ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-10)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

лаголаше³⁰⁵⁰ же Иисус к веровавшим к Нему июдеом: Аще вы пребудесте в словеси Моем, воистину ученицы Мои будесте и разуместе истину, и истина свободит вы. Кто³⁰⁵¹ от вас обличает Мя о гресе? Аще ли истину глаголю, почто вы не веруете Мне? Иже есть от Бога, глаголы Божия послушает, сего ради вы не послушасте, яко от Бога несте. Аминь, аминь, глаголю вам, аще кто слово Мое соблюдет, смерти не имать видети вовеки. Реша же Ему жидове: Ныне разумехом, яко бес имаши. Авраам умрет и пророцы и Ты глаголеши: Аще кто слово (л. 628 об.)³⁰⁵² Мое соблюдет, смерти не имать вкусити вовеки. Егда Ты болий еси отца нашего Авраама, иже умре, и пророцы умроша? Кого ся сам Ты твориши? Отвеща Иисус: Аще Аз славлюся сам, слава Моя ничесо же есть, есть славляй Мя, Его же вы глаголете, яко Бог наш есть, и не познасте Его. Аз же вем Его и аще реку, не вем Его, буду подобен вам ложь, но и вем Его и слово Его соблюдаю.

Отче³⁰⁵³, прослави имя Твое. Прииде же глас с небесе и прославих, и паки прославлю. Народ же, стоя, слышав глаголаху, гром бысть. Инии глаголаху, ангел глагола Ему. Отвеща Иисус и рече: Не Мене ради глас сей бысть, но на(л. 629)рода³⁰⁵⁴ ради. Ныне суд есть миру сему, ныне князь мира сего изгнан будет вон. И аще Аз вознесен буду от земли, вся привлеку к Себе. Се же глаголаше: Назнаменуя, коею смертию хотяше умрети. Отвеща Ему народ: Мы³⁰⁵⁵ слышахом от закона, яко Христос пребывает вовеки.

Толика знамения сотворшу Ему пред ними и не веровах в Него, да збудется слово Исаия пророка: Еже³⁰⁵⁶ рече Господи, кто верова слуху нашему и мышца Господня кому открыся? Сего ради не можаху веровати, яко паки рече Исаия: Ослепи³⁰⁵⁷ очи их и окаменил есть сердца их, да не видят очима, ни разумеют сердцем, и обратятся и исцелю их. (л. 629 об.)³⁰⁵⁸ Сия рече Исаия, егда виде славу Его и глагола о Нем.

Архиереи же вопроси Иисуса о ученицех Его и о учении Его. Отвеща ему Иисус: Аз, не обинуяся, глаголах миру. Аз всегда учих на сонмищих и в церкви, идеже вси людие снемлются, и тай не глаголах ничесо же. Что Мя вопрошаеши? Вопроси слышавших, что глаголах им. Се сии ведят, яже Аз рех. Сия рекшу Ему, един от предстоящих слуг удари в ланиту Иисуса, рек: Тако ли отвещаваеши архиереови? Отвеща ему Иисус: Аще зле глаголах, свидетельствуй о зле, аще ли добре, что Мя биеши?

Глагола³⁰⁵⁹ же Ему Пилат: Мне ли не глаголеши? Не веси ли, яко власть имам (л. 630)³⁰⁶⁰ распяти Тя и власть имам пустити Тя? Отвеща Иисус: Не имаши ни единыя на Мне власти, аще не быти дано свыше.

Воини³⁰⁶¹ же, егда пропяша Иисуса, прияша ризы Его и сотвориша четыре части, коемуждо воину часть и хитон. Бе же хитон не швен, свыше исписан весть. Реша же к себе, не предерем его, но метнем жребия о нем, кому будет. Да збудется Писание, глаголющее: Разделиша ризы Моя себе и о матисме Моей меташа жребия.

По³⁰⁶² сем ведый Иисус, яко вся уже совершишася, да збудется, глагола, жажду. Сосуд же стояше полн оцта и на трость вонзи же, придеша (л. 630 об.)³⁰⁶³ ко устом Его. Егда прият оцет Иисус, рече, совершишася.

Быша³⁰⁶⁴ бо сия, да збудется Писание, кость не сокрушится от Него. И паки другое Писание глаголет: Возрят нань, Его же прободоша.

Тогда³⁰⁶⁵ убо вниде и другий ученик, пришедый прежде ко гробу, и виде и верова, не убо ведях Писания, яко подобает Ему из мертвых воскреснути. Глагола ей Иисус: Марие. Она же обращшися, глагола Ему: Раввуни, еже глаголется Учителю. Глагола ей Иисус: Не прикасайся Мене, не убо взыдох ко Отцу Моему. Иди же к братии Моей и рцы им: Восхожду ко Отцу Моему и Отцу вашему и Богу Моему и Богу вашему.

(л. 631)³⁰⁶⁶ И³⁰⁶⁷ идоша нецый от нас ко гробу и обретоша тако, якоже и жены реша, Самаго же не видеша. И Той рече к ним: О несмысленая и косная сердцем, еже веровати о всех, яже глаголаша пророцы. Не сия ли подобаше пострадати Христу и внити в славу Свою? И начен от Моисея и от всех пророк сказоваше има, от всех Писаний, яже о Нем.

Рече же им: Сии суть словеса, яже глаголах вам еще сый с вами, яко подобает скончатися всем написаным в законе Моисеове и в псалмех о Мне. Тогда отверзе им ум разумети Писания и рече им, яко тако писано есть и тако подобаше пострадати Христу (л. 631 об.)³⁰⁶⁸ и воскреснути от смертных в третий день, и проповедатися во имя Его покаянию и отпущению грехом во всех языцех, наченше от Иерусалима. Вы же есте свидетелие сим, и се Аз послю обетование Отца Моего на вы. Вы же сядете во граде Иерусалимсте, дондеже облечетеся силою свыше.

И³⁰⁶⁹ во дни сия востав Петр посреде ученик, рече, бе же народ имей вкупе яко сто и двадесяте: Мужие, братие, подобаше скончатися писанию сему, еже прежде рече Дух Святый усты Давидовы³⁰⁷⁰ о Июде бывшем вожди, емшем Иисуса, яко причтен бе с нами и прият жребий службы сея. Сей же убо стяжа село от (л. 632)³⁰⁷¹ неправедныя и ниц быв проседеся посреде. И излия вся утроба его и разумно бысть всем живущим во Иерусалиме, яко нарещися селу тому своим их языком Акелдама, еже есть село крове.

