ВОЗРАЖЕНИЕ, ИЛИ РАЗОРЕНИЕ СМИРЕНАГО НИКОНА ... (26-17)

Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы¹

глаголеши: Всего злее преступати крестное целование. А еже Божия заповеди преступати, несть ли зло? Ей, Господу засвидетельствующу: Не кленитеся ни небом, ни землею, ово убо есть престол Божий, якоже небо, ово же, яко подножие ног Его, еже есть земля. Ты же, оставив долная, превыше небес взыде. Кленыйся, рече, Церковию, кленется и Живущим в ней, кленыйся святым Крестом, кленется и Распятым на нем. Не иже ли обезчестив (л. 841)⁴⁰⁰⁵ Крест, обезчестил и Распятаго на нем?

Пишешь в первей главе в 1 статье: Будет кто руской человек возложит хулу на Господа Бога и Спаса нашего Иисуса Христа или на рождьшую Его Пречистую Владычицу нашу Богородицу и Приснодеву Марию или на Честный Крест и на святых угодников Его, и того богохулника, обличив, казнити, зжечь. И что есть болше, еже чрез Божественую заповедь законы иныя полагати? Самому Богу засвидетельствующу: К Тому ни на суде чай уже что ино отвещати, но слово рече, еже засвидетельствовах, то судит вы в день Судный.

И божественный апостол утверждает, глаголя: (л. 841 об.)⁴⁰⁰⁶ Инаго основания никто же может положити, паче лежащаго основанаго пророки и апостолы. И аще ангел благовестит паче, еже приясте, проклят да будет.

И во 2-й главе в 1-й статье пишешь: Кто на царьское величество помыслит, смертию казнить. А ты не помыслил на Бога, но и сотворил лукавство.

И в 3 главе в 3-й статье: Будет кто при царьском величестве⁴⁰⁰⁷ вымет саблю или иное какое оружие и кого убьет или ранит, и тех смертию казнить. А будет и не ранит, и тому рука отсечь.

А иже бы царьское оружие подвиг кто не в честь, (л. 842)⁴⁰⁰⁸ но на безчестие, коликих мук достоит? А коль паче небеснаго Царя оружие не в честь употребил еси, мучен будет.

Паки пишешь: Се бо видев Захариа пророк сходящ серп огнян с небесе на землю. И вопроси: Что есть, Господи, серп сей? И рече: Гнев Божий есть. Посылается на тех, иже ходят на криве к роте, да поженет пламень их и душа их предаст огню негасимому. Якоже на Бога лгати не постыделся еси и святый Крест Господень обезчестит, пророка ли имаши постыдетися? Якоже везде солгал еси, тако и зде.

Послушай пророка, еже како виде: (л. 842 об.)⁴⁰⁰⁹ И⁴⁰¹⁰ обратихся, и возведох очи мои, и видех же серп летящ. И рече ко мне: Что ты видиши? И рех: Аз вижу серп летящ в долготу лакот двоюдесять и в широту десять лактей. И рече ко мне: Си клятва, исходящая на лице всея земли, яко всяк тать от сего до смерти мстится. И вынесу и, глаголет Господь Вседержитель, и внидет в дом татиный и в дом кленущагося именем Моим во лжю, и обитает посреде дому его, и скончает и древо его и камение его. Се суть видение и глаголи пророческия. Да где есть пророком виденое и глаголано, еже ты пишешь, лжесписателю? Что пророк Захариа (л. 843)⁴⁰¹¹ видел сходящ серп огнян с небесе на землю и вопроси: Что есть, Господи, серп сей? Кто и кого вопроси, скажи нам подробну? И кто отвеща и рече: Гнев Божий посылается на тех, иже ходят на криве к роте, да поженет пламень их и душа их предаст огню негасимому? И какой к роте на криве? Се ли, еже по твоему Уложению ротившиися, ко кресту повелел еси ходить? Да где был Захариа пророк, еже кому видеть серп огнян сходящ на целующих крест на роте на криве?

Прежде бо Христова воплощения пророку скончавшуся за 460 лет. Аще ли глаголешь, яко Бог отвеща (л. 843 об.)⁴⁰¹² пророку и рече: Гнев Божий посылается на тех, иже ходят на криве к роте, да поженет пламень их и душа их предаст огню негасимому. Солгал, треокаянный, и на Бога. Бог несть сего пророку отвещал. И кого имаши пощадети, яко ни самаго Бога пощаде, но яко вторый сатана, иже от исперва Бога человеку оболга, рече: Что⁴⁰¹³ яко рече Бог: Да не ясте от всякаго древа, иже в раи. И рече жена: От плода древа сущаго в раи, да ямы и. От плода же древа, иже есть посреде рая, рече Бог, да не ясте от него, ниже прикоснетеся ему, да не умрете. И рече змий жене: Не смертию у(л. 844)мрете⁴⁰¹⁴. Ведяше бо Бог, яко в онь же день, аще снесте от него, отверзутся очи ваши и будете яко бози, ведяще добро и зло. И вземше, снедоша, и отверзоста очи обема и разумеша, яко наги. Уразумеша, яко добро заповеди Божия соблюдати, а зло еже преступати. Тако и ты, отступниче Божественых заповедей, глаголешь: Бог пророку отвеща. Бог несть так отвещал, еже на криве к роте ходящих, ты то обвещал, и не пророку, но всем людем. Бог же рече пророку: Си клятва, исходящая на лице всея земли, яко всяк тать от сего до смерти мстится. Иже (л. 844 об.)⁴⁰¹⁵ аще кто крадет словеса Божия от закона и пророк и святых апостол и святых отец, якоже ты, и вынесу и, глаголет Господь Вседержитель, и внидет в дом татиный и в дом кленущагося именем Моим во лжу, и обитает посреде дому его, и скончает и древо его и камение его. Зри зде, к кому внити рече Господь? И внидет в татиный дом и в дом кленущагося именем Моим во лжу, а не в роте и на криве целующим святый крест. Но иже кленется кто именем Божиим о завете коем и не сотворит, якоже слово явно творит, воздаси же Господеви, рече, клятвы твоя, якоже (л. 845)⁴⁰¹⁶ в левитех речено есть⁴⁰¹⁷: И от всякаго обета, иже обещает человек, не отдаст или не искупится, смертию да умрет.

Послушайте же Господа, иже устав кленущимся положи и умолкни.

Евангелие: Буди⁴⁰¹⁸ же слово ваше ей, ей, ни, ни. К сим же и Иякова, брата Божия, приложим, глаголюща⁴⁰¹⁹: Прежде всех, братие моя, не кленитеся ни небом, ни землею, ниже иною клятвою коею. Буди же вам еже ей, ей и еже ни, ни, да не в лицемерие впадете.

