ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-6)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

аки инде речеся: Ныне²⁵²¹ убо сед, впиши се в доску и в книги, яко будет се во дни времен и не в век, (л. 533)²⁵²² яко людие непокориви суть, сынове лживи, иже не похотеша слышати закона Божия, иже глаголют пророком, не поведуйте другаго прелщения, да ны совратисте с пути сего, отъимете от нас путь и отъимете от нас суд Израилев. Того ради сице глаголет Господь Израилев²⁵²³, яко не покористеся словесем сим и надеястеся ко лжи и яко пороптасте и уповая бысте к словеси суме. Того ради будет в вас сий грех, яко стена падающися внезапу и града тверда пленена, в нем же вскоре будет падение. Будет яко сокрушение сосуда глинена и от глины надробно, якоже не обрестися им чрепа, в нем же огнь возмеши и в онь же влиеши воды мало. Се глаголет Господь: Сотво(л.533 об.)ристе²⁵²⁴ совет не Мною и заветы не духом Моим, приложити грехи ко грехом. И паки ин пророк рече: Яко²⁵²⁵ не послах их, рече Господь, тии же течаху, и не глаголах к ним, о себе бо глаголют неправедно лжею. Тако рече Господь: Не послушайте словес их, иже сказуют вам, прелщают вас, видения сердца своего глаголют, не от уст Господних глаголют. Люте²⁵²⁶ прорицающим от сердца своего, прорицающим вослед духа своего, а отнюдь неведящим, глаголет Господь: Аз не несмь послал их. Глаголют, рекуще: Господи, Господи. Аз же несмь послал их. И паки той же рече: Се²⁵²⁷ глаголет Адонаи Господь, а Господь не глагола. (л. 534)²⁵²⁸ И паки ин глагола: Несть²⁵²⁹ красна песнь во устех грешника, яко не от Господа послана бысть. И апостол пишет: Како же проповедят, аще не послани будут. И искусил²⁵³⁰ еси глаголющаясь быти апостолы, и не суть, и обрете я лжа. Горе им, яко отскочиша от Мене, грешни суть, яко нечествоваша ко Мне, доглаголаша до Мене лжу и суть лукави, не ведяще смысла. Вси в путех своих воследят, койждо в свой путь уклонишася в развращеная от перваго да и до последняго. Горе²⁵³¹ пишущим неправду, пишуще бо, лукавая пишут. Горе творящим глубоче совет, а не з Господем. Горе творящим советовати, будут во тме дела их. Горе вам, отвергшаяся чада. Горе (л. 534 об.)²⁵³² премудрым о себе и пред собою художным. Горе души их, занеже умыслиша совет лукав себе. Горе беззаконнику, злая бо приключаются по делом его. Горе хулящим, иже хулят закон. Горе преступником, иже преступили закон. Горе глаголющим злу добро, а добру зло, полагающим свет тму, а тму свет, полагающим сладкое горко, а горкое сладко. Горе²⁵³³ сердцам страшливом и рукам ослабленам и грешнику, ходящу на две стези. Горе сердцу ослаблену, яко не верует, сего ради непокровено будет. Горе вам, погублщим терпение, и что сотвористе, егда посетит Господь. (л. 535)²⁵³⁴ Горе²⁵³⁵ вам, законником, яко взясте ключ разумения, сами не внидосте и входящим возбранисте. Горе вам, книжницы и фарисеи, лицемери, яко одесятствуете мятву и копр и кимен, остависте вящшая закону, суд и милость, и веру, вожди суть слепии, оцеждающе комары, велбуды же пожирающе. Горе вам, книжницы и фарисеи, лицемери, яко очищаете внешнее сткляницы и блюду, внутрь юду же суть полни хищения и неправды. Фарисею слепый, очисти прежде внутренее сткляницы и блюду, да будет има и внешняя чиста. Горе²⁵³⁶ им, яко в путь Каинов ходиша и в лесть Валаамовы (л. 535 об.)²⁵³⁷ мзды пролияшася, в пререкании Корреове погибоша, без боязни себе пасуще. Облацы безводни от ветр преносимы, древеса Ессеина безплодна, дважды умерша искоренена, волны свирепыя моря воспеняюще своя струи, звезды прелестныя, им же мрак тмы блюдется. Пророчествова²⁵³⁸ же и о сих седмый от Адама Енох, глаголя: Се приидет во святых тмах ангел своих сотворити суд о всех и изобличити всех нечестивых о всех делех нечестия их, ими же нечествоваша, и о всех жестоких словесех их, их же глаголаша нань грешницы нечестивии. Сии суть (л. 536)²⁵³⁹ ропотницы, укорители, часть порочная, в похотех своих ходяще нечестием и законопреступлением, и уста их глаголют прегордая.

