ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-4)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

на том же соборе вдаст царь своея руки написание се богодухновенным наказанием и с душеполезным покаянием, зело полезно слышащим и внемлющим сия, имуще сице.

Сие убо предлагаем (л. 485 об.)²³⁵⁰ писание вашей отеческой любви ради пречистыя истинныя нашея веры во единосущную и неразделимую и Живоначалную Троицу. Иже²³⁵¹ Вседержителя Бога Отца благоволением и щедротами и еже к нам единороднаго и собезначална Сына Его, Господа нашего Иисуса Христа, и поспешением и действом Пресвятаго и вседетельнаго и Животворящаго Духа и помощию православныя христианския надежды Пречистыя и Преблагословенныя Владычицы нашея Богородицы и Приснодевы Марии, силою Честнаго и Животворящаго Креста, заступлением святых Божиих архангел Михаила и Гавриила и прочих небесных сил безплотных, (л. 486)²³⁵² честнаго и славнаго пророка и предтечи Крестителя Иоанна и святых славных и всехвалных апостол, самовидцов Сына и Слова, и святых великих мученик, иже любви ради и веры во Христа не пощадивша живота своего и страдалческими вечными венцы увязошася, и святых святитель преподобных, и святаго великаго святителя пресловущаго в чюдотворцех Николая, и святаго и равнаго апостолом перваго православнаго царя Константина и христолюбивыя матери его Елены и всех благочестивых царей и цариц православных, иже о благочестии воздвизавшихся, и святых великих чюдотворцов, иже в нашей земли великия Росии (л. 486 об.)²³⁵³ в чюдотворении просиявших преосвященных митрополитов Петра и Алексия и Ионы и Леонтия, епископа Ростовскаго чюдотворца, и святаго равна апостолом царя и великаго князя Владимира, просветившаго всю Рускую землю святым крещением, и баба его, предтечи росийския к Богу, святыя и блаженныя княгини Олги, и сынов его святых страстотерпец, боголюбивых князей руских обою брату по плоти Бориса и Глеба, и прочих от роду его, православно поживших и Богу угодивших, и преподобных и богоносных отец наших Антония и Феодосия Печерских, и Сергия Великаго, и Варла(л. 487)ама²³⁵⁴ Новгородскаго, и Кирила Белоозерскаго, и Никиты Переславскаго, и Пафнотия Боровскаго, и Димитрия Прилуцкаго, и всех мученик и преподобных и уродивых Христа ради, и всякаго чину царьска и княжска и боярска и на всех православных христиан, иже добрыми делы просиявших и от Бога прославленых великими чюдесы, в богодарованней нам державе от прародителей наших Росийскаго царьствия великих новых чюдотворцов и всех святых, иже от века Богу угодивших. На тех святых молитвы уповая, предлагаем совет вашей отечестей любви, еже (л. 487 об.)²³⁵⁵ поутвердити древняго предания христианския истинныя нашея веры, еже от самаго Создателя нашего предание, а не от слуги, ни от посланнаго. Сам бо преда божественным своим учеником и апостолом, они же убо предаша иже по них, даже и доныне слово спасителное Господа нашего Иисуса Христа дойде. Тем же молим вы и засвидетельствуем Господем нашим Иисусом Христом и божественныма Его ученики и апостолы и святыма Вселенскима седьми соборы и святыма Поместныма соборы и всеми святыми преждереченныма, Бога ради и Пречистыя Богородицы и всех святых ради, потруждайтеся (л. 488)²³⁵⁶ воеже исправити истинная наша и непорочная христианская вера, иже от Божественаго писания, во исправление церковному благочинию и царьскому благозаконию и всякому земскому строению и нашим единородным безсмертным душам на просвещение и на²³⁵⁷ оживление и на утвержение истинныя православныя христанския веры, дабы утвержена была и непоколебима в роды и роды и навеки и неврежденна от душегубителных волк и от всяких козней вражиих.