Понеже да не имаши рещи, да како уверован буду, глаголет, аще присно истину глаголеши и николи же кленешися. Никто же бо (л. 845 об.)⁴⁰²⁰ тако не верует, якоже кленыйся наскоре. Якоже и премудрый Сирах рече⁴⁰²¹: Муж кленыйся многа исполнится беззакония и не отъимется от дому его рана. Аще согрешит, грех его на нем, и аще презрит, сугубо согрешит, и аще во тще кляся, не оправдится, исполнится дом его на несении.

Евангелие. Лишше⁴⁰²² же сею от неприязни есть.

Иже бо рече паче ей и ни, лишше же сих глаголати и клятися, от диавола есть. Обаче же имаши рещи прочее, яко закон Моисеов, иже клятися повелеваше, лукав бяше, разумей убо, яко не лукав бяше, тогда (л. 846)⁴⁰²³ клятися. По Христовых же заповедех лукавно есть клятися, якоже и обрезатися и вся жидовская обычая держати, всесожжения и жертвы и приношения и прочая.

Хощеши ли навыкнути, да покажу ти, откуду привниде клятва и не собою, но от златаго языка услышим. Той возвестит нам и не обинется лица силных, аще и пострада от тех даже до смерти. Рцы, всезлатый уста, рцы, и не обиняйся, якоже тогда не убояся от убивающих тело Твое всесвятое, души же Твоей погубити не могоша, но паче своя души погубиша злии тии мучителие. (л. 846 об.)⁴⁰²⁴ Рцы и ныне противником Христова Евангелия и святых ученик Его и апостол и свесвятаго вашего учения, откуду клятва привниде. Отвеща златые уста: Реку и не обинуюся, откуду клятва привниде.

Егда⁴⁰²⁵ злая возрастоша, егда вся купно горе и долу быша, егда ко идолослужению уклонишася, тогда убо, тогда, егда невернии прочее являхуся, Бога призывах свидетеля, аки споручника, дающе глаголемых достодолжна. Сие бо клятва есть, нравом неверуемом споручение. Отнюду же первее оглаголание се есть кленущагося, аще не верует кроме споручника и поручения (л. 847)⁴⁰²⁶ великаго. Многа бо ради не верства не человека ищут споручника, но Бога. Вторый же приемлющаго клятву сей есть порок, аще о соглашениях разньство кое имый, Бога привлачит на споручение и глаголет «не имете веры», аще не онаго восприимет, оле превозходящаго нечювствия, оле досады червь и земля и попел сый и дым. Владыку ли твоего привлекаеши на споручение и онаго понуждаеши прияти? Рцы ми, аще бы отроком вашим любопрящимся друг со другом и неверующим себе, рекл бы подоборабный не имети веры, дондеже аще общаго им Владыку споручника приимет, (л. 847 об.)⁴⁰²⁷ убо не подъял ли ран тмами и уведал, яко Владыку на иная приимовати подобает, а не на сия. Что глаголю, подоборабна, аще бо на зело говеема изволял бы мужа, не досаду ли вещь мнел бы? Но аз не хощу, рече, добре, тем же ниже онаго принуждай, елма и между человеки сие бывает. Аще речет, онь сицу дает споручника, ты не стерпел еси то, что убо и не погублю ли, рече, даемое, не глаголю сие, но яко Богу досадити терпиши. Тем же паче понуждаяй, нежели кленыйся, неотрочну имать муку, такожде и иже никому истязующу кленыйся и сие же лютейше, (л. 848)⁴⁰²⁸ яко кленется койждо за медницу едину о преложении малем, о неправде. И сия, егда не будут клятвопреступления, аще же клятвопреступление привнидет, то вся горе идолу и вземый и давый сотвори. Но суть ли не ведомая кая, рече, но сия предзря, ничто же твори, нерадив. Аще же нерадиве твориши, истяжи от себе суда о тщете, уне есть тако тщету подъяти, нежели инако. Рецы бо ми, влечеши на клятву мужа, что надеяся, яко клятву ли преступити имать? Но сие последня есть безумия, на твою главу казнь обратится, уне бо ти есть пенязи погубити, не(л. 848 об.)жели⁴⁰²⁹ оному погибнути. Что со тщетою твоею твориши и з досадою Божиею? Зверская есть таковая душа и нечестиваго и проклятаго мужа, но надеяся, яко не преступити⁴⁰³⁰ клятвы⁴⁰³¹ имать. Тем же кроме клятвы веру ими, но суть мнози рече, иже кроме клятвы изволиша лишити, с клятвою же не к тому прелщаеши себе человече. Человек красти научивыйся и ближняго обидети изволил бы и клятву попрати многажды. Аще же о еже клятися говел бы, о еже обидети много паче, но не волею ли сие страждет, тем же и прощения достоин.

Но что глаголю о клятвах сих, (л. 849)⁴⁰³² оставль сущих на торжищи, тамо бо ничто же таково имаши рещи. О десяти бо медницах клятвы бывают и клятвопреступления. Како бо грома трескновение свыше не сходит, како не вся превращаема бывают? Стоиши, обязуяся Богом, чесо убо ради да зелия оградная возмеши, да сапоги за малы сребреники, на свидетельство и призывая, да не убо елма не мучени есмы, не пщуем ниже согрешати. Сие человеколюбия есть Божия, а не нашея добродетели, кленися детищем твоим, кленися сам собою, рецы, да тако мучитель не настал бы на ребра моя, коли боишися. И убо ребр твоих (л. 849 об.)⁴⁰³³ безчестнейши ли есть Бог, главы твоея худейши ли, рещи сице, да не ослепею, но Христос убо тако нас щадит, яко возбраняти не клятися ни своею главою. Мы тако не щадим славы Божия, яко везде Его влещи, яко худое нечто, еже аще клятвы ради и лишимся Его. Можем без Него пребыти, и аще без Него пребудем, разумей, где будем. Не со онем ли, иже лжи отец именуется и есть?

Закон положен⁴⁰³⁴ есть, паче же не мы положихом, да не будет. Не нарицайте бо, рече, учителя на земли, закон положил есть Христос, да никому же будет клятися. Обаче же аще хощеши, (л. 850)⁴⁰³⁵ то кленися сам собою, не противу Христу законополагая, глаголю. Да не будет, рече, вам еже ей, ей и еже ни, ни, но сходяй вам, да паче на сие вас приведут и обычая отведу мучителскаго, колицы во иных благоискусни бывающе погибоша от сих вещей.