Пишешь бо в книзе псаломстей³⁰⁷², и да будет двор его пуст и не будет живяй в нем, и епископство³⁰⁷³ его приимет ин. Став³⁰⁷⁴ же Петр со единемнадесяте, воздвиже глас свой и рече им: Мужие иудейстии, живущии во Иерусалиме вси. Се вам разумно да будет и внушите глаголы моя, не бо якоже вы мните сии пияни суть, есть бо час третий дне, но се есть реченое пророком Иоилем³⁰⁷⁵: И будет в последняя дни, глаголет Господь, (л. 632 об.)³⁰⁷⁶ излию от Духа Моего на всяку плоть и прорекут сынове ваши и дщеря ваша и юноша ваша видения узрят, и старцы ваша сония видят, ибо на рабы Моя и на рабыня Моя во дни оны излию от Духа Моего и прорекут, и дам чюдеса на небеси горе, и знамения на земли низу кровь и огнь и курение дыма, солнце преложится во тму и луна в кровь. Прежде даже не приити дню Господню великому и просвещеному и будет всяк³⁰⁷⁷, иже призовет имя Господне, спасется. Мужие израильтестии, слышите словеса сия Иисуса Назореа, мужа от Бога извествована в вас силами и чюдесы и знамении, иже сотвори тем Бог посреде вас, (л. 633)³⁰⁷⁸ якоже и сами весте. Сего пронарекованым советом и проразумением Божиим продана приемше, рукама беззаконных пригвождше, убисте. Его³⁰⁷⁹ же Бог воскреси, разреши болезни смертныя, якоже не бяше мощно держану быти Ему от нея. Давид³⁰⁸⁰ бо глаголет о Нем: Предзрех Господа предо мною выну, яко одесную мене есть да ся не подвижу. Сего ради возвеселися сердце мое и возрадовася язык мой, еще же и плоть моя вселится на упование, яко не оставиши душу мою во аде, ни даси же преподобному Своему видети истления. Сказал ми еси пути живота, исполниши мя веселия с лицем Твоим. Мужие братие, (л. 633 об.)³⁰⁸¹ достоит рещи со дерзновением к вам о патриарсе Давиде³⁰⁸², яко умре и погребен бысть. И гроб Его есть в нас даже до дне сего. Пророк убо сый и ведый³⁰⁸³, яко клятвою клятся ему Бог, от плода чресл его по плоти воздвигнути Христа и посадити Его на престоле Его. Предвидев, глагола о воскресении³⁰⁸⁴ Христове, яко не оставися душа Его во аде, ни плоть Его виде истления. Сего Иисуса воскреси Бог, Ему же вси мы есмы свидетелие. Десницею убо Божиею вознесеся, обетование же Святаго Духа прием, от Отца излия. Се еже вы ныне видесте и слышасте, не бо Давид взыде на небеса, глаголет бо сам³⁰⁸⁵: Рече Господь Господеви моему, седи одесную Мене, дондеже положу (л. 634)³⁰⁸⁶ враги твоя подножие ногама Моима. Твердо убо да разумеет весь дом Израилев, яко и Господа и Христа Его Бог сотворил есть сего Иисуса, Его же вы распясте. Слышавше же, умилишася сердцем, реша ж к Петру и прочим апостолом: Что сотворим, мужие братие? Петр же рече³⁰⁸⁷ к ним: Покайтеся и да крестится койждо вам во имя Иисуса Христа во оставление грехов и приимете дар Святаго Духа. Вам бо есть обетование и чадом вашим и всем далним, елика аще призовет Господь Бог наш. Иными же словесы множайшими свидетельствоваше и моляше я, глаголя: Спаситеся от рода строптиваго сего. Отпущена ж бывша приидоста ко своим (л. 634 об.)³⁰⁸⁸ и возвестиста елика к ним, архиереи и старцы реша. Они же слышавше, единодушно воздвигоша глас к Богу и рекоша: Владыко, Ты Боже, сотворивый небо и землю и море и вся, яже в них, иже Духом Святым усты отца нашего Давида³⁰⁸⁹ отрока рекий. Вскую шаташася языцы и людие поучишася тщетным, предсташа царие земстии и князи, собрашася вкупе на Господа и на Христа Его.