И вы, господие святии святитилие, преосвященный отец мой Макарий митрополит всея Росии, и вси архиепископы и епископы и преподобнии архимандриты и честнии (л. 488 об.)²³⁵⁸ игумени, и весь освященный собор, и иноцы и прочии вси Божии молебницы, такожде и братия моя и вси любимии мои, князи и бояры и воеводы и воини и все православное христианство, помогайте ми и способствуйте вседушно вкупе, и с плачем припадем к человеколюбцу Богу, да отверзет нам умныя наша очи и узрим пред собою грехи наша, яже содеяхом зле по вся дни живота нашего. И молитв ради Пречистыя Богородицы и всех святых долготерпяй о нас Господь Бог, да обратит ны на истинный пусть святых Его заповедей, о них же согрешихом пред Богом и человеки и всяким законопреступлением, (л. 489)²³⁵⁹ яже не мочно писанием и списати и человеческим языком изглаголати содеянная нами вся злая согрешения и законопреступления грехом от юности моея и неведения моего. Ныне всех злых дел возненавидевше, добрыя и богоугодная дела возлюбим, да не постраждем подобных со прогневавшими и непокаившимися, якоже Христос во Евангелии пишет: Пришедше бо, поведаша Ему о галилеох, их же кровь Пилат смеси с жертвами их. Рече же им Иисус: Мните ли, яко сии галилеане грешнейши суть паче всех в роде сем? Ни, глаголю вам. Аще не покаетеся вси, такожде погибнете. Воспомянем (л. 489 об.)²³⁶⁰ убо от начала миру, како не пощаде Бог сатаны за едину гордость и всех аггел, иже суть в чину Его, но пленницами мрака связа и с небесе сверже и в бесы претвори.

За един грех Адам и Ева, не покаявшися, из рая извержени быша, и за единаго человека преступление вси праведнии во ад снидоша, донележе изведе я Господь, за блуды неудержания плоти и за преступление, еже не совокуплятися сыновом Божиим со дщерми человеческими. Не пощаде Бог всеа вселенныя, потом потреби, токмо праведнаго Ноя²³⁶¹ самаго есма соблюде. За мужеложство и за любодеяние и за прелюбодеяние Содо(л. 490)ма²³⁶² и Гомора огнем сожже, токмо праведнаго единаго Лота со двема дщерьма обидима, избави от нечистоты. И что прочее о сем много глаголати или писати, ведаете и видите вся писания известно в Ветхом законе и в Новой благодати. Такожде и в нынешния времена за всякия различныя грехи всякими различныма казньми многия грады разоришася, и людие без вести быша, и великия царьствия запустеша, овии за гордость, а инии за братоненавидение и за насилие своим. Многия же погибоша за идолопоклонение, иже не обратишася на благочестие. Наипаче же горши всего зла за любодеяние (л. 490 об.)²³⁶³ и прелюбодеяние и за содомский блуд и за всякую нечистоту многия царьствия исчезоша и без вести быша, еще же и за срамословие и клятвопреступление и за безмерное объядение и пиянство напрасною смертию исчезоша.

Мы же убо всех сих убоявшеся и ум свой собравше и очистивше чювствие душ и телес наших, порастворим вся сия мимоидущая и настоящая вся, яже пред нашима очима бывшая вся и бывающая разсмотрим. Не вся ли та в нас злодеяния, иже глаголахом? Речет же ми кто, яко идолопоклонения в нас несть, ино сребролюбие (л. 491)²³⁶⁴ не второе ли идолослужение или блудная скверная деяния. Сим же подобная како поработахом, сребру ли или сласти плотстей сами весть паче нас. Аще же речет ми кто, яко не вем таковаго беззакония, дерзаю рещи по пророку, глаголющему: Яко аспид глухий, иже не слышит гласа обаваящих. Чем же бо прежде поскорбим о толиких беззакониих и о чем восплачемся? Како нам Бога милостива сотворити? О сем видим вси, каковы различныя казни и милостивное наказание на нас посла Господь, обращая нас от заблуждения, яко чадолюбивый отец. Мы ж никако ж о сем воспомянухомся.