Хощете ли навыкнути, чесо ради прощаху древним клятися? Клятвопреступати бо ниже онем прощено бысть, понеже идолми кленяхуся, не срамлясте ли ся в сих пребывающе законех, в них же наставляхуся, немощни суще. Тем же великим и светлым гласом⁴⁰³⁶ проповедаю всем и засвидетельствую, яко законопреступление сие (л. 850 об.)⁴⁰³⁷ показующих, иже яже суть от лукаваго вещающих. Сие бо есть клятва, на праги не ступати церковныя, но нарок вам да будет месяц сей настоящий, дабы исправити. Да не убо ми речеши, яко нужда мя вещей принуждает, яко не веруем есмь, прежде от обычая кленущихся отсецы, вем, яко мнози посмеются нам. Но лутче нам посмеяном быти ныне, нежели горети тогда, посмеют же ся, елицы беснуются. Кто бо, рцы ми, ум имея, соблюдаемей заповеди, посмеется? Аще же убо и посмеются, но не нам, но Христу таковии посмеются. Содрогосте ли ся о реченем? Вем (л. 851)⁴⁰³⁸ и аз, и аще убо аз закон сей введох, мой был бы смех. Аще же законоположник есть другий, то тамо преходит на хухнание⁴⁰³⁹ сие и заплеван бысть иногда Христос⁴⁰⁴⁰ и по ланитома ударен бысть и заушен бысть. Терпит и ныне сия и ничто же не в лепоту.

Сего ради геена уготована бысть, сего ради червь нескончаемый. Се паки глаголю и засвидетельствую, иже кто хощет, да смеется, иже хощет, да ругается. На сие предлежим, воеже насмеваемом быти и наругаемом, воеже вся пострадати. Отреби миру есмы, по блаженному апостолу: Аще кто не хощет исправити сие повеление, (л. 851 об.)⁴⁰⁴¹ якоже трубою некоею словом сим заповем, на враги не вступати церковныя таковому, любо и князь был бы, любо и сам той, иже диядиму на себе носяй и престолом царьским красяся, и сия слышав, не терпят, но отскачют. Но лучше есть един творяй волю Господню, нежели тмы законопреступных, от сего бо вся превратишася, вся горе и долу быша, зане якоже на позорищах множества народа желаем, а не множества искусна. Что бо народ, рецы ми, возможет ползовати? Хощеши ли навыкнути, яко народ святии суть, а не иже мнози? Изведите на брань сто тем и единаго (л. 852)⁴⁰⁴² святаго, и увидим, кто множае исправил бы. Изыде Иисус Наввин на брань и сам вся исправил есть, а инии ничто же ползоваша. Мног народ, егда воли Божией не творит, ничим же разньствова от не сущих.

Пристанище⁴⁰⁴³ воистину не блазнено, еже не клятися. Пристанище, воеже не погружатися от сопротиво нападающих ветров, аще бо и гнев, аще и налог, аще и ярость превоспалит, и аще что любо буди, душа во известии устроена бывши, и тако ниже бы произнесла что от недолжных изрещися, не бо в нужди устроил есть себе, ниже в законе.

Зри, что клятвы ради сотвори Ирод, (л. 852 об.)⁴⁰⁴⁴ главу усече Предтечеву⁴⁰⁴⁵. Клятвы бо ради, рече, и совозлежащих с ним не восхоте ю отринути.

Что клятвы ради пострадаша племена⁴⁰⁴⁶ от племени Вениаминов?

Что клятвы ради пострада Саул⁴⁰⁴⁷, ов убо клятвопреступил есть? Ирод и клятвопреступления горше содела убийство. Паки Иисус Наввин клятвы ради о гаваонитянох якова пострада. Веси, сатанинская бо есть воистину сеть, еже клятися. Тем же да расторгнем сиа ужа и во удобстве устроим себе всякаго хранениа, да сподобимся от сатанинския сия сети, бояся Владычни заповеди.

(л. 853)⁴⁰⁴⁸ Помяни, что пострада Анания, во своих обетех солгав. Тем же, иже солгавшии, токмо таковая пострадаху⁴⁰⁴⁹, а иже и клятвопреступающии, что не постраждут? Паче же аще просте рекшия жена, ей, на то лице, толику подъят казнь и не отбеже. Помыслите, крест целующи в клятве и клятву преступающии, коего будут достойни мучения? Аще ли же убегаем кленущиися да не дерзаем, на наше бо зло сие бывает, елма что не пщуете колицы по Анании и Сапфире, таяжде онем дерзнуша, а на таяжде пострадаша. И како, рече, не пострадаша, не понеже (л. 853 об.)⁴⁰⁵⁰ простися им, но понеже на болшее соблюдаеми зло. Тем же иже многая согрешающии, не мучими паче, нежели мучими боятися и трепетати должни. Возрастают бо им томления, не томления ради и долготерпения Божия. Елма многия бывают ныне, якоже при потопе⁴⁰⁵¹, но потоп не бывает, имут бо потоплени быти во тме кромешней и томлением. Мнози согрешают, якова же содомляне, но огненый не сниде дождь, огненая убо есть уготована река. Мнози фараонитская дерзнуша⁴⁰⁵², но не пострадаша яже фараон, ниже потоплени быша в Чермнем (л. 854)⁴⁰⁵³ мори, пучина бо их ожидает бездны, идеже не с нечестием томление, ниже потопитися мощно есть, но на множае мучимым.

Мнози⁴⁰⁵⁴ вояже израильтяны согрешеная дерзнуша, но не угрызахутих змия, ожидает бо их червь нескончаемый. Мнози⁴⁰⁵⁵ Гиезиева дерзаху, но прокажени не быша, ожидает бо их вместо проказы, еже полма растесаном быти и положитися с лицемеры. Мнози кляхуся и клятвопреступиша, аще же и убегоша, да не дерзаем, ожидает бо их скрежет зубный, но и зде негли постражут и не имут убегнути, аще и не абие ту, но (л. 854 об.)⁴⁰⁵⁶ во иных гресех, даже лютейшее томление будет. Помысли яже о Сауле, иже собеззаконова жертвова и священники поби, яже о Соломоне, иже отступи от Господа Бога, Иеровоам и Ахав, за Навуфея и прочих царех беззаконнующих, аще и не абие противу греха прещение и муку прияша, но последи лютейшую. И сие ради бывает, дает ти Бог нарок, да тако отмыешися. Егда же единаче пребываеши, наводит прочее томление. Видесте ли, что пострадаша лжущии? Тем же помыслите, что постраждут и клятвопреступающии. Помы(л. 855)слите⁴⁰⁵⁷ и отступисте, несть кленущемуся спастися, довлеет едино клятвопреступление все содеяти и все целу нам муку навести. И сия до зде златословеснаго наказания.

Да ты же пишешь в 12-й главе в 10-й статье: Да и в выписях ко крестному целованью сию статью ис правил святых апостол и святых отец по всем судным делам писати и велеть тое статью у крестнано целования подьячим вычитать исцам и ответчикам при многих людех вслух, чтобы про тое всякие люди ведали, как про крестное целование в правилех святых апостол и святых отец написано.