Стефан же исполнь веры и силы, творяше знамения и чюдеса велия в людех. Восташа же нецый от сонма глаголемаго Ливертинска и Киринейска и Александрска и иже от Киликия и Асия, состязающеся (л. 635)³⁰⁹⁰ со Стефаном и не можаху стати противо премудрости и Духу, имже глаголаше. Тогда изведоша мужа, глаголюща, яко слышахом его глаголюща глаголы хулныя на Моисея и на Бога. Сподвигоша же люди и старцы и книжники, и воставше, восхитиша его, и приведоша на сонмище. Поставиша же свидетеля ложны, глаголюща, яко человек сей не престает глаголы хулныя глаголя на место святое сие и закон, слышахом бо его глаголюща, яко Иисус Назарей сей разорит место сие и изменит обычая, яже предаде нам Моисей. И возревше нань вси седящии в сонмищи, видеша лице его, яко лице ангелу. Рече же архиерей, аще убо сия тако суть. Он же рече: (л. 635 об.)³⁰⁹¹ Мужие, братие и отцы послушайте. Бог славы явися отцу нашему Аврааму, сущу в Междоречии прежде даже не вселитися ему в Харран. И рече к нему: Изыди³⁰⁹² от земля твоея и от рода твоего и от дому отца твоего и прииди в землю, ея же аще ти покажу. Тогда изыде от земля Халдейская, вселися в Харран, и оттуду по умертвии отца его, пресели его в землю сию, на ней же вы ныне живете. И не даст ему наследия в ней, ни стопы нозе. И обеща дати ему во одержание ея и семени его по нем, не сущу ему чаду. Глагола же ему Бог³⁰⁹³, яко будет семя его пришелцы в земли чюждей и поработят е и озлобят лет четыреста, и я(л. 636)зыку³⁰⁹⁴ ему же поработают. Сужду Аз, рече Бог, и по сих изыдут и послужат Ми на месте сем. И даст ему завет обрезания³⁰⁹⁵. И тако роди Исаака³⁰⁹⁶ и обреза его в день осьмый. И Исаак Иякова³⁰⁹⁷, и Ияков обанадесяте патриарха³⁰⁹⁸, и патриарси, позавидевше Иосифу, продаша его во Египет³⁰⁹⁹. И Бог бе с ним и изъят его от всех скорбей его и даст ему благодать и премудрость³¹⁰⁰ пред фараоном царем Египетским. И постави его вожда над Египтом и надо всем домом своим. Прииде же глад на всю землю Египетскую и Ханааню и скорбь велия, и не обретаху сытости отцы нашы³¹⁰¹. Слышав же Ияков сущую пшеницу во Египте, (л. 636 об.)³¹⁰² посла отца нашего первее³¹⁰³. И внегда второе приидоша, познан бысть Иосиф братии своей и яве бысть фараонови род Иосифов. Послав же Иосиф, призва отца своего Иякова и весь род душ седмьдесят и пять. Сниде³¹⁰⁴ же Ияков во Египет. И³¹⁰⁵ скончася сам и отцы нашы, и принесены³¹⁰⁶ быша в Сихем, и положени быша во гробе³¹⁰⁷, еже купи Авраам ценою сребра от сынов Емморов Сихема. И якоже приближашеся время обетования, иже клятся Бог Аврааму³¹⁰⁸, возрастоша людие и умножишася во Египте, дондеже наста царь ин, иже не знаяше Иосифа. Сей зле умыслив о роде нашем и озлоби отца наша уморити младенца (л. 637)³¹⁰⁹ их и не ожидати. В³¹¹⁰ некое же время родися Моисей и бе³¹¹¹ угоден Богови, иже воспитан бысть в дому отца своего месяца три. Отвержену же ему, взят³¹¹² же его дщи фараонова и воспита его себе в сына. И наказан бысть Моисей в сей премудрости египетстей, бе же силен в делех и словесех. И якоже наполняшеся ему четыредесят лет время, взыде на сердце ему посетити братию свою сыны Израилевы. И видев некоего обидима³¹¹³, пособствова, и сотвори отмщение обидимому, убив египтянина. Мняше же разумети братиям своим, яко Бог рукою его даст спасение им, они же не разумеша. Во³¹¹⁴ утрий же день явися им тяжущемся (л. 637 об.)³¹¹⁵ и привлачаше их в смирение, рек: Мужие, братия есте вы. Обидяй же ближняго отрину и рек: Кто тя постави князи и судию над нами, еда убити мя ты хощеши, им же образом убил вчера египтянина. Бежа же Моисей о словесе сем и бысть пришлец в земли Мадиамстей, идеже роди сына Давида. И исполнишемся³¹¹⁶ летом четыредесятем явися ему в пустыни горы Синайския ангел Господень в пламени огненне в купине. Моисей же видев, дивляшеся видению. Приступающему же ему разумети бысть глас Господень к нему: Аз Бог Отец твоих, Бог Авраамов, Бог Исааков, Бог Ияковль. Трепетен же (л. 638)³¹¹⁷ быв Моисей, не смеяше смотрети. Рече же ему Господь: Разреши сапог ногу твоею, место бо, на нем же стоиши, земля свята есть. Видя видех озлобление людей моих, иже во Египте, и стенание их услышах, и снидох изъяти их. И ныне гряди и послю тя во Египет. Сего Моисея, его же отринуша, рекше, кто тя постави князя и судию? Сего Бог князю избавителя посла рукою ангела явльшагося ему в купине. Сей³¹¹⁸ изведе их, сотворив чюдеса и знамения в земли Египетстей и в Чермнем мори и в пустыни, лет четыредесят. Сей есть Моисей, рекий сыном Израилевым пророка³¹¹⁹ вам воздвигнет Господь Бог ваш от братия вашея, яко мене того послу(л. 638 об.)шайте³¹²⁰. Сей есть бывый в церкви в пустыни со ангелом, глаголавшем ему в горе Синайстей, и отцем нашим, иже прият словеса жива дати нам. Его же восхотеша послушати отцы наши, но отринуша и и обратишася сердцем³¹²¹ своим во Египет, рекше Аарону: Сотвори нам Боги, иже предыдут пред нами. Моисей бо сей, иже изведе нас от земли Египетския, не вемы, что бысть ему. И телец сотвориша во дни оны и принесоша жертву идолу, и веселяхуся в делех руку своею. Отврати же ся Бог и предаде их служити воем небесным, якоже пишет в книзе пророк³¹²². Еда заколения и жертвы принесосте Ми лет четыредесяте в пустыни доме Израилеве и восприясте кровь (л. 639)³¹²³ молохов и звезду бога вашего Рефамна, образы, яже сотвористе, поклонятися им. И преселю вы далее Вавилона, сень свидения беяше отцем нашим в пустыни. Якоже³¹²⁴ повеле, глаголяй Моисеови, сотворити ю по образу, его же виде. Ея³¹²⁵ же и внесоша, приемше отцы наши со Иисусом во одержании языком. Ея же изрину Бог от лица отец наших даже до дний Давида, иже обрете благодать пред Богом и испроси обрести селение Богу Ияковлю. Соломон³¹²⁶ же созда Ему храм, но Вышний не в рукотвореных церквах живет, якоже пророк глаголет: Небо³¹²⁷ Мне престол есть, земля же подножие ногама Моима. Кий храм созиждете Ми, глаголет Господь, или кое место покоищу Моему? (л. 639 об.)³¹²⁸ Не рука³¹²⁹ ли Моя сотвори сия вся, жестоковыйни и необрезании сердцы и ушесы, вы присно Духу Святому противистеся, якоже отцы ваши, тако и вы. Кого от пророк не изгнаша отцы ваша и убиша провозвестившая о пришествии праведнаго. Ему ж вы ныне предателе³¹³⁰ и убийца бысте, иже приясте закон повелением ангел и не сохранисте. Слышаще же сия, распыхахуся сердцы своими и скрежетаху зубы нань. Стефан же сый, исполнь Духа Свята, возрев на небо, виде славу Божию, Иисуса стояща одесную Бога, и рече: Се вижу небесе отверста и Сына человеча одесную стояща Бога. Возопивше же глагом велиим, затыках уши свои и устремишася (л. 640)³¹³¹ нань. И изведше вне града, камением побиваху его, и свидетелие положиша ризы при ногу юноши, нарицаемаго Савла, и камением побиваху Стефана, молящеся и глаголюща: Господи Иисусе, приими дух мой. Преклонь же колени и возопи гласом велиим: Господи³¹³², не постави им греха сего. И сия рек, успе.