О них же сам Господь прорече, глаголя: Блюдитеся²⁵⁴⁰, да никто вас прелстит. Мнози бо приидут во имя Мое, глаголюще, яко Аз есмь. Не изыдите убо после их. И мнози лжепророцы востанут и прелстят многия, и за умножение беззакония изсякнет любы многих. И паки: Востанут бо лжехристи и лжепророцы, яко прелстити аще мощно и избраныя. И инде рече: Внемлите²⁵⁴¹ же от лживых пророк, от плод их познайте их, еда объемлют от терния грозды или от репия (л. 536 об.)²⁵⁴² смоквы. Тако всяко древо добро плоды добры творит, а злое древо плоды злы творит. Не может древо добро плод зол творити, ни древо зло плод добр творити. Всяко убо древо, еже не творит плода добра, посекают его²⁵⁴³ и во огнь вметают. Тем же убо от плод их познайте их. И паки притчю прорече: Уподобися²⁵⁴⁴ Царьствие Небесное человеку, сеявшу доброе семя на селе своем. Спящем же человеком, прииде враг его и всея плевелы посреде пшеницы и отъиде. Егда же прозябет трава и плод сотвори, тогда явишася и плевелие. Пришедше же раби Господина, реша Ему: Господине, не доброе ли семя (л. 537)²⁵⁴⁵ сеял еси на селе Своем? Откуду имать плевелы? Он же рече им: Враг человек се сотвори. Раби же реша Ему: Хощеши ли убо, да шедше, исплевем я. Он же рече им: Ни, да некогда восторгающе плевелы, восторгнете купно с ними и пшеницу. Оставити расти обое купно до жатвы, соберите первее плевелы и свяжите их в снопы, яко сожещи я, а пшеницу соберите в житницу Мою. И приступиша к Нему ученицы Его, глаголюще: Скажи нам притчю плевел селных. Он же отвещав, рече им: Всеявый доброе семя, есть Сын человеческий, село есть мир. Доброе же семя (л. 537 об.)²⁵⁴⁶ сии суть сынове Царьствия, а кто новыя законы пишет²⁵⁴⁷ плевелы суть сынове неприязнении, а враг всеядый есть диавол, а жатва кончина века есть, а жателие ангели суть, якоже убо собирают плевелы и огнем сожизают. Тако будет в скончание века сего, поглаголет Сын Человеческий ангелы Своя и соберут от Царьствия Его соблазны и творящая беззаконие, и ввергут их в пещь огненую, ту будет плач и скрежет зубом.

Паки подобно есть Царьство Небесное, неводу ввержену в море и от всякаго рода собравшу, иже егда исполнися, извлекоша и на край и седше, избраша добрыя в сосуды, а злыя извергоша (л. 538)²⁵⁴⁸ вон. Тако будет в скончание века, изыдут ангели и отлучат злыя от среды праведных и ввергут их в пещь огненну, ту будет плач и скрежет зубом. Потом²⁵⁴⁹ же вопрошаху Его фарисее и книжницы, почто ученицы Твои не ходят по преданию старец, но неумовеныма рукама ядят хлеб. Он же отвещав, рече им: Яко добре пророчествова Исаия о вас, лицемерие, якоже есть писано: Сии²⁵⁵⁰ людие устнами Мя чтут, сердце же их далече отстоит от Мене. Сие же чтут Мя, учаще учения заповеди человечески, оставаше бо заповедь Божию, держите предания человеческа и глаголаше им, добре отметаете заповедь (л. 538 об.)²⁵⁵¹ Божию, да предание ваше соблюдете. И²⁵⁵² призвав весь народ, глаголаше им: Послушайте Мене вси и разумейте, ничесо же внегду человека входимо в он, еже может осквернити, но исходящая от него, та суть оскверняющая человека. Тогда приступлше ученицы Его, реша Ему: Веси ли, яко фарисее, слышавше слово, соблазнишася? Он же рече: Всяк сад, его же не насади Отец Мой небесный, искоренится. Остависте их, вожди суть слепии слепцем, слепец же слепца аще водит, оба в яму впадетася. Отвещав же Петр, рече Ему: Скажи нам притчю сию. Иисус же рече им: Единаче ли и вы (л. 539)²⁵⁵³ без разума есте? Неужли разумеете, яко всяко, еже входит во уста, во чрево вмещается и афедроном исходит. Изходящая ж изо уст, от сердца исходят, и та сквернят человека, от²⁵⁵⁴ сердца бо исходят помышления злая, убийства.

Аще и не мечем кто убивает, но языком законопреступным, паче меча обоюдуостра. Прелюбодеяния, паче положенаго закона ин кто, ему же любодеет. Татьбы, тать истину крадет от Божественых законов и заповедей и свой устав бесовский приписует. Лжесвидетельства, лжесвидетель, иже вместо правых законов ложныя своя приводит. Хулы, хула то, (л. 539 об.)²⁵⁵⁵ паче предания свой разум составляет. Обиды, обидлив той, вместо правых Божиих велений свой закон ин полагает. Лукавства, како той не лукав, оставя правый путь, своим лукавым воследует. Лесть, воистину той лстив, оставя истиный свет, тму глаголет свет. Студодеяния, студено того деяние, кто кроме правых догмат мудрствует. Око лукаво, како не лукова око того, иже не толико правду зрит, елико своя си. Гордыня, гордыня ничто же ино, развее еже якоже от испрева диавол. На небо²⁵⁵⁶, рече, взыду и выше звезд небесных поставлю претсол свой, и буду подобен (л. 540)²⁵⁵⁷ Вышнему. Ныне же во ад снидеши и в корение земли. Тако и ныне, гордяся паче Божественых законов, свои законы уставляя, подобен оному гордынею. Безумство, како той не безумен, паче преданий иныя безумныя предания предая, по писаному во псалмех, рече безумен в сердцы своем, несть Бог, сия вся сквернящая человека. Порождения ехиднова, како можете добро глаголати, зли суще, от избытка сердца уста глаголют, благий человек от благаго сокровища износит благая, и лукавый человек от лукаваго сокровища износит лукавая.

Что²⁵⁵⁸ же Мя зовете, Господи, Господи, и не творите, яже Аз глаголю? (л. 540 об.)²⁵⁵⁹ Не всяк глаголяй Ми, Господи, Господи, внидет в Царьство Небесное, но творяй волю Отца Моего, иже есть на небесех. Мнози рекут во он день, Господи, Господи, не во Твое ли имя пророчествовахом и Твоим именем бесы изгонихом? И тогда исповем им, яко николи же знах вас, отъидите от Мене делающии беззаконие.

