ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-12)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

оженившимся³³³⁰ завещаваю не аз, но Господь, жене от мужа не разлучатися, аще ли разлучится да пребывает безбрачна или да смирится с мужем своим. Мужу³³³¹ жены не отпущати, буде та бо, рече, оба плоть едину.

Мой³³³² бо ответ востязующим мене сей есть: Еда не имамы власть ясти и пити или един аз и Варнава не имамы власть, еже не делати, кто воинствует своими оброки когда, или кто насаждает виноград и от плода его не яст, или кто пасет стадо (л. 667)³³³³ и от млека стаду не яст, еда по человеку сия глаголю, не и закон ли сия глаголет.

В Моисеове бо законе пишет³³³⁴: Да не заградиша уста вола молотяща, еда о половех радит Бог, но нас ради всяко глаголет, нас бо ради и писася. Не весте³³³⁵ ли, яко делающии священная, от святилища ядят, и служащии олтарю, со олтарем зделяются. Тако и Господь повеле: Проповедающим благовестие от благовестия питатися.

Не³³³⁶ хощу вас не ведети, братие, яко³³³⁷ отцы наши вси под облаком беша и вси сквозе море проидоша и вси у Моисея крестишася во облаце и в море. И вси³³³⁸ тожде (л. 667 об.)³³³⁹ брашно духовно ядоша. И³³⁴⁰ тожде вино духовное пиша, пияху бо от духовнаго последующаго Камени, Камень же бе Христос.

Но³³⁴¹ не во множайших их благоволи Бог, поражени бо быша в пустыни. Сия же образы нам быша, яко не быти нам похотником злых, якоже и они похотеша, ни идослужители бывайте, якоже нецыи от них, якоже есть писано: Седоша людие ясти и пити и восташа играти. Ниже соблудим, якоже нецыи от них соблудиша и падоша во един день³³⁴² два десяти и три тысящи. Ни да искушаем Бога, якоже нецыи от них искусиша (л. 668)³³⁴³ и от змий погибоша. Ни ропщите³³⁴⁴, якоже нецыи от них поропташа и погибоша от всегубителя. Сия же вся образы прилучахуся о Нем, писана же быша в научение наше, в них же концы век достигоша.

Вся ми³³⁴⁵ лет есть, но не вся на ползу. Вся ми лет суть, но не вся назидают. Никто же своего си да ищет, но яже ближняго койждо. Вси еже на торжище продаемое ядите, ничто же сумнящеся за совесть. Господня³³⁴⁶ бо есть земля и исполнение ея. Аще ли кто от неверных призывает вы и хощете ити, все предлагаемое вам ядите, ничто же сумнящеся за совесть. Аще ли кто вам речет, (л. 668 об.)³³⁴⁷ сие идоложертвено есть, не ядите, за онаго поведавшаго и совесть. Господня³³⁴⁸ бо есть земля и исполнение ея, совесть же глаголю не свою, но другаго. Аще³³⁴⁹ не покрывается жена, да стрижется, аще ли срам жене стрищися или бритися, да покрывается. Муж не должен есть покрывати главу, образ и слава Божия сый, жена же слава мужу есть. Несть³³⁵⁰ муж от жены, но жена от мужа, ибо не создан бысть муж жены ради, но жена мужа ради.

Братие³³⁵¹, не дети бывайте умы, но злобою младенствуйте, умы же совершени бывайте.

В³³⁵² законе пишет, яко иноязычными (л. 669)³³⁵³ устны инеми возглаголю людем сим и такожде послушают мене. Глаголет Господь: Что³³⁵⁴ убо, братие, егда сходитеся, койждо вас псалом да имать, учение имать, язык имать, откровение имать, сказание имать, вся же к созиданию да бывают. Жены³³⁵⁵ ваша в церкви да молчат, не повеле бо ся им глаголати, но повиноватися, якоже закон глаголет: Аще³³⁵⁶ ли чесому научитися хотят, в домех своя мужи да вопрошают, срамно бо есть жене в церкви глаголати.

Предах бо вам исперва, еже и приях, яко Христос умре грех ради наших по писаниих, и яко погребен бысть, и яко воста в третий (л. 669 об.)³³⁵⁷ день по Писаниих.

Ныне³³⁵⁸ же Христос воста от мертвых, начаток умершим бысть, понеже бо человека ради смерть бысть и человека ради воскресение мертвым, якоже бо о Адаме вси умирают, такожде о Христе вси оживут, койждо во своем чину. Начаток³³⁵⁹ Христос потом же Христовни, во пришествие Его, потом же кончина, егда предаст Царьство Богу и Отцу, егда испразднит всяку власть и всяко владычество и силу. Подобает бо Ему царьствовати³³⁶⁰, дондеже положит вся враги под ногама Своима. Последний же враг испразднится смерть, вся бо покори под нозе Его. Внегда же речет, (л. 670)³³⁶¹ яко вся покорена суть Ему, яве яко разве покоршаго Ему вся.

Аще³³⁶² по человеку со зверем боряхся во Ефесе, кая ми полза? Аще мертвии не востают, да ямы и пием, утре бо умрем. Не лститеся, тлят бо обычая благи, беседы злы. Есть³³⁶³ тело душевно и есть тело духовно. Тако и есть писано: Бысть первый человек Адам в душу живу, последний Адам в Дух животоврящ. Но не прежде духовный, но душевный, потом же духовный.

Подобает³³⁶⁴ бо тлеемому сему облещися в нетление и мертвеному сему облещися в безсмертие. Егда же тленное сие облечется в нетление (л. 670 об.)³³⁶⁵ и смертное сие облечется в безсмертие, тогда³³⁶⁶ будет слово написаное: Пожерта бысть смерть победою. Где ти смерти жало? Где ти аде победа?³³⁶⁷ Аще ли есть покровенно благовествование наше, в гибнущих есть сокровенно, в них же Бог века сего ослепи разумы неверных, воеже не возсияти им свету благовествования славы Христовы, иже есть образ Бога невидимаго. Не себе бо проповедаем, но Христа Иисуса Господа, себе же самех рабы вам Иисуса Господа ради. Якоже³³⁶⁸ Бог рекий ис тмы свету возсияти, иже возсия в сердцах наших ко просвещению разума славы Божия о лицы Иисус Христове.

(л. 671)³³⁶⁹ Имуще³³⁷⁰ же той же дух веры по писанному: Веровах тем же и возглаголах, и мы веруем, тем же и глаголем. Ведяще, яко воздвигий Господа Иисуса и нас со Иисусом воздвигнет и предпоставит с вами.

Поспешествующе³³⁷¹ же молим, не вотще благодать Божию прияти вам. Глаголет бо: Во время благоприятно послушах тебе и в день спасения помогох ти. Не³³⁷² бо да инем отрада, вам же скорбь, но от избавнения в нынешнее время ваше избыточествие, во онех лишение, да и онех избыток будет в вашем лишении, яко да будет равенство, якоже есть писано: Иже³³⁷³ многое не преумно(л. 671 об.)жил³³⁷⁴ есть и иже малое не умалил. Се же глаголю: Сеяй скудостию, скудостию и пожнет. А сеяй о благословении, о благословении и пожнет. Койждо якоже изволение имать сердцем³³⁷⁵, ни от скорби, ни от нужды. Доброхотна бо дателя любит Бог. Силен же Бог всяку благодать изообиловати в вас, да о всем всегда всяко доволство имуще. Избыточествуйте во всяко дело благо, якоже есть писано³³⁷⁶: Расточи, даде убогим, правде Его пребывает вовеки.

Аще³³⁷⁷ бысте прияли малое мое безумие, но и приемлете, ревную бо о вас Божиею ревностию. Обру(л. 672)чих³³⁷⁸ бо вас единому мужу Давиду, чисту представити Христови.

Бою³³⁷⁹ же ся, да не како, якоже змиа Еву прелсти лукавством своим, тако истлеют разумы ваша от простоты яже о Христе.