Умоли³¹³³ же каженик Филиппа возшедша сести с ним. Слово же Писания, еже чтяше, сие бе, яко овча на заколение ведеся и яко агнец прямо стригущему его безгласен, тако не отверзает уст своих. Во смирении же его суд его взятся, род же его кто исповесть, яко вземлется от земля живот его. Отвещав же (л. 640 об.)³¹³⁴ каженик, к Филиппу рече: Молю тя, о Ком пророк глаголет се, о себе ли или о инем некоем. Отверз же Филипп уста своя, начат от Писания сего благовестити ему Иисуса.

Ныне³¹³⁵ убо вси мы пред Богом приидохом слышати вся повеленая тебе от Бога. Отверз же Петр уста, рече: Поистине разумеваю, яко не на лица зрит Бог³¹³⁶, но во всяком языце бойся Бога и делаяй правду приятен Ему есть. Слово, еже посла сыном Израилевом, благовествуя мир Иисус Христом. Сей есть всем Господь, вы весте глагол, бывший по всей Июдеи, начен от Галилея, по крещении, еже проповеда Иоанн Иисуса, иже от Назарета, яко помаза Бог Духом Святым (л. 641)³¹³⁷ и силою, иже прииде, благовествуя и исцеляя вся насилованая от диавола, яко Бог бяше с Ним. И мы есмы свидетелие всем, их же сотвори во стране Июдейстей и во Иерусалиме. Его же и убиша, повешше на древе. Сего Бог воздвиже в третий день и даде Ему яве быти не всем людем, но свидетелем прежнареченым от Бога нам, иже ядохом с Ним и пихом. По воскресении Его от³¹³⁸ мертвых и повеле нам проповедати людем и засвидетельствовати, яко Той есть нареченый от Бога Судия живым и мертвым. И о Сем вси пророцы свидетельствуют, оставление грехов прияти именем Его всякому верующему в Него. По чтении³¹³⁹ же закона (л. 641 об.)³¹⁴⁰ и пророк послаша началницы сонмища к ним, глаголюще: Мужие, братия, аще есть слово в вас утешения, к людем глаголита. Востав же Павел и помаав рукою, рече: Мужие израильтяне, и боящиися Бога, услышите. Бог людий сих избра отца наша и люди вознесе в пришествии в земли Египетстей³¹⁴¹ и с мышцею высокою изведе их из нея и до четырехдесят лет препита их в пустыни, и низложив язык седмь в земли Ханаанстей, даде им в наследие землю их. И по сих, яко лет четыреста и пятдесят, даде им судиа до Самуила пророка. И оттуду просиша царя³¹⁴². И даде им Бог Саула, сына Киссова, мужа от колена (л. 642)³¹⁴³ Вениаминова лет четыредесят. И преставль его, воздвиже им Давыда в царя. Ему же рече, свидетельствовав: Обретох³¹⁴⁴ Давида Иессеова, мужа по сердцу Моему, иже сотворит вся хотения Моя. От сего семени Бог по обетованию воздвиже Израилю спасение Иисуса. Проповедавшу Иоанну пред лицем снития Его, крещение покаяния всем людем Израилевым.

Якоже скончавше Иоанн течение, глаголавше: Кого³¹⁴⁵ мя не пщуете быти, несмь аз, но Ся грядет по мне, Ему же несмь достоин разрешити ремень сапогу Его. Мужие братия, сынове рода Авраамля, и иже в вас боящиеся Бога, вам слово спасения сего послася. Живущии во Иерусалиме и князи (л. 642 об.)³¹⁴⁶ их сего не разумевше и глас пророческих, иже по вся субботу чтомых судивше скончася. И ни единыя вины смертны обретше, просиша убити Его³¹⁴⁷, якоже скончаша вся, якоже о Нем писаная. Снемше со древа, положиша во гробе, Бог же воскреси³¹⁴⁸ Его от мертвых, иже явися на дни многи возшедним с Ним от Галилея во Иерусалим, иже ныне суть свидетелие Его к людем, и мы вам благовествуем, еже ко отцем обетование бывшее. Яко сие Бог сконча чадом их, нам воздвиг Иисуса, якоже и во псалме втором пишет: Сын³¹⁴⁹ Мой еси Ты. Аз днесь родих Тя. А якоже воскреси Его от мертвых, не к тому хотяща (л. 643)³¹⁵⁰ возвратитися во истление. Сице рече³¹⁵¹, яко дам вам преподобная Давидова верная. Тем же и в другом глаголет: Не³¹⁵² даси же преподобному Своему видети истления. Давид убо своему роду послужив, Божиим советом успе и приложися ко отцем своим и виде истление, а Его же Бог воздвиже, не веде истления. Ведомо убо да будет вам, мужие братия, яко ради сего вам оставление грехов проповедается и от всех, их же не могосте в законе Моисеове оправдатися. О сем всяк веруяй оправдается. Блюдите убо, да не приидет на вас реченое в пророцех: Видите³¹⁵³, нерадивии, и чюдетеся и узрите и исчезнете, яко дело Аз соделаю (л. 643 об.)³¹⁵⁴ во дни ваша, Ему же не имати веровати, аще кто повесть вам. Исходящим же им от сонмища иудейска, молях языцы в другую субботу глаголатися им глаголом сим. Разшедшу же ся собору, последоваша мнози от июдей и честивых пришлец Павлу и Варнаве, иже глаголюще им, уверях их пребывати во благодати Божии. Во грядущую же субботу мало не весь град собрася послушати слово Божие. Видевше же июдее народы, исполнишася зависти и вопреки глаголаху глаголемым от Павла, сопротив глаголюще и хуляще. Дерзнувша же Павел и Варнава, рекоста: Вам бе лепо первее глаголати слово Божие. А понеже отвергосте е и недостойны (л. 644)³¹⁵⁵ творите сами себе вечному животу, се обращаемся во языки. Тако бо заповеда нам Господь, положих тя в свет языком, еже быти ти во спасение даже до последних земли.

Слышавше³¹⁵⁶ же апостоли Варнава и Павел, растерзавше ризы своя, вскочиша в народ, зовуще и глаголюще: Что сия творите? И мы подобострастна есте вам человека, благодетелствующа вам, от сих суетных обращатися к Богу живу, иже сотвори небо и землю и море и вся, яже в них. Иже³¹⁵⁷ в мимошедшая роды оставил бе вся языки ходити в пути Своя, иде убо не несвидетельствована Себе остави, благо творя. С небесе вам дождевы дая и времена плодоносна, насыщая (л. 644 об.)³¹⁵⁸ пища и веселия сердца ваша.