Аминь²⁵⁶⁰, аминь, глаголю вам, не входяй дверми во двор овчий, но прелазя инуде, тать есть и разбойник. Тако и Божественный верховный апостол Петр пророчествовал о ложных тех законодавцах, глаголя: Сие прежде ведяще, яко приидут в последняя дни ругателие, по своих похотех ходяще (л. 541)²⁵⁶¹ и глаголюще, якоже и в вас будут лживи учителие, иже внесут ереси погибели, искупавшаго их Владыки отметающеся. Приводяще себе скору погибель и мнози последствуют нечистотам их, ими ж путь истиный похулится и в преумножение лстивых словес вас уловят. Их же суд искони не коснит и погибель их не воздремлет, продерзателех себе угодных, сии же славы не трепещут хуляще, во истлении своем истлеют, яко скоти животни естеством бывше в погибель и тлю. В них же не разумеют хуляще, во истлении своем истлеют, прелщающе душы неутвержены.

И²⁵⁶² божественный Иоанн пророчествова, глаголя: Возлюблении, не всякому духу (л. 541 об.)²⁵⁶³ веруйте, но искушайте духи, аще от Бога суть, яко мнози лживии пророцы изыдоша в мир. И паки рече: Блюдите²⁵⁶⁴ себе, да не погубим, яже делахом добрая. И по мале рече: всяк преступаяй и не пребываяй во учении Христове, Бога не имать. Аще кто приходит к вам и сего учения не приносит, не приемлите его в дом и радоватися ему не глаголите. Глаголяй бо радоватися, сообщается делом его злым.

Такожде²⁵⁶⁵ святый апостол Июда, брат Божий, о таковых пророчествова, глаголя: Нуждами бысть писати вам, моля подвизатися о преданей вере святым единою. Привнидоша бо нецыи человецы, иже древле предуста(л. 542)влени²⁵⁶⁶ на сие осуждение нечестия, Бога нашего благодать предлагающе в скверну. Вы²⁵⁶⁷ же, возлюблении, поминайте глаголы преждереченыя от апостол Господа нашего Иисуса Христа, зане глаголаху вам, яко в последнее время будут ругателие, по своих похотех ходяще и нечестиих и суть телесни духа не имуще.

Такожде и божественный Павел апостол пророчествова о таковых, глаголя: Дух²⁵⁶⁸ же явственне глаголет, яко в последняя времена отступят нецыи от веры, внемлюще духовом лестчим и учением бесовским, в лицемерии лжесловесник, сожженых своею совестию. И инде той же святый апостол глаголет: Блюдитеся²⁵⁶⁹, да никто же вас будет (л. 542 об.)²⁵⁷⁰ прелщая хитростию и тщетною лестию по преданию человеческому, по стихиам мира сего, а не по Христе Иисусе. Блюдите²⁵⁷¹, како опасно ходите, не яко немудри, но яко премудри, искупующе время, яко дние зли суть. Сего ради не бывайте безумни, но разумевающе, что есть воля Божия. И паки той же глаголет: В²⁵⁷² последняя дни настанут времена люта, будут бо человецы самолюбцы, сребролюбцы, величави, горди и прочая. Имуще образ благочестия, силя ж его отметающесь и сих отвращайся. Буих²⁵⁷³ же и ненаказаных ж отрицайся. И паки той же рече: Будет²⁵⁷⁴ бо время, егда здраваго учения не послушают (л. 543)²⁵⁷⁵ и от истины слух отвратят и к баснем уклонятся. И паки инде речеся: Аще²⁵⁷⁶ ли инако учит, не приходити ко здравым словесем Господа нашего Иисуса Христа и еже по благочестию и учению разгорде, ничесо ж сведый, но болезнь о взысканиих и любопрениих, от них же бывает зависть, рвение, хула, мнения, лукава прихождения растленых человек умом и отчюжденых от истины, мнящих приобретение быти благочестие, отступай от таковых. Тем же убо, братие, стойте и держите²⁵⁷⁷ предание, яже научитеся, или словом, или посланием, которое бо, рече, причастие свету ко тме и правде и беззаконию. И прочее. (л. 543 об.)²⁵⁷⁸ Да²⁵⁷⁹ никто же вас льстит тщими словесы, сих бо ради грядет гнев Божий на сыны непокоривыя. И паки той же апостол глаголет: Молю ж вы, братие, блюдитеся от творящих распря и раздоры чрез учения, ему же вы научистеся, и уклонистеся от них, тако вси бо Господеви нашему Иисусу Христу не работают.

Якоже²⁵⁸⁰ молих тя пребыти во Ефесе, идый в Македонию, да запретиши неким не учити инако, ниже внимати баснем и родословиям безконечным, яже стязание творят, нежели Божие строение еже в вере. От них же нецыи, заблудивше, уклонишася в суесловие, хотяще быти законоучители, не разумевающе ни яже, глаголют, (л. 544)²⁵⁸¹ ни о них же утвержают.