От³³⁸⁰ мнимых бе быти великих, якоже убо беша, ничто же ми разньствует. Лице Бог человеку не приемлет, мне бо мнимии ничто же ми привозложиша.

О несмыслении³³⁸¹ Галате, кто вы прелстил есть не покорятися истине? Им же пред очима Иисус Христос прежде написан бысть в вас распят. Сие точию хощу ведети от вас, от дел ли закона Дух приясте или от слуха веры? (л. 672 об.)³³⁸² Тако³³⁸³ несмыслени есте наченше духом, ныне плотию скончаваете. Толика пострадасте без ума, аще же и без ума, подаяй убо вам дух и действуяй силы в вас. От дел ли закона или от слуха веры, якоже верова Авраам Бога и вменися Авраам Богу, и вменися ему в правду. Разумейте убо, яко сущии от веры, сии суть сынове Авраамли. Прежде видевше бо Писание³³⁸⁴, яко от веры оправдает языки Бог. Прежде благовествова Аврааму³³⁸⁵, яко благословятся о тебе вси языцы. Тем же сущии от веры благословятся с верным Авраамом, елицы бо от дел закона суть, под клятвою (л. 673)³³⁸⁶ суть. Писано бо есть³³⁸⁷: Проклят всяк, иже не пребудет во всех писаных в книзех законней, яко сотворити я. А яко в законе³³⁸⁸, никто же оправдается от Бога. Яве³³⁸⁹ же, яко праведный от веры жив будет. Закон же несть от веры, но сотворивый³³⁹⁰ та человек жив будет в них.

Христос³³⁹¹ искупил ны есть от клятвы законныя, быв по нас клятва. Писано бо есть³³⁹²: Проклят всяк, висяй на древе, да во языцех семя Авраамле будет. О Христе Иисусе да обетование Духа приимем верою.

Братие³³⁹³, по человеку глаголю. Обаче человеку утвержена завета, никто ж отметает (л. 673 об.)³³⁹⁴ или преповелевает. Аврааму ж речени быша обеты и семени его, не глаголет «и семенем», яко о мнозех, но яко о единем «и семени твоему», иже есть Христос.

Хотех³³⁹⁵ же приити к вам ныне и изменити глас мой, яко не домышляюся о вас. Глаголет ми, иже под законом хотящии быти, закона ли не слышасте? Писано бо есть³³⁹⁶, яко Авраам два сына име, единаго от рабы, а другаго от свободныя. Ной³³⁹⁷ же от рабы по плоти родися, а иже от свободныя по обетованию, яже еста ино сказуема. Сия бо еста два Завета, един убо от горы Синайския в работу рождаяся, еже (л. 674)³³⁹⁸ есть Агарь. Агарь бо Синай гора есть во Аравии, прилагает же ся нынешнему Иерусалиму, работает же с чады своима. А Вышний Иерусалим свобода есть, иже есть милости всем нам. Писано бо есть: Возвеселися неплоды нерождающия, яко много чада, пустыя паче нежели имущия мужа. Мы³³⁹⁹ же, братие, по Исааку обетования чада есмы. Но якоже тогда иже по плоти родивыйся, гоняше духовнаго, тако и ныне. Но что глаголет Писание³⁴⁰⁰: Изжени рабу и сына ея. Не имать бо наследовати сын рабынин с сыном свободныя. Тем же, братия, несмы рабыни чада, но свободныя. Свободою, (л. 674 об.)³⁴⁰¹ убо ею же нас Христос свободи, стойте и не паки под игом работы держитеся.

Вы³⁴⁰² бо на свободу зване бысте, братие, точию да несвобода ваша в вину плоти, но любовию работайте друг другу, ибо весь закон во единем словеси совершается: Воеже³⁴⁰³ возлюбиши ближняго своего, якоже себе. Аще друг друга грызаете и снедаете, блюдетеся, да не друг от друга истреблени будете.

Едино³⁴⁰⁴ тело, един дух, якоже и звани бысте во единем уповании звания вашего. Един Господь, едина вера, едино крещение. Един³⁴⁰⁵ Бог и Отец всем, иже (л. 675)³⁴⁰⁶ над всеми и о всех и во всех нас.

Единому³⁴⁰⁷ же коемуждо нас дается благодать по мере дарования Христова. Тем же глаголет³⁴⁰⁸: Возшед на высоту, пленил еси плен, приял еси даяние в человецех. Блюдите³⁴⁰⁹ убо, опасно како ходите, не яко немудри, но якоже премудри искупующе время, яко дние лукави суть. Сего³⁴¹⁰ ради не бывайте несмыслени, но разумевающе, что есть воля Божия, и не упивайтеся вином, в нем же есть блуд, но паче исполняйтеся духом, глаголюще себе во псалмех и песнех духовных, воспевающе и поюще в сердцах ваших Господеви.

Тако³⁴¹¹ должни суть мужие любити (л. 675 об.)³⁴¹² своя жены яко своя телеса. Любяй бо свою жену себе самаго любит. Никто же бо когда свою плоть возненавиде, но питает и греет ю, якоже и Господь Церковь, яко уды есмы тела Его от плоти и от костей.

Сего³⁴¹³ ради, рече, оставит человек отца своего и прилепится жене своей, и будета оба в плоть едину. Чада³⁴¹⁴, послушайте своих родителей о Господе, сие бо есть праведно: Чти³⁴¹⁵ отца своего и матерь, яже есть первая во обетовании, да благодати будет и будеши долголетен на земли. Отцы, не раздражайте чад своих, но воспитовайте их в наказании (л. 676)³⁴¹⁶ и учении Господни. Раби³⁴¹⁷, послушайте господий своих по плоти со благоразумием, служаще якоже Господу, а не яко человеком. Ведуще³⁴¹⁸, яко койждо, еже сотворит благо, сие приимет от Господа, аще раб, аще свободь. И господие такожде творите к ним, послабляюще им прещения. Ведуще, яко и вам самем и тем, Господь есть на небесех, и обиновения лицу у Него несть.

Не³⁴¹⁹ лжите друг другу, совлекшися ветхаго человека со деянми его и оболкшеся в новаго обновляемаго в разум по образу Создавшаго его, идеже несть еллини и июдеи, обрезание и необре(л. 676 об.)зание³⁴²⁰, варвар и скиф, раб и свободь, но всяческая и во всех Христос.

А³⁴²¹ о летех и о временех, братие, не требе есть вам писати. Сами бо вы известно весте, яко день Господень, якоже тать в нощи, тако грядет. И по мале.

Тем же убо да не спим, якоже и прочии, но да бодрствуем и трезвимся, спящии бо, в нощи спят, и упивающиися, в нощи упиваются. Мы же сынове суще дне да трезвимся³⁴²², оболкшеся во броня веры и любве и шлем упованию спасения.

Да³⁴²³ никто же вас прелстит ни по единому же образу, яко аще не приидет отступление пре(л. 677)жде³⁴²⁴ и открыется человек беззаконию и сын погибели, противник, и превозносяся паче всякаго глаголемаго Бога или чтилища, якоже ему сести в церкви Божии аки богу, показуя себе, яко бог есть.

Не помните ли, яко еще живый у вас сия глаголах вам и ныне обдержаще весте, явитися ему во свое ему время. Тайна бо уже деется беззаконию, точию держай ныне, дондеже от среды будет и тогда явится беззаконный, его³⁴²⁵ же Господь Иисус убиет духом уст Своих.

Молю³⁴²⁶, убо прежде всех творити молитвы, моления, прошения, благодарение за вся человеки, (л. 677 об.)³⁴²⁷ за царя и за вся иже во власти суть. Да тихо и безмолвно житие поживем во всяком благоверии и чистоте, сего добро и приятно пред Спасителем нашим Богом, иже³⁴²⁸ всем человеком хощет спастися и в разум истины приити.