По³¹⁵⁹ умолчании же их отвеща Ияков, глаголя: Мужие братие, послушайте мене. Симеон поведа, яко прежде Бог посети прияти от язык люди о имени Своем и сему согласуют словеса пророк, якоже пишет: По сих обращуся и созижду кров Давидов, падшии и раскопаная его созижду и исправлю его, яко да взыщут простии человецы Господа и вси языцы, в них же нарицается имя Мое на них, глаголет Господь, творяй сия вся. Разумна от века суть Богови вся дела Его.

Став³¹⁶⁰ же Павел посреди Ариева дела, рече: Мужие афинейстии, по всему зрю, яко в вере блудяще есте. Проходяй бо и соглядая Боги ваша, (л. 645)³¹⁶¹ обретох и кумир, на нем же бе написано имя неведомому Богу, Его же убо, не ведуще, благолепно чтете. Сего аз проповедаю вам, Бог сотворивый мир и вся, яже в нем, сей небу и земли Господь сый³¹⁶². Не в рукотвореных храмах живет, ни от рук человеческих угождения приемлет, требуя, что Сам дая всем живот и дыхание по всяческих.

Тогда³¹⁶³ Павел рече к нему: Битися имать Бог стено повапленая и ты седиши судя ми по закону, и преступая закон, велиши, да биют мя. Предстоящии ж реша: Архиерею ли Божию досаждаеши? Рече же Павел: Не ведах, братие, яко архиерей есть. Писано есть: Князю³¹⁶⁴ людий своих да не речеши зла.

(л. 645 об.)³¹⁶⁵ Молим³¹⁶⁶ же ся о тебе слышати, яже мудрствуеши о ереси сей ведомо есть нам, яко всюду сопротив глаголема есть. Уставивше же ему день, приидоша к нему, пространно приимницу множайшии, им же сказавше, свидетельствуя Царьствие Божие, от закона Моисеова и пророк, от утра даже и до вечера. Ови убо веровах глаголемым, ови же не веровах. Несогласни же суще друг ко другу, отхожаху, рекшу Павлу глагол един, яко добре Дух Святый глагола Исаием пророком ко отцем вашим, глаголя: Иди к людем сем и рцы, слухом услышите и не имате разумети, и видяще узрите, и не имате видети. Аще³¹⁶⁷ убо закон совершаете царьски по писанию: Возлюбиши (л. 646)³¹⁶⁸ искренняго³¹⁶⁹ своего якоже самаго себе, добре творите. Аже ли на лица зрите, то грех содеваете, обличаеми от закона якоже преступницы³¹⁷⁰. Иже бо весь закон соблюдет³¹⁷¹, согрешит же во единем, бысть всем повинен, рекий, не прелюбы сотвориши, рекл есть, не убиеши. Аще ли не прелюбы твориши, убиваеши же, бысть преступник закону. Тако глаголете и тако творите, яко законом свободном хотящем суд прияти, суд бо без милости не сотворшему милости, хвалится милость на суде.

Хощеши же ли разумети, о человече суетне, яко вера без дел мертва есть?³¹⁷² Авраам, отец наш, не от дел ли оправдася³¹⁷³, вознес Исаака, сына своего, (л. 646 об.)³¹⁷⁴ на олтарь. И совершися Писание, глаголющее³¹⁷⁵: Верова же Авраам Богови и вменися ему в правду, друг Божий наречеся.

Зрите ли, убо яко от дел оправдается человек, а не от веры единыя. Оклеветаяй³¹⁷⁶ бо брата или осуждая брата своего, оклеветает закон и осуждает закон. Аще ли закон осуждаеши, неси творец закону, но судия. Един есть Законоположник и Судия, могий спасти и погубити.

Петр³¹⁷⁷, апостол Иисус Христов, избраным пришелцам разсеяния Понту, Галатии, Каппадокии, Асии и Вифинии по презрению Бога и Отца во святыню Духа, в послушание и кропление крови Иисус Христовы, благодать вам и мир да умножится.

(л. 647)³¹⁷⁸ Зачало.

Благословен³¹⁷⁹ Бог Отец Господа нашего Иисуса Христа, иже по мнозей Своей милости порождей нас во упование живо воскресением Иисус Христовым от мертвых в наследие нетлено и нескверно и неувядаемо соблюденых на небесех в вас, иже силою Божиею соблюденых верою, во спасение готово явитися во время последнее. О Нем же радуйтеся мало ныне, аще лепо есть, прискорбни бывше в различных напастех, да искушение вашея веры, многочестнейша злата гибнуща, огнем же искушена, обрящется в похвалу и славу и честь. Во откровении Иисус Христове, Его, не видевше, любити, на Него же ныне не зряще, верующе же, радуйтеся радостию неизглаголаною и прославленою, приемлюще (л. 647 об.)³¹⁸⁰ кончину вере вашей, спасение душам. О Нем же спасение взыскаша и испыташа пророцы, иже о вашей благодати прорекшей, испытающе, в каково или в кое время являше в них Дух Христов. Прежде свидетельствуя о Христовых страстех, и яже по сих словах им же открыся, яко не им самем, но и нам же служаху³¹⁸¹ сия. Яже ныне возвестишася вам Духом Святым, посланым с небесе, в ня же желают ангели приникнути.

Зачало.

Тем³¹⁸² же, возлюблении, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым, яко чада послушанию, не преобразующеся первыми (л. 648)³¹⁸³ неведения вашего похотении, но возвавшему вы святому, и сами святи во всем житии будесте. Зане писано есть, яко Аз³¹⁸⁴ свят есмь. И аще Отца называете нелицемерно судяща коемуждо³¹⁸⁵ по делу, со страхом жития вашего время жителствуете, ведяще, яко неистленным сребром или златом избавистеся от суетнаго вашего жития отцы преданаго, но честною кровию, яко Агнца непорочна и нескверна Христа. Предуведена³¹⁸⁶ убо прежде сложения мира, явльша же ся в последняя лета вас ради, иже Его ради веровавших в Бога, воздвигшаго Его из мертвых и славу Ему давша³¹⁸⁷ и упование будет (л. 648 об.)³¹⁸⁸ на Бога. Душа³¹⁸⁹ очистивше в послушание истине Духом, в братолюбие нелицемерно от чиста сердца друг друга любите прилежно. Порождение не от семене истленна, но неистленна, Словом живаго Бога и пребывающаго вовеки. Зане3190 всяка плоть яко трава и всяка слава человеку яко цвет травный. Исше трава и цвет ея отпадет, глагол же Господень пребывает во веки. Сей же есть глагол, благовествованый в вас.