(л. 491 об.)²³⁶⁵ Первее смирил нас Бог, отнял у меня отца, а у вас пастыря и заступника. Еще же сия скорбь не мину, начашася множати великия бедныя скорби, бояря и велможи вернии и любимии отцем моим совет не благ совещаша ми, вменяюще, яко мне доброхотствуют, наипаче же себе самовластие улучающе, яко помрачении умом дерзнули поимати и скончати братию отца моего. И егда хощу воспомянути их нужную смерть и немилостивное мучение, весь слезами разливаюся и в покаяние прихожду, и прощение у них прошю за юность (л. 492)²³⁶⁶ и не неведение, по скончании дядь моих по немнозе времени и мати моя преставися, оттоле горкая скорбь постиже нас, мне сиротствующу, а царьству вдовствующу. И тако бояре наши, улучиша себе время, сами владеша всем царьством самовластно, никому же возбраняющу изо всякаго неудобнаго начинания и моим грехом и сиротством и юностию мнози межусобною бедою потреблени быша. Аз же возрастох в небрежении и в ненаказании отца своего и матере, якоже подобает наказати отцу чадолюбцу, и навыкох их злокозненыя обычаи (л. 492 об.)²³⁶⁷ и тая же мудрствовах, якоже и они. И от того времени и доныне каких зол не сотворихом пред Богом и каких казней не посла на нас Бог, приводя нас на покаяние, ово пленением и святым церквам разорение и попрание всяким святыням и много безчисленное кровопролитие и пожжение и истопление и в плен расхищение всякаго священническаго и иноческаго чина, князей и бояр, и всякаго христанскаго рода, мужеска полу и женска, разсеянныя по лицу всеа земли и оскверненныя всякими нечистотами и всякими страданми и муками томимы и (л. 493)²³⁶⁸ смертем предаваемы. Мы же о сем многажды покушахомся месть сотворити врагом своим и ничто же успехом. Сего его же Господь наказует нас сими, а не поганых поспешеством над нами. И сими великими казнми в покаяние не внидохом, сами межусобство зло сотворихом и бедным христианом всяко насилство чинихом. И милосердый Господь за премногия грехи наша наказуя нас ово потопом, ово мором и различныма болезньми и бедами, и никакоже не наказахомся. И посла Господь на ны тяжкия и великия пожары и вся наша злая собрания потреби и прародитель благословение (л. 493 об.)²³⁶⁹ огнь пояде, паче же всего святыя Божия церкви и многия великия и неизреченныя святыни и святыя мощи и много безчисленное народа людска. И от сего убо вниде страх в душю мою и трепет в кости моя, и смирися дух мой и умилихся, и познах своя согрешения, и прибегох ко святей соборней и апостолстей Церкви, и припадох Божию человеколюбию великому и ко Пречистей Богородицы и ко всем святым и ко твоему первому святительству и всем, иже с тобою, святителем, и умилно припадая, истинным покаянием прося прощения, яже зло содеях. И Божия ради великия милости получих от вас (л. 494)²³⁷⁰ мир и благословение и прощение о всем, яже содеях зле. Тогда же убо и аз всем своим князем и бояром по вашему благословению, а по их обещанию, на благотворение подах прощение в их к себе прегрешениих, и по вашему благому совету, Богу помогающу нам, начах вкупе устрояти и управляти Богом врученое ми царьство, елико Бог поспешит, у Него милости и помощи просяще.

Еще же молю вашу святыню и преподобие, и о сем прострите прилежную молитву ко всесилному и милостивому Богу, еже попустил на нас Бог многую скудость всякому плоду (л. 494 об.)²³⁷¹ земному, такоже и скотом и птицам и прочему изобилию и всякому стяжанию. И аще вашима отеческима молитвами умолен будет Бог о нас и милостива Его себе²³⁷² сотворим и очистимся от всяких грех душевных и телесных. И тако уповаем на милость Его, да помилует нас и моления нашего не презрит, щедр бо есть и милостив и не оставит нас, сирых, но послет свою помощь рабом Своим и просветит ум наш, и утвердит страх Свой в нас, и укрепит нас на путь мирен, и наставит на всяко дело благо, и годину подаст всяческих (л. 495)²³⁷³ плодов, и вся враги наша видимыя и невидимыя вскоре да покорит в нозе наши.

Вы же, господие, отцы наши, пастырие и учителие, внидите в чювства ваша, прося у Бога помощи и стрезвите ум ваш, и просветитеся во всяких богодухновенных обычаех, якоже предаде вам Господь. Ваше же от Бога порученное вам стадо словесных овец всего православнаго христианства Росийскаго царьствия, наполнив себе духовныя ползы святаго Писания, мене, сына своего, наказуйте и просвещайте на всякое благочестие, якоже лепо есть благочествым царем быти во всяких царьских законех праведных (л. 495 об.)²³⁷⁴ и во всяком благоверии и чистоте братию нашу и всех князей и бояр и все православное христианство неленостно и тщателно утвержайте и вразумляйте и просвещайте и наказуйте, да непорочно сохранят истинный христианский закон. Прежде убо вы сами, пастырие и учителие, известите себе и утвердитеся и множите данный вам от Бога талант, такожде и весь священный собор и иноческий чин, якоже предаша вам святии отцы седми святых собор Вселенских и Поместных, праведный закон утверждайте и истинную православную веру христианскую. (л. 496)²³⁷⁵ Да и мы, видяще ваша добрая дела и духовная наказания и Божественая писания от вас внимающе, Богу поспешествующу, негли просветимся и обратимся на истинное покаяние, вашим о нас духовным желанием и попечением и да получим великую милость зде и в будущем веце от Христа Бога. Ныне молю вас, о благособраный соборе, Бога ради и Пречистыя Богородицы и всях святых ради потружайтеся о истинней и непорочней православней христианстей вере и утвердите и изъясните, якоже предаша вам святии отцы по Божественым правилом. И не токмо глаголю вам, потрудитеся, (л. 496 об.)²³⁷⁶ но и постраждите за имя Христово, якоже они, божественнии мужие, не токмо за имя Его пострадаху, но и за образ, якоже Стефан Новый и Максим Исповедник, и Феофилакт Никомидийский и инии мнози, якоже сами паче весте и помнисте, како обещастеся на святем соборе. Яко аще паче что ми велят сотворити не по правилом святых отец князи и бояре²³⁷⁷, аще и сами владущии, аще ли и смертию воспретят, никако же ми их не послушати.