Жене³⁴²⁹ же учити не повелеваю, ни владети над мужем, но быти в безмолвии. Адам³⁴³⁰ бо прежде создан бысть, потом же Ева. И Адам не прелстися, жена же прелстившися, в преступлении бысть.

Павел³⁴³¹, раб Божий, посланник Иисус Христов, по вере избраных Божиих и разуму истины, яже по благоверию, о уповании жизни вечныя, (л. 678)³⁴³² иже обетова неложный Бог, прежде лет вечных. Яви³⁴³³ же во времена своя слово свое проповеданием, еже мне поручено бысть по повелению Спасителя нашего Бога.

Многочестне³⁴³⁴ и многобразне древле Бог глаголав отцем пророки, в последок дний сих глагола нам во Сыне, Его же положи наследника всем, им же и веки сотвори. Иже Сый сияние славы Отча и образ ипостаси Его. Но ся же всяческая глаголом силы своея Собою очищение сотворив грехов наших, седе одесную престола величествия на высоких. Толико лучши быв ангел, елико преславнее паче их (л. 678 об.)³⁴³⁵ наследова имя. Кому бо рече когда от ангел: Сын³⁴³⁶ Мой еси Ты, Аз днесь родих Тя. И паки: Аз³⁴³⁷ буду ему во отца и той будет мне в сына.

Егда паки вводит Первороднаго во вселенную, глаголет: И да поклонятся Ему вси ангели Божии.

И³⁴³⁸ ко ангелом убо глаголет: Творяй ангелы своя духи и слуги своя пламень огненный. К Сыну же: Престол³⁴³⁹ Твой, Боже, в век века, жезл правлению, жезл царьствия Твоего. Возлюбил еси правду и возненавиде беззаконие, сего ради помаза Тя, Боже, Бог Твой елеом радости паче причастник Твоих. И паки: (л. 679)³⁴⁴⁰ Ты³⁴⁴¹ в начале, Господи, землю основа и дела руку Твоих суть небеса. Та погибнут, Ты же пребываеши, и вся, якоже риза обетшают, яко одежду свиеши их и изменятся, Ты же тойжде еси и не оскудевают.

Кому же от ангел рече когда: Седи³⁴⁴² одесную Мене, дондеже положу враги Твоя подножию ногама Твоима. Сего³⁴⁴³ ради подобает нам лишше внимати слышаным, да никогда отпаднем. Не³⁴⁴⁴ ангелом бо покори Бог вселенную грядущую, о ней же глаголем. Засвидетельствова же негде некто: Что³⁴⁴⁵ есть человек, яко помниши его, или Сын человеческий, яко посещаеши и. (л. 679 об.)³⁴⁴⁶ Умалил еси малым нечим от ангел, славою и честию венчал еси его. И поставил³⁴⁴⁷ еси Его над делы руку Твоею, вся покорил еси под нозе Его. Внегда³⁴⁴⁸ же покорити Ему всяческая, ничто ж остави Ему непокорено, ныне же не увидим Ему всяческая покорена, а умаленаго малым чим от ангел. Видим³⁴⁴⁹ Иисуса за приятие смерти, славою и честию венчана, яко да благодатию Божиею за всех вкусит смерть. Подобаше бо Ему, Его же ради всяческая и Им же всяческая, приведшу многи сыны в славу. И святяй³⁴⁵⁰ и святяеми от Единаго вси, ея же ради вины не стыдится братию нарицати их, (л. 680)³⁴⁵¹ глаголя: Возвещу³⁴⁵² имя Твое братии моей, посреде церкви воспою Тя. И паки: Аз³⁴⁵³ буду надеяся нань. И паки: Се³⁴⁵⁴ аз и дети, яже ми дал Бог.

Тем³⁴⁵⁵ же братия святая, званию Божию причастницы, разумейте посланника и святителя исповеданию нашему, Иисус Христа верна суща сотворшему Его, якоже и Моисей³⁴⁵⁶ во всем дому своем, множайше бо славе сей паче Моисея сподобил.

И по мале: Моисей³⁴⁵⁷ убо верен есть во всем дому своем якоже угодник во свидетельство глаголаным. Христос же якоже Сын в дому Своем, Его же дом мы есмы, аще убо дерзновение и похвалу упования (л. 680 об.)³⁴⁵⁸ даже до конца известно удержим. Тем же, якоже глаголет Дух Святый: Днесь³⁴⁵⁹, аще глас Его услышите, не ожестите сердец ваших, якоже в прогневании по дни искушения в пустыни, идеже искусиша Мя отцы ваши и искусиша Мя и видеша дела Моя четыредесят лет. Сего ради негодовах рода того и рех, присно прелщаются сердцем. Тии же не познаша путий Моих, яко кляхся во гневе Моем, аше внидут в покой Мой. Аще³⁴⁶⁰ делом от сложения мира бывшим, рече бо негде о седмом сице: И почи Бог в день седмый от всех дел Своих. И о сем паки: Аще³⁴⁶¹ внидут в покоище Мое, (л. 681)³⁴⁶² понеже убо лишени нецыи внити в не. И иже прежде благовествовани бывше, не внидоша за непослушание. Паки некий уставляет день, днесь в Давиде глаголя: По толицех летех, якоже прежде глаголася: Днесь³⁴⁶³, аще глас Его услышисте, не ожестите сердец ваших, якоже в прогневании. Нецый бо, слышавше, прогневаша, но не вси изшедшии из Египта с Моисеом. Коих же негодова четыредесят лет, не согрешивших ли, их же кости падоша в пустыни. Которым же клятся не внити в покоище Его, яве яко противльшимся, и видим, яко не возмогоша внити за неверствие.

(л. 681 об.)³⁴⁶⁴ Да³⁴⁶⁵ убо в покоище веровавшии, якоже рече: Яко кляхся во гневе Моем, аще внидут в покоище мое, аще и делом от сложения мира бывшем.

Рече бо негде о седмом: И³⁴⁶⁶ почи Бог в день седмый от всех дел Своих. Имуще убо архиерея велика прошедша небеса Иисуса Сына Божия, да держимся исповедания. И³⁴⁶⁷ никто же собою приемлет честь, но званый от Бога, якоже Аарон, тако и Христос, не Себе прослави быти Первосвященнику, но глаголавый к Нему: Сын³⁴⁶⁸ Мой еси Ты, Аз днесь родих Тя. Якоже и инде глаголет: Ты³⁴⁶⁹ еси священник вовеки по чину Мелхиседекову.

(л. 682)³⁴⁷⁰ Известихом³⁴⁷¹ же ся о вас, возлюблении, лучша и придержащихся спасению, аще и тако глаголем: Не обидлив бо Бог забыти дела вашего и труда и любве, еже показасте во имя Его, послужисте во имя Его, святым Его служаще. Желаем же коегождо вас являти тойжде тщание ко извещению упования до конца, да не лениви будете, но подобницы наследствующим верою и долготерпением обетования. Аврааму же обетова Бог, понеже ни единем имяше болшим клятися, клялся собою, глаголя: Истиною³⁴⁷² благословствуя благословлю тя, и множа, умножу тя. И тако³⁴⁷³, (л. 682 об.)³⁴⁷⁴ долго³⁴⁷⁵ терпев, получи обетования. Человецы же болшим кленутся и всякому их прекословию кончина во извещение клятва есть. О нем же лишше хотя Бог показати наследником обетования непреложное совета Своего исходатай клятвы, яко да двема вещма непреложнома, понеже невозможно солгати Богу, крепко утешение имамы, прибегшей держатися за предлежащее упование, еже яко основание имамы души. Твердо же и известно и входяще во внутреннее завесе, идеже предтеча о нас вниде Христос, по чину³⁴⁷⁶ Мелхиседекову Первосвященник быв вовеки.