Отложше³¹⁹¹ убо всяку злобу и всяку лесть и лицемерие и зависть и вся клеветы, яко новорождени младенцы, словесное и нелестное млеко возлюбисте, да о Нем возрастете во спасение, понеже вкусисте, яко (л. 649)³¹⁹² благ Господь, к Нему же приходяще, Камени живу, от человек убо уничижену, от Бога же избрану честну. И сами яко камение живо зиждетеся в храм духовен, священство³¹⁹³ свято вознести жертвы духовны, благоприятны Богови Иисус Христом. Зане писано есть в Писании: Се³¹⁹⁴ полагаю вси оне Камень краеуголен, избран честен, и веруяй в Онь, не постыдится. Вам убо честь верующим, а противящимся камень, его же небрегоша Зиждущий. Сей³¹⁹⁵ бысть во главу углу и камень претыканию и камень соблазну, о Нем же и претыкаются слову противляющиися, о Нем же и положени быша. Вы же род избран, царьское священие, язык свят, людие (л. 649 об.)³¹⁹⁶ обновления, яко да добродетели возвестисте, иже ис тмы вас призвавшему в чюдный Его свет.

Иже³¹⁹⁷ иногда не людие, ныне же людие Божии, иже не помиловани, ныне же помиловани бысте.

Зане Иисус Христос пострада по нас, нам оставль образ, да последуем стопам Его. Иже³¹⁹⁸ греха не сотвори, ни обретется лесть во устех Его, иже укаряем противу неукаряше, стражда не прещаше, предаяше же судящему праведно. Иже³¹⁹⁹ грехи наша Сам вознесе на теле Своем на древо, да от грех избывше, правдою поживем, Его же язвою исцелесте. Аще³²⁰⁰ ли же яки христианин да не стыдится, но да про(л. 650)славляет³²⁰¹ же Бога в части сей. Яко³²⁰² время начати суда от дому Божия, аще ли прежде от вас что кончина противящимся Божию Евангелию. И³²⁰³ аще праведник едва спасется, нечестивый и грешный где явится.

Сие уже, возлюбленнии, второе пишу вам послание, в них же возбуждаю вас воспоминанием чистаго смысла помянути преждереченыя глаголы о святых пророк и апостол ваших и заповедей Господа и Спаса. Сие³²⁰⁵ прежде ведяще, яко приидут в последняя дни ругателие, по своих похотех ходяще и глаголюще: Где есть обетование пришествия Его? Отнели же бо отцы усопша, вся тако пребывают от начала созданию. Утаит бо ся им сие (л. 650 об.)³²⁰⁶ хотящым, яко небеса быша исперва и земля от воды и водою составлена Божиим словом, ими же тогдашний мир, водою потоплен быв, погибе. А нынешняя небеса и земля тем же словом сокровенна суть, огнем блюдома в день Суда и в погибель нечестивым человеком.

Едино же сие да не утаится вам, возлюбленнии, яко един день пред Господем³²⁰⁷ яко тысяща лет и тысяща лет яко день един. Не коснит Господь обетования, якоже нецыи коснение мнят, но долго терпит на нас³²⁰⁸, не хотя, да никто ж погибнет, но да вси в покаяние приидут. Приидет³²⁰⁹ же день Господень яко тать в нощи, в онь же убо небеса с шумом (л. 651)³²¹⁰ мимоидут. Стихия ж сжегаемы разорятся, земля ж и яже на ней дела сгорят. Сим убо всем разоряемым, кацем подобает быти нам во святых пребываниих и благовериих чающим и скорее быти делающим пришествия Божьяго дне. Его же ради небеса, жегома, разорятся³²¹¹, нова же небеса и землю нову по обетованию Его чаем, в них же правда живет. Тем же, возлюблении, сих чающе, потщитеся, нескверни и непорочни, тому обрестися в мире и³²¹² Господа нашего долготерпение: спасение непщуйте, якоже и возлюбленый наш брат Павел, по данней ему премудрости написа вам, якоже и во всех своих посланиих, глаголя в них о сих, (л. 651 об.)³²¹³ в них же суть неудобь разумна некая, яже ненаучении и неутвержении развращают, якоже и прочая писания к своей погибели им.

1 2 3 4 5 6 7 8 9 ... 11 12 13 14 15 16 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

³⁰⁵⁰ На правом поле листа помета: Иоан. 50.

³⁰⁵¹ На правом поле листа помета: Иоан. 8.

³⁰⁵² На верхнем поле листа киноварная помета: 26-е возражение.

³⁰⁵³ На левом поле листа помета: Иоан. 12.

³⁰⁵⁴ На верхнем поле листа киноварная помета: на 26-й вопрос и ответ.

³⁰⁵⁵ На правом поле листа помета: Псалом 88; Исаия 40.

³⁰⁵⁶ На правом поле листа помета: Исаия 53; к Рим. 10.

³⁰⁵⁷ На правом поле листа помета: Исаия 6; Матф. 13; Марк 4; Лука 8; Деян. 28; к Рим. 11; Иоан. 18.

³⁰⁵⁸ На верхнем поле листа киноварная помета: 26-е возражение.

³⁰⁵⁹ На левом поле листа помета: Иоан. 14.

³⁰⁶⁰ На верхнем поле листа киноварная помета: на 26-й вопрос и ответ.

³⁰⁶¹ На правом поле листа помета: Иоан. 19; Матф. 27; Марк 15; Лука 23.

³⁰⁶² На правом поле листа помета: Иоан. 19; Матф. 27; Псалом 68.

³⁰⁶³ На верхнем поле листа киноварная помета: 26-е возражение.

³⁰⁶⁴ На левом поле листа помета: 2 Моис. 12; 4 Моис. 9; Захариа 12.

³⁰⁶⁵ На левом поле листа помета: Иоан. 20.

³⁰⁶⁶ На верхнем поле листа киноварная помета: на 26-й вопрос и ответ.

³⁰⁶⁷ На правом поле листа помета: Иоан. 20; Лука 22.

³⁰⁶⁸ На верхнем поле листа киноварная помета: 26-е возражение.

³⁰⁶⁹ На левом поле листа помета: Деян. 1.