(л. 855 об.)⁴⁰⁵⁸ Зде чюдитися твоему безумию достоит, солгав на Бога и на святыя апостолы и святыя пророки и святыя отцы, не постыдеся своим безумием. Да и в выписях ко крестному целованью сию статью ис правил святых апостол и святых отец по всем судным делам писати и велеть тое статью у крестнаго целования подьячим вычитать исцам и ответчикам при многих людех вслух, чтобы про те всякие люди ведали и яко втораго Июду предателя со всем своим преданием прокляли по правилом⁴⁰⁵⁹. Да и иные бы на тое смотря, к тому не дерзали, на Божественыя заповеди и святых апостол и святых отец каноны лгати. Аще не истину (л. 856)⁴⁰⁶⁰ глаголю, буду подобен тебе ложь. Покажи, в которых правилех святых апостол и святых отец писано про крестное целование, да видим. Аще ли же не укажешь, достойно и праведно Евангелский суд тебе нанести по писаному: Горе миру о соблазне, им же соблазн приходит. И прочее. Или якоже Павел соблудившаго с мачехою преда сатане, да дух спасется. Ты же множае и сего, не мачеху, но сущую Матерь, рождьшую тя Духом Святым, святую соборную апостолскую Церковь обесчести, юже искупи Хритос Бог не ценою сребра и злата, но честною Своею и пречистою кровию, и обручи Ю Себе в невесту. (л. 856 об.)⁴⁰⁶¹ Якоже показа един от седми ангел Иоанну Богослову⁴⁰⁶²: Прииди, да покажу ти невесту, Агньчу Жену. Брак же Агньчий церковное ко Христу глаголет совокупление и смешение, его же строители божественнии быша апостоли. Чрез них же Ей обручение дадеся духовное, яко восприемлющии тогда лицем к лицу чисто и святое сего смешение. Добре же невесту Агньчю Жену глаголет.

Егда⁴⁰⁶³ бо яко агнец заклан бысть Христос, тогда Ю Своею кровию уневести. Якоже бо Адаму спящу⁴⁰⁶⁴, создана бысть жена отъятием ребра, суще и Христу на кресте волею чрез смерть уснувшу, излия(л. 857)нием⁴⁰⁶⁵ крови из ребра, Церковь состоящаяся есть, Уязвленому сочтася. Якоже и Павел⁴⁰⁶⁶, божественный апостол, явно о сих творит слово, глаголя: Мужие, любите своя жены, якоже и Христос возлюби Церковь и Себе предал есть за Ню, да очистит Ю и святит банею водною глаголом, да представит Ю Себе славну Церковь, не имущую скверны или порока или нечто от таковых, но да есть свята и непорочна.

Зриши ли Церковь и что есть Церковь, и како Ю Христос себе обручи и очисти, то ты почто олюбодействова Ю и вся святыя Ея законы разврати и обесчести и Главу (л. 857 об.)⁴⁰⁶⁷ Ея, Христа, уничижы и преобиди? Якоже апостол глаголет: Занеже муж есть глава жены, якоже и Христос глава Церкви и Той есть спаситель телу. Господу учащу и засвидетельствующу: Якоже хощете, да творят вам человецы, и вы твористе им такожде.

Хощеши ли, дабы раб твой олюбодействовал жену твою, аще и ничто же люто пострадал еси ея ради, ниже кровь свою пролиял, якоже Христос, чтобы не помыслил еси таковому неправедному и злому рабу сотворити. Мню, яко никако бы попустил еси жити таковому, якоже древний закон повелевает (л. 858)⁴⁰⁶⁸ таковых камением побивати, тако и градский закон смертию казнити. Ты же царьскую и Агньчю жену любодействова, не имущу скверны или порока или некое от таковых, мниши ли ся без мук быти? Ей, имаши тмами мучен быти во веки веком, якоже и божественный Златоуст глаголет: Завидяй⁴⁰⁶⁹, з Богом ратуется, а не со онем. Егда увидиши благодать имущаго и болезнуеши и хощет низложити Церковь, не со онем ратуется, но з Богом. Рцы бо ми, аще кто украсил отроковицу цареву и благоискуствовал, украшая ю и честну соделоваяй, (л. 858 об.)⁴⁰⁷⁰ ин же некто хотел бы сию безобразити, не возмогл бы он и немощну бывшу украсити ю, коего бы наветовал сего, или оную и отца ея? Такожде и ныне ты, завидяй, ратуешися с Церковию, на Бога ополчаешися, понеже бо благоискуству братнему соплетеся и церковная полза, нужда сему разрушающуся и оной разорится. Тем же по сему дело сатанинско твориши, наветуяй на тело Христово, много паче на Христа. Якоже бо и тело и глава един есть человек, тако и Церковь и Христос едино быти глаголет⁴⁰⁷¹.

Послушай, откуду церковныя законы привзошли (л. 859)⁴⁰⁷² суть, свыше суть, от Бога же приходит⁴⁰⁷³ и с небес вещает. Или не веруете, яко от Бога суть сия глаголемая? Послания суть от Бога, основания же стены блажении суть апостоли⁴⁰⁷⁴, на них же Христова Церковь основана бысть. Стена же церковная Христос есть. И почто убо раскопываеши и разрушаеши стену Церкви Христа? Светило Церкви Христос, почто ты тма сый погашаеши, на камени бо создана есть. Ей же, и врата адова не удолеют⁴⁰⁷⁵. Откуду убо истина разума сего и пророчества явна есть, како не одолеша адова Церкви, како же всегда с нами есть Христос. Не бо, аще бы не был с нами (л. 859 об.)⁴⁰⁷⁶ Христос, одолена бы Церковь. Како Евангелие простреся повсюду по вселенней, должни же суть и иже на ны рекшии древность свидетельствовати книгам, иже о Келсе и Ватанеоте и сущем по онем, не бо, иже по них сложеным супротив глаголаху⁴⁰⁷⁷. И како же и вселенная вся единогласно приемши то, и аще бы не была Духа благодать, не бы толико было согласие от конец в концы земли, но пленени были быша скоро притворяющии и не толика исправления от прелести и лжи составишася. Или не зриши вселенную всю приступльшую прелесть разорену, не бо от нас точию днесь славится, (л. 860)⁴⁰⁷⁸ но свыше от Бога и от ангел и от Отца.

В⁴⁰⁷⁹ месяц же шестый послан бысть ангел Гавриил от Бога во град Галилийский, ему же имя Назареф, к девей, обрученей мужеви, ему же имя Иосиф, от дому Давидова⁴⁰⁸⁰, и имя девей Мариям. И вшед к ней ангел, рече: Радуйся, обрадованая, Господь с тобою, благословенна ты в женах. Она же видевши, смутися о словеси его и помышляше, каково будет целование се. И рече ангел к ней: Не бойся, Мариям. Обрете бо благодать от Бога. Таже ангел от пророк свидетельствует девей, глаголяй, иже Исаия прорече: И⁴⁰⁸¹ се зачнеши во чреве и родиши Сына и наречеши имя Ему Иисус. Сей будет (л. 860 об.)⁴⁰⁸² велий и Сын Вышняго. И даст Господь Бог престол Давида, отца его, и воцарится⁴⁰⁸³ в дому Ияковли вовеки, и Царьствию Его не будет конца.