Видите убо, яко и смерти обещаются епископи предатися за веру Христову. Коль же вам паче труда и поношения от безумных человек (л. 497)²³⁷⁸ и ино ничто же, якоже о них божественный во апостолех Павел глаголет, воеже к Тимофею послания его: Чадо Тимофее, ведый буди, яко в последняя дни настанут времена люта, будут бо человецы самолюбцы и сребролюбцы, а не боголюбцы, предатели, предерзливи, возносливи, сластолюбцы, паче не боголюбцы²³⁷⁹. И сих отвращайся, якоже Аннии и Амврии противистася Моисею, тако сии противистася истине. Безумие их яве будет всем, якоже и онех бысть. И сих ли безумия убоимся, ни убо, но аще бы мучителие были всем, ино бы пострадати до крови и до смерти ради веры Христовы. Вы же, о богособранный соборе, потруждайтеся веры ради Христовы, воеже исправити (л. 497 об.)²³⁸⁰ и изъяснити по правилом святых отец. На сие бо и собрех аз вы, о боголюбезный соборе, отцы святии, за веру христианскую и за истинный православный закон, якоже предаде нам церкви Божия вкупе единодушевно всегда есмы с вами исправляти и утверждатися, якоже наставит нас Дух Святый. Аще по вражию навету некое поползновение будет чрез Божественое правило вашим нерадением во всяких наших христианских законех без обличения, сему убо аз не причастен. Вы о сем ответ дадите в день Страшнаго суда. Аще ли аз буду вам сопротивник (л. 498)²³⁸¹ кроме Божественых правил вашему согласию, вы о сем не умолчите, аще преслушник буду, воспретите ми без всякаго страха, да жива будет душа моя и вси, подлежащии нам, яко да непорочен будет истинный православный христианский закон и славится в нем пресвятое имя Отца и Сына и Святаго Духа ныне и присно и во веки веков. Аминь.

И сим на соборе прочтены бывшим архиереом же, в первенствующий преосвященный Макарий, митрополит всеа Русии, со всем освященным собором, со архиепископы и епископы и со честнейшими архимандриты и игумены, зело о сем (л. 498 об.)²³⁸² удивишася и о благочестии слово изнесоша и Вседержителю Богу хвалу воздаша. И бе чюдно видение и всякаго ужаса исполнь толикое царьское величество со душевным желанием церкви Божии совокупляется. И кто от толикои радости зелныя не испусти слез, видя царьскую душу совокупльшуюся с церковным устроением. И потом на соборе царь вдаст иная писания о многих царьских чинех.

Видели ли еси произволение царьское и усердие и покаяние о содеянных мимошедших злых и церковныя законы велит утверждати по преданию святых апостол и святых (л. 499)²³⁸³ отец, и сам пострадати обещася. Аще ли, рече, и аз в чем погрешю, не умолчите, но воспретите без всякаго страха, да жива будет душа моя.

И на сем соборе царь и вси архиерее в 53 главе о святительском суде соборной ответ от священных правил апостолских и отеческих и от заповедей благочестивых царей.

Яко не подобает князем и бояром и всяким мирским судиам священническаго и иноческаго чина на суд привлачати, ниже таковым судити, да не обладает ми никто ж от простых людей, точию великая соборная Церковь обладает и судит таковыми по закону еще (л. 499 об.)²³⁸⁴ иных правил. А от простых людей ни князь, ни боярин, ни всяк мирский судия да не обладает иерея, ниже монастыри, ниже мниси. Сия вся освященная Богови возложена суть и святителем и никто же ими обладает от мирских, яко не неосвященна священная вносится, ниже от Церкве да приемлют что. Аще ли и создатели церкви кои монастыреви суть, точию единаго благословения церковнаго и приношения и сего узаконено со страхом приимати и со благословением архиереовым или иереовым. Аще ли ж кто покусится что взяти от церкве чрез благословение архиереово или иереово кроме закона церковнаго, таковый ничему (л. 500)²³⁸⁵ подобен есть, точию священная крадущему и скверностяжателем иноверным человеком и сии убо яко тати суть и хищницы и разбойницы Церкви Божия. И сия аще кто сотворит и таковыи аще не покаются и пагубу наследуют, сице бо Господь наш Иисус Христос, заповеда, рек: Отдадите кесарева кесареви, а божия Богови.