³⁰⁷⁰ На левом поле листа помета: Псалом 11; Иоан. 18.

³⁰⁷¹ На верхнем поле листа киноварная помета: на 26-й вопрос и ответ.

³⁰⁷² На правом поле листа помета: Псалом 68.

³⁰⁷³ На правом поле листа помета: 108.

³⁰⁷⁴ На правом поле листа помета: глава 1.

³⁰⁷⁵ На правом поле листа помета: Исаия 44; Иоиль 2; Иоан. 7.

³⁰⁷⁶ На верхнем поле листа киноварная помета: 26-е возражение.

³⁰⁷⁷ На левом поле листа помета: Иоиль 2; к Рим. 5.

³⁰⁷⁸ На верхнем поле листа киноварная помета: на 26-й вопрос и ответ.

³⁰⁷⁹ На правом поле листа помета: Иоан. 10.

³⁰⁸⁰ На правом поле листа помета: Псалом 15.

³⁰⁸¹ На верхнем поле листа киноварная помета: 26-е возражение.

³⁰⁸² На левом поле листа помета: 3 Царств 2, ниже 13.

³⁰⁸³ На левом поле листа помета: 1 Царств 7; Псалом 131.

³⁰⁸⁴ На левом поле листа помета: Псалом 16, ниже 17.

³⁰⁸⁵ На левом поле листа помета: Псалом 109.

³⁰⁸⁶ На верхнем поле листа киноварная помета: на 26-й вопрос и ответ.

³⁰⁸⁷ На правом поле листа помета: Деян. 2.

³⁰⁸⁸ На верхнем поле листа киноварная помета: 26-е возражение.

³⁰⁸⁹ На левом поле листа помета: Псалом 2.

³⁰⁹⁰ На верхнем поле листа киноварная помета: на 26-й вопрос и ответ.

³⁰⁹¹ На верхнем поле листа киноварная помета: 26-е возражение.

³⁰⁹² На левом поле листа помета: 1 Моис. 12.

³⁰⁹³ На левом поле листа помета: 1 Моис. 15.

³⁰⁹⁴ На верхнем поле листа киноварная помета: на 26-й вопрос и ответ.

³⁰⁹⁵ На правом поле листа помета: 1 Моис. 17.

³⁰⁹⁶ На правом поле листа помета: 1 Моис. 21.

³⁰⁹⁷ На правом поле листа помета: 1 Моис. 25.

³⁰⁹⁸ На правом поле листа помета: 1 Моис. 29.

³⁰⁹⁹ На правом поле листа помета: 1 Моис. 37.

³¹⁰⁰ На правом поле листа помета: 1 Моис. 41; Псалом 104.

³¹⁰¹ На правом поле листа помета: 1 Моис. 42.

³¹⁰² На верхнем поле листа киноварная помета: 26-е возражение.

³¹⁰³ На левом поле листа помета: 1 Моис. 45.

³¹⁰⁴ На левом поле листа помета: 1 Моис. 46.

³¹⁰⁵ На левом поле листа помета: 1 Моис. 49.

³¹⁰⁶ На левом поле листа помета: 1 Моис. 50.

³¹⁰⁷ На левом поле листа помета: Иисус Наввин 24.

³¹⁰⁸ На левом поле листа помета: 2 Моис. 1; Псалом 104.

³¹⁰⁹ На верхнем поле листа киноварная помета: на 26-й вопрос и ответ.

³¹¹⁰ На правом поле листа помета: 2 Моис. 2.

³¹¹¹ На правом поле листа помета: Евреом 11.

³¹¹² На правом поле листа помета: 2 Моис. 2.

³¹¹³ На правом поле листа помета: 2 Моис. 2.

³¹¹⁴ На правом поле листа помета: 2 Моис. 2.

³¹¹⁵ На верхнем поле листа киноварная помета: 26-е возражение.

³¹¹⁶ На левом поле листа помета: 2 Моис. 3.

³¹¹⁷ На верхнем поле листа киноварная помета: на 26-й вопрос и ответ.

³¹¹⁸ На правом поле листа помета: 2 Моис. 7 и 9 и 17.

³¹¹⁹ На правом поле листа помета: 5 Моис. 18; Быт. 3; 2 Моис. 19.

³¹²⁰ На верхнем поле листа киноварная помета: 26-е возражение.

³¹²¹ На левом поле листа помета: 2 Моис. 32.

³¹²² На левом поле листа помета: 1 Моис. 5.

³¹²³ На верхнем поле листа киноварная помета: на 26-й вопрос и ответ.

³¹²⁴ На правом поле листа помета: 2 Моис. 25; Евреом 8.

³¹²⁵ На правом поле листа помета: Иисус Наввин 3.

³¹²⁶ На правом поле листа помета: 3 Царств 6; ниже 17.

³¹²⁷ На правом поле листа помета: Исаия 66.

³¹²⁸ На верхнем поле листа киноварная помета: 26-е возражение.

³¹²⁹ На левом поле листа помета: Иерем. 6; Екклез. 44.

³¹³⁰ На левом поле листа помета: 2 Моис. 19.

³¹³¹ На верхнем поле листа киноварная помета: на 26-й вопрос и ответ.

³¹³² На правом поле листа помета: Матф. 5; Лука 23.

³¹³³ На правом поле листа помета: 1 к Рим. 4; Исаия 53; Деян. 8.

³¹³⁴ На верхнем поле листа киноварная помета: 26-е возражение.

³¹³⁵ На левом поле листа помета: Деян. 10.

³¹³⁶ На левом поле листа помета: 5 Моис. 5; Иоан. 34; к Рим. 2; 1 Петр 1.

³¹³⁷ На верхнем поле листа киноварная помета: на 26-й вопрос и ответ.

³¹³⁸ Исправлено из: из.

³¹³⁹ На правом поле листа помета: Деян. 13.

³¹⁴⁰ На верхнем поле листа киноварная помета: 26-е возражение.

³¹⁴¹ На левом поле листа помета: 2 Моис. 2; 2 Моис. 3; 2 Моис. 6.

³¹⁴² На левом поле листа помета: 1 Царств 8 и 9; 1 Царств 16.

³¹⁴³ На верхнем поле листа киноварная помета: на 26-й вопрос и ответ.

³¹⁴⁴ На правом поле листа помета: Псалом 88.

³¹⁴⁵ На правом поле листа помета: Иоан. 3.