(л. 683)³⁴⁷⁷ Почто³⁴⁷⁸ еще требе по чину Мелхиседекову, иному востати священнику, а не по чину Ааронову глаголатися. Прилагаему убо священству по нуже и закону пременение бывает. О нем же бо глаголются сия: Колену иному причаститися, от него же никто же причастися ко олтарю. Яве, яко от колена Июдова возсия Господь наш. О нем же, колене, Моисей о священстве ничесо же глагола и лишше еще яве есть, аще по подобию Мелхиседекову востанет священник ин, иже не по закону заповеди плотския бысть, но по силе живота неразрушенаго. Свидетельствует бо: Яко³⁴⁷⁹ Ты еси священник вовеки по чину Мелхиседекову.

(л. 683 об.)³⁴⁸⁰ Отлагание убо бывает прежде бывшия заповеди за немощное ея и неполезное, ничто же бо совершил, есть закон. Приложение есть лучшему упованию, им же приближаемся к Богу. И елико не без клятвы, они бо без клятвы суть священницы бывше. Сей же с клятвою ради глаголющаго к нему: Клятся Господь и не раскается, ты еси священник вовеки по чину Мелхиседекову. По³⁴⁸¹ толику лучшу завету бысть испоручник Иисус. И они множайши суть священницы бывше, зане смертию возбранени суть пребывати. Сей же, заеже пребывати Ему вовеки, непреступно имать священство.

(л. 684)³⁴⁸² Тем же и спасти может до конца приходящих Его ради к Богу, всегда жыв сый и ходатайствовати о них. Таков³⁴⁸³ убо нам подобаше архиерей, преподобен, незлобив, бессквернен и отлучен от грешник, и выше нас быв, иже не имать по вся нужду, якоже³⁴⁸⁴ первосвященницы прежде о своих гресех жертву приносити, потом же о людских. Сие бо сотвори единою Себе принес, закон бо человеки поставляет первосвященника, имущая немощь, слово же клятвенное, еже по законе Сына вовеки совершена. Глава³⁴⁸⁵ же о глаголемых такова, имамы первосвященника, иже седе одесную (л. 684 об.)³⁴⁸⁶ престола величествия на небесех, святым служитель, и скинии истинней, яже сооружи Господь, а не человек. Всяк³⁴⁸⁷ бо первосвященник, воеже приносити дары же и жертвы, поставляем бывает. Тем же потреба имети, что к сему, еже принесет. Аще убо был на земли, не бы убо был Первосвященник сущим священником, приносящим по закону дары, иже образом истинни служат небесных. Якоже глаголано бысть Моисею, хотящу сотворити скинию: Виждь³⁴⁸⁸ бо, рече, и сотвориши вся по образу, показаному на горе. Ныне же лучше улучи служение, поелику (л. 685)³⁴⁸⁹ и болшаго есть ходатай, иже на лучша обетования взаконися. Аще³⁴⁹⁰ бо первый закон непорочен был, не бы второму искалось место. Укоряя бо их, глаголет: Се дние грядут, глаголет Господь, совершу на дом Израилев и на дом Июдов завет нов. Не по завету, его же сотворих отцем их в день, в онь же емшу Ми их за руку извести их от земли Египетския, зане тии не пребыша в завете Моем. И Аз не радих о онех, глаголет Господь, яко сей завет, его же завещаю дому Израилеву. По онех днех, глаголет Господь³⁴⁹¹, даяй законы Моя в мыслех их и на сердцах их, напишу их и буду им Бог, (л. 685 об.)³⁴⁹² и тии будут Мне людие. И не имать научити коегождо искренняго Своего и койждо брата своего, глаголя: Познай Господа, яко вси уведят Мя от мала даже и до велика, зане молити буду о неправдах их и грехи их и беззакония их не имам помянути к Тому.

Имеяше³⁴⁹³ бо первая скиния, оправдания службы, святое же людское. Скиния бо сооружена бысть первая, в ней же светилник и трапеза и предложение хлебом, яже глаголется «святая». По вторей же завесе скиния глаголемая «святая святых», злату имущи кадилницу и ковчег завету окован всюду златом. В нем же стамна зала, имущая манну (л. 686)³⁴⁹⁴ и жезл Ааронов прозябший³⁴⁹⁵ и скрижали Завета. Превыше же ея херувимы славы, осеняющии олтарь. О них же несть ныне глаголати подробну. Сим же тако устроеном, в первую убо скинию, в ну вхождаху священницы, службы совершающе. Во³⁴⁹⁶ вторую же единою в лето, един архиерей, не бес крове, юже приносит за себе и о людских согрешениих.

Се³⁴⁹⁷ являющу Духу Святому, яко не уявися святых путь, еще первей скинии имущей стояние, ей же притча во время настоящее утвердися, в ней же дары и жертвы приносятся, не могуща по совести совершити служащих, (л. 686 об.)³⁴⁹⁸ точию на брашна и пития и различных омовениих и оправданиих плоти, и даже до времени исправления належащая.

Христос³⁴⁹⁹ же пришед Архиерей грядущих благ болшею и совершеннейшею скиниею нерукотвореною, сиречь не сею тварию, ни кровию козлию, ни телчею, но Своею кровию вниде единою во святая, вечное избавление сотворив.

Аще³⁵⁰⁰ бо кровь козлия и телчая и пепел юнчий кропящий оскверненая освящает к плотней чистоте, колми³⁵⁰¹ паче кровь Христова, иже Духом Святым Себе принесе непорочна к Богу, не очистит ли совесть нашу от мертвых дел? (л. 687)³⁵⁰² Воеже служити нам Богу живу и истину, и сего ради Нову Завету Ходатай есть.

Глава 10. Зачало 323.

Сень³⁵⁰³ бо имый закон грядущих благ, а не самый образ вещей на вся лета теми жертвами, их же приносят выну, яже никогда же могут приступающих совершити, понеже престали бы убо быша приносимы, заеже ни едину имети еще совесть о гресех, служащим единою очищеном, но всих воспоминание грехом есть на коеждо лето. Невозможно³⁵⁰⁴ бо крови юнчи и козли отпущати грехи. Тем же входя в мир, глаголет: Жертву³⁵⁰⁵ и приношение (л. 687 об.)³⁵⁰⁶ не восхоте, тело же соверши Ми еси, всесожжения и о гресех не взыскал еси. Тогда рех: Се прииду, в главизне книжней пишется о Мне, яко сотворити волю Твою, Боже. Выше глаголя, яко жертву и приношение, и всесожигаемых о гресех не восхотел еси, ни благоволил еси яже по закону приносятся. Тогда рече: Се прииду сотворити волю Твою, Боже мой. Отъемлет первое да второе поставит. Оней же воли освящени есмы, приношением тела Иисус Христова единою и всяк, убо священник стоит на всяк день служба и тыя же множицею принося жертвы, яже никогда же (л. 688)³⁵⁰⁷ могут отъяти грехи. Он же единою о гресех принес Жертву, внегда седит одесную Бога³⁵⁰⁸, прочее ожидая, дондеже³⁵⁰⁹ положатся врази Его подножие ногама Его. Единем бо приношением совершил есть в ну освящаемых. Свидетельствует же и Дух Святый по реченому прежде: Сей³⁵¹⁰ Завет, Его же завещаю к ним, по днех онех глаголет Господь: Дая законы Моя на сердца их и в помышлениих их напишу их. Таже глаголет Господь: Грехи их и беззакония их не имам помянути к Тому. А идеже отпущение сих, к Тому несть приношения о гресех. Отвергся³⁵¹¹ кто закона Моисеова, без милосердия (л. 688 об.)³⁵¹² при двою или при триех свидетелех умирает. Колице³⁵¹³ Ми горшей сподобитися муце, иже Сына Божия поправый и кровь за верную скверну возмнив, в ней же освятися и дух благодати укорив. Вем³⁵¹⁴ бо рекшаго: Мне отмщение, Аз воздам, глаголет Господь. И паки: Яко судит Господь людем Своим, страшно еже впасти в руце Бога жива.