О том же святительском суде от священных правил святых апостол 2-го правила толкование.

Божественаго²³⁸⁶ писания и священная правила и законы не повелевают мирским судиам судити священников и прочих причетников и иноков, но священныя мужи. И прочая вся причетники и иноки и монастыри (л. 500 об.)²³⁸⁷ и прочая вся церкви болшая же и молитвенныя храмы сих область и господьства все и владычества все и управление и попечение местным епископом повелевают имети. И аще причетник с причетником прю имать, да не оставляет своего епископа и на мирския судища да не приходити, но да судит их епископ их или в себе место коему прикажет судити их. Такоже и иноцы и прочии церковнии людие да судит их епископ или в себе место кому прикажет тех судити. Аще ли причетник прю имать с своим епископом или со инем да судит их митрополит тоя области с своими епископы собором. Аще ли причетник или (л. 501)²³⁸⁸ прю имать с митрополитом, патриарх их судит и митрополит убо имать в своей области под собою епископы и сих избирает и поставляет и управляет. Епископы ж в своих пределех под собою имеют вся церкви и монастыри и иноки и причетники и сих избирают и поставляют и управляют мирстии властели, вси чины и власти приразящиися, и осуждаются в сем веце и в будущем, якоже писано есть в заповедех святых апостол, яко восхищей недарованная им, раздражают Бога, якоже Дафан и Авирон и Корей и их сынове и сотницы и Иозия царь. Страшно убо и бедно есть мирским человеком (л. 501 об.)²³⁸⁹ ко священным вещем прикасатися, но ни диакону убо приносити жертвы несть достойно, ни крестити кого, ни благословенная мала или велика сотворити. Такоже презвитеру несть достойно поставление сотворити и развращати чин священнический, якоже дерзнувше на²³⁹⁰ таковая, не с нами борются, но с великим архиереом Христом. Аще ли бо Филипп скопца крестив и Анания мене Павла, но не сама себе восхитиста святительскаго сана, но от Бога прияста власть, от несочетаннаго Архиерея. Мирским женам и паче отнюдь не подобает ко священным чином и властем и степенем и причтом прикасатися (л. 502)²³⁹¹ или судити сих и управляти, аще и согрешит от сих кто, от Бога истязан будет. И паки в тех же апостолских заповедех глаголет яко, койждо в даннем ему чину да пребывают и не преступают и не суть бо наша, но Божия, якоже рече Господь: Слушаяй Мене, слушает пославшаго Мя, и отметаяйся вас, Мене отметается, отметаяй же ся Мене, отметается пославшаго Мя.

О том же святительском суде от священных правил собора, иже в Халкидоне, правило 9.

Аще2392 о чем прятся причетники, да не приходят к мирским судиам, но к своему епископу. Аще некий причетник со причетником прю имеет, (л. 502 об.)²³⁹³ да не оставляет своего епископа, к мирским судищам не прирыщет, но прежде да скажет вещь своему епископу. Да повелением того епископа придут обои хотящии претися, да разсудит епископ с началными его попы. Аще ли кто чрез се сотворит, правилным запрещением да есть повинен. Аще ли причетник имать прю с своим епископом или с попом, пред областным собором да прится.

Аще причетник имать нечто на причетника, не подобает ему судитися пред мирскими судиами, но от своего епископа. Аще ли к мирскому судищу приступят, по правилом запрещение да приимут. Тако ж и при(л.503)четник²³⁹⁴, аще имать нечто на своего епископа, егда в реченая времена соберутся епископи всеа области, пред собором да судится. Иже аще епископ или причетник с митрополитом имать некая распря, от патриарха всея тоя земли да судится, под ним же суть епископи и митрополиты всех областий и страны тоя, или от патриарха Константиняграда да судится. Сия бо власть от инех патриарх никому же вдана бысть, ни от правил, ни от закона, еже судити митрополита, под иным патриархом суща, другому патриарху, но токмо Константиняграда патриарху се дано есть.

О том же святительском суде собора, иже в Карфагене, правило 15.