Сея²⁵⁸² же ради вины обличай их безщадно, да здрави будут в вере, не внимающе июдейским баснем, ни заповедем человеческим, отвращающим от истины. Вся бо чиста чистым, оскверненым же и неверным ничто же чисто, но осквернися их и ум и совесть. Бога исповедают ведати, а делы отмещутся Его. Мерзцы суще и непокориви и на всяко дело благое неискусни. Буих²⁵⁸³ же стязании и родословия и сваров законных отступай, суть бо неполезна и суетна, ведый, яко развратися таковый. И²⁵⁸⁴ яко не искусиша Бога имети в разуме, предаст их Бог в неискусен ум творити неподобная. (л. 544 об.)²⁵⁸⁵ Елма²⁵⁸⁶ любовь не прияша истинную спастися им, сего ради посла им Бог действо прелести, воеже веровати им во лжу. Воеже²⁵⁸⁷ исполнитися им грехи всюду, постиже же на ня гнев до конца, да суд приимут вси неверовавшии истине, но благоволиша о неправде. Несть²⁵⁸⁸ праведен никто ж, несть разумаваяй, несть взыскаяй Бога, вси уклонишася вкупе и непотребни быша, несть творяй благостыню, несть до единаго. Гроб²⁵⁸⁹ отверст гортань их, языки своими лщаху. Яд²⁵⁹⁰ аспидов под устнама их. Их²⁵⁹¹ же уста клятвы и горести полна суть. Скоры²⁵⁹² ноги их пролияти кровь, (л. 545)²⁵⁹³ сокрушение и озлобление на путех их и пути мирна не познаша. Несть страха Божия пред очима их, несть разньствия, вси бо согрешиша и лишени суть славы Божия.

Не²⁵⁹⁴ разумеюще бо Божию правду и свою правду ищуще поставити, правде Божии не повинушася, якоже есть писано²⁵⁹⁵. Дасть им Бог дух умиления, очи не видети и уши не слышати, даже до днешняго дне. И Давид глаголет: Да помрачатся очи их, еже не видети. Всегда²⁵⁹⁶ учащеся и николи ж в разум истины приити могуще, якоже и Ананий и Амврий противистася Моисею, такожде и сии противляются истине. Человецы разтлени (л. 545 об.)²⁵⁹⁷ умом, безумие бо их явлено будет всем, якоже и онех бысть. На²⁵⁹⁸ таковых непокоривых и противящихся закону и заповедем Божиим сам Господь Бог грозится, глаголя: Аще не послушаете Мене и не сотворите повелений Моих и сопротивитеся Мне, и судом Моим не угодит душа ваша, якоже не сотворити вам всех заповедей Моих, яко разсыпати завет Мой, елико Аз заповедах. Приидут на тя вся клятвы сия и постигнут тя, и проклят ты будеши во граде и проклят ты на селе, и прокляты гумна твоя и прочая твоя, прокляты племена утробы твоея и жита земли твоея (л. 546)²⁵⁹⁹ и стада волов твоих и паствы овех твоих, и проклят ты, егда входиши, и проклят ты, внегда исходиши.

Тако и святый Исаия Божиим словом глаголет: Се²⁶⁰⁰ Господь разсыплет вселенную и опустошит ю и открыет лице ея и расточит живущия на ней, понеже преступиша закон и измениша заповеди и разрушита завет вечный. Сего ради проклятие пояст всю землю, яко согрешиша живущии на ней. И ин пророк рече: Проклят²⁶⁰¹ человек, творяй дело Господне с небрежением. И паки Малахия пророк глаголет²⁶⁰²: Аще не услышите и аще не положите на сердцых ваших дати славу имени Моему, глаголет (л. 546 об.)²⁶⁰³ Господь Вседержитель, послю на вы клятву и проклену благословение ваше. И разумеете, зане Аз, Господь Бог, послах к вам заповедь сию, быти завету Моему. И божественный Давид глаголет: Прокляти²⁶⁰⁴ уклоняющиися от заповедей Твоих. И²⁶⁰⁵ возлюби клятву, и приидет ему, не восхоте благоговения, и удалится от него, и облечеся в клятву, яко в ризу. Не²⁶⁰⁶ любяй Мене и словес Моих не соблюдает. Иже²⁶⁰⁷ не любит Господа Иисуса, да будет проклят. Всяк²⁶⁰⁸ преступаяй и не пребываяй во учении Христове, Бога не имать. И Господь наш Иисус глаголет: Отъидите²⁶⁰⁹ от Мене, проклятии во огнь вечный, уготованный (л. 547)²⁶¹⁰ диаволу и аггелом его.

Тако и апостол глаголет: Но²⁶¹¹ аще мы или ангел с небесе благовестит вам, паче еже благовестихом вам, проклят да будет, якоже предрекохом и ныне паки глаголю: Аще кто вам благовестит, паче еже приясте, проклят да есть. Земля²⁶¹² бо пившая сходящаго на ню множицею дождя и раждающи былия добра о Нем, их же ради и делаема есть, приемлет благословение от Бога. А износящая тернии и волчец непотребна есть и клятвы близ, ей же кончина пожжение. И Петр верховный глаголет: Клятвы чада, оставльше правый путь, заблудиша.

Койждо²⁶¹⁴ в даном ему чину да пребывает и не преступайте заповедей, не суть бо наша, но Божия. Якоже рече Господь: Слушаяй²⁶¹⁵ вас, Мене слушает, и слушаяй Мене, слушает пославшаго Мя, и вас отметаяйся, Мене отметается, и Мене отметаяйся, отмещет пославшаго Мя.

Еже²⁶¹⁶ в Никеи святых отец твердо да держится и пребывает, реченая же и писаная на ню от еретик, и еретики да будут прокляти.

(л. 548)²⁶¹⁷ Мирский²⁶¹⁸ человек не причастен, иже противится собору, аще ж причетник, да извержется.

Иже святии отцы на Ефесском соборе заповедаша и повелеша, аще сия покусится кто превратити или весма преложити, аще есть епископ или причетник, своего степене отнюдь да отпадет. Аще ли есть мирский человек, да будет отлучен.

В²⁶¹⁹ коейждо области сущу епископу, иже суть под нею, правды да соблюдаются чисто и неподвижно. Аще же уставу сему противно вводит кто, всуе тружается.

