листа киноварная помета: 26-е возражение.

³⁹⁷⁴ На верхнем поле листа киноварная помета: на 26-й вопрос и ответ.

³⁹⁷⁵ Слова «на лжи не послушествовали» написаны со знаком вставки на нижнем поле листа.

³⁹⁷⁶ На верхнем поле листа киноварная помета: 26-е возражение.

³⁹⁷⁷ На левом поле листа помета: Матф. 5; 2 Моис. 20; 3 Моис. 19; 5 Моис. 5.

³⁹⁷⁸ На верхнем поле листа киноварная помета: на 26-й вопрос и ответ.

³⁹⁷⁹ На правом поле листа помета: 3 Моис. 19.

³⁹⁸⁰ На верхнем поле листа киноварная помета: 26-е возражение.

³⁹⁸¹ На левом поле листа помета: Матф. 5.

³⁹⁸² На левом поле листа помета: Евреом 6.

³⁹⁸³ На верхнем поле листа киноварная помета: на 26-й вопрос и ответ.

³⁹⁸⁴ На правом поле листа помета: Псалом 131; 2 Царств 7.

³⁹⁸⁵ На правом поле листа помета: Матф. 23.

³⁹⁸⁶ На верхнем поле листа киноварная помета: 26-е возражение.

³⁹⁸⁷ На верхнем поле листа киноварная помета: на 26-й вопрос и ответ.

³⁹⁸⁸ На правом поле листа помета: Гал. 3.

³⁹⁸⁹ На правом поле листа помета: 5 Моис. 21.

³⁹⁹⁰ На верхнем поле листа киноварная помета: 26-е возражение.

³⁹⁹¹ На верхнем поле листа киноварная помета: на 26-й вопрос и ответ.

³⁹⁹² На правом поле листа помета: 1 Кор. глав. 1.

³⁹⁹³ Исправлено из: лук.

³⁹⁹⁴ Исправлено из: свой.

³⁹⁹⁵ На верхнем поле листа киноварная помета: 26-е возражение.

³⁹⁹⁶ На верхнем поле листа киноварная помета: на 26-й вопрос и ответ.

³⁹⁹⁷ На верхнем поле листа киноварная помета: 26-е возражение.

³⁹⁹⁸ На верхнем поле листа киноварная помета: на 26-й вопрос и ответ.

³⁹⁹⁹ На верхнем поле листа киноварная помета: 26-е возражение.

⁴⁰⁰⁰ Написано по затертому.

⁴⁰⁰¹ На верхнем поле листа киноварная помета: на 26-й вопрос и ответ.

⁴⁰⁰² На верхнем поле листа киноварная помета: 26-е возражение.

⁴⁰⁰³ На верхнем поле листа киноварная помета: на 26-й вопрос и ответ.

⁴⁰⁰⁴ На верхнем поле листа киноварная помета: 26-е возражение.

Домашняя страница
священника Владимира Кобец