(л. 503 об.)²³⁹⁵ Епископом²³⁹⁶, презвитером и диаконом не подобает церковнаго судища отрицатися. Аще кто от них, оклеветаем о гресе, церковный остави суд, и к градским приступит судиам, и пред теми исповесть и судится. Аще неповинен явится и осужден будет от градских судей, свой погубит степень. Аще не о гресех будет вина, но о имении или о злате или о неких мирских вещех, и прилучится ему таковых препрети и оправдану быти, подобно ему судити, оставлшу, и к мирским судиам приступлшю и от тех судившуся. Аще любо хощет тех суд держати и вопросити имении или злата или инаго что, о нем же препрев, (л. 504)²³⁹⁷ оправдан бысть, свой степень погубит. Аще же преобидив мирский суд, и не возмет ничто же, от них же оправдан бысть, во своем степени да пребывает.

Яко не подобает мирским судиам священническаго и иноческаго чина судити, ниже на суд привлачати, святаго 5-го собора от заповедей святых отец 165, тамо бо речено бысть: Аще ли кто и сану преобидети начнет или судии восхощет церковныя, и опраною или привлачаща насилует епископа или попа или диакона или всякаго просто рещи священнаго или монастырем даное, граблением и насилием дея и отъимая от них все, даемое Христови, да будет проклят.

Аще²³⁹⁹ ли кто Божественым таинам или иным святым службам совершаема, во святую церковь вшед, или епископу или причетницы или иным слугам церковным досаду нанесет, повелеваем убо сего муками казнити и в заточения посылати. Аще же и иныя Божественыя тайны и Божественную службу смятет или совершити возбранит, мечем главу его да отсекнут. И таковая отмщати повелеваем не токмо градским, но и воинским властелем.

Властель²⁴⁰⁰ же мирский да не привлачит пред себя чернца или черницы (л. 505)²⁴⁰¹ или девицы или жен, якоже имый нечто на кого от мних или от священных девиц и жен сущих в монастырех, ко епископу места того да приступит и возвестит ему. Он же с честию мниха или черноризицу, послав игумена, да приведет, или посолника, или кого от мирских, и разсмотрив, и судит их. Властель же, покушаяся привести пред ся, таковый лишен будет власти и даст в людское сокровище десять литр и перепер купно своим чином. Посланым же приведша, да заключены будут в предград и подобную казнь да приимут и епископом возбранени будут, к тому таковых на мирских властелей не приводити.

Того ж Иустиниана (л. 505 об.)²⁴⁰² царя о том же святительском суде правило 87.

Не творити пакости мнишескому чину, ни черноризцу, ни черноризице никиим любо образом, ни поругатися церковному строению. Се же аще кто дерзнет сотворити, телесную подъимет муку и в заточение предан будет.

Такожде же и от перваго христианскаго царя Константина заповеди приписаша, еже не судити священнический чин и весь причет и великаго князя Владимира заповеди, якоже есть выше сего писано.

И заповеди благочестиваго царя Мануила греческаго, еже написа о суде святительском и о достоянии.

Понеже и се к ушима нашего царьства достиже от жалобник церковных (л. 506)²⁴⁰³ повсюду, идеже аще суть церковная стяжания пошлины изобидимы²⁴⁰⁴ от наместников моих или от судий, абие положися нашему царьству брежени, и о сем честному сему храму и всем по Вселенней и сущим митрополитом и архиепископом и епископом и монастырем и всем Божиим церквам, идеже аще суть, или на восточных странах по всей вселенней, якоже суть отдана Богу, приношение жертвам даже до скончания века, да пребывают моего царьства нерушима писания ради. Аще гради, аще села, аще лугове или езера, торжища и одрины или люди купленыя в домы церковныя, или пошлиною под судом церковным, или винограды, или са(л. 506 об.)дове²⁴⁰⁵, или что таковое от церковных вещей, якоже еже царьство наше судивше, узаконив, положи, и наместницы царьства нашего несть им кому их посудити. Такоже и елика суть в дании или куплена в домы церковныя, да суть по судом церковным, такоже не смеит никто же посужати, изыскивати кому от судии моих или от наместников. И аще кто, смеяв от наместников или от судии царьства моего посудити и проданая в церкви или даная от кого или какова отдана будет, всяк бо, иже аще²⁴⁰⁶ таково смеяв изыскивати или посужати смеит дерзнути, немилостивно сего дом разграблен да будет в дом церковный или судиям, и той сам по вся лета (л. 507)²⁴⁰⁷ живота своего безчинствен будет и от сына своего и от лучия смоего²⁴⁰⁸ отлучен, яко противится цареву законению. Аз же глаголю, честне и боголюбезне церквам и монастырем отдавшаго и сего ради мал некаков дар приносящу ми Богови, от Него ж тмочисленых дарований от богодателныя Его десницы восприимшу ми, сего ради подобает, ниже от наместников, ниже от судии и царьства моего всяческое церковное или монастырское стяжание или даное или купленое не изыскивати, ниже подсуждати, понеже царьство клявся отдаде стяжание и пошлины церквам Божиим ради имени Божия и на славу Его, яко да сохранени будем под кре(л. 507 об.)пкою²⁴⁰⁹ Его десницею, ово же прося милости и прощения о иже к Богу, яко человек, плоть нося, приразихся и согреших, ово же ради помощи от них, иже воины Великаго Царя Христа, иже от младаго возраста иноческому житию прилепившихся и во все оружие одеявшихся, Святаго Духа споспешника имети и поборника крепка на видимыя и невидимыя враги. Тем же, аще убо кто дерзнет или наместник или судия или велможа царьства моего, или ради имения, или ради насилия, или ради мзды, или ради которою хистростию преобидети восхощет церкви Божия, аще суть писано во утверженом писании, и царьства моего пре(л. 508)обидите²⁴¹⁰ отданая Богови и Его Церкви, и яже под областию Ея на востоце и западе, всем митрополитом, архиепископом и епископом, всем монастырем, идеже аще суть, якоже предрехом, и по всей Вселенней пошлины церковныя отданыя Богу, аще град, аще села, аще лугове или езера, торжища и одрины, или люди купленыя в домы церковныя, или пошлины под судом церковным, или виноград, или садове, или какова суть от церковных притяжаний и презрит или изобидит или подсуждати начнет. Первие же Святыя Троицы света и милости, егда предстанем страшному Судищу да не узрит и да отпадет от христианския части, якоже Июда от дванадесятнаго (л. 508 об.)²⁴¹¹ числа апостолскаго. К сему ж и клятву да приимет, иже от века усопших первородных святых праведных и богоносных отец.