(л. 548 об.)²⁶²⁰ Елико же епископ от иныя области отъяша что и под свои руце взяша, еже не бе исперва под ними, или село, или виноград, или землю, или ино что, еже от иныя епископии восхитиши, ничто же от того своего да сотворят, ни да удержат, но да возвратят вскоре во епископию, под ним же беша и прежде была, яко чисто и неподвижно блюсти подобает, коеяждо области сущая под нею стяжания, да не бы есть мирския власти изветом святитетльства влезет в ня. Аще ли устав ин введет кто, повеленым на сем соборе противу глаголя и боряся, ничто же успеет, но всуе тружается.

Святых²⁶²² отец правила на коемждо соборе изложеная, даже и доныне да держатся твердо.

Аще²⁶²³ кто и сану преобидев начнет или суды восхощет церковныя и оправдания или привлачаща насилием епископа или попа или диакона или просто рещи всякаго священническаго и монастырем даное, граблением и насилием дея и отъимая от них все даемое Христови, да будет проклят.

Иже²⁶²⁴ проповедает яко кроме благодати Божии может творити (л. 549 об.)²⁶²⁵ заповеди Его, но с трудом, да будет проклят. Без²⁶²⁶ Мене бо, рече Господь, не можете творити ничто же.

Богословцу²⁶²⁷ глаголющу: Аще речем, яко греха в нас несть, себе прелщаем²⁶²⁸ и истины в нас несть. Развращая убо яко не по истине, но смиреномудрием речено есть се, да будет проклят.

Понеже вси во гресех есмы и никто же чист от скверны, аще и един день живота его есть, проклятию есть повинен глаголяй смиреномудрием, а не по истине. Апостол Иоанн рече се: Аще речем, яко греха в нас несть, себе соблажняем, аще бо смиреномудрием (л. 550)²⁶²⁹ се рекл быв, не бы рекл себе соблажняем, но рекл бы, яко себе возносим. Он бо себе соблажняет иже прелщается и лжет. Глаголяй же истину не соблажняется.

Апостолская²⁶³⁰ вера непреложна и яже в Никеи святых отец цела да пребывает, иже Ариево веление низвергоша, степени вводящее Божеству, единосущия ради.

Собор при Иустиниане Корконосом собравыйся и апостолских и прежде его бывших шести соборов и поместных девяти сих всех правилом твердо пребывати повелев и непреложно и непревратно хранимы (л. 550 об.)²⁶³¹ быти, изложи же и учиненая зде правила на исцеление душам и на врачевание страстем. И первое зде апостолских правил предание утвержает, потом же и Вселенских и поместных соборов священная правила запечатлевает.

Святая²⁶³² правила целующе²⁶³³ приемлем и держим святых апостол и шести Вселенских соборов, к сим же и поместных, и еще же и святых отец наших, яко единаго Святаго Духа вдухновенна, их же прокляши, проклинаем, их же извергоша, изметаем, и их же отлучиша, отлучаем, и им же запретиша, запрещаем.

(л. 551)²⁶³⁴ Иже священнический²⁶³⁵ получивше сан, ведения же и правления канонных повелений, си²⁶³⁶ есть воображения, яже приемлюще радостно, с богоявленным Давидом поем Владыце и Богу, глаголюще: На пути свидений Твоих насладихся, яко в богатстве мнозе. Заповедал еси правду свидения Твоя, Владыко, вразуми мя, и жив буду. И вовеки пророческий глас заповедает хранити заповеди Божия и жити в них. Яве непоколеблемы и недвижимы пребывают, якоже Боговидец Моисей рече: В них же несть приложити и от них несть отъяти. И божественный Петр²⁶³⁷, в них хваляся, вопиет: В ня же желают ангели (л. 551 об.)²⁶³⁸ приникнути. И Павел: Аще²⁶³⁹ и ангел благовестит вам паче преданаго, проклят да будет. Сим сице сущим и свидетельствующим нам радующимся о них, якоже кто обрящет корысть многу, сладкобожественныя каноны утвержаем и цело пребывание их неподвижимо утвержаем, заповеданых от святых духовных труб прехвалных апостол и шести святых всея Вселенныя собор и поместных собравшихся поданием, тако в них повелений святых отец наших. От единаго бо вси Святаго Духа озарени бывше, повелеша яже на ползу, и их же проклятию предаша, и мы проклинаем, (л. 552)²⁶⁴⁰ и их же извержению и мы извергаем, и их же запрещению и мы запрещаем, и их же отлучению и мы отлучаем. Не²⁶⁴¹ сребролюбен имуще нрав, но доволни сущими, иже возшедый на третие небо и слышав неизглаголанныя глаголы, Павел божественный апостол яве вопиет.

Аще²⁶⁴² кто от исправления и утверженых богоносныма отцы подвигнет что, к тому таковаго несть, како нарещи строением, но преступление и попрание повелений и к Богу нечестие.

Аще²⁶⁴³ ли ж кто силою или неверием преобидник будет о сих, вечными да объят (л. 552 об.)²⁶⁴⁴ будет осуждении, и онех да подпадет томлением и обрящет тогда сопротивных святых Божиих и началных апостолов Петра и Павла и в настоящем убо житии и в будущем, и да в преисподнем аде мучен будет, да исчезнет со диаволом и со всеми нечестивыми.