Не отложите убо дерзновения вашего, еже имать мздовоздаяние велико, терпение бо имати потребу, да волю Божию сотворше, приимете обетование. И³⁵¹⁵ еще бо в мале елико, елико приидет и не закоснит, а праве(л. 689)дный³⁵¹⁶ же от веры жив будет, и аще же обинется, не благоволит душа Моя о нем. Мы же, братия, несмы обиновения в погибель, но вере в снабдение душы.

Есть же вера уповаемым извещение, вещем обличение невидимым, в сей бо свидетельствовани быша древнии. Верою³⁵¹⁷ разумеваем совершитися веком глаголом Божиим, воеже от невидимых видимая бывша. Верою³⁵¹⁸ множайшу жертву Авель паче Каина принесе Богу. Ею же свидетельствован бысть быти праведник, свидетелствующу о дарех его Богу и тоя ради и умре. И еще глаголется: (л. 689 об.)³⁵¹⁹ Верою³⁵²⁰ Енох преложися не видети смерти и не обреташеся, зане преложи его Бог. Прежде бо преложения его, свидетельствован бысть, угодив Богу. Без веры же невозможно угодити Богу, веровати же подобает приходящим к Богу, яко есть и взыскающим Его мздовоздаятель бывает. Верою³⁵²¹ ответ приим Ное, о них же не убо видев и убояся сотвори ковчег во спасение дому своему, им же осуди весь мир, и яже по вере правды бысть наследник.

Верою зовом Авраам, послуша изыти на место, еже хотяше прияти в на(л. 690)следие³⁵²² и изыде, не ведый, камо грядет.

Верою прииде Авраам на землю обетования, якоже на чюжду, в кровы вселися со Исааком и Ияковом, с наследникома обетования тогожде. Ждаше бо основание имущаго града, ему же художник и содетель Бог.

Верою³⁵²³ и сама Сарра неплоды силу вложенаго семени прият и паче времени возраста роди, понеже верна непщева обетовавшаго. Тем же от единаго родишася всем, да еще умерщвленаго телом, якоже звезды небесныя множеством и якоже песок морский вскрай моря безчислени. (л. 690 об.)³⁵²⁴ По вере умроша вси, не приемше обетования, но издалече видевше я, и возлюбивше и исповедавше, яко странии и пришелцы суть на земли. Ибо таковая глаголющии являются, яко отечествия взыскуют и аще она помняху, от них же изыдоша, имели убо быша время возвратитися. Ныне же лутчаго желают, сиречь небеснаго, тем же не стыдится сими Бог, Бог нарицатися им, уготова бо им град.

Верою Авраам Исаака искушаем и единороднаго приношаше, обетования приемый³⁵²⁵, к нему же глаголано бысть, яко о Исааце наре(л. 691)чет³⁵²⁶ ти ся семя, помыслив, яко и из мертвых воскресити силен есть Бог тем же, Кого и в притчи прият.

Верою³⁵²⁷ и о грядущих благослови Исаак Иякова и Исава. Верою³⁵²⁸ Ияков умираше коегождо сына Иосифова благослови и поклонися на конец жезла его. Верою³⁵²⁹ Иосиф умирая, о исхождении сынов Израилевых памятствована и о костех своих заповеда. Верою³⁵³⁰ Моисей родився сокровен бысть три месяцы от отец своих³⁵³¹, зане видеша красно отроча и не убояшася повеления царева. Верою³⁵³² Моисей велик бысть, отвержеся нарицатися сын дщери фараоновы, паче же изволи страдати с людьми Божиими, (л. 691 об.)³⁵³³ нежели имети временнаго греха сладость. Болшее богатство вменив египетских сокровищ поношение Христово, взираше бо на мздовоздаяние. Верою остави Египта, не убояся ярости царевы, Невидимаго бо яко видя терпяше. Верою³⁵³⁴ сотвори Пасху и пролитие крови, да не погубляяй перворожденая, коснется им. Верою³⁵³⁵ преидоша Чермное море аки по сусе земли, ему же искушение приемше, египтяне истопишася. Верою³⁵³⁶ стены Иерихонския падоша обхождением седмих днех. Верою Раав блудная не погибе с сопротивлшимися, приимши сходники (л. 692)³⁵³⁷ с миром и иным путем изведши. И что еще глаголю? Не достанет бо ми, повествующу лето, о Гедеоне³⁵³⁸, Вараце же и Самсоне, Иеффаи, о Давиде же и Самуиле и о других пророцех, иже верою победиша царьствия, содеяша правду, получиша обетования. И прочее.

Тем³⁵³⁹ же убо и мы, толик имуще облежащ нас облак свидетелей, гордость всяку отложше и удобь обстоятелный грех.

Блюдите³⁵⁴⁰ же и не отрицайтеся глаголющаго, аще бо не избежаше оньи, отрекшися пророчествующа на земли множае паче мы, отрицающе Небеснаго. Его же глас землю тогда поколеба, (л. 692 об.)³⁵⁴¹ ныне же обетова, глаголя: Яко еще единою Аз потрясу не токмо землею, но и небом. А еже единою еще потрясу, сказует колеблемых преложение, аки сотвореном да пребудет, яже суть неподвижимая.

Тем же царьство непоколеблемо, приемлюще имамы благодать, ею же служим благоугодно Богу со благоговением и страхом. Ибо Бог³⁵⁴² наш огнь поядаяй есть.

Поминайте³⁵⁴³ наставники ваша, иже глаголаша вам слово Божие, их же взирающе не скончание жителства, подражайте веку их, Иисус Христос вчера и днесь, той же и вовеки. В научения странна (л. 693)³⁵⁴⁴ и различна не прилагайтеся, добро бо благодатию извещевати и утверждати сердца, а не брашны. От них же не прияша ползу ходившеи в них. Имамы же олтарь, от него же не имут власть ясти служащыи сени. Их³⁵⁴⁵ же бо кровь животных вносится во святая за грехи первосвященником. Сих телеса сожигаются вне стана. Тем же и Христос да освятит люди Своею кровию, вне врат пострадати изволи. Тем же убо да исходим к Нему вне стана, поношение Его носяще, не³⁵⁴⁶ имамы бо зде пребывающаго града, но грядущаго взыскуем. Тем убо приносим жертву хваления (л. 693 об.)³⁵⁴⁷ выну Богу, сиречь плод устен исповедающеся³⁵⁴⁸ имени Его. Благотоврения же и общения не забывайте, таковыми бо жертвами угождати Богу.

И се зде Божиею помощию вся свидетельства совершишася, аще и не по ряду зде положено бысть. Ум имея, да разумеет.

Разсмотри³⁵⁴⁹, богоборче и истиноборче, повсюду Писание со свидетельствы писаное, а не без свидетельства, якоже ты, самоумне, написал Уложеную книгу без всякаго свидетельства.

Написа евангелист Матфей о родстве Господа нашего Иисуса Христа, глаголя не самоумне, ни без свидетельства, (л. 694)³⁵⁵⁰ но сице рече: Книга родства Иисус Христова, сына Давидова, Сына Авраамля, и прочее. Такожде же и прочии евангелисти и елика о благовещении ко Пресвятей Богородицы, и елико о рождестве Господа нашего Иисус Христа, и елико от Иродова убийства бежании во Египет и паки от Египта отхождении в землю Израилеву, и елико о избиении младенцов Христа ради от Ирода, и елика о Иоанне Крестителе, и елико той о Христе пророчествова, и елико о Христе крещении и Духа Святаго над Него сшествии, и елико о искушении Христове от диавола, и елико о учении Христове и о заповедях Его (л. 694 об.)³⁵⁵¹ и о чюдесех Его, и елико Христово свидетельство Самаго о Себе, яко с небесе снидох, и елико о зависти жидовстей на Христа и о лжесвидетельстве жидовском и о неправеднем суде Иродове же и о Пилатове, и о поругании на Христа от жидов и от слуг, и о предании на пропятие³⁵⁵², и о распятии Христове, и о погребении, и о воскресении, и по воскресении о явлении ко учеником, и о вознесении, и о обещании послания Святаго Духа от Отца, и о втором Христове пришествии, и елико самаго Христа Бога ко святым Его учеником и апостолом поучении и заповедех уверял все от Писания, якоже се: (л. 695)³⁵⁵³ Не тако ли писано есть, яко подобает пострадати Христу и воскреснути в третий день.