Не восхощи прияти новых законов на развращение, но соблюди твердо истину, якоже плотское Божие пришествие словом и усты и сердцем и умом, писанием же и образы исповедати и соблюдати подобает, подобне ж и священная правила, закон же и уставы, яже прият святая Церковь и вся Предания писаная, яже предаша святии апостоли и преподобнии отцы и благочестивии царие, непреложно и непревратно соблюдати подобает. Неповинующии бо ся сих хранити вечно (л. 509)²⁴¹² мучимы будут, хранящии же сия вечнаго живота наследницы будут.

Сия де вся пишем, аще и от единых Божественых законов, но объявляя тую ж благодать Святаго Духа, действующую во всех благочестивых сердцах и произволений царьских.

А в прошлом во 156-м году июля в 16 день

Государь²⁴¹³ царь и великий князь Алексий Михаилович всеа Росии самодержец в двадесятое лето возраста своего, в третие лето Богом хранимыя своея державы, советовал со отцем своим и богомолцом Святейшим Иосифом, Патриархом Московским и всеа Русии, и с митрополиты, и со архиепископы, и епископы, и со всем освященным собором и говорил с своими государевыми бояры и с окольничими, (л. 509 об.)²⁴¹⁴ и с думными людьми, которыя статьи написаны в правилех святых апостол и святых отец и в градских законех Греческих царей, а пристойны те статьи к государьственным и к земским делем, и те бы статьи выписать и чтобы прежних великих государей царей и великих князей Росийских и отца его государева, блаженные памяти великаго государя царя и великаго князя Михаила Феодоровича всеа Росии указы, и боярские приговоры на всякия государьственныя и на земския дела собрать, и те государьския указы и боярские приговоры со старыми судебниками справити.

1 2 3 ... 5 6 7 8 9 10 11 12 13 14 15 16 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

²³⁵⁰ На верхнем поле листа киноварная помета: 26-е возражение.

²³⁵¹ На левом поле листа помета: Глава 3.

²³⁵² На верхнем поле листа киноварная помета: на 26-й вопрос и ответ.

²³⁵³ На верхнем поле листа киноварная помета: 26-е возражение.

²³⁵⁴ На верхнем поле листа киноварная помета: на 26-й вопрос и ответ.

²³⁵⁵ На верхнем поле листа киноварная помета: 26-е возражение.

²³⁵⁶ На верхнем поле листа киноварная помета: на 26-й вопрос и ответ.

²³⁵⁷ Написано со знаком вставки на правом поле листа.

²³⁵⁸ На верхнем поле листа киноварная помета: 26-е возражение.

²³⁵⁹ На верхнем поле листа киноварная помета: на 26-й вопрос и ответ.

²³⁶⁰ На верхнем поле листа киноварная помета: 26-е возражение.

²³⁶¹ Вписано между строк.

²³⁶² На верхнем поле листа киноварная помета: на 26-й вопрос и ответ.