Аще кто уставление мое порушит, или сынове мои, или внуцы мои, или от рода моего кто, или от бояр кто, а порушит мой ряд и вступятся в суды митрополичьи, что есмь дал митрополиту и церкви, и епископиям по всем градом, по правилом святых отец судивше, (л. 553)²⁶⁴⁵ казнити. А кто имется в тыя суды церковныя вступатися, христианское имя не наречется на том, а от святых отец 318 да будет проклят. Аще ли по сих кто не устрашится и не убоится и суд Божий преобидит, на таковых тако глаголет Господь Бог: Аще²⁶⁴⁶ не послушасте Мене и не сотвористе повелений Моих сих и сопротивистеся Мне, и судом Моим не угодит душа ваша, якоже не сотворити вам всех заповедей Моих, и яко разсыпати завет Мой, и Аз сотворю сице вам и приставлю на вы неимение и раны и красты, вреждающи очи ваши и душу вашу сушащу, и всеете вотще семена ваша, (л. 553 об.)²⁶⁴⁷ изъядят бо его сопостати ваши, и отпру лице Мое на вас, и падете пред враги вашими, и поженут вы ненавидящии вас, и пробегнете никим же гоними. И аще до сего не послушаете Мене, и приложу наказати вы вред за грехи ваша, и сокрушу укоризну презора вашего, и положу небо вам аки железно и землю вашю аки медыну. И не даст земля ваша семяни своего и будет вотще крепость ваша. И аще сим не накажитеся и поидете ко Мне в неправде, и поиду и Аз противу вам в ярости Моей со рвением, и погублю вы Аз седмижды грех ради ваших, и наведу на вы меч, мстяй суда заветнаго, и вбегнете во грады ваша, пущу на вы (л. 554)²⁶⁴⁸ смерть и впадете в руце враг ваших, и разсыплю вы во вся языки, и потребит вы приходяй меч, и будет земля ваша пуста, и гради ваши будут пусты, и вы будесте в земли враг ваших и оставлшим от вас вложу страх в сердца их, в земли враг их и поженет их глас листа летяща, и пробегнут яко бежащии от рати, и падут никим же гоними, и презрит брат брата, аки на рати никим же гоними, и не возможете сопротивитися врагом вашим, и погибнете во странах, и потребит вы земля враг ваших, и оставлшии от вас истлеют за грехи их. Сего ради яко презреша суды Моя и по(л. 554 об.)веления²⁶⁴⁹ Моих вознегодоваша душа их, и послет тебе Господь недостаток и алкание, и потребление на все, на нем же возложиши руку свою, и елико аще сотвориши дондеже потребит тя и дондеже погубит тя вскоре злых ради дел твоих, понеже оставит Его. Прилепит Господь к тебе смерть, дондеже потребится от земли, побиет тя Господь неимением и молниею и зимою и варом и убоем и ветры тленными и бледостию и поженется, дондеже погубится. И²⁶⁵⁰ будет небо над главою твоею медяно и земля под тобою железна, даст Господь дождь земли твоей прах, и перст с небеси снидет (л. 555)²⁶⁵¹ на тя, дондеже сокрушит тя, дондеже погубит тя. Даст тя Господь на изсечение пред враги твоими, путем единем изыдеши к ним, а седмию пробегнеши от лица их, и будеши в разсыпание во всех царьствех земных, и будут мертвецы ваши пища птицам небесным и зверем земным и не будет отгонящаго. Побиет тя вредом египецким в седалех и крастами дивиими и гноем, яко не мощи тебе исцелитися. Побиет тя Господь неистовством, смятением сердца и неведением и ужаснением разума, и будеши осязая в полудни, якоже осязает слепый во тме и не улучити путий своих, и будеши (л. 555 об.)²⁶⁵² тогда обидим и разхитаем во вся дни, и не будет помогая тебе. Жену обручиши и ин муж поимет ю, дом соградиши и не поживеши в нем, виноград насадиши и не объемлеши его, вол твой заклан пред тобою, и не яси от него, и осля твое отъято от тебе и не возвратится к тебе, овцы твоя отданы будут врагом твоим, и не будет тебе помогающаго. Сынове твои и дщери твои отданы будут языку иному, и очи твои, зряще, изыдут в ня, и не возможет рука твоя, возраст земли твоея и всяк труд изъяст страна, ея же не веси, и будеши обидим и сокрушен по вся дни, и будеши (л. 556)²⁶⁵³ исполнен печали, видения ради очию твоею, яже узриши.

Побиет тя Господь вредом злым на коленох и на голенех, яко не мощно исцелитися тебе, от стопы ногу твоею даже до верху главы твоея. И отведет тя Господь и князи твоя, яже поставиши себе, во страну, юже не ведяше ты, ни отцы твои, и послужиши тамо Богом инем, древу и камению, и будеши тамо в позор и на притчю и повесть всем странам. Семя²⁶⁵⁴ много изнесеши на поля, а мало взнесеши, яко поядят я прузи, вся древеная твоя и вся жита земли твоея потребит ржа. И приидут на тя вся клятвы сия и поженутся (л. 556 об.)²⁶⁵⁵ постигнут тя, дондеже потребят тя, дондеже погубят тя, яко не послуша гласа Господа Бога своего, снабдети заповеди Его и оправдания Его, елико же есть заповеда тебе. И послет Господь Бог твой на тя со гладом и жаждею и наготою и со оскудением всем, и возложит ярем железен на выю твою, дондеже сокрушит тя, и не будет уставления плеснома твоима, и даст тебе Господь сердце горюще и очи скудни и изхнущую душю. И будет житие твое яко вися пред очима твоима, и убоишася во дни и в нощи, и не будет ти известно житие твое. Заутра речеши, како быти вечеру, (л. 557)²⁶⁵⁶ и вечер речеши, како быти заутра от боязни сердца твоего. Бояшеся, убоишися от видения очию твоею, их же узриши.

1 2 3 4 5 ... 7 8 9 10 11 12 13 14 15 16 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

²⁵²¹ На левом поле листа помета: Исаия 1.