Слышал еси ангела, свидетельствующа от пророк? Сей велий наречется. Ты же како умаляеши? И паки рече ангел: И царьствию Его не будет конца. Ты же для чево Царьство Христово скончал своим беззаконным изложением и на всех власть князя мира сего утвержаеши? Не слышал еси ангела Божия, яко князь мира сего прейде, а иже ин никто же приходяй, разве антихриста. Якоже и Богослов свидетельствова, рече о вас. И ныне, рече, антихристи мнози.

(л. 861)⁴⁰⁸⁴ Таже паки рече Мариям ко ангелу: Како будет се, идеже мужа не знаю? И отвещав ангел, рече ей: Дух Святый найдет на тя и сила Вышняго осенит тя. Тем же и раждаемое свято наречется Сын Божий. И по мале. Яко не изможет от Бога всяк глагол.

Такожде и в Матфеи речеся⁴⁰⁸⁵: Сия же ему помыслившу, се ангел Господень во сне явися ему, глаголя: Иосифе, сыну Давидов, не убойся прияти Мариам, жены твоея, Рождьшее бо ся в ней от Духа есть Свята. Родит же Сына и наречеши имя Ему Иисус. Той⁴⁰⁸⁶ бо спасет люди Своя от грех их. Се же все бысть. Да збудется реченое от Господа пророком, глаголющим: (л. 861 об.)⁴⁰⁸⁷ Се дева во чреве приимет и родит Сына, и нарекут имя Ему Еммануил, еже есть сказано «с нами Бог».

Тебя ли единаго не спасет Христос Бог или несть с тобою Бог? Паки инде пишет: Приидет⁴⁰⁸⁸ от Сиона избавляяй и отвратит нечестие от Иякова. И Отец свыше свидетельствова: Сей есть Сын Мой возлюбленый, о Нем же благоволих. Ты почто паки вводиши? Или не слышал еси, якоже пишет⁴⁰⁸⁹: Кончина закону Христос. И паки инде пишет: Тем⁴⁰⁹⁰ же закон пестун нам есть во Христа. Хощеши ли, да покажем ти и о апостолех пророческое свидетельство, яко не точию Христа (л. 862)⁴⁰⁹¹ подобает прияти, но и святых ученик Его и апостол. Исаия глаголет⁴⁰⁹²: Коль красны ноги благовествующих мир, благовествующих благая, но не вси послушаша благовествования их. Паки Исаия глаголет⁴⁰⁹³: Господи, кто верова слуху нашему? И паки Давид глаголет⁴⁰⁹⁴: Во всю землю взыде вещание их и в концы вселенныя глаголы их. И посла Своя рабы с высоким проповеданием. И Господь глаголет: Се Аз посылаю вы. Шедше в мир весь, проповедите Евангелие всей твари. И инде рече: Се Аз посылаю вы, яко овцы посреде волков. И апостол глаголет: Како же услышат бес проповедающаго. Како же проповедят, аще не послани будут?⁴⁰⁹⁵ (л. 862 об.)⁴⁰⁹⁶ А яже тем, не ин кто посла и повеле засвидетельствовати, но сам Господь Бог, глаголя: Но⁴⁰⁹⁷ приимите, рече, силу, нашедшу Святому Духу на вы и будете Ми свидетели во Иерусалиме же и во всей Июдеи и Самарии, даже и до последних земли. Рече⁴⁰⁹⁸ же им: Сии суть словеса, яже глаголах вам, еще сый с вами, яко подобает скончатися всем писаным в законе Моисеове и псалмех о Мне. Тогда⁴⁰⁹⁹ отверзе им ум разумети Писания. И рече им: Яко тако писано есть и тако подобаше пострадати Христу и воскреснути от мертвых в третий день и проповедатися во имя Его покаянию (л. 863)⁴¹⁰⁰ и отпущению грехов во всех языцех, наченше от Иерусалима. Вы же есте свидетелие сим. И се Аз послю обетование Отца Моего на вы. Вы же сядите во граде Иерусалимсте, дондеже облечетеся силою свыше. И егда скончашася дние пятьдесятницы, беша вси апостоли единодушно вкупе. И⁴¹⁰¹ бысть внезапу с небесе шум, яко носиму дыханию бурну, и исполни весь дом⁴¹⁰², идеже бяху седяще, и явишася им разделени языцы яко огнени. Седе же на единем коегождо их и исполнишася вси Духа Свята, и начаша глаголати инеми языки, якоже Дух даяше им.

Видел ли еси, откуду прииде к нам Евангелие, (л. 863 об.)⁴¹⁰³ яко с небесе и како апостоли Христовы умудришася? Не о себе, но якоже Дух даяше им. Но ни по толицей благодати и приятии Святаго Духа престаша апостоли от закона и пророк свидетельствовати.

Став⁴¹⁰⁴ же Петр со единем на десяте, воздвиже глас свой и рече им: Мужие июдейстии, живущии во Иерусалиме вси. Се вам разумно да будет и внушите глаголы моя, не бо якоже вы мните, сии пиани суть, есть бо час третий дне, но се есть реченое пророком Иоилем: И⁴¹⁰⁵ будет в последняя дни, глаголет Господь, излию от Духа Моего на всяку плоть, и прорекут сынове ваши, и дщеря ваша и юноша (л. 864)⁴¹⁰⁶ видения видят, и старцы ваши сония видят, ибо на рабы Моя и на рабыня Моя во дни оны излию от Духа Моего, и прорекут. И прочее. Свидетельствова от закона и пророк о Христе Иисусе.

Таже и о себе приводит, глаголя⁴¹⁰⁷: Сего Иисуса воскреси Бог, Ему же мы есмы свидетели. Десницею убо Божиею вознесеся, обетование же Святаго Духа прием. От⁴¹⁰⁸ Отца излия се, еже вы ныне видите и слышите. И по мале. Слышавша де, умилишася сердцем, реша к Петру и прочим апостолом: Что сотворим, мужие братие? Петр же рече: Покайтеся, вам бо есть обетование и чадом вашим и всем далним, (л. 864 об.)⁴¹⁰⁹ елико аще призовет Господь Бог наш. Иными же словесы, множайшими свидетельствоваше и умоляшеся, глаголя: Спаситеся от рода сопротивнаго сего. Они же убо любезно прияша слово Его.

Ты же почто не приемлешь Божественых заповедей и святых Его ученик и апостол? Зриши ли, яко не своею силою или благочестием и апостоли вся содеяша, но свыше благодатию Святаго Духа.

Послушай и ты святых верховных ученик, иже глаголаша: Покайтеся⁴¹¹⁰ убо и обратитеся, да очиститеся от ваших грех, яко да приидут времена прохладна от лица Господня и послет прежде нарече(л. 865)наго⁴¹¹¹ вам Иисуса Христа, Его ж подобает небеси убо прияти, даже до лет устроения. Их же глагола Бог усты всех святых Своих пророк от века. Моисей убо ко отцем рече: Яко пророка вам воздвигнет Господь Бог от братия вашея, якоже мене Того послушайте о всем, елика аще речет вам. Будет же всяка душа, яже аще не послушает пророка Того, потребится от людей. И вси иже пророцы от Самуила и прочих елицы глаголаша и возвестиша дни сия. И⁴¹¹² мы есмы свидетелие всем и повеле нам проповедати людем и засвидетельствовати, яко Той есть нареченый от Бога Судия живым и мертвым.