³¹⁴⁶ На верхнем поле листа киноварная помета: 26-е возражение.

³¹⁴⁷ На левом поле листа помета: Матф. 27; Марк 15; Лука 23; Иоан. 19, выше 3.

³¹⁴⁸ На левом поле листа помета: Матф. 28; Марк 16; Лука 24; Иоан. 20.

³¹⁴⁹ На левом поле листа помета: Псалом 20; Евреом 1.

³¹⁵⁰ На верхнем поле листа киноварная помета: на 26-й вопрос и ответ.

³¹⁵¹ На правом поле листа помета: Исаия 55.

³¹⁵² На правом поле листа помета: Псалом 16, выше 2; 3 Царств 2, выше 2.

³¹⁵³ На правом поле листа помета: Авраам. 2.

³¹⁵⁴ На верхнем поле листа киноварная помета: 26-е возражение.

³¹⁵⁵ На верхнем поле листа киноварная помета: на 26-й вопрос и ответ.

³¹⁵⁶ На правом поле листа помета: Глав. 14.

³¹⁵⁷ На правом поле листа помета: 1 Моис. 1; Псалом 145 и 135; Апокал. 14; Иисус Сирах 18; Псалом 1.

³¹⁵⁸ На верхнем поле листа киноварная помета: 26-е возражение.

³¹⁵⁹ На левом поле листа помета: Деян. 15.

³¹⁶⁰ На левом поле листа помета: Глав. 17.

³¹⁶¹ На верхнем поле листа киноварная помета: на 26-й вопрос и ответ.

³¹⁶² На правом поле листа помета: Псалом 50; выше 16.

³¹⁶³ На правом поле листа помета: Глав. 23.

³¹⁶⁴ На правом поле листа помета: 2 Моис. 22.

³¹⁶⁵ На верхнем поле листа киноварная помета: 26-е возражение.

³¹⁶⁶ На левом поле листа помета: Деян. 28.

³¹⁶⁷ На левом поле листа помета: Ияков 2; 3 Моис. 19.

³¹⁶⁸ На верхнем поле листа киноварная помета: на 26-й вопрос и ответ.

³¹⁶⁹ На правом поле листа помета: Матф. 5; Марк 12; к Рим. 3.

³¹⁷⁰ На правом поле листа помета: 3 Моис. 19.

³¹⁷¹ На правом поле листа помета: 5 Моис. 1.

³¹⁷² На правом поле листа помета: Ияков 2.

³¹⁷³ На правом поле листа помета: 1 Моис. 22.

³¹⁷⁴ На верхнем поле листа киноварная помета: 26-е возражение.

³¹⁷⁵ На левом поле листа помета: 1 Моис. 15.

³¹⁷⁶ На левом поле листа помета: Ияков 4.

³¹⁷⁷ На левом поле листа помета: 1 Петр 1.

³¹⁷⁸ На верхнем поле листа киноварная помета: на 26-й вопрос и ответ.

³¹⁷⁹ На правом поле листа помета: 1 к Рим. 1; Ефес. 1.

³¹⁸⁰ На верхнем поле листа киноварная помета: 26-е возражение.

³¹⁸¹ Так в ркп.

³¹⁸² На левом поле листа помета: Лука 12.

³¹⁸³ На верхнем поле листа киноварная помета: на 26-й вопрос и ответ.

³¹⁸⁴ На правом поле листа помета: Лука 1; 3 Моис. 11 и 19 и 20.

³¹⁸⁵ На правом поле листа помета: 5 Моис. 10; Рим. 2; Галат. 2; в Парал. 19; Ефес. 6; Колос. 3; Мудр. 6; Иисус Сирах 35; Деян. 10.

³¹⁸⁶ На правом поле листа помета: 1 Рим. 6 и 7; Ефреом 9; 1 Иоан. 1; Апокал. 1.

³¹⁸⁷ На правом поле листа помета: Рим. 16; Ефес. 3; Колос. 1.

³¹⁸⁸ На верхнем поле листа киноварная помета: 26-е возражение.

³¹⁸⁹ На левом поле листа помета: 2 Тим. 1; Тит. 1; ниже 2; к Рим. 12; Ефес. 4.

³¹⁹⁰ На левом поле листа помета: Исаия 1; Иисус Сирах 14; Ияков 1; Псалом 102.

³¹⁹¹ На левом поле листа помета: Рим. 6; Ефес. 4; Колос. 3; Евреом 12.

³¹⁹² На верхнем поле листа киноварная помета: на 26-й вопрос и ответ.

³¹⁹³ На правом поле листа помета: Апокал. 1.

³¹⁹⁴ На правом поле листа помета: Исаия 28; к Рим. 9.

³¹⁹⁵ На правом поле листа помета: Псалом 117; Матф. 25; Деян. 4; Исаия 8; к Рим. 9; Марк 12; Лука 20; 1 Петр 2; 1 Моис. 19; Апокал. 5.

³¹⁹⁶ На верхнем поле листа киноварная помета: 26-е возражение.

³¹⁹⁷ На левом поле листа помета: Озия 2; Рим. 13, ниже 3.

³¹⁹⁸ На левом поле листа помета: Исаия 53; 1 Иоан. 3.

³¹⁹⁹ На левом поле листа помета: Исаия 53; Матф. 50.

³²⁰⁰ На левом поле листа помета: Глав. 4.

³²⁰¹ На верхнем поле листа киноварная помета: на 26-й вопрос и ответ.

³²⁰² На правом поле листа помета: Иерем. 1.

³²⁰³ На правом поле листа помета: Притч. 11.

³²⁰⁴ Написано киноварью на правом поле листа.

³²⁰⁵ На правом поле листа помета: 1 Тим. 4; 2 Тим. 3, ниже 1.

³²⁰⁶ На верхнем поле листа киноварная помета: 26-е возражение.

³²⁰⁷ На левом поле листа помета: Псалом 89.

³²⁰⁸ На левом поле листа помета: Езек. 18 и 33; 1 Тим. 2.

³²⁰⁹ На левом поле листа помета: Матф. 24; 1 Сол. 5; Апокал. 3 и 16.

³²¹⁰ На верхнем поле листа киноварная помета: на 26-й вопрос и ответ.

³²¹¹ На правом поле листа помета: Исаия 65 и 66; Апокал. 21.

³²¹² На правом поле листа помета: к Рим. 2.

³²¹³ На верхнем поле листа киноварная помета: 26-е возражение.

Домашняя страница
священника Владимира Кобец