Кто же ли праведнее во пророцех паче Иоанна Предтечи, о нем же сам Христос свидетельствова³⁵⁵⁴: Чесо изыдосте видети? Пророка ли? Ей, глаголю, и лишше пророка сей бо есть. О нем же писано: Се Аз посылаю ангела Моего пред лицем Твоим, иже уготовит путь Твой пред Тобою. Аминь, глаголю вам, не воста в рожденых болий Иоанна Крестителя. И по мале: И³⁵⁵⁵ аще хощете прияти, той есть Илия, хотяй приити. Имеяй уши слышати, да слышит, якоже богословец Иоанн глаголет о нем³⁵⁵⁶. (л. 695 об.)³⁵⁵⁷ Иоанн свидетельствует о Нем: И воззва, глаголя: сей бе, Его же рех, иже по мне грядый, предо мною бысть, иже первее мене бе. И от исполнения Его мы вси прияхом и благодать во благодать, яко закон Моисеом дан бысть, благодать и истина Иисус Христом бысть.

(л. 696)³⁵⁵⁸ Такожде и к пославшым от жидов от Иерусалима иерея и левиты да вопросят Его: Ты кто еси? И исповеда и не отвержеся и исповеда, яко несмь Аз Христос. И по мале рече: Аз³⁵⁵⁹ глас вопиющаго в пустыни: исправисте путь Господень, якоже рече Исаиа.

Кто же ли вернее и крепчее паче Петра верховнаго, иже прежде всех исповеда Христа Сына Божия, о нем же сам Христос свидетельствова, якоже пишется: Воззрев³⁵⁶⁰ нань Иисус и рече: Ты еси Сомин, сын Ионин, ты наречешися Кифа, еже сказуется Петр. И паки инде рече: Блажен еси Симоне, сын Ионин, яко плоть не яви тебе, но Отец Мой, (л. 696 об.)³⁵⁶¹ иже на небесех. И Аз же тебе глаголю: Яко³⁵⁶² ты еси Петр и на сем камени созижду Церковь Мою, и врата адова не удолеют Ей. И дам ти ключа Царьствия Небеснаго и еже аще свяжеши на земли, будет связано на небеси, и еже аще разрешиши на земли, будет разрешено на небеси. То ни сей что може без свидетельства писати о Христе ко июдеом, глаголя³⁵⁶³, зане писано есть в Писании: Се полагаю в Сионе Камень краеуголен избран честне. И веруяй в Онь, не постыдится. И прочее. И паки рече, зане писано есть³⁵⁶⁴: Святи будете, яко Аз свят есмь. И прочее.

1 2 3 4 5 6 7 8 9 10 11 ... 13 14 15 16 17 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

³³³⁰ На левом поле листа помета: 1 Кор. 78; Матф. 5; 5 Моис. 24.

³³³¹ На левом поле листа помета: к Рим. 6; 1 Моис. 2.

³³³² На левом поле листа помета: 1 Кор. 9.

³³³³ На верхнем поле листа киноварная помета: на 26-й вопрос и ответ.

³³³⁴ На правом поле листа помета: 5 Моис. 25; 1 Тим. 5.

³³³⁵ На правом поле листа помета: 5 Моис. 18.

³³³⁶ На правом поле листа помета: 1 Кор. 10.

³³³⁷ На правом поле листа помета: 2 Моис. 13; 4 Моис. 9; 2 Моис. 14.

³³³⁸ На правом поле листа помета: 2 Моис. 16.

³³³⁹ На верхнем поле листа киноварная помета: 26-е возражение.

³³⁴⁰ На левом поле листа помета: Псалом 77; 4 Моис. 11; Мудр. 16; Иоан. 6.

³³⁴¹ На левом поле листа помета: 2 Моис. 17; 4 Моис. 20; Псалом 77 и 104; 4 Моис. 6; 4 Моис. 11 и 26; Псалом 106; 2 Моис. 32.

³³⁴² На левом поле листа помета: 4 Моис. 25.

³³⁴³ На верхнем поле листа киноварная помета: на 26-й вопрос и ответ.

³³⁴⁴ На правом поле листа помета: 4 Моис. 21; Псалом 106; 4 Моис. 14.

³³⁴⁵ На правом поле листа помета: 1 Кор. 10; Сирах 37.

³³⁴⁶ На правом поле листа помета: Псалом 23.

³³⁴⁷ На верхнем поле листа киноварная помета: 26-е возражение.

³³⁴⁸ На левом поле листа помета: Псалом 23.

³³⁴⁹ На левом поле листа помета: 1 Кор. 11.

³³⁵⁰ На левом поле листа помета: 1 Моис. 1; Колос. 3; 1 Моис. 6.

³³⁵¹ На левом поле листа помета: Матф. 18; 1 Кор. 14.

³³⁵² На левом поле листа помета: Исаия 28.

³³⁵³ На верхнем поле листа киноварная помета: на 26-й вопрос и ответ.

³³⁵⁴ На правом поле листа помета: 1 Кор. 14.

³³⁵⁵ На правом поле листа помета: 1 Кор. 14; 1 Тим. 2.

³³⁵⁶ На правом поле листа помета: 1 Моис. 3.

³³⁵⁷ На верхнем поле листа киноварная помета: 26-е возражение.

³³⁵⁸ На левом поле листа помета: 5 Кор. 15; Колос. 1; Апокал. 1.

³³⁵⁹ На левом поле листа помета: 1 Сол. 4.

³³⁶⁰ На левом поле листа помета: Псалом 109; Деян. 6; Евреом 1; Псалом 8; Евреом 2.

³³⁶¹ На верхнем поле листа киноварная помета: на 26-й вопрос и ответ.

³³⁶² На правом поле листа помета: 1 Кор. 15; Исаия 22; Мудр. 2.

³³⁶³ На правом поле листа помета: 1 Кор. 15.

³³⁶⁴ На правом поле листа помета: 1 Кор. 15; Иосия 3.

³³⁶⁵ На верхнем поле листа киноварная помета: 26-е возражение.

³³⁶⁶ На левом поле листа помета: Исаия 25.

³³⁶⁷ На левом поле листа помета: 2 Кор. 4.

³³⁶⁸ На левом поле листа помета: 1 Моис. 1.

³³⁶⁹ На верхнем поле листа киноварная помета: на 26-й вопрос и ответ.

³³⁷⁰ На правом поле листа помета: 2 Кор. 4; Псалом 115.

³³⁷¹ На правом поле листа помета: 2 Кор. 6.

³³⁷² На правом поле листа помета: 2 Кор. 8.

³³⁷³ На правом поле листа помета: 2 Моис. 6.

³³⁷⁴ На верхнем поле листа киноварная помета: 26-е возражение.

³³⁷⁵ На левом поле листа помета: к Рим. 12; Сирах 35; 2 Кор.

³³⁷⁶ На левом поле листа помета: Псалом 111.

³³⁷⁷ На левом поле листа помета: 2 Кор. 11.

³³⁷⁸ На верхнем поле листа киноварная помета: на 26-й вопрос и ответ.

³³⁷⁹ На правом поле листа помета: 1 Моис. 3.

³³⁸⁰ На правом поле листа помета: Гал. 2; 5 Моис. 10; 2 Парал. 19; Иов 34; Деян. 10; к Рим. 2.

³³⁸¹ На правом поле листа помета: Гал. 3.

³³⁸² На верхнем поле листа киноварная помета: 26-е возражение.

³³⁸³ На левом поле листа помета: Гал. 3.

³³⁸⁴ На левом поле листа помета: Гал. 3.