(л. 865 об.)⁴¹¹³ О Сем вси пророцы свидетельствуют⁴¹¹⁴ оставление грехов прияти именем Его всякому верующему в Него. Ты же како можеши спастися или прияти оставление грехов, не верующу в Него? Збысться реченое о тебе и подобных тебе⁴¹¹⁵: Князи их сего не разумевше и глас пророческих, иже во вся субботы чтомых. И паки: И⁴¹¹⁶ ныне, мужие братие, вем, яко по неведению се сотвористе, якоже и князи ваши. Осудятся в день Судный солуняны⁴¹¹⁷, иже прияша слово апостолское со всем усердием, по вся дни разсуждающии Писания, аще суть сия тако.

(л. 866)⁴¹¹⁸ Тако и святый верховный апостол Петр учит: Веровати, рече, подобает Богови паче, нежели человеком.

Не слышал ли еси избраннаго сосуда Христова таинства Божия проповедателя, глаголюща⁴¹¹⁹: Аще ли кто Духа Христова не имать, сей несть Егов⁴¹²⁰. И паки инде рече: Не хощу бо вас не ведети тайну сию, братие⁴¹²¹, да не будете о себе мудри.

Ты же како сам о себе явился мудр, еже не веруеши Евангелию Христову и святым Его учеником и апостолом 12-м верховным со инеми седмиюдесяти. С ними же и святых отец седми Вселенских собор со девятию святых отец поместных соборов, (л. 866 об.)⁴¹²² их же число Бог весть. Их же ты учения тех отречеся и не просто отречеся, но и оболга. Таже по сих не остави и царей и патриархов оклеветати и оболгати и написа в 17 главе в 30-й статье.

В прошлом во 136-м году блаженныя памяти великий государь царь и великий князь Михайло Феодорович всеа Русии и отец его государев блаженныя памяти великий государь святейший Филарет Никитич патриарх Московский и всеа Росии указали о родовых и о выслуженых вотчинах по правилом святых апостол и святых отец, кого не станет, (л. 867)⁴¹²³ а после его останется жена бездетна. И прочее.

И того в правилех святых апостол и святых отец нигде не обретается, то все на правила святых апостол и святых отец и на царя и на патриарха солгано. Правил таких святых апостол и святых отец не обретается, и великим государем таким царем и патриархом не по истине и несогласно с правилы святых апостол и святых отец законы уставляти неподобно.

Такожде и в 4 статье тое же главы пишешь: А родовым и выслуженым вотчинам государь указал и бояре приговорили быти по правилом святых апостол и святых отец (л. 867 об.)⁴¹²⁴ и по уложению прежних государей и отца своего государева блаженныя памяти великаго государя царя и великаго князя Михайла Феодоровича всеа Русии и деда своего государева блаженныя памяти святейшаго Филарета Никитича птариарха Московскаго и всеа Русии 136-го и 137-го году, как писано выше сего. И сие по тому же на царя и на бояр солгано, что будто по правилом святых апостол и святых отец. И таковых правил не обретается нигде, ни во градцких законех.

Ты же пишешь в 19 главе в 1-й статье. О посадских людех: Которые слободы на Москве (л. 868)⁴¹²⁵ патриарши и митрополичьи и владычни и монастырские, а в тех слободех живут торговые и ремесленыя люди и всякими торговыми промыслы промышляют и лавками владеют, а государевых податей не платят и служеб не служат, и те все слободы со всеми людми, которые в тех слободех живут, всех взяти за государя в тягло и в службы бесповоротно. А впредь опричь государевых слобод ничьим слободам на Москве и в городех не быть. А у патриарха слободы взяти со всем, опричь тех дворовых людей, которые изстари за прежними патриархи живали.

А которые слободы патриаршие и властелинские и монастырские около Москвы, и те слободы со всякими промышлеными людми, опричь кабалных людей, по тому же сыску взять за государя.

Почто, оставя государя, на рабов наскакаеши? Патриарх и сам Божий раб и служитель святыя Церкви и ничто же имеет своих вотчин. Но что есть слободы и крестьяня? Божие наследие. Патриарх ныне сей, а по нем ин, Бог же присно есть и будет и не изменяется ввек, и достояние Его пребудет ввек.

Аще ли хощеши навыкнути о Божии (л. 869)⁴¹²⁷ наследии, еже к нужнейшии потребе умышлено от боголюбцов Господу Богу во Святей Троице и Пресвятей Богородицы, и святым ангелом, и святому пророку и Предтечи Иоанну, и святым славным и всехвалным апостолом, и святым пророком, и мучеником, и святителем, и преподобным отцем, и всем святым давали великие государи цари и великие князи и прочие боголюбцы ко святым Божиим церквам по Божественей заповеди в вечный поминок, а не патриарху и митрополитом и владыкам и монастырем, якоже свидетельствуют тех боголюбцов даныя грамоты и уставы. А по правде устав (л. 869 об.)⁴¹²⁸ той от самаго Господа Бога предадеся тако, якоже глаголет писано древле: И рече Господь к Моисею, глаголя⁴¹²⁹: Поими племя Левиино и постави я пред Аароном жерцем и да служат ему и да стерегут стражбы его и стражбы сынов Израилевых пред храмом свидения, служити службу храмную, и да снабдят вся сосуды храма свидения и стражбы сынов Израилевых по всем делом храма. И да даси левиты Аарону, брату твоему, и сыном его, жрецем, дани, дани бо суть ему, сии от сынов Израилев. Аарона же и сыны его пристави в храме свидения и да снабдят жречество их и все, еже у олтаря и внутреняя (л. 870)⁴¹³⁰ завесы, иноплеменник же прикасайся, да умрет. И рече Господь к Моисею, глаголя: Се Аз взях левиты от среды сынов Израилевых вместо всего первенца отверзающаго утробу от сынов Израилевых, да будет Мне левиты. Мне бо всяк первенец, в онь же день побих всяк первенец в земли Египетстей и освятих себе всяк первенец во Израили от человека до скота Мне да будут, Аз Господь.

И⁴¹³¹ да приведеши пред храм свидения, и да собереши весь сонм сынов Израилевых, и приведеши левиты пред Господь, и да отлучит Аарон левиты отдание пред Господь от сынов Израилевых, и да служат службу Господеви. Левиты же да возложат (л. 870 об.)⁴¹³² руки на главы телцем и да сотвориши един греха ради, а вторый во всесозжение Господу очистити от них. Поставиши же левиты пред Аароном и пред сынми его, и да отда сия отдание Господу.