²³⁶³ На верхнем поле листа киноварная помета: 26-е возражение.

²³⁶⁴ На верхнем поле листа киноварная помета: на 26-й вопрос и ответ.

²³⁶⁵ На верхнем поле листа киноварная помета: 26-е возражение.

²³⁶⁶ На верхнем поле листа киноварная помета: на 26-й вопрос и ответ.

²³⁶⁷ На верхнем поле листа киноварная помета: 26-е возражение.

²³⁶⁸ На верхнем поле листа киноварная помета: на 26-й вопрос и ответ.

²³⁶⁹ На верхнем поле листа киноварная помета: 26-е возражение.

²³⁷⁰ На верхнем поле листа киноварная помета: на 26-й вопрос и ответ.

²³⁷¹ На верхнем поле листа киноварная помета: 26-е возражение.

²³⁷² Написано со знаком вставки на левом поле листа.

²³⁷³ На верхнем поле листа киноварная помета: на 26-й вопрос и ответ.

²³⁷⁴ На верхнем поле листа киноварная помета: 26-е возражение.

²³⁷⁵ На верхнем поле листа киноварная помета: на 26-й вопрос и ответ.

²³⁷⁶ На верхнем поле листа киноварная помета: 26-е возражение.

²³⁷⁷ Написана со знаком вставки на левом поле листа тем же почерком «л».

²³⁷⁸ На верхнем поле листа киноварная помета: на 26-й вопрос и ответ.

²³⁷⁹ Слова «предатели, предерзливи, возносливи, сластолюбцы, паче не боголюбцы» написаны со знаком вставки на правом поле листа

тем же почерком.

²³⁸⁰ На верхнем поле листа киноварная помета: 26-е возражение.

²³⁸¹ На верхнем поле листа киноварная помета: на 26-й вопрос и ответ.

²³⁸² На верхнем поле листа киноварная помета: 26-е возражение.

²³⁸³ На верхнем поле листа киноварная помета: на 26-й вопрос и ответ.

²³⁸⁴ На верхнем поле листа киноварная помета: 26-е возражение.

²³⁸⁵ На верхнем поле листа киноварная помета: на 26-й вопрос и ответ.

²³⁸⁶ На правом поле листа помета: глава 54.

²³⁸⁷ На верхнем поле листа киноварная помета: 26-е возражение.

²³⁸⁸ На верхнем поле листа киноварная помета: на 26-й вопрос и ответ.

²³⁸⁹ На верхнем поле листа киноварная помета: 26-е возражение.

²³⁹⁰ Вписано между строк.

²³⁹¹ На верхнем поле листа киноварная помета: на 26-й вопрос и ответ.

²³⁹² На правом поле листа помета: глава 55.

²³⁹³ На верхнем поле листа киноварная помета: 26-е возражение.

²³⁹⁴ На верхнем поле листа киноварная помета: на 26-й вопрос и ответ.

²³⁹⁵ На верхнем поле листа киноварная помета: 26-е возражение.

²³⁹⁶ На левом поле листа помета: глава 16.

²³⁹⁷ На верхнем поле листа киноварная помета: на 26-й вопрос и ответ.

²³⁹⁸ На верхнем поле листа киноварная помета: 26-е возражение.

²³⁹⁹ На левом поле листа помета: глава 57.

²⁴⁰⁰ На левом поле листа помета: глава 58.

²⁴⁰¹ На верхнем поле листа киноварная помета: на 26-й вопрос и ответ.

²⁴⁰² На верхнем поле листа киноварная помета: 26-е возражение.

²⁴⁰³ На верхнем поле листа киноварная помета: на 26-й вопрос и ответ.

²⁴⁰⁴ Исправлено из: изобижемы.

²⁴⁰⁵ На верхнем поле листа киноварная помета: 26-е возражение.

²⁴⁰⁶ Написано между строк.

²⁴⁰⁷ На верхнем поле листа киноварная помета: на 26-й вопрос и ответ.

²⁴⁰⁸ Так в ркп. Очевидно: своего.

²⁴⁰⁹ На верхнем поле листа киноварная помета: 26-е возражение.

²⁴¹⁰ На верхнем поле листа киноварная помета: на 26-й вопрос и ответ.

²⁴¹¹ На верхнем поле листа киноварная помета: 26-е возражение.

²⁴¹² На верхнем поле листа киноварная помета: на 26-й вопрос и ответ.

²⁴¹³ На правом поле листа помета: из Уложеныя книги.

²⁴¹⁴ На верхнем поле листа киноварная помета: 26-е возражение.

Домашняя страница
священника Владимира Кобец