³³⁸⁵ На левом поле листа помета: 1 Моис. 12.

³³⁸⁶ На верхнем поле листа киноварная помета: на 26-й вопрос и ответ.

³³⁸⁷ На правом поле листа помета: 2 Моис. 12.

³³⁸⁸ На правом поле листа помета: Гал. 3; Ияков 2.

³³⁸⁹ На правом поле листа помета: к Рим. 1; Евреом 10.

³³⁹⁰ На правом поле листа помета: 3 Моис. 8.

³³⁹¹ На правом поле листа помета: Гал. 3.

³³⁹² На правом поле листа помета: 5 Моис. 20.

³³⁹³ На правом поле листа помета: Гал. 3; Евреом 9.

³³⁹⁴ На верхнем поле листа киноварная помета: 26-е возражение.

³³⁹⁵ На левом поле листа помета: Гал. 4.

³³⁹⁶ На левом поле листа помета: 1 Моис. 16.

³³⁹⁷ На левом поле листа помета: 1 Моис. 21.

³³⁹⁸ На верхнем поле листа киноварная помета: на 26-й вопрос и ответ.

³³⁹⁹ На правом поле листа помета: Гал. 4; к Рим. 9.

³⁴⁰⁰ На правом поле листа помета: 1 Моис. 20.

³⁴⁰¹ На верхнем поле листа киноварная помета: 26-е возражение.

³⁴⁰² На левом поле листа помета: Гал. 4.

³⁴⁰³ На левом поле листа помета: 3 Моис. 198; Матф. 5; Марк 12; к Рим. 13; Ияков 2 и 4.

³⁴⁰⁴ На левом поле листа помета: Ефес. 4.

³⁴⁰⁵ На левом поле листа помета: Малах. 2.

³⁴⁰⁶ На верхнем поле листа киноварная помета: на 26-й вопрос и ответ.

³⁴⁰⁷ На правом поле листа помета: Ефес. 4; к Рим. 2.

³⁴⁰⁸ На правом поле листа помета: 1 Кор. 12; 2 Кор. 10; Псалом 67.

³⁴⁰⁹ На правом поле листа помета: Ефес. 5.

³⁴¹⁰ На правом поле листа помета: к Рим. 12; 1 Сол. 4.

³⁴¹¹ На правом поле листа помета: Ефес. 5.

³⁴¹² На верхнем поле листа киноварная помета: 26-е возражение.

³⁴¹³ На левом поле листа помета: Ефес. 6; 1 Моис. 2; Матф. 19; Марк 10; 1 Кор. 6.

³⁴¹⁴ На левом поле листа помета: Колос 3.

³⁴¹⁵ На левом поле листа помета: 2 Моис. 20; 5 Моис. 5; Сирах 7.

³⁴¹⁶ На верхнем поле листа киноварная помета: на 26-й вопрос и ответ.

³⁴¹⁷ На правом поле листа помета: Ефес. 6; Колос. 3; Тит. 2; 1 Петр 2.

³⁴¹⁸ На правом поле листа помета: Моис. 5; 2 Парал. 19; Иов 34; Мудр. 6; Сирах 35; Деян. 10; к Рим. 2; Галат. 2; Колос. 3; 1 Петр 1.

³⁴¹⁹ На правом поле листа помета: Колос. 3; 1 Моис. 2, 5 и 9.

³⁴²⁰ На верхнем поле листа киноварная помета: 26-е возражение.

³⁴²¹ На левом поле листа помета: 1 Сол. 5; Матф. 24; 2 Петр 3; Апокалип. 3 и 12.

³⁴²² На левом поле листа помета: Исаия 59; Ефес. 6.

³⁴²³ На левом поле листа помета: 2 Ефес. 1; Матф. 24; Марк 13; Лук. 21.

³⁴²⁴ На верхнем поле листа киноварная помета: на 26-й вопрос и ответ.

³⁴²⁵ На правом поле листа помета: Исаия 11.

³⁴²⁶ На правом поле листа помета: 1 Тим. 2.

³⁴²⁷ На верхнем поле листа киноварная помета: 26-е возражение.

³⁴²⁸ На левом поле листа помета: Езек. 18 и 33.

³⁴²⁹ На левом поле листа помета: 1 Петр 3.

³⁴³⁰ На левом поле листа помета: 1 Моис. 1; 1 Моис. 3.

³⁴³¹ На левом поле листа помета: Тит 1.

³⁴³² На верхнем поле листа киноварная помета: на 26-й вопрос и ответ.

³⁴³³ На правом поле листа помета: к Рим. 16; Ефес. 3; Колос. 1; 2 Тим. 1; 1 Петр 2; Галат. 1.

³⁴³⁴ На правом поле листа помета: Евреом 1.

³⁴³⁵ На верхнем поле листа киноварная помета: 26-е возражение.

³⁴³⁶ На левом поле листа помета: Псалом 2, ниже 5; 2 Царств 7.

³⁴³⁷ На левом поле листа помета: 1 Парал. 22.

³⁴³⁸ На левом поле листа помета: Псалом 103.

³⁴³⁹ На левом поле листа помета: Псалом 44.

³⁴⁴⁰ На верхнем поле листа киноварная помета: на 26-й вопрос и ответ.

³⁴⁴¹ На правом поле листа помета: Евреом 1; Псалом 101.

³⁴⁴² На правом поле листа помета: Псалом 109; Евреом 1.

³⁴⁴³ На правом поле листа помета: Евреом 2.

³⁴⁴⁴ На правом поле листа помета: ниже.

³⁴⁴⁵ На правом поле листа помета: Псалом 8.

³⁴⁴⁶ На верхнем поле листа киноварная помета: 26-е возражение.

³⁴⁴⁷ На левом поле листа помета: Матф. 28.

³⁴⁴⁸ На левом поле листа помета: Иоан. 17.

³⁴⁴⁹ На левом поле листа помета: Филип. 2.

³⁴⁵⁰ На левом поле листа помета: Евреом 2.

³⁴⁵¹ На верхнем поле листа киноварная помета: на 26-й вопрос и ответ.

³⁴⁵² На правом поле листа помета: Псалом 21; Иоан. 8.

³⁴⁵³ На правом поле листа помета: Псалом 17.

³⁴⁵⁴ На правом поле листа помета: Исаия 8.

³⁴⁵⁵ На правом поле листа помета: Евреом 3.

³⁴⁵⁶ На правом поле листа помета: 4 Моис. 12.

³⁴⁵⁷ На правом поле листа помета: 4 Моис. 12.

³⁴⁵⁸ На верхнем поле листа киноварная помета: 26-е возражение.

³⁴⁵⁹ На левом поле листа помета: Псалом 94.

³⁴⁶⁰ На левом поле листа помета: Евреом 4.

³⁴⁶¹ На левом поле листа помета: Псалом 94.

³⁴⁶² На верхнем поле листа киноварная помета: на 26-й вопрос и ответ.

³⁴⁶³ На правом поле листа помета: Псалом 94.

³⁴⁶⁴ На верхнем поле листа киноварная помета: 26-е возражение.

³⁴⁶⁵ На левом поле листа помета: Евреом 4.

³⁴⁶⁶ На левом поле листа помета: Евреом 4.

³⁴⁶⁷ На левом поле листа помета: Евреом 5.

³⁴⁶⁸ На левом поле листа помета: Псалом 2, выше 1.

³⁴⁶⁹ На левом поле листа помета: Псалом 109, и ниже 6.

³⁴⁷⁰ На верхнем поле листа киноварная помета: на 26-й вопрос и ответ.

³⁴⁷¹ На правом поле листа помета: Евреом 6.

³⁴⁷² На правом поле листа помета: 1 Моис. 12 и 17 и 21.

³⁴⁷³ На правом поле листа помета: Псалом 104.

³⁴⁷⁴ На верхнем поле листа киноварная помета: 26-е возражение.

³⁴⁷⁵ На левом поле листа помета: Лук. 1.