И да отлучиши левиты от среды сынов Израилевых и да будут Мне. По сем же да внидут левиты служити службу в храме свидения, и да очистиши их, и да отдаси я отдание пред Господем, яко отдания отданы сии Мне суть, от среды сынов Израилевых, отверзающих место. Всяка ложесна первенец всех от сынов Израилевых приях я Себе, яко Мне есть весь первенец⁴¹³³ от сынов Израилевых, от человека до скота (л. 871)⁴¹³⁴ в день, в онь же побих весь первенец в земли Египетстей, освятих я Себе. И поях левиты вместо всякаго первенца сынов Израилевых, отдах же левиты отданием Аарону и сыном его от среды сынов Израилевых в храме свидения, и да молятся о сынех Израилевых, яко да не будет гнев на сынех Израилевых, егда приступити им ко святым.

И сотвори Моисей и Аарон и весь сонм сынов Израилевых левитом, якоже заповеда Господь Моисею о левитех, тако сотвориша им сынове Израилевы. И очистишася левиты и исправиша ризы своя и отдаст я Аарон отдание пред Господем и помолися о них (л. 871 об.)⁴¹³⁵ Аарон очищения ради их. По сем внидоша левиты служити службы их в храме свидения пред Аароном и пред сынми его, якоже повеле Господь Моисею о левитех, тако сотвориша.

И рече Господь к Моисею, глаголя: Се есть о левитех, от 25 лет и выше да внидут служити служение в храме свидения, от 50 же лет да останут служения и да не служат по сем и да служат братия его, в храме свидения стрещи стражбу, а дела да не делают. Тако сотвори левитом в стражбе их.

1 2 3 4 5 6 7 8 9 10 11 12 13 14 15 16 ... 18 19 20

<<< Предыдущая страница ... Следующая страница >>>

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 ... 27 28 29 30 <<< Предыдущий вопрос ... Следующий вопрос >>>

¹ РГАДА. Ф. 27. Д. 140. Л. 2–1039. назад

⁴⁰⁰⁵ На верхнем поле листа киноварная помета: на 26-й вопрос и ответ.

⁴⁰⁰⁶ На верхнем поле листа киноварная помета: 26-е возражение.

⁴⁰⁰⁷ Вписано между строк.

⁴⁰⁰⁸ На верхнем поле листа киноварная помета: на 26-й вопрос и ответ.

⁴⁰⁰⁹ На верхнем поле листа киноварная помета: 26-е возражение.

⁴⁰¹⁰ На левом поле листа помета: Захар. 5.

⁴⁰¹¹ На верхнем поле листа киноварная помета: на 26-й вопрос и ответ.

⁴⁰¹² На верхнем поле листа киноварная помета: 26-е возражение.

⁴⁰¹³ На левом поле листа помета: 1 Моис. 3.

⁴⁰¹⁴ На верхнем поле листа киноварная помета: на 26-й вопрос и ответ.

⁴⁰¹⁵ На верхнем поле листа киноварная помета: 26-е возражение.

⁴⁰¹⁶ На верхнем поле листа киноварная помета: на 26-й вопрос и ответ.

⁴⁰¹⁷ На правом поле листа помета: 3 Моис. 27.

⁴⁰¹⁸ На правом поле листа помета: написано неразборчиво.

⁴⁰¹⁹ На правом поле листа помета: Ияк. 5.

⁴⁰²⁰ На верхнем поле листа киноварная помета: 26-е возражение.

⁴⁰²¹ На левом поле листа помета: Сирах 23.

⁴⁰²² На левом поле листа помета: Матф. 5.

⁴⁰²³ На верхнем поле листа киноварная помета: на 26-й вопрос и ответ.

⁴⁰²⁴ На верхнем поле листа киноварная помета: 26-е возражение.

⁴⁰²⁵ На левом поле листа помета: Деян. нрав. уч. 9.

⁴⁰²⁶ На верхнем поле листа киноварная помета: на 26-й вопрос и ответ.

⁴⁰²⁷ На верхнем поле листа киноварная помета: 26-е возражение.

⁴⁰²⁸ На верхнем поле листа киноварная помета: на 26-й вопрос и ответ.

⁴⁰²⁹ На верхнем поле листа киноварная помета: 26-е возражение.

⁴⁰³⁰ Исправлено из: о неправде.

⁴⁰³¹ Исправлено из: клятися.

⁴⁰³² На верхнем поле листа киноварная помета: на 26-й вопрос и ответ.

⁴⁰³³ На верхнем поле листа киноварная помета: 26-е возражение.

⁴⁰³⁴ На левом поле листа помета: Деян. 10 нрав. уч.

⁴⁰³⁵ На верхнем поле листа киноварная помета: на 26-й вопрос и ответ.

⁴⁰³⁶ На правом поле листа помета: Деян. нрав. уч. 8, глав. 3.

⁴⁰³⁷ На верхнем поле листа киноварная помета: 26-е возражение.

⁴⁰³⁸ На верхнем поле листа киноварная помета: на 26-й вопрос и ответ.

⁴⁰³⁹ Так в ркп.

⁴⁰⁴⁰ На правом поле листа помета: Исаия 50; Матф. 26 и 27; Марк 14; Матф. 23; Исаия 66.

⁴⁰⁴¹ На верхнем поле листа киноварная помета: 26-е возражение.

⁴⁰⁴² На верхнем поле листа киноварная помета: на 26-й вопрос и ответ.

⁴⁰⁴³ На правом поле листа помета: Деян. нрав. уч. 13.

⁴⁰⁴⁴ На верхнем поле листа киноварная помета: 26-е возражение.

⁴⁰⁴⁵ На левом поле листа помета: Марк 6.

⁴⁰⁴⁶ На левом поле листа помета: Судьи 21.

⁴⁰⁴⁷ На левом поле листа помета: 2 Царств 21.

⁴⁰⁴⁸ На верхнем поле листа киноварная помета: на 26-й вопрос и ответ.

⁴⁰⁴⁹ На правом поле листа помета: Деян. нрав. уч. 12.

⁴⁰⁵⁰ На верхнем поле листа киноварная помета: 26-е возражение.

⁴⁰⁵¹ На левом поле листа помета: Быт. 7.

⁴⁰⁵² На левом поле листа помета: 1 Моис. 16.

⁴⁰⁵³ На верхнем поле листа киноварная помета: на 26-й вопрос и ответ.

⁴⁰⁵⁴ На правом поле листа помета: 4 Моис. 21.

⁴⁰⁵⁵ На правом поле листа помета: 4 Царств 5.

⁴⁰⁵⁶ На верхнем поле листа киноварная помета: 26-е возражение.

⁴⁰⁵⁷ На верхнем поле листа киноварная помета: на 26-й вопрос и ответ.

⁴⁰⁵⁸ На верхнем поле листа киноварная помета: 26-е возражение.

