ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (3)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

одобает ли, егда облачается архиерей или иерей во святой церкви и во олтари чешется и на зеркало смотрится в церкви суще во святом облачении? Понеже и Никон тое извычанье был чинит прежде Литоргии, как облачится во святыя ризы.

Не подобает, женское убо то есть и не лепо мирским и мужем, а наипаче священником, которыя имеют тогда молитися, а не в зеркало глядетися, и украсят душу свою, а не лица, и петь со Давыдом: Господи, возлюбих благолепие дому Твоего и место вселения славы Твоея. Святый олтарь сего ради глаголется олтарь, понеже есть Божий престол и судилище; и аще в мирское судилище кто внидет страхом многим и трепетом многим внидет, как священник имеет смотретеся в зеркало в тайном и страшном олтари Судии безпосулнаго, который есть зритель сердец и душ человеческих. Не подобает убо в зеркало смотретися слуге Божию не токмо в церкви Божией а не и в келии, ино да уготовит себе страху Божию и да имет совесть свою чисту, яко нескверному зеркалу Божию. И патриарха в том не похваляем и не подобает никому ревновати таковаго дела хотети; и аще чесался Никон и в зеркало смотрелся, лутче бы было, чтоб в своей келии то чинил.

Глаголеши убо на вопрос, яко не леть есть (л. 29)⁶⁹⁷ архиереом украшатися в Божественей службе, слыши, что пишет в древнем законе: Сыном Аароновым да сотвориши ризы и поясы и клобуки, да сотвориши им в честь и славу. Облецы же в ня Аарона, брата твоего, и сыны его с ним и помажеши я, и исполни руце их, и освятиши я, да Ми жертвуют. Аарона⁶⁹⁸ же и оба сына его приведеши я пред дверми храму свидения и измыеши я водою, и взем ризы святыя и облечеши Аарона, брата твоего, до земли ризою, и ризу утренюю и слово совокупиши ему⁶⁹⁹ , слово ко утренней ризе. И по мале. И да возмеши от елея помазаннаго, и да возлиеши на главу его (л. 29 об.)⁷⁰⁰ и мажеши и.

Зри, совопросниче и толковниче человекоугодный, яко и древле уставлено есть от Бога иереом украшатися и Господу глаголющу⁷⁰¹ : Егда же поститеся, не будите якоже лицемери, сетующе, помрачают бо лица своя, яко да явятся человеком постящеся. Аминь, глаголю вам, возприимут мзду свою. Ты же постяся, помажи главу свою и лице твое умый, яко да не явишися человеком постяся. И прочее.

А яже зеркала ищети устроишася во церкви до нас прежде бывшими нас патриарси святейшим Иовом и прочими, ниже мя разоряем, и вси тожде творят, и которое то беззаконие где есть о том писано, скажите ми.

(л. 30)⁷⁰² Глаголет 7-го Вселенскаго собора правило 16:

Епископи⁷⁰³ или презвитери или диакони украшающеся светлыми ризами или миром помазующеся, рекше благоуханными вонями, да преставше, от того исправятся. Пребывающии же в том, запрещение приимут.

Сие подобает всем исправити, еже ныне зрится не по правилу сему.

1 2 ... 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

⁶⁹⁷ На верхнем поле листа киноварная помета: на 3-й вопрос и ответ. назад

⁶⁹⁸ На правом поле листа помета: глав. 29. назад

⁶⁹⁹ В ркп. повторено дважды «слово совокупиши ему». назад

⁷⁰⁰ На верхнем поле листа киноварная помета: 3-е возражение. назад

⁷⁰¹ На левом поле листа помета: Матф. 17. назад

⁷⁰² На верхнем поле листа киноварная помета: 4-й вопрос и ответ. назад

⁷⁰³ На правом поле листа помета: лист 215. назад

Домашняя страница
священника Владимира Кобец