²⁵²² На верхнем поле листа киноварная помета: на 26-й вопрос и ответ.

²⁵²³ Слова «Того ради сице глаголет Господь Израилев» написаны тем же почерком на правом поле листа.

²⁵²⁴ На верхнем поле листа киноварная помета: 26-е возражение.

²⁵²⁵ На левом поле листа помета: Иерем.

²⁵²⁶ На левом поле листа помета: Езек. 13.

²⁵²⁷ На левом поле листа помета: 22.

²⁵²⁸ На верхнем поле листа киноварная помета: на 26-й вопрос и ответ.

²⁵²⁹ На правом поле листа помета: Сирах 15.

²⁵³⁰ На правом поле листа помета: Апокалип. 2.

²⁵³¹ На правом поле листа помета: Исаия 10, 29.

²⁵³² На верхнем поле листа киноварная помета: 26-е возражение.

²⁵³³ На левом поле листа помета: Сирах 2.

²⁵³⁴ На верхнем поле листа киноварная помета: на 26-й вопрос и ответ.

²⁵³⁵ На правом поле листа помета: Лука 12; Матф. 23; Марк 12.

²⁵³⁶ На правом поле листа помета: Июда 78; 1 Моис. 4; 4 Моис. 22; 4 Моис. 16; 2 Петр 2.

²⁵³⁷ На верхнем поле листа киноварная помета: 26-е возражение.

²⁵³⁸ На левом поле листа помета: Апокал. 1.

²⁵³⁹ На верхнем поле листа киноварная помета: на 26-й вопрос и ответ.

²⁵⁴⁰ На правом поле листа помета: Матф. 98; Ефес. 5; Марк 13; 2 к Солун. 2; Лука 21.

²⁵⁴¹ На правом поле листа помета: Матф. 21.

²⁵⁴² На верхнем поле листа киноварная помета: 26-е возражение.

²⁵⁴³ Исправлено из: е.

²⁵⁴⁴ На левом поле листа помета: Матф. 13.

²⁵⁴⁵ На верхнем поле листа киноварная помета: на 26-й вопрос и ответ.

²⁵⁴⁶ На верхнем поле листа киноварная помета: 26-е возражение.

²⁵⁴⁷ Слова «кто новыя законы пишет» написаны со знаком вставки тем же почерком на левом поле листа.

²⁵⁴⁸ На верхнем поле листа киноварная помета: на 26-й вопрос и ответ.

²⁵⁴⁹ На правом поле листа помета: Марк 7; Матф. 15.

²⁵⁵⁰ На правом поле листа помета: Исаия 29.

²⁵⁵¹ На верхнем поле листа киноварная помета: 26-е возражение.

²⁵⁵² На левом поле листа помета: Матф. 15.

²⁵⁵³ На верхнем поле листа киноварная помета: на 26-й вопрос и ответ.

²⁵⁵⁴ На правом поле листа помета: 1 Моис. 6 и 8.

²⁵⁵⁵ На верхнем поле листа киноварная помета: 26-е возражение.

²⁵⁵⁶ На левом поле листа помета: Исаия 14.

²⁵⁵⁷ На верхнем поле листа киноварная помета: на 26-й вопрос и ответ.

²⁵⁵⁸ На правом поле листа помета: Лука 6.

²⁵⁵⁹ На верхнем поле листа киноварная помета: 26-е возражение.

²⁵⁶⁰ На левом поле листа помета: Иоан. 35.

²⁵⁶¹ На верхнем поле листа киноварная помета: на 26-й вопрос и ответ.

²⁵⁶² На правом поле листа помета: 1 Иоан. 4.

²⁵⁶³ На верхнем поле листа киноварная помета: 26-е возражение.

²⁵⁶⁴ На левом поле листа помета: 2 Иоан. 1.

²⁵⁶⁵ На левом поле листа помета: Июд. 1 зач. 77.

²⁵⁶⁶ На верхнем поле листа киноварная помета: на 26-й вопрос и ответ.

²⁵⁶⁷ На правом поле листа помета: зач. 78; 2 Петр 3.

²⁵⁶⁸ На правом поле листа помета: 1 Тим. 4; 2 Тим. 1; 1 Петр 3.

²⁵⁶⁹ На правом поле листа помета: 1 Тим. 4.

²⁵⁷⁰ На правом поле листа помета: Кол. 2, зач. 253.

²⁵⁷¹ На верхнем поле листа киноварная помета: 26-е возражение.

²⁵⁷² На левом поле листа помета: Ефес. 229.

²⁵⁷³ На левом поле листа помета: 2 Тим. 295.

²⁵⁷⁴ На левом поле листа помета: Тим. 298.

²⁵⁷⁵ На левом поле листа помета: Тим. 298.

²⁵⁷⁶ На верхнем поле листа киноварная помета: на 26-й вопрос и ответ.

²⁵⁷⁷ На правом поле листа помета: 2 Тим. 6.

²⁵⁷⁸ На правом поле листа помета: к Солун. 276.

²⁵⁷⁹ На верхнем поле листа киноварная помета: 26-е возражение.

²⁵⁸⁰ На левом поле листа помета: 1 Тим. 1.

²⁵⁸¹ На верхнем поле листа киноварная помета: на 26-й вопрос и ответ.

²⁵⁸² На правом поле листа помета: Тит 1.

²⁵⁸³ На правом поле листа помета: Тит 3.

²⁵⁸⁴ На правом поле листа помета: Рим. 81.

²⁵⁸⁵ На верхнем поле листа киноварная помета: 26-е возражение.

²⁵⁸⁶ На левом поле листа помета: Солун. 275.

²⁵⁸⁷ На левом поле листа помета: Солун. 266.