⁴⁰⁵⁹ На левом поле листа помета: 7-го Вселенскаго собора правило 1.

⁴⁰⁶⁰ На верхнем поле листа киноварная помета: на 26-й вопрос и ответ.

⁴⁰⁶¹ На верхнем поле листа киноварная помета: 26-е возражение.

⁴⁰⁶² На левом поле листа помета: Зач. 67, стих 9, глав. 21.

⁴⁰⁶³ На левом поле листа помета: слов. 23, глав. 21.

⁴⁰⁶⁴ На левом поле листа помета: Бытия 2.

⁴⁰⁶⁵ На верхнем поле листа киноварная помета: на 26-й вопрос и ответ.

⁴⁰⁶⁶ На правом поле листа помета: Ефес. 5.

⁴⁰⁶⁷ На верхнем поле листа киноварная помета: 26-е возражение.

⁴⁰⁶⁸ На верхнем поле листа киноварная помета: на 26-й вопрос и ответ.

⁴⁰⁶⁹ На правом поле листа помета: Колос. 4; нрав. уч. 11.

⁴⁰⁷⁰ На верхнем поле листа киноварная помета: 26-е возражение.

⁴⁰⁷¹ На левом поле листа помета: 2 Корин., глав. 2; нрав. уч. 2.

⁴⁰⁷² На верхнем поле листа киноварная помета: на 26-й вопрос и ответ.

⁴⁰⁷³ На правом поле листа помета: 2 Солун. 2; нрав. уч. 3.

⁴⁰⁷⁴ На правом поле листа помета: Апокалип. слов. 23, глав. 21.

⁴⁰⁷⁵ На правом поле листа помета: Матф. 24.

⁴⁰⁷⁶ На верхнем поле листа киноварная помета: 26-е возражение.

⁴⁰⁷⁷ Слова «не бо, иже по них сложеным супротив глаголаху» в ркп. заключены в квадратные скобки.

⁴⁰⁷⁸ На верхнем поле листа киноварная помета: на 26-й вопрос и ответ.

⁴⁰⁷⁹ На правом поле листа помета: Лук. 1.

⁴⁰⁸⁰ На правом поле листа помета: Матф. 1.

⁴⁰⁸¹ На правом поле листа помета: Исаия 7.

⁴⁰⁸² На верхнем поле листа киноварная помета: 26-е возражение.

⁴⁰⁸³ На левом поле листа помета: Даниил 7; Михей 7.

⁴⁰⁸⁴ На верхнем поле листа киноварная помета: на 26-й вопрос и ответ.

⁴⁰⁸⁵ На правом поле листа помета: Матф. 1.

⁴⁰⁸⁶ На правом поле листа помета: Исаия 7.

⁴⁰⁸⁷ На верхнем поле листа киноварная помета: 26-е возражение.

⁴⁰⁸⁸ На левом поле листа помета: Исаия 29.

⁴⁰⁸⁹ На левом поле листа помета: к Рим. 10.

⁴⁰⁹⁰ На левом поле листа помета: Галат. 3.

⁴⁰⁹¹ На верхнем поле листа киноварная помета: на 26-й вопрос и ответ.

⁴⁰⁹² На правом поле листа помета: Исаия 22, нум. 1.

⁴⁰⁹³ На правом поле листа помета: Исаия.

⁴⁰⁹⁴ На правом поле листа помета: Псалом 18.

⁴⁰⁹⁵ На правом поле листа помета: к Рим. 10.

⁴⁰⁹⁶ На верхнем поле листа киноварная помета: 26-е возражение.

⁴⁰⁹⁷ На левом поле листа помета: Деян. 1.

⁴⁰⁹⁸ На левом поле листа помета: Лук. 24.

⁴⁰⁹⁹ На левом поле листа помета: Иоан. 5.

⁴¹⁰⁰ На верхнем поле листа киноварная помета: на 26-й вопрос и ответ.

⁴¹⁰¹ На правом поле листа помета: выше 1; ниже 11 и 19.

⁴¹⁰² Вписано между строк.

⁴¹⁰³ На верхнем поле листа киноварная помета: 26-е возражение.

⁴¹⁰⁴ На левом поле листа помета: Деян. 2.

⁴¹⁰⁵ На левом поле листа помета: Исаия 44; Иоль 2; Иоан. 7.

⁴¹⁰⁶ На верхнем поле листа киноварная помета: на 26-й вопрос и ответ.

⁴¹⁰⁷ На правом поле листа помета: Матф. 27; Марк 15; Лук. 23; Иоан. 19; выше 3.

⁴¹⁰⁸ На правом поле листа помета: Матф. 28; Марк 16; Лук. 24; Иоан. 20.

⁴¹⁰⁹ На верхнем поле листа киноварная помета: 26-е возражение.

⁴¹¹⁰ На левом поле листа помета: Деян. 3.

⁴¹¹¹ На верхнем поле листа киноварная помета: на 26-й вопрос и ответ.

⁴¹¹² На правом поле листа помета: Деян. 10.

⁴¹¹³ На верхнем поле листа киноварная помета: 26-е возражение.

⁴¹¹⁴ На левом поле листа помета: Иерем. 31; Михей 7; ниже 15.

⁴¹¹⁵ На левом поле листа помета: Деян. 13.

⁴¹¹⁶ На левом поле листа помета: Деян. 3.

⁴¹¹⁷ На левом поле листа помета: Деян. 16.

⁴¹¹⁸ На верхнем поле листа киноварная помета: на 26-й вопрос и ответ.

⁴¹¹⁹ На правом поле листа помета: к Рим 7.

⁴¹²⁰ Так в ркп.

⁴¹²¹ На правом поле листа помета: к Рим. 11.

⁴¹²² На верхнем поле листа киноварная помета: 26-е возражение.

⁴¹²³ На верхнем поле листа киноварная помета: на 26-й вопрос и ответ.

⁴¹²⁴ На верхнем поле листа киноварная помета: 26-е возражение.

⁴¹²⁵ На верхнем поле листа киноварная помета: на 26-й вопрос и ответ.

⁴¹²⁶ На верхнем поле листа киноварная помета: 26-е возражение.

⁴¹²⁷ На верхнем поле листа киноварная помета: на 26-й вопрос и ответ.

⁴¹²⁸ На верхнем поле листа киноварная помета: 26-е возражение.

⁴¹²⁹ На левом поле листа помета: 4 Моис. 3.

⁴¹³⁰ На верхнем поле листа киноварная помета: на 26-й вопрос и ответ.

⁴¹³¹ На правом поле листа помета: 4 Моис., глав. 8.

⁴¹³² На верхнем поле листа киноварная помета: 26-е возражение.

⁴¹³³ На левом поле листа помета: Быт. 3.

⁴¹³⁴ На верхнем поле листа киноварная помета: на 26-й вопрос и ответ.

⁴¹³⁵ На верхнем поле листа киноварная помета: 26-е возражение.

Домашняя страница
священника Владимира Кобец