³⁴⁷⁶ На левом поле листа помета: Псалом 109; выше 5.

³⁴⁷⁷ На верхнем поле листа киноварная помета: на 26-й вопрос и ответ.

³⁴⁷⁸ На правом поле листа помета: Евреом 7.

³⁴⁷⁹ На правом поле листа помета: Псалом 109, выше 5.

³⁴⁸⁰ На верхнем поле листа киноварная помета: 26-е возражение.

³⁴⁸¹ На левом поле листа помета: Евреом 7.

³⁴⁸² На верхнем поле листа киноварная помета: на 26-й вопрос и ответ.

³⁴⁸³ На правом поле листа помета: Евреом 7.

³⁴⁸⁴ На правом поле листа помета: 3 Моис. 16.

³⁴⁸⁵ На правом поле листа помета: Евреом 8.

³⁴⁸⁶ На верхнем поле листа киноварная помета: 26-е возражение.

³⁴⁸⁷ На левом поле листа помета: Евреом 8.

³⁴⁸⁸ На левом поле листа помета: 2 Моис. 25.

³⁴⁸⁹ На верхнем поле листа киноварная помета: на 26-й вопрос и ответ.

³⁴⁹⁰ На правом поле листа помета: Иерем. 31 и 32 и 33; к Рим. 11; ниже 10.

³⁴⁹¹ На правом поле листа помета: Иерем. 24 и 31.

³⁴⁹² На верхнем поле листа киноварная помета: 26-е возражение.

³⁴⁹³ На левом поле листа помета: Евреом 9; 2 Моис. 26.

³⁴⁹⁴ На верхнем поле листа киноварная помета: на 26-й вопрос и ответ.

³⁴⁹⁵ На правом поле листа помета: 4 Моис. 17; 3 Царств 8; 2 Парал. 5; 2 Моис. 257.

³⁴⁹⁶ На правом поле листа помета: 2 Моис. 30; 3 Моис. 16.

³⁴⁹⁷ На правом поле листа помета: Евреом 9.

³⁴⁹⁸ На верхнем поле листа киноварная помета: 26-е возражение.

³⁴⁹⁹ На левом поле листа помета: Евреом 9.

³⁵⁰⁰ На левом поле листа помета: 3 Моис. 16; 4 Моис. 19.

³⁵⁰¹ На левом поле листа помета: 1 Петр 1; 1 Иоан. 1; Апокал. 1.

³⁵⁰² На верхнем поле листа киноварная помета: на 26-й вопрос и ответ.

³⁵⁰³ На правом поле листа помета: Евреом 10; 3 Моис. 16.

³⁵⁰⁴ На правом поле листа помета: 3 Моис. 16.

³⁵⁰⁵ На правом поле листа помета: Псалом 39.

³⁵⁰⁶ На верхнем поле листа киноварная помета: 26-е возражение.

³⁵⁰⁷ На верхнем поле листа киноварная помета: на 26-й вопрос и ответ.

³⁵⁰⁸ На правом поле листа помета: Псалом 109.

³⁵⁰⁹ На правом поле листа помета: 1 Кор. 15.

³⁵¹⁰ На правом поле листа помета: Иерем. 31; к Рим. 12.

³⁵¹¹ На правом поле листа помета: 5 Моис. 17 и 19.

³⁵¹² На верхнем поле листа киноварная помета: 26-е возражение.

³⁵¹³ На левом поле листа помета: Матф. 18; Иоан. 8; 2 Кор. 13.

³⁵¹⁴ На левом поле листа помета: 5 Моис. 31; к Рим. 12.

³⁵¹⁵ На левом поле листа помета: Аввак. 3; к Рим. 1; Галат. 3; Аввак. 2.

³⁵¹⁶ На верхнем поле листа киноварная помета: на 26-й вопрос и ответ.

³⁵¹⁷ На правом поле листа помета: 1 Моис. 1.

³⁵¹⁸ На правом поле листа помета: 1 Моис. 4.

³⁵¹⁹ На верхнем поле листа киноварная помета: 26-е возражение.

³⁵²⁰ На левом поле листа помета: 1 Моис. 5; Сирах 44 и 45.

³⁵²¹ На левом поле листа помета: 1 Моис. 6; Сирах 44.

³⁵²² На верхнем поле листа киноварная помета: на 26-й вопрос и ответ.

³⁵²³ На правом поле листа помета: 1 Моис. 17 и 21.

³⁵²⁴ На верхнем поле листа киноварная помета: 26-е возражение.

³⁵²⁵ На левом поле листа помета: 1 Моис. 21; к Рим. 9.

³⁵²⁶ На верхнем поле листа киноварная помета: на 26-й вопрос и ответ.

³⁵²⁷ На правом поле листа помета: 1 Моис. 27 и 36.

³⁵²⁸ На правом поле листа помета: 1 Моис. 36.

³⁵²⁹ На правом поле листа помета: 1 Моис. 8.

³⁵³⁰ На правом поле листа помета: 2 Моис. 2.

³⁵³¹ На правом поле листа помета: Деян. 7.

³⁵³² На правом поле листа помета: 2 Моис. 1.

³⁵³³ На верхнем поле листа киноварная помета: 26-е возражение.

³⁵³⁴ На левом поле листа помета: 2 Моис. 12.

³⁵³⁵ На левом поле листа помета: 2 Моис. 14.

³⁵³⁶ На левом поле листа помета: Иисус Наввин 6.

³⁵³⁷ На верхнем поле листа киноварная помета: на 26-й вопрос и ответ.

³⁵³⁸ На правом поле листа помета: Судии 6; Судии 4; Судии 13; Судии 11 и 187.

³⁵³⁹ На правом поле листа помета: Евреом 12; к Рим. 6; Колос. 3.

³⁵⁴⁰ На правом поле листа помета: Евреом 12.

³⁵⁴¹ На верхнем поле листа киноварная помета: 26-е возражение.

³⁵⁴² На левом поле листа помета: 5 Моис. 4.

³⁵⁴³ На левом поле листа помета: ко Евреом 13.

³⁵⁴⁴ На верхнем поле листа киноварная помета: на 26-й вопрос и ответ.

³⁵⁴⁵ На правом поле листа помета: 3 Моис. 6 и 16.

³⁵⁴⁶ На правом поле листа помета: Михеиа 2.

³⁵⁴⁷ На верхнем поле листа киноварная помета: 26-е возражение.

³⁵⁴⁸ На левом поле листа помета: Иосия 14.

³⁵⁴⁹ На левом поле листа помета в виде четыречконечного креста с надписью «Иисус Христос НИКА» и слова: зде прочитай, от перваго креста прешед.

³⁵⁵⁰ На верхнем поле листа киноварная помета: на 26-й вопрос и ответ.

³⁵⁵¹ На верхнем поле листа киноварная помета: 26-е возражение.

³⁵⁵² Так в ркп.

³⁵⁵³ На верхнем поле листа киноварная помета: на 26-й вопрос и ответ.

³⁵⁵⁴ На правом поле листа помета: Матф. 11; Марк 1; Малах. 3; Лук. 7.

³⁵⁵⁵ На правом поле листа помета: Малахии 4.

³⁵⁵⁶ На правом поле листа помета: Еванг. Иоан. 1.

³⁵⁵⁷ На верхнем поле листа киноварная помета: 26-е возражение.

³⁵⁵⁸ На верхнем поле листа киноварная помета: на 26-й вопрос и ответ.

³⁵⁵⁹ На правом поле листа помета: Исаия 40.

³⁵⁶⁰ На правом поле листа помета: Иоан. 1.

³⁵⁶¹ На верхнем поле листа киноварная помета: 26-е возражение.

³⁵⁶² На левом поле листа помета: Матф. 16.

³⁵⁶³ На левом поле листа помета: 1 Петр 2; Исаия 29.

³⁵⁶⁴ На левом поле листа помета: 3 Моис. 11.

Домашняя страница
священника Владимира Кобец