²⁵⁸⁸ На левом поле листа помета: Рим. 3.

²⁵⁸⁹ На левом поле листа помета: Псалом 23.

²⁵⁹⁰ На левом поле листа помета: Псалом 139.

²⁵⁹¹ На левом поле листа помета: Псалом 9.

²⁵⁹² На левом поле листа помета: Исаия 59.

²⁵⁹³ На верхнем поле листа киноварная помета: на 26-й вопрос и ответ.

²⁵⁹⁴ На правом поле листа помета: Рим. 10.

²⁵⁹⁵ На правом поле листа помета: Рим. 11; Исаия 6.

²⁵⁹⁶ На правом поле листа помета: Тим. 295.

²⁵⁹⁷ На верхнем поле листа киноварная помета: 26-е возражение.

²⁵⁹⁸ На левом поле листа помета: 3 Моис. 16; 5 Моис. 25; плач Иерем. 2; Варух 1.

²⁵⁹⁹ На верхнем поле листа киноварная помета: на 26-й вопрос и ответ.

²⁶⁰⁰ На правом поле листа помета: Исаия 24.

²⁶⁰¹ На правом поле листа помета: Иерем. 48.

²⁶⁰² Исправлено из: глаголет.

²⁶⁰³ На верхнем поле листа киноварная помета: 26-е возражение.

²⁶⁰⁴ На левом поле листа помета: Псалом 118.

²⁶⁰⁵ На левом поле листа помета: Псалом 108.

²⁶⁰⁶ На левом поле листа помета: Иоанн 36.

²⁶⁰⁷ На левом поле листа помета: 1 Корин. 16.

²⁶⁰⁸ На левом поле листа помета: Иоанн 27.

²⁶⁰⁹ На левом поле листа помета: Матф. 25.

²⁶¹⁰ На верхнем поле листа киноварная помета: на 26-й вопрос и ответ.

²⁶¹¹ На правом поле листа помета: Лук. 13.

²⁶¹² На правом поле листа помета: Евреом 6.

²⁶¹³ На верхнем поле листа киноварная помета: 26-е возражение.

²⁶¹⁴ На левом поле листа помета: лист 30.

²⁶¹⁵ На левом поле листа помета: лист 51.

²⁶¹⁶ На левом поле листа помета: лист 86.

²⁶¹⁷ На верхнем поле листа киноварная помета: на 26-й вопрос и ответ.

²⁶¹⁸ На правом поле листа помета: лист 90.

²⁶¹⁹ На правом поле листа помета: лист 91.

²⁶²⁰ На верхнем поле листа киноварная помета: 26-е возражение.

²⁶²¹ На верхнем поле листа киноварная помета: на 26-й вопрос и ответ.

²⁶²² На правом поле листа помета: лист 93.

²⁶²³ На правом поле листа помета: Стоглав царя Иоанна о суде, глава 56.

²⁶²⁴ На правом поле листа помета: лист 162.

²⁶²⁵ На верхнем поле листа киноварная помета: 26-е возражение.

²⁶²⁶ На левом поле листа помета: Иоан. 50.

²⁶²⁷ На левом поле листа помета: Иоан. 69.

²⁶²⁸ Исправлено из: соблажняем.

²⁶²⁹ На верхнем поле листа киноварная помета: на 26-й вопрос и ответ.

²⁶³⁰ На правом поле листа помета: лист 177.

²⁶³¹ На верхнем поле листа киноварная помета: 26-е возражение.

²⁶³² На левом поле листа помета: лист 250.

²⁶³³ Исправлено из: целуюше.

²⁶³⁴ На верхнем поле листа киноварная помета: на 26-й вопрос и ответ.

²⁶³⁵ Исправлено из: чистителский.

²⁶³⁶ На правом поле листа помета: Никон 1, слово 63.

²⁶³⁷ На правом поле листа помета: 1 Петр 58.

²⁶³⁸ На верхнем поле листа киноварная помета: 26-е возражение.

²⁶³⁹ На левом поле листа помета: Гал. 199.

²⁶⁴⁰ На верхнем поле листа киноварная помета: на 26-й вопрос и ответ.

²⁶⁴¹ На правом поле листа помета: 1 Тим. 287.

²⁶⁴² На правом поле листа помета: Кормчая, лист 274.

²⁶⁴³ На правом поле листа помета: Кормчая, лист 10.

²⁶⁴⁴ На верхнем поле листа киноварная помета: 26-е возражение.

²⁶⁴⁵ На верхнем поле листа киноварная помета: на 26-й вопрос и ответ.

²⁶⁴⁶ На правом поле листа помета: 3 Левит 26; 5 Моис. 28; плач Иерем. 2; Малах. 2; Варух 2.

²⁶⁴⁷ На верхнем поле листа киноварная помета: 26-е возражение.

²⁶⁴⁸ На верхнем поле листа киноварная помета: на 26-й вопрос и ответ.

²⁶⁴⁹ На верхнем поле листа киноварная помета: 26-е возражение.

²⁶⁵⁰ На левом поле листа помета: 3 Моис. 26.

²⁶⁵¹ На верхнем поле листа киноварная помета: на 26-й вопрос и ответ.

²⁶⁵² На верхнем поле листа киноварная помета: 26-е возражение.

²⁶⁵³ На верхнем поле листа киноварная помета: на 26-й вопрос и ответ.

²⁶⁵⁴ На правом поле листа помета: Мих. 6; Ангел. 1.

²⁶⁵⁵ На верхнем поле листа киноварная помета: 26-е возражение.

²⁶⁵⁶ На верхнем поле листа киноварная помета: на 26-й вопрос и ответ.

Домашняя страница
священника Владимира Кобец